𝗖𝗟𝗟 𝗛𝗘𝗔𝗟𝗧𝗛, No. 16, Shin Saw Pu Street Ahlone, Yangon (2026)

02/05/2026

🌍 𝐖𝐨𝐫𝐥𝐝 𝐀𝐧𝐤𝐲𝐥𝐨𝐬𝐢𝐧𝐠 𝐒𝐩𝐨𝐧𝐝𝐲𝐥𝐢𝐭𝐢𝐬 𝐃𝐚𝐲 : 2 𝘔𝘢𝘺 2026
𝘕𝘰𝘵 𝘖𝘯𝘭𝘺 𝘉𝘢𝘤𝘬 𝘗𝘢𝘪𝘯.

ဒီနေ့ဟာ World Ankylosing Spondylitis Day ဖြစ်ပါတယ်။ 🌍

Ankylosing Spondylitis ဆိုတဲ့ရောဂါဟာ သာမန်ခါးနာတာမျိုးမဟုတ်ဘဲ ကျောရိုးဆစ်များကို တဖြည်းဖြည်း ခိုင်လာစေတဲ့ နာတာရှည်ရောင်ရမ်းမှုရောဂါတစ်ခု ဖြစ်ပါတယ်။ နာတာရှည်ရောင်ရမ်းမှုကြောင့် ခန္ဓာကိုယ်ရဲ့ လှုပ်ရှားမှုတွေကို ထိခိုက်စေနိုင်တဲ့ အခြေအနေတစ်ခုလဲ ဖြစ်ပါတယ်။

အပြင်ပန်းကြည့်ရင် မသိသာပေမဲ့ ဝေဒနာရှင်တွေအတွက်တော့ နေ့စဉ်ဘဝမှာ အခက်အခဲများစွာကို ရင်ဆိုင်နေရတာပါ။ 😔

ဒီရောဂါဟာ များသောအားဖြင့် လူငယ်ဘဝအစောပိုင်းမှာ စတင်တတ်ပြီး နေ့စဉ်လူနေမှုဘဝ၊ ကိုယ်လက်လှုပ်ရှား သွားလာမှုနှင့် စိတ်ကျန်းမာရေးတို့ကို သိသိသာသာ ထိခိုက်စေနိုင်ပါတယ်။ သို့သော်လည်း ရောဂါကို စောစီးစွာ ရှာဖွေဖော်ထုတ်ပြီး ဆေးဝါးကုသခြင်း၊ ခန္ဓာကိုယ်ပြန်လည်သန်စွမ်းရေးကုသမှု ကုထုံးများခံယူခြင်းနှင့် နေထိုင်မှုပုံစံ ပြောင်းလဲခြင်းစတာတွေကို စနစ်တကျ ထိန်းသိမ်းမှုများ ပြုလုပ်ခြင်းဖြင့် တက်ကြွကျန်းမာတဲ့ ဘဝကို ရရှိနိုင်မှာ ဖြစ်ပါတယ်။ 💙

01/05/2026

🌍 အပြည်ပြည်ဆိုင်ရာအလုပ်သမားနေ့ 🌍

၂၀၂၆ခုနှစ် မေလ၁ရက်နေ့တွင်ကျရောက်သည့် “အပြည်ပြည်ဆိုင်ရာ အလုပ်သမားနေ့” အား CLL HEALTH မှ ဂုဏ်ပြုကြိုဆိုအပ်ပါသည်။ 💪✨

30/04/2026

🙏 ကဆုန်လပြည့်နေ့ ဗုဒ္ဓနေ့ 🙏

ကဆုန်လပြည့်နေ့သည် ဗုဒ္ဓဘာသာဝင်တို့၏ နေ့ထူးနေ့မြတ်ကြီး ဖြစ်ပါသည်။ ဂေါတမဗုဒ္ဓမြတ်စွာဘုရား၏ ထူးခြားမြင့်မြတ်သော ဖြစ်စဉ် (၄) ရပ်ဖြစ်သည့် ဗျာ၊ ဖွား၊ ပွင့်၊ စံ ဟူသော နေ့ထူးနေ့မြတ်များနှင့် ပြည့်စုံသော နေ့ထူးနေ့မြတ်အခါသမယ ဖြစ်ပါသည်။

“ကဆုန်လပြည့်နေ့” အခါသမယတွင် ဒါန၊ သီလ၊ ဘာဝနာများ ပွားများအားထုတ်ရင်း စိတ်ချမ်းသာ ကိုယ်ကျန်းမာ၍ အေးချမ်းသာယာသော ဘဝများကို ပိုင်ဆိုင်နိုင်ကြပါစေကြောင်း ဆုမွန်ကောင်းတောင်းအပ်ပါသည်။ 🙏 💙

28/04/2026

𝐌𝐞𝐥𝐢𝐨𝐢𝐝𝐨𝐬𝐢𝐬 _ မယ်လီယွိုက်ဒိုးဆစ် ပြင်းထန်ကူးစက်ရောဂါ ဆိုတာ အပူပိုင်းဒေသတွေမှာ အဖြစ်များပြီး အသက်အန္တရာယ်ရှိနိုင်တဲ့ ပြင်းထန်ဘက်တီးရီးယား (𝐵𝑎𝑐𝑡𝑒𝑟𝑖𝑎) ကူးစက်ရောဂါတစ်ခုဖြစ်ပါတယ်။

🦠 ဒီရောဂါက 𝐵𝑢𝑟𝑘ℎ𝑜𝑙𝑑𝑒𝑟𝑖𝑎 𝑝𝑠𝑒𝑢𝑑𝑜𝑚𝑎𝑙𝑙𝑒𝑖 လို့ခေါ်တဲ့ ဘက်တီးရီးယားကြောင့် ဖြစ်ပွားပြီး ပိုးမွှားတွေက ညစ်ညမ်းတဲ့ မြေဆီလွှာနဲ့ ရေထဲမှာ အဓိကရှင်သန်နေထိုင်ကြပါတယ်။ လူနဲ့ တိရစ္ဆာန်တို့က ဘက်တီးရီးယားပိုးရှိနေတဲ့ မြေဆီလွှာ၊ ညစ်ညမ်းတဲ့ရေနဲ့ လေတို့ကို ထိတွေ့မိခြင်းဖြင့် ရောဂါကူးစက်ခံရပါတယ်။ Melioidosis ရောဂါက စောစီးစွာသိရှိပြီး ထိ‌ရောက်တဲ့ စနစ်တကျ ကုသမှုတွေ မခံယူပါက အသက်သေဆုံးအထိ ပြင်းထန်နိုင်ပါတယ်။

🚨 လက်ရှိ (၂၀၂၆) ခုနှစ်တွင် ဇန်နဝါရီလမှ ဧပြီလအထိ ထိုင်းနိုင်ငံ အရှေ့မြောက်ပိုင်းဒေသများမှာ ရောဂါဖြစ်ပွားသူလူနာ (၇၀၀) ကျော်နဲ့ သေဆုံးသူ (၂၃) ယောက်အထိ ရှိလာသဖြင့် ထိုင်းနိုင်ငံအစိုးရမှ သတိပြုရမယ့်ရောဂါအနေဖြင့် ကြေငြာထားပါတယ်။

🎯 Melioidosis ရောဂါက ပိုးဝင်ရောက်တဲ့ ခန္ဓာကိုယ်ရဲ့ အစိတ်အပိုင်းပေါ် မူတည်ပြီး ရောဂါလက္ခဏာ အမျိုးမျိုး ဖြစ်ပေါ်နိုင်တာကြောင့် အခြားရောဂါတွေနဲ့ မှားနိုင်ခြေများပါတယ်။ လက္ခဏာတွေကို အဓိကအားဖြင့် အောက်ပါအတိုင်း ခွဲခြားနိုင်ပါတယ်။

📍 အရေပြားတွင် ပိုးဝင်ခြင်း (𝐿𝑜𝑐𝑎𝑙𝑖𝑧𝑒𝑑 𝐼𝑛𝑓𝑒𝑐𝑡𝑖𝑜𝑛) _အရေပြားတွင် အနာဖြစ်ခြင်း၊ ပြည်တည်နာဖြစ်ခြင်း၊ နာကျင်ခြင်း၊ ရောင်ရမ်းခြင်းနှင့် ဖျားခြင်း

📍 အဆုတ်တွင် ပိုးဝင်ခြင်း (𝑃𝑢𝑙𝑚𝑜𝑛𝑎𝑟𝑦 𝐼𝑛𝑓𝑒𝑐𝑡𝑖𝑜𝑛) _ အဖြစ်အများဆုံးပုံစံဖြစ်သည်။ ချောင်းဆိုးချွဲပါခြင်း သို့မဟုတ် ချောင်းဆိုးသွေးပါခြင်း၊ အဖျားကြီးခြင်း၊ ရင်ဘတ်အောင့်ခြင်းနှင့် အသက်ရှူရခက်ခဲခြင်းတို့ ဖြစ်ပေါ်၍ တီဘီရောဂါလက္ခဏာများနှင့် အလွန်ဆင်တူတတ်သည်။

📍 သွေးထဲသို့ ပိုးဝင်ရောက်ခြင်း (𝐵𝑙𝑜𝑜𝑑𝑠𝑡𝑟𝑒𝑎𝑚 𝐼𝑛𝑓𝑒𝑐𝑡𝑖𝑜𝑛) _ အသက်အန္တရာယ်အရှိဆုံး အခြေအနေဖြစ်သည်။ ချမ်းတုန်ပြီး ဖျားခြင်း၊ ခေါင်းကိုက်ခြင်းနှင့် အဆစ်အမြစ်များ နာကျင်ခြင်း၊ သွေးပေါင်ချိန်ကျခြင်းနှင့် သတိလစ်ခြင်းများ ဖြစ်ပွားနိုင်သည်။

📍 ခန္ဓာကိုယ်အနှံ့ ပိုးပျံ့နှံ့ခြင်း (𝐷𝑖𝑠𝑠𝑒𝑚𝑖𝑛𝑎𝑡𝑒𝑑 𝐼𝑛𝑓𝑒𝑐𝑡𝑖𝑜𝑛) _ အသည်း၊ သရက်ရွက်၊ ကျောက်ကပ်နှင့် ဦးနှောက်တို့တွင် ပြည်တည်နာများ ဖြစ်ပေါ်ခြင်း၊ သတိလစ်ခြင်း၊ တက်ခြင်း၊ ကိုယ်အလေးချိန်ကျခြင်း၊ အစားအသောက်ပျက်ခြင်းနှင့် နာတာရှည်ဖျားခြင်းတို့ ဖြစ်စေပါတယ်။

“မယ်လီယွိုက်ဒိုးဆစ် ပြင်းထန်ကူးစက်ရောဂါ” အကြောင်း အကျယ်တဝင့် ပိုမိုသိရှိနိုင်စေဖို့ 👉“𝐂𝐋𝐋 𝐇𝐄𝐀𝐋𝐓𝐇 ကျန်းမာသုတ” မှာ အခုပဲဝင်ရောက်ဖတ်ရှုလိုက်ပါ။ ✨

27/04/2026

🤒 မကြာခင် ရောက်လာတော့မယ့် တုပ်ကွေးရာသီအတွက် ပြင်ဆင်ပြီးပြီလား? 😷

😷 တုပ်ကွေးရောဂါက အဖြစ်များပြီး နှစ်စဉ်ကမ္ဘာပေါ်မှာ လူဦးရေ ဘီလီယံနဲ့ချီပြီး ရောဂါဖြစ်ပွားနေပါတယ်။ ထိုလူတွေထဲက လူ (၃)သန်း မှ (၅)သန်းခန့်က ပြင်းထန်တုပ်ကွေးရောဂါဖြစ်ပြီး (၂.၉)သိန်း မှ (၆.၅)သိန်းခန့်က နှစ်စဉ်အသက်ဆုံးရှုံးနေကြရပါတယ်။

🛡️ ရာသီတုပ်ကွေးကို ကာကွယ်ဖို့အတွက် နှစ်စဥ် တုပ်ကွေးကာကွယ်ဆေး ပုံမှန်ထိုးနှံခြင်းက အရေးအကြီးဆုံးအချက်ဖြစ်ပါတယ်။ ယခုဗီဒီယိုလေးထဲမှာ ပြောပြပေးထားတဲ့ “ရာသီတုပ်ကွေးကာကွယ်ဆေးအကြောင်း” အသေးစိတ်ကို ကြည့်ရှုပြီး ကိုယ်တိုင်နဲ့ ချစ်ခင်ရတဲ့သူတွေအတွက် အကောင်းဆုံးကာကွယ်ရေးတစ်ခုဖြစ်တဲ့ ရာသီတုပ်ကွေးကာကွယ်ဆေးနဲ့ ကာကွယ်လိုက်ကြရအောင် 💙💙

25/04/2026

🌍 𝐖𝐨𝐫𝐥𝐝 𝐌𝐚𝐥𝐚𝐫𝐢𝐚 𝐃𝐚𝐲 :25 𝐴𝑝𝑟𝑖𝑙 2026 🦟
𝐷𝑟𝑖𝑣𝑒𝑛 𝑡𝑜 𝐸𝑛𝑑 𝑀𝑎𝑙𝑎𝑟𝑖𝑎: 𝑁𝑜𝑤 𝑊𝑒 𝐶𝑎𝑛. 𝑁𝑜𝑤 𝑊𝑒 𝑀𝑢𝑠𝑡

🦟 ငှက်ဖျားရောဂါ (𝑀𝑎𝑙𝑎𝑟𝑖𝑎) ကိုအပူပိုင်းဇုံဒေသများမှာ အဓိကတွေ့ရပါတယ်။ ငှက်ဖျားရောဂါဟာ စနစ်တကျ ကုသရင် ပျောက်ကင်းနိုင်ပြီး ကာကွယ်လို့ရတဲ့ ရောဂါလည်းဖြစ်ပါတယ်။ ထိရောက်တဲ့ ကုသမှုကို မခံယူလျှင် ကိုယ်တွင်းအင်္ဂါတွေ ထိခိုက်ပျက်စီးပြီး အသက်သေဆုံးတဲ့အထိ ဆိုးရွားနိုင်ပါတယ်။ ကမ္ဘာ့ကျန်းမာရေးအဖွဲ့ရဲ့ အဆိုအရ ၂၀၂၄ ခုနှစ်တွင် ခန့်မှန်းခြေအားဖြင့် ရောဂါဖြစ်ပွားမှု ၂၈၂ သန်းနှင့် သေဆုံးသူ ၆၁၀,၀၀၀ ရှိခဲ့ပြီး ၂၀၂၃ ခုနှစ်ထက် အနည်းငယ်တိုးလာတာ ဖြစ်ပါတယ်။

🛡️ ကာကွယ်ခြင်း 🛡️

ငှက်ဖျားရောဂါက ခြင်မှတစ်ဆင့် ကူးစက်တဲ့ရောဂါဖြစ်တာကြောင့် ခြင်ကိုက်မခံရအောင် ကာကွယ်ခြင်းက အရေးအကြီးဆုံးပါ။

● ခြင်မကိုက်စေရန် ကာကွယ်ခြင်း ___ တံခါးနှင့် ပြတင်းပေါက်များတွင် ခြင်လုံစကာများတပ်ခြင်း၊ ခြင်ကိုက်မခံရစေရန် ခြင်ပြေးလိမ်းဆေးများ (Mosquito repellents) လိမ်းခြင်း၊ အိပ်သည့်အခါ ခြင်ထောင်ထောင်၍ အိပ်ခြင်းနှင့်၊ အင်္ကျီလက်ရှည်၊ ‌ဘောင်းဘီရှည် ဝတ်ဆင်ခြင်း
● ငှက်ဖျားဆေးဝါးများ ကြိုတင်သောက်သုံးခြင်းအားဖြင့် ရောဂါကာကွယ်ခြင်း (Chemoprophylaxis)
● ငှက်ဖျားကာကွယ်ဆေး (Malaria vaccine) ထိုးနှံခြင်း

💡 ကုသခြင်းထက် ကာကွယ်ခြင်းက ပိုမိုကောင်းမွန်ပါတယ်။ အခုကစပြီး မိမိနဲ့ မိမိချစ်ခင်ရသူများကို ကာကွယ်ဖို့ လုပ်ဆောင်ကြပါစို့ 💚

“ငှက်ဖျားရောဂါ” အကြောင်း အကျယ်တဝင့် ပိုမိုသိရှိနိုင်စေဖို့ 👉“𝐂𝐋𝐋 𝐇𝐄𝐀𝐋𝐓𝐇 ကျန်းမာသုတ” မှာ အခုပဲဝင်ရောက်ဖတ်ရှုလိုက်ပါ။ ✨

ဖတ်ရှရန် _ https://www.cllhealth.com/health-library/diseases-and-conditions/200212-malaria-%E1%80%84%E1%80%80%E1%80%96%E1%80%9B%E1%80%82/

#ငှက်ဖျား

24/04/2026

🌍 ကမ္ဘာ့ကာကွယ်ဆေးထိုးနှံမှု သီတင်းပတ် ၂၀၂၆ 💉
𝐖𝐨𝐫𝐥𝐝 𝐈𝐦𝐦𝐮𝐧𝐢𝐬𝐚𝐭𝐢𝐨𝐧 𝐖𝐞𝐞𝐤 𝟐𝟎𝟐𝟔 : 24 𝐴𝑝𝑟𝑖𝑙 𝑡𝑜 30 𝐴𝑝𝑟𝑖𝑙 2026

💉 ကာကွယ်ဆေးတွေက ပြည်သူလူထုကျန်းမာရေးအတွက် မရှိမဖြစ် အရေးပါတဲ့ ကာကွယ်ရေးယန္တရားတစ်ခုဖြစ်ပြီး အသက်အရွယ်မရွေး ကျန်းမာစွာနေထိုင်နိုင်ရေးအတွက် အလွန်အရေးကြီးတဲ့ အစိတ်အပိုင်းတစ်ခု ဖြစ်ပါတယ်။ ယနေ့ခေတ်မှာ ကာကွယ်ဆေးတွေက လူတစ်ယောက်ရဲ့ ဘဝတစ်လျှောက်လုံး (မွေးကင်းစအရွယ်မှ အရွယ်ရောက်ပြီးသည်အထိ) ကူးစက်ရောဂါနဲ့ သေစေနိုင် ရောဂါအမျိုးပေါင်း ၃၀ ကျော်ကို ကာကွယ်ပေးထားပါတယ်။ ကာကွယ်ဆေးတွေကြောင့် လူသားပေါင်း သန်း ၁၅၀ ကျော်ရဲ့ အသက်ကို ကယ်တင်နိုင်ခဲ့ပြီး ဖြစ်ပါတယ်။

🎥 “ ကာကွယ်ဆေးအကြောင်း” အသေးစိတ် ပိုမိုသိရှိနိုင်ဖို့ ဗီဒီယိုလေးကို ကြည့်ရှုပြီး လူသားမျိုးဆက်တိုင်းအတွက် အရေးကြီးတဲ့ ကာကွယ်ဆေးထိုးခြင်းကို ကိုယ်တိုင်နဲ့ ချစ်ခင်ရတဲ့သူတွေအတွက် လုပ်ဆောင်လိုက်ကြရအောင်…💙

#ကာကွယ်ဆေး

23/04/2026

𝐇𝐚𝐩𝐩𝐲 𝐖𝐨𝐫𝐥𝐝 𝐋𝐚𝐛𝐨𝐫𝐚𝐭𝐨𝐫𝐲 𝐃𝐚𝐲 𝟐𝟎𝟐𝟔!

CLL HEALTH extends our sincere appreciation for your precision, dedication, and commitment to delivering reliable results every day. Your role makes a real difference in every life we serve.

22/04/2026

ခံတွင်းကင်ဆာ (𝐎𝐫𝐚𝐥 𝐂𝐚𝐧𝐜𝐞𝐫) က ဦးခေါင်းနဲ့လည်ပင်းကင်ဆာများအုပ်စုတွင် ပါဝင်ပြီး အဖြစ်များတဲ့ ကင်ဆာရောဂါတစ်မျိုးဖြစ်ပါတယ်။ အသက် (၆၀) နှင့်အထက်ရှိသူတွေမှာ ပိုမိုဖြစ်လေ့ရှိပြီး အမျိုးသားတွေမှာ ပိုပြီးအဖြစ်များပါတယ်။

ခံတွင်းဖွဲ့စည်းတည်ဆောက်ပုံမှာ 👉 နှုတ်ခမ်း၊ သွားဖုံး၊ လျှာ၊ ပါးစောင်၊ ခံတွင်းအပေါ်ပိုင်း (အာခေါင်)နဲ့ လျှာအောက်ပိုင်း စတဲ့နေရာတွေ ပါဝင်တာကြောင့် ထိုနေရာတွေဟာ ကင်ဆာဖြစ်နိုင်ခြေရှိတဲ့ နေရာတွေဖြစ်ပါတယ်။

✨ ခံတွင်းကင်ဆာမှ ကာကွယ်ရန် လိုက်နာသင့်သော နည်းလမ်းများ

● ဆေးလိပ်ဖြတ်ပါ
● ဆေးလိပ်နှင့် ဆေးရွက်ကြီးငုံခြင်း၊ ကွမ်းစားခြင်းတို့ကို လုံးဝရှောင်ကြဉ်ပါ
● အရက်ကို အလွန်အကျွံသောက်သုံးခြင်းမှ ရှောင်ကြဉ်ပါ
● ကျန်းမာရေးနဲ့ ညီညွတ်တဲ့ အသီးအနှံနဲ့ အစားအစာတွေကို မျှတစွာ စားသုံးပါ
● အံဝင်ခွင်ကျမရှိတဲ့ အံကပ်အတုများ အသုံးပြုခြင်း၊ ချွန်ထက်ရွဲ့စောင်းနေတဲ့ သွားဖြင့် လျှာအား မကြာခဏထိခိုက်ခြင်းများရှိပါက သွားနှင့်ခံတွင်းအထူးကုဆရာဝန်များနှင့် ကုသမှုခံယူပါ
● နေရောင်ထဲမထွက်ခင် အောက်ပါနည်းလမ်းများဖြင့် ခရမ်းလွန်ရောင်ခြည် (UV light) ကာကွယ်ပါ
● UV ကာကွယ်နိုင်တဲ့ မျက်မှန်တပ်ပါ
● နေလောင်ကာခရင်မ် – SPF 30 (သို့) ထို့ထက်မြင့်သော ခရင်မ်လိမ်းပါ
● အကာအကွယ်ဝတ်စုံ _ လက်ရှည်၊ ဘောင်းဘီရှည်နှင့် ဦးထုပ်ဆောင်းပါ
● နေပြင်းတဲ့အချိန်အတွင်း အရိပ်ထဲနေပါ
● UV ကာကွယ်နိုင်တဲ့ ထီးသုံးပါ
● ကြွက်နို့ရောဂါဗိုင်းရပ်စ် (HPV) ကာကွယ်ဆေးကို ထိုးနှံပါ
● ခံတွင်းသန့်ရှင်းရေးကို စနစ်တကျ ပြုလုပ်ပါ
● သွားနှင့် ခံတွင်းကျန်းမာရေးကို ပုံမှန်စစ်ဆေးပါ _ အသက် (၂၀) မှ (၄၀) အတွင်း သုံးနှစ် တစ်ကြိမ်၊ အသက် (၄၀) နှင့်အထက်တွင် တစ်နှစ် တစ်ကြိမ် သွားနှင့်ခံတွင်းဆရာဝန်နှင့် ပုံမှန်စစ်ဆေးမှုပြုလုပ်ပါ
● ခံတွင်းကို တစ်လ တစ်ခါ ကိုယ်တိုင်စစ်ဆေးမှု ပြုလုပ်ပါ (ပုံမှန်စစ်ဆေးမှုတွေက ကင်ဆာရောဂါကို လုံးဝမကာကွယ်နိုင်သော်လည်း ရောဂါရဲ့ ရှေ့ပြေးလက္ခဏာများကို ကြိုတင်သိရှိကာ စောစီးစွာ ကုသမှုခံယူနိုင်သည်)

“ခံတွင်းကင်ဆာ” အကြောင်း အကျယ်တဝင့် ပိုမိုသိရှိနိုင်စေဖို့ 👉“𝐂𝐋𝐋 𝐇𝐄𝐀𝐋𝐓𝐇 ကျန်းမာသုတ” မှာ အခုပဲဝင်ရောက်ဖတ်ရှုလိုက်ပါ။ ✨

#ခံတွင်းကင်ဆာ

ဖတ်ရှုရန် _ https://www.cllhealth.com/health-library/diseases-and-conditions/200251-oral-cancers-%E1%80%81%E1%80%90%E1%80%84%E1%80%80%E1%80%84%E1%80%86/

19/04/2026

𝐖𝐨𝐫𝐥𝐝 𝐋𝐢𝐯𝐞𝐫 𝐃𝐚𝐲: 𝟏𝟗 𝐀𝐩𝐫𝐢𝐥 𝟐𝟎𝟐𝟔
𝑆𝑜𝑙𝑖𝑑 𝐻𝑎𝑏𝑖𝑡𝑠, 𝑆𝑡𝑟𝑜𝑛𝑔 𝐿𝑖𝑣𝑒𝑟

ကျွန်ုပ်တို့ရဲ့ အသည်းဟာ သွေးကို စစ်ထုတ်သန့်စင်ပေးတာ၊ အစားအစာတွေကို ခြေဖျက်ပေးတာ၊ စွမ်းအင်သိုလှောင်ပေးတာနဲ့ ကိုယ်ခန္ဓာကို မျှခြေဖြစ်အောင် ထားပေးတာစတဲ့ အရေးကြီးလုပ်ဆောင်ချက်တွေကို လုပ်ဆောင်ပေးနေတဲ့ ကိုယ်အင်္ဂါတစ်ခုဖြစ်ပါတယ်။

လက်ရှိကမ္ဘာ့လူဦးရေရဲ့ (၃) ပုံ (၁) ပုံဟာ ကိုယ်အလေးချိန်၊ စားသောက်မှုပုံစံနဲ့ နေထိုင်မှုပုံစံတို့ကြောင့်ဖြစ်တဲ့ အသည်းအဆီဖုံးရောဂါ (metabolic dysfunction-associated steatotic liver disease (MASLD)) ဝေဒနာကို ခံစားနေရပါတယ်။ ဒီရောဂါဟာ နှစ်ရှည်လများ တိတ်တဆိတ်ဖြစ်ပွားနေတတ်ပြီး အချိန်ကြာလာတာနဲ့အမျှ နောက်ပိုင်းမှာ အသည်းအမာရွတ်ဖြစ်ခြင်း၊ အသည်းခြောက်ခြင်းနဲ့ အသည်းကင်ဆာအထိ ဖြစ်ပွားစေနိုင်ပါတယ်။

⚠️ သိထားသင့်တဲ့အချက်များ

ကမ္ဘာလုံးဆိုင်ရာ အသည်းရောဂါအဖွဲ့အစည်းကြီးများဖြစ်ကြတဲ့ EASL, AASLD, ALEH, APASL and SOLDA တို့ရဲ့ အချက်အလက်တွေအရ

- နှစ်စဉ် လူပေါင်း ၂ သန်း ခန့်ဟာ အသည်းရောဂါကြောင့် အသက်ဆုံးရှုံးနေရပါတယ်
- လူပေါင်း ၁.၅ ဘီလီယံခန့်ဟာ နာတာရှည်အသည်းရောဂါ ဝေဒနာခံစားနေရပါတယ်
ဒါပေမဲ့ အသည်းရောဂါအများစုကို ကြိုတင်ကာကွယ်နိုင်ပါတယ်။

🌟 ကျန်းမာတဲ့အသည်းဖြစ်စေဖို့ စွဲစွဲမြဲမြဲ လိုက်နာလုပ်ဆောင်သင့်တဲ့ အလေ့အကျင့်ကောင်း (၄) ခု

၁။ မျှတတဲ့ စားသောက်မှုပုံစံ (𝐁𝐚𝐥𝐚𝐧𝐜𝐞𝐝 𝐃𝐢𝐞𝐭)
အသီးအနှံ၊ ဟင်းသီးဟင်းရွက်၊ အစေ့အဆန်နဲ့ အသားဓာတ်ကို မျှတစွာစားသုံးပါ။ ပြုပြင်ဖန်တီးထားတဲ့ အစားအစာ (Ultra-processed food)၊ သကြားနဲ့ အဆီများတာတွေကို ရှောင်ကြဉ်ပါ။

၂။ ကိုယ်လက်လှုပ်ရှားမှု ပြုလုပ်ခြင်း (𝐏𝐡𝐲𝐬𝐢𝐜𝐚𝐥 𝐀𝐜𝐭𝐢𝐯𝐢𝐭𝐲)
ပုံမှန်လေ့ကျင့်ခန်းလုပ်ခြင်းက ကိုယ်အလေးချိန် မကျသွားရင်တောင် အသည်းထဲက အဆီတွေကို လျော့ကျစေပြီး အသည်းကို ပိုမိုသန်မာစေပါတယ်။ လမ်းလျှောက်တာ၊ စက်ဘီးစီးတာ၊ ရေကူးတာ၊ ကခုန်တာ ဒါမှမဟုတ် အလေးမတာပဲဖြစ်ဖြစ်၊ ဘယ်လိုကိုယ်လက်လှုပ်ရှားမှုမျိုးမဆို လုပ်ဆောင်ရုံနဲ့တင် အသည်းကို ပိုမိုသန်မာစေပြီး ကျန်းမာတဲ့ အသည်းကို ပိုင်ဆိုင်နိုင်ဖို့ အထောက်အကူပြုပါတယ်။

၃။ အရက်သေစာသောက်စားမှုကို လျှော့ချခြင်း (𝐑𝐞𝐝𝐮𝐜𝐢𝐧𝐠 𝐀𝐥𝐜𝐨𝐡𝐨𝐥)
အရက်က အသည်းကို နာတာရှည် ပြင်းထန်ဆိုးရွားစွာ ထိခိုက်စေနိုင်ပါတယ်။ အရက်ကို လျှော့သောက်ခြင်း သို့မဟုတ် ဖြတ်တောက်ခြင်းဟာ အသည်းရောဂါကို ကာကွယ်ဖို့ အထိရောက်ဆုံး နည်းလမ်းတစ်ခု ဖြစ်ပါတယ်။

၄။ ပုံမှန်ကျန်းမာရေးစစ်ဆေးခြင်း (𝐑𝐞𝐠𝐮𝐥𝐚𝐫 𝐂𝐡𝐞𝐜𝐤-𝐔𝐩𝐬)
အသည်းပျက်စီးမှုကို လက္ခဏာမပြခင်မှာ ကြိုတင်သိရှိနိုင်ဖို့ အရေးကြီးပါတယ်။ အထူးသဖြင့် ဆီးချို၊ အဝလွန်ခြင်းနဲ့ မိသားစုဝင်ထဲမှာ အသည်းရောဂါဖြစ်ပွါးဖူးသူ ရှိတဲ့သူတွေ ပိုမိုစစ်ဆေးသင့်ပါတယ်။

💙ဒီနေ့ကစပြီး သင့်ရဲ့ အလေ့အကျင့်လေးတွေကို ဖြည်းဖြည်းချင်း စတင်ပြောင်းလဲလိုက်ပါ။ စွဲမြဲခိုင်မာတဲ့အလေ့အကျင့်တွေက သန်မာတဲ့အသည်းကို ဖန်တီးပေးနိုင်ပါတယ်။ 💙💪

17/04/2026

မြန်မာနှစ်သစ်ကူး (နှစ်ဆန်းတစ်ရက်နေ့)

မင်္ဂလာအပေါင်းနှင့် ပြည့်စုံသော မြန်မာနှစ်သစ်ကူး အခါသမယမှစ၍ မိဘပြည်သူများအားလုံး ရောဂါဘယကင်းဝေးပြီး သက်ရှည်ကျန်းမာကြပါစေကြောင်း 𝐂𝐋𝐋 𝐇𝐄𝐀𝐋𝐓𝐇 မှ ဆုမွန်ကောင်းတောင်းပေးလိုက်ပါတယ်။

13/04/2026

မြန်မာ့ရိုးရာ အတာသင်္ကြန် 💦

မင်္ဂလာအပေါင်းနဲ့ ပြည့်စုံတဲ့ မြန်မာ့ရိုးရာ အတာသင်္ကြန် အခါသမယမှာ မိဘပြည်သူများအားလုံး ဘေးဘယာဝေးကွာပြီး ကိုယ်စိတ်နှစ်ဖြာ ကျန်းမာရွှင်လန်းကြပါစေကြောင်း 𝐂𝐋𝐋 𝐇𝐄𝐀𝐋𝐓𝐇 မှ ဆုမွန်ကောင်းတောင်းအပ်ပါသည်။

𝗖𝗟𝗟 𝗛𝗘𝗔𝗟𝗧𝗛

02/05/2026

01/05/2026

30/04/2026

28/04/2026

27/04/2026

25/04/2026

24/04/2026

23/04/2026

22/04/2026

19/04/2026

17/04/2026

13/04/2026

Address

Website

Alerts

Shortcuts

Share

Category