Bumrungrad Clinic Yangon

18/07/2025

💡 HPV Vaccine(သားအိမ်ခေါင်းကင်ဆာ ကာကွယ်ဆေး)နဲ့ ပတ်သက်ပြီး အမေးများတဲ့ မေးခွန်းများ။

🔎 အသက်(၂၆)နှစ်တော့ကျော်ပြီ။ ကာကွယ်ဆေးထိုးလို့ရသေးလား။ ဘာတွေ အကျိုးရှိမလဲ။
✅ ထိုးလို့ရပါတယ်။ တစ်ခါမှ မထိုးဖူးသေးရင် ထိုးထားသင့်ပါတယ်။ HPV Infection ရှိပြီးသားဆိုရင်တောင် ကျန်တဲ့ HPV အမျိုးအစားတွေကို ကာကွယ်ဖို့ ထိုးပေးနိုင်ပါတယ်။

🔎 HPV infection ရှိပြီးသားဆိုတော့ အကျိုးသက်ရောက်မှု ရှိပါ့မလား။
✅ အပေါ်မှာ ပြောခဲ့သလိုပဲ တခြား HPV အမျိုးအစားတွေကို ကာကွယ်ပေးသလို တူညီတဲ့ Virus ထပ်ပြီး မကူးစက်အောင်လည်း ကာကွယ်ပေးပါတယ်။

🔎 လိင်အတွေ့အကြုံရှိပြီးရင်ရော ထိုးလို့ရသေးလား။
✅ အသက်(၉)နှစ် အထက်ကစပြီး ကျား၊ မ မရွေး ထိုးနိုင်ပါတယ်။ လိင်အတွေ့အကြုံ ရှိဖူးသူဖြစ်ဖြစ်၊ မရှိဖူးသူဖြစ်ဖြစ် ထိုးလို့ရပါတယ်။

🔎 ကာကွယ်ဆေးမထိုးခင် သားအိမ်ခေါင်းကင်ဆာအရင်စစ်ရမလား။
✅ HPV-DNA ဒါမှမဟုတ် သားအိမ်ခေါင်းကင်ဆာစစ်တာတွေ မလုပ်ပဲ ကာကွယ်ဆေးထိုးလို့ရပါတယ်။ စစ်ဆေးကြည့်လို့ HPV ပိုးတွေ့တာက အန္တရာယ်မရှိတဲ့ ပိုးအမျိုးအစား ဖြစ်နေနိုင်သလို သားအိမ်ခေါင်းမှာ ပုံမှန်မဟုတ်တဲ့ ဆဲလ်တွေ့တာတွေက HPV ကြောင့်မဟုတ်ပဲ အခြားအကြောင်းရင်းကြောင့်လည်း ဖြစ်နိုင်ပါတယ်။ ဒါကြောင့် HPV Vaccine ထဲမှာ ပါဝင်တဲ့ ပိုးအမျိုးအစားတွေကို ကာကွယ်ဖို့ ထိုးသင့်ပါတယ်။

🔎 ကိုယ်ဝန်ယူမှာ ထိုးလို့ရပါ့မလား။ ထိုးပြီးမှ ကိုယ်ဝန်ရှိနေတာ သိရင်ရော ဘာလုပ်သင့်လဲ။
✅ ကိုယ်ဝန်ဆောင်ဖို့ အစီအစဉ်ရှိသူတွေလဲ ထိုးလို့ရပါတယ်။ ကိုယ်ဝန်မဆောင်ခင်မှာ Dose ပြည့်အောင်ထိုးထားရင်တော့ ပိုသင့်တော်ပါတယ်။ ဆေးထိုးပြီးမှ ကိုယ်ဝန်ရှိလာခဲ့ရင် ကျန်တဲ့ Dose တွေကို မီးဖွားပြီးမှပဲ ဆက်ထိုးသင့်ပါတယ်။

🔎 အမျိုးသားတွေ HPV Vaccine ထိုးရင် ဘာအကျိုးရှိလဲ။
✅ HPV ကြောင့် ဖြစ်တဲ့ ခံတွင်းနှင့်လည်ချောင်းကင်ဆာ၊ လိင်တံကင်ဆာ၊ စအိုကင်ဆာနှင့် လိင်အင်္ဂါကြွက်နို့တွေကို ကာကွယ်ပေးနိုင်ပါတယ်။

🔎 HPV Vaccine က ဘယ်နှစ်မျိုးရှိလဲ? ဘာတွေ ကွာခြားလဲ?
✅ HPV 16 နှင့် 18 ကို ကာကွယ်ပေးတဲ့(၂)မျိုးစပ်ကာကွယ်ဆေး
✅ HPV 6,11,16,18 ကို ကာကွယ်ပေးတဲ့ (၄)မျိုးစပ်ကာကွယ်ဆေး
✅ HPV 6,11,16,18, 31, 33, 45, 52, 58ကို ကာကွယ်ပေးတဲ့ (၉)မျိုးစပ်ကာကွယ်ဆေးဆိုပြီး (၃)မျိုး ရှိပါတယ်။

✅ (၄)မျိုးစပ်ကာကွယ်ဆေးက သားအိမ်ခေါင်းကင်ဆာဖြစ်နိုင်‌ချေ ၇၀% နှင့် လိင်အင်္ဂါကြွက်နို့တွေကို ဖြစ်စေတဲ့ Virus ၉၀% ကို ကာကွယ်ပေးပါတယ်။ အမျိုးသားတွေမှာဆိုရင် HPV ကြောင့်ဖြစ်တဲ့ စအိုကင်ဆာနှင့် လိင်အင်္ဂါကြွက်နို့တွေကို ကာကွယ်ပေးပါတယ်။

✅ (၉)မျိုးစပ်ကာကွယ်ဆေးက သားအိမ်ခေါင်းကင်ဆာ ဖြစ်နိုင်ချေ ၉၄% နှင့် ခံတွင်းနှင့်လည်ချောင်းကင်ဆာတွေကို ဖြစ်စေတဲ့ Virus ၉၅% ကို ကာကွယ်ပေးပါတယ်။

🔎 (၂)မျိုးစပ်ရော (၄)မျိုးစပ်ရော ထိုးပြီးပြီ။ (၉)မျိုးစပ်ထပ်ထိုးသင့်လား။
✅ (၉)မျိုးစပ်ကာကွယ်ဆေးကို ဆရာဝန်နဲ့တိုင်ပင်ပြီးထပ်မံထိုးနှံနိုင်ပါတယ်။ ဒါဆိုရင် နောက်ထပ် Virus အမျိုးအစားတွေကိုပါ ထပ်ကာကွယ်ပြီးသား ဖြစ်စေပါတယ်။

🔎 (၉)မျိုးစပ်ကာကွယ်ဆေးက ဘယ်လောက် ထိရောက်လဲ။
✅ အသက် (၉)နှစ်မှ (၁၅)နှစ်အတွင်းထိုးရင် ခုခံအားများများ ပိုထွက်ပါတယ်။ ဒီခုခံအားဟာ ဆေးထိုးပြီး (၁၀)နှစ်ကြာတဲ့အချိန်မှာ ခန္ဓာကိုယ်ထဲ ၉၀% အထက် ရှိနေဆဲဖြစ်ပြီး သားအိမ်ခေါင်းကင်ဆာနှင့် လိင်အင်္ဂါကြွက်နို့တွေကို ၁၀၀% အပြည့် ကာကွယ်နိုင်ဆဲ ဖြစ်ပါတယ်။

17/07/2025

🎗️"သားအိမ်ခေါင်းကင်ဆာ ကြိုတင်ကာကွယ်ပါ”

🎗️World Health Organization (WHO) ရဲ့ စစ်တမ်းတွေအရ ကမ္ဘာတစ်ဝှမ်းက ဖွံ့ဖြိုးဆဲနိုင်ငံတွေရဲ့ ဒုတိယအဖြစ်အများဆုံး ကင်ဆာဟာ သားအိမ်ခေါင်းကင်ဆာ ဖြစ်ပါတယ်။ သားအိမ်ခေါင်းကင်ဆာဟာ Human Papillomavirus (HPV) လိင်အင်္ဂါကြွက်နို့ပိုးကူးစက်ခံရတာကြောင့် ဖြစ်ပွါးရတာပဲ ဖြစ်ပါတယ်။

🎗️HPV Infection ရှိ/ မရှိကို Pap Smear စစ်တာ၊ HPV-DNA Testing လုပ်တာနဲ့ စစ်ဆေးသိရှိနိုင်ပြီး HPV ကို ကာကွယ်ဖို့အတွက် အထိရောက်ဆုံးနည်းလမ်းကတော့ ကာကွယ်ဆေးထိုးတာပဲ ဖြစ်ပါတယ်။ ကာကွယ်ဆေးထိုးထားခြင်းဖြင့် ကူးစက်မှုကို ကာကွယ်နိုင်သလို ကင်ဆာအကြိုလက္ခဏာများ မဖြစ်လာအောင်လည်း တားဆီးပေးနိုင်ပါတယ်။ အသက် ၉ နှစ်နှင့် အထက်ကစပြီး ထိုးနှံနိုင်ပြီး စောစောထိုးနိုင်လေ ကာကွယ်ဆေးရဲ့ ထိရောက်မှုပိုများလေပဲ ဖြစ်ပါတယ်။ အသက် ၁၅ နှစ်မတိုင်ခင်မှာ ထိုးရင် ၂ ကြိမ်သာ ထိုးရန်လိုအပ်ပြီး အသက် ၁၅ နှစ်နှင့်အထက်မှ ထိုးရင်တော့ ၃ ကြိမ်ထိုးရမှာဖြစ်ပါတယ်။

🎗️HPV ဟာ လိင်ကတစ်ဆင့် ကူးစက်တတ်ပြီး မိန်းမကိုယ်နှင့် သားအိမ်ခေါင်းကင်ဆာ ဖြစ်စေတတ်ရုံတင်မကပဲ အမျိုးသားတွေမှာပါ လိင်အင်္ဂါကြွက်နို့၊ လိင်တံ၊ စအိုနှင့် လည်ချောင်းကင်ဆာ ဖြစ်စေနိုင်ပါတယ်။ HPV ကူးစက်ခံရတဲ့ အမျိုးသားတွေဟာ မျိုးမအောင်တာ၊ သားသမီးရဖို့ ခက်ခဲတာမျိုးလည်း ဖြစ်နိုင်ပါတယ်။ ဒါကြောင့် အမျိုးသားတွေလည်း HPV Vaccine ကို ထိုးထားသင့်ပါတယ်။

10/07/2025

🫀နှလုံးရောဂါ ဖြစ်စေနိုင်တဲ့ အကြောင်းရင်းတွေကို
ထိန်းချုပ်လို့ရနိုင်တဲ့ အကြောင်းရင်းများနှင့် ထိန်းချုပ်လို့မရနိုင်တဲ့ အကြောင်းရင်းများဆိုပြီး ခွဲခြားနိုင်ပါတယ်။

📌 ထိန်းချုပ်လို့ မရနိုင်တဲ့ အကြောင်းရင်းတွေကတော့-

✅ မိသားစု၊ မျိုးရိုးမှာ နှလုံးရောဂါရှိတာကြောင့်
အဘိုးအဘွား၊ မိဘနှင့် မွေးချင်းမောင်နှမတွေမှာ နှလုံးရောဂါရှိရင် သင့်မှာလည်း ဖြစ်နိုင်ချေရှိပါတယ်။

✅ အသက်အရွယ်ရလာတာကြောင့်
အသက်အရွယ်ရလာလေ သွေးကြောတွေ အားနည်းပျက်စီးလေဖြစ်တာကြောင့် နှလုံးသွေးကြောကျဉ်းရောဂါ ဖြစ်နိုင်ချေများလာပါတယ်။

✅ လိင်ကွဲပြားမှုကြောင့်
နှလုံးသွေးကြောရောဂါတွေဟာ အမျိုးသားတွေမှာ အဖြစ်များပြီး သွေးဆုံးပြီးအမျိုးသမီးတွေမှာတော့နှလုံးပြဿနာဖြစ်နိုင်ချေများပါတယ်။

📌 ထိန်းချုပ်လို့ရနိုင်တဲ့ အကြောင်းရင်းတွေကတော့-

✅ ဆေးလိပ်သောက်သုံးတာကြောင့်
ဆေးလိပ်သောက်သုံးသူတွေဟာ ဆေးလိပ်မသောက်သူတွေထက် Heart Attack ရနိုင်ချေ ၂ ဆ၊ ရုတ်တရက် နှလုံးရပ်သေဆုံးနိုင်ချေ ၄ ဆ ပို မြင့်မားပါတယ်။

✅ သွေးတိုးရောဂါကြောင့်
Heart Attack၊ နှလုံးရောဂါနှင့် Stroke (လေဖြတ်နိုင်ချေ) ပိုမြင့်မားပါတယ်။

✅ Cholesterol များတာကြောင့်
Cholesterol များလေ နှလုံးနှင့် သွေးကြောရောဂါတွေ ဖြစ်နိုင်ချေများလေ ဖြစ်ပါတယ်။

✅ ဆီးချိုရောဂါကြောင့်
သွေးတွင်းအချိုဓာတ်အမြဲတက်နေရင် သွေးကြောကျဉ်းရောဂါဖြစ်နိုင်ချေ များပါတယ်။

✅ Sedentary Lifestyle
လှုပ်ရှားမှုနည်းတဲ့ လူနေမှုပုံစံတွေကလည်း နှလုံးရောဂါဖြစ်နိုင်ချေကို မြင့်တက်စေပါတယ်။

အခြားအကြောင်းရင်းတွေကတော့ -
✅ အစားအသောက်ပုံစံမမှန်တာ၊ စိတ်ဖိစီးမှုများတာ၊ အဝလွန်တာ၊ အရက်အလွန်အကျွံသောက်တာတို့ပဲ ဖြစ်ပါတယ်။

09/07/2025

🌼 ဝါဆိုလပြည့်နေ့ အခါသမယလေးမှာ ကိုယ်စိတ်နှစ်ဖြာ ရွှင်လန်းချမ်းမြေ့ကြပါစေကြောင်း ဘမ်ရွန်ဂရက်ရန်ကုန်ဆေးခန်းမှ ဆုတောင်းမေတ္တာပို့သအပ်ပါသည်။

🌼 Bumrungrad Clinic Yangon wishes everyone a Happy Full Moon Day of Waso.

08/07/2025

🫀 နှလုံးကျန်းမာရေးမကောင်းတာ၊ နှလုံးရဲ့လုပ်ဆောင်ချက်တွေမကောင်းတာစတဲ့ အခြေအနေတွေကို ခြုံငုံပြီးနှလုံးရောဂါလို့ ဆိုကြပါတယ်။

နှလုံးရောဂါဆိုတဲ့ ခေါင်းစဉ်အောက်မှာ အမျိုးအစားတွေကို ခွဲခြားထားပါတယ်။

❤️‍🩹 Ischemic Heart Disease
နှလုံးသွေးကြောကျဉ်းရောဂါလို့ အသိများပြီး အဖြစ်များတဲ့ နှလုံးရောဂါပုံစံပဲဖြစ်ပါတယ်။ သွေးကြောတွေ ကျဉ်းလာ၊ ရောင်ရမ်းလာတာကနေ သွေးကြောတွေ မာလာပြီး သွေးလှည့်ပတ်မှုမကောင်းတော့ပဲ နှလုံးစူးအောင့်တာ၊ Heart Attack ရတတ်တဲ့ အခြေအနေဖြစ်ပါတယ်။

❤️‍🩹 Myocardial Infarction
နှလုံးသွေးကြောမကြီး ပိတ်တဲ့အခြေအနေမှာ Myocardial Infarction ဖြစ်နိုင်ပါတယ်။ သွေးကြောပိတ်တာကြောင့် နှလုံးမှာ လိုအပ်တဲ့အောက်စီဂျင်မရတဲ့အခါမှာ နှလုံးကြွက်သားပျက်စီးသွားတဲ့ အခြေအနေဖြစ်သွားပါတယ်။

❤️‍🩹 Congestive Heart Failure
ဒီအခြေအနေကတော့ နှလုံးကြွက်သားတွေ အားနည်းပျက်စီးပြီး ခန္ဓာကိုယ်အနှံ့ကို သွေးအလုံအလောက်
ရအောင် မပို့ပေးနိုင်တော့တဲ့ အခြေအနေဖြစ်ပါတယ်။

❤️‍🩹 Cardiac Arrhythmia
နှလုံးထဲမှာ ပုံမှန်မဟုတ်တဲ့ ဆဲလ်တွေက ပုံမမှန်
လျှပ်စီးကြောင်းတွေကို ထုတ်လွှတ်နေတာကြောင့် နှလုံးခုန်နှုန်းတွေ မမှန်တော့တဲ့ အခြေအနေပဲ ဖြစ်ပါတယ်။

❤️‍🩹 Valvular Heart Disease
နှလုံးအဆို့ရှင်တွေ ပုံမှန်မဟုတ်တဲ့ အခြေအနေဖြစ်ပါတယ်။ ဒီအခြေအနေကိုမှ
🔲 နှလုံးအဆို့ရှင်တွေ အပြည့်အဝမပွင့်နိုင်တဲ့ အခြေအနေ - Valve Stenosis
🔲 နှလုံးသွေးကြောနှင့် နှလုံးအဆို့ရှင်တွေ ပျက်စီး၊ မာကြောလာပြီး အဆို့ရှင်တွေ အပြည့်အဝ မပွင့်နိုင် မပိတ်နိုင်တဲ့ အခြေအနေ - Leaky Heart Valve
🔲 လေးဘက်နာနှလုံးရောဂါလို့ အသိများတဲ့ လည်ချောင်း၊ အရေပြားပိုးဝင်တာကနေ နှလုံးအဆို့ရှင်တွေအပါအဝင် အခြားတစ်သျှူးတွေကို ထိခိုက်ပျက်စီးတဲ့ အခြေအနေ - Rheumatic Heart Disease ဆိုပြီး ခွဲခြားထားပါတယ်။

05/07/2025

📌 Understanding Prostate Cancer Treatments

03/07/2025

🏥 ဘမ်ရွန်ဂရက် ကျန်းမာရေးဆွေးနွေးပွဲ

01/07/2025

🥳 Cheers to 9 Years!
💝 Grateful for Your Trust

၉ နှစ်တိုင် ယုံကြည်အားပေးခဲ့ကြတဲ့ မိတ်ဆွေများ အားလုံးအတွက် Bumrungrad Clinic Yangon ရဲ့Special Promotion ကာလလေးကို ဇူလိုင်လ (၃၁) ရက်နေ့အထိ ထပ်မံတိုးမြှင့်ပေးလိုက်တဲ့အကြောင်းလေး သတင်းကောင်းပါးလိုက်ပါတယ်ရှင့်။

🎉 Enjoy ➡️ Up to 35% OFF on check-up packages 🎊

💝 Elite
💝 Elite Vitality
💝 Platinum
💝 Diamond Health Check-up Package တွေကို

ယခင်က Bumrungrad Hospital Bangkok သို့မဟုတ် Bumrungrad Clinic Yangon မှာ ပြသဖူးသူအတွက်ဆိုရင် -
35% Discount

ယခုမှ ပထမဆုံးအကြိမ် Bumrungrad မှာ ပြသမယ့်သူတွေအတွက်ဆိုရင် -
30% Discount

ဒီလို အထူးစျေးနှုန်းနဲ့ ဇူလိုင်လအတွင်းမှာ လာရောက်စစ်ဆေးလို့ရမှာပဲ ဖြစ်ပါတယ်။

✨ ဇူလိုင်လအတွင်းမှာ လာရောက်မစစ်ဆေးဖြစ်သေးရင်လည်း ကျန်းမာရေးစစ်ဆေးခြင်း Packageတွေကို ကြိုတင်ဝယ်ယူထားရင် (၂၀၂၅) ခုနှစ်၊ ဒီဇင်ဘာလ (၃၀) ရက်နေ့အထိ နောက်ဆုံးထားပြီး အသုံးပြုလို့ရမှာဖြစ်ပါတယ်ရှင်။

🌟 ရက်ချိန်းရယူရန်၊ Package ရွေးချယ်ရန်နှင့် ကျန်းမာရေးဝန်ဆောင်မှုများကို အသေးစိတ်မေးမြန်းလိုပါက -
🏥 ဘမ်ရွန်ဂရက်ရန်ကုန်ဆေးခန်း။
အမှတ် (၉/ဘီ) မနော်ဟရီလမ်း၊ဒဂုံမြို့နယ်၊ရန်ကုန်။
ဖုန်းနံပါတ် 📲 09- 78 230 2424, 09- 45 749 4363 သို့ဆက်သွယ်မေးမြန်းနိုင်ပါတယ်ရှင့်။





#2025

27/06/2025

✴️ Sinusitis သို့မဟုတ် ထိပ်ကပ်နာ

နှာခေါင်းအတွင်းပိုင်းထဲက လေအိတ်လေးတွေ ရောင်ရမ်းတာကို Sinus Infection/ Sinusitis (ထိပ်ကပ်နာ)လို့ ခေါ်ပါတယ်။

Sinus Infection ရဲ့ လက္ခဏာတွေကတော့ နားခေါင်းပိတ်တာ၊ နှာစေးပြီး နှာရည်နောက်ပြန်ကျတာ၊ နှာခေါင်းနဲ့ မျက်လုံးနားတစ်ဝိုက် တင်းတင်းကျပ်ကျပ်ဖြစ်တာ၊ နာတာတွေ အဖြစ်များပါတယ်။ နှာခေါင်းအတွင်းပိုင်း ရောင်ရမ်းတာ၊ ပြည်ထွက်တာ၊ နှာခေါင်းထဲမှာ အလုံးအဖုလေးတွေပါ ဖြစ်တတ်ပြီး အချိန်ကြာလာတဲ့အခါ အနံ့မရတော့တာမျိုး ဖြစ်တတ်ပါတယ်။

🔶 Acute Sinusitis ဆိုရင် ဒီလက္ခဏာတွေဟာ ၄ ပတ်အောက်သာ ဖြစ်ပွါးလေ့ရှိပြီး Virus သို့မဟုတ် Bacteria ပိုးဝင်တာကြောင့် ဖြစ်တတ်ပါတယ်။

🔶 Subacute Sinusitis အခြေအနေဆိုရင်တော့ ၄ ပတ်မှ ၁၂ ပတ်အထိ ကြာမြင့်နိုင်ပါတယ်။

🔶 Chronic Sinusitis ဖြစ်ခဲ့ရင်တော့ ၁၂ ပတ်နဲ့အထက် ကြာမြင့်ပြီး နာတာရှည်နိုင်ပါတယ်။

Sinusitis ကို
🔶 Sinus X-Ray ရိုက်ကြည့်တာ
🔶 MRI scan သို့မဟုတ် CT Scan ရိုက်ကြည့်ပြီး စစ်ဆေးသိရှိနိုင်ပါတယ်။

ရောဂါလက္ခဏာ ပြင်းထန်လာရင်တော့ ဆရာဝန်နဲ့တိုင်ပင်ပြီး စစ်ဆေးကြည့်နိုင်သလို အခြားလိုအပ်တဲ့ ကုသမှုတွေကိုလည်း ခံယူနိုင်ပါတယ်။

26/06/2025

🔰 Office Syndrome အတွက် လေ့ကျင့်ခန်းများ

🔰 Office Syndrome မဖြစ်အောင် အလုပ်ချိန်အတွင်းမှာ ခေတ္တခဏ ဒီပေါ့ပေါ့ပါးပါးလေ့ကျင့်ခန်းတွေကို ပြုလုပ်ပေးနိုင်ပါတယ်။

(၁) လက်မောင်းအတွက်လေ့ကျင့်ခန်း

🔰 ခုံပေါ်မှာ မတ်မတ်ထိုင်ပါ။ လက်ချောင်းတွေကို ယှက်လိုက်ပြီး လက်ဖဝါးများကို ခန္ဓာကိုယ်နှင့် ဆန့်ကျင််ဘက်သို့ လှည့်ပါ။ ဒီအနေအထားအတိုင်း လက်ကို ရှေ့သို့ ဆန့်နိုင်သလောက် ဆန့်ထုတ်လိုက်ပါ။ ခါးကိုလဲ မတ်မတ်ထားပါ။ လက်ဆန့်ထားရင်း ၁ မှ ၁၀ အထိ ဖြည်းဖြည်းရေပါ။ လက်ကို ပြန်ချပြီး အစကနေ နောက်တစ်ကြိမ် ထပ်လုပ်ပါ။

🔰 မတ်တပ်ရပ်လိုက်ပါ။ လက်ချောင်းတွေကို ယှက်လိုက်ပါ။ လက်ဖဝါးများလှန်ပြီး လက်ကို ခေါင်းပေါ်သို့ ဆန့်နိုင်သလောက် ဆန့်ထုတ်လိုက်ပါ။ လက်ဆန့်ထားရင်း ၁ မှ ၁၀ အထိ ဖြည်းဖြည်းရေပါ။ လက်ကို ပြန်ချပြီး အစကနေ နောက်တစ်ကြိမ် ထပ်လုပ်ပါ။

(၂) နောက်ကျောနှင့် ဘေးဘက်အတွက်လေ့ကျင့်ခန်း

🔰 ညာဘက်လက်ကို မြှောက်ပြီး ဘယ်ဘက်ပခုံးကို ခေါင်းနောက်ကနေ ကျော်ထိပါ။ ဘယ်ဘက်လက်က ညာဘက်လက်ရဲ့ လက်ဖျံကို ကိုင်လိုက်ပါ။ ဒီအနေအထားအတိုင်း ခန္ဓာကိုယ်ကို ဘယ်ဘက်စောင်းချလိုက်ပါ။ ၁ မှ ၁၀ အထိ ဖြည်းဖြည်းရေပါ။ နောက်တစ်ဖက်ကိုလည်း ဒီအတိုင်း ပြုလုပ်ပေးပါ။ တစ်ဖက်ကို ၂ ကြိမ် ပြုလုပ်ပေးပါ။

(၃) လည်ပင်းအတွက် လေ့ကျင့်ခန်း

🔰 လက်ကို နောက်ပစ်ပြီး ညာဘက်လက်ကောက်ဝတ်ကို ဘယ်လက်ဖြင့် ဆွဲထားပါ။ ခေါင်းကို ဘယ်ဘက်ကို စောင်းပါ။ ၁ မှ ၁၀ အထိ ဖြည်းဖြည်းရေပါ။ နောက်တစ်ဖက်ကိုလည်း ဒီအတိုင်း ပြုလုပ်ပေးပါ။ တစ်ဖက်ကို ၂ ကြိမ် ပြုလုပ်ပေးပါ။

(၄) နောက်ကျော၊ ခါးနှင့် တင်ပါးဆုံအတွက်လေ့ကျင့်ခန်း

🔰 ခုံမှာ ထိုင်ပြီး ဘယ်ခြေထောက်ကို ညာခြေထောက်ပေါ်ချိတ်လိုက်ပါ။ ခန္ဓာကိုယ်အပေါ်ပိုင်းကို ဘယ်ဘက်သို့ လှည့်ပြီး ခုံနောက်ကျောကို လက်နှစ်ဘက်နှင့် ကိုင်ထားပါ။ ၁ မှ ၁၀ အထိ ဖြည်းဖြည်းရေပါ။ ခြေလက်များကို ဘယ်ညာပြောင်းပြီး နောက်တစ်ဖက်ကိုလည်း ဒီအတိုင်း ပြုလုပ်ပေးပါ။ တစ်ဖက်ကို ၂ ကြိမ် ပြုလုပ်ပေးပါ။

(၅) ရင်ဘတ်နှင့် ခါးအောက်ပိုင်းအတွက် လေ့ကျင့်ခန်း

🔰 ခုံမှာ ထိုင်ပြီး လက်ဖဝါးနှစ်ဖက်ကို ခါးနောက် အောက်ပိုင်းမှာ ထားပြီး ရင်ဘတ်ကို ရှေ့ဆို့ ဆန့်ထုတ်လိုက်ပါ။ ဆန့်ထားရင်း ၁ မှ ၁၀ အထိ ဖြည်းဖြည်းရေပါ။ လက်ကို ပြန်ချပြီး အစကနေ နောက်တစ်ကြိမ် ထပ်လုပ်ပါ။

(၆) လက် လေ့ကျင့်ခန်း

🔰 လက်သီးကို ဆုပ်လိုက် ဖြန့်လိုက် ၅ ကြိမ် လုပ်ပေးပါ။

25/06/2025

Only 5 days left! ⏳
Grab this opportunity before it’s gone!
📍Book your check-up now!

🥳 Cheers to 9 Years!

💝 Grateful for Your Trust

🌟 ၉ နှစ်တိုင် ယုံကြည်အားပေးခဲ့ကြတဲ့ မိတ်ဆွေများ အားလုံးအတွက် Bumrungrad Clinic Yangon ရဲ့Special Promotion!

➡️ Up to 35% OFF

💝 Elite
💝 Elite Vitality
💝 Platinum
💝 Diamond Health Check-up Package တွေကို

💝 ယခင်က Bumrungrad Hospital Bangkok သို့မဟုတ် Bumrungrad Clinic Yangon မှာ ပြသဖူးသူအတွက်ဆိုရင် - 35% Discount

💝 ယခုမှ ပထမဆုံးအကြိမ် Bumrungrad မှာ ပြသမယ့်သူ‌‌တွေအတွက်ဆိုရင် -
30% Discount

🌟 ဒီလို အထူးစျေးနှုန်းနဲ့ ဇွန်လအတွင်းမှာ လာရောက်စစ်ဆေးလို့ရမှာပဲ ဖြစ်ပါတယ်။

🌟 ဇွန်လအတွင်းမှာ လာရောက်မစစ်ဆေးဖြစ်သေးရင်လည်း ကျန်းမာရေးစစ်ဆေးခြင်း Packageတွေကို ကြိုတင်ဝယ်ယူထားရင် (၂၀၂၅) ခုနှစ်၊ ဒီဇင်ဘာလ (၃၀) ရက်နေ့အထိ နောက်ဆုံးထားပြီး အသုံးပြုလို့ရမှာဖြစ်ပါတယ်ရှင်။

🌟 ရက်ချိန်းရယူရန်၊ Package ရွေးချယ်ရန်နှင့် ကျန်းမာရေးဝန်ဆောင်မှုများကို အသေးစိတ်မေးမြန်းလိုပါက -
🏥 ဘမ်ရွန်ဂရက်ရန်ကုန်ဆေးခန်း။
အမှတ် (၉/ဘီ) မနော်ဟရီလမ်း၊ဒဂုံမြို့နယ်၊ရန်ကုန်။
ဖုန်းနံပါတ် 📲 09- 78 230 2424, 09- 45 749 4363 သို့ဆက်သွယ်မေးမြန်းနိုင်ပါတယ်ရှင့်။





#2025

24/06/2025

ကျောင်းပို့ရတော့မယ့် သားသား၊ မီးမီးတို့အတွက် ဘာကာကွယ်ဆေးတွေ ထိုးပေးသင့်လဲ?

📌 အသက် ၆ လအထက်ကစပြီး နှစ်စဉ်ရာသီတုပ်ကွေးကာကွယ်ဆေး (Influenza Vaccine)

📌 အသက် ၆ လမှ ၅ နှစ်အတွင်း ကလေးငယ်တွေအတွက် -
အသုံးအဆောင်ပစ္စည်း၊ ကစားစရာတွေကတစ်ဆင့်ကူးစက်တဲ့ Hand, Foot, Mouth Disease ဖြစ်စေတဲ့ Entrovirus ကို ကာကွယ်ဖို့အတွက် EV-71 Vaccine

📌 အသက် ၄ နှစ်အထက် ကလေးတွေကို သွေးလွန်တုပ်ကွေးကာကွယ်ဆေး

📌 အသည်းရောင်၊ အသားဝါ A နှင့် B ကာကွယ်ဆေး

ဒီကာကွယ်ဆေးတွေကို ထိုးနှံပေးထားသင့်ပါတယ်။