20/02/2024
ဆီးချို ရောဂါ နှင့် သွားနှင့်ခံတွင်းကျန်းမာရေး
➡️ဆီးချိုရောဂါ က အာရုံကြော၊ကျောက်ကပ်၊နှလုံး၊မျက်လုံးနှင့်အခြားသောကိုယ်ခန္ဓာအစိတ်ပိုင်းများကို ထိခိုက်နိုင်တယ်ဆိုတာ ဆီးချိုဝေဒနာရှင်
အများစုသိကြပေမဲ့ သွားနှင့်ခံတွင်းကိုထိခိုက်နိုင်တယ်ဆိုတာ
သတိမပြုမိပဲ နေတတ်ကျပါတယ်။
➡️ဆီးချိုရောဂါသည်များသည်သာမန်လူများထက်သွားဖုံးရောင်ခြင်း၊နာခြင်း
သွားဖုံးရိုးနိမ့်ကျခြင်း၊ခံတွင်းရနံ့ဆိုးခြင်း၊ရေစီးကမ်းပြိုဖြစ်ခြင်း စသဖြင့်
ဖြစ်နိုင်သည့်ရာခိုင်နှုန်းများနေသည်ကိုတွေ့ရှိရသည်။
ထို့အပြင်ဆီးချိုရောဂါသည်ရောဂါပိုးအလွယ်တကူဝင်နိုင်ပြီးအနာကျက်ခြင်းကိုနှေးစေသဖြင့် ကုသမှုများအပေါ်များစွာအနှောက်ယှက်ပေးပါသည်။
➡️ဆီးချိုရောဂါကြောင့်ခံတွင်းမှို ရောဂါ၊ခံတွင်းခြောက်ခြင်းတို့ဖြစ်တတ်ပါသေးတယ်။ထို့ကြောင့်ခံတွင်းနေရာအနှံ့အပြားတွင် အနာ အလွယ်တကူ
ဖြစ်ခြင်း၊သွားပိုးစားခြင်း၊သွားကျောက်များဖြစ်ခြင်းနှင့်နောက်ဆက်တွဲ
သွားဖုံးရောဂါများဖြစ်ကာ သွားများယိုင်နဲ့ ဆုံးရှုံးနိုင်ပါသည်။
➡️ထို့ကြောင့်ဆီးချိုရောဂါရှိသူများအနေဖြင့် မလိုလားအပ်သော
သွားနှင့်ခံတွင်း ရောဂါများ မဖြစ်ရလေအောင် ပါးစပ်ထဲတွင်
သွားပိုးပေါက်များရှိပါကသွားဖာခြင်း၊သွားကျောက်များကပ်နေပါက
သွားကျောက်ခြစ်ခြင်း၊ထိရှအနာဖြစ်နိုင်သည့် ချွန်နေသောသွားများအား
တုံးပေးခြင်း များကို သွားဆရာဝန်များထံသွားရောက်ကုသမှုခံယူရမည်။
နောက်ဆုံးအနေဖြင့် ၆လ တစ်ခါ သွားဆေးခန်းများတွင် မိမိသွားနှင့်ခံတွင်း
ကျန်းမာရေးကို စစ်ဆေးကာ သွားနှင့်ခံတွင်းဆိုင်ရာ ရောဂါများဖြစ်ခြင်းကို
ကြိုတငိကာကွယ်စောင့်ရှောက်နိုင်ပါစေ။
