10/12/2024
⛑️⛑️ ငါ ဒါကြီးနဲ့ ဘာဆက်လုပ်ရမလည်း။ ⛑️⛑️
▪️မနက်ကတည်းက ဒီကွန်ဒုံးကြီးတခု လက်ထဲရောက်ပြီး စဉ်းစားနေတာ ဒါကြီးနဲ့ ဘာဆက်လုပ်ရမလည်းပေါ့။ တော်တော်ကြာကြာ စဉ်းစားပြီးတော့
"ဟာကွာ၊ မထူးပါဘူး" ဆိုပြီး စာလေးတပိုဒ်ရေးလိုက်ပါတယ်။
▪️ဒီစာလေးက မေမေတို့နဲ့ လက်ရှိတိုက်ရိုက်ကြီး သက်ဆိုင်တာမျိူးမဟုတ်ပေမယ့်၊ တချိန်ခါ မေမေတို့ သားသားလေးတွေ၊ မီးမီးလေးတွေကို ပြန်လည်လမ်းညွှန်ပေးရမယ်။ ပြန်လည်တည့်မတ်ပေးရပါမယ်။ ကျွန်တော်တို့ ငယ်စဉ်အခါက လိင်ကျန်းမာရေးနဲ့ ပတ်သတ်ရင် တိတိကျကျလမ်းညွှန်မှုမရခဲ့ပေမယ့် မေမေတို့ဟာ မေမေတို့ ဘေဘီလေးတွေအတွက် သေချာပြန်ညွှန်နိုင်ရပါမယ်။
(၁) သမီးရည်းစားကိစ္စ တားဆီးလို့ရနိုင်ပါသလား။
- ကျားရယ်၊ မရယ် ဖြစ်လာရင် သွေးသားနဲ့ ဆန္ဒတွေဆိုတာရှိပါတယ်။ ခုခေတ်ခါကြီး ပိုဆိုးတာပေါ့။ ၅ တနိး ရည်းစားရတာနဲ့ ၉ တန်းနဲ့ ခိုးပြေးတာ စုံနေတာပါပဲ။ ဒါတွေက ကျွန်တော်တို့ အရွယ်မှာ မရှိတာမဟုတ်ဘူး ရှိခဲ့ပါတယ်။ ခုမှ ဘာလို့ ထူးပြောလည်းဆို တအားများလာလို့ပါ။
- မေမေတို့ ရည်းစားမထားနဲ့ဆိုလို့ မထားမှာ ၁၀၀ မှာ ၁ ယောက်လောက်ပါ။ ဒီထဲ ကိုယ့်သားသမီး လူတိုင်းပါစေချင်တာပေါ့။ ကိုယ့်ကလေး ချစ်မဝလေး ဘယ်သူ့မှ မမျှချင်တာ သဘာဝပါ။ ဒီလိုပဲ ကျား/မ သဘာဝ ဆန့်ကျင်ဖက် လိင်ကို စိတ်ဝင်စားလာတာလည်း သဘာဝဆိုတာကို မေမေတို့ လက်ခံနိုင်ရပါမယ်။ ကိုယ်က စလောင်းဖုံးလို လိုက်အုပ်တဲ့အခါ ကြာလာရင် ကလေးဟာ တပါးသူ အပိုင်ဖြစ်ပြီး မစဉ်းစားနိုင်တာတွေ မစဉ်းစားတတ်တာတွေ ဖြစ်သွားတတ်ပါတယ်။
- ဒီတော့ ဘာလုပ်ရမလည်း မေမေတို့သည် ကလေးတွေရဲ့ ပထမဆုံး သူငယ်ချင်းပါ။ အခင်ဆုံး သူငယ်ချင်းလိုဖြစ်အောင်၊ ဖြစ်သမျှ ကိုယ့်ကိုရင်ဖွင့်နိုင်အောင်ထိ ကြိုးစားထားရပါမယ်။ ပြသနာတက်ပြီးမှ နောက်ကလိုက်ရှင်းရတာထပ် ပြသနာမတက်ခင် သားသမီးကို ဦးဆောင်ပြီး ကြုံလာနိုင်ချေတွေကို ကာကွယ်ရပါမယ်။ ကာကွယ်ရာမှာ စလောင်းဖုံးကာကွယ်တာမျိုးဆို ကြာရင် ရုန်းထွက်သွားတတ်ပါတယ်။
(၂) လိင်ကိစ္စ တားဆီးလို့ရပါသလား။
- လိင်ကိစ္စဟာ တားဆီးလို့မရပါဘူး။ ဒီ group ထဲမှာ
"ကိုကိုရယ် ဟင့်အင်း" လုပ်နိုင်ကြခဲ့ရဲ့လား မေမေတို့။
စတာပါနော် မေမေတို့။ သို့ပေမယ့် သမီးရည်းစားဖြစ်ရင် အနည်းအများ အထိအတွေ့ကရှိကြတာပဲ။ ဒီကနေမှ တဆင့်
"အင်းပါ ကိုကိုရယ်" တွေဖြစ်သွားကြတာလည်း ရှိကြမှာပဲလေ။
- ဒီတော့ တားဆီးမရတဲ့ ကိစ္စမှာ ဘာပြသနာတွေရှိလာနိုင်လည်း စဉ်းစားကြည့်ရအောင်။
‼️ မလိုလား ကိုယ်ဝန်
- အမျိူးသမီးတယောက်က သားဥစကြွေရင် ကိုယ်ဝန်ရနိုင်ပါပြီ။ ဘွဲ့လွန်ကျောင်းသားဘဝမှာ ၁၂ နှစ်အရွယ် ကိုယ်ဝန်သည်တွေတောင် မွေးခဲ့ရပါတယ်။
- အံ့ဩစရာကောင်းတာက ဒီ group ထဲမှာတောင် အတူနေထားတယ်၊ တားဆေးလည်း မသုံးထားဖူး၊ ကလေးရနိုင်လားဆိုတဲ့ မေးခွန်းတွေ ခဏခဏပဲ။ ဘာရမယ် မျှော်လင့်ထားကြလို့တုန်းဗျ။
- ရသွားခါမှ ဖျက်ချတာတွေဖြစ်တတ်သလို ဖျက်ချရင်း အသက်ဆုံးသွားတာတွေလည်း အများကြီးပါ။
‼️ အရေးပေါ်တားဆေး
- အရေးပေါ်တားဆေးကို နတ်ဆေးလို ယူဆနေကြပေမယ့် အရေးပေါ်ဆေးက failure rate များပါတယ်။
- အမှားဆုံးက သူဟာ သားဥကြွေပြီးသွားရင် လုံးဝ လုံးဝကို အသုံးမဝင်ပါဘူး။ အတူနေလိုက်တယ်၊ သားဥကြွေရက်ကြီးမှာ ခဏနေ အရေးပေါ်ဆေးသောက်လိုက်မယ်ဆို မရပါဘူး။
‼️ လိင်ကတဆင့် ကူးစက်ရောဂါ။
- လိင်ကတဆင့်ဆို ကာလသားရောဂါ (Syphilis/ Gono)၊ HIV ရောဂါလောက်သာ လိင်က ကူးတတ်တယ် ယူဆထားတာ တော်တော်များများမှာ တွေ့ရတယ်။
- လိင်ကတဆင့် ကူးတဲ့ရောဂါတွေမှ အများကြီးပါ။ ဥပမာအားဖြင့် Chlamydia လိုရောဂါပိုးပါ။ အများစုမှာ လက္ခဏာမပြပါဘူး။ အရမ်းကူးလွယ်ပါတယ်။ ဒီကတဆင့် သားအိမ်ယောင်တယ်၊ သားဥပြွန်ယောင်တယ်၊ ပြည်တည်တယ်။ နောက်ဆုံး ကလေးမရတာတွေထိ ဖြစ်တတ်ပါတယ်။
- ဒီလိုပဲ ရေယုံရောဂါတွေ၊ ကြွက်နို့တွေ စသည်ဖြင့် အများကြီးပါ။ ကြောက်စရာ အကောင်းဆုံးက သားအိမ်ခေါင်းကင်ဆာပါ။ Human Papilloma Virus ကြောင့်ဖြစ်တာပါ။ သားသား၊ မီးမီးလေးတွေကို ကာကွယ်ဆေးထိုးပေးခြင်းဖြင့် ကာကွယ်ရနိုင်ပါတယ်။
(၃) သန္ဓေတားဆေး
- အိမ်ထောင်မပြုခင် လိင်ဆက်ဆံတာကို မတားနိုင်ရင်တောင် ပြသနာမဖြစ်အောင် လမ်းညွှန်ပေးနိုင်ရပါမယ်။ လမ်းညွှန်ရာမှာ အချက် ၂ ချက်စဉ်းစားရပါမယ်။
- မလိုလား ကိုယ်ဝန်မရအောင်ရယ်၊ ရောဂါ မကူးရယ်အောင်ပါ။ ဘယ်ဟာ အကောင်းဆုံးလည်းမေးရင် ကျွန်တော့်လက်ထဲက ပစ္စည်းလေးပါ။
"ဟုတ်ပါတယ်။ ကွန်ဒုံး (condom) ပါ"။
‼️အသုံးပြုရာမှာလည်း expire date ကိုကြည့်ပါ။ အပေါက်ပြဲရှိ၊ မရှိကိုစစ်ပါ။ အတူနေပြီးပြီးခြင်း အပြင်ကိုထုတ်ပါ။ စနစ်တကျ လွှတ်ပြစ်ပါ။ ပြန်မသုံးရပါ။
(၄) Nightlife နှင့် တောသားလေးကျွန်တော်
- Bar တွေ၊ Club တွေ ဟာ ဒီခေတ်ကာလ ကလေးတွေအတွက်က မထူးဆန်းတော့ သလိုတောင်ဖြစ်နေပါပြီ။ ဆေးတွေသုံးကြ၊ ပြဲရွဲကြ၊ ကိုယ့်ချစ်သူ၊ သူ့ချစ်သူ၊ ဘယ်သူ့ချစ်သူ၊ ဘာမှန်းတောင် မသိကြတော့တာတွေဆိုတာလည်း အများကြီး။ ဒီလိုပြောလို့ ကျွန်တော် ဒီ life ကို ဝေဖန်တာ မဟုတ်ပါဘူး။ လူတွေမှာ ကိုယ့် right နဲ့ ကိုယ်ရှိကြတယ်။ သို့ပေမယ့် ဒီ right ဟာ ကိုယ့်အတွက် ဘေးကင်းရမယ်၊ တဖက်လူကို ဒုက္ခမပေးရပါဘူး။ ဒီအတွက်လည်း ဒီစာကို ကျွန်တော်ရေးတာပါ။
- လွန်ခဲ့တဲ့ တနှစ်က အသည်းကွဲတုန်း club ကို ၂ ခါ ၃ ခါ လောက်ရောက်ဖူးတယ်။ ဒီမှာ အသက်ကြီးဆုံးက ကိုယ်တွေလောကိုဆိုတော့ မြင်မြင်သမျှ အဆန်းကြီး။ ကောင်မလေးတွေ ချောချောလေးတွေဆိုတော့ ငမ်းတာပေါ့။ အဲ့မှာမှ တော်တော်လှလှလေး ချစ်စရာလေးပါဆိုပြီးမှတ်ချက်ပေးတုန်းရှိသေးတယ် ခဏနေတော့ အကိုကြီးတယောက်နဲ့ အာဘွားတွေပေးကြပါလေရော။ မောင်ကျန်ရစ် ကျွန်တော်လည်း နားလည်လိုက်ပါတယ် ရည်းစားပေါ့။
- အာ့နဲ့ ပြန်ခါနီး အဲ့ကောင်မလေးထပ်တွေ့ပါရော။ အဲ့လိုပဲ အာဘွားတွေပေးနေပြန်ရော။ အဲ့ထိ မအံ့ဩသေးဘူး။ ဘယ်မှာ အံ့ဩသွားလည်းဆိုတော့ လူမတူတော့မှ။
"ဟာ၊ ဟင်" တွေဖြစ်၊ ကိုယ့်ဟာကိုယ်ပဲ မူးနေတာလားတွေဖြစ်ကုန်ရော။ ဒါက တကယ့်ကိုယ်တွေ့အဖြစ်နော်။ ကျွန်တော်ပြောသလို မျက်မြင်/မျက်ကွယ်ကို တွေးကြည့်ရင် အခြေအနေကြီးက အရမ်းကို ကြောက်ဖို့ကောင်းနေပါပြီ။ ဒီအချိန်မှာ ကျားဖြစ်ဖြစ်၊ မဖြစ်ဖြစ် ကိုယ့်ဟာကိုယ် အန္တရာယ်မဖြစ်အောင် ကာကွယ်လို့ရအောင် မေမေတို့က လမ်းကြောင်းပေးရပါမယ်။
▪️ကဲစာရှည်ပြီ။ ဒီစာကို ရေးတဲ့အခါ ဆရာရေးတယ်၊ ဆရာလုပ်တယ်၊ ဝေဖန်တယ်ဆိုတယ် အမြင်မျိုးထပ် မောင်၊ အကို၊ တူ တယောက်က ကြုံရတဲ့ အတွေ့အကြုံကို မျှဝေတယ်ပဲ သဘောထားပါ မေမေတို့။ ဒီ group က တကယ်ကို ပြောမနာ ဆိုမနာဖြစ်နေတော့ ပွင့်ပွင့်လင်းလင်း ရေးပြရခြင်းပါ။ မေမေတို့ဖက်က အတွေ့အကြုံတွေ လိင်ကတဆင့် ကူးစက်နိုင်တာတွေ၊ တားဆေးနဲ့ ပတ်သတ်တာတွေ မေးလို့ မျှဝေလို့ရပါတယ်။
စာကြွင်း - ဆေးခန်းက Condom နော် စာရေးဖို့ ဓါတ်ပုံရိုက်ထားတာနော်။ ပေါက်ကရလာပြောမှာ အာရုံရနေတယ်။ ကိုယ့်ဟာကိုယ် စာကျက်နေတာ ကျုပ်က 😝😝
