What are the opening hours?

Monday 08:00 - 19:00 Tuesday 08:00 - 19:00 Wednesday 08:00 - 19:00 Thursday 08:00 - 19:00 Friday 08:00 - 19:00 Saturday 08:00 - 19:00 Sunday 08:00 - 19:00

https://maps.app.goo.gl/Mdhy1AKh9H6qcGQb6, https://t.me/myathidawellness

Myathida physiotherapy and rehab clinic, #1A/30, Mya Thida housing, UZanar Street, Ward 11, between Yadanar street & Myittar street, South Okkalar, Yangon (2026)

Q: What is the address?

#1A/30, Mya Thida Housing, UZanar Street, Ward 11, Between Yadanar Street & Myittar Street, South Okkalar

13/02/2026

📱 ဖုန်းအကြည့်များသူတိုင်း သတိထားသင့်တဲ့ 𝐓𝐞𝐱𝐭 𝐍𝐞𝐜𝐤 𝐒𝐲𝐧𝐝𝐫𝐨𝐦𝐞

ဖုန်းကို ခေါင်းငုံ့ပြီးကြာကြာကြည့်တဲ့အခါ လည်ပင်းကြွက်သားတွေနဲ့ အရိုးအဆစ်တွေအပေါ်ကို ဝန်ပိပြီး နာကျင်လာတာကို 𝐓𝐞𝐱𝐭 𝐍𝐞𝐜𝐤 𝐒𝐲𝐧𝐝𝐫𝐨𝐦𝐞 လို့ ခေါ်ပါတယ်။ ခေါင်းကို ၄၅ ဒီဂရီလောက် အောက်ငုံ့လိုက်တာနဲ့တင် လည်ပင်းရိုးပေါ်မှာရှိတဲ့ ဖိအားက ၅ဆလောက်အထိတောင် ပိုများသွားတတ်ပါတယ်။

💥 ဒါကိုခံစားနေရပြီလားလို့ သိချင်ရင်တော့ ကိုယ့်ဘာသာစစ်ဆေးကြည့်လို့ရပါတယ်။ အခုလက်ရှိမှာ
- လည်ပင်းနဲ့ ပခုံးတဝိုက် တောင့်တင်းပြီး နာကျင်နေမယ်။
- ဇက်ကြောတွေတက်လာသလို တခါတလေ ခေါင်းနောက်ပိုင်းကပါ ကိုက်တတ်တယ်။
- လက်မောင်းနဲ့ လက်ဖဝါးတွေအထိ ထုံကျင်လာမယ်။
- ကိုယ်နေဟန်ထားကလည်း ပခုံးနှစ်ဖက် ရှေ့ကို ကိုင်းလာမယ်။
ဒါတွေဖြစ်နေပြီလားလို့ ဆန်းစစ်ကြည့်ပါနော်။

💡 ဒါဆို ဘယ်လိုကာကွယ်လို့ရမလဲ။ ကာကွယ်နည်းကအများကြီးမခက်ပါဘူး။
- ဖုန်းကိုင်တဲ့အခါ အောက်ချမကြည့်ဘဲ မျက်လုံးနဲ့ တစ်တန်းတည်းဖြစ်အောင် မြှင့်ကိုင်ပေးရမှာပါ။
- ဖုန်းနဲ့ ကွန်ပျူတာကို မိနစ် ၂၀ ကြည့်ပြီးတိုင်း ခဏနားပြီး အကြောလျှော့ပေးပါ။
- လည်ပင်းနဲ့ ကျောဘက်ကြွက်သားတွေ သန်မာအောင် Physio လေ့ကျင့်ခန်းတွေလည်း လုပ်ပေးပါ။

🏃‍♂️ လေ့ကျင့်ခန်းဘယ်လိုလုပ်ရမလဲမသိသူတွေအတွက်တော့ အိမ်မှာပဲလုပ်နိုင်တဲ့ လွယ်ကူတဲ့ အကြောလျှော့လေ့ကျင့်ခန်းလေးကိုပါ𝐌𝐲𝐚𝐭𝐡𝐢𝐝𝐚 𝐩𝐡𝐲𝐬𝐢𝐨𝐭𝐡𝐞𝐫𝐚𝐩𝐲 𝐚𝐧𝐝 𝐫𝐞𝐡𝐚𝐛 𝐜𝐥𝐢𝐧𝐢𝐜 က တခါတည်းပြောပြပါရစေရှင်။
မတ်မတ်ထိုင်ပြီး ရှေ့ကို တည့်တည့်ကြည့်ပါ။ မေးစေ့ကို လည်ပင်းဘက်ဆီ အတွင်းဘက်ကို ဆွဲသွင်းပါ။ အဲဒီ့အနေအထားအတိုင်း ၅စက္ကန့်လောက် ထိန်းထားပြီးမှ ပြန်လွှတ်ပါ။ တခါလုပ်ရင် ၁၀ ကြိမ်လောက်လုပ်ပေးလို့ရပါတယ်။ ဒါကလည်ပင်းရိုး အနေအထားကို ပြန်မှန်လာစေပါတယ်။

ဒါကြောင့် ဇက်ကြောတက်တာကနေ လည်ပင်းရိုးကျဉ်းတာအထိ မဖြစ်သွားရအောင် ကိုယ်နေဟန်ထားကို အခုပဲ စပြင်လိုက်ရအောင်လားရှင်။

𝑴𝒚𝒂𝒕𝒉𝒊𝒅𝒂 𝒑𝒉𝒚𝒔𝒊𝒐𝒕𝒉𝒆𝒓𝒂𝒑𝒚 𝒂𝒏𝒅 𝒓𝒆𝒉𝒂𝒃 𝒄𝒍𝒊𝒏𝒊𝒄
📞 01-3500555,09-409556363,09-944556363 ( Viber , Telegram )
🏡 1A/30 , မြသီတာအိမ်ယာ၊ ဥဇ္ဇနာလမ်း၊ မေတ္တာလမ်းနှင့် ရတနာလမ်းကြား၊ တောင်ဥက္ကလာပမြို့နယ်၊ ရန်ကုန်မြို့။

06/02/2026

အကူအညီမပါဘဲ ကိုယ်တိုင်ယုံကြည်မှုရှိရှိ ပြန်လည်လမ်းလျှောက်နိုင်စေမယ့် 𝐆𝐚𝐢𝐭 𝐓𝐫𝐚𝐢𝐧𝐢𝐧𝐠

𝐆𝐚𝐢𝐭 𝐓𝐫𝐚𝐢𝐧𝐢𝐧𝐠 ဆိုတာက လူတယောက်ရဲ့ လမ်းလျှောက်ပုံ (Gait Pattern) ကို စနစ်တကျ မှန်ကန်လာစေဖို့နဲ့ ဘေးကင်းစွာ လမ်းပြန်လျှောက်နိုင်ဖို့ ပြန်လည်သင်ကြားပေးတဲ့ Physiotherapy (ရုပ်ပိုင်းဆိုင်ရာကုထုံး) နည်းလမ်းတခု ဖြစ်ပါတယ်။

🎯 𝐆𝐚𝐢𝐭 𝐓𝐫𝐚𝐢𝐧𝐢𝐧𝐠 ရဲ့ ရည်ရွယ်ချက်တွေကတော့
- လမ်းလျှောက်တဲ့အခါမှာ ဟန်ချက်ကောင်းကောင်းထိန်းနိုင်ဖို့ (Balance)
- ကြွက်သားအင်အားတိုးတက်လာစေဖို့ (Muscle Strength)
- အဆစ်လှုပ်ရှားမှု (Joint Movement) တွေ မှန်ကန်လာဖို့
- လဲကျခြင်း (Fall Risk) ကိုလျှော့ချဖို့အပြင်
- နေ့စဉ်လူမှုဘဝမှာ လွတ်လွတ်လပ်လမ်း လမ်းလျှောက်နိုင်ဖို့ပါ။

👥 ဘယ်သူတွေ လေ့ကျင့်ဖို့ လိုမလဲ။
- လေဖြတ်ထားတဲ့သူတွေ
- ခါးရိုးဆစ် ဒဏ်ရာရထားသူတွေ
- ပါကင်ဆန် (Parkinson) နဲ့ ဦးနှောက်အာရုံကြော ဝေဒနာရှင်တွေ
- အရိုးကျိုးတာ၊ ခွဲစိတ်တာမျိုးလုပ်ပြီး ခြေထောက်ပြန်အားမွေးချင်သူတွေနဲ့
- ဟန်ချက်မထိန်းနိုင်ဘဲ ခဏခဏ လဲတတ်တဲ့ အဘိုးအဘွားတွေ အတွက်လိုအပ်ပါတယ်။

⚙️ ဘယ်လိုမျိုးတွေ လေ့ကျင့်ပေးမှာလဲ။
- ဘားတန်းမှာ လေ့ကျင့်မယ်။ လမ်းလျှောက်ဘားတန်း (Parallel Bar) ကို ကိုင်ပြီး ဘေးကင်းကင်းနဲ့ လမ်းစလျှောက်မယ်။
- အထောက်အကူပြုပစ္စည်း သုံးမယ်။ ဝေါ်ကာ (Walker)၊ တုတ်ကောက် (Cane) တွေကို စနစ်တကျ အသုံးပြုတတ်အောင် သင်ပေးမယ်။
- ဟန်ချက်ထိန်းမယ်။ ကိုယ်အလေးချိန်ကို ဘယ်၊ညာ မျှမျှတတ ပေးတတ်အောင်နဲ့ မလဲအောင် လေ့ကျင့်ပေးမယ်။
- ခြေလှမ်းပြင်မယ်။ ခြေထောက် ဘယ်လိုစချရမလဲဆိုတဲ့ ခြေလှမ်းအဆင့်ဆင့်ကို မှန်ကန်အောင် ပြင်ပေးပါမယ်။

✨ ရလာမယ့် အကျိုးကျေးဇူးတွေကတော့
- လမ်းလျှောက်တာ ပိုမြန်၊ ပိုသွက်လာမယ်။
- သူများအကူအညီမပါဘဲ ကိုယ်တိုင် လှုပ်ရှားနိုင်လာမယ်။
- လဲမှာကို မကြောက်တော့ဘဲ ကိုယ့်ကိုယ်ကိုယ် ယုံကြည်မှု ရှိလာမယ်။
- နေ့စဉ်ဘဝမှာ စိတ်သွားတိုင်း ကိုယ်ပါ သွားလာနိုင်လာပါလိမ့်မယ်ရှင်။

လမ်းလျှောက်တဲ့အခါ ဟန်ချက်မညီတာဟာ လဲကျပြီး အရိုးကျိုးနိုင်တဲ့အထိ အန္တရာယ်ရှိနိုင်ပါတယ်။ ဒါကြောင့် ဝေဒနာတွေ ပိုမဆိုးလာခင် 𝐌𝐲𝐚𝐭𝐡𝐢𝐝𝐚 𝐩𝐡𝐲𝐬𝐢𝐨𝐭𝐡𝐞𝐫𝐚𝐩𝐲 𝐚𝐧𝐝 𝐫𝐞𝐡𝐚𝐛 𝐜𝐥𝐢𝐧𝐢𝐜 မှာ အမြန်ဆုံး လေ့ကျင့်ကုသမှု ခံယူလိုက်ပါနော်။ ✅

𝑴𝒚𝒂𝒕𝒉𝒊𝒅𝒂 𝒑𝒉𝒚𝒔𝒊𝒐𝒕𝒉𝒆𝒓𝒂𝒑𝒚 𝒂𝒏𝒅 𝒓𝒆𝒉𝒂𝒃 𝒄𝒍𝒊𝒏𝒊𝒄
📞 01-3500555,09-409556363,09-944556363 ( Viber , Telegram )
🏡 1A/30 , မြသီတာအိမ်ယာ၊ ဥဇ္ဇနာလမ်း၊ မေတ္တာလမ်းနှင့် ရတနာလမ်းကြား၊ တောင်ဥက္ကလာပမြို့နယ်၊ ရန်ကုန်မြို့။

28/01/2026

လည်ပင်းကနေ ခြေထောက်အထိ နာကျင်ထုံကျင်နေတာ ကျောရိုးပြဿနာကြောင့်ဆိုတာ သင်သိပါသလား?

🦴 𝐒𝐩𝐢𝐧𝐚𝐥 𝐒𝐭𝐞𝐧𝐨𝐬𝐢𝐬 (ကျောရိုးအာရုံကြောလမ်းကြောင်း ကျဉ်းခြင်း) ဆိုတာဘာလဲ။
Spinal Stenosis ဆိုတာ ကျောရိုးအတွင်းထဲမှာရှိတဲ့ အာရုံကြောတွေ ဖြတ်သန်းရာလမ်းကြောင်းက ကျဉ်းလာတာဖြစ်ပါတယ်။ အဲဒီလို ကျဉ်းလာတဲ့အခါမှာ အာရုံကြောတွေကိုဖိမိပြီးတော့ ဝေဒနာတွေ ခံစားရတတ်ပါတယ်။

ဖြစ်ပွားရာနေရာပေါ်မူတည်၍ ခံစားရမည့် လက္ခဏာများတွေကလည်းကွာခြားသွားပါသေးတယ်။
📌 လည်ပင်းမှာဖြစ်ရင် 𝐂𝐞𝐫𝐯𝐢𝐜𝐚𝐥 𝐒𝐭𝐞𝐧𝐨𝐬𝐢𝐬 လို့ခေါ်ပြီး ခံစားရတဲ့လက္ခဏာတွေက
- လည်ပင်းနာတာ
- လက်တစ်လျှောက်ထုံကျင်ကိုက်ခဲတာနဲ့
- လက်မောင်းနဲ့လက်ဖဝါးတွေအားမရှိသလို ခံစားရတာတွေရှိတတ်ပါတယ်။

📌 ခါးရိုးမှာဖြစ်ရင်တော့ 𝐋𝐮𝐦𝐛𝐚𝐫 𝐒𝐭𝐞𝐧𝐨𝐬𝐢𝐬 လို့ခေါ်ပါတယ်။
- ခါးနာတာ
- တင်ပဆုံနဲ့ ခြေထောက်တွေ ထုံကျင်ကိုက်ခဲတာ
- လမ်းလျှောက်တဲ့အခါမှာ ဟန်ချက်မထိန်းနိုင်တော့တာအပြင်
- ပိုပြီးဆိုးရွားသွားတဲ့အခါမှာ ဆီး၊ ဝမ်း မထိန်းနိုင်တော့တာတွေအထိ ဖြစ်လာနိုင်ပါတယ်။

⚠️ Spinal Stenosis ဘာကြောင့်ဖြစ်ရတာလဲ။
၁။ အသက်အရွယ်ကြောင့် ပျက်စီးခြင်း (Degeneration) - အသက်ကြီးလာတာနဲ့အမျှ အရိုးအဆစ်၊ အင်္ဂါစပ် (Joints) နဲ့ အရွတ် (Ligaments) တွေ ပျက်စီးလာခြင်း
၂။ ကျောရိုးဆစ်ကြား Disc ကျွံခြင်း (Disc Bulge/PID) - အရိုးဆစ်ကြားရှိ ကူရှင် (Disc) တွေ ဖောင်းထွက်တာ (သို့) ကျွံထွက်လာပြီး အာရုံကြောကို ဖိမိခြင်း
၃။ အရိုးအတက်ထွက်ခြင်း (Bone Spurs) - အရိုးအဆစ်တွေ ပျက်စီးရာကနေ အရိုးအတက်လေးတွေ ထွက်ပေါ်လာခြင်း
၄။ အရိုးလျှောခြင်း (Spondylolisthesis) - ကျောရိုးတခုကတခုအပေါ်ကို လျှောကျလာတာကြောင့် လမ်းကြောင်းကျဉ်းသွားခြင်း
၅။ မွေးရာပါအကြောင်းရင်း - မွေးကတည်းက ကျောရိုးလမ်းကြောင်း ကျဉ်းနေခြင်း။
၆။ ထိခိုက်ဒဏ်ရာ - မတော်တဆထိခိုက်မှု (သို့) ခွဲစိတ်မှုအပြီး နောက်ဆက်တွဲ ပြဿနာများရှိခြင်း စတာတွေကြောင့်ဖြစ်ပါတယ်။

🚫 ရှောင်ကြဉ်ရမည့် အချက်များ (𝐃𝐨𝐧'𝐭𝐬)
Spinal Stenosis ဝေဒနာရှင်တွေက Extension Posture (ခါးနောက်လန်ခြင်း၊ လည်ပင်းမော့ခြင်း) ပြုလုပ်တဲ့အခါတွေမှာ အာရုံကြောကို ပိုပြီးဖိမိစေတတ်ပါတယ်။ ဒါ့အပြင် ကြာရှည် မတ်တပ်ရပ်တာ၊ အလေးအပင်မတာတွေနဲ့ ခုန်တာ၊ ပြေးတာစတဲ့ ပြင်းထန်တဲ့လှုပ်ရှားမှုတွေကို မလုပ်သင့်ပါဘူး။

✅ သက်သာစေမည့် နည်းလမ်းနှင့် ကုသမှုများ (𝐃𝐨'𝐬 & 𝐓𝐫𝐞𝐚𝐭𝐦𝐞𝐧𝐭𝐬)
- နေထိုင်မှုပုံစံ - ထိုင်တဲ့အခါမှာ ခန္ဓာကိုယ်ကို ရှေ့ကို နည်းနည်းကိုင်းပြီးထိုင်တာနဲ့ အိပ်တဲ့အခါ ခပ်ကွေးကွေးလေးအိပ်တာတွေကို နာကျင်မှုကို သက်သာစေပါတယ်။
- ဆေးဝါးကုသခြင်း - နာကျင်တာတွေကို ပျောက်ကင်းသက်သာဖို့ ဆေးထိုး၊ ဆေးသောက်တာတွေနဲ့လည်းကုသနိုင်ပါတယ်။
- ခွဲစိတ်ကုသခြင်း - လိုအပ်ရင် ခွဲစိတ်မှုနည်းလမ်းတွေနဲ့လည်း ကုသနိုင်ပါတယ်။
- 𝐏𝐡𝐲𝐬𝐢𝐜𝐚𝐥 𝐓𝐡𝐞𝐫𝐚𝐩𝐲 - လည်ပင်း၊ ခါးနဲ့ ကြွက်သားတွေကို လေ့ကျင့်ခန်းကုထုံးတွေနဲ့လည်း ပုံမှန်လေ့ကျင့်ပြီး ကုသနိုင်ပါတယ်။

မိမိကိုယ်တိုင်သာမက မိမိပတ်ဝန်းကျင်က ချစ်ခင်ရသူတွေပါ ခါးနာ၊ လည်ပင်းနာ ဝေဒနာတွေကနေ ကင်းဝေးစေဖို့ ဒီဗဟုသုတလေးကို မျှဝေပေးလိုက်ပါဦးနော်။ အားလုံးပဲ ဘေးကင်းကျန်းမာကြပါစေကြောင်း မြသီတာဆေးခန်းက ဆုမွန်ကောင်းတောင်းလိုက်ရပါတယ်ရှင်။

22/01/2026

𝐈𝐥𝐢𝐨𝐭𝐢𝐛𝐢𝐚𝐥 𝐁𝐚𝐧𝐝 𝐒𝐲𝐧𝐝𝐫𝐨𝐦𝐞 (𝐈𝐓𝐁𝐒) အကြောင်း သိကောင်းစရာ

🏃‍♂️ ဒူးဆစ်ထိခိုက်ဒဏ်ရာရခြင်းတွေထဲက ဒုတိယအဖြစ်အများဆုံးဖြစ်တဲ့ Iliotibial Band Syndrome (ITBS) အကြောင်းကို ဒီနေ့မှာမြသီတာဆေးခန်းက ပြောပြပေးသွားမှာ ဖြစ်ပါတယ်ရှင်။

❓ 𝐈𝐥𝐢𝐨𝐭𝐢𝐛𝐢𝐚𝐥 𝐁𝐚𝐧𝐝 ဆိုတာဘာလဲ။
သူကတော့ တင်ပါးရိုး (Hip) ကနေ ဒူးဆစ် (Knee) အပြင်ဘက်အထိ ဆက်သွယ်ပေးထားတဲ့ သန်မာတဲ့ အမျှင်တစ်ရှူး (Fibrous Tissue) တစ်မျိုး ဖြစ်ပါတယ်။

❓ ဘာကြောင့် နာကျင်ရတာလဲ။
ဒီ IT Band နဲ့ ပေါင်ရိုး (Femur) တို့ကြားမှာ ပွတ်တိုက်မှုတွေ များလာတဲ့အခါ ဒူးရဲ့အပြင်ဘက်ခြမ်းမှာ နာကျင်တာ၊ ရောင်ရမ်းတာတွေ ဖြစ်လာတတ်ပါတယ်။ ဒါကို 𝐈𝐓𝐁 𝐒𝐲𝐧𝐝𝐫𝐨𝐦𝐞 လို့ ခေါ်တာပါ။ အထူးအားဖြင့်တော့ ပြေးတာ၊ ခုန်တာမျိုး လုပ်တဲ့အခါတွေမှာ ပိုပြီးနာကျင်တတ်ပါတယ်။

❓ ဘယ်သူတွေမှာ အဖြစ်များသလဲ။
ဒါက ဆေးပညာအခေါ် 𝐎𝐯𝐞𝐫𝐮𝐬𝐞 𝐈𝐧𝐣𝐮𝐫𝐲 ဆိုတဲ့ ခန္ဓာကိုယ်ရဲ့ အစိတ်အပိုင်းတခုခုကို သူ့ရဲ့ ခံနိုင်ရည်ထက်ကျော်လွန်ပြီး ထပ်ခါတလဲလဲ အလွန်အကျွံ အသုံးပြုမိတဲ့လူတွေမှာ အတွေ့များရပါတယ်။ ဥပမာ
🏃‍♂️ တာဝေးပြေးသမားတွေ (Runners)
🚴‍♂️ စက်ဘီးစီးဝါသနာရှင်တွေ (Cyclists) နဲ့
🚶‍♂️ လမ်းအဝေးကြီး လျှောက်ရသူတွေ (Long Distance Walkers) စတဲ့သူတွေဖြစ်ပါတယ်။

✅ 𝐈𝐓𝐁𝐒 ဖြစ်လာရင် ဘယ်လိုကုသနိုင်မလဲ။
ဒဏ်ရာဖြစ်ခါစ (Acute Phase) မှာ နာကျင်ရောင်ရမ်းမှု လျော့ကျစေဖို့ အောက်ပါနည်းတွေအတိုင်း အခြေခံအားဖြင့် ပြုစုနိုင်ပါတယ်။
၁။ Rest (အနားပေးပါ)
နာကျင်စေတဲ့ လှုပ်ရှားမှုတွေကို ရပ်နားထားပြီးတော့ ခြေထောက်ကို အနားပေးရမှာဖြစ်ပါတယ်။
၂။ Ice (ရေခဲကပ်ပါ)
တကြိမ်ကို ၁၀ မိနစ်ကနေ ၁၅ မိနစ်ခန့်နဲ့ တနေ့မှာ ၃ ကြိမ်လောက် ရေခဲကပ်ပေးလို့ရပါတယ်။
၃။ Compression (စည်းနှောင်ပါ)
ပတ်တီး (Bandage) စည်းတာ၊၊ ဒူးစွပ် (Knee Support) ဝတ်တာ (သို့) Taping ကပ်တာတွေက နာကျင်တာသက်သာဖို့ အထောက်အကူပြုပါတယ်။
၄။ Elevation (မြှင့်ထားပါ)
လှဲလျောင်းတဲ့အခါတိုင်း ခြေထောက်အောက်မှာခေါင်းအုံးခံပြီး နှလုံးထက်မြင့်အောင် ထားပေးရပါမယ်။

🌿 𝐏𝐡𝐲𝐬𝐢𝐨𝐭𝐡𝐞𝐫𝐚𝐩𝐲 နဲ့ကုသဖို့လိုအပ်နိုင်သလား။
တကယ်လို့ နာကျင်တာတွေက တပတ်ကျော်လာတဲ့အထိတောင် လုံးဝမသက်သာဘူးဆိုရင်တော့ ကျွမ်းကျင်တဲ့ အကြောအဆစ်ကုဆရာဝန်ကြီးတွေ၊ ဒါမှမဟုတ် Physiotherapist တွေနဲ့ တိုင်ပင်ဆွေးနွေးဖို့ လိုအပ်လာပါပြီ။

မြသီတာဆေးခန်းမှာဆိုရင် ITBS ဝေဒနာရှင်တွေအတွက် ခေတ်မီ 𝐄𝐥𝐞𝐜𝐭𝐫𝐨𝐭𝐡𝐞𝐫𝐚𝐩𝐲 ကုထုံးတွေဖြစ်တဲ့
💥 High Power Laser Therapy
💥 Shockwave Therapy
💥 Ultrasound Therapy
စတဲ့ အရွတ်ရောင်ရမ်းမှုကို လျော့ကျစေမယ့်နည်းလမ်းတွေအပြင် ခြေထောက်တွေကို အရင်အတိုင်းပြန်လည်သန်စွမ်းစေမယ့် လေ့ကျင့်ခန်းကုထုံး (𝐄𝐱𝐞𝐫𝐜𝐢𝐬𝐞 𝐓𝐡𝐞𝐫𝐚𝐩𝐲) တွေနဲ့ပါ စနစ်တကျ အမြန်ဆုံး သက်သာပျောက်ကင်းအောင် ကုသပေးနေပါတယ်။

ဒါကြောင့်နာကျင်မှုကို အောင့်အီးပြီးသည်းမခံပါနဲ့။ ခံစားနေရတဲ့ နာကျင်မှုတွေကို အမြန်ဆုံးသက်သာဖို့ 𝐌𝐲𝐚𝐭𝐡𝐢𝐝𝐚 𝐩𝐡𝐲𝐬𝐢𝐨𝐭𝐡𝐞𝐫𝐚𝐩𝐲 𝐚𝐧𝐝 𝐫𝐞𝐡𝐚𝐛 𝐜𝐥𝐢𝐧𝐢𝐜 ကိုလှမ်းလာခဲ့ဖို့ ဖိတ်ခေါ်လိုက်ပါရစေရှင်။ 🤗

𝑴𝒚𝒂𝒕𝒉𝒊𝒅𝒂 𝒑𝒉𝒚𝒔𝒊𝒐𝒕𝒉𝒆𝒓𝒂𝒑𝒚 𝒂𝒏𝒅 𝒓𝒆𝒉𝒂𝒃 𝒄𝒍𝒊𝒏𝒊𝒄
📞 01-3500555,09-409556363,09-944556363 ( Viber , Telegram )
🏡 1A/30 , မြသီတာအိမ်ယာ၊ ဥဇ္ဇနာလမ်း၊ မေတ္တာလမ်းနှင့် ရတနာလမ်းကြား၊ တောင်ဥက္ကလာပမြို့နယ်၊ ရန်ကုန်မြို့။

15/01/2026

🌬️ ရာသီအကူးအပြောင်းမှာဖြစ်တတ်တဲ့ ချွဲကြပ်ဝေဒနာကို အဆုတ်လေ့ကျင့်ခန်းနဲ့ ဖြေရှင်းစို့

ရာသီအကူးအပြောင်းမှာ အအေးမိတုပ်ကွေးဖြစ်ပြီးတဲ့နောက် ချောင်းဆိုးချွဲကြပ်ဝေဒနာက အချိန်တော်တော်ကြာအောင် ကျန်နေတတ်ပါတယ်။ ဒါကြောင့် အဲဒီလိုမျိုးစုပုံနေတဲ့ ချွဲသလိပ်တွေကို အလွယ်တကူ ရှင်းထုတ်နိုင်စေမယ့် အဆုတ်ကျန်းမာရေးလေ့ကျင့်ခန်း (Chest Physiotherapy) နည်းလမ်းကောင်းတွေကို 𝐌𝐲𝐚𝐭𝐡𝐢𝐝𝐚 𝐩𝐡𝐲𝐬𝐢𝐨𝐭𝐡𝐞𝐫𝐚𝐩𝐲 𝐚𝐧𝐝 𝐫𝐞𝐡𝐚𝐛 𝐜𝐥𝐢𝐧𝐢𝐜 က ဝေမျှပေးချင်ပါတယ်။

❓ ဘာကြောင့် ချွဲသလိပ်တွေ စုပုံလာရတာလဲ။
အဆုတ်နဲ့လေပြွန်ထဲမှာ ချွဲတွေစုပုံလာရတဲ့ အဓိကအကြောင်းရင်းက (၄)ချက်ရှိပါတယ်။ ဒါတွေကတော့
၁။ရောဂါပိုးဝင်ခြင်း
ဘက်တီးရီးယား၊ ဗိုင်းရပ်စ်နဲ့ အအေးမိပိုးတွေ ဝင်ရောက်လာတဲ့အခါ ခန္ဓာကိုယ်က ခုခံကာကွယ်ဖို့အတွက် အရည် (Secretion) တွေကို ပိုမိုထုတ်လုပ်ရာကနေ ချွဲဖြစ်လာပါတယ်။
၂။ ပြင်ပလှုံ့ဆော်မှုများ
ဖုန်မှုန့် (Dust)၊ ဆေးလိပ်ငွေ့ (Smoke) နဲ့ လေထုညစ်ညမ်းမှု (Pollution) တွေက အဆုတ်ကိုလှုံ့ဆော်တဲ့အခါမှာလည်း အဆုတ်ကိုကာကွယ်ဖို့အတွက် ချွဲတွေပိုထွက်လာပါတယ်။
၃။ လှုပ်ရှားမှုနည်းပါးခြင်း
သက်ကြီးရွယ်အိုတွေနဲ့ အိပ်ရာထဲမှာ ကြာရှည်လဲနေရတဲ့လူနာတွေက လှုပ်ရှားမှုသိပ်မရှိတာကြောင့် ချွဲတွေကအပြင်မထွက်ဘဲနဲ့ စုပုံနေတတ်ပါတယ်။
၄။ နာတာရှည်ရောဂါများ
ရင်ကြပ် (Asthma) နဲ့ နာတာရှည်အဆုတ်လေပြွန်ရောင် (COPD) ရောဂါရှိသူတွေမှာ ချွဲထွက်တာပိုများပြီး အသက်ရှူရခက်ခဲတာမျိုးကို ခံစားရတတ်ပါတယ်။

ချွဲကြပ်တာသက်သာစေဖို့ ကုထုံးတွေအများကြီးထဲကမှ တကယ်ထိရောက်ပြီးလုပ်ရလွယ်ကူတဲ့ 𝐂𝐡𝐞𝐬𝐭 𝐏𝐡𝐲𝐬𝐢𝐨𝐭𝐡𝐞𝐫𝐚𝐩𝐲 (𝐂𝐏𝐓) လေ့ကျင့်ခန်းတမျိုးကို ဆက်ပြီးဝေမျှပါရစေရှင်။ 🤗
ဒီလေ့ကျင့်ခန်းက အသက်ရှူရခက်ခဲသူတွေ၊ ချွဲကြပ်နေသူတွေနဲ့ အောက်ဆီဂျင်ကျနေသူတွေအတွက် အလွန်အသုံးဝင်တဲ့ လွယ်ကူတဲ့ လေ့ကျင့်ခန်းလည်းဖြစ်ပါတယ်။
အဆင့် (၁) - ခန္ဓာကိုယ်ကို မှီထားနိုင်မယ့်အနေအထားနဲ့ သက်တောင့်သက်သာထိုင်ပါ။ လက်တစ်ဖက်ကို ရင်ဘတ်ပေါ် မှာတင်ထားပါ။
အဆင့် (၂) - နှာခေါင်းကနေ လေကိုအဝရှူသွင်းပါ။ ရင်ဘတ်နဲ့ဝမ်းဗိုက်ပိုင်း ဖောင်းတက်လာတဲ့အထိ ရှူသွင်းပေးရပါမယ်။
အဆင့် (၃) - လေကို ခန္ဓာကိုယ်ထဲမှာ ၃ စက္ကန့်လောက်အောင့်ထားပါ။
အဆင့် (၄) - ပါးစပ်ကနေမှတစ်ဆင့် လေကို ဖြည်းဖြည်းချင်းအကုန်ပြန်ထုတ်ပါ။ လေပြန်ထုတ်ချိန်ကို ၅ စက္ကန့် လောက်ကြာအောင် ထုတ်ပေးပါ။
ဒီလေ့ကျင့်ခန်းကို တခါလုပ်ရင် ၁၀ ကြိမ်စီနဲ့ တနေ့ကို ၂ ကြိမ်ကနေ ၃ ကြိမ်အထိ ပြုလုပ်ပေးနိုင်ပါတယ်ရှင်။

နေကောင်းကျန်းမာစေဖို့ အပိုဆောင်းအကြံပြုချက်တွေကိုလည်း တပါတည်းဝေမျှပေးပါရစေဦးနော်။ 🍀
💧 ရေများများသောက်ပါ။ ရေဓာတ်ပြည့်ဝမှ ချွဲတွေကကျဲသွားပြီး အပြင်ကိုထွက်ရလွယ်ကူမှာဖြစ်ပါတယ်။
🍊 အသီးအနှံစားပါ။ အရည်ရွှမ်းတဲ့ အသီးအနှံတွေနဲ့ Vitamin C ကြွယ်ဝတာတွေကို စားသုံးပြီး ကိုယ်ခံအားကိုမြှင့်တင်ပါ။

ဒီနည်းလမ်းလေးတွေကို လိုက်နာပြီး အားလုံးပဲချွဲကြပ်ဝေဒနာကနေ ကင်းဝေးကာကျန်းမာပျော်ရွှင်ကြပါစေလို့ မြသီတာဆေးခန်းက ဆန္ဒပြုလိုက်ရပါတယ်ရှင်။ 🙏

11/01/2026

💥 နာကျင်မှုတွေကြားက မြန်မြန်လွတ်မြောက်ဖို့ 𝐇𝐢𝐠𝐡 𝐏𝐨𝐰𝐞𝐫 𝐋𝐚𝐬𝐞𝐫 ရှိပါတယ်။

အလုပ်လုပ်ရင်း၊ အားကစားလုပ်ရင်း ခါးနာ၊ ဒူးနာ၊ ခြေဖနောင့်နာတာတွေ ခံစားနေရပြီလား။ ဆေးထိုးစရာမလို၊ ခွဲစိတ်စရာမလိုဘဲ တကယ်ထိရောက်တဲ့ ကုသမှုအသစ်နဲ့ မြသီတာဆေးခန်းက မိတ်ဆက်ပေးပါရစေရှင်။
𝐇𝐢𝐠𝐡 𝐏𝐨𝐰𝐞𝐫 𝐋𝐚𝐬𝐞𝐫 𝐓𝐡𝐞𝐫𝐚𝐩𝐲 ဆိုတာက အကြော၊ အဆစ်နဲ့ ကြွက်သားတွေရဲ့ နာကျင်မှုကိုလျော့စေပြီး ထိခိုက်သွားတဲ့ဆဲလ်တွေကို ပြန်လည်ကောင်းမွန်လာအောင် ကုသပေးတဲ့ စွမ်းအားမြင့် အလင်းကုထုံးတမျိုးပါ။
ဒီကုထုံးနဲ့ ကုသနိုင်တဲ့ရောဂါတွေကတော့ -
⚡ ကြွက်သားနဲ့ အရွတ်တွေ ထိခိုက်နာကျင်တာ (Muscle Strain, Ligament Sprain)
⚡ တံတောင်ဆစ်နာတာ၊ ခြေဖနောင့်နာတာနဲ့ အရွတ်ပြားတွေရောင်ရမ်းနာကျင်တာတွေ (Tennis Elbow, Ankle Pain, Plantar Fasciitis)
⚡လည်ပင်းကျီးပေါင်း၊ ခါးနာ၊ ဒူးနာ စတဲ့ဝေဒနာတွေ (Neck Pain, Low Back Pain, OA knee) တို့ဖြစ်ပါတယ်။

❇️ Laser နဲ့ကုသနေချိန်မှာ နာကျင်မှာကို ကြောက်စရာမလိုပါဘူး။ အရမ်းပူတာမျိုးမဟုတ်တဲ့ နွေးနွေးလေးနဲ့ ခံစားမှုကောင်းပြီး သက်တောင့်သက်သာဖြစ်တဲ့ ခံစားမှုကိုခံစားရမှာဖြစ်ပါတယ်။ ကုသမှုပြီးပြီးချင်း (ဒါမှမဟုတ်) ကုသမှုခံယူပြီးတဲ့နောက်ပိုင်းမှာလည်း သွေးလည်ပတ်မှုကောင်မွန်ပြီး နာကျင်မှုတွေ လျော့ပါးသွားလို့ ပေါ့ပါးတဲ့ခံစားချက်ကို သိသိသာသာခံစားရမှာပါ။ ကုသမှု Session ကလည်း ၅မိနစ်ကနေ ၁၀မိနစ်လောက်ပဲကြာတာမို့လို့ အချိန်ပေးရလည်း သက်သာစေပါတယ်။

🕶 ကုသမှုခံယူနေစဉ်အတွင်းမှာ လုံခြုံစိတ်ချရမှုရှိစေဖို့ Physiotherapist တွေက လူနာကို အကာအကွယ်မျက်မှန်လေး အရင်တပ်ပေးပါတယ်။ လေဆာအလင်းကြောင့် မျက်လုံးမထိခိုက်အောင် စနစ်တကျနဲ့ အလေးထား ဂရုစိုက်ပြီးမှ ကုသမှုပေးတာဖြစ်လို့ စိုးရိမ်စရာမလိုဘဲ စိတ်အေးချမ်းသာစွာ ကုသနိုင်မှာလည်း ဖြစ်ပါတယ်။

𝐇𝐢𝐠𝐡 𝐏𝐨𝐰𝐞𝐫 𝐋𝐚𝐬𝐞𝐫 ကုထုံးက အချိန်ကုန်၊ လူပင်ပန်းသက်သာရုံမကဘဲ ခွဲစိတ်စရာမလို၊ ဆေးထိုးစရာမလိုဘဲ ဝေဒနာတွေကို ကုသပျောက်ကင်းနိုင်တဲ့နည်းလမ်းဖြစ်လို့ အရိုး၊ အကြော၊ အဆစ်နဲ့ပတ်သက်တဲ့ ဝေဒနာတွေအတွက် အထိရောက်ဆုံးနည်းလမ်းတခုလည်းဖြစ်ပါတယ်။ ဒါကြောင့် ဒီကုထုံးနဲ့ကုသမှုလိုအပ်လို့ပဲဖြစ်ဖြစ်၊ ခံစားနေရတဲ့ ရောဂါအကြောင်းကို ဆွေးနွေးတိုင်ပင်ပြီးကုသချင်တာပဲဖြစ်ဖြစ် 𝐌𝐲𝐚𝐭𝐡𝐢𝐝𝐚 𝐩𝐡𝐲𝐬𝐢𝐨𝐭𝐡𝐞𝐫𝐚𝐩𝐲 𝐚𝐧𝐝 𝐫𝐞𝐡𝐚𝐛 𝐜𝐥𝐢𝐧𝐢𝐜 ကိုလှမ်းလာခဲ့ဖို့ ဖိတ်ခေါ်လိုက်ပါရစေရှင်။ 🤗

𝑴𝒚𝒂𝒕𝒉𝒊𝒅𝒂 𝒑𝒉𝒚𝒔𝒊𝒐𝒕𝒉𝒆𝒓𝒂𝒑𝒚 𝒂𝒏𝒅 𝒓𝒆𝒉𝒂𝒃 𝒄𝒍𝒊𝒏𝒊𝒄
📞 01-3500555,09-409556363,09-944556363 ( Viber , Telegram )
🏡 1A/30 , မြသီတာအိမ်ယာ၊ ဥဇ္ဇနာလမ်း၊ မေတ္တာလမ်းနှင့် ရတနာလမ်းကြား၊ တောင်ဥက္ကလာပမြို့နယ်၊ ရန်ကုန်မြို့။

#လေဆာကုထုံး

31/12/2025

𝐖𝐢𝐬𝐡𝐢𝐧𝐠 𝐲𝐨𝐮 𝐚 𝐏𝐚𝐢𝐧-𝐅𝐫𝐞𝐞 & 𝐀𝐜𝐭𝐢𝐯𝐞 𝐍𝐞𝐰 𝐘𝐞𝐚𝐫 🎇

မင်္ဂလာရှိတဲ့ နှစ်သစ်အခါသမယမှာ နာကျင်မှုဝေဒနာအားလုံး နှစ်ဟောင်းနဲ့အတူ ပျောက်ကွယ်သွားပြီး နှစ်သစ်မှာ ပေါ့ပါးသွက်လက်တဲ့ ခြေလှမ်းသစ်တွေကို ယုံကြည်ချက်ရှိရှိနဲ့ လျှောက်လှမ်းနိုင်ပါစေကြောင်း 𝐌𝐲𝐚𝐭𝐡𝐢𝐝𝐚 𝐩𝐡𝐲𝐬𝐢𝐨𝐭𝐡𝐞𝐫𝐚𝐩𝐲 𝐚𝐧𝐝 𝐫𝐞𝐡𝐚𝐛 𝐜𝐥𝐢𝐧𝐢𝐜 အဖွဲ့သားတွေက ဆုမွန်ကောင်းတောင်းလိုက်ရပါတယ်ရှင်။ ✨

𝑴𝒚𝒂𝒕𝒉𝒊𝒅𝒂 𝒑𝒉𝒚𝒔𝒊𝒐𝒕𝒉𝒆𝒓𝒂𝒑𝒚 𝒂𝒏𝒅 𝒓𝒆𝒉𝒂𝒃 𝒄𝒍𝒊𝒏𝒊𝒄
📞 01-3500555,09-409556363,09-944556363 ( Viber , Telegram )
🏡 1A/30 , မြသီတာအိမ်ယာ၊ ဥဇ္ဇနာလမ်း၊ မေတ္တာလမ်းနှင့် ရတနာလမ်းကြား၊ တောင်ဥက္ကလာပမြို့နယ်၊ ရန်ကုန်မြို့။

28/12/2025

မြသီတာဆေးခန်းကို လူတွေအများဆုံးမေးလေ့ရှိတဲ့ 𝐏𝐡𝐲𝐬𝐢𝐨𝐭𝐡𝐞𝐫𝐚𝐩𝐲 (𝐏𝐓) နဲ့ ပတ်သက်တဲ့ မေးခွန်း ၅ ခုကို စုစည်းပြီး ဖြေကြားပေးပါရစေနော်။

၁။ 𝐏𝐡𝐲𝐬𝐢𝐨𝐭𝐡𝐞𝐫𝐚𝐩𝐲 (𝐏𝐓) ဆိုတာ Massage (အကြောပြင်၊ နှိပ်နယ်ခြင်း) ပြုလုပ်တာလား။ ❓
✅ အဖြေကတော့ အကြောပြင်နှိပ်နယ်တာနဲ့ Physiotherapy ဆိုတာမတူပါဘူးရှင်။
နှိပ်နယ်တယ်ဆိုတာက ကြွက်သားတွေကိုပြေလျော့စေဖို့ အသုံးပြုတဲ့ နည်းလမ်းတစ်ခုပါ။ Physiotherapy (PT) မှာတော့ Manual Therapy (လက်ဖြင့်ကုသခြင်း) ပါဝင်ပေမယ့် သူ့ရဲ့အဓိက ရည်ရွယ်ချက်ကတော့ လှုပ်ရှားမှုစွမ်းရည်နဲ့ လုပ်ငန်းဆောင်တာတွေကို ပြန်လည်ကောင်းမွန်စေဖို့ ဖြစ်ပါတယ်။ PT ဟာ ရောဂါအခြေအနေကို စနစ်စစ်ဆေးပေးပြီးတော့ လေ့ကျင့်ခန်းကုထုံးတွေ၊ အသိပညာပေးတာတွေနဲ့ ခေတ်မီစက်ကိရိယာတွေကို အသုံးပြုပြီးကုသပေးတဲ့ သိပ္ပံနည်းကျ ကုသမှုတရပ် ဖြစ်ပါတယ်။

၂။ နာကျင်နေတာတွေက 𝐏𝐓 လုပ်လိုက်ရင် ပိုနာသွားနိုင်ပါသလား။ ❓
✅ အဖြေကတော့ နာကျင်မှုထပ်တိုးလာမှာကို စိုးရိမ်ဖို့မလိုပါဘူး။
Physiotherapist တွေရဲ့ ရည်ရွယ်ချက်က နာကျင်မှုကိုလျှော့ချပေးဖို့ပါ။ ကုသမှုအစပိုင်းမှာတော့ ကြွက်သားတွေက တင်းနေတာကြောင့်မို့လို့ Soreness လို့ခေါ်တဲ့ နည်းနည်းပါးပါး တင်းကျပ်နာကျင်မှုကို ခံစားရနိုင်ပေမယ့် ဒါက ပုံမှန်ပါပဲ။ PT ဆရာဝန်နဲ့ ကုထုံးပညာရှင်တွေက လူနာတွေရဲ့ နာကျင်မှုကို အမြဲတမ်းစောင့်ကြည့်ပေးပြီး မနာကျင်စေတဲ့ နည်းလမ်းတွေကို အသုံးပြုလို့ ကုသပေးနိုင်ပါတယ်။

၃။ ဘယ်လို ကျန်းမာရေးပြဿနာတွေအတွက် 𝐏𝐓 လိုအပ်ပါသလဲ။ ❓
✅ ဒီအတွက်အဖြေကတော့ ဒဏ်ရာ (သို့) ရောဂါတွေကြောင့် လှုပ်ရှားမှုမှာပြဿနာရှိတာတွေအားလုံးအတွက် လိုအပ်နိုင်ပါတယ်။
- အရိုး၊ အဆစ်နဲ့ပတ်သက်ပြီး ခါးနာတာ၊ ဒူးနာတာအပြင် အားကစားဒဏ်ရာတွေနဲ့ ခွဲစိတ်ပြီးတဲ့နောက်ပြန်လည်သန်စွမ်းဖို့
- အာရုံကြောနဲ့ဆိုင်တဲ့ပြဿနာတွေ၊ လေဖြတ်တာ၊ အာရုံကြောညပ်လို့ ထုံကျဉ်တဲ့ ရောဂါတွေကို လျော့ပါးသက်သာစေဖို့
- သက်ကြီးပိုင်းမှာဖြစ်တတ်တဲ့ ဟန်ချက်မညီတာနဲ့ လဲကျတဲ့ပြဿနာတွေကို ကာကွယ်နိုင်ဖို့နဲ့
- ရုံးသမားတွေအများစုဖြစ်တတ်တဲ့ Office Syndrome လိုပြဿနာတွေကိုပါ ဖြေရှင်းနိုင်ဖို့ လိုအပ်ပါတယ်ရှင်။

၄။ 𝐏𝐓 ကုသမှုခံယူဖို့ ဆရာဝန်ညွှန်ကြားချက် လိုအပ်ပါသလာ။ ❓
✅ အဖြေကတော့ အခြေအနေပေါ် မူတည်ပါတယ်ရှင်။
နိုင်ငံတကာမှာ ဆရာဝန်ညွှန်ကြားချက်မလိုအပ်ဘဲနဲ့ တိုက်ရိုက်ပြသနိုင်တဲ့နေရာတွေ ရှိပါတယ်။ မြန်မာနိုင်ငံမှာတော့ ဆေးရုံ၊ ဆေးခန်းအချို့မှာ ဆရာဝန်ရဲ့ ညွှန်ကြားချက်တွေ လိုအပ်နိုင်ပါတယ်။ မြသီတာဆေးခန်းမှာတော့ ခံစားနေရတဲ့ပြဿနာကို ဆရာဝန်ကြီးများနဲ့ တိုက်ရိုက်ဆွေးနွေးပြီး စစ်ဆေးကုသမှုကို စတင်နိုင်ပါတယ်။

၅။ 𝐏𝐓 ကို ဘယ်နှစ်ကြိမ် (ဒါမှမဟုတ်) ဘယ်လောက်ကြာကြာ ကုသမှုခံယူရမလဲ။ ❓
✅ လူနာတစ်ဦးချင်းစီအလိုက် ကွဲပြားပါတယ်လို့ပဲဖြေကြားပါရစေ။
ဒဏ်ရာပြင်းထန်မှု၊ ရောဂါအခြေအနေနဲ့ ကုသမှုခံယူသူရဲ့ ကိုယ်ခန္ဓာတုံ့ပြန်ပုံပေါ် မှာ အများကြီးမူတည်တာကြောင့်ပါ။ အများအားဖြင့်တော့ ပထမအပတ်တွေမှာ တစ်ပတ်ကို ၂ ကြိမ်မှ ၃ ကြိမ်ခန့် ကုသလေ့ရှိပြီး၊ နာကျင်မှုတွေ သက်သာလာတာနဲ့အမျှ အကြိမ်ရေကို လျှော့ချသွားမှာဖြစ်ပါတယ်။ PT ကုထုံးပညာရှင်တွေက လူနာကို ပထမဆုံး စစ်ဆေးပြီးတဲ့နောက်မှာ ကုသမှုအစီအစဉ်ကို ပြောပြပြီးဆွေးနွေးသွားမှာလည်းဖြစ်ပါတယ်။

📢 ဒါကြောင့် နာကျင်မှုတွေခံစားနေရရင်၊ နေ့စဉ်လုပ်ငန်းဆောင်တာတွေကို ထိခိုက်လာပြီဆိုရင် နောက်မှကုမယ်ဆိုတဲ့အတွေးနဲ့ လျစ်လျူမရှုလိုက်ပါနဲ့။ 𝐌𝐲𝐚𝐭𝐡𝐢𝐝𝐚 𝐩𝐡𝐲𝐬𝐢𝐨𝐭𝐡𝐞𝐫𝐚𝐩𝐲 𝐚𝐧𝐝 𝐫𝐞𝐡𝐚𝐛 𝐜𝐥𝐢𝐧𝐢𝐜 က အရည်အချင်းပြည့်ဝတဲ့ Physiotherapist တွေနဲ့ တိုင်ပင်ဆွေးနွေးပါ။ ခံစားနေရတဲ့ ဝေဒနာနဲ့ မေးခွန်းတွေကို အတူတူအဖြေရှာပြီး ကျန်းမာတဲ့ဘဝကို ပြန်လည်ရယူလိုက်ပါရှင်။ 🤗

𝑴𝒚𝒂𝒕𝒉𝒊𝒅𝒂 𝒑𝒉𝒚𝒔𝒊𝒐𝒕𝒉𝒆𝒓𝒂𝒑𝒚 𝒂𝒏𝒅 𝒓𝒆𝒉𝒂𝒃 𝒄𝒍𝒊𝒏𝒊𝒄
📞 01-3500555,09-409556363,09-944556363 ( Viber , Telegram )
🏡 1A/30 , မြသီတာအိမ်ယာ၊ ဥဇ္ဇနာလမ်း၊ မေတ္တာလမ်းနှင့် ရတနာလမ်းကြား၊ တောင်ဥက္ကလာပမြို့နယ်၊ ရန်ကုန်မြို့။

ေးခွန်းများ
#ကျန်းမာရေးဗဟုသုတ

25/12/2025

𝐖𝐢𝐬𝐡𝐢𝐧𝐠 𝐲𝐨𝐮 𝐚 𝐇𝐞𝐚𝐥𝐭𝐡𝐲 & 𝐇𝐚𝐩𝐩𝐲 𝐂𝐡𝐫𝐢𝐬𝐭𝐦𝐚𝐬! 🎅

ပျော်ရွှင်စရာခရစ်စမတ်နေ့လေးမှာ အားလုံးပဲ နာကျင်မှုကင်းဝေးပြီး ကျန်းမာကြံ့ခိုင်တဲ့ ခန္ဓာကိုယ်၊ လန်းဆန်းတဲ့ စိတ်နှလုံးတွေနဲ့ ပျော်ရွှင်စွာ ဖြတ်သန်းနိုင်ပါစေလို့ 𝐌𝐲𝐚𝐭𝐡𝐢𝐝𝐚 𝐩𝐡𝐲𝐬𝐢𝐨𝐭𝐡𝐞𝐫𝐚𝐩𝐲 𝐚𝐧𝐝 𝐫𝐞𝐡𝐚𝐛 𝐜𝐥𝐢𝐧𝐢𝐜 က ဆုတောင်းမေတ္တာ ပို့သအပ်ပါတယ်ရှင်။ 🎄

𝑴𝒚𝒂𝒕𝒉𝒊𝒅𝒂 𝒑𝒉𝒚𝒔𝒊𝒐𝒕𝒉𝒆𝒓𝒂𝒑𝒚 𝒂𝒏𝒅 𝒓𝒆𝒉𝒂𝒃 𝒄𝒍𝒊𝒏𝒊𝒄
📞 01-3500555,09-409556363,09-944556363 ( Viber , Telegram )
🏡 1A/30 , မြသီတာအိမ်ယာ၊ ဥဇ္ဇနာလမ်း၊ မေတ္တာလမ်းနှင့် ရတနာလမ်းကြား၊ တောင်ဥက္ကလာပမြို့နယ်၊ ရန်ကုန်မြို့။

18/12/2025

👵 ချော်လဲခြင်းဟာ အိုမင်းလာလို့ မဟုတ်ပါ။ ဒါကို 𝐏𝐓 နဲ့ ကာကွယ်နိုင်ကြောင်း သိပါသလား။

အသက် (၆၅) နှစ်အထက် လူကြီးတွေအတွက် လဲကျရင် အရိုးကျိုးပြီး လှုပ်ရှားမှု ရပ်တန့်သွားနိုင်လို့ ကြိုတင်ကာကွယ်ဖို့က အရေးကြီးပါတယ်။ 💯

🚨 ကာကွယ်နည်းတွေမပြောခင်မှာ ဘာကြောင့်လဲကျနိုင်လဲဆိုတဲ့အကြောင်းအရင်း (၃)ခုကို မြသီတာဆေးခန်းက ပြောပြပါရစေရှင်။ ဒါတွေကတော့
၁။ ဟန်ချက်မထိန်းနိုင်ခြင်း (Balance Weakness) - အသက်ကြီးလာရင် ကိုယ်ခန္ဓာ ဟန်ချက်ထိန်းချုပ်မှုစနစ် အားနည်းလာတာကြောင့် ခြေလှမ်းတိုင်းမှာ ယိမ်းယိုင်တတ်ပါတယ်။ ဒါကြောင့်လဲကျဖို့ ပိုလွယ်ကူတာဖြစ်ပါတယ်။
၂။ ကြွက်သားအားနည်းခြင်း (Muscle Loss) - ခြေထောက်ကြွက်သားတွေ အားနည်းလာလို့ ရုတ်တရက် ချော်လဲတာကို ပြန်ထိန်းဖို့ ခက်ခဲလာပါတယ်။ ဒါကြောင့် လဲကျတဲ့အထိဖြစ်သွားနိုင်တာဖြစ်ပါတယ်။
အမြင်အာရုံနှင့် ဆေးဝါးများ - အမြင်အာရုံချို့ယွင်းတာနဲ့ သောက်နေတဲ့ ဆေးဝါးတချို့ရဲ့ ဘေးထွက်ဆိုးကျိုးကြောင့် မူးဝေပြီး လဲကျတတ်ခြင်းလည်းဖြစ်နိုင်ပါသေးတယ်။

✨ ဒါကြောင့် 𝐏𝐡𝐲𝐬𝐢𝐨𝐭𝐡𝐞𝐫𝐚𝐩𝐲 (𝐏𝐓) နဲ့ ကာကွယ်ပါ။
လဲကျမှု အန္တရာယ်ကို လျှော့ချဖို့ PT ဟာ အကောင်းဆုံးနည်းလမ်းဖြစ်ပါတယ်။
🧘‍♂️ ဟန်ချက်လေ့ကျင့်ခန်းများ
PT ဆရာဝန်နဲ့ ပညာရှင်တွေက လူနာနဲ့ ကိုက်ညီတဲ့ Balance Training လေ့ကျင့်ခန်းတွေကို သင်ကြားပေးပြီး မလဲကျအောင် ကူညီပေးပါတယ်။
🦵 ခြေထောက်အားဖြည့်ခြင်း - လဲကျခြင်းကို တုံ့ပြန်ရာမှာ အရေးပါတဲ့ ခြေထောက်ကြွက်သားတွေကို သန်မာအောင် လေ့ကျင့်ပေးတာတွေကိုလည်း ပြုလုပ်ပေးပါတယ်။
🚶‍♂️ လမ်းလျှောက်ဟန် ပြင်ပေးခြင်း - လမ်းလျှောက်တဲ့ပုံစံ၊ ခြေလှမ်းမှန်စေဖို့နဲ့ လိုအပ်ရင် အထောက်အကူပစ္စည်းတွေကိုပါ စနစ်တကျ သုံးစွဲနည်းကို သင်ပေးနိုင်ပါတယ်။

📌 လဲကျခြင်းက အိုမင်းခြင်းရဲ့ အစိတ်အပိုင်း မဟုတ်ပါဘူး။ ဒီ့အတွက် ကြိုတင်ပြင်ဆင်နိုင်ပါတယ်။ ဒါကြောင့်
𝐌𝐲𝐚𝐭𝐡𝐢𝐝𝐚 𝐩𝐡𝐲𝐬𝐢𝐨𝐭𝐡𝐞𝐫𝐚𝐩𝐲 𝐚𝐧𝐝 𝐫𝐞𝐡𝐚𝐛 𝐜𝐥𝐢𝐧𝐢𝐜 ကို လာရောက်ပြီး လူကြီးမိဘတွေအတွက် (ဒါမှမဟုတ်) ကိုယ်တိုင်အတွက် လဲကျမှုအန္တရာယ်ကို အကဲဖြတ်ကာ ကုသမှုခံယူလိုက်ပါရှင်။

𝑴𝒚𝒂𝒕𝒉𝒊𝒅𝒂 𝒑𝒉𝒚𝒔𝒊𝒐𝒕𝒉𝒆𝒓𝒂𝒑𝒚 𝒂𝒏𝒅 𝒓𝒆𝒉𝒂𝒃 𝒄𝒍𝒊𝒏𝒊𝒄
📞 01-3500555,09-409556363,09-944556363 ( Viber , Telegram )
🏡 1A/30 , မြသီတာအိမ်ယာ၊ ဥဇ္ဇနာလမ်း၊ မေတ္တာလမ်းနှင့် ရတနာလမ်းကြား၊ တောင်ဥက္ကလာပမြို့နယ်၊ ရန်ကုန်မြို့။

#လဲကျမှုကာကွယ်ရေး

#သက်ကြီးပိုင်းကျန်းမာရေး

10/12/2025

💻 ရုံးသမားတိုင်းသတိပြုရမယ့် 𝐎𝐟𝐟𝐢𝐜𝐞 𝐒𝐲𝐧𝐝𝐫𝐨𝐦𝐞 အန္တရာယ်နဲ့ကာကွယ်နည်း (၃)ချက်

🚨 Office Syndrome ဆိုတာဘာလဲ?
Office Syndrome ဆိုတာအထိုင်များတဲ့ ရုံးသမားတွေအတော်များများ မကြားဖူးရင်တောင် ကြုံဖူးကြပါတယ်။ အထိုင်များတာ၊ ထိုင်တဲ့ ကိုယ်နေဟန်ထားမမှန်တာ (Poor Posture) နဲ့ စိတ်ဖိစီးမှုတွေကြောင့် လည်ပင်း၊ ပခုံး၊ ခါးနဲ့ လက်တွေမှာ နာကျင်တာ၊ ထုံကျဉ်တာတွေ ဖြစ်လာတဲ့ ကျန်းမာရေးပြဿနာတခုပါ။

⚡ အဓိက လက္ခဏာတွေကတော့
- လည်ပင်း (သို့) ပခုံးမှာ အမြဲနာကျင်တောင့်တင်းခြင်း
- ခေါင်းကိုက်ခြင်း (သို့) မူးဝေခြင်း။
- လက်ချောင်းများ ထုံကျဉ်ပြီး အားနည်းလာခြင်း
- ကြာရှည်စွာခါးနာခြင်း တို့ဖြစ်ပါတယ်။

✅ ဒီပြဿနာကို ဖြေရှင်းဖို့အတွက် ရုံးတက်နေရတဲ့ နေ့စဉ်ဘဝမှာ အောက်ပါအချက် ၃ ချက်ကို လိုက်နာဖို့ အရေးကြီးပါတယ်။ ဒါတွေကတော့ -

1️⃣ မှန်ကန်စွာ ထိုင်ပါ (Posture Check)
- ကွန်ပျူတာ Screen ကို မျက်လုံးနဲ့ တစ်တန်းတည်းမှာ ထားပါ။ ငုံ့ကြည့်ခြင်းကို ရှောင်ရပါမယ်။
- ခါးကို တည့်မတ်စွာထိုင်ပြီး ကုလားထိုင်နောက်မှီကို မှီထိုင်ပါ။
- ကွန်ပျူတာသုံးနေတဲ့လက်ရဲ့ တံတောင်ဆစ်က 90° အနေအထားဝန်းကျင်မှာပဲရှိနေသင့်ပြီး လက်ကောက်ဝတ်ကို အပေါ်ကိုထောင်မနေစေမဘဲ စာရိုက်သင့်ပါတယ်။

2️⃣ လှုပ်ရှားပါ (Break Time)
အလုပ်လုပ်ချိန် တနာရီတိုင်းမှာ ၅ မိနစ်လောက်အချိန်ယူပြီး မတ်တပ်ရပ်တာ၊ လမ်းလျှောက်တာနဲ့ ပခုံး၊ လည်ပင်းတွေကို ဆန့်ထုတ်တဲ့လေ့ကျင့်ခန်းတွေကို လုပ်ဆောင်ပါ။ ဒီလိုမျိုး ပုံမှန်လှုပ်ရှားတာက ကြွက်သားတင်းမာမှုကို ဖြေလျှော့ပေးပါတယ်။

3️⃣ Physiotherapy နဲ့ ကုသပါ (Solution)
- နာကျင်မှုတွေ ခံစားနေရပြီဆိုရင် Physiotherapist နဲ့ တိုင်ပင်ဆွေးနွေးပြီး မှန်ကန်တဲ့ ကုသမှုကို ခံယူပါ။ Manual Therapy နဲ့ လေ့ကျင့်ခန်းကုထုံးတွေက နာကျင်မှုနဲ့ ထုံကျဉ်မှုကို အမြန်ဆုံး သက်သာစေပြီး ရေရှည်အတွက်လည်း ကိုယ်နေဟန်ထား မှန်ကန်အောင် ကူညီပေးနိုင်ပါတယ်။

📌 “နာကျင်မှုကို လျစ်လျူမရှုပါနဲ့။ နာကျင်မှုဟာ သင့်ခန္ဓာကိုယ်က သတိပေးနေတဲ့ အချက်ပြစနစ်ပါ။”
𝐌𝐲𝐚𝐭𝐡𝐢𝐝𝐚 𝐩𝐡𝐲𝐬𝐢𝐨𝐭𝐡𝐞𝐫𝐚𝐩𝐲 𝐚𝐧𝐝 𝐫𝐞𝐡𝐚𝐛 𝐜𝐥𝐢𝐧𝐢𝐜 မှာ သင့်ရဲ့ Office Syndrome ပြဿနာကို အမြစ်ပြတ်ဖြေရှင်းဖို့ နည်းလမ်းတွေ အဆင်သင့်ရှိနေပါပြီ။ 💪

𝑴𝒚𝒂𝒕𝒉𝒊𝒅𝒂 𝒑𝒉𝒚𝒔𝒊𝒐𝒕𝒉𝒆𝒓𝒂𝒑𝒚 𝒂𝒏𝒅 𝒓𝒆𝒉𝒂𝒃 𝒄𝒍𝒊𝒏𝒊𝒄
📞 01-3500555,09-409556363,09-944556363 ( Viber , Telegram )
🏡 1A/30 , မြသီတာအိမ်ယာ၊ ဥဇ္ဇနာလမ်း၊ မေတ္တာလမ်းနှင့် ရတနာလမ်းကြား၊ တောင်ဥက္ကလာပမြို့နယ်၊ ရန်ကုန်မြို့။

#ရုံးသမား

01/12/2025

🌟 𝐇𝐞𝐥𝐥𝐨 𝐒𝐰𝐞𝐞𝐭 𝐃𝐞𝐜𝐞𝐦𝐛𝐞𝐫 … လှုပ်ရှားမှုအသစ်များဖြင့် စတင်ပါ 🌟

❄ ဒီဇင်ဘာလ ၁ ရက်နေ့ကို ရောက်ရှိလာပါပြီ။ တနှစ်တာရဲ့ နောက်ဆုံးလဟာ သင့်ရဲ့ ခန္ဓာကိုယ်နဲ့ စိတ်ကို ပြန်လည် လန်းဆန်းစေဖို့ အကောင်းဆုံး အချိန်တစ်ခုပါ။ မြသီတာဆေးခန်းက လူတိုင်းအတွက် ပိုမိုကောင်းမွန်တဲ့ လှုပ်ရှားမှု (Better Movement) နဲ့ နာကျင်မှုကင်းဝေးတဲ့ ဘဝတွေကို ပိုင်ဆိုင်စေချင်ပါတယ်။

ဒီလလေးမှာ...
💪 အားအင်တွေ ပြန်လည်ဖြည့်တင်းနိုင်ပါစေ။
🚫 နာကျင်မှုတွေ လျော့ပါးပြီး သက်တောင့်သက်သာရှိစွာ လှုပ်ရှားနိုင်ပါစေ။
💖 မျှော်လင့်ချက်အပြည့်နဲ့ ပြန်လည်ထူထောင်ခြင်း (Recovery) ကို အောင်မြင်စွာ ရရှိနိုင်ပါစေ။

ဒီလိုမျိုး ခန္ဓာကိုယ်လှုပ်ရှားမှုနဲ့ပတ်သက်တဲ့ ပန်းတိုင်တွေကို အမြန်ဆုံးရောက်ရှိကြပါစေလို့ ဆုတောင်းပေးရင်း လိုအပ်တဲ့ ပြန်လည်ထူထောင်ရေး လမ်းညွှန်မှုတွေအတွက် 𝐌𝐲𝐚𝐭𝐡𝐢𝐝𝐚 𝐩𝐡𝐲𝐬𝐢𝐨𝐭𝐡𝐞𝐫𝐚𝐩𝐲 𝐚𝐧𝐝 𝐫𝐞𝐡𝐚𝐛 𝐜𝐥𝐢𝐧𝐢𝐜 က အမြဲတမ်း အသင့်ရှိနေပါကြောင်းလည်း အားပေးစကားပြောလိုက်ပါရစေ။ 🤗

Myathida physiotherapy and rehab clinic

13/02/2026

06/02/2026

28/01/2026

22/01/2026

15/01/2026

11/01/2026

31/12/2025

28/12/2025

25/12/2025

18/12/2025

10/12/2025

01/12/2025

Address

Opening Hours

Website

Alerts

Shortcuts

Share

Category

Monday	08:00 - 19:00
Tuesday	08:00 - 19:00
Wednesday	08:00 - 19:00
Thursday	08:00 - 19:00
Friday	08:00 - 19:00
Saturday	08:00 - 19:00
Sunday	08:00 - 19:00