Bumrungrad Clinic Yangon

13/08/2025

💊 Sunshine Vitamin or Vitamin D

💊 Vitamin D ဟာ အရိုးကျန်းမာရေးနှင့် ကိုယ်ခံအားစနစ်အတွက် အရေးပါတဲ့ Vitamin တစ်မျိုးဖြစ်ပါတယ်။ Vitamin D ကို နေရောင်ခြည်ကနေတဆင့် အရေပြားအောက်မှာ ထုတ်လုပ်ပါတယ်။ အစားအစာတွေက တစ်ဆင့်လည်း ရရှိနိုင်ပါတယ်။ ဥပမာ- အဆီများတဲ့ ငါးတွေ (Salmon, Sardines, Tuna)၊ ငါးကြီးဆီ၊ ကြက်ဥအနှစ်၊ နွားနို့နှင့် Vitamin D ဖြည့်စွက်ထားတဲ့ အစားအစာတွေ။

💊 အရွယ်ရောက်ပြီး လူတစ်ယောက်အတွက် တစ်နေ့ကို 1,500 IU ကနေ 2,000 IU အထိ ပျှမ်းမျှလိုအပ်ပါတယ်။ ဒါကို ပြည့်ဖို့အတွက် လိုအပ်တဲ့ နေရောင်ခြည်ပမာဏဟာ လူတစ်ယောက်ရဲ့ အသက်အရွယ်၊ အသားအရောင်၊ နေရောင်ခြည်ရရှိမှုနှင့် အချို့ရောဂါအခံ ရှိ/မရှိစတာတွေအပေါ် မူတည်ပြီး ကွဲပြားပါတယ်။

💊 Vitamin D မလုံလောက်တာနှင့် Vitamin D ချို့တဲ့တာက ယနေ့ခေတ်မှာ အဖြစ်များလာနေပါတယ်။ ခန္ဓာကိုယ်မှာ Vitamin D မလုံလောက်ရင် အရိုးသိပ်သည်းဆတွေ လျော့ကျလာပြီး အရိုးပါး၊ အရိုးပွဖြစ်လာတာ၊ သွေးထဲမှာ Calcium ပမာဏတွေ နည်းလာတာနှင့် အရိုးကျိုးလွယ်တာတွေ ဖြစ်တတ်ပါတယ်။ အကြောင်းရင်းသေချာမရှိပဲ ပင်ပန်းနွမ်းနယ်နေတတ်တာ၊ ခါးနာတာ၊ ဆံပင်တွေကျွတ်တာ၊ အနာကျက်နှေးတာ၊ ကိုယ်အလေးချိန်တက်လာတာနှင့် စိတ်ဓာတ်ကျလွယ်နေတာတွေကလည်း Vitamin D မလုံလောက်တာကြောင့် ဖြစ်နေတတ်ပါတယ်။ ဒါကြောင့် အရိုးကျန်းမာရေးအတွက်အပြင် ခန္ဓာကိုယ်တစ်ခုလုံးကျန်းမာရေးအတွက်ပါ Vitamin D လုံလောက်မှု ရှိ၊ မရှိကို စစ်ဆေးကုသဖို့ အရေးကြီးပါတယ်။ Vitamin D ကို လုံလောက်အောင် ထိန်းညှိထားတာက ကိုယ်ခံအား၊ ကြွက်သားနှင့် နှလုံးသွေးကြောကျန်းမာရေးကို တိုးတက်ကောင်းမွန်စေပါတယ်။

💡အစားအသောက်တွေကနေ Vitamin D လုံလုံလောက်လောက်မရနိုင်တဲ့အခါ (ကလေးငယ်တွေနှင့် သက်ကြီးရွယ်အိုတွေ)
💡နေရောင်ခြည်နှင့် ထိတွေ့မှုနည်းတဲ့အခါ
💡အစာအိမ်နှင့် အူလမ်းကြောင်းရောဂါအခံတွေကြောင့် ခန္ဓာကိုယ်က Vitamin D ကို မစုပ်ယူနိုင်တဲ့အခါ
💡နာတာရှည် အသည်းနှင့် ကျောက်ကပ်ရောဂါတွေကြောင့် Vitamin D ထုတ်လုပ်ပေးတဲ့ Enzymes တွေ မရှိတဲ့အခါ.... Vitamin D မလုံလောက်တာ/ ချို့တဲ့တာတွေ ဖြစ်လာပါတယ်။

💊 Vitamin D ပမာဏကို သွေးကတစ်ဆင့် 25-hydroxy-vitamin D (25OH-D) Test ဖြင့် စစ်ဆေးသိရှိနိုင်ပြီး
💡25OH-D Concentration
…20-29 ng/ml ပဲ ရှိရင် Vitamin D မလုံလောက်တဲ့ အခြေအနေဖြစ်ပြီး၊
…20 ng/ml အောက် ဖြစ်နေရင်တော့ Vitamin D ချို့တဲ့နေတာ ဖြစ်ပါတယ်။

💊 Vitamin D ကို ဖြည့်စွက်ဆေးဝါးတွေကို Vitamin D2/ Vitamin D3 အနေတဲ့ Dose အမျိုးမျိုး၊ ပုံစံအမျိုးမျိုးနဲ့ စျေးကွက်ထဲမှာ ရရှိနိုင်ပါတယ်။ မိမိရဲ့ Vitamin D ပမာဏအပေါ်မူတည်ပြီး ပြန်ဖြည့်စွက်ဖို့ လိုအပ်တဲ့ပမာဏကို ဆရာဝန်နဲ့ တိုင်ပင်ပြီး ညွှန်ကြားတဲ့အတိုင်း စနစ်တကျ သောက်သုံးပေးသွားရမှာပဲ ဖြစ်ပါတယ်။

09/08/2025

🤎 လူကြီးမင်းတို့၏ ကျန်းမာရေးဆိုင်ရာလိုအပ်မှုများအတွက် ဘမ်ရွန်ဂရက် ရန်ကုန်ဆေးခန်းကို ရွေးချယ်သည့်အတွက် ကျေးဇူးအထူးတင်ရှိပါသည်။

🍀 ဝန်ဆောင်မှုများ စဉ်ဆက်မပြတ်တိုးတက်စေရေးအတွက် လူကြီးမင်းတို့ အကြံပြုလိုသည်များကို အောက်ဖော်ပြပါ Customer Satisfaction Survey Form တွင်ဖြည့်စွက်ပေးခဲ့နိုင်ပါသည်။ Barcode Scan ဖတ်၍လည်း ဖြည့်စွက်ပေးခဲ့နိုင်ပါသည်။

📌 " ဝန်ဆောင်မှုနှင့်ပတ်သက်၍ လူကြီးမင်းတို့၏ စိတ်ကျေနပ်မှု စစ်တမ်း "

🍀 Myanmar Version
https://forms.office.com/r/9nYf3Sfps4

🍀 English Version
https://forms.office.com/r/vBdubPg3Jy

🤎 လူကြီးမင်းတို့၏ တန်ဖိုးရှိသော ဝေဖန်အကြံပြုချက်များကို တန်ဖိုးထားမှတ်သား၍ အချိန်နှင့်တပြေးညီ ပြုပြင်ဆောင်ရွက်ပေးလျက်ရှိပါသည်။

08/08/2025

💠 Rabies ကို ခွေးရူးပြန်ရောဂါလို့ ခေါ်ကြပေမယ့် ရောဂါပိုးရှိတဲ့ ခွေးအပြင် တောရိုင်းတိရစ္ဆာန်နှင့် အခြားနို့တိုက်သတ္တဝါတွေကနေလည်း ကူးစက်နိုင်ပါတယ်။ ရောဂါပိုးရှိတဲ့ တိရစ္ဆာန်တွေ ကိုက်ခံရတာကနေတစ်ဆင့်ကူးစက်ပြီး ကိုက်ခံရပြီးကာစမှာ ဘာလက္ခဏာမှ မပြတတ်ပဲ တစ်ပတ်ကျော် (သို့မဟုတ်) ၁ လကျော်မှ -
-ဖျားနာတာ
-ပင်ပန်းနွမ်းနယ်တာ
-စိတ်မရှည်၊ စိတ်ဆတ်လာတာကနေ
-တက်တာ
-ထင်ယောင်ထင်မှားဖြစ်တာ
-အကြောဆွဲတာတွေဖြစ်ပြီး အသက်သေဆုံးနိုင်ပါတယ်။ Rabiesဟာ ကူးစက်ခံရတဲ့ လူတိုင်းနီးပါးသေဆုံးတတ်တဲ့အထိ အန္တရာယ်ကြီးပါတယ်။

💠 ဒါကြောင့် Rabies Vaccine (ခွေးရူးပြန်ရောဂါကာကွယ်ဆေး)ကို
-တိရစ္ဆာန်ဆေးကုဆရာဝန်တွေ
-တိရစ္ဆာန်တွေနဲ့ အမြဲထိတွေ့ ကိုင်တွယ်နေရသူတွေ
-Rabies အဖြစ်များတဲ့နေရာတွေကို ခရီးသွားလာမယ့်သူတွေ ကြိုတင်ထိုးနှံထားသင့်ပါတယ်။ ဒါကို Preventive Vaccination လို့ခေါ်ပြီး ၃ ကြိမ်ထိုးနှံပေးရမှာဖြစ်ပါတယ်။ Intramuscular(IM) (သို့မဟုတ်) Intradermal(ID)လမ်းကြောင်းဖြင့်
-ပထမအကြိမ်
-ပထမအကြိမ်နှင့် ၇ ရက်အကြာမှာတစ်ကြိမ်
-ပထမအကြိမ်နှင့် ၂၁ ရက်သို့မဟုတ် ၂၈ရက်အကြာမှာ တစ်ကြိမ်
စုစုပေါင်း ၃ ကြိမ် ထိုးနှံပေးရမှာ ဖြစ်ပါတယ်။

💠 ကြိုတင်ကာကွယ်ဆေး အပြည့်အစုံထိုးထားပြီးရင် နောက်ပိုင်း ခွေးသို့မဟုတ် အခြားတိရစ္ဆာန် အကိုက်ခံရခဲ့ရင် -
-ကြိုတင်ကာကွယ်ဆေးထိုးပြီးထားတဲ့
၆ လအတွင်းဆို နောက်ထပ် ဆေးတစ်ကြိမ်
-၆ လနောက်ပိုင်းဆိုရင်တော့ ၃ ရက်ခြားပြီး ဆေး ၂ ကြိမ်ပဲ ထပ်ထိုးဖို့လိုအပ်ပါတယ်။

💠 ကာကွယ်ဆေးမထိုးထားခဲ့ဖူးပဲ အကိုက်ခံရရင်တော့ -
Intramuscularလမ်းကြောင်းနဲ့ဆိုရင် -
ပထမအကြိမ်
ပထမအကြိမ်နှင့် ၃ ရက်အကြာမှာတစ်ကြိမ်
ပထမအကြိမ်နှင့် ၇ ရက်အကြာမှာတစ်ကြိမ်
ပထမအကြိမ်နှင့် ၁၄ ရက်အကြာမှာတစ်ကြိမ်
ပထမအကြိမ်နှင့် ၂၈ရက်အကြာမှာ တစ်ကြိမ်
စုစုပေါင်း ၅ ကြိမ် ထိုးနှံပေးရမှာ ဖြစ်ပါတယ်။

Intradermal(ID)လမ်းကြောင်းနဲ့ဆိုရင် -
ပထမအကြိမ်
ပထမအကြိမ်နှင့် ၃ ရက်အကြာမှာတစ်ကြိမ်
ပထမအကြိမ်နှင့် ၇ ရက်အကြာမှာတစ်ကြိမ်
ပထမအကြိမ်နှင့် ၂၈ရက်အကြာမှာ တစ်ကြိမ်
စုစုပေါင်း ၄ ကြိမ် ထိုးနှံပေးရမှာ ဖြစ်ပါတယ်။

💠 Rabies Vaccine ကို စနစ်တကျ ပြည့်ပြည့်စုံစုံထိုးနှံမှသာ ရောဂါကို ပြည့်ပြည့်ဝဝကာကွယ်ပေးနိုင်မှာဖြစ်လို့ အားလုံးလေ့လာနိုင်ဖို့ တင်ပြပေးလိုက်ပါတယ်ရှင်။

01/08/2025

🏥 ဘမ်ရွန်ဂရက် ကျန်းမာရေးဆွေးနွေးပွဲ

01/08/2025

🤎 နှလုံးကျန်းမာရေးအတွက် ဖြည့်စွက်ရမယ့် အစားအစာ ၆ မျိုး

🤎 မနက်စာအတွက် Oatmeal
Oatmeal တွေဟာ အာဟာရဓာတ်ပြည့်ဝတဲ့အပြင် နှလုံးကျန်းမာရေးအတွက်လည်း အထောက်အကူပြုပါတယ်။ အမျှင်ဓာတ်လည်းများလို့ အဆာခံ၊ တင်းတိမ်စေသလို Glycemic Index နိမ့်လို့ ဆီးချိုရောဂါရှင်တွေအတွက်လည်း သင့်တော်ပါတယ်။

🤎 ဆလပ်ရွက်အပြင် ဟင်းနုနွယ်ရွက်
Salad တွေမှာ သုံးနေကျ ဆလပ်ရွက်တွေအစား Spinach (ဟင်းနုနွယ်ရွက်)ကို အစားထိုး စားသုံးကြည့်ပါ။ Antioxidant တွေဖြစ်တဲ့ Vitamin A, C, E အပြင် Magnesium, Selenium နှင့် Zinc တွေ အများအပြားပါဝင်လို့ သွေးကြောတွေကို ကျန်းမာစေပြီး သွေးတိုးတာ၊ သွေးကြောပိတ်တာတွေကို ကာကွယ်ပေးပါတယ်။

🤎 Salmon နှင့် အဆီပြည့်ဝတဲ့ငါးတွေ
နှလုံးအတွက်အကျိုးပြုတဲ့ Omega-3 Fatty Acid တွေ ကြွယ်ဝတဲ့အပြင် Vitamin B, D, Protein နှင့် Selenium တွေလည်း ကြွယ်ဝပါတယ်။

🤎 အသီးဆို Blueberry
Antioxidant တွေနဲ့ Vitamin C ကြွယ်ဝပြီး သွေးကြောနံရံတွေ ရောင်ရမ်းတာကို လျှော့ချပေးနိုင်လို့ Heart Attack မဖြစ်အောင် ကာကွယ်ပေးပါတယ်။

🤎 အသီးအရွက်ဆို Broccoli
Vitamin A, B1, B6, C, E နှင့် K အပြင် အမျှင်ဓာတ်၊ Calcium, Omega-3, Folate, Iron, Potassium, Protein တွေ ပါဝင်ပြီး နှလုံးညှစ်အားကို ကောင်းမွန်စေသလို အောက်စီဂျင်မလုံလောက်တဲ့ အခြေအနေတွေမှာလည်း နှလုံးမထိခိုက်အောင် ကာကွယ်ပေးနိုင်ပါတယ်။

🤎 Snack အတွက်ဆို သစ်ကြားသီး
သွေးထဲက မကောင်းတဲ့ LDL တွေကို လျှော့ချပေးလို့ နှလုံးသွေးကြော မပိတ်အောင်နှင့် သွေးပေါင်ပုံမှန်ဖြစ်အောင် ထိန်းညှိပေးပါတယ်။

29/07/2025

Only 3 days left! ⏳
Grab this opportunity before it’s gone!
📍 Book your check-up now!

🥳 Cheers to 9 Years!
💝 Grateful for Your Trust

၉ နှစ်တိုင် ယုံကြည်အားပေးခဲ့ကြတဲ့ မိတ်ဆွေများ အားလုံးအတွက် Bumrungrad Clinic Yangon ရဲ့Special Promotion ကာလလေးကို ဇူလိုင်လ (၃၁) ရက်နေ့အထိ ထပ်မံတိုးမြှင့်ပေးလိုက်တဲ့အကြောင်းလေး သတင်းကောင်းပါးလိုက်ပါတယ်ရှင့်။

🎉 Enjoy ➡️ Up to 35% OFF on check-up packages 🎊

💝 Elite
💝 Elite Vitality
💝 Platinum
💝 Diamond Health Check-up Package တွေကို

ယခင်က Bumrungrad Hospital Bangkok သို့မဟုတ် Bumrungrad Clinic Yangon မှာ ပြသဖူးသူအတွက်ဆိုရင် -
35% Discount

ယခုမှ ပထမဆုံးအကြိမ် Bumrungrad မှာ ပြသမယ့်သူတွေအတွက်ဆိုရင် -
30% Discount

ဒီလို အထူးစျေးနှုန်းနဲ့ ဇူလိုင်လအတွင်းမှာ လာရောက်စစ်ဆေးလို့ရမှာပဲ ဖြစ်ပါတယ်။

✨ ဇူလိုင်လအတွင်းမှာ လာရောက်မစစ်ဆေးဖြစ်သေးရင်လည်း ကျန်းမာရေးစစ်ဆေးခြင်း Packageတွေကို ကြိုတင်ဝယ်ယူထားရင် (၂၀၂၅) ခုနှစ်၊ ဒီဇင်ဘာလ (၃၀) ရက်နေ့အထိ နောက်ဆုံးထားပြီး အသုံးပြုလို့ရမှာဖြစ်ပါတယ်ရှင်။

🌟 ရက်ချိန်းရယူရန်၊ Package ရွေးချယ်ရန်နှင့် ကျန်းမာရေးဝန်ဆောင်မှုများကို အသေးစိတ်မေးမြန်းလိုပါက -
🏥 ဘမ်ရွန်ဂရက်ရန်ကုန်ဆေးခန်း။
အမှတ် (၉/ဘီ) မနော်ဟရီလမ်း၊ဒဂုံမြို့နယ်၊ရန်ကုန်။
ဖုန်းနံပါတ် 📲 09- 78 230 2424, 09- 45 749 4363 သို့ဆက်သွယ်မေးမြန်းနိုင်ပါတယ်ရှင့်။





#2025

28/07/2025

♦️ ဗိုင်းရပ်ကြောင့်ဖြစ်တဲ့ အသည်းရောင်ရောဂါနဲ့ ပတ်သက်ပြီး လူတိုင်းသတိပြုဂရုစိုက်နိုင်ကြဖို့ ရည်ရွယ်ပြီး World Hepatitis Day (ကမ္ဘာ့အသည်းရောင်ရောဂါနေ့) ကို နှစ်စဉ် ဇူလိုင်လ ၂၈ ရက်နေ့မှာ သတ်မှတ်ထားပါတယ်။

♦️ ယခု ၂၀၂၅ အတွက် Theme ကတော့ "Hepatitis: Let’s Break It Down" ပဲ ဖြစ်ပါတယ်။

♦️ အသည်းရောင်ရောဂါနှင့် နောက်ဆက်တွဲ အသည်းကင်ဆာဖြစ်ပွါးတာကို အဆုံးသတ်ဖို့ ဘဏ္ဍာရေး၊လူမှုရေးစတဲ့ အခက်အခဲတွေရှိနေဆဲဖြစ်ပြီး ဒီအခက်အခဲတွေကို ကျော်လွှားနိုင်ဖို့ အမြန်ဆောင်ရွက်ရန်လိုအပ်နေကြောင်း လှုံ့ဆော်ဖို့ ရည်ရွယ်ပါတယ်။

♦️ နာတာရှည် အသည်းရောင်ရောဂါ B နှင့် C ကြောင့် အသည်းကင်ဆာအထိဖြစ်နိုင်ပါတယ်။ အသည်းရောင် B ပိုးကို ကာကွယ်ဆေးထိုး ကာကွယ်လို့ရပြီး ကူးစက်ခံရပြီးသားဆိုရင်တော့ ဆေးဝါးပုံမှန်စနစ်တကျသောက်သုံးပြီး ထိန်းထားနိုင်ပါတယ်။ အသည်းရောင် C ပိုးကတော့ ဆေးဝါးတွေနဲ့ အမြစ်ပြတ်ကုသနိုင်ပါတယ်။ ဒါကြောင့် လိုအပ်တဲ့ ကာကွယ်မှုတွေ၊ ကုသမှုတွေ ရနိုင်စေဖို့ လက်တွဲလုပ်ဆောင်ကြရန်လိုအပ်နေကြောင်း ဒီ Campaign က အသိပေးလျက်ရှိပါတယ်။

26/07/2025

🧑‍⚕️ ဆီးချိုရောဂါဟာ နှလုံးသွေးကြောပြဿနာတွေဖြစ်စေနိုင်တဲ့ Independent Risk Factor တစ်ခုဖြစ်ပါတယ်။ ဆီးချိုဝေဒနာရှင်တွေအနေနဲ့ ကျန်းမာရေးကို ဂရုစိုက်ပြီး ဆေးဝါးတွေနဲ့ စနစ်တကျထိန်းထားရင် နှလုံးသွေးကြောပြဿနာတွေကို ကာကွယ်နိုင်မှာပဲ ဖြစ်ပါတယ်။

🧑‍⚕️ အဓိကအားဖြင့် -

✅ ဆရာဝန်နှင့် ပုံမှန် Check-up လုပ်တာ၊ဆီးချိုရောဂါနဲ့ ပတ်သက်တဲ့ အချက်အလက်တွေကို သင်ယူလေ့လာပြီး လိုက်နာဆောင်ရွက်တာ၊အစားအစာကို ဆရာဝန်နဲ့ တိုင်ပင်ပြီး စနစ်တကျစားတာ

✅ စားသောက်နေထိုင်မှုပုံစံနှင့် ဆေးဝါးတွေရဲ့ ထိရောက်မှု အတိုင်းအတာကို သိပြီး ချိန်ဆထိန်းညှိနိုင်ဖို့ ဆီးနှင့် သွေးကို ပုံမှန် စစ်ဆေးတာ

✅ ကျန်းမာရေးနှင့် ညီညွတ်တဲ့ စားသောက်မှုပုံစံအတိုင်း စားတာ

✅ လိုအပ်တဲ့ ဆေးဝါးတွေ ပုံမှန်သောက်တာ

✅ ကိုယ်အလေးချိန်လျှော့တာ/ ထိန်းတာ

✅ လေ့ကျင့်ခန်းပုံမှန်လုပ်တာ

ဒါတွေကို ဆောင်ရွက်ပေးနိုင်ပါတယ်။

26/07/2025

✨ ခန္ဓာကိုယ်မှာ Bad Cholesterol တွေ များလာတဲ့အခါ သွေးကြောနံရံတွေပေါ်မှာ စုပုံလာပြီး သွေးကြောတွေကို ကျဉ်းလာစေပါတယ်။ သွေးကြောတွေ ရောင်ရမ်းနေတဲ့အချိန်မှာဆိုရင် သွေးကြောပေါက်တာ၊ သွေးခဲပိတ်တာတွေအထိ ဖြစ်နိုင်ပါတယ်။ Cholesterol များလေ နှလုံးနှင့် သွေးကြောရောဂါတွေ ဖြစ်နိုင်ချေများလေ ဖြစ်ပါတယ်။

✨ High Blood Cholesterol Level ဖြစ်စေတဲ့ အကြောင်းရင်းတွေကတော့ -

-အစားအသောက်ပုံစံမှားတာ
(ဥပမာ-အနီရောင်အသားတွေ အလွန်အကျွံစားတာ၊ Trans Fat တွေများတဲ့ အစားအစာတွေ အစားများတာ)

-BMI 30 နဲ့ အထက်ဖြစ်နေတာ၊ အဝလွန်နေတာ

-လေ့ကျင့်ခန်းမလုပ်တာ

-ဆေးလိပ်သောက်တာ၊ ဆေးလိပ်သောက်တဲ့သူနားမှာ အမြဲနေတာ

-အသက် ၆၅ နှစ် အထက်ဖြစ်လာတာ (ခန္ဓာကိုယ်မှာ ဇီဝကမ္မဖြစ်စဉ်တွေ နှေးလာတာကြောင့်)

-ဆီးချိုရှိတာနှင့် ဆီးချိုရောဂါ မျိုးရိုးရှိတာ

- နှလုံး၊ ကျောက်ကပ်၊ သွေးတိုးရောဂါနှင့် သွေးတွင်းအဆီများတတ်တဲ့ မိသားစုမျိုးရိုးရှိတာ
ဒီအချက်တွေပဲ ဖြစ်ပါတယ်။

24/07/2025

📌 သွေးတိုးရောဂါကြောင့် ခန္ဓာကိုယ်မှာ ဘာတွေဖြစ်နိုင်လဲ?

🫀 သွေးတိုးရောဂါကြောင့် နှလုံးမှာ ဝန်ပိုစေတဲ့အပြင်

-သွေးကြောရဲ့ အတွင်းဘက်မျက်နှာပြင်မှာ အဆီနှင့် Fibrous Material တွေ စုပုံလာစေပြီး သွေးကြောကျဉ်းရောဂါကို ဖြစ်စေနိုင်ပါတယ်။

-နှလုံးကနေ သွေးတွေ လုံလုံလောက်လောက် မညှစ်ထုတ်ပေးနိုင်တော့တဲ့ နှလုံးရောဂါကို ဖြစ်စေနိုင်ပါတယ်။

-နှလုံးက လိုတာထက်ပိုပြီး အလုပ်လုပ်ရတာကြောင့် နှလုံးရဲ့နံရံတွေ ထူလာပြီး နှလုံးကြီးတာ၊ နှလုံးရပ်တာတွေ ဖြစ်နိုင်ပါတယ်။

-အားနည်းပျက်စီးလာတဲ့ သွေးကြောတွေကြောင့် ကျောက်ကပ်ဆီကို သွေးတွေ လုံလုံလောက်လောက်မရောက်တော့ပဲ ကျောက်ကပ်ရောဂါကိုလည်း ဖြစ်စေနိုင်ပါတယ်။

-ဦးနှောက်သွေးကြောပိတ်တာကြောင့် လေဖြတ်တာ၊ အသက်ဆုံးရှုံးရတာလည်း ဖြစ်နိုင်ပါတယ်။

-မျက်လုံးသွေးကြောပြဿနာဖြစ်ပြီး အမြင်ဝေဝါးသွားတာ၊ အမြင်အာရုံဆုံးရှုံးရတာမျိုးအထိ ဖြစ်နိုင်ပါတယ်။

19/07/2025

🇲🇲 (၇၈)ကြိမ်မြောက် အာဇာနည်နေ့ 🇲🇲

ယနေ့ကျရောက်သော (၇၈)ကြိမ်‌မြောက် အာဇာနည်နေ့တွင် ဗိုလ်ချုပ်အောင်ဆန်းနှင့်တကွ ကျဆုံးလေပြီးသော အာဇာနည် ခေါင်းဆောင်ကြီးများအား လေးစားစွာ ဂါရဝပြုအပ်ပါသည်။

18/07/2025

💡 HPV Vaccine(သားအိမ်ခေါင်းကင်ဆာ ကာကွယ်ဆေး)နဲ့ ပတ်သက်ပြီး အမေးများတဲ့ မေးခွန်းများ။

🔎 အသက်(၂၆)နှစ်တော့ကျော်ပြီ။ ကာကွယ်ဆေးထိုးလို့ရသေးလား။ ဘာတွေ အကျိုးရှိမလဲ။
✅ ထိုးလို့ရပါတယ်။ တစ်ခါမှ မထိုးဖူးသေးရင် ထိုးထားသင့်ပါတယ်။ HPV Infection ရှိပြီးသားဆိုရင်တောင် ကျန်တဲ့ HPV အမျိုးအစားတွေကို ကာကွယ်ဖို့ ထိုးပေးနိုင်ပါတယ်။

🔎 HPV infection ရှိပြီးသားဆိုတော့ အကျိုးသက်ရောက်မှု ရှိပါ့မလား။
✅ အပေါ်မှာ ပြောခဲ့သလိုပဲ တခြား HPV အမျိုးအစားတွေကို ကာကွယ်ပေးသလို တူညီတဲ့ Virus ထပ်ပြီး မကူးစက်အောင်လည်း ကာကွယ်ပေးပါတယ်။

🔎 လိင်အတွေ့အကြုံရှိပြီးရင်ရော ထိုးလို့ရသေးလား။
✅ အသက်(၉)နှစ် အထက်ကစပြီး ကျား၊ မ မရွေး ထိုးနိုင်ပါတယ်။ လိင်အတွေ့အကြုံ ရှိဖူးသူဖြစ်ဖြစ်၊ မရှိဖူးသူဖြစ်ဖြစ် ထိုးလို့ရပါတယ်။

🔎 ကာကွယ်ဆေးမထိုးခင် သားအိမ်ခေါင်းကင်ဆာအရင်စစ်ရမလား။
✅ HPV-DNA ဒါမှမဟုတ် သားအိမ်ခေါင်းကင်ဆာစစ်တာတွေ မလုပ်ပဲ ကာကွယ်ဆေးထိုးလို့ရပါတယ်။ စစ်ဆေးကြည့်လို့ HPV ပိုးတွေ့တာက အန္တရာယ်မရှိတဲ့ ပိုးအမျိုးအစား ဖြစ်နေနိုင်သလို သားအိမ်ခေါင်းမှာ ပုံမှန်မဟုတ်တဲ့ ဆဲလ်တွေ့တာတွေက HPV ကြောင့်မဟုတ်ပဲ အခြားအကြောင်းရင်းကြောင့်လည်း ဖြစ်နိုင်ပါတယ်။ ဒါကြောင့် HPV Vaccine ထဲမှာ ပါဝင်တဲ့ ပိုးအမျိုးအစားတွေကို ကာကွယ်ဖို့ ထိုးသင့်ပါတယ်။

🔎 ကိုယ်ဝန်ယူမှာ ထိုးလို့ရပါ့မလား။ ထိုးပြီးမှ ကိုယ်ဝန်ရှိနေတာ သိရင်ရော ဘာလုပ်သင့်လဲ။
✅ ကိုယ်ဝန်ဆောင်ဖို့ အစီအစဉ်ရှိသူတွေလဲ ထိုးလို့ရပါတယ်။ ကိုယ်ဝန်မဆောင်ခင်မှာ Dose ပြည့်အောင်ထိုးထားရင်တော့ ပိုသင့်တော်ပါတယ်။ ဆေးထိုးပြီးမှ ကိုယ်ဝန်ရှိလာခဲ့ရင် ကျန်တဲ့ Dose တွေကို မီးဖွားပြီးမှပဲ ဆက်ထိုးသင့်ပါတယ်။

🔎 အမျိုးသားတွေ HPV Vaccine ထိုးရင် ဘာအကျိုးရှိလဲ။
✅ HPV ကြောင့် ဖြစ်တဲ့ ခံတွင်းနှင့်လည်ချောင်းကင်ဆာ၊ လိင်တံကင်ဆာ၊ စအိုကင်ဆာနှင့် လိင်အင်္ဂါကြွက်နို့တွေကို ကာကွယ်ပေးနိုင်ပါတယ်။

🔎 HPV Vaccine က ဘယ်နှစ်မျိုးရှိလဲ? ဘာတွေ ကွာခြားလဲ?
✅ HPV 16 နှင့် 18 ကို ကာကွယ်ပေးတဲ့(၂)မျိုးစပ်ကာကွယ်ဆေး
✅ HPV 6,11,16,18 ကို ကာကွယ်ပေးတဲ့ (၄)မျိုးစပ်ကာကွယ်ဆေး
✅ HPV 6,11,16,18, 31, 33, 45, 52, 58ကို ကာကွယ်ပေးတဲ့ (၉)မျိုးစပ်ကာကွယ်ဆေးဆိုပြီး (၃)မျိုး ရှိပါတယ်။

✅ (၄)မျိုးစပ်ကာကွယ်ဆေးက သားအိမ်ခေါင်းကင်ဆာဖြစ်နိုင်‌ချေ ၇၀% နှင့် လိင်အင်္ဂါကြွက်နို့တွေကို ဖြစ်စေတဲ့ Virus ၉၀% ကို ကာကွယ်ပေးပါတယ်။ အမျိုးသားတွေမှာဆိုရင် HPV ကြောင့်ဖြစ်တဲ့ စအိုကင်ဆာနှင့် လိင်အင်္ဂါကြွက်နို့တွေကို ကာကွယ်ပေးပါတယ်။

✅ (၉)မျိုးစပ်ကာကွယ်ဆေးက သားအိမ်ခေါင်းကင်ဆာ ဖြစ်နိုင်ချေ ၉၄% နှင့် ခံတွင်းနှင့်လည်ချောင်းကင်ဆာတွေကို ဖြစ်စေတဲ့ Virus ၉၅% ကို ကာကွယ်ပေးပါတယ်။

🔎 (၂)မျိုးစပ်ရော (၄)မျိုးစပ်ရော ထိုးပြီးပြီ။ (၉)မျိုးစပ်ထပ်ထိုးသင့်လား။
✅ (၉)မျိုးစပ်ကာကွယ်ဆေးကို ဆရာဝန်နဲ့တိုင်ပင်ပြီးထပ်မံထိုးနှံနိုင်ပါတယ်။ ဒါဆိုရင် နောက်ထပ် Virus အမျိုးအစားတွေကိုပါ ထပ်ကာကွယ်ပြီးသား ဖြစ်စေပါတယ်။

🔎 (၉)မျိုးစပ်ကာကွယ်ဆေးက ဘယ်လောက် ထိရောက်လဲ။
✅ အသက် (၉)နှစ်မှ (၁၅)နှစ်အတွင်းထိုးရင် ခုခံအားများများ ပိုထွက်ပါတယ်။ ဒီခုခံအားဟာ ဆေးထိုးပြီး (၁၀)နှစ်ကြာတဲ့အချိန်မှာ ခန္ဓာကိုယ်ထဲ ၉၀% အထက် ရှိနေဆဲဖြစ်ပြီး သားအိမ်ခေါင်းကင်ဆာနှင့် လိင်အင်္ဂါကြွက်နို့တွေကို ၁၀၀% အပြည့် ကာကွယ်နိုင်ဆဲ ဖြစ်ပါတယ်။