𝗖𝗟𝗟 𝗛𝗘𝗔𝗟𝗧𝗛, No. 16, Shin Saw Pu Street Ahlone, Yangon (2026)

07/01/2026

ဓမ္မတာမပေါ်မီ တွေ့ကြုံခံစားရတဲ့ ဝေဒနာလက္ခဏာများ - 𝐏𝐫𝐞𝐦𝐞𝐧𝐬𝐭𝐫𝐮𝐚𝐥 𝐒𝐲𝐧𝐝𝐫𝐨𝐦𝐞 (𝐏𝐌𝐒) 🌸

🌷 ဓမ္မတာလာတဲ့ အမျိုးသမီး (၄) ဦးမှာ (၃) ဦးခန့်ဟာ ဓမ္မတာမပေါ်မီ တွေ့ကြုံခံစားရတဲ့ ရုပ်ပိုင်းဆိုင်ရာ လက္ခဏာတွေ၊ စိတ်ပိုင်းဆိုင်ရာ လက္ခဏာတွေ (သို့) နှစ်မျိုးစလုံးကို ခံစားရတတ်ကြပါတယ်။ အမျိုးသမီး (၁၀၀) ဦးမှာ (၃)ဦး မှ (၈)ဦးအထိ သိသာထင်ရှားတဲ့ လက္ခဏာတွေကို ခံစားရလေ့ရှိပြီး တချို့မှာတော့ နေ့စဉ်လူနေမှုဘဝကို အနှောင့်အယှက်ဖြစ်တဲ့အထိ ဆိုးရွားစွာခံစားရတဲ့ လက္ခဏာတွေလည်း ရှိပါတယ်။

ဝေဒနာလက္ခဏာတွေဟာ အမြဲမတူညီနိုင်ဘဲ ပြောင်းလဲနေတတ်လို့ ကြိုတင်ခန့်မှန်းမရနိုင်ပါဘူး။ ဒါပေမဲ့ ဖြစ်ပေါ်လာမယ့်အချိန်ကို ကြိုတင်ခန့်မှန်း သိရှိနိုင်ပါတယ် __ ဓမ္မတာမလာခင် (၅) ရက်ကနေ (၁) ပတ်အလို မှာ စတင်ခံစားရတတ်ပြီး၊ ဓမ္မတာစပေါ် ပြီး (၄) ရက်ခန့် အကြာမှာတော့ ပျောက်ကွယ်သွားလေ့ရှိပါတယ်။
⁣⁣⁣⁣⁣⁣⁣⁣⁣⁣⁣⁣______________________________________

💭 စိတ်ပိုင်းဆိုင်ရာလက္ခဏာများနှင့် အပြုအမူပြောင်းလဲခြင်းလက္ခဏာများ 🧠

● သောကများခြင်း၊ စိုးရိမ်ပူပန်စိတ်များခြင်း၊ စိတ်ဓာတ်ကျခြင်း၊ ဝမ်းနည်းလွယ်ခြင်း၊ မျက်ရည်လွယ်ခြင်း၊ စိတ်အပြောင်းအလဲမြန်ခြင်း၊ စိတ်မရှည်ခြင်း၊ ဒေါသထွက်လွယ်ခြင်း၊ အစာစားချင်စိတ်ပြောင်းလဲခြင်း၊ အစားအသောက်အပေါ် အာသီသပြောင်းလဲမှုဖြစ်ခြင်း၊ နှစ်ခြိုက်စွာအိပ်ပျော်ရန် ခက်ခဲခြင်း၊ မူလနေထိုင်ရာ ပတ်ဝန်းကျင်နှင့် လူများထံမှ ဖယ်ခွာ၊ ရှောင်ဖယ်လိုစိတ် ဖြစ်လာခြင်း၊ အာရုံစူးစိုက်မှု အားနည်းလာခြင်း၊ လိင်ဆက်ဆံလိုစိတ် ပြောင်းလဲမှုဖြစ်လာခြင်း

🤒 ရုပ်ပိုင်းဆိုင်ရာလက္ခဏာများ 🌡️

● ကိုယ်လက်၊ အဆစ်အမြစ်များ နာကျင်ကိုက်ခဲခြင်း၊ ခါးကိုက်ခြင်း၊ ခေါင်းကိုက်ခြင်း၊ ပင်ပန်းလွယ်ခြင်း၊ ကြွက်တက်ခြင်း၊ ကိုယ်အလေးချိန်တက်လာခြင်း၊ ခြေလက်များဖောရောင်လာခြင်း၊ ဝမ်းဗိုက်အတွင်းတွင် လေပွသကဲ့သို့ ဖြစ်ခြင်း၊ ရင်သားနာကျင်ခြင်း၊ ဝက်ခြံများလာခြင်း၊ဝမ်းချုပ်ခြင်း သို့မဟုတ် ဝမ်းပျက်လွယ်ခြင်း

⚠️ တစ်ချို့အမျိုးသမီးတွေမှာ ဒီလက္ခဏာတွေကို နေ့စဉ်လူနေမှုဘဝ ထိခိုက်တဲ့အထိ လစဉ်လတိုင်း ကာလကြာရှည်စွာ ခံစားရတတ်ပြီး ဒါကို 𝑃𝑟𝑒𝑚𝑒𝑛𝑠𝑡𝑟𝑢𝑎𝑙 𝐷𝑦𝑠𝑝ℎ𝑜𝑟𝑖𝑐 𝐷𝑖𝑠𝑜𝑟𝑑𝑒𝑟 (𝑃𝑀𝐷𝐷) လို့ ခေါ်ပါတယ်။ PMDD အခြေအနေမှာဆိုရင် __ စိတ်ဓာတ်ကျခြင်း၊ စိတ်အပြောင်းအလဲ မြန်ခြင်း၊ ‌ဒေါသကြီးခြင်း၊ အာရုံစူးစိုက်မှုလျော့နည်းခြင်း၊ စိုးရိမ်စိတ်လွန်ကဲခြင်း၊ ကြောက်ရွံ့ထိတ်လန့်မှု လွန်ကဲခြင်း စတဲ့ စိတ်ပိုင်းဆိုင်ရာ ပြောင်းလဲမှုလက္ခဏာတွေကို ပိုပြီးခံစားရတတ်ပါတယ်။

“ဓမ္မတာမပေါ်မီ တွေ့ကြုံခံစားရသော ဝေဒနာလက္ခဏာစု” အကြောင်း အကျယ်တဝင့် ပိုမိုသိရှိနိုင်စေဖို့ 👉“𝐂𝐋𝐋 𝐇𝐄𝐀𝐋𝐓𝐇 ကျန်းမာသုတ” မှာ အခုပဲဝင်ရောက်ဖတ်ရှုလိုက်ပါ။

#ဓမ္မတာကျန်းမာရေး

05/01/2026

ကျန်းမာခြင်းဆိုတာ “ရုပ်ပိုင်းဆိုင်ရာ၊ စိတ်ပိုင်းဆိုင်ရာ၊ လူမှု‌ရေးပိုင်းဆိုင်ရာ အရာအားလုံး ပြည့်စုံ၍ အနာ‌ရောဂါဘယ ကင်းဝေးသော အခြေအနေဖြစ်သည်” ဟု ကမ္ဘာကျန်းမာ‌ရေးအဖွဲ့ (WHO) မှ အဓိပ္ပါယ်ဖွင့်ဆိုထားပါတယ်။ 🌿🌟

ကျန်းမာရေးဆိုင်ရာ ကြိုတင်ကာကွယ်ခြင်းဆိုတာ __ ရောဂါဖြစ်နိုင်ခြေတွေ၊ ထိခိုက်ဒဏ်ရာဖြစ်နိုင်ခြေတွေ၊ မသန်စွမ်းဖြစ်ခြင်းတွေနဲ့ အရွယ်မတိုင်မီ သေဆုံးခြင်းတွေကို ကာကွယ်လျော့ချတာပါ။ လူတစ်ဦးချင်းစီတင်မဟုတ်ဘဲ တစ်မိသားစုလုံးနဲ့ လူ့အဖွဲ့အစည်းတစ်ခုလုံး ကျန်းမာရေးကို မြှင့်တင်ဖို့အတွက် ဖြစ်ပွားရတဲ့အကြောင်းရင်းများကို ရှာဖွေတားဆီးခြင်းဖြစ်ပါတယ်။ ❤️🤝

🔍 လူတစ်ဦးရဲ့ ကျန်းမာရေးအပေါ် သက်ရောက်နိုင်တဲ့ အကြောင်းအရင်းများ 🔍

● ဇီဝဗေဒဆိုင်ရာ အချက်အလက်များ (အသက်အရွယ်၊ လိင်အမျိုးအစား၊ မျိုးရိုးဗီဇ)
● ရုပ်ပိုင်းဆိုင်ရာနဲ့ ပတ်ဝန်းကျင် အခြေအနေများ (ပထဝီအနေအထား၊ ရေအခြေအနေ၊ အစားအသောက် အရည်အသွေး၊ နေထိုင်မှုဆိုင်ရာ အခြေအနေများ)
● လူမှုစီးပွားရေးနဲ့ ယဥ်ကျေးမှုဆိုင်ရာ အချက်အလက်များ
● ပညာသင်ကြားနိုင်ခွင့်ရရှိမှုများ
● ကျန်းမာရေးဆိုင်ရာ မှန်ကန်သော သတင်းအချက်အလက်များ ရရှိနိုင်မှု
● ကျန်းမာရေးစောင့်ရှောက်မှုများ၊ ကာကွယ်ရေးနဲ့ ပြန်လည်ထူထောင်‌ရေးလုပ်ငန်းများကို လက်လှမ်းမီရရှိနိုင်မှုများ
⁣⁣⁣⁣⁣⁣⁣⁣⁣⁣⁣⁣______________________________________

✨ ကြိုတင်ကာကွယ်ခြင်း အဆင့်များ ✨

ကျန်းမာရေးဆိုင်ရာ ကာကွယ်ရေးနည်းဗျူဟာများကို အဆင့်ဆင့် အသုံးပြုခြင်းဖြင့် ရောဂါဖြစ်နိုင်ခြေများကို လျှော့ချပြီး ရောဂါဖြစ်ပွားမှုကို တားဆီးပေးကာ နောက်ဆက်တွဲပြဿနာများကိုပါ ကာကွယ်နိုင်ပါတယ်။ သက်ဆိုင်ရာကာကွယ်ရေးလုပ်ဆောင်ချက်တွေကို အောက်ပါအတိုင်း အဆင့်ခွဲခြားထားပါတယ်။

● ရောဂါဖြစ်နိုင်ခြေလျော့ကျစေရန် ကာကွယ်ခြင်း (Primordial Prevention)
● ပထမအဆင့် ကာကွယ်ခြင်း (Primary Prevention)
● ဒုတိယအဆင့် ကာကွယ်ခြင်း (Secondary Prevention)
● တတိယအဆင့် ကာကွယ်ခြင်း (Tertiary Prevention)
● စတုတ္ထအဆင့် ကာကွယ်ခြင်း (Quaternary Prevention)

ထိုကာကွယ်ရေးလုပ်ဆောင်ချက်များကို အကျယ်တဝင့် ပိုမိုသိရှိနိုင်စေဖို့ 👉“𝐂𝐋𝐋 𝐇𝐄𝐀𝐋𝐓𝐇 ကျန်းမာသုတ” မှာ အခုပဲဝင်ရောက်ဖတ်ရှုလိုက်ပါ။

04/01/2026

၇၈ ကြိမ်မြောက် “လွတ်လပ်ရေးနေ့” အား 𝐂𝐋𝐋 𝐇𝐄𝐀𝐋𝐓𝐇 မှ ဂုဏ်ပြုကြိုဆိုအပ်ပါသည်။

03/01/2026

အရိုးနုကြီးထွားမှု ချို့ယွင်းသော အရပ်ပုရောဂါ (Achondroplasia) ဆိုတာ အရိုးများ၊ အထူးသဖြင့် ခြေလက်အရိုးများ ကြီးထွားမှုပုံမမှန်ခြင်းကြောင့် ဖြစ်ပေါ်လာတဲ့ အဖြစ်အများဆုံး မျိုးဗီဇဆိုင်ရာ အရပ်ပုရောဂါတစ်မျိုး ဖြစ်ပါတယ်။ ရောဂါရှိသူများရဲ့ ခန္ဓာကိုယ်အစိတ်အပိုင်းများဟာ အချိုးမကျဘဲဖြစ်နေတာကြောင့် အချိုးမကျအရပ်ပုခြင်း (Disproportionate Short Stature) အမျိုးအစားထဲမှာ ပါဝင်ပါတယ်။

ပုံမှန်အားဖြင့် ဦးခေါင်းနှင့် ကိုယ်လုံးမှာ ပုံမှန်အရွယ်အစားရှိသော်လည်း ခြေတံလက်တံများမှာ သိသိသာသာ တိုတောင်းနေတတ်ပါတယ်။ ထိုကဲ့သို့ ထင်ရှားသော သွင်ပြင်လက္ခဏာ ပုံမမှန်မှုများ ရှိသော်လည်း အများစုကတော့ ကျန်းမာပြီး ပြည့်စုံသောဘဝကို အပြည့်အဝ နေထိုင်နိုင်ကြပါတယ်။

ဖြစ်ပေါ်ရတဲ့ အကြောင်းရင်းများ၊ ရောဂါလက္ခဏာများ၊ နောက်ဆက်တွဲပြဿနာများ၊ ရောဂါရှာဖွေခြင်း၊ ကုသခြင်း စတဲ့ အကြောင်းအရာတွေကို အကျယ်တဝင့် ပိုမိုသိရှိနိုင်စေဖို့ 👉“𝐂𝐋𝐋 𝐇𝐄𝐀𝐋𝐓𝐇 ကျန်းမာသုတ” မှာ အခုပဲဝင်ရောက်ဖတ်ရှုလိုက်ပါ။

ဖတ်ရှုရန် __ https://www.cllhealth.com/health-library/diseases-and-conditions/200375-achondroplasia-%E1%80%A1%E1%80%9B%E1%80%94%E1%80%80%E1%80%91%E1%80%99-%E1%80%81/

01/01/2026

🌟 𝐇𝐚𝐩𝐩𝐲 𝐍𝐞𝐰 𝐘𝐞𝐚𝐫 𝐟𝐫𝐨𝐦 𝐂𝐋𝐋 𝐇𝐄𝐀𝐋𝐓𝐇

Wishing you and your family a New Year filled with good health, happiness and success.

31/12/2025

✨ အသက်ရှည်ရာ အနာမဲ့ရေး နည်းနိဿယများ (𝐋𝐨𝐧𝐠𝐞𝐯𝐢𝐭𝐲)

လူသားတွေမှာ အသက်အရွယ်ကြီးရင့်လာပြီး လူ့သက်တမ်းစေ့ နေကြရသူများရှိသလို အကြောင်းအမျိုးမျိုးကြောင့် ရောဂါမျိုးစုံခံစားလာရပြီး ငယ်ငယ်ရွယ်ရွယ်နဲ့ ဘဝနိဂုံးချုပ်ကြသူများလည်း ရှိပါတယ်။ ဒါ့ကြောင့် လူ့သက်တမ်းစေ့ ကျန်းမာပျော်ရွှင်တဲ့ လူနေမှုဘဝနဲ့ နေထိုင်နိုင်ဖို့ နည်းလမ်းကောင်းတွေကို ရှာဖွေလာကြပါတယ်။

🌱 "ကျန်းမာရေး" ဆိုတာ ခန္ဓာကိုယ်အတွင်းဖြစ်စဉ်တွေနဲ့ ပြင်ပပတ်ဝန်းကျင်တို့ကြား တုံ့ပြန်သက်‌ရောက်မှုရဲ့ ရလဒ် ဖြစ်ပါတယ်။ ကျန်းမာရေးကို ထိခိုက်စေတဲ့ 🔹 ၂၀% ခန့်မှာ ပြုပြင်ပြောင်းလဲလို့မရနိုင်တဲ့ မျိုးရိုးဗီဇနဲ့ အသက်အရွယ် ကြီးရင့်လာခြင်း ၊ 🔹 ၂၀% ခန့်မှာ ပြင်ပမှ အကြောင်းအရာများဖြစ်ခြင်း (ဥပမာ_မတော်တဆ ယာဥ်တိုက်မှုဖြစ်ခြင်း၊ ကမ္ဘာလုံးဆိုင်ရာ ကူးစက်ရောဂါများ)၊ 🔹 ၁၀% ခန့်မှာ ကျန်းမာရေးဝန်ဆောင်မှုတွေကို ပြည့်ပြည့်ဝဝ မရရှိနိုင်ခြင်းတို့ကြောင့် ဖြစ်ပါတယ်။

💚 ကျန်တဲ့ ၅၀% ကတော့ ကိုယ်တိုင်အပေါ်မှာပဲ အဓိက မူတည်နေပါတယ်။ ဒ့ါကြောင့် ကိုယ့်ရဲ့ နေ့စဥ်အပြုအမူနဲ့ နေထိုင်စားသောက်မှုပုံစံတို့က ကိုယ့်ကျန်းမာရေးကို ထိန်းသိမ်းရာမှာ အဓိကအကျဆုံးနဲ့ အရေးကြီးဆုံးပဲ ဖြစ်ပါတယ်။
⁣⁣⁣⁣⁣⁣⁣⁣⁣⁣⁣⁣______________________________________

🥗 ကျန်းမာသော နေထိုင်စားသောက်မှု အလေ့အကျင့်များ

ဘဝရဲ့ နောက်ဆုံးအချိန်အထိ ကျန်းမာစွာနေထိုင်ပြီး ရုပ်ပိုင်းဆိုင်ရာရော စိတ်ပိုင်းဆိုင်ရာပါ လုပ်ဆောင်ချက်တွေ အပြည့်အဝ လုပ်ဆောင်နိုင်ဖို့ အထိရောက်ဆုံးနည်းလမ်းမှာ ကျန်းမာတဲ့ နေထိုင်စားသောက်မှု အလေ့အကျင့်တွေကို မိမိတို့ရဲ့ ဘဝတစ်လျှောက်လုံး စွဲမြဲစွာပြုလုပ်ခြင်းဖြစ်ပါတယ်။

ကျန်းမာတဲ့ နေထိုင်စားသောက်မှု အလေ့အကျင့်များ👇

●🥦 ကျန်းမာရေးနှင့်ညီညွတ်သော အာဟာရပြည့်ဝသည့် အစားအသောက်များ စားသောက်ခြင်း
● 🏃‍♂️ ကိုယ်လက်လှုပ်ရှားမှု လေ့ကျင့်ခန်းများ ပုံမှန်ပြုလုပ်ခြင်း
● 😴 လုံလောက်အောင် အိပ်စက်ခြင်း
● 🧘‍♀️ စိတ်ဖိစီးမှု လျော့နည်းအောင် နေထိုင်ခြင်း
● 🚭 ဆေးလိပ်မသောက်ခြင်း (သို့) ဆေးလိပ်ဖြတ်ခြင်း
● 🍺 အရက်အလွန်အကျွံသောက်ခြင်းမှ ရှောင်ကြဥ်ခြင်း
● ⚖️ ကိုယ်အလေးချိန် ထိန်းသိမ်းခြင်း
⁣⁣⁣⁣⁣⁣⁣⁣⁣⁣⁣⁣______________________________________

📚 “အသက်ရှည်ရာ အနာမဲ့ရေး နည်းနိဿယများ” အကြောင်း ကျန်းမာရေးဆောင်းပါးအပြည့်အစုံကို အကျယ်တဝင့် ပိုမိုသိရှိနိုင်စေဖို့ 👉“𝐂𝐋𝐋 𝐇𝐄𝐀𝐋𝐓𝐇 ကျန်းမာသုတ” မှာ ဝင်ရောက်ဖတ်ရှုလေ့လာနိုင်ပါတယ်။

#ကျန်းမာပျော်ရွှင်သောလူမှုဘဝ

29/12/2025

🕊️ ဘဝနောက်ဆုံးအချိန်ကို ပြုစုစောင့်ရှောက်ပေးခြင်း ( End of Life Care) ❤️

ဘဝနောက်ဆုံးချိန် ပြုစုစောင့်ရှောက်ခြင်းဆိုတာ လူတစ်ဦးရဲ့ ဘဝနောက်ဆုံးကာလမှာ လိုအပ်တဲ့ ဆေးဘက်ဆိုင်ရာ ပြုစုမှုတွေနဲ့ အခြားစောင့်ရှောက်မှုတွေကို ရည်ညွှန်းပါတယ်။ ဒီလိုပြုစုမှုတွေကို လူနာရဲ့ နောက်ဆုံးအချိန်တွင်သာ မဟုတ်ဘဲ၊ နာတာရှည်ရောဂါသည်များ ဒါမှမဟုတ် သက်ကြီးရွယ်အိုများအတွက် သေဆုံးခါနီး လပေါင်းများစွာကတည်းက စနစ်တကျ ပြုစုရန် လိုအပ်ပါတယ်။ ✨

🤝 ပြုစုစောင့်ရှောက်ရာမှာ သိထားသင့်တာလေးတွေ🤝

ဒီလိုပြုစုစောင့်ရှောက်ရာမှာ မိသားစုဝင်တွေသာမက အချို့အဖွဲ့အစည်းတွေရဲ့ အကူအညီကို ရယူဖို့ လိုအပ်တဲ့ အခါတွေလည်း ရှိတတ်ပါတယ်။ လူနာတစ်ယောက်ကို ပြုစုစောင့်ရှောက်ခြင်း၊ နှစ်သိမ့်မှုပေးခြင်းဆိုင်ရာ နည်းလမ်းများကို အောက်မှာ ဖော်ပြပေးထားပါတယ်။
(မှတ်ချက် - ယခုဖော်ပြထားတဲ့ နည်းလမ်းတွေဟာ လူနာရဲ့ လက်ရှိအခြေအနေနဲ့ သင့်တော်မှု ရှိ၊ မရှိကို သက်ဆိုင်ရာ မိသားစုဆရာဝန်နဲ့ အမြဲတိုင်ပင်ဖို့လည်း လိုအပ်ပါတယ်။)

🌿 ချစ်ခင်ရသူရဲ့ နောက်ဆုံးအချိန်ကို ငြိမ်းချမ်းစွာ ဖြတ်သန်းနိုင်စေဖို့ သူတို့ဆန္ဒတွေကို လေးစားလိုက်နာပေးဖို့နဲ့ ဂုဏ်သိက္ခာရှိရှိ ဆက်ဆံဖို့က အထူးအရေးကြီးပါတယ်။ ယေဘုယျအားဖြင့် ကွယ်လွန်ခါနီး လူနာတွေမှာလိုအပ်တဲ့ပံ့ပိုးမှုတွေကတော့ __

🌸 ကိုယ်ခန္ဓာပိုင်းဆိုင်ရာ သက်သောင့်သက်သာရှိစေရန် ပံ့ပိုးမှု
🌸 စိတ်ခံစားမှုဆိုင်ရာ ပံ့ပိုးမှု
🌸 ယုံကြည်ကိုးကွယ်မှုဆိုင်ရာ ပံ့ပိုးမှုနှင့်
🌸 လူနာသာမက အဓိကပြုစုစောင့်ရှောက်သူများအတွက် လိုအပ်သည့် ပံ့ပိုးပေးမှု
__________________________________________________

📚 “ဘဝနောက်ဆုံးချိန် ပြုစုစောင့်ရှောက်ခြင်း” အကြောင်း ကျန်းမာရေးဆောင်းပါးအပြည့်အစုံကို အကျယ်တဝင့် ပိုမိုသိရှိနိုင်စေဖို့ 👉“𝐂𝐋𝐋 𝐇𝐄𝐀𝐋𝐓𝐇 ကျန်းမာသုတ” မှာ ဝင်ရောက်ဖတ်ရှုလေ့လာနိုင်ပါတယ်။

28/12/2025

🧠 ရုတ်တရက် အသိစိတ် ပြောင်းလဲခြင်းကို သတိထားမိလား? 🤔

ဦးနှောက်ထိခိုက်ဒဏ်ရာရတာ၊ နာတာရှည်ရောဂါတွေကြောင့် ခန္ဓာကိုယ်ရဲ့ ဇီဝကမ္မဖြစ်စဉ် ပြောင်းလဲမှုတွေ၊ ဆေးဝါးနဲ့ မူးယစ်ဆေးတွေ၊ ရောဂါပိုးကူးစက်ခြင်းတွေကြောင့် ဦးနှောက်ရဲ့လုပ်ငန်းများ ထိခိုက်သဖြင့် အသိစိတ်နဲ့ အပြုအမူများပြောင်းလဲခြင်း အခြေအနေတွေ ဖြစ်ပေါ်လာနိုင်ပါတယ်။

⚠️ အသိစိတ်ပြောင်းလဲမှု အများစုဟာ ယာယီသာဖြစ်တတ်ပေမဲ့ အချို့ကတော့ အသက်အန္တရာယ်ရှိဖြစ်စေတဲ့ အခြေအနေတွေ ရုတ်တရပ်ဖြစ်လာနိုင်တာကြောင့် အချိန်မီ ဆေးကုသမှုခံယူဖို့ အလွန်အရေးကြီးပါတယ်။

⁣⁣⁣⁣⁣⁣⁣⁣⁣⁣⁣⁣______________________________________

🚩 ရုတ်တရက် အသိစိတ်ပြောင်းလဲမှု အခြေအနေမှာ တွေ့ရှိနိုင်တဲ့ ရောဂါလက္ခဏာများ

📍 အပြုအမူဆိုင်ရာ ပြောင်းလဲမှုများဖြစ်ပေါ်ခြင်း (𝐁𝐞𝐡𝐚𝐯𝐢𝐨𝐫𝐚𝐥 𝐜𝐡𝐚𝐧𝐠𝐞𝐬) ___ လှုံ့ဆော်မှုမဲ့အာရုံများ ခံစားရခြင်း (𝐻𝑎𝑙𝑙𝑢𝑐𝑖𝑛𝑎𝑡𝑖𝑜𝑛𝑠)၊ ဂနာမငြိမ်ဖြစ်ခြင်း (𝐴𝑔𝑖𝑡𝑎𝑡𝑖𝑜𝑛)၊ အိပ်စက်ရာတွင် အခက်အခဲဖြစ်ခြင်း (𝑇𝑟𝑜𝑢𝑏𝑙𝑒 𝑠𝑙𝑒𝑒𝑝𝑖𝑛𝑔)

📍 အသိဉာဏ်နှင့် စဥ်းစားတွေးခေါ်နိုင်စွမ်း ချို့ယွင်းမှုများဖြစ်ပေါ်ခြင်း (𝐂𝐨𝐠𝐧𝐢𝐭𝐢𝐯𝐞 𝐢𝐦𝐩𝐚𝐢𝐫𝐦𝐞𝐧𝐭) ___ အချိန်၊ လူနှင့် နေရာကို မှတ်မိနိုင်စွမ်း မရှိခြင်း (𝐷𝑖𝑠𝑜𝑟𝑖𝑒𝑛𝑡𝑎𝑡𝑖𝑜𝑛) ၊ သတိမေ့ခြင်း (𝐹𝑜𝑟𝑔𝑒𝑡𝑓𝑢𝑙𝑛𝑒𝑠𝑠) နှင့် မှတ်ဥာဏ်အားနည်းခြင်း (𝑀𝑒𝑚𝑜𝑟𝑦 𝑝𝑟𝑜𝑏𝑙𝑒𝑚𝑠) ၊ အဆီအလျော်မတည့်သော စကားများပြောခြင်း (𝑁𝑜𝑛𝑠𝑒𝑛𝑠𝑖𝑐𝑎𝑙 𝑠𝑝𝑒𝑒𝑐ℎ) ၊ စကားပြောဆိုရာတွင် အခက်အခဲဖြစ်ခြင်း (𝐷𝑖𝑓𝑓𝑖𝑐𝑢𝑙𝑡𝑦 𝑖𝑛 𝑠𝑝𝑒𝑒𝑐ℎ)၊ စာရေး၊ စာဖတ်ရာတွင် အခက်အခဲဖြစ်ခြင်း (𝑇𝑟𝑜𝑢𝑏𝑙𝑒 𝑟𝑒𝑎𝑑𝑖𝑛𝑔 𝑜𝑟 𝑤𝑟𝑖𝑡𝑖𝑛𝑔)

📍 စိတ်ပိုင်းဆိုင်ရာ ထိခိုက်မှုများဖြစ်ပေါ်ခြင်း ___ စိတ်တိုဒေါသထွက်လွယ်ခြင်း (𝐼𝑟𝑟𝑖𝑡𝑎𝑏𝑖𝑙𝑖𝑡𝑦)၊ စိုးရိမ်စိတ်လွန်ကဲခြင်း (𝐴𝑛𝑥𝑖𝑒𝑡𝑦)၊ စိတ်ဓာတ်ကျခြင်း (𝐷𝑒𝑝𝑟𝑒𝑠𝑠𝑖𝑜𝑛)၊ စိတ်ပိုင်းဆိုင်ရာ ပေါက်ကွဲမှုများဖြစ်ပေါ်ခြင်း (𝐸𝑚𝑜𝑡𝑖𝑜𝑛𝑎𝑙 𝑜𝑢𝑡𝑏𝑢𝑟𝑠𝑡𝑠)၊ အပျော်လွန်ခြင်း (𝐸𝑢𝑝ℎ𝑜𝑟𝑖𝑎)၊ ပုံမှန်မဟုတ်သော အပြုအမူများ ပြုလုပ်ခြင်း (𝑈𝑛𝑢𝑠𝑢𝑎𝑙 𝑏𝑒ℎ𝑎𝑣𝑖𝑜𝑟)

📍 ပတ်ဝန်းကျင်အပေါ် သတိထားမှု လျော့နည်းခြင်း ___ အာရုံစူးစိုက်ရန် ခက်ခဲခြင်း၊ ပတ်ဝန်းကျင်အပေါ် တုံ့ပြန်မှုမရှိသလောက်နည်းခြင်း သို့မဟုတ် လူအများနှင့်ထိတွေ့ဆက်ဆံမှုမှ ရှောင်ကြဥ်ပြီး သီးသန့်ခွဲနေခြင်း (𝑆𝑜𝑐𝑖𝑎𝑙 𝑤𝑖𝑡ℎ𝑑𝑟𝑎𝑤𝑎𝑙)

📍 သတိလစ်ခြင်း ___ ပတ်ဝန်းကျင်အပေါ် သတိထားမှု လျော့နည်းလာရာမှ လုံးဝသတိလစ်သည်အထိဖြစ်ခြင်း
ဒါ့အပြင် နုံးနယ်ခြင်း၊ အတက်ကြွလွန်ခြင်း ၊ အသက်ရှူကျပ်ခြင်း အစရှိတဲ့ ရောဂါလက္ခဏာတွေကိုလည်း ခံစားရနိုင်ပါတယ်။

⚠️ အထက်ပါ ရုတ်တရက် အသိစိတ်ပြောင်းလဲမှု ရောဂါလက္ခဏာတွေ ခံစားရပါက အရေးပေါ်အန္တရာယ်ရှိနိုင်တဲ့ အခြေအနေများဖြစ်တာကြောင့် ဆေးရုံအရေးပေါ်ဆေးကုဌာနကို အမြန်ဆုံးသွားရောက်ပြီး စမ်းသပ်ကုသမှုခံယူရန် အရေးကြီးပါတယ်။ ⚠️
⁣⁣⁣⁣⁣⁣⁣⁣⁣⁣⁣⁣______________________________________

📚 “ရုတ်တရက် အသိစိတ်ပြောင်းလဲခြင်း” အကြောင်း ကျန်းမာရေးဆောင်းပါးအပြည့်အစုံကို အကျယ်တဝင့် ပိုမိုသိရှိနိုင်စေဖို့ 👉“𝐂𝐋𝐋 𝐇𝐄𝐀𝐋𝐓𝐇 ကျန်းမာသုတ” မှာ ဝင်ရောက်ဖတ်ရှုလေ့လာနိုင်ပါတယ်။

25/12/2025

Yesterday’s carol singing was a beautiful reflection of the Sea Lion CLL Group spirit—where professional excellence meets heartfelt community. Beyond the festive melodies, the event showcased our commitment to employee well-being and the mutual respect that anchors our organization. By harmonizing across departments, we strengthened our intercommunication and internal connection, reminding us that our collective success is built on a foundation of shared joy and a supportive workplace culture. It is this unity and engagement that drives us forward as one team. 🎶✨🏆

25/12/2025

🎄 𝐌𝐞𝐫𝐫𝐲 𝐂𝐡𝐫𝐢𝐬𝐭𝐦𝐚𝐬 𝐭𝐨 𝐲𝐨𝐮 𝐚𝐥𝐥! 🎅❤️

Wishing you and your family a Christmas filled with well-being, peace, love, and cherished moments.

24/12/2025

အခုလို ပိတ်ရက်ကာလတွေနဲ့ ပွဲတော်တွေများတဲ့ အချိန်အခါသမယမျိုးမှာ အဖျော်ယမကာတွေကို သင့်တင့်တဲ့ ပမာဏအကန့်အသတ်နဲ့ ဘယ်လိုသောက်မလဲ၊ ဘယ်လိုအမြည်းတွေက ကျန်းမာရေးနဲ့ညီညွတ်ပြီး ဘယ်လိုအမြည်းတွေကိုတော့ ရှောင်ကြဉ်သင့်သလဲ ဆိုတာတွေကို ဆရာမကြီးဒေါက်တာခင်မာချိုမှ “အဖျော်ယမကာ လွန်ကဲအန္တရာယ် အကန့်အသတ်နဲ့သောက်မယ်” ဆိုတဲ့ ခေါင်းစဉ်နဲ့ ဒီ video လေးမှာ စုံစုံလင်လင် ပြောကြားပေးထားပါတယ်။

ဒီအစီအစဉ်လေးကို 𝐂𝐋𝐋 𝐇𝐄𝐀𝐋𝐓𝐇 နှင့် 𝐓𝐡𝐞 𝐆𝐨𝐨𝐝𝐋𝐢𝐟𝐞 𝐛𝐲 𝐂𝐢𝐭𝐲 𝐑𝐞𝐰𝐚𝐫𝐝𝐬 တို့မှ ပူပေါင်းတင်ဆက်ထားပြီး အားလုံးနှင့်အတူ ကြည့်ရှုနိုင်အောင် မျှဝေပေးလိုက်ပါတယ်……..
________________________________________

𝗘𝘅𝗽𝗹𝗼𝗿𝗲 𝘄𝗶𝘁𝗵 𝘂𝘀:

𝗪𝗲𝗯𝘀𝗶𝘁𝗲 : https://www.cllhealth.com/
𝗟𝗶𝗻𝗸𝗲𝗱𝗜𝗻 : https://www.linkedin.com/company/cll-health/
𝗬𝗼𝘂𝗧𝘂𝗯𝗲 : https://www.youtube.com/

23/12/2025

“𝐀𝐝𝐝𝐢𝐜𝐭𝐢𝐨𝐧 (စွဲလမ်းမှု)" ဆိုတာ ကာယကံရှင်ရဲ့ စိတ်ပိုင်းဆိုင်ရာနဲ့ရုပ်ပိုင်းဆိုင်ရာ ကျန်းမာရေး၊ ပေါင်းသင်းဆက်ဆံရေး၊ ၊ လုပ်ငန်းခွင်၊ လူနေမှုဘဝတို့ကို ထိခိုက်လာစေနိုင်တဲ့အထိ ကာလရှည်ကြာ ခံစားရတဲ့ အခြေအနေတစ်ခု ဖြစ်ပါတယ်။ စွဲလမ်းမှုကို ရောဂါဝေဒနာတစ်ခုအဖြစ် သတ်မှတ်ပြီး ကုသမှုအကူအညီ ရယူနိုင်တဲ့ ရယူသင့်တဲ့ အခြေအနေတစ်ခုလည်း ဖြစ်ပါတယ်။ 🤝❤️

🔍 စွဲလမ်းမှုကို အဓိကအားဖြင့် (၂) မျိုးခွဲခြားနိုင်ပါတယ်။
⁣⁣⁣⁣⁣⁣⁣⁣⁣⁣______________________________________

💊🍷 အရက်၊ မူးယစ်ဆေးဝါးနှင့် စိတ်ကိုပြောင်းလဲစေနိုင်သည့်ဆေးများကို စွဲလမ်းမှု (𝐒𝐮𝐛𝐬𝐭𝐚𝐧𝐜𝐞 𝐀𝐝𝐝𝐢𝐜𝐭𝐢𝐨𝐧 / 𝐒𝐮𝐛𝐬𝐭𝐚𝐧𝐜𝐞 𝐔𝐬𝐞 𝐃𝐢𝐬𝐨𝐫𝐝𝐞𝐫)

ဆက်နွှယ်နေတဲ့ ဆေး/ဓာတုပစ္စည်း အမျိုးအစားတွေမှာ ___ အရက်အမျိုးမျိုး (𝐴𝑙𝑐𝑜ℎ𝑜𝑙)၊ ကဖိန်း (𝐶𝑎𝑓𝑓𝑒𝑖𝑛𝑒)၊ ဆေးခြောက် (𝐶𝑎𝑛𝑛𝑎𝑏𝑖𝑠)၊ လှုံ့ဆော်မဲ့အာရုံခံစားမှုဖြစ်စေသောဆေးများ (𝐻𝑎𝑙𝑙𝑢𝑐𝑖𝑛𝑜𝑔𝑒𝑛𝑠)၊ အိပ်ဆေး၊ စိတ်ငြိမ်ဆေးများ (𝐻𝑦𝑝𝑛𝑜𝑡𝑖𝑐𝑠, 𝑆𝑒𝑑𝑎𝑡𝑖𝑣𝑒𝑠, 𝐴𝑛𝑥𝑖𝑜𝑙𝑦𝑡𝑖𝑐𝑠)၊ ရှူရှိုက်ရသောဆေးများ (𝐼𝑛ℎ𝑎𝑙𝑎𝑛𝑡𝑠)၊ ဘိန်းအာနိသင်ရှိသောဆေးများ (𝑃𝑟𝑒𝑠𝑐𝑟𝑖𝑝𝑡𝑖𝑜𝑛 & 𝑛𝑜𝑛-𝑝𝑟𝑒𝑠𝑐𝑟𝑖𝑝𝑡𝑖𝑜𝑛 𝑜𝑝𝑖𝑜𝑖𝑑𝑠)၊ စိတ်ကြွဆေးအမျိုးအစားဆေးများ (𝑃𝑟𝑒𝑠𝑐𝑟𝑖𝑝𝑡𝑖𝑜𝑛 & 𝑛𝑜𝑛-𝑝𝑟𝑒𝑠𝑐𝑟𝑖𝑝𝑡𝑖𝑜𝑛 𝑠𝑡𝑖𝑚𝑢𝑙𝑎𝑛𝑡𝑠)၊ ဆေးလိပ်၊ ဆေးရွက်ကြီး၊ နီကိုတင်းအမျိုးအစားများ (𝑇𝑜𝑏𝑎𝑐𝑐𝑜/𝑁𝑖𝑐𝑜𝑡𝑖𝑛𝑒)၊ အီးစီးကရက် (𝑒𝑙𝑒𝑐𝑡𝑟𝑜𝑛𝑖𝑐 𝑐𝑖𝑔𝑎𝑟𝑒𝑡𝑡𝑒 / 𝑒-𝑐𝑖𝑔𝑎𝑟𝑒𝑡𝑡𝑒𝑠 / 𝑣𝑎𝑝𝑒) တို့ ပါဝင်ပါတယ်။

📌 ဒီ ဆေး/ဓာတုပစ္စည်းတွေက ဓာတုဖွဲ့စည်းပုံအရ တစ်ခုနဲ့တစ်ခုမတူညီပေမယ့်လည်း အားလုံးက “အပြုအမူလုပ်ဆောင်မှုတစ်ခုခုကို ထပ်တလဲလဲလုပ်ဆောင်လာစေဖို့ ဦးနှောက်အတွင်းမှအားပေးတဲ့နေရာ (𝑹𝒆𝒘𝒂𝒓𝒅 𝑪𝒆𝒏𝒕𝒆𝒓)” ကို လှုံ့ဆော်ပေးတတ်တဲ့အတွက် ကာယကံရှင်အနေနဲ့ သာယာပျော်ရွှင်မှု ခံစားလာရတတ်ပါတယ်။
⁣⁣⁣⁣⁣⁣⁣⁣⁣⁣⁣⁣______________________________________

🎮📱 အပြုအမူတစ်ခုခုကို စွဲလမ်းမှု (𝐁𝐞𝐡𝐚𝐯𝐢𝐨𝐫𝐚𝐥 𝐀𝐝𝐝𝐢𝐜𝐭𝐢𝐨𝐧/𝐍𝐨𝐧-𝐬𝐮𝐛𝐬𝐭𝐚𝐧𝐜𝐞 𝐀𝐝𝐝𝐢𝐜𝐭𝐢𝐨𝐧)

အပြုအမူတစ်ခုခုကို စွဲလမ်းမှုဆိုင်ရာ အခြေအနေအချို့တွင်____ လောင်းကစားခြင်း (𝐺𝑎𝑚𝑏𝑙𝑖𝑛𝑔)၊ စားသောက်မှုအလေ့အထ(𝐸𝑎𝑡𝑖𝑛𝑔) ၊ လေ့ကျင့်ခန်းလုပ်ခြင်း အာဟာရထိန်းညှိခြင်း (𝐸𝑥𝑒𝑟𝑐𝑖𝑠𝑖𝑛𝑔/𝐷𝑖𝑒𝑡𝑖𝑛𝑔)၊ ဈေးဝယ်ခြင်းအလေ့အထ (𝑆ℎ𝑜𝑝𝑝𝑖𝑛𝑔)၊ အန္တရာယ်ဖြစ်စေနိုင်တဲ့ပြုအမူများ (𝑅𝑖𝑠𝑘𝑦 𝐵𝑒ℎ𝑎𝑣𝑖𝑜𝑟𝑠)
၊ လိင်မှုကိစ္စအလေ့အထ (𝑆𝑒𝑥)၊ ညစ်ညမ်းစာပေ၊ ဇာတ်လမ်းများကြည့်ရှုခြင်း (𝑃𝑜𝑟𝑛𝑜𝑔𝑟𝑎𝑝ℎ𝑦)၊ ဗီဒီယို/အင်တာနက်ဂိမ်းကစားခြင်း (𝑉𝑖𝑑𝑒𝑜/𝐼𝑛𝑡𝑒𝑟𝑛𝑒𝑡 𝐺𝑎𝑚𝑖𝑛𝑔)၊ ကွန်ပျူတာ၊ ဖုန်း၊ အင်တာနက်အသုံးပြုခြင်း (𝐶𝑜𝑚𝑝𝑢𝑡𝑒𝑟/𝑃ℎ𝑜𝑛𝑒/𝐼𝑛𝑡𝑒𝑟𝑛𝑒𝑡 𝑈𝑠𝑒) စတဲ့ အပြုအမူတွေကို စွဲလမ်းမှုများ ပါဝင်ကြပြီး အခြားသောအခြေအနေများလည်း ရှိနေနိုင်ပါတယ်။
⁣⁣⁣⁣⁣⁣⁣⁣⁣⁣⁣⁣______________________________________

📍 ဘယ်လို အပြုအမူ၊ အလေ့အထမဆို အမြဲလိုလို နစ်မြောနေပြီး နေ့စဉ်ဘဝတာဝန်တွေ ထိခိုက်လာပြီဆိုရင် စိတ်ပိုင်းဆိုင်ရာ၊ ရုပ်ပိုင်းဆိုင်ရာ ကျန်းမာရေး ၊ လူမှုရေးအခက်အခဲ ၊ အချို့အခြေအနေတွေမှာ စီးပွားရေးအခက်အခဲပြဿနာများလည်း ဖြစ်ပေါ်လာစေနိုင်ပါတယ်။

📍 စွဲလမ်းမှုခံစားနေရတဲ့အခြေအနေတွေမှာ အထွေထွေရောဂါကုဆရာဝန်၊ မိသားစုဆရာဝန်၊ စိတ်ပညာရှင်၊ စိတ်ကျန်းမာရေးအထူးကုဆရာဝန်စတဲ့ ကုသမှုဆိုင်ရာ တတ်ကျွမ်းနားလည်သူတွေနဲ့ ပြသတိုင်ပင်ဖို့လိုအပ်ပါတယ်။
⁣⁣⁣⁣⁣⁣⁣⁣⁣⁣⁣⁣______________________________________

📚 “စွဲလမ်းမှု” အကြောင်း ကျန်းမာရေးဆောင်းပါးအပြည့်အစုံကို အကျယ်တဝင့် ပိုမိုသိရှိနိုင်စေဖို့ 👉“𝐂𝐋𝐋 𝐇𝐄𝐀𝐋𝐓𝐇 ကျန်းမာသုတ” မှာ ဝင်ရောက်ဖတ်ရှုလေ့လာနိုင်ပါတယ်။

#စွဲလမ်းမှု

𝗖𝗟𝗟 𝗛𝗘𝗔𝗟𝗧𝗛

07/01/2026

05/01/2026

04/01/2026

03/01/2026

01/01/2026

31/12/2025

29/12/2025

28/12/2025

25/12/2025

25/12/2025

24/12/2025

23/12/2025

Address

Website

Alerts

Shortcuts

Share

Category