22/07/2025
" #ကျန်းမာရေး_ဗဟုသုတ ရစေခြင်းငှာ #မျှဝေပေးလိုက်ပါတယ် "
~~~~~~~~~~~~~~~~~~~~~~
ရောဂါ မဖြစ်ခင် ကြိုတင်ကာကွယ်လို့လဲရသလို
ရောဂါဖြစ်ပြီးမှလဲ သောက်လို့ရတဲ့
#ဓါတ်စာတွေလဲ_Double_Carne_Myanmar
မှာ #အားလုံးရနေပါပြီ ...
ဖုန်းလေးဆက်တာနဲ
အားလုံးရှင်းပြ ပို့ဆောင်ပေးနေပါပြီ ...
☎️ 09799911106
~~~~~~~~~~~~~~~~~~~~~~~
မခံမရပ်နိုင်အောင်ဗိုက်အောင့်လို့ ညဖက်ကြီးမှာ နီးစပ်ရာ သုခကမ္ဘာဆေးရုံကိုသွားရတယ်၊ အရေးပေါ်က ဆရာဝန်တွေကစမ်းသပ်ပြီးတော့
အကိုက်အခဲပျောက်ဆေးထိုးပေးတယ်၊နာရီဝက်လောက်အကြာထိမသက်သာသေးတော့ နောက်ထပ်ဆေးတမျိုး ထပ်ထိုးတယ်။ မသက်သာလျင် ဆေးရုံကိုတည တက်ဖို့ပြောတယ်၊စောင့်ကြည့်ပြီးမသက်သာတာနဲ့ အခန်းယူပြီးဆေးရုံတက်လိုက်ပါတယ်၊လူနာက ဇောချွေးတွေပြန်ပြီး တကိုယ်လုံးအေးစက်၊ဖြူဖက်ဖြူရော်ဖြစ်ပြီး ညီးနေတယ်။ ဆရာဝန်က ဆေးနဲ့ အကိုက်အခဲပျောက်ဆေး ကို Drip ထပ်ချိတ် ပေးထားတော့ တဖြေးဖြေးသက်သာလာတယ်၊မိုးလင်းချိန် ရောက်တော့ Ultrasound ဆရာဝန်ရောက်သည်ထိစောင့်ပြီး ဝမ်းဗိုက်ကို ရိုက်ကြည့်စစ်ဆေးတယ်၊အစာအိမ်ခေါင်းယောင်နေတယ်တဲ့၊သားအိမ်၊မမျိုးဥအိမ်၊ကျောက်ကပ် အကုန်လုံးကောင်းတယ်တဲ့၊သည်းခြေအိတ်ထဲတော့ ကျောက်သေးသေးလေးတွေ တဝက်နီးပါးရှိနေတယ်တဲ့၊ အရေးတကြီးထုတ်ရန်တော့မလိုသေးပါဘူးတဲ့၊ ဆေးရုံတက်တာ ၁၂ နာရီ မပြည့်ဘူး၊ ၄သိန်းကျော်လောက်ကုန်ကျခဲ့တယ်😁😁
အဲ့လိုနဲ့ Fame ကထုတ်တဲ့ သည်းခြေကျောက်ပျော်ဆေးရယ်၊ အမေရိကန်ကထုတ်တဲ့ သဘာဝအသည်းအားဖြည့်ဆေး(Milk thistle) ကို မနက်၁လုံး +ညနေ ၁လုံး ၁၀ လသောက်ပြီး၊ဗဟိုစည်ဆေးရုံမှာ Ultrasound ထပ်ရိုက်ကြည့်တယ်၊သိပ်မထူးခြားဘူး၊သည်းခြေအိတ်ထဲ ကျောက်တဝက်လောက်ရှိတယ်ပဲ ပြောတယ်။အဲ့လိုနဲ့နေလာခဲ့တာ တနှစ်ကျော်လောက်ကြာတော့ နောက်တခါ ပုံစံတူ ညဘက်ပဲထပ်အောင့်တယ်၊ဆေးရုံတော့မပြေးလိုက်ရဘူး၊ညလယ်လောက်မှာ သက်သာသွားပြန်တယ်။
အဲ့တာနဲ့မဖြစ်တော့ဘူးဆိုပြီး ရွှေလမင်းဆေးရုံမှာ Professor ဦးကျော်ကျော်သိန်း(🙏🙏🙏)နဲ့သွားပြပြီး ထပ်မံစစ်ဆေးခံယူတယ်၊ ဆရာကြီးနဲ့ခွဲစိတ်မှု့ခံယူချင်ပါတယ်လို့၊LC (laparoscopic surgery) နည်းနဲ့ရလျင်ခွဲချင်ပါတယ်လို့ တောင်းဆိုပြီး၊ပြည့်သူ့ဆေးရုံမှာ ခွဲပါရစေလို့ ထပ်မံတောင်းဆိုတော့ ဆရာကြီးမှ ဆေးခန်းပြစာအုပ်မှာ Gall stone အတွက်မှတ်ချက်ရေးပေးလိုက်ပြီး ၊ ရန်ကုန်ပြည်သူ့ဆေးရုံသစ်ကြီး(Japan ဆေးရုံ ) ၏ OPD (ပြင်ပလူနာဠါန) သို့သွားရောက်ကာထိုစာအုပ်ကိုပြပြီး လူနာကို မှတ်တမ်းတင်ခိုင်းပါသည်။
ဆေးရုံသို့ရောက်ရှိပြီး မှတ်တမ်းတင်ပြီးနောက်ရက်၂၀ ခန့်အကြာဖြစ်သော 23.3.2025 နေ့တွင်ဆေးရုံတက်ရန်နှင့် 27.3.2025 နေ့တွင်ခွဲမည်ဟု ဆေးရုံစာအုပ်မှာတာဝန်ကျ OPD ဆရာဝန်မှရေးပေးလိုက်ပါသည်။
ဆေးရုံတက်ရန် ရက်ဖြစ်သော 23.3.2025 မတိုင်ခင်မှာ အကြောင်းကိစ္စတခုပေါ်လာသောကြောင့် ရက်ရွှေ့ရန် ဆေးရုံOPD သို့ သွားရောက်ပြောကြားရမှာ၊ဆေးရုံမှ 28.4.2025 နေ့ ၊မနက် ၇နာရီအရောက်ဆေးရုံတက်ရန် ပြောင်းရွှေ့ပေးခဲ့သောကြောင့် 28.4.2025 နေ့တွင် ဆေးရုံသို့ စတင်တက်ရောက်ခဲ့ပါသည်။
မိမိစတင်တက်ရောက်သောနေ့မှာ လူနာအရေအတွက်များများစားစား မရှိသေးပဲ၊ လူနာကုတင်အလွတ်များရှိနေတာ တွေ့ရပါသည်။
ဆေးရုံပထမထပ်ရှိ အမျိုးသမီးခွဲစိတ်ဆောင်တွင် နေရာပေးပါတယ်။ မိမိကုတင်နဲ့ နေသားတကျဖြစ်ပြီးစမှာ ဆရာဝန်ကြီးများနဲ့ ဆရာဝန်လက်သစ်လေးများ၊Nurse အကြီး၊အငယ်များ အုပ်စုလိုက် round လှည့်ပါတယ်၊မိမိမှ Gall stone အတွက် ဆေးရုံသို့ အခုမှတက်သောလူနာဖြစ်ကြောင်းပြောပြလိုက်ပါတယ်၊ဆေးရုံမှာ တညအိပ်ပြီး နောက်တနေ့မနက်တွင် Proffesor ဦးကျော်ကျော်သိန်းမှ လာရောက်ပြီးလူနာအားသမားတော်နှင့်ပြရန် ညွှန်ကြားပြီးနောက် ၊တာဝန်ကျဆရာဝန်များနှင့် Nurse များက သွေးဖေါက်ဆီးချိုစစ်ခြင်း၊သွေးပေါင်ချိန်ခြင်း၊ ECG ဆွဲခြင်း ၊ပိုးသတ်ဆေးသွင်းခြင်းတို့အားနေ့စဥ်လုပ်ပြီး အဆုတ်ဓါတ်မှန် ရိုက်ခြင်းနှင့်လိုအပ်သောသွေးစစ်ဆေးခြင်းများအတွက်သွေးခနခနအလွယ်တကူထုတ်ယူနိုင်ရန်လက်တွင် အပ်တချောင်းတပ်ထားလိုက်ပါ တော့သည်😢😢😢😅😅😅😅
မိမိသည်ကိုဗစ်ဖြစ်ခဲ့ဘူးသူတယောက်မို့ အဆုတ်ဓါတ်မှန် (Chest X-ray) အဖြေတွင် အဆုတ်အမာရွတ်များကျန်နေတာကိုသမားတော်မှ တွေ့သောကြောင့် သလိပ်ပိုးမွေးပြီး ထပ်မံစစ်ဆေးပါတယ်
( ၊အဖြေရရန်တပတ်စောင့်ဆိုင်းရပါတယ်။)
အဖြေက TB ပိုးမရှိခြင်းနဲ့အတူအဖြေကောင်းတာကြောင့် သမားတော်မှ မေ့ဆေးဆရာဝန်ကို show( သူတို့ဆရာဝန်အခေါ်အဝေါ) တော့မှ မေ့ဆေးဆရာဝန်က ရောက်လာပြီး လူနာကိုကိုယ်တိုင်မေးမြန်းစစ်ဆေးပြီး လူနာနဲ့ လူနာစောင့်တို့သိထားသင့်သာည်များကို( LC = Lacroscopic နည်းဖြင့်အပေါက်ဖေါက်ခွဲစိတ်ခြင်းသည် လူနာ၏အဆုတ်ကိုအားပြု၍မေ့ဆေးပေးရခြင်းဖြစ်တာကြောင့် အဆုတ်အားနည်းသူများအတွက် အန္တရယ်များကြောင်း၊ခွဲစိတ်ပြီးပါကလဲ သတိပြန်လည်လာဖို့ခက်ခဲကြောင်း၊အကြောင်းတစုံတရာတခုကြောင့်ဝမ်းတွင်းကလီစာများကပ်ပြီးခဲနေလို့ လိုအပ်ပါက Open
နည်းဖြစ်သောဗိုက်ကိုဖွင့်ပြီး ခွဲစိတ်ကုသနည်းပြောင်းမှာဖြစ်ကြောင်း ကြိုတင်ပြောပါတယ်။
လူနာမှလဲသဘောတူကြောင်း လက်မှတ်ထိုးပေးရမယ်လို့ ပြောပါတယ်။
အဲ့လိုနဲ့ပဲ ဆေးရုံမှာ လက်ကအပ်တန်းလန်းနဲ့ စားလိုက်၊ရုပ်ရှင်ကြည့်လိုက်၊အိပ်လိုက်၊နိုးလာလျင်ပြန်စားလိုက်၊ဟိုဟိုဒီဒီ စပ်စုလိုက်နဲ့ မိမိခွဲရက်ဘယ်တော့လဲဆိုတာကို စောင့်ရင်းနဲ့ ပျင်းချိန်တောင် မရပါ ဘူး 😅😅😅😅
12.5.2025 နေ့ညနေမှာ ပေါင်ချိန်တယ်၊အရပ်တိုင်းတယ်၊
13.5.2025 နေ့မှာ ခွဲပါမယ်တဲ့၊အဲ့နေ့မှာ ခွဲမည်သူက ၄ယောက်ပါ၊ အမျိုးသား၂၃နှစ် က ဝမ်းချုပ်ပြီးအူပိတ်၊နောက်အမျိုးသား ၆၀ ဝန်းကျင်က အူကျွံ၊နောက် အမျိုးသမီးတယောက်က ရင်သားအကြိတ် အတွက် ရင်သားဖြတ်၊ နှင့် မိမိက Gall stone သမားဖြစ်ပါတ,်
အဲ့လိုသိထားပြီး ညပိုင်းလဲ ရောက်ရော ခွဲစာရင်းထဲမှာ မိမိမပါတော့ပါတဲ့၊ခွဲခန်းအခက်အခဲကြောင့်ပါလို့ပြောပါတယ်၊နောက်ရက်တွေထဲ မကြာခင်ထပ်ပါပါမည်တဲ့😫😫😫😫
13.5.2025 နေ့ညနေမှာတော့ 14.5.2025 နေ့မှာခွဲစိတ်ပါမယ်ဟု ပြောပါတယ်၊ညနေကျလျင် ခွဲစိတ်မည့်သူ စာရင်းမှာ ပါပါမယ်တဲ့။ညနေ ၆ နာရီနောက်ပိုင်း အစာ မစားရန်၊ည ၁၀နာရီနောက်ပိုင်း ရေအများကြီးမသောက်ရန်၊ မနက်၄ နာရီနောက်ပိုင်း ရေလုံးဝမသောက်တော့ရန်ကို မှာကြားပါတယ်။ ညဖက်မှာ အိပ်ဆေးလာတိုက်ပါတယ်၊အဲ့အချိန်မှာ မိမိကအိပ်မော်ကျနေပြီ😂😂 နှိုးပြီး အိပ်ဆေးတိုက်လို့သောက်ရပါတယ်၊
14.5.2025 မနက်ခင်းမှာနှာခေါင်းပိုင်းလာထည့်ပါတယ်၊Sodium Chloride 0.9 % ချိတ်ထားလိုက်ပြီး၊ဆရာဝန်မှ လက်ဖျံမှာ ဆေးတည့် မတည့်သိရန် ဆေးစမ်းပါတယ်၊လက်မှာ soft pen နဲ့ ရေးပြီးဝိုင်းလိုက်ပါသေးတယ်။ယခင်ကလဲ တခါစမ်းပြီးသားပါ။
တမနက်လုံးခွဲစိတ်မှု့ခံယူရန် စောင့်ဆိုင်းရင်း
နေ့လည် ၁၂း၄၅ မိနှစ်မှာ ခွဲခန်းထဲသို့ သွင်းပါတယ်၊ ခွဲခန်းမဝင်ခင် တကိုယ်ရှိသမျှ အဝတ်အစား၊အဆောင်လက်ဖွဲ့နှင့် အခြားအရာများချွတ်ထားပြီးခွဲခန်းဝတ်စုံ ဝတ်ရပါတယ်၊(ခွဲခန်းထဲသို့ ခွဲစိတ်ခံလူနာတယောက်ပဲ ဝင်ရတာပါ၊လူနာစောင့်တွေက ခွဲစိတ်ခန်း အပြင်ဖက်အဝက စောင့်ရတာပါ)
ခွဲစိတ်ခန်းထဲရောက်တော့ လက်နှစ်ဖက်ကိုကားခိုင်းပြီး ဝါယာကြိုးတွေတပ်ပါတယ်၊ခြေထောက်၂ဖက်မှာလဲတပ်တယ်၊ဆေးတွေလဲထပ်သွင်းပါတယ်၊ပြီးတာနဲ့ အောက်ဆီဂျင်ပြင်ဖို့ပြောပြီး နောက် မိမိပါးစပ်မှာ ခွက်နဲ့အုပ်ပြီးရှူပါလို့ ပြောလို့ 🤨🤨 ၂ချက်လောက်ရှူလိုက်တာနဲ့ ဘာဆို ဘာမှမသိတော့ဘူး 🤣🤣🤣🤣🤣🤣
ပြန်သတိရလာတော့ အခန်းထဲကကုတင်ပေါ်ပြန်ရောက်နေပြီ 😊😊😊😊😊
၃:၄၀ လောက်မှာ ခွဲခန်းက ပြန်ထုတ်လာတယ်လို့ပြောတယ်၊လူနာတင်ကုတင်တွန်းတဲ့သူကို မိမိလူနာစောင့်က လူနာသတိလည်လားမေးတော့၊သတိလည်ပါပြီတဲ့၊သတိလည်လို့ ပြန်ထုတ်လာတာပါတဲ့၊ခေါ်ကြည့်ပါတဲ့၊လူနာစောင့်ကအနားကပ်ပြီး ခေါ်ကြည့်တယ်လို့ပြောတာပဲ၊မိမိကလဲ မျက်လုံးဖွင့်ကြည့်တယ်တဲ့၊ပါးစပ်ကလဲ ပြန်ပြောတယ်လို့ နောက်မှပြန်ပြောလို့သိရတာပါ၊မိမိအနေနဲ့ အဲ့ဟာတွေကိုတော့ မမှတ်မိပါ။😁😁
ခွဲခန်းကအထွက်မှာ လူနာစောင့်ကို မိမိကိုယ်တွင်းဖြစ်သောသယံဇာတ ကျောက်တွေထည့်ထားအိတ်ရယ်၊သည်းခြေအိတ်ရယ်ကိုပေးပြီး၊သယံဇာတကျောက်များကိုတော့ယူထားလို့ရပြီး၊သည်းခြေအိတ်ကို ဓါတ်ခွဲခန်းသို့ပို့ခိုင်းပါတယ်၊အဖြေက ၂ရက်နေတော့ရပါတယ်၊အဖြေကသာမန်ပါ၊သည်းခြေကျောက်များဟာ သည်းခြေအိတ်ထဲမှာ ရှိနေတာကြာပြီမို့ ယောင်ရမ်းတာဟုအဓိပ္ပါယ်ရတဲ့ မှတ်ချက်နဲ့ အဖြေထွက်ပါတယ်။( Chronic calculous cholecystitis )
မိမိအခန်းထဲပြန်ရောက်ပြီးပြီးချင်း အောက်စီဂျင် ၆ နာရီပေးထားပါတယ်၊အချိနိပြည့်တော့ ရပ်ပါတယ်၊ လေလည်လား အီးပေါက်ပြီလားလို့မေးပါတယ်၊အီးပေါက်လျင် နှာခေါင်းပိုက်ဖြုတ်ပေးမယ်တဲ့၊ခွဲခန်းက ထွက်ပြီး နောက်တနေ့၊နေ့လည်ကျမှ အီးပေါက်လို့ ဆရာမက နှာခေါင်းပိုက် ချက်ချင်းလာဖြုတ်ပေးပါတယ်။
တနေ့ကို ၂၄နာရီမှာ Sodium Lactate solution ၂လုံးနဲ့ Dextrose 5% solution ၂လုံး၊စုစုပေါင်း၄လုံးကို တမျိုး ၁လုံးခြားပြီး အလှည့်ကျ သွင်းပါတယ်၊ပိုးသတ်ဆေးနဲ့ အကိုက်အခဲပျောက်ဆေး လဲ မနက်၊ည သွင်းပါတယ်။
ခွဲခန်းထွက်ပြီးကတည်းက ရေမသောက်ရ၊အစာမစားရပါ၊ဗိုက်လဲ မဆာပါ၊ဆေးတွေချိတ်ထားတာမို့ပါ၊ နှုတ်ခမ်းခြောက်လျင် ဂွမ်းစကိုရေစွတ်ပြီး တို့ပေးရုံပဲ ရပါတယ်။နောက်နေ့မနက်မှာတော့ တနာရီကိုရေ ၂ဇွန်းသောက်လို့ရပါတယ်တဲ့၊ညနေပိုင်းမှာ ရေနဲ့ အခြားဖျော်ရည်၊မိုင်လို
ကြက်ပြုတ်ရည် စတာတို့ကို အဝ သောက်လို့ရပါပြီတဲ့။ နောက်တနေ့မှာတော့ အစာပျော့ပျော့စားခိုင်းပါတယ်၊အဲ့ရက်မှာပဲ ဆေးချိတ်ထားတာတွေ ဆေးထိုးတာတွေ ရပ်ပါတယ်။
အစာစားပြီးဗိုက်မအောင့်လျင်၊အလေးသွားပြီဆိုလျင် ဆေးရုံကပေးဆင်းပါ့မယ်လို့ပြောလို့ ရွှေတောင်တန်းအလယ်ဘလောက်က ကြက်သားဆန်ပြုတ် စစားပါတယ်၊ အဆင်ပြေတာမို့ မိတ်ဆွေများလာပို့ပေးသော Kudo က ငှက်ပျောသီးကိတ်မုန့်😋😋နဲ့ cheese cake လဲစားတယ်၊ကိတ်ခြောက်စားတယ်၊Milo တနေ့ကို ၃ခွက်သောက်တယ်။
ကြက်ဥပြုတ်လဲစားတယ်၊လိမ္မော်သီးဖျော်ရည်သောက်တယ်၊(မခွဲခင်တရက်အလိုက နီလာဒံပေါက်တပွဲမှာပြီးစားလိုက်သေးတယ်😁😁)
ဝမ်းချုပ်တတ်သူမို့ ဝမ်းကတော့မသွားသေးပါဘူး။
ဆရာဝန်တွေ round တော့ မိမိအခြေအနေပုံစံကို ကြည့်ပြီး 17.5.2025 နေ့ညနေ ၃:၃၀ ခန့်မှာ
ဆေးရုံက ဆင်းချင်လျင် ဆင်းလို့ရပြီဖြစ်ကြောင်းနဲ့ မနက်ဖြန်မှ ဆင်းချင်လဲရကြောင်းပြောလို့ အခုပဲ ဆင်းလို့ရမလားလို့ မေးတော့၊ရပါတယ်ပြောလို့ ဆေးရုံဆင်းစာအုပ်ကို စောင့်ယူပြီး 17.5.2025၊စနေနေ့ ည ၇ နာရီမှာဆေးရုံကနေ မိမိတနိုင်တပိုင်အိတ်များ ဆွဲပြီး ဆင်းလာခဲ့ပါသည်။
အနှစ်ချုပ်အနေဖြင့်....
ဆေးရုံစတက်ရက်က ( 28.4.2025 )
ခွဲခန်းဝင်သောရက် ( 14.5.2025)
ဆေးရုံဆင်းရက် ( 17.5.2025)
လူနာ (ကျား - မ )........မ
အသက် ...... ၆၀နှစ်
Surgeon.... Professor U Kyaw Kyaw Thane
ကုန်ကျစရိတ်........... (82600= ၈သောင်း ၂ထောင့် ၆ရာကျပ်)......( ရှစ်သောင်းနှစ်ထောင့်ခြောက်ရာကျပ်)
(ဆေးရုံမှာမရှိလို့ပါနော်လို့ ချိုချိုသာသာ ပြောပြီးဝယ်ခိုင်းသောဆေးများက
ဆီလီကွန် နှာခေါင်းပိုက်
ဆလင်ခေါင်းကြီး၊
Remopain injustion=အကိုက်အခဲသက်သာအောင်ထိုးဆေး၊
ဆေးရုံကဆင်းလျင် သောက်ဖို့အတွက် ပိုးသတ်ဆေး ၁၀လုံး၁ကဒ်၊
အစာအိမ် အက်ဆစ်တားဆေး Pantocid ၁၀လုံး၁ကဒ်။
စသည်တို့ဝယ်ပေးရလို့ စုစုပေါင်း ကျပ်ငွေ ၈၂၆၀၀ ကုန်ကျပါတယ်။
ဗိုက်မှာ အပေါက် ၄ ပေါက် ဖေါက်ပါတယ်၊ချက်အောက်မှာ ၁ပေါက်၊ချက်အပေါ်ပိုင်းတည့်တည့်မှာ၁ပေါက်၊ ညာဘက်နံရိုးအောက်နားမှာ ၂ ပေါက်ဖြစ်ပါတယ်၊ချုပ်ရိုးချည်အမဲရောင်နဲ့ ၁ချက်စီ ချုပ်ထားတယ်။ ဆေးရုံဆင်းပြီးတပတ်ပြည့်လျင် ပြင်ပလူနာဌါနကို ပြန်လာပြဖို့ ပြောပါတယ်။ယနေ့ 18.5.2025 နေ့မနက်မှာ ရေချိုးပါတယ်၊ချုပ်ရိုးပလာစတာများခွာပြီး အိမ်မှာပဲ သန့်ရှင်းရေးလုပ်မယ်ဆိုပြီး ကြည့်တော့ ၊သန့်နေတာမို့ betadine နဲ့ချုပ်ရိုးဘေးကိုပွတ်ပြီး ပတ်တီးစ အသစ်ညှပ်ခံပြီး ပလာစတာ အသစ်ပြန်ကပ်ပေးထားလိုက်တယ်😅😅။
သည်းခြေကျောက်တည်လျင်ခံစားရသောလက္ခနာများ
1...Bloating(လေပွ)
2... indigestion(အစာမကျေ)
3... Burp(လေချဥ်တက်)
4... constipation (ဝမ်းချုပ်)
5... pain or cramping under right ribs
(ဝမ်းဗိုက်ကြွက်သားတွေနာကျင်၊ညာဘက်နံရုနးအောက် နာကျင်)
6... shoulder blade pain(လက်ပျဥ်ကြောအောင့်၊ကျောအောင့်)
7... အဆီများတာစားလျင် ပိုအောင့်လာတတ်
8... chest pain( ရင်ဘတ်အောင့်)
9... nausea(ဗိုက်မကောင်း၊ဝမ်းပျက်ချင်သလိုဖြစ်)
10... stools float(မစင်တုံးပေါ့ပါးပြီးရေပေါပေါ်နေခြင်း)
ဘာလို့သည်းခြေကျောက်တည်ရတာလဲ ?????
အဆီ (အထူးသဖြင့် အပင်ကရတဲ့အဆီ=ပဲဆီ၊နှမ်းဆီ၊စားအုန်းဆီ၊၂ပြန်ကျော်များ၊အကြော်စုံများ)၊အစားများပြီး ကိုယ်လက်လှုပ်ရှားမှု့နည်းသူ အိမ်ရှင်မများ၊ Activity နည်းသော Life style မှာရှိနေသောအမျိုးသမီးအများစု၊ဝမ်းဗိုက်ပတ်လည် အဆီများပြီး ခါးတုတ်၊ဗိုက်ပူနေသောအမျိုးသမီးကြီးအများစုမှာ သည်းခြေကျောက် တည်လေ့ရှိပါတယ်.............ဆိုတဲ့ဖတ်ဘူးသမျှကို
လူနာအား အနီးကပ် ကူညီပေးခဲ့သူတယောက်အနေဖြင့် တွေ့ကြုံခဲ့ရသမျှကို အတတ်နိုင်ဆုံးအတိအကျနီးပါး မှတ်သားပြီး ဗဟုသုတ အလို့ငှါ ပြန်လည်မျှဝေ လိုက်ရပါသည်၊။
