https://www.facebook.com/243935035466296/

AP Yangon Away Service, Tarmwe, Ranchi (2025)

22/03/2024

ခြေထောက် ကြွက်သားများ နာကျင်ခြင်း (Claudication) ကိုဖြစ်ပွားစေတဲ့ အကြောင်းအရင်းများ

ခြေထောက်မှာ သွေးစီးဆင်းမှု နည်းပါးခြင်းကြောင့် ခြေထောက် ကြွက်သားများ နာကျင်ခြင်းကို ဖြစ်ပွားစေနိုင်ပါတယ်။ လေ့ကျင့်ခန်းတွေ အပြင်းအထန် ပြုလုပ်ခြင်းကြောင့် ခြေထောက် ကြွက်သားများ နာကျင်ခြင်းကို ခံစားရလေ့ ရှိပေမယ့် လေ့ကျင့်ခန်း ပြုလုပ်မှုကို ရပ်တန့်လိုက်ပြီး အနားယူလိုက်တဲ့ အခါမှာတော့ ခြေထောက် ကြွက်သားများ နာကျင်ခြင်း ဝေဒနာလည်း သက်သာပျောက်ကင်းသွားမှာ ဖြစ်ပါတယ်။

ခြေထောက် ကြွက်သားများ နာကျင်ခြင်းကို ခံစားရတဲ့အခါမှာ -

မကြာခဏ ခြေထောက်နာခြင်း

ကြွက်တက်ခြင်း

ပြည်တည်နာဖြစ်ခြင်း

ခြေဖဝါးအေးခြင်း

ခြေဖဝါး ယားယံခြင်း

ခြေထောက်ကိုက်ခဲခြင်းစတဲ့ ဝေဒနာတွေကို ခံစားရနိုင်ပါတယ်။

ခြေထောက် ကြွက်သားများ နာကျင်ခြင်းကို အဓိက ဖြစ်ပွားစေတဲ့ အကြောင်းအရင်းကတော့ သွေးကြောကျဉ်းခြင်း (Atherosclerosis) ကြောင့်ပဲ ဖြစ်ပါတယ်။

ဒါ့အပြင် -

ဆေးလိပ်သောက်ခြင်း

သွေးတွင်း ကိုလက်စထရော (Cholesterol) ပမာဏ မြင့်တက်ခြင်း

သွေးပေါင်တက်ခြင်း

အဝလွန်ခြင်း

ဆီးချိုရောဂါ ဖြစ်ပွားခြင်း

အသက်အရွယ်ကြီးမြင့်ခြင်း

မျိုးရိုးလိုက်ခြင်းတို့ကြောင့်လည်း ခြေထောက် ကြွက်သားများ နာကျင်ခြင်းကို ဖြစ်ပွားစေနိုင်ပါတယ်။

ခြေထောက် ကြွက်သားများ နာကျင်ခြင်းကို ကာလရှည် ခံစားရတဲ့ အခါမှာ ခြေထောက် ကြွက်သားတွေအပြင် ပေါင်တံ၊ တင်ပါးဆုံ၊ တင်ပါး၊ ခြေဖဝါး ကြွက်သားတွေ နာကျင်ကိုက်ခဲမှုကိုပါ ခံစားရနိုင်ပါတယ်။

တကယ်လို့ ခြေထောက် ကြွက်သားများ နာကျင်ခြင်းကို ကာကွယ်ချင်တယ် ဆိုရင်တော့ အောက်ပါ နည်းလမ်းတွေကို လိုက်နာဆောင်ရွက်သင့်ပါတယ်။

ဆေးလိပ်ဖြတ်ခြင်း

လေ့ကျင့်ခန်းပုံမှန် လုပ်ဆောင်ပေးခြင်း

သွေးတွင်း သကြားဓာတ်ကို ထိန်းညှိပေးခြင်း

အဆီများတဲ့ အစားအစာများ စားသုံးမှုကို ရှောင်ကြဉ်ခြင်း

ကိုယ်အလေးချိန်ကို ထိန်းညှိခြင်း

သွေးတွင်း ကိုလက်စထရော (Cholesterol) ပမာဏကို ထိန်းညှိခြင်း

REF: MayoClinic, MedicalNewsToday

11/03/2024

ဝမ်းချုပ်ဝေဒနာကို အလွယ်တကူ သက်သာစေမယ့် နည်းလမ်းများ

ဝမ်းချုပ်ခြင်းကို အဓိက ဖြစ်ပွားစေရတဲ့ အကြောင်းအရင်းကတော့ ခန္ဓာကိုယ်အတွင်းမှာ တည်ရှိနေတဲ့ အူတွေရဲ့ လှုပ်ရှားမှု နည်းပါးတာကြောင့်ပဲ ဖြစ်ပါတယ်။ ဒါ့အပြင် ခန္ဓာကိုယ်တွင်း အမျှင်ဓာတ်နည်းပါးခြင်း၊ ရေဓာတ်ဆုံးရှုံးခြင်း၊ သွားလာလှုပ်ရှားမှုမရှိခြင်း၊ စိတ်ဖိစီးမှုများခြင်း၊ အူမကြီးကင်ဆာ ဖြစ်ပွားခြင်းတို့ကြောင့်လည်း ဝမ်းချုပ်ဝေဒနာကို ဖြစ်ပွားစေနိုင်တဲ့အပြင် ဝမ်းချုပ်ခြင်းကြောင့် ဗိုက်အောင့်တာတွေ၊ နေထိုင်မကောင်းတာတွေကို ခံစားရစေနိုင်ပါတယ်။ ဒါကြောင့် ဝမ်းချုပ်ဝေဒနာကို အလွယ်တကူ သက်သာစေမယ့် နည်းလမ်းတွေကို အခုလို ဖော်ပြပေးလိုက်ရတာပဲ ဖြစ်ပါတယ်။

ပျားသံပုရာသောက်သုံးပေးပါ
သံပုရာဖျော်ရည်အထဲကို ပျားရည်အနည်းငယ် ထည့်သွင်းပြီး သောက်သုံးပေးခြင်းဖြင့် ဝမ်းချုပ်ဝေဒနာကို သက်သာပျောက်ကင်းစေမှာပဲ ဖြစ်ပါတယ်။ ပျားရည်မှာ Laxative ဓာတ်ပါဝင်တာကြောင့် အစာချေစနစ်ကို အထောက်အကူ ပေးမှာဖြစ်တဲ့အပြင် သံပုရာရည်ရဲ့ အချဉ်ဓာတ်ကိုလည်း ထိန်းညှိပေးသွားမှာ ဖြစ်ပါတယ်။ ဒါ့အပြင် သံပုရာသီး အနေနဲ့လည်း ခန္ဓာကိုယ်အတွင်းမှ အဆိပ်တွေကို ချေဖျက်ပေးနိုင်ပြီး အစာချေစနစ် အထောက်အကူ ပေးနိုင်တာကြောင့် ဝမ်းချုပ်ဝေဒနာ ခံစားနေရခြင်းကို သက်သာပျောက်ကင်းစေမှာ ဖြစ်ပါတယ်။

ရေများများသောက်သုံးပေးပါ
အမျိုးသားတွေ အနေနဲ့ တစ်နေ့ကို ရေလီတာ ၃.၇ လီတာခန့် သောက်သုံးပေးသင့်ပြီး အမျိုးသမီးတွေ အနေနဲ့ တစ်နေ့ကို ရေလီတာ ၂.၇ လီတာခန့် သောက်သုံးပေးသင့်ပါတယ်။ ဝမ်းချုပ်ခြင်းကို ဖြစ်ပွားစေတဲ့ အဓိက အကြောင်းအရင်းကတော့ ရေဓာတ်နည်းပါးခြင်းကြောင့်ပဲ ဖြစ်ပါတယ်။ ရေများများ သောက်သုံးပေးခြင်းကြောင့် ဝမ်းချုပ်ခြင်းကို သက်သာစေမှာဖြစ်ပြီး ဝမ်းအပျော့သွားစေမှာ ဖြစ်ပါတယ်။

အမျှင်ဓာတ်ကြွယ်ဝတဲ့ အစားအစာများ စားသုံးပေးပါ
အမျှင်ဓာတ်ကြွယ်ဝတဲ့ အစားအစာတွေကို စားသုံးပေးခြင်းကြောင့် ဝမ်းချုပ်ဝေဒနာ ခံစားရခြင်းကို သက်သာပျောက်ကင်းစေမှာ ဖြစ်ပါတယ်။ လေ့လာတွေ့ရှိချက်တွေအရ ဝမ်းချုပ်ဝေဒနာ ခံစားရခြင်းကို ကာကွယ်နိုင်စေဖို့အတွက် တစ်နေ့ကို အမျှင်ဓာတ် ပါဝင်တဲ့ အသီးအနှံ ၂၀ ဂရမ်ကနေ ၃၅ ဂရမ်ကြား စားသုံးပေးသင့်ပါတယ်။

သစ်သီးခြောက်များ စားသုံးပေးပါ
သစ်သီးခြောက်တွေမှာ အမျှင်ဓာတ် ကြွယ်ဝစွာ ပါဝင်တဲ့အပြင် ဝမ်းပိတ်ခြင်းကို ဟန့်တားပေးနိုင်မယ့် Sorbitol၊ ဝမ်းပျော့စေတဲ့ သကြားဓာတ်တို့ ပါဝင်ပါတယ်။ သစ်သီးခြောက်တွေ စားသုံးရတာကို နှစ်သက်ခြင်း မရှိဘူး ဆိုရင်လည်း သစ်သီးဖျော်ရည် သောက်သုံးပေးခြင်းဖြင့် ဝမ်းပိတ်ဝေဒနာကို ကာကွယ်ပေးနိုင်မှာ ဖြစ်ပါတယ်။

ဒိန်ချဉ်စားသုံးပေးပါ
နို့နှင့်နို့ထွက်ပစ္စည်းတွေ စားသုံးခြင်းကြောင့် ဝမ်းချုပ်ခြင်းကို ဖြစ်ပွားစေနိုင်ပါတယ်။ ဒါပေမယ့် ဒိန်ချဉ်မှာ အကျိုးပြုအဏှဇီဝတွေ (Probiotics) ပါဝင်ခြင်းကြောင့် ဝမ်းချုပ်ဝေဒနာကို သက်သာ ပျောက်ကင်းစေမှာ ဖြစ်ပါတယ်။ ဒါ့အပြင် ဒိန်ချဉ် စားသုံးခြင်းကြောင့် အရိုးကျန်းမာရေးကို မြှင့်တင်ပေးခြင်း၊ ခန္ဓာကိုယ် ခုခံစွမ်းအားကို မြှင့်တင်ပေးခြင်း၊ သွေးပေါင်ချိန်ကို လျော့ချပေးခြင်းစတဲ့ ကျန်းမာရေးဆိုင်ရာ ကောင်းကျိုးတွေကို ရရှိစေနိုင်ပါတယ်။

REF: Brightside

08/03/2024

Happy Woman's Day to all Beautiful Ladies.

05/03/2024

💢အိပ်ရာကျောမှီ MC880/MC 879💢

အိပ်ရာထဲမှာ ကြာရှည်စွာ နေရသော သူများအတွက်
စားသောက်ခြင်း၊ စာဖတ်ခြင်း၊ ရုပ်ရှင်
ကြည့်ခြင်းများ ကို အမှီဖြင့် ထိုင်၍ ပြုလုပ်နိုင်ရန် Backrest ကျောမှီ Model Number 880/879 လေးရရှိနိုင်ပါသည်။

အထစ် (၅) ထစ်ဖြင့် ၈၀ ဒီဂရီမှ ၃၀ ဒီဂရီအထိ တိမ်းစောင်း၍ ကျောမှီနိုင်ပါသည်။
2.7 kg ပဲရှိလို့ အင်မတန်ပေါ့ပါးတဲ့အတွက် ခေါက်သိမ်းပြန်ချ လွယ်ကူမြန်ဆန်စေပါသည်။

အတိုင်းအတာမှာ.....
1. အရှေ့မှ အနောက် ၁၈ လက်မ။
2. ကြမ်းပြင်မှ အပေါ်ထိ ၂၃ လက်မ။
3. ဘေးတိုက် ၂၂ လက်မ။
---------------------------

26/02/2024

“An apple a day keeps the doctor away” ဆိုတဲ့ ဆိုရိုးစကားရှိတဲ့အတိုင်း တစ်နေ့ကို ပန်းသီးတစ်လုံး ပုံမှန်စားသုံးခြင်းကြောင့် ကျန်းမာရေးဆိုင်ရာ အကျိုးကျေးဇူးပေါင်း များစွာကို ခံစားရရှိနိုင်မှာ ဖြစ်ပါတယ်။ ပန်းသီးမှာ အန်တီအောက်ဆီဒန့်တွေ၊ အမျှင်ဓာတ်တွေ၊ အာဟာရဓာတ်တွေ၊ သတ္တုဓာတ်တွေ ကြွယ်ဝစွာ ပါဝင်ပါတယ်။ ဒါကြောင့် ပန်းသီးကို နေ့စဉ်ပုံမှန် စားသုံးခြင်းကြောင့် ရရှိနိုင်တဲ့ အကျိုးကျေးဇူးတွေကို အခုလို ဖော်ပြပေးလိုက်ရတာပဲ ဖြစ်ပါတယ်။

ကိုယ်အလေးချိန် မြင့်တက်မှုကို ကာကွယ်ပေးခြင်း

ပန်းသီးမှာ အမျှင်ဓာတ်နဲ့ ရေဓာတ်တို့ ကြွယ်ဝစွာ ပါဝင်တာကြောင့် ကိုယ်အလေးချိန် မြင့်တက်မှုကို ကာကွယ်ပေးနိုင်မှာ ဖြစ်ပါတယ်။ ဒါ့အပြင် ပန်းသီးမှာ ကယ်လိုရီ ပါဝင်မှု နည်းပါးတာကြောင့် အခြားသော အစားအစာတွေ၊ အသီးအနှံတွေ စားသုံးခြင်းထက် ကိုယ်အလေးချိန် မြင့်တက်မှုကို ထိန်းညှိပေးနိုင်မှာ ဖြစ်ပါတယ်။

နှလုံးကျန်းမာရေးကို ကောင်းမွန်စေခြင်း

ပန်းသီးမှာ ပါဝင်တဲ့ အမျှင်ဓာတ်ကြောင့် သွေးအတွင်းမှ မကောင်းတဲ့ ကိုလက်စထရော (Cholesterol) တွေကို ဖယ်ရှားပေးနိုင်မှာ ဖြစ်ပါတယ်။ ဒါ့အပြင် သွေးပေါင်တက်မှုကို ကာကွယ်ပေးနိုင်မယ့် အန်တီအောက်ဆီဒန့် (Antioxidants) တွေလည်း ပန်းသီးမှာ ပါဝင်တာကြောင့် လေဖြတ်ဝေဒနာ ခံစားရမှုကိုလည်း ကာကွယ်ပေးနိုင်မှာ ဖြစ်ပါတယ်။

ဆီးချိုဝေဒနာ ခံစားရမှုကို ကာကွယ်ပေးခြင်း

တစ်နေ့ကို ပန်းသီးတစ်လုံးခန့် ပုံမှန် စားသုံးပေးခြင်းဖြင့် ဆီးချိုအမျိုးအစား (၂) ဖြစ်ပွားမှုကို (၂၈) ရာခိုင်နှုန်းခန့် လျော့ချပေးနိုင်မှာ ဖြစ်ပါတယ်။ ဒါ့အပြင် ပန်းသီးမှာ ပါဝင်တဲ့ Poly-phenol အန်တီအောက်ဆီဒန့် (Antioxidant) ကြောင့်ပန်ကရိယကင်ဆာ ဖြစ်ပွားမှုကို ကာကွယ်ပေးနိုင်မှာ ဖြစ်ပါတယ်။

အရိုးကျန်းမာရေးကို ကောင်းမွန်စေခြင်း

ပန်းသီးမှာ အန်တီအောက်ဆီဒန့်တွေ၊ Anti-Inflammatory ဒြပ်ပေါင်းတွေ ပါဝင်တာကြောင့် နေ့စဉ်ပုံမှန် စားသုံးပေးခြင်းဖြင့် အရိုးအဆစ်တွေကို သန်မာစေမှာ ဖြစ်သလို အရိုးကျန်းမာရေးကိုလည်း ကောင်းမွန်စေမှာ ဖြစ်ပါတယ်။ ဒါ့အပြင် ပန်းသီးကို နေ့စဉ်ပုံမှန် စားသုံးပေးခြင်းဖြင့် ကယ်ဆီယမ်ဓာတ် ဆုံးရှုံးမှုကိုလည်း ကာကွယ်ပေးနိုင်မှာ ဖြစ်ပါတယ်။

ပန်းနာရင်ကျပ်ရောဂါ ဖြစ်ပွားမှုကို ကာကွယ်ပေးခြင်း

ပန်းသီးမှာ ပါဝင်တဲ့ အန်တီအောက်ဆီဒန့် ဒြပ်ပေါင်းတွေ အနေနဲ့ လေထုထဲမှာ ပါဝင်တဲ့ အဆိပ်ငွေ့တွေကြောင့် အသက်ရှူလမ်းကြောင်းမှာ ရောဂါပိုးတွေ ဝင်ရောက်ခြင်း မရှိအောင် ကာကွယ်ပေးသွားမှာ ဖြစ်ပါတယ်။ ဒါ့အပြင် ပန်းသီးအခွံမှာ Quercetin ဓာတ်ပါဝင်တာကြောင့် ခန္ဓာကိုယ် ခုခံစွမ်းအားကိုလည်း မြှင့်တင်ပေးနိုင်မှာ ဖြစ်ပါတယ်။

ရင်သားကင်ဆာ ဖြစ်ပွားမှုကို ကာကွယ်ပေးခြင်း

တစ်နေ့ကို ပန်းသီးတစ်လုံးခန့် ပုံမှန် စားသုံးပေးခြင်းဖြင့် ရင်သားကင်ဆာ ဖြစ်ပွားမှုကို ကာကွယ်ပေးနိုင်မှာ ဖြစ်ပါတယ်။ ပန်းသီးမှာ ပါဝင်တဲ့ Phenolic ဓာတ်အနေနဲ့ ရင်သားကင်ဆာ ဖြစ်ပွားမှုအပြင် အခြားသော ကင်ဆာရောဂါတွေ ဖြစ်ပွားမှုကိုလည်း ကာကွယ်ပေးနိုင်မှာ ဖြစ်ပါတယ်။

ဒါ့အပြင် ပန်းသီးကို နေ့စဉ်ပုံမှန် စားသုံးပေးခြင်းဖြင့် အယ်လ်ဇိုင်းမားရောဂါ၊ ပါကင်ဆန်ရောဂါ (လက်တုန်ခြေတုန်ရောဂါ)၊ အစာအိမ်ရောဂါ၊ လေဖြတ်ဝေဒနာ၊ အသည်းရောဂါ၊ မျက်စိအတွင်းတိမ်ရောဂါ ဖြစ်ပွားမှုတွေကို ကာကွယ်ပေးနိုင်မှာ ဖြစ်ပါတယ်။

REF: BestHealthMag, HealthLine, MedicalNewsToday

16/02/2024

သွေးတွင်း အငံဓာတ်လွန်ကဲနေပြီဖြစ်ကြောင်း သိရှိနိုင်တဲ့အချက်များ

အငံများတဲ့ အစားအစာတွေကို နေ့စဉ်ပုံမှန် စားသုံးမယ်ဆိုရင် သွေးတွင်းမှာ
အငံဓာတ်လွန်ကဲလာမှာ အသေအချာပါပဲ။ သွေးတွင်း အငံဓာတ် လွန်ကဲခြင်းကြောင့် သွေးပေါင်တက်ခြင်း၊ ကျောက်ကပ်မှာ ကျောက်တည်ခြင်း၊ နှလုံးဖောက်ခြင်း၊ လေဖြတ်ခြင်း၊ ကင်ဆာရောဂါ ဖြစ်ပွားခြင်းတို့ကို ခံစားရနိုင်ပါတယ်။ ဒါကြောင့် သွေးတွင်းမှာ အငံဓာတ်လွန်ကဲနေကြောင်း သိရှိနိုင်မယ့် အချက်တွေကို အခုလို ဖော်ပြပေးလိုက်ရတာပဲ ဖြစ်ပါတယ်။

လေးလံထိုင်းမှိုင်းခြင်း
သွေးတွင်း အငံဓာတ် လွန်ကဲနေခြင်းကြောင့် ဦးနှောက်ကို ထိခိုက်စေနိုင်ပါတယ်။ လေ့လာတွေ့ရှိချက်တွေအရ သွေးတွင်း အငံဓာတ် လွန်ကဲနေခဲ့မယ်ဆိုရင် လေးလံထိုင်းမှိုင်းခြင်းကို ဖြစ်စေတဲ့အပြင် စိတ်ဖောက်ပြန်ခြင်းကိုလည်း ဖြစ်ပွားစေနိုင်ပါတယ်။

မကြာခဏ ရေငတ်ခြင်း
သင့်အနေနဲ့ အငံဓာတ် လွန်ကဲတဲ့ အစားအစာတွေကို စားသုံးခြင်းကြောင့် မကြာခဏ ရေငတ်ခြင်းကို ခံစားဖူးမယ် ထင်ပါတယ်။ အငံဓာတ် အနေနဲ့ ကျွန်တော်တို့ ခန္ဓာကိုယ်အတွင်းမှ ရေဓာတ်တွေကို ခမ်းခြောက်မှု ဖြစ်စေတာကြောင့် အခုလို မကြာခဏ ရေငတ်မှုကို ဖြစ်ပွားစေခြင်းကို ဖြစ်ပါတယ်။ တကယ်လို့ သင့်အနေနဲ့ မကြာခဏ ရေငတ်ခြင်းကို ခံစားနေရတယ် ဆိုရင်တော့ သွေးတွင်း အငံဓာတ် များပြားနေခြင်း ရှိမရှိကို သက်ဆိုင်ရာ ဆရာဝန်နဲ့ သွားရောက် စမ်းသပ်သင့်ပါတယ်။

ချွေးထွက်လွန်ခြင်း
အငံဓာတ် လွန်ကဲတဲ့ အစားအစာတွေကို အလွန်အကျွံ စားသုံးမယ်ဆိုရင် ချွေးထွက်လွန်ခြင်းကို ဖြစ်ပွားစေနိုင်ပါတယ်။ ဒါ့အပြင် သွေးတွင်း အငံဓာတ် လွန်ကဲခြင်းကြောင့် ခြေလက်တွေ ဖောယောင်ခြင်းကိုလည်း ဖြစ်ပွားစေနိုင်ပါတယ်။ တကယ်လို့ သင့်အနေနဲ့ ချွေးထွက်လွန်ခြင်း၊ ခြေလက်များ ဖောယောင်ခြင်းတို့ကို ခံစားနေရမယ် ဆိုရင်တော့ အငံဓာတ် လွန်ကဲတဲ့ အစားအစာတွေ စားသုံးခြင်းကို တတ်နိုင်သမျှ ရှောင်ကြဉ်သင့်ပါတယ်။

ကျောက်ကပ်မှာ ကျောက်တည်ခြင်း
အငံဓာတ် လွန်ကဲတဲ့ အစားအစာတွေကို နေ့စဉ်စားသုံးခြင်းကြောင့် ကျောက်ကပ်မှာ ကျောက်တည်ခြင်းကို ဖြစ်ပွားစေနိုင်ပါတယ်။ အငံဓာတ်များတဲ့ အစားအစာတွေကို စားသုံးခြင်းကြောင့် ဆီးထဲမှာ ပရိုတိန်းဓာတ် ပါဝင်မှု များပြားလာမှာ ဖြစ်ပါတယ်။ ဒါ့အပြင် ဆီးထဲမှာ ပရိုတိန်းဓာတ် ပါဝင်မှု များပြားခြင်းကြောင့် ကျောက်ကပ်နဲ့ သက်ဆိုင်တဲ့ ရောဂါတွေကို ဖြစ်ပွားစေနိုင်ပါတယ်။

သွေးပေါင်တက်ခြင်း
လေ့လာတွေ့ရှိချက်တွေအရ အရွယ်ရောက်ပြီးသူတွေ အနေနဲ့ တစ်နေ့ကို ဆိုဒီယမ် ပမာဏ ၁၅၀၀ မီလီဂရမ်ထက် ပိုမိုပြီး စားသုံးဖို့ သင့်တော်ခြင်း မရှိဘူးလို့ သိရပါတယ်။ အငံဓာတ် လွန်ကဲတဲ့ အစားအစာတွေကို နေ့စဉ်ပုံမှန် စားသုံးခြင်းကြောင့် နှလုံးခုန်နှုန်းကို မြန်စေမှာဖြစ်တဲ့အပြင် သွေးပေါင်တက်ခြင်းကို ဖြစ်ပွားစေမှာ ဖြစ်ပါတယ်။

အစာအိမ်ကင်ဆာဖြစ်ပွားခြင်း
အငံဓာတ် လွန်ကဲတဲ့ အစားအစာတွေကို စားသုံးခြင်းကြောင့် အစာအိမ်ကင်ဆာကို ဖြစ်ပွားစေနိုင်ပါတယ်။ ဒါ့အပြင် ဆိုဒီယမ်ဓာတ် လွန်ကဲခြင်းကြောင့် အစာအိမ် နံရံတွေကို ပျက်ဆီးစေပြီး အစာအိမ်နာခြင်းကိုလည်း ဖြစ်ပွားစေနိုင်ပါတယ်။

REF: TheHealthy

16/02/2024

MC 879 တလုံး ဝယ်ယူအားပေးသာ
မန္တလာမြေမှ အမအား AP YANGON မှ အထူးကျေးဇူးတင်ရှိပါသည်ခင်ဗျာ။

14/02/2024

သင်သိပါသလား.....

အုန်းရေဟာ အစာအိမ်အတွင်းရှိ အက်ဆစ်များကို ချေဖျက်နိုင်ပြီး အစာအိမ်အချဉ်ပေါက်ခြင်းကို သက်သာစေနိုင်ပါတယ်။

AP Yangon Away Service

22/03/2024

11/03/2024

08/03/2024

05/03/2024

26/02/2024

16/02/2024

16/02/2024

14/02/2024

Address

Telephone

Website

Alerts

Contact The Practice

Shortcuts

Share

Category