https://www.facebook.com/205066006017797/

𝑵𝒐𝑶𝒏𝒆-𝑾𝒆𝒍𝒍𝒔𝒑𝒓𝒊𝒏𝒈 𝑪𝒐𝒖𝒏𝒔𝒆𝒍𝒍𝒊𝒏𝒈

Home
Myanmar
Yangon
𝑵𝒐𝑶𝒏𝒆-𝑾𝒆𝒍𝒍𝒔𝒑𝒓𝒊𝒏𝒈 𝑪𝒐𝒖𝒏𝒔𝒆𝒍𝒍𝒊𝒏𝒈

𝑾𝒆 𝒑𝒓𝒐𝒗𝒊𝒅𝒆 𝒑𝒔𝒚𝒄𝒉𝒐𝒍𝒐𝒈𝒚 𝒄𝒐𝒖𝒏𝒔𝒆𝒍𝒊𝒏𝒈 𝒔𝒆𝒓𝒗𝒊𝒄𝒆𝒔 𝒖𝒏𝒅𝒆𝒓 𝒔𝒖𝒑𝒆𝒓𝒗𝒊𝒔𝒊𝒐𝒏 𝒐𝒇 𝑫𝒂𝒘 𝑻𝒉𝒆𝒊𝒏𝒈𝒊 𝑳𝒘𝒊𝒏 𝒇𝒓𝒐𝒎 𝑻𝒐 𝑫𝒂𝒚 𝑷𝒔𝒚𝒄𝒉𝒐𝒍𝒐𝒈𝒚 𝑪𝒍𝒂𝒔𝒔𝒆𝒔. "𝑾𝒆 𝒂𝒓𝒆 𝒉𝒆𝒓𝒆 𝒇𝒐𝒓 𝒚𝒐𝒖"

05/10/2025

သီတင်းကျွတ်လပြည့်နေ့ အဘိဓမ္မာအခါတော်နေ့မှာ

🌸 ကြံစည်သမျှ လုပ်ကိုင်သမျှသောအရာတွေအောင်မြင်ပြီးရည်မှန်းချက်တွေပြည့်စုံပါစေ။

🌸ဥစ္စာစီးပွါးများဆထက်တပိုးတိုးတက်ပါစေ

🌸 ချစ်ခင်နှစ်သက်သောသူများနဲ့ဆုံးဆည်းနိုင်ပြီး မုန်းသောသူများကို ဂရုဏာထားနိုင်ပါစေ

🌸 ကွဲကွာနေသူများအမြန်ဆုံးပြည်လည်ဆုံဆည်းကြပါစေ

🌸အများအကျိုးအတွက် ကောင်းဖို့ရည်ရွယ်ပြီးလုပ်ကိုင်နေသမျှတွေအမြန်ဆုံးပြည့်ကြပါစေ

🌸ကျေးဇူးရှိဖူးသော မိဘ ဆရာ နဲ့ ကျေးဇူးရှင်များကိုကျေးဇူးဆပ်နိုင်သူများဖြစ်ပါစေ။

ကျွန်မတို့ NoOne Team မှဆုတောင်းပေးပါတယ်။

19/08/2025

𝐸𝑣𝑒𝑟𝑦 𝐽𝑜𝑢𝑟𝑛𝑒𝑦 𝑏𝑒𝑔𝑖𝑛𝑠 𝑎𝑡 ℎ𝑜𝑚𝑒 .

👩‍🍼လူတိုင်းကစမွေးဖွားချိန်ကထဲကမိသားစု အိမ်ဆိုတဲ့ အသိုက်အမြုံကနေ သင်ယူရင်း တဖြည်းဖြည်းအရွယ်ရောက်လာကြတယ် လူမပြောနဲ့ တိရိစ္ဆာန်လေးတွေတောင် အသိုက်အမြုံကနေပဲ မိခင်ရဲ့ သင်ကြားပြသမှုတွေကနေဆင့် ကြီးပျင်းခဲ့ကြတာပဲဖြစ်ပါတယ်။

🏡ကျွန်မတို့ရဲ့ ဘဝတွေက အိမ်ဆိုတဲ့နေရာကနေပဲစပြီး အိမ်ဆိုတဲ့နေရာမှာပဲလမ်းဆုံးကြတယ်။ အိမ်တခုကနေ နောက်ထပ်အိမ်တွေ ကမ္ဘာမြောက်ခြမ်း တောင်ခြမ်း ဘယ်နေရာဖြစ်ဖြစ် ဆင့်ပွါးတည်ဆောက်နေကြတာပဲဖြစ်ပါတယ်။

🧑‍🧑‍🧒‍🧒လူတယောက်ကမွေးလာတယ် သူရဲ့ 𝑖𝑛𝑖𝑡𝑖𝑎𝑙 𝑓𝑎𝑚𝑖𝑙𝑦 ကနေပဲ လောကအကြောင်း ဘဝအကြောင်းသင်ယူကြတယ်။ နောက်ထပ် သူတို့ရဲ့ ကိုယ်ပိုင် 𝑓𝑎𝑚𝑖𝑙𝑦 တွေ တည်ဆောက်ကြတယ် အဲ့ဒီ့အခါမှာလည်း 𝑖𝑛𝑖𝑡𝑖𝑎𝑙 𝑓𝑎𝑚𝑖𝑙𝑦 ကရထားတဲ့ 𝑟𝑒𝑠𝑜𝑢𝑟𝑐𝑒 တွေအတိုင်းပဲ ကိုယ်ပိုင် 𝑓𝑎𝑚𝑖𝑙𝑦 ကို ပြန်ပြီးသူတို့ ကြုံခဲ့ရတဲ့ 𝑒𝑥𝑝𝑒𝑟𝑖𝑒𝑛𝑐𝑒𝑠 တွေ 𝑏𝑒𝑙𝑖𝑒𝑓𝑠 တွေ 𝑡𝑟𝑎𝑢𝑚𝑎 တွေကို လက်ဆင့်ကမ်း သင်ကြားပေးကြတယ်။ လောကရဲ့ပညာတွေကအပြင်ကသင်ကြားလို့ရပေမယ့် 𝑖𝑛𝑖𝑡𝑖𝑎𝑙 𝑠𝑡𝑎𝑡𝑒 မှာကြုံရတာတွေကတော့ ပြောင်းလဲဖို့ ခဲယဉ်းကြပါတယ်။

👶သားသမီးတွေငယ်စဉ်မှာ မိဘတွေဆီက “ချစ်ခြင်းမေတ္တာနဲ့ လုံခြုံနွေးထွေးမှုဂရုစိုက်စောင့်ရှောက်မှု”ကိုလိုချင်ကြတယ်။ မိဘတွေကလည်း သူတို့မိဘဆီကနေ “ချစ်ခြင်းမေတ္တာနဲ့ လုံခြုံနွေးထွေးမှုဂရုစိုက်စောင့်ရှောက်မှု” ကိုပဲလိုချင်ကြတယ်။ ဒါတင်ပဲလားဆိုတော့ မဟုတ်ပြန်ဘူး အတူနေလူကြီးတွေဆီကနေလည်း ကလေးတွေက သူတို့ကို ချစ်ခင်ဂရုစိုက်မှုကိုလိုချင်ကြပြန်တယ်။

💖ဒီလိုနဲ့ ကျွန်မတို့တွေက ကျွန်မတို့ငယ်စဉ်ကမရခဲ့တဲ့ ချစ်ခြင်းမေတ္တာ လုံခြုံနွေးထွေးမှု နဲ့ ဂရုစိုက်မှုဆိုတာတွေကို 𝐺𝑒𝑛𝑒𝑟𝑎𝑡𝑖𝑜𝑛𝑎𝑙 အဆင့်ဆင့်လိုချင်ခဲ့ကြပါတယ်။ဒါတွေကို မရတဲ့အခါ ကျွန်မတို့ရဲ့ချစ်ခြင်းကနေမုန်းခြင်းတွေဆီရောက်လာကြပါတော့တယ်။ မိဘ မိသားစု သွေးခြင်းတွေ ဆီကရတဲ့ အမုန်း နဲ့ ပြစ်တင်ခံရတာတွေအသိအမှတ်ပြုမခံရတာတွေကနေ ကျွန်မတို့ကြီးပြင်းလာတဲ့တလျှောက် တစိမ်းတွေဆီကနေပါ ရဖို့ 𝑢𝑛𝑐𝑜𝑛𝑠𝑐𝑖𝑜𝑢𝑠𝑙𝑦 ကြိုးစားနေကြတော့တာပဲဖြစ်ပါတယ်။

👫ကိုယ်ရွေးချယ်တဲ့ 𝑙𝑖𝑓𝑒 𝑝𝑎𝑟𝑡𝑛𝑒𝑟 ဆီကနေ အဖေနဲ့တူတဲ့ လုံခြုံမှုတွေ အမေနဲ့တူတဲ့ ပြုစုမှုတွေ အပြင် အဖေ/အမေဆီကလုံလောက်အောင်မရခဲ့တာတွေကို မသိစိတ်ကရော သိစိတ်ကရောမျှော်လင့်ခဲ့ကြတယ်။ ကိုယ့်ရဲ့ 𝑝𝑎𝑟𝑡𝑛𝑒𝑟 တွေကလည်း သူတို့ရဲ့မိဘတွေ အသိုင်းအဝိုင်းတွေဆီကနေ သူတို့အတွက်မလုံလောက်ခဲ့တဲ့အရာတွေအပေါ် ပြန်တောင်းဆိုနေကြတာက်ို သတိမထားမိတတ်ကြပဲ 𝑅𝑒𝑙𝑎𝑡𝑖𝑜𝑛𝑠ℎ𝑖𝑝 𝑖𝑠𝑠𝑢𝑒 တွေဖြစ်လာကြပါတယ်။

💖🧑‍🧑‍🧒‍🧒𝑇𝑒𝑎𝑐ℎ𝑒𝑟 ဒေါ်သိင်္ဂီလွင် အမြဲပြောသလို “ 𝑅𝑒𝑙𝑎𝑡𝑖𝑜𝑛𝑠ℎ𝑖𝑝 နဲ့ ဖြစ်တဲ့အရာတွေကို 𝑟𝑒𝑙𝑎𝑡𝑖𝑜𝑛𝑠ℎ𝑖𝑝 နဲ့ပဲရှင်းရတယ် “ ဆိုတဲ့အတိုင်း ဘဝရဲ့ 𝑡𝑟𝑎𝑢𝑚𝑎 , 𝑃𝑎𝑖𝑛𝑓𝑢𝑙 𝑚𝑜𝑚𝑒𝑛𝑡𝑠 တွေအကုန်လုံးက မိသားစုကနေပဲ အခြေတည် ဖြစ်လာခဲ့ရတာတွေဖြစ်ပါတယ်။ ကိုယ့်ရဲ့ မိဘ ညီအစ်ကိုမောင်နှမ အတူကြီးပြင်းခဲ့ရတဲ့သူတွေဆီကနေပဲ ပျော်ရွှင်စရာတွေရော နာကျင်မှုတွေရော ဘဝအတွေ့အကြုံတွေကိုပါသင်ယူလာခဲ့ရလို့ ကျွန်မတို့ရဲ့ စိတ်မှာဖြစ်ပေါ်လာတဲ့ခံစားချက်တွေ နာကျင်မှုတွေကို မိသားစုကနေ ရတဲ့ ခံစားချက်တွေကို ကိုယ့်ကိုကိုယ်ပြန်ကြည့်ပြီး မိသားစုအချင်းချင်းကနေပဲ ကိုယ်အဆင်မပြေတဲ့အရာတွေကို နောက်တလှမ်းဆုတ်ပြီး ကိုယ့်ဘက်ကစပြောင်းလဲလို့ ကိုယ့်ကိုကိုယ်နဲ့ မိသားစုကို မေတ္တာ ဂရုဏာနဲ့ ပြေလည်အောင်စပြီး ဖြေရှင်းနိုင်ဖို့လိုပါတယ်။

🏡မိသားစုနဲ့ ကိုယ့်ကိုကိုယ်တောင်အဆင်မပြေ မေတ္တာ ဂရုဏာမထားနိုင်ရင် 𝑇ℎ𝑒𝑟𝑎𝑝𝑖𝑠𝑡 တယောက် ℎ𝑒𝑎𝑙𝑒𝑟 တယောက်အနေနဲ့ တခြားသူတွေရဲ့ 𝑡𝑟𝑎𝑢𝑚𝑎 တွေ 𝑝𝑎𝑖𝑛 တွေကိုနားထောင်ပေးနိုင်ရဲ့လားဆိုတာမသေချာနိုင်ပါဘူး။

💞 "အိမ်"ဆိုတာ ဘဝရဲ့ပထမဆုံးအတန်းပြခန်းဖြစ်သလို၊ နောက်ဆုံးအနားယူစရာနေရာလည်းဖြစ်ပါတယ်။မိသားစုဆိုတဲ့အသိုက်ထဲက ကျွန်မတို့ရဲ့အနာတရတွေ၊ မပြည့်စုံမှုတွေကို မေတ္တာနဲ့ဖြေဖျောက်ပြီး ကိုယ့်ရဲ့အိမ်သစ်ကို ငြိမ်းချမ်းတဲ့အခြေခံနဲ့ တည်ဆောက်နိုင်ကြပါစေ။

🏡 "အိမ်"ဆိုတာ ခရီးစဉ်ရဲ့အစဖြစ်သလို၊ ပြန်ကိုပြန်ရမယ့်အဆုံးသတ်တခုလည်းဖြစ်ပါတယ်။

#𝑏𝑖𝑔𝑑𝑖𝑝𝑝𝑒𝑟
#𝑆𝑆𝐻

#𝐺𝑒𝑛𝑒𝑟𝑎𝑡𝑖𝑜𝑛𝑎𝑙𝐻𝑒𝑎𝑙𝑖𝑛𝑔

27/07/2025

Client တစ်ယောက်က Counseling Session တွေမှာ ကိုယ်ဘာလိုချင်တာလဲ recovery လား discovery လားဆိုတာကို ဆရာမ ဒေါ်သိင်္ဂီလွင်ရဲ့ Live ကိုနားထောင်တဲ့ အချိန် ကျမရင်ထဲ စွဲကျန်ခဲ့တဲ့ စကားလုံး ၂ ခုမှာ ကိုယ်ဖာသာ ဆက်ပြီး အဓိပ္ပါယ်တွေဖွင့်နေမိတယ်။

ကျမကတော့ လက်တလောခံစားနေရတဲ့ ခံစားချက်တွေကို ဆေးသိပ်ပေးရုံနဲ့ ခဏတာ သက်သာတဲ့ recovery ကိုသဘောမကျဘူး။ ကျမကိုယ်တိုင်ဒီခံစားချက်က ဘယ်ကလာတာလဲဆိုတာကို ထဲထဲဝင်ဝင် အဲ့ဒီထဲမှာနေပြီးရှာဖွေရတာကိုသဘောကျတယ်။ အဲ့လိုရှာဖွေရင်းနဲ့မှ ကိုယ်ရဲ့ပျောက်ဆုံးနေတဲ့အစိတ်အပိုင်းလေးတစ်ခုကိုပြန်တွေ့ရသလိုဖြစ်ပြီး ဝမ်းသာအားရ ထွေးပိုက်လိုက်ရတဲ့ ခံစားချက်လေးက ကိုယ့်ရဲ့လိုနေတဲ့ကွက်လပ်ကလေးတစ်ခုပြည့်သွားသလိုခံစားရသလို အဲ့အစိတ်အပိုင်းလေးကလည်း သူ့နေရာသူပြန်ရောက်လာတဲ့ အတွက် အလိုလို recovery ဖြစ်သွားတယ်လို့ခံစားရတယ်။

အဲ့ဒါကြောင့် ကိုယ်လတ်လောခံစားနေရတဲ့ ခံစားချက်လေးတွေကနေတဆင့် counseling session လေးတွေယူပြီး ကိုယ့်ကိုယ်ကို ပြန်လည်ရှာဖွေချင်တယ်ဆိုရင် မိတ်ဆွေတို့ရဲ့ journey မှာကျမတို့အတူတူရှိပေးချင်ပါတယ်။

Counselor
Thet Lail Khaing

ဆရာမဒေါ်သိင်္ဂီလွင်ရဲ့ Live 👇

https://www.facebook.com/share/v/19Y3M6SDLy/?mibextid=wwXIfr

25/07/2025

တစ်ရက်ရုံးမှာ သူဌေးမက “အသက်ရေ ငါနင့်ကို ငါ့သားအကြောင်းပြောပြရဦးမယ်…”
“အေးပြောပါဦး ငါလည်းနားထောင်ချင်တယ်…”
သူ့သားလေးက ကျမအဲ့ရုံးရောက်ပြီးမှ မွေးတာအခု ၁၃ နှစ်ရှိနေပြီဆိုတော့ ရုံးအမြဲလာနေကျတွေ့နေကြတော့ဖြစ်တော့ အဲ့ကလေးအကြောင်းလေးက စိတ်ဝင်စားဖို့ကောင်းတယ်။

“ ငါ့သားကျောင်းက ပြန်လာတော့ ငါ့ကိုပြောပြတာ သူ့သူငယ်ချင်းတွေက နေရှင်နယ်ဒေးပွဲမှာ မပါရလို့ငိုကြတယ်တဲ့ သားလည်းမပါဘူး သားတော့ မငိုချင်ဘူး သူတို့ဘာလို့ငိုကြတာလဲမသိဘူး… ငါကပြောလိုက်တယ်.. အရွေးမခံရတော့ ငိုရမှာပေါ့..အဲ့ဒါငါ့သားက သားတော့ အရွေးမခံချင်ဘူး အရွေးခံရရင် နေပူကြီးထဲသွားရမှာ တနေကုန်နေပူထဲရပ်နေရမှာ အရမ်းပင်ပန်းတယ် သားတော့ အိမ်မှာနေရတာကြိုက်တယ်တဲ့.... ငါ့သားဘယ်လိုတွေတွေးလဲမသိဘူး.. ငါတို့ငယ်ငယ်တုန်းကဆို အရွေးခံချင်တာ ပါချင်တာ… အဲ့ဒါငါလည်း ပြောလိုက်တယ်.. အရွေးခံရတယ်ဆိုတာ တော်လို့ရွေးတာ တော်တဲ့သူတွေပဲ choose လုပ်ခံရတာ အရွေးမခံရတာ မတော်လို့မရွေးတာလို့ပြောလိုက်တယ်.. နင်မှတ်မိသေးလား သူ primary အတန်းမှာတုန်းက အတန်းကပွဲမှာ တခြားသူတွေ မင်းသားမင်းသမီးလုပ်ဖို့ ရွေးကြတယ် ငါ့သားက monster 👹 လုပ်ဖို့ရွေးလာတယ်၊ ငါက ဘာလို့ monster ရွေးတာလဲ တခြား character ရွေးပါလားဆိုတော့ monster ပဲကြိုက်တယ် မွန်းစတားက လူတွေကိုရိုက်လို့ရတယ်တဲ့ ငါ့မှာသူ့ကိုပြောပြရသေးတယ် လူတွေကိုမရိုက်ရဘူးနော် လူဆိုးတွေ မွန်းစတားတွေဆိုတာ မကောင်းဘူး ရုပ်ရှင်တွေထဲကြည့်ပါလား နောက်ဆုံးမှာသူတို့ပဲရှုံးနိမ့်ပြီးသေရတာတွေ့လားဆိုပြီး ငါပြောထားရတယ်….”

ကျမ သူဌေးမရဲ့ စကားကြားပြီးတဲ့အချိန် “လူကောင်းရောလူဆိုးရော သေကြမှာမဟုတ်ဘူးလားလို့ ကျမပြောလိုက်တာ… အေးဟုတ်တယ် ငါ့သားလည်း အဲ့အတိုင်းပြောတယ်…😁သေတာတော့ ဟုတ်ပါတယ် ဒါပေမယ့် ငါတို့အားလုံးက လူကောင်းပဲလုပ်ရမှာ လူဆိုးလုပ်လို့မရဘူး လူကောင်းကိုပဲလူတွေက လက်ခံကြမှာ အဲ့ဒါကိုငါ့သားကို ငါနားလည်အောင်ပြောထားရတယ်၊ ငါ့သားက ဆရာမတွေနဲ့ လည်း အမြဲဆန့်ကျင်ဘက်တွေလုပ်တာ တခြားကလေးတွေက အကုန် ဆရာ ဆရာမတွေကို follow လုပ်ကြတယ် ငါ့သားကတော့ သူကြိုက်တာသူလုပ်တာများတယ်…”

ကျမက နင်ပြောတာ လူတွေကိုရိုက်တာမကောင်းဘူးဆိုတာတော့ ဟုတ်ပါတယ် ဒါပေမယ့် ငါတို့လူတွေဆီမှာ good ရော bad ရောရှိတာပဲလေ လူတွေက good တွေကြီးပဲ လိုချင်တော့ bad ကိုငါတို့ဘယ်နားသွားထားရမလဲ…. သူနဲ့ ကျမနဲ့ conversation ပြီးသွားတဲ့အချိန် ကျမရဲ့ ရင်ထဲမှာ သီချင်းစာသားလေး တစ်ပုဒ်သတိရသွားတယ်..

“ မှားတဲ့ဘက်မှာ”
🎶ဝလုံးကလေးမှ ဝိုင်းအောင်မရေးနိုင်ခင်ရွှေလင်ဗန်းနဲ့ ထမင်းဆီဆမ်းရယ်အမေဆိုပြလိုက်တော့ ရွှေသားအတိပြီးတဲ့လင်ဗန်းကြီးပဲ မက်မောကာ ငါဟာ လောဘ တက်လာတယ်🎶

🎶ပုခက်တွင်းမှဆင်း မြေကြီးပေါ်နင်းကာစရွှေယုန်လေးနဲ့ ရွှေကျားပုံရယ်
အင်မတန် ကောက်ကျစ်တဲ့
ယုန်ဆိုးလေးကို
သိပ်ပြီး အားကျနေခဲ့တော့
ငါဟာ ကောက်ကျစ် တတ်လာတယ်🎶

🎶ဘိုင်စကုတ် ကြည့်တော့
လူကြမ်း ကိုအံ့ကျော်ကို
အလွန်တရာ နှစ်သက်တတ်ခဲ့တယ်
ငါနံဘေးက ချစ်သူလေးကတောင်
တဖြည်းဖြည်း ငါ့ကိုလန့်ကာ
ကြင်နာတတ်မယ့် တစ်ယောက်ကိုရှာ🎶🎶

ဒီသီချင်းလေးကို ကျမငယ်ငယ်တုန်းက အရမ်းကြိုက်ခဲ့တယ်။ လူတွေပြောကြတဲ့ မှားတဲ့ဘက်ဆိုတာ ကိုယ်လည်း ငယ်ငယ်က မှားတဲ့ဘက်ကိုရွေးမိမှာ မှားတာတွေလုပ်မိမှာ ကြောက်ခဲ့တယ် အဲ့ဒါတွေလုပ်မိရင်ပဲ ကိုယ်ဖာသာကိုယ် အပြစ်ရှိတယ်လို့ခံစားလာရတယ်။ လူ့အသိုင်းအဝိုင်းက အထင်သေးမှာ ဖယ်ကျဉ်မှာကိုကြောက်ပြီး မျက်နှာဖုံးတွေတပ်ပြီး လူတွေကြားထဲမှာ လူကောင်းလေးတစ်ယောက် လူလိမ္မာလေးတစ်ယောက်ဖြစ်အောင်ကြိုးစားလာခဲ့တာ ကိုယ်ဖာသာကိုယ်တောင် ဘယ်လိုကလေးမျိုးလေးလဲမသိဘူး၊ စောစောကပြောခဲ့တဲ့ ကလေးလေးလို ပြဇာတ်ထဲက လူဆိုးလုပ်ဖို့တောင် သတ္တိတွေမရှိခဲ့ဘူး၊ လူကြီးတွေအကြိုက် ဆရာ ဆရာမတွေ အကြိုက် မိသားစုတွေအကြိုက် မိတ်ဆွေသူငယ်ချင်းတွေအကြိုက်လိုက်ပြီး ကိုယ့်ရဲ့ ဖိနှိပ်ထားခဲ့တဲ့ ပျောက်ဆုံးသွားတဲ့ အခြမ်းကို တစ တစ ပြန်ရှာကြည့်ရင်းမှာ အဲ့ဒီအခြမ်းလေးမှာလည်း ဒေါသထွက်တယ် မနာလိုဘူး လောဘကြီးတယ် လိမ်တယ် အားငယ်တယ် ကြောက်တယ် သိမ်ငယ်တယ် ဆုံးရှုံးသွားမှာ မလုံခြုံမှာ ထားရစ်ခံခဲ့ရမှာ အထီးကျန်မှာ စတဲ့ လူတွေကိုမပြဝံ့တဲ့ အစိတ်အပိုင်းတွေမှာလည်း သူတို့ခံစားချက်တွေက ဘယ်လောက်တောင် legitimate ဖြစ်လဲ ဘယ်လောက်တောင် vulnerable ဖြစ်လဲဆိုတာ တဖြည်းဖြည်းသိလာပြီး ဂရုဏာမေတ္တာလေးနဲ့ အတူတူရှင်သန်နေထိုင်သွားဖို့ လိုအပ်တယ်လို့ခံစားလာရတယ်။

Counselor
Thet Lail Khaing

18/07/2025

“ကျွန်မတို့ဘယ်အချိန်ပြိုလဲကျကြလဲ”

အမျိုးသားပညာဝန် ဆရာဖိုးကျားက “ကျွန်ုပ်အလိမ္မာတိုးသောနေ့တနေ့” ဆိုတဲ့ ဝတ္ထုတိုလေးတပုဒ်ရေးခဲ့တယ်

ကျွန်မကတော့ကျွန်မအလိမ်ခံရသောနေ့တနေ့ပေါ့ လွန်ခဲ့တဲ့ လက ကျွန်မအလိမ်ခံလိုက်ရတယ်။ မြန်မာပြည်က ရောင်းတဲ့ 𝐨𝐧𝐥𝐢𝐧𝐞 𝐬𝐚𝐥𝐞𝐬 တခုကနေ အိမ်ကိုပစ္စည်းဝယ်ပို့တာ ပိုက်ဆံယူပြီး ကျွန်မကို 𝐛𝐥𝐨𝐜𝐤 သွားတယ်။ ကျွန်မလည်း 𝐩𝐚𝐠𝐞 မှာတွေ့တဲ့ဖုန်းနံပါတ်ကို ဆက်တော့လည်း အဝင် 𝐜𝐚𝐥𝐥 တွေလက်မခံပါဘူးတဲ့။ စပြီးအလိမ်ခံရတော့ကျွန်မဒေါသထွက်တယ်။ သူတို့ 𝐩𝐚𝐠𝐞 ရဲ့ ပုံတွေကို 𝐬𝐜𝐫𝐞𝐞𝐧𝐬𝐡𝐨𝐭 ယူပြီး သူရောင်းတဲ့ပစ္စည်းတွေ ရောင်းသူတွေ စုထားတဲ့ ဂရုတွေမှာတင်တာပေါ့။ တကယ်တမ်းတော့ ကျွန်မ စပြီးပစ္စည်းမှာတဲ့အချိန်မှာ လိမ်မှာလားဆိုပြီး နည်းနည်း မင်္သကာဖြစ်မိပါတယ် ။ ဒါပေမယ့်ကျွန်မရဲ့ ငါလုပ်နိုင်တယ် ငါစီစဉ်မှဖြစ်မယ်ဆိုတဲ့ “𝐀𝐫𝐫𝐨𝐠𝐚𝐧𝐭 ဖြစ်တာရယ်” စျေးသင့်လို့တန်တယ်ဆိုတဲ့ “လောဘရယ် “ တုံး”တယ် “အ”တယ် ဆိုတဲ့အစိတ်အပိုင်းကအားနာပြီး အရင်အခါတွေကလည်း အလိမ်မခံရတော့ ငွေအကြေချေပြီး မှာမိလိုက်တယ်။ တကယ်လည်း ကျွန်မကိုလိမ်သွားပါတယ်။

သူငယ်ချင်းတွေကတော့စကြတာပေါ့ နိုင်ငံခြားမှာနေတဲ့ကျွန်မက မြန်မာနိုင်ငံကလိမ်တာခံရတာပေါ့ဆိုပြီး အလိမ်ခံရပြီးတဲ့နောက်ပိုင်းမှာ ကျွန်မကိုယ်ကိုကျွန်မသိလိုက်ရတာကတော့ ကျွန်မ “တုံးတယ်၊ အ တယ် ၊ မလုပ်တတ်မကိုင်တတ်ဘူး နောက်တခုက ကျွန်မရဲ့လောဘ မာန ငါလုပ်ရင်ရတယ်ဆိုတဲ့ ကျွန်မကိုကျွန်မပြန်ပြီး တွေ့ခဲ့ရတယ်။

အဲ့ဒီ့မှာ “ကျွန်မပြိုလဲတော့တာပါပဲ။”

ဒီလို self personality တွေရှိတာ ကိုယ့်ကိုကိုယ် ရှက်စိတ် သူများတွေသိမှာကြောက်တဲ့စိတ်နဲ့ခံစားချက်ကြီးက ရင်ထဲမှာတင်းတင်းကြီးနဲ့ ခံရခက်ပြီး ဒေါသတွေဖြစ်ရတာပါပဲ။ “အ”တယ် “တုံး” တယ် “လောဘကြီးတယ်” ငါလုပ်ရင်ဖြစ်တယ်ဆိုတဲ့ မာန်မာနတွေ ကျွန်မရဲ့ 𝐬𝐞𝐥𝐟 𝐩𝐞𝐫𝐬𝐨𝐧𝐚𝐥𝐢𝐭𝐢𝐞𝐬 ကိုပြန်ရှာတွေ့ရတာ လက်ခံရတာ အရမ်းခက်ခဲပါတယ်။
ကျွန်မတို့တွေ နိစ္စဒူဝ သွားလာလှုပ်ရှားနေကြရင်း ဒီလိုမျိုး ကိုယ့်ရဲ့ မမြင်ချင်လို့ ဖုံးထားတဲ့ အစိတ်အပိုင်းတွေကို ပြန်တွေ့ရတဲ့အခါမှာ ဒီစာကိုဖတ်တဲ့သူလေးတွေရော ဘယ်လိုခံစားချက်တွေဖြစ်ကြလဲ။

ကျွန်မတို့တွေက ငါဆိုတဲ့အစိတ်အပိုင်းမှာ ကျွန်မသူငယ်ချင်း ကိုလင်းလူ 𝐇𝐢𝐠𝐡𝐥𝐢𝐠𝐡𝐭𝐬 လုပ်ခဲ့သလို အဆိုးတွေကိုလက်ခံရတာအရမ်းခက်ပါတယ်။ ငါကလောဘကြီးတယ် ငွေမက်တယ် မာနကြီးတယ် တကိုယ်ကောင်းစိတ်ရှိတယ် အတ္တကြီးတယ် ဆိုတဲ့ ကျွန်မတို့တွေမှာရှိတဲ့ အဲ့ဒီအစိတ်အပိုင်းတွေကို ကျွန်မတို့တွေဘယ်လိုမျိုး လက်ခံကြမလဲ။ အဲ့ဒီအစိတ်အပိုင်းတွေတို့ရဲ့ခံစားချက်လေးတွေ လိုအပ်ချက်လေးတွေက ဘာလေးတွေဖြစ်မလဲဆိုတာ အရင်ဆုံးသိအောင်လုပ်ပြီး သူတို့ကို 𝐞𝐦𝐛𝐫𝐚𝐜𝐞 လုပ်ဖို့ကြိုးစားကြရပါမယ်။ ချက်ခြင်းကြီးလုပ်ဖို့မဖြစ်နိုင်ပဲ 𝐩𝐞𝐫𝐬𝐨𝐧𝐚𝐥 𝐰𝐨𝐫𝐤 / 𝐓𝐡𝐞𝐫𝐚𝐩𝐢𝐬𝐭 𝐬𝐞𝐬𝐬𝐢𝐨𝐧
တွေကနေတဆင့် ကိုယ့်ကိုကိုယ်ပြန်ရှာပြီး လက်ခံနိုင်အောင်ကြိုးစားရှာဖွေရမှာဖြစ်ပါတယ်။ ရှင်သန်မှုရဲ့ အဓိပ္ပာယ်က “ကိုယ့်ကိုယ်ကို အဆက်တိုက် ပြန်ရှာဖွေပြီး ပိုပြီးပြည့်စုံအောင် တည်ဆောက်နေတဲ့ဖြစ်စဉ်"ပါပဲ။

ဒီလိုလုပ်ဖို့လမ်းမှာခက်ခဲနေတယ်ဆိုရင်တော့ 𝐩𝐞𝐫𝐬𝐨𝐧𝐚𝐥 𝐰𝐨𝐫𝐤 တွေလုပ်ထားတဲ့ 𝐩𝐫𝐨𝐟𝐞𝐬𝐬𝐢𝐨𝐧𝐚𝐥/ 𝐓𝐡𝐞𝐫𝐚𝐩𝐢𝐬𝐭 တွေရဲ့အကူအညီနဲ့ ရှာဖွေကြအောင်ပါ။

09/07/2025

👯‍♀️ကျွန်မငယ်ငယ်က အချစ်ဆုံးသူငယ်ချင်းလေးတယောက်ရှိတယ်။ ကျောင်းပြောင်းပြီး တယောက်ထဲဖြစ်နေတဲ့ကျွန်မကို ပထမဆုံးကူညီသူဖြစ်သလို အိမ်ချင်းလည်းနီးပါတယ် ။ သူနဲ့ကျွန်မ ၅ တန်းကနေ ၉ တန်းအထိ သွားအတူလာအတူစားအတူ စာကြည့်လည်းအတူတူဖြစ်ခဲ့ကြတယ်။

😔၁၀ တန်းမှာ အခန်းခြင်းကွဲသွားလို့ သူနဲ့ကျွန်မအခန်းမတူပေမယ့် တချို့ ကျူရှင်တွေမှာ အတူတူတက်ခဲ့ကြရပါတယ် များသောအားဖြင့် သူကမိဘကိုကူပေးရတဲ့ သမီးကြီးဖြစ်တာကြောင့် ငယ်ကထဲက ကျူရှင်မတက်နိုင်ကျောင်းခဏခဏပျက်လို့ သူမလိုက်နိုင်တဲ့စာတွေကိုကျွန်မကပြန်ပြောပြရ ရှင်းပြရပါတယ် အခန်းမတူတော့ သူက ကျွန်မနဲ့အတူစာမကျက်ဖြစ်တော့ပါဘူး သူကတခြားသူငယ်ချင်းတွေနဲ့ ပေါင်းသင်းသွားလာ နေတာကိုကျွန်မအနေနဲ့ ဝမ်းနည်းသလို စိတ်လည်းဆိုးပါတယ် ၁၀ တန်းစာမေးပွဲဖြေမယ့်ရက်တွေကြမှသူကကျွန်မနဲ့အတူစာပြန်လာကျက်ပါတယ် science တွဲမဖြေခင် တရက်ကျောင်းပိတ်တော့ တနေကုန်သူ့ကိုကျွန်မ physics ဘာသာရပ်ကိုရှင်းပြနေခဲ့ပါတယ် သူကနားမလည်သလို စာတွေလည်းမရပါဘူး ည ၁၀ နာရီမှာ ကျွန်မက ကျန်တဲ့ chemistry နဲ့ biology ကိုစာလုံးဝပြန်မနွေးရသေးတော့ သူ့ကိုအိမ်ပြန်ခိုင်းပါတယ်။ သူ မပြန်ပဲစာဆက်ရှင်းနေရင် ကျွန်မလည်းစာမေးပွဲကျနိုင်ပါတယ်။ သူကလုံးဝမပြန်ချင်ပဲ အတင်းငိုပြီး ကျွန်မကိုစာဆက်ရှင်းပြဖို့ ကျွန်မအိမ်ကနေပဲစာမေးပွဲသွားဖြေဖို့ တောင်းပန်ပါတယ်။ ကျွန်မကလည်း သူ့ကိုအတင်းပြန်ခိုင်းပြီး ကျွန်မပြန်မနွှေးရသေးတဲ့စာတွေကို ကျက်ပြီး စာမေးပွဲသွားဖြေပါတယ်။ အဲ့ဒီနှစ်မှာတော့ “ကျမကစာမေးပွဲအောင်ပြီး သူကကျကျန်ခဲ့ပါတယ်” နောက်နှစ်မှာတော့ တနှစ်လုံးသူ့ကိုကျွန်မပဲ guide လုပ်ပေးခဲ့ပြီး သူစာမေးပွဲအောင်ပါတယ်။

👩‍🎓စာမေးပွဲအောင်ပြီးနောက်ပိုင်း သူက B.ed တက်ပြီးကျောင်းဆရာမလေးလုပ် အိမ်ထောင်ကျပြီး ကျွန်မတို့လည်းမတွေ့ဖြစ်ကြတော့ပါဘူး မကြာခင်မှာပဲဆုံးပါးသွားတယ်ဆိုတဲ့ သတင်းကြားရပါတယ် သူအိမ်ထောင်ကျပြီးနောက်ပိုင်းသူဆုံးသွားပြီးနောက်ပိုင်းမှာ သူနဲ့ကျမရဲ့ ငယ်ဘဝအဖြစ်အပျက်တွေမှာ ၁၀ တန်းစာမေးပွဲကအဖြစ်အပျက်က ကျွန်မရဲ့ unconscious ထဲ အပြစ်ရှိတယ်လို့စွဲနေပါတယ် ။ အဲ့ဒီ့တုန်းကတော့ ကျွန်မက ကျွန်မမှန်တယ်လို့ပဲသိစိတ်မှာ ယူဆခဲ့ပေမယ့် ကျွန်မရဲ့မသိစိတ်မှာတော့သူ့ကိုပြန်ခိုင်းလိုက်တာ အပြစ်ရှိတယ်ဆိုတဲ့ခံစားချက် သူစာမေးပွဲကျတာငါကြောင့်ဆိုတာကြီးက ကိန်းအောင်းနေပါတယ်။ အဲ့ဒါကြောင့် နောက်နှစ်တနှစ်လုံးလည်း သူ့ကိုစာကျက်အောင် မရမက guide လုပ်ပေး သူအိမ်အလုပ်လုပ်နေရင်စောင့်ပြီး စာကျက်ခိုင်းနဲ့ ကျွန်မရဲ့အပြစ်ရှိစိတ်ကိုဖြည့်ဆည်းနေပါတော့တယ်။

😟နောက်ပိုင်းသူနဲ့ဝေးသွားပေမယ့် အဲ့ဒီ့အဖြစ်အပျက်ကြောင့် သူငယ်ချင်းတွေနဲ့ပတ်သက်ရင် ကျွန်မကအများအားဖြင့် သူတို့လိုလိုမလိုလို လိုက်ဖြည့်ဆည်း ကျွန်မကိုအကူအညီတောင်းတဲ့ကိစ္စတွေမှာဆို အဖက်ဖက်က perfect ဖြစ်ရအောင်သူတို့လိုတာမလိုတာဂရုမစိုက်ပဲ အတင်းလိုက်လုပ်ပေး တွေဖြစ်နေတတ်ပါတယ် လိုအပ်နေတဲ့ တချို့ကတော့ တကယ်ကို ကျွန်မအကူအညီကြောင့် အဆင်ပြေကြပေမယ့် တချို့ကတော့ ကျွန်မပါဝင်ပတ်သက်တာကသူတို့အတွက်စိတ်ရှုပ်စရာ စိတ်ညစ်စရာတွေဖြစ်ပြီး ကျွန်မကစပ်စုတယ် သိချင်တယ် နေရာတကာပါတယ် မလိုတာကိုလုပ်ပေးတယ် စသည်ဖြင့် relationship မှာပြဿနာတွေဖြစ် ကျွန်မကလည်း ကိုယ်စေတနာနဲ့ လုပ်ပေးလိုက်ရတာတွေမှာ အကောင်းမမြင်နိုင်လို့ drama တွေဖြစ်နဲ့ ဒီ pattern ကြီးကို aware ဖြစ်မနေပဲ အဆင်မပြေခဲ့ပါဘူး။

နောက်ပိုင်းမှာတော့ ကျွန်မရဲ့ personal work တွေ Therapy session တွေကနေမှ ဖြစ်နေတဲ့ ပြဿနာတွေမှာ တဖြည်းဖြည်း ကျွန်မကိုယ်ကျွန်မရှာဖွေရင်း aware ဖြစ်လာပြီး အဲ့ဒီ့တုန်းအဖြစ်အပျက်ကြောင့်ရနေတဲ့ ကျွန်မရဲ့ အပြစ်ရှိစိတ်ကိုပြန်ရှာတွေ့ ကရုဏာထားနိုင်လာပါတယ်။ ကျွန်မရဲ့ proactive ဖြစ်တတ်တဲ့စိတ်ကိုလည်း aware ရှိရှိmanage လုပ်နိုင်တယ်ဆိုတဲ့ နေရာလေးကိုရောက်လာပါတော့တယ်။

09/07/2025

🪷ဘဝရဲ့ အလှတရားဆိုတာ အကောင်း-အဆိုး နှစ်ခုလုံးကို လက်ခံနိုင်မှုမှာ တည်ရှိပါတယ်။
ကျွန်မတို့ ကလေးဘဝတုန်းက မိသားစုဆိုတဲ့ အသိုက်အမြုံထဲမှာ ကိုယ့်ရဲ့မိဘ ဆွေမျိုးတွေကလက်ခံအောင် ချစ်ခင်အောင် 𝑖𝑑𝑒𝑛𝑡𝑖𝑡𝑦 အမျိုးမျိုးနဲ့ ကြိုးစားခဲ့ကြတယ်။ အဖေအမေပတ်ဝန်းကျင်ရဲ့ ချစ်ခင်မှုကိုလက်ခံရအောင် ချစ်စရာကောင်းတဲ့ လိမ္မာတဲ့ အသွင်အပြင်တွေဖြစ်အောင် ကျွန်မတို့နေခဲ့ကြရပါတယ်။ လိမ္မာမှကြိုက်တယ် "လိမ္မာမှ ချစ်မယ်"၊ "အားနည်းမှုမပြနှင့်" ဆိုတဲ့ ပတ်ဝန်းကျင်မှာ ကလေးတွေက လိုချင်တာမရလို့ ငိုခွင့် ဝမ်းနည်းခွင့် တွေဆုံးရှုံးခဲ့ရတဲ့အပြင် ကျွန်မတို့စိတ်ရဲ့ အလိုမကျခွင့် ဒေါသစတာတွေကိုဖော်ပြဖို့မရဲခဲ့ကြပါဘူး သန်မာမှဖြစ်မယ် မျက်ရည်မကျရဘူး မငိုရင်ပေးမယ် ဂျီကြရင်မချစ်တော့ဘူးဆိုတာနဲ့ ကျွန်မတို့ကိုယ်ကျွန်မတို့တော့ ကိုယ်တိုင်က ဘာကိုကြိုက်လား မကြိုက်လား ပျော်လားမပျော်လား သတိမထားမိလောက်အောင် နေခဲ့ကြပါတယ် ။ လူမှုစံနှုန်းတွေကြားမှာ ကိုယ့်ရဲ့စစ်မှန်တဲ့ခံစားချက်တွေကို ဖုံးကွယ်ပြီး အပြင်ပန်းလှအောင် အသက်ရှင်ခဲ့ကြရတယ်။ကျောင်းနေစဉ် ပညာသင်စဉ်မှာလည်း ဆရာ ဆရာမကြိုက်အောင် သူငယ်ချင်းတွေကကြိုက်အောင် လက်ခံလာအောင် ကြိုးစားခဲ့ကြရပြန်တယ်။

🍂ကျွန်မတို့ သူများအကြိုက်လိုက်ပြီး သူများလက်ခံလာအောင်နေရင်းနဲ့မှ ကျွန်မတို့ကိုယ်ကျွန်မတို့တော့ ကြိုက်လားမကြိုက်မသိလောက်အောင် ကိုယ့်ကိုကိုယ်ချစ်လာအောင် ကိုယ့်ရဲ့မကောင်းတဲ့စိတ်အခြေအနေတွေကို လက်ခံနိုင်လာအောင်လုပ်ဖို့ကြတော့ ခက်ခဲနေကြရပြန်ပါတယ်။ ဒေါသတွေ ဝမ်းနည်းစိတ်တွေ ကိုယိ့အတွက်ကိုယ်ရပ်တည်နိုင်အောင်ကြိုးချင်စိတ် (တကိုယ်ကောင်းစိတ်) မာန စတာတွေကို ဖိနှိပ်ပြီး ကျွန်မတို့ရဲ့ 𝑑𝑒𝑚𝑜𝑛𝑖𝑐 𝑒𝑛𝑒𝑟𝑔𝑦 ကို 𝑟𝑒𝑝𝑟𝑒𝑠𝑠 လုပ်ခဲ့ကြရပါတယ်။ လူတိုင်းမှာ အဆိုးနဲ့ အကောင်းဆိုတာရှိပေမယ့် ကျွန်မတို့က ကိုယ့်ရဲ့ ဆိုးတဲ့ အစိတ်အပိုင်း အနည်းဆုံးကိုယ်မကြိုက်တာကိုမကြိုက်ဘူး ပြောခွင့် ဒေါသဖြစ်ခွင့်တွေ ဆုံးရှုံးကြပြန်ပါတယ်။ ဒါပေမယ့် ဖိနှိပ်ထားတဲ့ ဒေါသ၊ ဝမ်းနည်းမှု၊ မနာလိုစိတ်တွေဟာ နှစ်ပေါင်းများစွာ အတွင်းမှာ ပုပ်သိုးနေပြီး နောက်ဆုံးမှာ အဆိပ်သင့်အပျက်သဘောတွေ အဖြစ် ပေါက်ထွက်လာတတ်ပြန်ပါတယ်။ အဲ့ဒီ့အခါ ကိုယ့်ရဲ့ 𝑎𝑢𝑡ℎ𝑒𝑛𝑡𝑖𝑐 𝑠𝑒𝑙𝑓 ကို ကလည်းအလိုလိုပျောက်ဆုံးနေခဲ့ရသလို ကိုယ်တိုင်ကလည်းဆိုးတယ် ဆိုတာကိုလက်မခံနိုင်ကြပါဘူး ။

👿ကျွန်မတို့ ကိုယ့်ရဲ့အတွင်းမှာရှိတဲ့ 𝑛𝑒𝑔𝑎𝑡𝑖𝑣𝑒 တွေမနာလိုစိတ်တွေ အပြစ်ရှိစိတ်တွေ သိမ်ငယ်စိတ် တကိုယ်ကောင်းဆန်တဲ့စိတ်တွေ ၊ တဏှာရာဂစိတ်တွေ ဒေါသတွေ စတဲ့ "𝐷𝑒𝑚𝑜𝑛𝑖𝑐 𝐸𝑛𝑒𝑟𝑔𝑦" တွေဆိုတာ ဖျက်ဆီးခြင်းမဟုတ်ပဲ ပြင်းထန်တဲ့ အင်အားတစ်ခုပါ ဒေါသဟာ ကိုယ့်ကိုယ်ကို ကာကွယ်တဲ့ စွမ်းအား၊ မနာလိုမှုဟာ ပိုကောင်းအောင် ကြိုးစားချင်စိတ်၊အားနည်းချက်တွေကို လက်ခံနိုင်မှသာ စစ်မှန်တဲ့ သန်မာမှု ရှိလာမှာဖြစ်ပါတယ်။

👰‍♀️𝐴𝑑𝑢𝑙𝑡 𝐿𝑖𝑓𝑒 မှာ ဘဝရဲ့ စိန်ခေါ်မှုတွေ၊ 𝑟𝑒𝑙𝑎𝑡𝑖𝑜𝑛𝑠ℎ𝑖𝑝 𝑖𝑠𝑠𝑢𝑒 ကြုံရတဲ့အခါ တွေမှာ အချိန်အကြာကြီး 𝑟𝑒𝑝𝑟𝑒𝑠𝑠 လုပ်ထားတဲ့ 𝑛𝑒𝑔𝑎𝑡𝑖𝑣𝑒 𝑒𝑚𝑜𝑡𝑖𝑜𝑛 တွေက ပေါ်လာတတ်ပြီး တုန့်ပြန်မိတတ်ကြပါတယ်။ အဲ့ဒီ့အချိန်မျိုးတွေမှာ ကိုယ် မလိုချင်လို့ 𝑑𝑖𝑠𝑜𝑤𝑛𝑒𝑑 လုပ်ခဲ့တဲ့ အရာတွေက နာကျင်မှုတွေ ပေးတာကို လက်ခံရတဲ့အခါ အပြိုပြိုအလဲလဲဖြစ်ကြပါတယ်။ ဒီစိတ်တွေကကျွန်မတို့မှာမရှိဘူးလားဆိုတော့ ကျွန်မတို့လူသားတိုင်းမှာရှိပါတယ်။ ကျွန်မတို့ကိုယ်တိုင်နဲ့ 𝑠𝑜𝑐𝑖𝑒𝑡𝑦 ကလက်မခံလို့ 𝑅𝑒𝑝𝑟𝑒𝑠𝑠 လုပ်ခဲ့ကြတာပဲဖြစ်ပါတယ်။

☯ဘဝမှာ 𝑌𝑖𝑛-𝑌𝑎𝑛𝑔 ဟန်ချက်လိုအပ်ပါတယ်။အလင်းရောင်တစ်ခုတည်းနဲ့ မလုံလောက်သလို၊ အမှောင်ကိုလည်း ငြင်းပယ်လို့မရနိုင်ပါဘူး။ ကိုယ့်ရဲ့စိတ်ရဲ့ အမှောင်ထဲက အသံတွေကို နားထောင်ပါ။ ငါ ဒီလိုခံစားရတာ မှန်ပါတယ်" လို့ ဝန်ခံဖို့ ရဲရင့်ပါ။ အားနည်းချက်တွေကို မဖုံးကွယ်တော့ဘဲ အဲဒီအတွက် တာဝန်ယူပါ။

🌻ကိုယ့်ကိုကိုယ်လက်ခံနိုင်မှသာ ကျွန်မတို့ အမြဲရှာနေတဲ့ ကျွန်မတို့မှာတခုခုလိုနေတယ်ဆိုတဲ့ အစိတ်အပိုင်းကို ဖြည့်ဆည်းလာနိုင်ပါ။ ဒေါသမရှိရင် 𝑒𝑓𝑓𝑜𝑟𝑡 မရှိတော့သလို ဘဝရဲ့ အောင်မြင်မှုတွေကိုရယူတဲ့အခါ အနှောင့်အယှက်ဖြစ်တတ်ပါတယ်။ အကောင်းအဆိုးတွဲနေတဲ့ လောကမှာ အကောင်းကြီးပဲလက်ခံတာထက် အဆိုးကိုလည်းနေရာပေးမှသာ ဘယ်ပြဿနာမျိုးမဆို ကိုယ့်နဲ့ ကိုယ်ရဲ့စိတ် သေသေချာချာ ပြန်ကြည့်နိုင်ပြီး စစ်မှန်တဲ့ အေးချမ်းမှုနဲ့ ပြည့်ဝမှုကို ရှာတွေ့ နိုင်မှာဖြစ်ပါတယ်။

#𝐜𝐨𝐮𝐧𝐬𝐞𝐥𝐨𝐫𝐭𝐡𝐨𝐮𝐠𝐡𝐬

23/06/2025

𝐆𝐮𝐢𝐥𝐭𝐲 ( အပြစ်ရှိစိတ်)

သတ္တဝါတိုင်းမှာ သူ့နည်းသူ့ဟန်နဲ့ သူတို့ဘဝကိုရှင်သန်ဖို့ကြိုးစားနေကြတဲ့အခြေအနေတိုင်းမှာ အမှားတွေရှိသလို အမှန်တွေလည်းရှိကြပါတယ်။ ဒါပေမယ့် အမှားအမှန်တိုင်းမှာ 𝐩𝐞𝐫𝐜𝐞𝐩𝐭𝐢𝐨𝐧 တွေမတူကြတာမို့ တဖက်ကအမှားလို့ယူဆပေမယ့် တဖက်ကတော့ အမှန်လို့ယူဆနေတတ်ကြပြန်သေးတယ်။ အဲ့ဒီအမှားအမှန် ခွဲခြားမှုပေါ်မူတည်ပြီးအပြစ်ရှိတာမရှိတာထပ်စဉ်းစားကြပြောကြပြန်သေးတယ် ထုံးတမ်းအစဉ်အလာတွေ ယဉ်ကျေးမှု ပညာရေးစနစ် 𝐩𝐨𝐥𝐢𝐭𝐢𝐜𝐚𝐥 𝐬𝐲𝐬𝐭𝐞𝐦 တွေနဲ့ စံပြထား တိုင်းတာသတ်မှတ်ကြပြီး 𝐬𝐨𝐜𝐢𝐚𝐥 𝐧𝐨𝐫𝐦𝐬 တွေနဲ့မကိုက်ရင် ကျမတို့က အပြစ်လုပ်တယ် အပြစ်ရှိတယ်လို့သတ်မှတ်ကြပါတယ်။

ဥပမာ ကျမတို့ငယ်ငယ် ကလေးဘဝက ကျောင်းတက်ရမယ့်အချိန် စာသင်/စာဖတ်ရမယ့်အချိန်မှာ ကစားနေတာ သို့မဟုတ် စာကိုစိတ်မဝင်စားတာမျိုးတွေဆို မိဘတွေက အပြစ်လို့သတ်မှတ်ပြီး ဆူကြ ရိုက်ကြကလေးတွေကို ပြစ်တင်ကြတယ်။ ဒီအမှားကို ကလေးနဲ့မတန်တဲ့ ပြစ်ဒဏ်ပေးတာတောင်တွေရှိခဲ့ကြပါတယ်။ ထို့အတူ မိသားစုရဲ့ ထုံးတမ်းစဉ်လာတွေ ရိုးရာအစဉ်အလာတွေမလိုက်နာရင် အပြစ်လို့သတ်မှတ်ကြပြန်တယ်။ 𝐒𝐨𝐜𝐢𝐞𝐭𝐲 ကသတ်မှတ်ထားတဲ့ စည်းမျဉ်းစည်းကမ်းတွေကို ဖောက်ဖျက်ကြရင်လည်း အမှားလုပ်တယ်ဆိုတာထက် အပြစ်တခုအဖြစ်သတ်မှတ်ပြီး 𝐬𝐨𝐜𝐢𝐞𝐭𝐲 ကနေထုတ်ဖယ်ကြ ဝိုင်းဝန်းပြစ်တင်ကြ အပြစ်ပေးလေ့ရှိကြပါတယ်။ 𝐓𝐡𝐞 𝐎𝐮𝐭𝐬𝐢𝐝𝐞𝐫 (𝐋'𝐄́𝐭𝐫𝐚𝐧𝐠𝐞𝐫 )ထဲက 𝐀𝐥𝐛𝐞𝐫𝐭 𝐂𝐚𝐦𝐮𝐬 ရဲ့ ဇာတ်ကောင် 𝐌𝐞𝐮𝐫𝐬𝐚𝐮𝐥𝐭 လိုအဖြစ်မျိုးတွေ ကျွန်မတို့ပတ်ဝန်းကျင်မှာ အများကြီးရှိခဲ့ကြပါတယ်။

“ တကယ်ပဲ ကျွန်မတို့တွေအပြစ်ရှိကြလား “

ဟုတ်ကဲ့ ကျွန်မတို့တွေဆီမှာလူတိုင်းရဲ့ အမြင်တွေနဲ့ မတူတဲ့အမှားတွေကိုယ်စီရှိကြတယ် အဲ့ဒီ့အမှားတွေက ကိုယ့်ရဲ့စိတ်မှာရှိနေတဲ့ဖိနှိပ်ထားခဲ့ရတဲ့ အစိတ်အပိုင်းလေးတွေကအရမ်းကို တွန်းနေတဲ့အခါမျိုးတွေမှာ အမှား ဖြစ်လာကြပါတယ်။ တခါ အမှားတွေကနေသိစိတွေပျောက်ကွယ်ပြီး အစွန်းတဖက်ကိုရောက်သွားတဲ့အခါ 𝐒𝐨𝐜𝐢𝐞𝐭𝐲 ကသတ်မှတ်ထားတဲ့ စည်းကမ်းတွေကနေကျော်လွန်ရင် အမှားတွေလုပ်တတ်ကြပါတယ်။

ဥပမာ အမြဲသည်းခံနေတဲ့သူက သူ့ရင်ထဲမှာတုံ့ပြန်ဖြေရှင်းခွင့် သူရင်ထဲကတောင်းဆိုတာကိုလည်း လုပ်ခွင့်မရတဲ့ အခြေအနေတွေများလာပြီး ဒေါသတကြီး ပေါက်ကွဲတာ ရန်ဖြစ်တာ သူတခါမှမလုပ်ဘူးတဲ့အရာတွေကို စည်းမျဉ်းတွေ 𝐜𝐮𝐥𝐭𝐮𝐫𝐞 တွေကနေ ဖောက်ဖျက်ပြီး လုပ်တာ သူအမြဲတွေ့နေကြသူတွေနဲ့ရှောင်တာ စတာတွေကိုလုပ်တတ်ကြသလို ကျမတို့ပတ်ဝန်းကျင်မှာ အရက်မသောက်ရင်လူကောင်း အရက်မူးလာရင် သွေးဆိုးလာပြီဆိုတဲ့သူတွေလည်းအများကြီးတွေ့ဖူးကြမှာဖြစ်ပါတယ်။ တကယ်တမ်းက သူ့တို့ရင်ထဲမှာ ခံစားနေရတဲ့အစိတ်အပိုင်းတွေက နာကျင်လွန်းတဲ့အခါ အရက်မသောက်ပဲပြောပြနိုင်ဖို့ သူတို့ရဲ့ ဝမ်းနည်းမှု ကြောက်ရွံ့မှုတွေက ခွင့်မပြုထားလို့ ပဲဖြစ်ပါတယ်။ အရမ်းရက်စက်ပြီး အရမ်းကိုဒေါသကြီးကြတဲ့ သူတွေရဲ့ ရင်ထဲမှာလဲ ပြောမပြနိုင်လောက်တဲ့ ကြောက်စိတ်နဲ့အတူ အပြစ်ရှိစိတ်ကလည်း သူ့ကိုယ်သူတောင်မသိပဲ ဖိစီးနေတတ်ကြပါတယ်။

တခါတရံမှာလည်း 𝐑𝐒 တွေမှာ ကိုယ်လုပ်ရပ်ကိုအခြားတဖက်ကအမှားလို့သတ်မှတ်ပြီး မကြာခဏဒီအကြောင်းအရာတွေကိုပြန်ဖော်ပြီး ပြစ်တင်ရှုံ့ချခံရပြိး 𝐠𝐮𝐢𝐥𝐭 𝐭𝐫𝐢𝐩𝐩𝐢𝐧𝐠 လုပ်ခံရတဲ့ အခြေအနေတွေလည်းအများကြီး ကြုံဖူးကြမှာပါ။ အရေးကြီးဆုံးအချက်ကတော့ ကျမတို့တွေက အများလက်ခံထားတဲ့အရာနဲ့ ဆန့်ကျင်တဲ့အမှားတခုခုကို သိစိတ်နဲ့ဖြစ်စေ 𝐄𝐠𝐨 ကြောင့်ပဲဖြစ်စေ ကျူးလွန်ခဲ့မိပြီးရင် နောင်တချိန်မှာ အပြစ်ရှိတယ်ဆိုတဲ့ခံစားချက်ရဲ့ ဖိစီးနှိပ်စက်မှုကိုအလူးအလဲ ခံစားကြရတော့တာပါပဲ။ အဲ့ဒီ့အခါတွေမှာ ကိုယ့်ကိုကိုယ် 𝐒𝐞𝐥𝐟 𝐬𝐚𝐛𝐨𝐭𝐚𝐠𝐞 တွေဖြစ် 𝐈𝐧𝐧𝐞𝐫 𝐜𝐫𝐢𝐭𝐢𝐜 တွေဖြစ်လာပြီး အပြစ်ရှိစိတ်ကိုမဖြေနိုင်တော့ပဲ ပူပင်သောကတွေ 𝐀𝐧𝐱𝐢𝐞𝐭𝐲 တွေဖြစ်လာပြီး လက်ရှိအခြေအနေကိုမပျော်နိုင်ကြတော့ဘူးဖြစ်နေတတ်ပါတယ်။ ဒီလိုအခြေအနေလေးရောက်လာလို့ မွန်းကြပ်လာပြီဆိုရင် ကိုယ့်ရဲ့ခံစားချက်လေးတွေကိုနေရာပေးပြီး ဖော်ထုတ်ဖို့အတွက်တတ်ကျွမ်းတဲ့ 𝐩𝐫𝐨𝐟𝐞𝐬𝐬𝐢𝐨𝐧𝐚𝐥 တွေရဲ့ အကူအညီနဲ့ ခံစားချက်တွေကို ဖော်ထုတ်ပြီး ကိုယ့်ရဲ့ ခံစားချက်လေးတွေကို စီမံနိုင်ဖို့ပဲဖြစ်ပါတယ်။

#𝐜𝐨𝐮𝐧𝐬𝐞𝐥𝐨𝐫𝐭𝐡𝐨𝐮𝐠𝐡𝐬

17/05/2025

တစ်ရက်အလုပ်သွားရင်း ၂ ထပ်ကားပေါ်ကနေ မြင်လိုက်ရတဲ့ မြင်ကွင်းလေးက ကျမအတွက် မျက်ရည်တောင်ကျမိပါတယ်။ ဘာကြောင့်မျက်ရည်ကျရတာလဲဆိုတာကို အဲ့အချိန်တုန်းက သေချာသိမနေဘူး ကျမ ဝမ်းနည်းတယ်ဆိုတာပဲသိတယ်။
🚎 အဲ့နေ့က ၂ ထပ်ကားရဲ့ အပေါ်ထပ်မှာ ကျမတက်စီးခဲ့တယ်။ မှတ်တိုင်တစ်ခုမှာ Bus ကရပ်တာ နည်းနည်းကြာနေလို့ အပြင်ကိုစပ်စုပြီးကြည့်လိုက်တဲ့အချိန် ကားသမားက တက်မယ့်သူကုန်သွားပေမယ့် Bus ကားရဲ့ ရှေ့နားမှာ အသက်ကြီးတဲ့ဦးလေးကြီးတစ်ယောက် လက်ပြတားနေတာကို စောင့်ပေးနေတာ တွေ့တယ်။ ကျမစိတ်ထဲ ကားသမားကလည်း မထွက်ဖူး အဲ့ဦးလေးကြီးကိုစောင့်နေတယ်၊ အဲ့ဦးလေးကြီးကလည်း ကားနားကိုမလာဘူး၊ ဘယ်လက်က ကားကိုတားပြီး ညာလက်က လမ်းကြားထဲကို လက်ယက်ခေါ်နေတယ်။
🚌🚏 ကျမလည်း စိတ်ဝင်စားပြီး ဆက်ကြည့်နေတယ် ခါတိုင်းဆို ငါတော့ရုံးနောက်ကျတော့မှာပဲဆိုပြီး အဲ့ဒီဦးလေးကြီးကိုစိတ်တိုသလို ကားသမားကိုလည်းစောင့်နေလို့စိတ်တိုမိမှာ အမှန်ပဲ။ အဲ့အချိန်လမ်းကြားထဲက အမျိုးသမီးကြီးတစ်ယောက်ထပ်ထွက်လာတယ်၊ ဪ..သူ့အမျိုးသမီးကိုစောင့်ခေါ်နေတာပဲ၊ အဲ့အချိန် ဦးလေးကြီးက ကားနားရောက်လာပြီး ကားသမားကိုစောင့်ပေးဖို့ပြောတယ်၊ အဲ့ဒီအမျိုးသမီးကမလာသေးပဲ နောက်ကလူကိုထပ်ပြီး လက်ယက်ခေါ်နေပြန်ရော၊ ကျမစိတ်ထဲ မဟုတ်သေးဘူး လူမကုန်သေးဘူးလားပေါ့ နောက်ဆုံးလမ်းကြားထဲကထွက်လာတာတော့ လူလတ်ပိုင်း အသက် ၃၀ ကျော်လောက်လို့ထင်ရတဲ့ အမျိုးသားတစ်ဦးထွက်လာတယ်။ ကျမ စိတ်ထဲအားမလိုအားမရပေါ့ လူငယ်ဖြစ်ပြီး နောက်ဆုံးမှထွက်လာရလား အားလုံးက နင်ကိုပြန်စောင့်နေရတယ်ဆိုပြီး စိတ်ထဲပြောမိနေတာ၊ သူပြေးလာတာကို သူ့အမေက ကြင်ကြင်နာနာနဲ့စောင့်ပြီး လက်ဆွဲခေါ်တာကိုမြင်လိုက်တော့မှ အဲ့ဒီလူလတ်ပိုင်းကောင်လေးက Down syndrome-autism လိုမျိုးလေးတွေ့လိုက်ရတော့ ကားပေါ်မှာလေ ကျမ မျက်ရည်ကျမိတယ်။ ဒီမြင်ကွင်းက ဘာကြောင့်ကျမကိုမျက်ရည်ကျစေရတာလဲ…..? ကျမခံစားလိုက်ရတာ ဪ..သူ့မိဘက သူ့ကလေး လုပ်နိုင်သည်ဖြစ်စေ မလုပ်နိုင်သည်ဖြစ်စေ သန်မာသည်ဖြစ်စေ မသန်မာသည်ဖြစ်စေ တော်သည်ဖြစ်စေ ညံ့သည်ဖြစ်စေ ကျန်းမာသည်ဖြစ်စေ မကျန်းမာသည်ဖြစ်စေ ဘယ်တော့လွှတ်မချခဲ့ပဲ သူ့ကလေးနဲ့အတူတူရှိပေးနေပြီး မေတ္တာပေးပြီးစာနာပေးနိုင်လိုက်တာဆိုပြီး ကျမရဲ့ အတွင်းထဲက အစိတ်အပိုင်းလေးတစ်ခုက စကားလာပြောတာလေး ကျမကြားလိုက်မိတယ်။

😭 အဲ့အချိန််မှာ ကျမ အရမ်းဝမ်းနည်းသွားတယ်။ တကယ်တော့ ကျမက တော်တာ တတ်တာ သန်မာတာ သွက်လက်ချက်ချာပြီး လုပ်တတ်ကိုင်တတ်နဲ့ ဉာဏ်ကောင်းတာမျိုး smart ဖြစ်နေတာမျိုး အလုံးစုံပြည့်စုံနေတာမျိုးကို ကျမကိုယ်ကျမလိုချင်တာ၊ ကျမရဲ့ တုံးတယ် အတယ် မလုပ်တတ်ဘူး မကိုင်တတ်ဘူး ဉာဏ်မကောင်းဘူး တစ်ခုခုဆိုနားလည်မလွယ်ဘူးဆိုတဲ့ အရာတွေကိုမလိုချင်ဘူး သူတို့ကျမဆီမှာရှိနေတာကိုလည်း ဒေါသထွက်တယ်။ တခုခုလုပ်မယ်ဆို မလုပ်တတ်မကိုင်တတ်ဖြစ်နေတဲ့ ကိုယ့်ကိုယ်ကိုဆို အားမလိုအားမရတွေဖြစ်ပြီး ဒေါသတွေထွက်လာတယ်။ ဒါလေးတောင် မလုပ်တတ်ဘူးလား ဒါလေးတောင်မသိဘူးလား ညံ့လိုက်တာဆိုပြီး အတွင်းထဲမှာ ကိုယ်ဖာသာကိုယ်ဝေဖန်နေတာကိုကိုယ်တိုင်တောင်သိမနေတော့ ကျမတစ်ခုခုကို တာဝန်ယူပြီးလုပ်ရတော့မယ်ဆို အမှားအယွင်းဖြစ်မှာ အများနဲ့ယှဉ်ရင် ကိုယ်က့နေမှာကို အရမ်းကြောက်လာတယ်၊ ကိုယ် မတော်တာ ညံ့တာတွေ မလုပ်တတ်မကိုင်တတ်ဖြစ်မှာတွေကို လူတွေသိပြီးဝေဖန်ခံရမှာ အရမ်းကြောက်တော့ ကျမရဲ့ လုပ်တတ်တယ် ကိုင်တတ်တယ် စူးစမ်းလေ့လာချင်တယ် တီထွင်ကြံဆနိုင်တဲ့ အရာတွေကိုလည်း လိုက်မလုပ်နိုင်တော့လို့ ဘာမှမလုပ်ပဲနေမိတော့တယ်။

😱😰ကျမတို့ကြောက်လို့ထွက်ပြေးရတာက အရမ်းလွယ်တယ်၊ အဲ့ဒီအလုပ်ကိုကျမတို့ တသက်လုံးလုပ်လာကြတာ၊ ကိုယ်ကြောက်တဲ့အရာ ကိုယ်မလိုချင်တဲ့အရာတွေကနေ ထွက်ပြေးဖို့ပဲအမြဲလုပ်ခဲ့တော့၊ အဲ့ဒီအရာတွေဆီကနေ ကျမတို့ဘယ်တော့မှ မလွတ်မြောက်နိုင်ခဲ့ဘူး။ ကျမတို့ကြောက်တဲ့အရာ ဝမ်းနည်းနာကျင်နေရတဲ့အစိတ်အပိုင်းလေးဆီကနေ ထွက်မပြေးပဲ သူနဲ့အတူတူရှိပေးပြီး သူ့ကိုစာနာနားလည်ပြီး empathy ထားနိုင်ခဲ့မယ်ဆိုရင် အဲ့ဒီအရာလေးက ကျမတို့ရှေ့ဆက်ဖို့အတွက် ခွန်အားလေးတစ်ခုဖြစ်နေတယ်ဆိုတာ ကျမအရင်ကမသိခဲ့ဘူး။ ကျမတွေ့ခဲ့တဲ့ မြင်ကွင်းလေးက ကျမကို trigger ဖြစ်စေပြီး ကျမရဲ့အတွင်းလေးကိုပြန်ကြည့်ခွင့်ရခဲ့တယ်။

🫂အခုချိန်မှာ မိမိအတွက်ခက်ခဲနေတဲ့ ခံစားချက်တွေ ဘာမှန်းမသိပဲလေးလံနေတဲ့အရာတွေ ရင်ဆိုင်ရမှာကြောက်တဲ့ခံစားချက်တွေကို နေရာလေးပေးပြီး စိတ်ချလုံခြုံစွာဖြင့် ကိုယ့်ခံစားချက်တွေနဲ့ အတူတူရှိနေပေးချင်တယ်ဆိုရင် ကျမတို့ counselor တွေကလည်း မိတ်ဆွေတို့ရဲ့ journey မှာအတူတူရှိနေပေးဖို့ အဆင်သင့်ရှိနေပါတယ်။

Address

Yangon

Telephone

+959797376227

Website

facebook.com

Alerts

Be the first to know and let us send you an email when 𝑵𝒐𝑶𝒏𝒆-𝑾𝒆𝒍𝒍𝒔𝒑𝒓𝒊𝒏𝒈 𝑪𝒐𝒖𝒏𝒔𝒆𝒍𝒍𝒊𝒏𝒈 posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to 𝑵𝒐𝑶𝒏𝒆-𝑾𝒆𝒍𝒍𝒔𝒑𝒓𝒊𝒏𝒈 𝑪𝒐𝒖𝒏𝒔𝒆𝒍𝒍𝒊𝒏𝒈:

Shortcuts

Want your practice to be the top-listed Clinic in Yangon?

𝑵𝒐𝑶𝒏𝒆-𝑾𝒆𝒍𝒍𝒔𝒑𝒓𝒊𝒏𝒈 𝑪𝒐𝒖𝒏𝒔𝒆𝒍𝒍𝒊𝒏𝒈

05/10/2025

19/08/2025

27/07/2025

25/07/2025

18/07/2025

09/07/2025

09/07/2025

23/06/2025

17/05/2025

Address

Telephone

Website

Alerts

Contact The Practice

Shortcuts

Share

Category