https://www.facebook.com/286659904529218/

Caltha Wellness, Hlaing Township, Yangon (2025)

30/09/2025

Viber and Telegram no. 09-940940191 နှင့် Page Messenger ဆီသို့ တိုက်ရိုက်ဆက်သွယ်ပေးပါရှင်။

14/09/2025

🌸👸🏼 Caltha Wellness မှာ အမျိုးသမီးတိုင်းရဲ့ ကိုယ်စိတ် နှစ်ပါး ကျန်းမာစေရန်ဂရုပြုပေးဖို့ အဓိကထားဆောင်ရွက်လျက်ရှိပါတယ်ရှင်။

✨အမျိုးသမီးများအနေနဲ့ ဘဝရဲ့အရေးပါဆုံးဖြစ်တဲ့ အမျိုးသမီးများ တကိုယ််ရေကျန်းမာရေးထိန်းသိမ်းမှု ၊ ကိုယ်ဝန်ဆောင်ခြင်း၊ မွေးဖွားခြင်းနဲ့ အိမ်ထောင်ရေးသုခ ပြဿနာမျာ:အတွက် အထူးအကြံပေးဝန်ဆောင်မှုအသစ်ကို မိတ်ဆက်ပေးပါရစေရှင်။

🏃‍♀️အမျိုးသမီးတစ်ဦးရဲ့ ဘဝခရီးလမ်းမှာ ကိုယ်ခန္ဓာနဲ့ စိတ်ခံစားမှုဆိုင်ရာ အပြောင်းအလဲတွေဟာ မလွဲမသွေ ကြုံတွေ့ရတတ်ပါတယ်။ ဟော်မုန်းအပြောင်းအလဲတွေ၊ ကိုယ်ဝန်ဆောင်ချိန်၊ ကလေးမွေးပြီးချိန်၊ မျိုးဆက်ပွားဆိုင်ရာ စိန်ခေါ်မှုတွေနဲ့ သွေးဆုံးချိန်လို ကာလတွေမှာ ကိုယ်တစ်ယောက်တည်း ရုန်းကန်နေရတယ်လို့ ခံစားရနိုင်ပါတယ်။

♀️Caltha Wellness မှာဆိုရင် အမျိုးသမီးတွေရဲ့ မျိုးဆက်ပွားကျန်းမာရေးနဲ့ ပတ်သက်တဲ့ စိတ်ပိုင်းဆိုင်ရာနှင့် ရုပ်ပိုင်းဆိုင်ရာ အခက်အခဲတွေကို ရင်ဆိုင်ကျော်လွှားနိုင်ဖို့ ကျွမ်းကျင်အထူးပြု ပညာရှင်ရဲ့ ဆွေးနွေးအကြံပေးမှုတွေနဲ့ ကူညီပေးနိုင်ပါတယ်။

📣ကျွန်မတို့ရဲ့ ဝန်ဆောင်မှုတွေမှာ
• အမျိုးသမီးများ ကိုယ်ဝန်ဆောင်ချိန်၊ ကလေးမွေးပြီးချိန်နဲ့ သွေးဆုံးချိန်တွေမှာ ဖြစ်ပေါ်တတ်တဲ့ စိတ်ပိုင်းဆိုင်ရာ ကျန်းမာရေးအတွက် အကြံပေးခြင်း၊
• မျိုးဆက်ပွားကုသမှု ခံယူနေရသူတွေနဲ့ စုံတွဲများအတွက် လမ်းညွှန်မှုပေးခြင်း၊
• အိမ်ထောင်ရေးသုခ ပြဿနာများအတွက် တိုင်ပင်ဆွေးနွေးပေးခြင်း တို့ကို လုပ်ဆောင်ပေးသွားမှာဘဲဖြစ်ပါတယ်ရှင်။

💁🏼‍♀️ အမျိုးသမီးများအနေနဲ့ ရင်ဆိုင်ကြုံတွေ့နေရတဲ့ အခက်အခဲတွေကိုကျော်လွှားနိုင်ပြီး ရုပ်ပိုင်းဆိုင်ရာ ကျန်းမာရေး နဲ့ စိတ်ပိုင်းဆိုင်ရာ ကျန်းမာရေး နှစ်ခုစလုံးကို ဂရုစိုက်မှသာ စစ်မှန်တဲ့ ဘဝပြည့်စုံမှုကို ရရှိနိုင်မှာပါ။ ဒီဝန်ဆောင်မှုက အမျိုးသမီးတိုင်း ဘဝရဲ့အဆင့်တိုင်းမှာ ပိုမိုဟန်ချက်ညီစေပြီး ယုံကြည်မှုရှိရှိနဲ့ ရှေ့ဆက်လျှောက်လှမ်းနိုင်အောင် ကူညီပေးဖို့ ရည်ရွယ်ပါတယ်။

Holistic Wellness for Women

🌼 Caltha wellness သည် အမျိုးသမီးများ စွမ်းဆောင်ရည်မြှင့်တင်ရေးကို ရည်ရွယ်ပါသည် 🌼

🌸 Introducing Our New OB-GYN Counselor at Caltha Wellness 🌸

For women, hormonal shifts, fertility challenges, pregnancy, postpartum recovery, and menopause can affect not only your body but also your emotions. And sometimes, it can feel overwhelming to go through alone. Our OB-GYN counselor is here to provide professional guidance and support for women as they navigate the emotional impact of different stages of reproductive health.

🔹 Areas of Support Include:

- Emotional well-being during pregnancy, postpartum, and menopause
- Guidance for individuals and couples undergoing fertility treatment or contraception
- Counseling on intimacy and relationship health

🌼 At Caltha, we believe true wellness is achieved when both physical and emotional health are cared for. Our OB-GYN counseling service is designed to help women feel balanced, confident, and supported at every stage of womanhood.🌼

10/09/2025

🌍 World Su***de Prevention Day – September 10 🌍

Today reminds us that every life matters and that every act of care can make a difference. According to the WHO, more than 700,000 people die by su***de each year. That means one life is lost every 40 seconds. Yet su***de remains one of the most preventable causes of death when communities come together with understanding and support.

This year’s theme is “Changing the Narrative on Su***de.” By checking in with loved ones, listening without judgment, and encouraging professional help, each of us can play a role in saving lives.

💛 What you can do today:
- Learn the warning signs, such as withdrawal, hopelessness, or sudden changes in mood
- Reach out to someone who may be struggling and remind them they are not alone
- Share resources and encourage professional support
- Start open conversations about mental health to help break the stigma

At Caltha Wellness, we are dedicated to creating safe spaces to heal and grow. On this World Su***de Prevention Day, let us stand together in compassion, awareness, and hope.

Together, we can prevent su***de.
***dePreventionDay ***dePrevention

09/09/2025

🎗️🫂 September is Su***de Prevention Month 💛

🌿WHO ၏ အချက်အလက်များအရ စက္ကန့် 40 တိုင်း လူတစ်ဦးသည် ကိုယ့်ကိုယ်ကို အဆုံးစီရင်မှုကြောင့် သေဆုံးနေပါတယ်။

☘️စက်တင်ဘာလတိုင်းကို ကိုယ့်ကိုယ်ကိုအဆုံးစီရင်မှု တားဆီးကာကွယ်ရေးလ ဟု သတ်မှတ်ထားခြင်းမှာ
• အသိပညာ မြှင့်တင်ပေးရန်
• အရှက်အနာတရခံစားရမှုများ/ခွဲခြားဆက်ဆံခံရမှုများ လျော့ချရန်
• အကျပ်အတည်းတွင် နေထိုင်နေသူများကို ပံ့ပိုးကူညီရန် အရေးကြီးကြောင်းများကို သတိထားမိစေရန် ရည်ရွယ်ပါတယ်။

🎗️အဆုံးစီရင်မှုဟာ ကမ္ဘာတစ်ဝှမ်းမှာ သေဆုံးရသည့် အကြိမ်များဆုံး အကြောင်းရင်းများထဲမှ တစ်ခု ဖြစ်သော်လည်း အများဆုံး ကာကွယ်နိုင်သည့် အရာလည်း ဖြစ်ပါတယ်။ ဒါကြောင့် စိတ်ကျန်းမာရေးကို ဂရုစိုက်ခြင်းသည် အရေးကြီးပါသည်။ လူတွေဟာ သူတို့ကို နားလည်ပေးခြင်းနဲ့ ကူညီပံ့ပိုးမှု ရရှိတဲ့အခါ ပြန်လည်ထူထောင်နိုင်မှု နဲ့ ဘဝမျှော်လင့်ချက် ပိုမိုရရှိလာနိုင်ပါတယ်။

🔔 Su***de ပြုလုပ်နိုင်သည့်သတိပေး နိမိတ်လက္ခဏာများ

• မိမိချစ်ခင်သူများဆီကနေ အဆက်အသွယ်ဖြတ်တောက်ခြင်း၊
• အိပ်စက်သည့်ပုံစံ၊ အစားအသောက် အလေ့အထ ပြောင်းလဲခြင်း၊
• မျှော်လင့်ချက်မရှိကြောင်း အခါအားလျော်စွာ ထုတ်ဖော်ပြောဆိုခြင်း၊
• ကိုယ်ပိုင်ပစ္စည်းများကို ပေးဝေခြင်း၊
• မိမိကိုယ်ကို သေချင်တယ်၊ အသက်မရှင်ချင်တော့ဘူး လို့ ပြောဆိုခြင်း၊

💫တစ်စုံတစ်ယောက်မှာ ဤလက္ခဏာများကို သတိထားမိပါက အလေးအနက်ထားပြီး ကူညီပံ့ပိုးပေးရန် မမေ့ပါနှင့်။ အထက်ပါလက္ခဏာများကိုထုတ်ဖော်ပြသခြင်းမရှိဘဲ တိတ်တဆိတ် Sucide ပြုလုပ်သွားသည်များလည်းရှိတတ်သည်ပါသည်။

💡 အထောက်အကူပြုနိုင်သည့် နည်းလမ်းများ

1. စိတ်ကျန်းမာရေးကိုဂရုပြုပါ။
• စိတ်ဖိစီးမှု၊ စိတ်ညစ်မှုကို သတိထားပြီး လိုအပ်ရင် အကူအညီယူပါ။ ရှက်စရာမဟုတ်သလို ဝေဖန်ကဲ့ရဲ့စရာ မဟုတ်ပါ။
2. နီးစပ်သူများနှင့် ဆက်သွယ်ပါ။
• မိသားစု၊ မိတ်ဆွေ၊ အလုပ်ဖော်များနဲ့ စကားပြောပြီး အထီးကျန်မှု လျော့ပါ။
3. အသိပညာနှင့် အရင်းအမြစ်များကို အသုံးချပါ။
• Hotline, NGO, community support groups စသည့် အရင်းအမြစ်များကို အသုံးချပါ။
• Counseling သို့မဟုတ် Therapy များခံယူဖို့ ကျွမ်းကျင်သူများကို ဆက်သွယ်ရန် အားပေးပါ။
• မိမိ၏မိသားစုဝင်များ၊ခင်မင်ရသူများကို ပုံမှန် ဆက်သွယ်မေးမြန်းခြင်း၊ အဆင်ပြေမပြေဂရုစိုက်လေ့လာစောင့်ကြည့်ပါ။

☘️ချစ်ရတဲ့သူတစ်ယောက်ကို "အဆင်ပြေနေရဲ့လား"လို့ မေးမြန်းကြည့်တာဟာ သာမာန်စကားစမြည်ပြောတာထက်ပိုပါတယ်။ ဒါဟာ လူတစ်ယောက်က သူ့အပေါ်ဂရုစိုက်ပေး‌နေတာပါလား ဆိုတဲ့ စိတ်ခွန်အားကို ဖြစ်စေပါတယ်။ စကားလုံးတွေက အနာဂတ်ကိုပြောင်းလဲနိုင်စွမ်း ရှိပါတယ်။

🌼 Caltha မှ လူကြီးမင်းတို့ရဲ့ စကားတွေကိုနားထောင်ပေးဖို့၊ နားလည်ပေးဖို့နဲ့ လမ်းညွှန်ပေးဖို့ အမြဲရှိနေပါတယ်ရှင် 🌼

🎗️🫂September is Su***de Prevention Month 💛

🌿According to the WHO, one person dies by su***de approximately every 40 seconds.

🌍Every September, Su***de Prevention Month reminds us of the importance of raising awareness, reducing stigma, and supporting those in crisis. Su***de is a leading cause of death worldwide, but remains the most preventable. This is why every conversation about mental health matters. When people feel seen, supported, and understood, their chances of recovery and hope increase.

🪶Su***de may seem to come out of nowhere but there are multiple warning signs that can lead to it. The signs include:

Withdrawal from loved ones🚶
Changes in sleep or eating habits 😴
Expressions of hopelessness ☹️
Giving away personal belongings 🎁
Making statements such as "I'm going to kill myself," "I wish I were dead" or "I wish I hadn't been born"

🍀However warning signs aren't always obvious, and they may vary from person to person. Some people make their intentions clear, while others keep suicidal thoughts and feelings secret but if you ever notice these changes in someone, take them seriously and offer support.

🔔What helps:
Talking openly about mental health without judgment
Encouraging professional help through counseling or therapy
Staying connected and checking in regularly
Promoting self-care, rest, and healthy coping strategies (from verified sources)

🌼At Caltha Wellness, our team of psychiatrists, psychologists, and counselors are here to actually help. No judgment, just support.🌼

💫So this September, maybe skip the “thoughts and prayers” post and start a real conversation. Because reaching out can literally save a life.

Reference From
https://www.who.int/news/item/09-09-2019-su***de-one-person-dies-every-40-seconds

***dePreventionMonth ***de ***dePrevention

31/08/2025

🧍✨လူသားတွေရဲ့ စိတ်ပိုင်းဆိုင်ရာ ခံစားမှုတွေနဲ့ ပတ်သက်ပြီး နက်နက်ရှိုင်းရှိုင်း ထဲထဲဝင်ဝင် သိနိုင်ဖို့အတွက် သုတေသနတွေ ပြုလုပ်ခဲ့ရာကနေ စိတ်ဝင်စားစရာ အချက်တစ်ချက်ကို သိပ္ပံပညာရှင်တွေ တွေ့ရှိခဲ့ကြပါတယ်။ ဒါကတော့ မျိုးဆက်ကူး စိတ်ဒဏ်ရာ (Intergenerational Trauma) လို့ခေါ်တဲ့ အရာပဲ ဖြစ်ပါတယ်။🧍✨

📣 မျိုးဆက်ကူး စိတ်ဒဏ်ရာဆိုတာ ဘာလဲ?
မျိုးဆက်ကူး စိတ်ဒဏ်ရာဆိုတာက လူတစ်ယောက်ရဲ့ ဘိုးဘွား ဒါမှမဟုတ် မိဘတွေက သူတို့ရဲ့ ဘဝတစ်လျှောက်လုံးမှာ ခံစားခဲ့ရတဲ့ စိတ်ပိုင်းဆိုင်ရာ ထိခိုက်မှုတွေ၊ ဥပမာ- စစ်ပွဲတွေ၊ အကြမ်းဖက်မှုတွေ၊ ဆုံးရှုံးမှုတွေ၊ စွန့်ပစ်ခံရမှုတွေကနေ ဖြစ်ပေါ်လာတဲ့ နာကျင်မှုတွေ၊ ကြောက်ရွံ့မှုတွေနဲ့ စိတ်ဒဏ်ရာတွေက နောက်မျိုးဆက်ဖြစ်တဲ့ သူတို့ရဲ့ သားသမီး၊ မြေးတွေဆီကို လက်ဆင့်ကမ်း သယ်ဆောင်လာတာကို ဆိုလိုပါတယ်။

👥 ဒီလိုမျိုး မျိုးဆက်ကူး စိတ်ဒဏ်ရာတွေဟာ မျိုးရိုးဗီဇ (genes) ကနေတစ်ဆင့် ဖြစ်စေ၊ မိသားစုအတွင်းမှာ စိတ်ပိုင်းဆိုင်ရာ ဒဏ်ရာရခဲ့တဲ့ အဖြစ်အပျက်တွေနဲ့ ပတ်သက်ပြီး ဘယ်သူမှ မပြောဆိုကြဘဲ လျှို့ဝှက်ထားတာမျိုးကနေတစ်ဆင့် ဖြစ်စေ ကူးစက်လာနိုင်ပါတယ်။လူသားတွေရဲ့ စိတ်ပိုင်းဆိုင်ရာ ခံစားမှုတွေနဲ့ ပတ်သက်ပြီး နက်နက်ရှိုင်းရှိုင်း ထဲထဲဝင်ဝင် သိနိုင်ဖို့အတွက် သုတေသနတွေ ပြုလုပ်ခဲ့ရာကနေ စိတ်ဝင်စားစရာ အချက်တစ်ချက်ကို သိပ္ပံပညာရှင်တွေ တွေ့ရှိခဲ့ကြပါတယ်။ ဒါကတော့ မျိုးဆက်ကူး စိတ်ဒဏ်ရာ (Intergenerational Trauma) လို့ခေါ်တဲ့ အရာပဲ ဖြစ်ပါတယ်။ဒီလို မကုစားရသေးတဲ့ စိတ်ဒဏ်ရာတွေဟာ နောက်မျိုးဆက်တွေရဲ့ စိတ်ပိုင်းဆိုင်ရာ၊ ရုပ်ပိုင်းဆိုင်ရာနဲ့ စိတ်ခံစားမှုဆိုင်ရာတွေအပေါ် မသိစိတ်ကနေ သက်ရောက်မှုတွေ ဖြစ်ပေါ်စေနိုင်ပါတယ်။

🔍ဘာကြောင့် ဒီလိုဖြစ်ရတာလဲ?
သုတေသနတွေအရ စိတ်ဖိစီးမှုတွေကြောင့် ထွက်ပေါ်လာတဲ့ Cortisol လို့ခေါ်တဲ့ ဟော်မုန်းပမာဏ အပြောင်းအလဲတွေဟာ မျိုးရိုးဗီဇကနေတစ်ဆင့် နောက်မျိုးဆက်တွေကို လက်ဆင့်ကမ်းသွားပြီး စိတ်ကျရောဂါနဲ့ စိုးရိမ်ပူပန်မှုတွေ ပိုမိုဖြစ်ပွားစေနိုင်တယ်လို့ တွေ့ရှိခဲ့ပါတယ်။

🌟ဒါကြောင့်ပဲ မသိစိတ်ကနေ သယ်ဆောင်ထားရတဲ့ မိသားစုရဲ့ ဝန်ထုပ်ဝန်ပိုးတွေဟာ ရှင်းပြလို့မရတဲ့ ကြောက်ရွံ့မှုတွေ၊ စိုးရိမ်ပူပန်မှုတွေအဖြစ် သင့်ဘဝမှာ ပြန်လည်ပေါ်ပေါက်လာနိုင်ပါတယ်။

💫ဘာလုပ်သင့်သလဲ?
ကိုယ့်မှာ အကြောင်းအရင်းမရှိဘဲ ကြောက်ရွံ့မှုတွေ၊ စိုးရိမ်ပူပန်မှုတွေ ရှိနေမယ်ဆိုရင် ဒါဟာ ကိုယ့်အပြစ်မဟုတ်ဘဲ ကိုယ့်မိသားစုရဲ့ မကုစားရသေးတဲ့ အတိတ်ဒဏ်ရာတွေကို ကိုယ့်ရဲ့ မသိစိတ်ကနေ ပြန်လည်ခံစားနေရတာ ဖြစ်နိုင်တယ်ဆိုတာကို ဦးစွာ ပထမ သိရှိထားဖို့လိုပါတယ်။

* သိရှိလက်ခံခြင်း: ဒီလို မျိုးဆက်ကူး စိတ်ဒဏ်ရာတွေ ရှိတယ်ဆိုတာကို သတိမူမိပြီး ကိုယ့်ရဲ့ ခံစားမှုတွေကို စတင်နားလည်လက်ခံပါ။
* မိသားစုရာဇဝင်ကို စူးစမ်းခြင်း: ကိုယ့်မိသားစုမှာ ဘယ်လိုမျိုး အဖြစ်အပျက်တွေ ကြုံခဲ့ဖူးသလဲဆိုတာကို မိဘ၊ အဘိုးအဘွားတွေကို မေးမြန်းစူးစမ်းပါ။
* အကူအညီရယူခြင်း: ဒီလို စိတ်ပိုင်းဆိုင်ရာ ဒဏ်ရာတွေကို ကုသတဲ့နေရာမှာ အထူးပြုထားတဲ့ ကုထုံးကျွမ်းကျင်သူ ပညာရှင်ဆရာတွေဆီကနေသာ အကူအညီရယူပါ။

🍀ကိုယ်ခံစားနေရတဲ့ ဝေဒနာဟာ ကိုယ့်တစ်ယောက်တည်းအတွက် မဟုတ်ဘဲ မိသားစုအတွက် ဖြစ်နေနိုင်တယ်ဆိုတဲ့ အသိစိတ်လေးနဲ့ ချစ်ခြင်းမေတ္တာထားပြီး ကြည့်ရှုလိုက်ခြင်းဟာ စိတ်ငြိမ်းခြင်းသာမက မိသားစုစဥ်ဆက် ပြေလည်မှုဆီကို ဦးတည်နိုင်မယ့် ပထမဆုံး ခြေလှမ်းပါပဲ။

🌼 စိတ္တသုခပန်းကလေးများပွင့်လန်းရာ Caltha 🌼

_

29/08/2025

🧊✨Exploring the Depths of the mind "ကိုယ့်စိတ်ထဲက မမြင်ရတဲ့ ရေခဲတောင်အလွှာများ"

❄️ကိုယ့်ရဲ့ ဆုံးဖြတ်ချက်တွေ၊ အပြုအမူတွေဟာ ကိုယ်သိထားတာထက် ပိုပြီး နက်နဲတဲ့ အကြောင်းရင်းတွေကနေ လာနေတတ်ပါတယ်။ စိတ်ပညာရှင် Sigmund Freud ရဲ့ နာမည်ကျော် "Iceberg Theory " အရ စိတ်၏ဖွဲ့စည်းပုံနှင့် လုပ်ဆောင်ချက်များကို ရှင်းလင်းပြသရန် ရေခဲတောင်ပုံသဏ္ဌာန် သဘောတရား (analogy) ကို အသုံးပြုခဲ့သည်။ Iceberg Theory အရ ကျွန်မတို့ရဲ့ စိတ်ကို ဒီလိုအလွှာလေးတွေ ခွဲထားပါတယ်။

🧠 သိစိတ် (The Conscious Mind) -

· ဒါကတော့ ရေမျက်နှာပြင်အပေါ်မှာ မြင်နေရတဲ့ ရေခဲတောင်ထိပ်ပိုင်းလေးလိုပါပဲ။
· ဒီအပိုင်းမှာ ကျွန်မတို့ လက်ရှိအာရုံစိုက်နေတဲ့ အတွေးတွေ၊ ခံစားချက်တွေ အားလုံးပါဝင်ပါတယ်။
· ဥပမာ - ဒီစာသားကိုဖတ်နေတဲ့အချိန်မှာ ကိုယ့်ရဲ့စိတ်ထဲမှာရှိနေတဲ့ အတွေးအချို့။

🧠 ဆိုင်းငံ့နေသော အသိစိတ် (The Preconscious Mind) -

· ဒါကတော့ ရေမျက်နှာပြင်အောက် အနည်းငယ်အနက်မှာ ရှိနေတဲ့ အပိုင်းဖြစ်ပါတယ်။
· ဒီအပိုင်းမှာ ကိုယ့်အနေနဲ့ လက်ရှိမတွေးနေပေမယ့် အာရုံစိုက်လိုက်ရင် အလွယ်တကူ ပြန်ပြီးမှတ်မိနိုင်တဲ့ အတွေ့အကြုံဟောင်းတွေ၊ မှတ်ဉာဏ်အချက်အလက်တွေကို သိုလှောင်ထားပါတယ်။
· ဥပမာ - မနေ့ညစာစားခဲ့တဲ့အစားအစာ၊ အရင်းနှီးဆုံး မိသားစုဝင်ရဲ့ မွေးနေ့

🧠 မသိစိတ် (The Unconscious Mind) -

· ဒါကတော့ ရေအောက်ကို နက်ရှိုင်းစွာ နစ်မြုပ်နေတဲ့ ရေခဲတောင်ရဲ့ ကြီးမားပြီး အမြင်နဲ့ဆုံးဖြတ်မရနိုင်တဲ့အပိုင်း ဖြစ်ပါတယ်။ ဒီအပိုင်းကို ကျွန်မတို့ အနေနဲ့ ပုံမှန်အမြင်နဲ့လုံးဝမမြင်နိုင်ပါဘူး။
· ဒီအပိုင်းဟာ ဖိနှိပ်ထားတဲ့ ခံစားချက်တွေ (ဒေါသ၊ ဝမ်းနည်းမှု၊ ကြောက်ရွံ့မှု)၊ မူလအစက တည်ရှိပြီးသား စိတ်ဆန္ဒတွေ၊ နာကျင်စေတဲ့ မှတ်ဉာဏ်ဟောင်းတွေနဲ့ မေ့လျော့နေတဲ့ အတွေ့အကြုံတွေ စုပြုံလျက်ရှိရာ နေရာတစ်ခုပါ။

❄️စိတ်ပညာရှင် Freud ရဲ့ အဆိုအရ ဒီမသိစိတ်ထဲက အရာတွေဟာ ကျွန်မတို့ရဲ့ အပြုအမူတွေ၊ ပင်ကိုယ်စရိုက်နဲ့ ခံစားချက်တွေကို ကျွန်မတို့မသိလိုက်ဘဲ လွှမ်းမိုးထားပါတယ်။ ဒါကြောင့် ဘာကြောင့်မှန်းမသိဘဲ တစ်စုံတစ်ခုကို အလွန်အမင်းကြောက်တာ (သို့) ဆိုးဆိုးဝါးဝါးစိတ်ဆိုးသွားတာမျိုး ဖြစ်တတ်ပါတယ်။

🌼စိတ္တသုခပန်းကလေးများပွင့်လန်းရာ Caltha🌼

__

27/08/2025

🕊️✨"Counseling နှင့် Psychotherapy ဆိုတာကို ဘယ်လိုနားလည်ထားပါသလဲ?"

🌻ဘဝမှာ ကျွန်မတို့အားလုံး စိတ်ဖိစီးမှုတွေ၊ စိုးရိမ်ပူပန်မှုတွေ၊ စိတ်ဓာတ်ကျမှုတွေ ကြုံတွေ့ရတတ်ပါတယ်။ ဒီလိုအချိန်တွေကို ကျော်လွှားနိုင်ဖို့ ကိုယ့်ရဲ့ခံစားချက်တွေကို ယုံကြည်စိတ်ချရတဲ့ သူတစ်ယောက်ယောက်ကို ဖွင့်ပြောပြီး အကူအညီတောင်းခံဖို့ လိုအပ်ပါတယ်။

👥ဒီလိုမျိုး စိတ်ပိုင်းဆိုင်ရာ ကျန်းမာရေး အတွက် အကူအညီရယူတဲ့နေရာမှာ ပညာရှင်တွေနဲ့ ဆွေးနွေးတိုင်ပင်နိုင်တဲ့ Counseling နဲ့ Psychotherapy မှာ ဘာတွေကွာခြားသွားလဲဆိုတာ သိထားသင့်ပါတယ်။

🌟Counseling ဆိုတာဘာလဲ？

စိတ်ပိုင်းဆိုင်ရာပညာရပ်များကို လေ့ကျင့်သင်ကြားထားသော Professionalတစ်ဦးက လက်ရှိမှာကြုံတွေ့နေရတဲ့ ပြဿနာတွေကို ရှာဖွေရန်၊ စီမံခန့်ခွဲရန် စိတ်ကုထုံးဆိုင်ရာ လုပ်ငန်းစဉ်တစ်ခုဖြစ်ပါတယ်။ စကားပြော ကုထုံး (Talk Therapy)ပုံစံမျိုးဖြစ်ပြီး Confidential အပြည့်အဝနှင့် ပြစ်တင်ဝေဖန်မှုကင်းရှင်းခြင်း(Non-judgmental) ဖြစ်တာမလို့ စိတ်ခံစားချက်တွေကို မချွင်းမချန် ဖွင့်ဟပြောဆိုနိုင်ပါတယ်။

💡 Counseling ယူခြင်းဖြင့်

· မိမိကိုယ်ကို ပိုမိုသိရှိနားလည်လာစေခြင်း (Enhance self-awareness)
· မိမိကိုယ်ကို လက်ခံနိုင်စွမ်း တည်ဆောက်ခြင်း (Build self-acceptance)
· ခံစားချက်များကို ထိန်းညှိရန် သင်ယူခြင်း (Improve Emotional Regulation)
· ဒုက္ခအခက်အခဲများကို ခံနိုင်ရည်ရှိလာခြင်း (Build resilience)
· ဆက်သွယ်ပြောဆိုမှု စွမ်းရည် မြှင့်တင်ခြင်း (Improve communication skills)
· ရွေးချယ်မှုများပြုလုပ်ရာတွင် ယုံကြည်မှုရှိလာခြင်း (Empowerment and Choice) တို့ရရှိလာနိုင်ပါတယ်။

🌟စိတ်ကုထုံး (Psychotherapy) ဆိုတာဘာလဲ？

စိတ်ပညာရှင် (Psychologist)၊ စိတ်ရောဂါကု ဆရာဝန် (Psychiatrist) သို့မဟုတ် အခြားသော လိုင်စင်ရ စိတ်ကျန်းမာရေး ပညာရှင်တစ်ဦးနှင့် စကားပြောဆွေးနွေးခြင်းဖြင့် စိတ်ကျန်းမာရေး ပြဿနာများကို ကုသသော နည်းလမ်းတစ်ခု ဖြစ်ပါတယ်။ Client ရဲ့ စိတ်ခံစားမှုဆိုင်ရာ ကျန်းမာရေး ပိုမိုကောင်းမွန်လာစေရန်နှင့် ဘဝအရည်အသွေး မြင့်မားလာစေရန် အတွက် အပြုသဘောဆောင်သော ပြောင်းလဲမှုများကို ဖြစ်လာစေနိုင်ပါတယ်။

💡စိတ်ကုထုံး (Psychotherapy) သည်

· ရောဂါလက္ခဏာများ သက်သာစေရန်
· နက်ရှိုင်းသော ဉာဏ်အမြင်ရရှိစေရန် (Deeper insight)
· ပုဂ္ဂိုလ်ရေး ဖွံ့ဖြိုးတိုးတက်မှုကို မြှင့်တင်ပေးရန်
· မိမိကိုယ်ကို ယုံကြည်မှု (Self-esteem) ကာကွယ်မြှင့်တင်ပေးရန်
· စိတ်ပိုင်းဆိုင်ရာ ချို့ယွင်းနေသော အပြုအမူပုံစံများကို ပြုပြင်ပေးရန် အတွက် ထိရောက်သော စိတ်ပိုင်းဆိုင်ရာ အကူအညီတစ်ခုဖြစ်ပါတယ်။

⚖️Counseling နှင့် Psychotherapy ရဲ့ ကွာခြားချက်က ဘာလဲ?

· Counselingသည် လက်ရှိဖြစ်ပွားနေသော ပြဿနာများ (ဥပမာ - အလုပ်ဖိစီးမှု၊ လူမှုဆက်ဆံရေးဆိုင်ရာအခက်အခဲများ၊ စိတ်ကျန်းမာရေး ပြဿနာများ) ကို ဦးတည်ဖြေရှင်းပေးပြီး ကာလတိုအတွက် ဖြစ်တတ်ပါတယ်။
· Psychotherapy သည် နက်ရှိုင်းပြီး ကာလရှည်ကြာနေပြီဖြစ်သော စိတ်ပိုင်းဆိုင်ရာ ပြဿနာများ (ဥပမာ - စိတ်ဒဏ်ရာ (PTSD), စိုးရိမ်ပူပန်မှုလွန်ကဲခြင်း, စိတ်ကစဉ့်ကလျားရောဂါ စသည်) အတွက် ကာလရှည် ကုသမှု လိုအပ်ပါတယ်။

🌤️ ဒီလိုကွာခြားချက်ရှိပေမယ့် နှစ်ခုလုံးဟာ မိမိရဲ့စိတ်ကျန်းမာရေးအတွက် အရေးပါတဲ့ အကူအညီတွေဖြစ်ပါတယ်။ ကိုယ်ကြုံတွေ့နေရတဲ့ ပြဿနာအပေါ် မူတည်ပြီး ဘယ်နည်းလမ်းက ပိုမိုသင့်တော်မလဲဆိုတာကိုလည်း ပညာရှင်တွေနဲ့ တိုင်ပင်ဆွေးနွေးနိုင်ပါတယ်။

🌼စိတ္တသုခပန်းကလေးများပွင့်လန်းရာ Caltha🌼

___

21/08/2025

☀️ စိတ်ချမ်းသာမှုရဲ့ လျှို့ဝှက်ချက်☀️
(The Power of Acceptance in Positive Psychology)

☘️လက်ခံနိုင်စွမ်းဆိုတာ ဘဝအခက်အခဲတွေကို ရင်ဆိုင်ဖြေရှင်းရာမှာ အထောက်အကူဖြစ်စေတဲ့ စိတ်အားအင်တစ်ခုပါ။
☘️ဒီလို လက်ခံနိုင်စွမ်းက မိမိကိုယ်ကို နားလည်နိုင်စေပြီး စစ်မှန်တဲ့ပျော်ရွှင်မှုနဲ့ စိတ်ကျန်းမာရေးအတွက် အရေးကြီးတဲ့ အခန်းကဏ္ဍမှာ ပါဝင်နေပါတယ်။

၁။ 🌟 ကိုယ့်ကိုယ်ကို လက်ခံနိုင်ခြင်း (Self-Acceptance)
▪️ မိမိရဲ့ အားသာချက်နဲ့ အားနည်းချက် အားလုံးကို အပြည့်အဝ လက်ခံပါ။
▪️ ဒါက စိတ်ငြိမ်းချမ်းမှုနဲ့ ကိုယ့်တန်ဖိုးကို သိမြင်လာစေပါတယ်။

၂။ 🍂 ဘဝမမြဲမှုကို လက်ခံနိုင်ခြင်း (Impermanence Acceptance)
▪️ ဘဝရဲ့ မမြဲခြင်းကို နားလည်ပြီး တန်ဖိုးထားရှင်သန်ခြင်းက တကယ့်အမှန်အဖြစ်ကို နားလည်စေနိုင်ပါတယ်။

၃။ 🪽 လက်ရှိအချိန်ကို လက်ခံနိုင်ခြင်း (Mindfulness & Present-Acceptance)
▪️ လက်ရှိအခိုက်အတန့်ကို ဝေဖန်မှုမပါဘဲ လက်ခံပါ။
▪️ စိတ်ရှုပ်ထွေးမှုတွေထဲမှာ မမေ့ပဲ လက်ရှိအချိန်ကို ဂရုတစိုက် နေထိုင်ပါ။

၄။ 🌿 မပြောင်းလဲနိုင်သည့်အရာကို လက်ခံနိုင်ခြင်း
▪️ “ပြောင်းလဲနိုင်သည့်အရာကို သတ္တိရှိရှိ ပြောင်းလဲပါ၊ မပြောင်းလဲနိုင်သည့်အရာကိုလည်း သတ္တိရှိရှိ လက်ခံပါ” ဆိုတဲ့ စကားကို အမှန်တကယ် သဘောပေါက်ပါ။
▪️ ဒါက စိတ်ငြိမ်းချမ်းမှုရရှိဖို့ အဓိကပါ။

၅။ 💫 လက်ခံမှုနဲ့ စိတ်ပြန်လည် နာလန်ထူမှု (Acceptance in Therapy)

▪️ လက်ခံမှုက စိတ်ဒဏ်ရာတွေကနေ ပြန်ထူချင်စိတ်ကို အားဖြည့်ပေးပါတယ်။
▪️ စိတ်ဖိစီးမှုကို လျော့နည်းစေပြီး စိတ်ခံစားချက် အတက်အကျတွေကို ထိန်းချုပ်နိုင်စေပါတယ်။
▪️ ပျော်ရွှင်မှုနဲ့ အတွင်းစိတ်ငြိမ်းချမ်းမှုကို တိုးတက်လာစေပါတယ်။

🍀 “လက်ခံနိုင်မှုက အားနည်းချက်မဟုတ်ဘဲ အင်အားတစ်ခုပါ”🍀

🩵 ဘဝမှာ မဖြစ်မနေရင် ကြုံတွေ့ရမယ့် အခက်အခဲတွေကို လက်သင့်ခံပြီး လက်ရှိအခြေ‌အနေမှာ အကောင်းဆုံးဘဝကို တည်ဆောက်လိုက်ပါ 🩵

🌼 စိတ္တသုခပန်းကလေးများ ပွင့်လန်းရာ Caltha 🌼

---

18/08/2025

🍀 How to manage anger issues Part 2 🍀

🌟ဒေါသကို နည်းစနစ်တကျ ဘယ်လိုထိန်းချုပ်နိုင်မလဲ? (Anger Management Tips)
☘️ဒေါသဖြစ်ခြင်းဆိုတာ လူတိုင်းကြုံတွေ့ရတဲ့သဘာဝ ခံစားချက်တစ်ခုဖြစ်ပေမယ့် ဒေါသကို နည်းစနစ်ကျကျ မထိန်းချုပ်နိုင်ရင် ကိုယ့်အတွက်ရော၊ ကိုယ့်ပတ်ဝန်းကျင်၊ ကိုယ့်မိသားစုနှင့် ကိုယ့်ရဲ့ လူမှုအသိုင်းအဝိုင်းက လူတွေအတွက်ပါ ဆိုးကျိုးတွေ ဖြစ်စေနိုင်ပါတယ်။ ဒါကြောင့် ဒေါသကို စနစ်တကျ ဖော်ထုတ်နိုင်ဖို့နဲ့ စီမံနိုင်ဖို့ အထောက်အကူဖြစ်စေမယ့် နည်းလမ်းလေးတွေကို မျှဝေပေးလိုက်ပါတယ်။ 👇
၁။ 🔍ဒေါသဖြစ်ရခြင်းရဲ့ အကြောင်းအရင်းကို သေချာရှာဖွေပါ
➱ကလေးဘဝက သင်ယူလာခဲ့ရတဲ့ အပြုအမူတွေ၊ စိတ်ဒဏ်ရာတွေနဲ့ စိတ်ဖိစီးမှုများတဲ့ အခြေအနေတွေက ဒေါသထွက် လွယ်စေနိုင်ပါတယ်။
➱ကိုယ့်ရဲ့ ဒေါသက ဘာကြောင့်ဖြစ်ရတာလဲဆိုတာမျိုးကို သေချာသုံးသပ်ပြီး အကြောင်းရင်းကို နားလည်အောင် ကြိုးစားကြည့်ပါ။

၂။ 🚥ဒေါသဖြစ်စေတဲ့ လက္ခဏာတွေကို သတိထားပါ။
➱လက်သီးဆုပ်ခြင်း၊ မေးရိုးတင်းထားမိခြင်း
➱ခန္ဓာကိုယ်ပူလာပြီး ချွေးစေးပြန်လာခြင်း
➱အသက်ရှူမြန်လာခြင်း၊ နှလုံးခုန်မြန်လာခြင်း
➱အာရုံစိုက်ရခက်လာပြီး ခေါင်းကိုက်လာခြင်း
ဒီလို လက္ခဏာတွေကို သတိထားမိလာပြီဆိုရင် ဒေါသမထွက်ခင် အချိန်မှီ ထိန်းချုပ်လာနိုင်ပါတယ်။

၃။ ☔ဒေါသဖြစ်စေတဲ့ အခြေအနေတွေကို ရှောင်ပါ။
➱ကိုယ့်ကို ဒေါသဖြစ်စေတဲ့ လူ၊ နေရာ၊ အခြေအနေတွေကို လျစ်လျူရှုပါ။
➱ဖြစ်နိုင်ရင် အဲဒါတွေကို ရှောင်ပါ။ မရှောင်နိုင်ရင် ဖြစ်လာနိုင်တဲ့အခြေအနေကို အပြုသဘောနဲ့ မြင်နိုင်အောင်ကြည့်ပါ။

၄။ 💚ဒေါသပြေလျော့စေမယ့် နည်းလမ်းတွေ သုံးပါ။
➱ဒေါသထွက်လာပြီဆိုရင် ၁၀ အထိ ရေတွက်ပါ။
➱အသက်ရှူလေ့ကျင့်ခန်း (Deep Breathing) လုပ်ပါ။
➱ ဒေါသထွက်စရာပတ်ဝန်းကျင်မှ ခဏထွက်သွားပြီး စိတ်ငြိမ်သက်အောင်ကြိုးစားပါ။

၅။ 🌱ကိုယ့်ရဲ့ဒေါသကို အပြုသဘောဖြင့် ဖော်ပြပါ
➱ဒေါသထွက်စရာအကြောင်းက တကယ်ပဲ အရေးကြီးလား? ဖြေရှင်းဖို့ အကျိုးရှိလား? သေချာဆန်းစစ်ပါ။
➱ကိုယ်ရဲ့ခံစားချက်ကို ယဉ်ကျေးစွာ ဖော်ပြပါ။
➱ပြဿနာကို ဖြေရှင်းနိုင်ဖို့ အာရုံစိုက်ပါ။
➱ခွင့်လွှတ်နိုင်ရင် ခွင့်လွှတ်ပါ၊ မလိုအပ်ရင် လွှတ်ချပါ။

🌿ကိုယ့်ပတ်ဝန်းကျင်၊ ကိုယ့်မိသားစုနှင့် ကိုယ့်ရဲ့ လူမှုအသိုင်းအဝိုင်းက လူတွေရဲ့ ဖယ်ကျင်ခြင်းကို မခံစားရအောင် ကိုယ့်ရဲ့ဒေါသကို နည်းစနစ်ကျကျ Manage လုပ်တတ်ဖို့လိုအပ်ပါတယ်နော်။ ဒေါသကို ထိန်းချုပ်တတ်ခြင်းဟာ ကိုယ့်ရဲ့ စိတ်ချမ်းသာမှုနဲ့လူမှုဆက်ဆံရေးအတွက် အလွန်အရေးပါပါတယ်။

🌼စိတ္တသုခပန်းကလေးများပွင့်လန်းရာ Caltha 🌼

16/08/2025

🌟How to manage Anger Issues (Part 1)

ဒေါသဖြစ်ခြင်းသည် လူသားတိုင်း၏ သဘာဝခံစားချက်ဖြစ်ပါသည်။ သို့သော် ဒေါသကို ဖိနှိပ်ခြင်းထက် သိမြင်နားလည်ပြီး ကျန်းမာစွာ ထုတ်ဖော်တတ်ဖို့က အရေးကြီးပါသည်။ ဒေါသသည် အများအားဖြင့် အတွေးအခေါ်မှားများနှင့် လိုအပ်ချက်မပြည့်မီမှုများကြောင့် ပေါ်ပေါက်လာတတ်ပြီး၊ ယင်းကို စနစ်တကျ ကိုင်တွယ်ခြင်းဖြင့် စိတ်အေးချမ်းမှုနှင့် ကောင်းမွန်သော ဆက်ဆံရေးကို တည်ဆောက်နိုင်ပါသည်။

🚥 ဒေါသကိုဖြစ်စေသော အလိုအလျောက်အတွေးဆိုးများ (ANTs/Autonomic Negative Thoughts)
၁. ယေဘုယျကောက်ချက်ချခြင်း
- သူတို့ကအမြဲ ငါ့ကိုနှိမ့်ချတယ်။ ဘယ်သူမှငါ့ကိုမလေးစားဘူး။"စတဲ့ ယေဘုယျကောက်ချက်ချတွေးခေါ်မှုများ။
၂. "ဖြစ်သင့်တယ်" ဆိုတဲ့အတွေးများ
-"သူတို့ဒီလိုပြုမူသင့်တယ်။ ဒီလိုဖြစ်ရမယ်!"အရာရာကိုမိမိရဲ့စိတ်ထဲက ပုံသေစံနှုန်းအတိုင်း မှတ်ယူပြီး ဖြစ်သင့်တယ်လို့ယူဆထားတာတွေက လက်တွေ့မှာ ဖြစ်မလာတဲ့အခါ ဒေါသထွက်ခြင်း။

၃. သူတစ်ပါး၏စိတ်ကိုအဓိပ္ပာယ်ဖော်၍ အပြစ်တင်ခြင်း
▫️ "သူတို့က ကိုယ့်ကိုတမင်ဒေါသဖြစ်အောင်လုပ်နေတယ်၊ ကိုယ်ရဲ့ဆန္ဒကိုလစ်လျူရှုတယ်၊ ကိုယ့်ကိုမလေးစားဘူး" စတဲ့အတွေးမျိုး တွေက ကိုယ်ရဲ့ Anger Issueကို မြင့်တက်စေနိုင်ပါတယ်။

🔍 စိတ်တိုစရာအကြောင်းတွေကိုအမြဲရှာဖွေခြင်း (Collecting Straws)

▪️ဒေါသဖြစ်စရာ အကြောင်းအရာတွေကို အမြဲရှာဖွေနေပြီး ကောင်းတဲ့အရာတွေကို လျစ်လျူရှုမိနေတတ်ပါတယ်။ ဒီလိုသေးငယ်တဲ့အရာလေးတွေကနေ Anger Issueတွေစုပြီး "နောက်ဆုံးမခံနိုင်တဲ့အချိန်" ရောက်လာတဲ့အခါ ဘာမဟုတ်တဲ့ သေးငယ်တဲ့အကြောင်းတစ်ခုကြောင့်ပဲ ဒေါသဟာ ပေါက်ကွဲထွက်လာတတ်ပါတယ်။

🎯အပြစ်တင်ခြင်း (Blaming)
▪️ကိုယ့်ဆီက အဆင်မပြေမှုတိုင်းကို အမြဲတမ်းသူများကိုအပြစ်တင်တတ်ပါတယ်။ ကိုယ့်ဘဝအတွက်ကိုယ်တာဝန်ယူမယ့်အစား အခြားသူတွေကိုအပြစ်တင်တတ်တဲ့ အကျင့်ဟာ Anger Issue ကို ပိုမိုဆိုးရွားစေနိုင်ပါတယ်။

🌼စိတ္တသုခပန်းကလေးများ ပွင့်လန်းရာ Caltha🌼

12/08/2025

🧘♀️ What is Mindfulness? 🧘♂️

Mindfulness ဆိုတာက အတိုချုပ် ပြောရရင် "အသိသတိကပ်ပြီး ပစ္စုပ္ပန် မှာနေထိုင်ခြင်း" ဖြစ်ပါတယ်။ မိမိရဲ့ စိတ်ကို အတိတ်ဆီမှာ မျောမနေ အနာဂတ်ထဲကိုလည်း ရောက်မသွားစေဘဲ ယခုပစ္စုပ္ပန်ကာလမှာ အရှိကိုအရှိအတိုင်း အာရုံစိုက်စေခြင်းကနေ ပေါ်ထွက်လာတဲ့သတိတရား ဖြစ်ပါတယ်။ ဒါဟာ ကိုယ်လိုချင်တဲ့အတိုင်း မဖြစ်သော်လည်း အခုလက်ရှိအမှန်တကယ်ဖြစ်နေတာကို သတိထားလက်ခံနိုင်ပြီး စိတ်တည်ငြိမ်အေးချမ်းစေဖို့ ဖြစ်ပါတယ်။
🍀Mindfulnessရဲ့ အကျိုးကျေးဇူးများကတော့
▫️စိတ်ဖိစီးမှုလျော့နည်းစေသည်။
▫️အာရုံစိုက်နိုင်စွမ်း တိုးတက်စေသည်။
▫️စိတ်ကျန်းမာရေးနှင့် ကိုယ်ကျန်းမာရေး တိုးတက် စေသည်။
🔹 Mindfulness ၏ အဓိက အချက်များ
1. Stop– အလိုအလျောက် တုံ့ပြန်မှုတွေကို ခဏရပ်ပါ။
2. Pay Attention – လက်ရှိအခိုက်အတန့်ကို သတိပြုမိအောင်လုပ်ပါ။
3. Non- Judgement – ယခုလက်ရှိ ဖြစ်နေတဲ့အရာအပေါ် "ကောင်းတယ်၊ ဆိုးတယ်" ဆိုတဲ့ ခွဲခြားမှုတွေ မလုပ်ဘဲ လက်ခံနိုင်အောင်လုပ်ပါ။
💡 နေ့စဉ်ဘဝမှာ Mindfulness ကိုဘယ်လိုလေ့ကျင့်မလဲ?
-လက်ရှိလုပ်နေတဲ့အရာတစ်ခုတည်းကို အာရုံစိုက်ပါ။
▪️နံနက်ခင်း ကော်ဖီသောက်ချိန်: ကော်ဖီရဲ့ ရနံ့၊ အပူချိန်နဲ့ အရသာကို တကယ်ခံစားကြည့်ပါ။
▪️ လမ်းလျှောက်နေစဉ်: ခြေလှမ်းတိုင်းရဲ့ မြေကြီးနဲ့ ထိတွေ့မှုကို သတိထားပြီး ခံစားကြည့်ပါ။
▪️အလုပ်လုပ်နေစဉ်: အသက်ရှုသွင်း၊ ရှုထုတ်ကို တစ်မိနစ်လောက် အာရုံစိုက်ပြီး ခဏနားလိုက်ပါ။
▪️ စိတ်လွတ်ထွက်သွားနိုင်တာကို သတိထားပါ။အတွေးတွေများလာရင် သတိ‌ကပ်ပြီး ပစ္စုပ္ပန်ကာလကို ပြန်နေပါ။

🌱ဒီလိုအလေ့အကျင့်လေးတွေက မိမိစိတ်ကို ပိုမိုတည်ငြိမ်ပြီး ပစ္စုပ္ပန်မှာ အာရုံစိုက်နေထိုင်နိုင်အောင် ကူညီပေးပါလိမ့်မယ်။

🌟Caltha နဲ့အတူ တည်ငြိမ်အေးချမ်းတဲ့ စိတ်နဲ့ နေထိုင်နည်းကို လေ့ကျင့်ကြည့်ရအောင်ပါရှင်။

🌼စိတ္တသုခပန်းကလေးများ ပွင့်လန်းရာ Caltha 🌼

09/08/2025

🌼မင်္ဂလာပါရှင့်
Caltha Wellness ကိုအားဖြည့် ပေးမယ့် Our Honoured Special Guest Psychologist တစ်ဦးနဲ့ မိတ်ဆက်ပေးပါရစေရှင့်🥰

🎓Professor Dr. U Thaung Kyi (PhD) သည် Bachelor of Arts (Psychology), Master of Arts (Psychology), Master of Research (M.Res.) in Psychology နဲ့ Postgraduate Diploma in Social Work အစရှိတဲ့ စိတ်ပညာရပ်ဆိုင်ရာ ဘွဲ့တွေကို ရရှိထားပြီး ယခုလက်ရှိ Yangon တက္ကသိုလ် စိတ်ပညာဌာနရဲ့ Professor တစ်ဦးလည်း ဖြစ်ပါတယ်ရှင်။

👤Caltha Wellness မှာဆိုရင် Professor Dr. U Thaung Kyi သည် စိတ်ပိုင်းဆိုင်ရာပြသနာများ အပြင် လုပ်ငန်းခွင်စိတ်ဖိစီးမှုများ၊ ကိုယ်ရည်ကိုယ်သွေးဆိုင်ရာပြသနာများ၊ စိတ်ဓါတ်ကျခြင်းစတဲ့ စိတ်ကျန်းမာရေးဆိုင်ရာ အခက်အခဲများကိုပါ ဆွေးနွေးတိုင်ပင် ကုထုံးပေးသွားမှာဘဲ ဖြစ်ပါတယ်ရှင်။ ဆရာကြီး နဲ့ မိမိရဲ့စိတ်ပိုင်းဆိုင်ရာ အခြေအနေများကို စစ်ဆေးချင်ပါကလည်း Inperson စစ်ဆေးသိရှိနိုင်ပါသည်ရှင့်။ ထို့အပြင် လူကြီးမင်းတို့၏ Organization အတွင်းလုပ်ငန်းခွင်ဆိုင်ရာ Organizational psychology Training များလိုအပ်ပါကလည်း Onsite Service များဆွေးနွေးနိုင်ပါကြောင်း သတင်းကောင်းပါးအပ်ပါသည်ရှင့်။

📨ဆွေးနွေးကုသမှုများကို Caltha မှာ In-person/online ရရှိနိုင်ပြီး 24hrs ကြိုတင် Booking လုပ်ထားဖို့လည်း လိုအပ်ပါတယ်ရှင်။

📞အသေးစိတ် စုံစမ်းမေးမြန်းရန် နှင့် Booking တင်ရန် - Page messenger (or) Viber no. 09940940191 သို့ဆက်သွယ်နိုင်ပါတယ်ရှင်။

🌼စိတ္တသုခပန်းကလေးများပွင့်လန်းရာ Caltha🌼

Caltha Wellness

30/09/2025

14/09/2025

10/09/2025

09/09/2025

31/08/2025

29/08/2025

27/08/2025

21/08/2025

18/08/2025

16/08/2025

12/08/2025

09/08/2025

Address

Telephone

Website

Alerts

Contact The Practice

Shortcuts

Share

Category