07/12/2025
သွားနှင့်ရေခဲ
အေးတဲ့အရာတွေကို စားသောက်လိုက်တဲ့အခါ စူးခနဲ နာကျင်ခြင်းကို ခံစားရတတ်ပါတယ်။
နာကျင်ရခြင်းရဲ့ အကြောင်းအရင်းများ
သွားကြွေလွှာ တိုက်စားခံရခြင်း သို့မဟုတ် သွားဖုံးများ နောက်ဆုတ်ခြင်းကြောင့် အအေးဓာတ်က အာရုံကြောများဆီကို အအေးဓာတ်က လွယ်လွယ်ကူကူနဲ့ ရောက်ရှိသွားလို့ပဲ ဖြစ်ပါတယ်။
အလွန်အေးတဲ့ အရာ(ဥပမာ- ရေခဲကို ကိုက်ဝါးခြင်း) သို့မဟုတ် အပူနဲ့ အအေး လွန်ကဲစွာ ပြောင်းလဲမှုကို ခံစားရခြင်းဟာ သွားရဲ့ ကြွေလွှာကို ကျုံ့စေ၊ ပွစေပြီး အချိန်ကြာလာတာနဲ့အမျှ သေးငယ်တဲ့ အက်ကွဲကြောင်းလေးတွေ ကနေတဆင့် ဘက်တီးရီးယားတွေ ဝင်ရောက်ပြီး သွားပိုးစားခြင်းကို ပိုမိုဖြစ်ပေါ်စေနိုင်ပါတယ်။
အေးတဲ့ အစားအစာ အများစုမှာ သကြားဓာတ် အမြောက်အများ ပါဝင်တက်ပါတယ်။ သကြားဓာတ်ကို ဘက်တီးရီးယားများက အက်ဆစ်အဖြစ် ပြောင်းလဲလိုက်တာကြောင့် သွားကြွေလွှာ ပျက်စီးကာ သွားပိုးစားခြင်းကို ဖြစ်ပေါ်စေပါတယ်။
✅ သွားနဲ့ခံတွင်း ကျန်းမာရေးအတွက် အကြံပြုချက်များ
၁။ ရေခဲ ကိုက်ဝါးခြင်း ရှောင်ပါ။
၂။ အပူအအေး မျှတစွာ စားပါ - အပူလွန်ကဲသော သို့မဟုတ် အအေးလွန်ကဲသော အစာများကို တစ်ပြိုင်နက်တည်း ဆက်တိုက် စားသောက်ခြင်းကို ရှောင်ရှားပါ။
၃။စနစ်တကျ သွားတိုက်ခြင်းနှင့် ခံတွင်းသန့်ရှင်းရေးကို ပုံမှန်ပြုလုပ်သင့်ပါတယ်။
၄။ သွားနဲ့ခံတွင်းကျန်းမာရေးအတွက် သွားဆရာဝန်နှင့် ပုံမှန် စစ်ဆေးပါ။ ဒါမှ သွားကြွေလွှာ ပျက်စီးခြင်း သို့မဟုတ် သွားဖုံးပြဿနာများကို စောစီးစွာ ကုသနိုင်ဖို့ အရေးကြီးပါတယ်။
#နာကျင်ရခြင်း #သွားကြွေလွှာပျက်စီးခြင်း
