https://www.facebook.com/414923269352275/

Dr. Mon Myat Htun GP, Naypyidaw (2025)

03/07/2025

မွေးကင်းစကလေး ကိုသွားကြည့်တဲ့အခါ 👶

ကိုယ့်မိသားစု၊ ဆွေမျိုး ၊ မိတ်ဆွေ၊ ရင်းနှီးတဲ့သူတွေ ထဲမှာကလေးမွေးဖွားကြတဲ့အခါ ချစ်စဖွယ် ကလေးလေးကို ဆေးရုံမှာသော်လည်းကောင်း အိမ်မှာသော်လည်းကောင်း
သွားကြည့်တာ မိခင်ကိုသတင်းမေးတာဟာ မြန်မာမှာမက နိုင်ငံတကာမှာပါ အလွန် ချစ်စရာကောင်းတဲ့ ဓလေ့တစ်ခုဖြစ်ပါတယ်။

ဒီလိုသွားကြည့်ကြတဲ့အခါ နုနယ်တဲ့ ကလေးရော အားနည်းနေတဲ့ မေမေရော အနှောင့်ယှက်မဖြစ်စေဖို့ အာက်ပါ ဆောင်ရန်ရှောင်ရန် အချက်လေးတွေကို သတိထားပေးကြရအောင်နော်

#1. လက်ဆေးပါ
မမြင်ရတဲ့ပိုးမွှားတွေရှိနေနိုင်လို့ လူနာ၊ ကလေး သွားကြည့်တဲ့အခါ လက်ဆေးဖို့ မမေ့ပါနဲ့။ လက်မဆေးဘဲ ကလေးကို လုံးဝ မထိမကိုင်ပါနဲ့

#2. နေမကောင်းဖြစ်နေလျှင် အိမ်မှာပဲနေပါ သွားမကြည့်ပါနဲ့
မွေးကင်းစ ကလေးငယ်တွေဟာ အင်မတန်နုနယ်ပြီး ခံနိုင်ရည်နည်းပါတယ်။ ကိုယ်က ဖျားနေတာမဟုတ်သည့်တိုင် ယားနာလေး ဓာတ်မတည့်တာလေး အပျော့စားဝေဒနါလေး ဖြစ်နေသည့်တိုင် ကလေးစီမသွားခြင်းဖြင့်ကူညီပါ။

#3. မွေးကင်းစကလေးကို လုံးဝမနမ်းပါနှင့်
မွေးကင်းစမှ လသားအရွယ်ထိ မိဘတွေကိုယ်တိုင်တောင် ကလေးငယ်အား မနမ်းသင့်ပါ။ နဖူးလည်းမရ ပါးလည်းမရ လက်လည်းမရပါဘူး။ နမ်းခြင်းက ကလေးကို ရောဂါပိုးများကူးစက်စေနိုင်လို့ပါ။ ချစ်တာကို စကားနဲ့သာဖော်ပြပါ။ မနမ်းပါနှင့်။

#4. လာကြည့်တဲ့အချိန်တိုပါစေ
မိခင်ရော အနီးကပ်ပြုစုသူတွေရော ကလေးငယ်ကိုစောင့်ရှောက်ရတာ ပင်ပန်းနေကြပါတယ်။ အိပ်ရေးတွေပျက်ထားကြတာဖြစ်လို့ ကိုယ့်ကို အကြာကြီးဧည့်မခံနိုင်ပါဘူး။ ၁၅မိနစ် မှ နာရီဝက် အထိသာ သတင်းမေးခြင်းဖြင့်ကူညီပါ။

#5. လက်ဗလာ နဲ့ မလာပါနှင့်
ယဥ်ကျေးမှု အစဥ်အလာအရ လက်ဗလာနဲ့လာတဲ့သူကတော့ မရှိသလောက်ရှားပါတယ် ။ အမေအတွက် ကလေးအတွက် လိုမယ်ထင်တာလေးတွေဝယ်သွားပေးတာ၊ ချက်ပြုတ်ဖို့မအားကြတော့ စားစရာလေးတွေဝယ်သွားပေး ခြင်းဖြင့် အကောင်းဆုံး ဧည့်သည် အဖြစ်ခံယူပါ။

#6. တစ်ခုခုဆို ခွင့်တောင်းပြီးမှလုပ်ပါ
ကလေးကိုဓာတ်ပုံရိုက်တာ၊ social media မှာပုံတင်တာတွေအတွက် ခွင့်တောင်းပါ။ နို့တိုက်နေတဲ့ပုံတွေ ဘယ်အမေမှ မရိုက်စေချင်ပါ။ Privacy ကိုလေးစားပေးခြင်းဖြင့် ကူညီပါ။

#7. ကလေးကို ချီဖို့ပဲ မမျှော်လင့်ပါနှင့်
တတ်နိုင်သမျှ ကြည့်ပါ စကားပြောနှုတ်ဆက်ပါ။ ကလေးအိပ်နေချိန် နို့တိုက်နေချိန် တွေမှာကိုယ်ချီရဖို့ မတောင်းဆိုပါနှင့်။

#8. ကလေးကိုသာမက အမေကိုပါ ချီးမွမ်းပါ
ကလေးကိုချစ်စရာကောင်းကြောင်းပြောကြပေမယ့် မိခင်အနေနဲ့ မီးဖွား ခြင်းဆိုတဲ့ကြီးမားတဲ့စွန့်စားမှုကိုအောင်မြင်ခဲ့တာမို့ အမေကိုလည်း အားပေးဖို့မမေ့ပါနှင့်။ အားပေးစကား ချီးမွမ်းစကားလေးတစ်ခွန်းက မိခင်တွေအတွက် အလွန်အဖိုးတန်တဲ့ စိတ်ခွန်အားဖြစ်စေမှာပါ။

မွေးကင်းစကလေးတွေဟာ အိမ်တိုင်းရဲ့အဖိုးတန်လေးပါ
မိဘများက ပင်ပန်းနေကြပါတယ်
ကိုယ့်ကြောင့်မထိခိုက်စေရအောင် သတိပြုလိုက်နာခြင်းဖြင့် ကူညီပါ။

Credit - to original uploader
(See original link in comment)
မူရင်းရေးသားမှုကို ဘာသာပြန်ထားခြင်းဖြစ်ပါတယ်။

ရေးသားသူ ✍
Dr. Mon Myat Htun - GP
M.B.,B.S(YGN)
MRCGP [ International]
အ ထွေထွေရောဂါကု ဆရာဝန်

ဆောင်းပါးလေးကို အကျိုးရှိစေမယ်ဆိုရင် like and share လေးလည်း လုပ်သွားပေးပါဦးလို့။
~~~~~~~~~~~~~~~~~~~~~~~~~
အမျိုးသမီး ကျန်းမာရေး ဆောင်းပါးများ video များကို ရေးသားဖန်တီးသွားမှာ ဖြစ်လို့ ကျန်းမာရေး ဗဟုသုတ တိုးပွားချင်ပါက Dr. Mon Myat Htun GP Page လေးကို Like and Follow လုပ်ထားဖို့ ဖိတ်ခေါ်လိုက်ရပါတယ်နော် 😉 👍🤗

အထွေထွေ နှင့်အမျိုးသမီးရောဂါများကို ယုံကြည်စိတ်ချစွာ ပွင့်ပွင့်လင်းလင်းတိုင်ပင်ဆွေးနွေးနိင်ပါသည်။
Online မှ ဆွေးနွေးလိုလျှင် page Messenger မှတစ်ဆင့် ချိန်းဆိုနိင်ပါတယ်။

ဆေးခန်းသို့လာရောက်ပြသမည်ဆိုပါက
နေ့သစ် မိသားစုဆေးခန်း
🏥 အမှတ် ၂ ( A) ၊ ၁၆၆လမ်း၊ တာမွေကြီး (ခ) ရပ်ကွက်၊ တာမွေမြို့နယ်။
☎ 09795389583, 095063031
⏱နံနက် ၉နာရီ မှ ည၇နာရီ ထိ ( ပိတ်ရက်မရှိ)

01/07/2025

ဆရာမ ကိုယ်ဝန် ၃၆ပတ်ကျော်ပြီမို့ မီးဖွားဖို့အတွက် ဆေးရုံတက်တဲ့အခါ လိုမယ့်ပစ္စည်းတွေထည့်ပုံလေး sharing လုပ်လိုက်ပါတယ်။
July မှာ မွေးမယ့် မေမေတို့ရောရှိလား?
စီနီယာ မေမေတို့လည်း ဆရာမလိုတာကျန်တာရှိရင် ပြန်အကြံပေးကြပါဦးလို့

#မီးဖွားမဲ့မေမေတို့အတွက်
#ဆေးရုံအိတ်ပြင်မဲ့မေမေတို့အတွက်

30/06/2025

ဆရာမ ကိုယ်ဝန် ၃၆ပတ်ကျော်ပြီမို့ မီးဖွားဖို့အတွက် ဆေးရုံတက်တဲ့အခါ လိုမယ့်ပစ္စည်းတွေထည့်ပုံလေး sharing လုပ်လိုက်ပါတယ်။
July မှာ မွေးမယ့် မေမေတို့ရောရှိလား?
စီနီယာ မေမေတို့လည်း ဆရာမ လိုတာကျန်တာရှိရင် ပြန်အကြံပေးကြပါဦးလို့

#မီးဖွားမဲ့မေမေတို့အတွက်
#ဆေးရုံအိတ်ပြင်မဲ့မေမေတို့အတွက်

29/06/2025

ဆရာမ မီးဖွားဖို့ ရက်သိပ်မလိုတော့တာမို့ ဆေးခန်းထိုင်တာလေး နားထားပါတယ်ရှင့်။ ပြန်ထိုင်ဖြစ်တဲ့အခါ ပြန်ပြောပါမယ်နော်။

ကျန်းမာရေးဆောင်းပါး နဲ့ video လေးတွေတော့ အလျဥ်းသင့်သလိုတင်ပေးသွားပါ့မယ်။

ခုတော့ မွေးဖို့အတွက် အားမွေးနေပါတယ် 😁 ဆုတောင်းပေးကြပါဦးရှင့် 😊

27/06/2025

ကိုယ်ဝန်တတိယ၃လ( 7လ ကျော်) တွင် ဘာလို့ အိပ်ရန်ခက်ခဲရတာလဲ?

ဟုတ်ပါတယ် လရင့်လာတဲ့အခါ အိပ်ဖို့ခက်ခဲလာတာ ကိုယ်တစ်ယောက်တည်းမဟုတ်ပါဘူး။ ဒီလိုညဘက်အိပ်ရန်ခက်ခဲစေတဲ့အကြောင်းအရင်းတွေကတော့
👉 ဆီးခဏခဏသွားချင်ခြင်း 💧
ကြီးလာတဲ့ကလေးလေးက ဆီးအိမ်ကိုဖိထားခြင်းကြောင့် ဆီးခဏခဏ ပေါက်ချင်လို့ ဆီးထထသွားရပြီး အိပ်ရေးပျက်အိပ်မပျော်ခြင်း
👉 သက်တောင့်သက်သာမရှိခြင်း
လေးလံလာတဲ့ ဝမ်းဗိုက်ကြောင့် ဘယ်ပုံစံလှည့်လှည့် နေရတာမသက်သာခြင်းကြောင့် အိပ်ရန်အကောင်းဆုံးအနေအထားမဖြစ်လို့
👉ညဘက်ကလေးပိုလှုပ်တတ်ခြင်း 👶
ညအိပ်ချိန် ဗိုက်ထဲကရင်သွေးလေးရဲ့လှုပ်ရှားမှုက ပိုများနေတတ်လို့ မေမေတွေအနေနဲ့အိပ်ရာကနိုးတတ်ပါတယ်
👉ရင်ပူခြင်း အစာမကြေခြင်း
လှဲလိုက်တဲ့အခါ အစာအိမ်အက်စစ်တွေ ပြန်တက်လာလို့ရင်ပူတာ အစာမကြေတာကနေလည်း အိပ်ပျော်ရန်ခက်တတ်ပါတယ်
👉ခါးနာခြင်း နှင့် ကြွက်တတ်ခြင်း
တိုးလာတဲ့အလေးချိန်ကြောင့် ပုံစံအနေအထားမမှန်ရာကနေ ခါးနာတာ ကြွက်တက်တာကြောင့် အိပ်ရေးပျက်စေပါတယ်
👉စိုးရိမ်ပူပန်မှုများခြင်း အတွေးလွန်ခြင်း
မွေးခါနီးလေ စိုးရိမ်စိတ်များပြီး မေမေတို့ဟိုဒီတွေးပြီး စိတ်ပူတတ်လို့ stress hormone တွေထွက်ပြီး အိပ်မပျော်တာဖြစ်တတ်ပါတယ်။

အိပ်မပျော်ခြင်းမဖြစ်စေဖို့အတွက်နည်းလမ်းလေးတွေပြောရရင်
👉ကော်ဖီ လက်ဖက်ရည်သောက်သုံးခြင်းရှောင်ပါ
👉လိုအပ်ပါက ကိုယ်ဝန်ဆောင်ခေါင်းအုံး ခါးခု များအသုံးပြုကြည့်ပါ
👉ညဘက် ဝမ်းဗိုက်ကိုပွတ်သပ်ခြင်းသိပ်မလုပ်ပါနဲ့ ကလေးကိုနှိုးဆွသလိုဖြစ်ရင် ကလေးလှုပ်ရှားမှုများစေလို့ပါ
👉စားပြီးချက်ချင်း မလှဲအိပ်ပါနဲ့
👉အိပ်ခါနီးအကြောလျှော့လေ့ကျင့်ခန်း Pregnancy yoga များလေ့ကျင့်ကြည့်ပါ
👉 အတွေးတွေကို ကန့်သန့်ပါ ကောင်းတာပဲကြည့်ပြီး ကောင်းတာတွေပဲတွေးပါ။
🤰သင်ဟာမိခင်တစ်ယောက်အနေနဲ့ အကောင်းဆုံးတွေလုပ်ဆောင်နေတဲ့သူတစ်ယောက်ပါ။ ကိုယ့်ကိုယ်ကိုယ် ယုံကြည်ပါ။ မကြာခင် ရင်သွေးလေး ကိုယ့်လက်ပေါ်ရောက်လာတော့မယ်ဆိုတဲ့ စိတ်နဲ့ပဲ အားတင်းဖြတ်ကျော်ကြတာပေါ့နော် 💪💪💪

ရေးသားသူ ✍
Dr. Mon Myat Htun - GP
M.B.,B.S(YGN)
MRCGP [ International]
အ ထွေထွေရောဂါကု ဆရာဝန်

ဆောင်းပါးလေးကို အကျိုးရှိစေမယ်ဆိုရင် like and share လေးလည်း လုပ်သွားပေးပါဦးလို့။
( စာများကို တစ်ဆင့်ပြန်လည်ကူးယူဖော်ပြခြင်း ခွင့်မပြုပါ) ❌❌❌
~~~~~~~~~~~~~~~~~~~~~~~~~
အမျိုးသမီး ကျန်းမာရေး ဆောင်းပါးများ video များကို ရေးသားဖန်တီးသွားမှာ ဖြစ်လို့ ကျန်းမာရေး ဗဟုသုတ တိုးပွားချင်ပါက Dr. Mon Myat Htun GP Page လေးကို Like and Follow လုပ်ထားဖို့ ဖိတ်ခေါ်လိုက်ရပါတယ်နော် 😉 👍🤗

အထွေထွေ နှင့်အမျိုးသမီးရောဂါများကို ယုံကြည်စိတ်ချစွာ ပွင့်ပွင့်လင်းလင်းတိုင်ပင်ဆွေးနွေးနိင်ပါသည်။
Online မှ ဆွေးနွေးလိုလျှင် page Messenger မှတစ်ဆင့် ချိန်းဆိုနိင်ပါတယ်။

ဆေးခန်းသို့လာရောက်ပြသမည်ဆိုပါက
နေ့သစ် မိသားစုဆေးခန်း
🏥 အမှတ် ၂ ( A) ၊ ၁၆၆လမ်း၊ တာမွေကြီး (ခ) ရပ်ကွက်၊ တာမွေမြို့နယ်။
☎ 09795389583, 095063031
⏱နံနက် ၉နာရီ မှ ည၇နာရီ ထိ ( ပိတ်ရက်မရှိ)

26/06/2025

ပူပန်ခြင်းများစွာနဲ့ မိခင်ဘဝ

ကျွန်မတို့ အမျိုးသမီးတွေ အိမ်ထောင်ပြုပြီဆိုတာနဲ့ စိုးရိမ်ပူပန်ခြင်းများစွာနဲ့ စတင် ကြုံတွေ့ရပါပြီ။

👰 ကလေးမရခင်အချိန်ကဆို ရချင်လွန်းလို့ ပူပန်ရ၊ လွယ်လွယ်နဲ့ရတဲ့သူတွေရှိပေမယ့် ခက်ခက်ခဲခဲနဲ့ရတဲ့သူတွေလည်းရှိကြပါတယ်။ အိမ်ထောင်သက်ကြာလာတာနဲ့အမျှ မိသားစုရဲ့ဖိအား ပတ်ဝန်းကျင်ရဲ့ဖိအား အစုံပေါ့ကွယ်

🤰 ရင်သွေးလေးစရပါပြီရဲ့ ပျော်လည်းပျော်ရသလို နောက်ထပ်များစွာသော စိုးရိမ်ပူပန်ခြင်းတွေထပ်ရှိပါလေရော
ကျွန်မကိုယ်ပိုင် အတွေအကြုံခံစားရတာကိုပြောရရင်
လနုစဥ်ကာလမှာဆို ပထမအကြိမ် အာထရာစောင်း မရိုက်ရသေးခင်အထိ ကိုယ်ဝန်ကနေရာမှ မှန်ရဲ့လား? တကယ်ရော သေချာရဲ့လား? နဲ့ တွေးပြီးပူရ။ အာထရာစောင်း ပထမအကြိမ် ရိုက်ပြီး နေရာမှန်တယ် ကလေးလည်းနှလုံးခုန်တယ်ဆိုမှ စိတ်တစ်ခါအေးရ။ ဒါနဲ့လည်း ပြီးပြန်လားဆိုတော့ လနုစဥ် ကိုယ်ဝန် ၁၂ပတ်အောက်က အရေးကြီးတဲ့ကာလဖြစ်လို့ ဘာစားစား ဘာသောက်သောက် ကိုယ်ဝန်နဲ့ တည့်ရဲ့လား စာရှာရှာဖတ်ရတာလည်းအမောပေါ့။ ကိုယ်ဝန် ၁၂ပတ်အောက်က ကလေးလေးရဲ့ အရေးကြီးအင်္ဂါအစိတ်အပိုင်းတွေ ဖြစ်ပေါ်နေတဲ့အချိန်လည်းဖြစ်ပြီး ကိုယ်ဝန်လည်းမမြဲသေးတဲ့ကာလ ပျက်ကျနိုင်ချေများတဲ့ကာလလည်းဖြစ်လို့ အထူးဂရုစိုက်ရတဲ့အချိန်ဖြစ်တယ်လေ။ အရမ်းလိုချင်တဲ့ ကလေးလေးဖြစ်လို့ အမှားယွင်းမခံနိုင် စိုးရိမ်ရတဲ့ကာလတစ်ခုပဲပေါ့။

🤰 ၁၂ ပတ်ကျော်လာတော့လည်း အနည်းနဲ့အများ ကိုယ်ဝန်ကခိုင်တဲ့ ကာလတော့ဖြစ်လာပြီဆိုပြီး စိတ်တစ်ခါအေးပြန်၊ နောက်ထပ်ပူပန်ခြင်းကတော့ ဒုတိယအကြိမ် Detailed scan မရိုက်ခင်အထိ ကလေးကိုယ်လက်အင်္ဂါပြည့်စုံရဲ့လား? ငါဟိုဟာလေးစားမိတာ တစ်ခုခုများဖြစ်သွားစေမလား? သားလေးလား သမီးလေးလား လည်းရင်ခုန်နေရတဲ့အချိန်ပေါ့လေ။ အာထရာစောင်း ဒုတိယအကြိမ်ရိုက်ပြီး သေချာသိရမှ အားလုံးကောင်းတယ်ဆိုမှ စိတ်တစ်ခါထပ်အေးရပြန်ရော။

🤰 ဒီလိုနဲ့ နောက်ဆုံးတတိယ ၃လ ( ကိုယ်ဝန် ၇လ )ကျော်ကတော့ တွေးတွေးပြီးပူရဆုံးအချိန်ပါပဲ။
မွေးခါနီးလေ စိုးရိမ်စိတ်ရော ကြောက်စိတ်ရောရှိတာပေါ့လေ။ မွေးလူနာများစွာကို ကြုံဖူးမြင်ဖူးထားပေမယ့် ကိုယ်တိုင်ကလေးမွေးရတော့မယ်ဆိုတော့ အနည်းနဲ့အများ ကြောက်စိတ်ကရှိပါတယ်။
လမစေ့ စောမွေးမှာကိုလည်း စိတ်ပူ
ကလေးမွေးပြီး နို့မထွက်မှာကိုလည်း လျှောက်တွေးစိတ်ပူ
တစ်ဦး ကိုယ်ဝန်ဖြစ်တော့ အတွေ့အကြုံမရှိသေးတော့ ကိုယ်လုပ်ကိုင်တာတွေ တာဝန်မကျေမိမှာတွေးပြီး စိတ်ပူ
ဒီလိုမျိုးစိတ်ပူခြင်းများစွာနဲ့ပဲ ဖြတ်သန်းနေရတဲ့ မိခင်ဘဝပဲဖြစ်ပါတယ်။ မွေးပြီးရင်လည်း ပိုပြီးပူရဦးမယ်ဆိုတာ သိလာတယ်။ အရင်က ကိုယ့်အမေဘာမဟုတ်တာလေးကို စိတ်ပူရင် ပူစရာမရှိပူတယ်ဆိုပြီး အပြစ်တင်ခဲ့တယ် ကိုယ်တိုင်မိခင်ဖြစ်လာတော့ တကယ် ဘာမဟုတ်တာလေးကိုလည်း တွေးပူတတ်လာတာကို သိလာရတယ်။ ဒါကြောင့် မိဘမေတ္တာ က ကြီးမားလေစွဆိုတာ တကယ်ပါပဲ။

ဆရာမ ခု ကိုယ်ဝန် ၃၆ပတ်ရှိပါပြီ။ ခေါင်းထဲမှာလည်း ကလေးအကြောင်း ကလေးနဲ့ပတ်သတ်တာကလွဲရင် ဘာမှကိုစိတ်မဝင်စားနိုင် တွေးပြီးစိတ်ပူနေလို့ ရင်ဖွင့်စာအနေနဲ့ ရေးတဲ့စာလေးဖြစ်ပါတယ်။
ခုလိုခံစားချက်မျိုးက အခြားသော မေမေဗိုက်လေးတွေ လည်း ဖြစ်ကြလိမ့်မယ်လို့ထင်ပါတယ်။ ဘဝတူ မေမေဗိုက်လေးတွေရော ဘယ်လိုမျိုးတွေ တွေးတောပူပန်နေကြလဲ ရင်ဖွင့်သွားကြပါဦးရှင့်။

တစ်ဖက်မှာလည်း ဘယ်လောက်ပဲပူပန်ရပူပန်ရ Baby လေး မျက်နှာမြင်ရတာနဲ့ ဒီစိတ်အမောတွေအားလုံးပြေပျောက်သွားမယ်လို့ယုံကြည်ရင်း သားသားလေးကိုမွေးဖို့ မိခင်တစ်ယောက်ရဲ့ သတ္တိခွန်အားအပြည့်နဲ့ စောင့်မျှော်ကြိုဆိုလျက်ပါ သားလေးရေ... 😊

17/06/2025

❓ ကိုယ်ဝန်ဆောင်ချိန် သန်ချဆေးသောက်လို့ရပါသလား?

မိုးတွင်းလည်းဖြစ် ၆လတစ်ကြိမ်သန်ချရတာကလည်းပုံမှန်ဖြစ်တော့ ကိုယ်ဝန်ဆောင်ကာလအတွင်း သန်ချဆေးသောက်ရမယ့်အချိန်ရောက်တဲ့အခါ သန်ချဆေးက ရင်သွေးလေးနဲ့ အဆင်ပြေမပြေ မေမေတို့စိတ်ပူတတ်ကြတာတွေ့လို့ ဖြေကြားပေးလိုက်ပါတယ်။

❗ကိုယ်ဝန်ပထမ၃လ ( 12ပတ်) အတွင်းမှာတော့ သန်ချဆေးသောက်ရန်မသင့်လျော်ပါဘူး။ ❌
ဒီအချိန်က ကလေးရဲ့ အရေးကြီးကိုယ်အင်္ဂါအစိတ်အပိုင်းစတင်ဖြစ်ပေါ်နေချိန်ဖြစ်လို့ တော်ရုံဆေးများနဲ့မတည့်ပါဘူး။
👉 ဒါကြောင့် ထိုအချိန်အတွင်း သန်ချဆေး ပြန်သောက်ရမယ့်အချိန်ရောက်လည်း အနည်းငယ်နောက်ဆုတ်ပြီး မှ သောက်သင့်ပါတယ်။
✅ကိုယ်ဝန် ပထမ၃လ ကျော်လွန်ပြီးနောက်ပိုင်း ကိုယ်ဝန်၄လမှစ၍ မွေးခါနီးကာလအတွင်း
ဆိုရင်တော့ လိုအပ်ပါက သောက်လို့ရပါတယ်။
Albendazole 400mg သို့မဟုတ် Mebendazole 500mg ကို ကိုယ်ဝန်၃လ ကျော်ရင် တစ်ကြိမ်သောက်သုံးနိုင်ပါတယ်။

🤔 ကိုယ်ဝန်ဆောင်ကာလမှာ မဖြစ်မနေ သန်ချမှဖြစ်မှာလား လိုလားပေါ့?
❗ မဖြစ်မနေတော့မလိုပါဘူး မိမိကိုယ်တိုင်ရဲ့ နေထိုင်စားသောက်မှုပုံစံပေါ် မူတည်ပါတယ်။ မြေကြီး ရွှံ့နဲ့ထိတွေ့မှုများတဲ့သူ တစ်ကိုယ်ရည်သန့်ရှင်းမှုအားနည်းသူ အစားသောက်သန့်ရှင်းမှုအားနည်းလျှင် သန်ကောင်ကူးစက်ဝင်ရောက်နိုင်ချေရှိလို့ ထိုသူများအတွက်တော့လိုနိုင်ပါတယ်။

ကိုယ်ဝန်ဆောင်တွင် သန်ကောင်ရှိလျှင် နောက်ဆက်တွဲ ဖြစ်နိုင်ချေရှိတဲ့အခြေအနေတွေကတော့
👉 သွေးအားနည်းခြင်း
👉 စောမွေးနိုင်ချေရှိခြင်း
👉 ပေါင်မပြည့်ကလေးမွေးနိုင်ချေများခြင်း ( အာဟာရကောင်းစွာမရသဖြင့်)
👉ဗီတာမင် သတ္တုဓာတ် အာဟာရများချို့တဲ့ခြင်း
စတာတွေဖြစ်နိုင်ပါတယ်။

သန်ချဆေးသောက်ခြင်းထပ် သန်ကောင်မဝင်အောင် ကာကွယ်ဖို့ကပိုအရေးကြီးပါတယ်။ ကာကွယ်နိုင်တဲ့နည်းလမ်းတွေကတော့
👉 တစ်ကိုယ်ရည်သန့်ရှင်းမှု
- အစားမစားခင်၊ အိမ်သာတက်ပြီးတိုင်း လက်သေချာဆေးဖို့
👉အစားအသောက်သန့်ရှင်းမှု
- အသားများကို ကျက်အောင်ချက်ပြီးမှစားဖို့
👉သောက်ရေသန့်ရှင်းမှု
- သေချာကျိုချက်ထားသောရေ သို့မဟုတ် သောက်ရေသန့် ကိုသာသောက်သုံးဖို့
👉 ဖိနပ်စီးရန်
မြေကြီးပေါ် ရွှံ့များပေါ်တွင် ခြေဗလာဖြင့်လမ်းလျှောက်ခြင်းက ချိတ်သန်ကောင်ဝင်ရောက်ခြင်းဖြစ်စေလို့ ဖိနပ်စီးဖို့
စတဲ့အချက်တွေကို သေချာလိုက်နာပြီး သန်ကောင်အန္တရာယ်မှကင်းဝေးအောင် ကာကွယ်ကြပါစို့နော်။

အနှစ်ချုပ်အနေနဲ့ ပြောရရင်
💡 ကိုယ်ဝန်ဆောင်တွေမှာ ကိုယ်ဝန်ပထမ၃လ မှာ သန်ချဆေးလုံးဝမသောက်ရပါ
💡 မဖြစ်မနေလိုအပ်တဲ့အခြေအနေမျိုးမှာ သန်ချဆေးသောက်ရမယ်ဆိုရင် ကိုယ်ဝန်၄လ ကျော်မှစသောက်ပါ
💡 သန်ကောင်မကူးစက်ခံရအောင်ကာကွယ်ပါ

ရေးသားသူ ✍
Dr. Mon Myat Htun - GP
M.B.,B.S(YGN)
MRCGP [ International]
အ ထွေထွေရောဂါကု ဆရာဝန်

ဆောင်းပါးလေးကို အကျိုးရှိစေမယ်ဆိုရင် like and share လေးလည်း လုပ်သွားပေးပါဦးလို့။
( စာများကို တစ်ဆင့်ပြန်လည်ကူးယူဖော်ပြခြင်း ခွင့်မပြုပါ) ❌❌❌
~~~~~~~~~~~~~~~~~~~~~~~~~
အမျိုးသမီး ကျန်းမာရေး ဆောင်းပါးများ video များကို ရေးသားဖန်တီးသွားမှာ ဖြစ်လို့ ကျန်းမာရေး ဗဟုသုတ တိုးပွားချင်ပါက Dr. Mon Myat Htun GP Page လေးကို Like and Follow လုပ်ထားဖို့ ဖိတ်ခေါ်လိုက်ရပါတယ်နော် 😉 👍🤗

အထွေထွေ နှင့်အမျိုးသမီးရောဂါများကို ယုံကြည်စိတ်ချစွာ ပွင့်ပွင့်လင်းလင်းတိုင်ပင်ဆွေးနွေးနိင်ပါသည်။
Online မှ ဆွေးနွေးလိုလျှင် page Messenger မှတစ်ဆင့် ချိန်းဆိုနိင်ပါတယ်။

ဆေးခန်းသို့လာရောက်ပြသမည်ဆိုပါက
နေ့သစ် မိသားစုဆေးခန်း
🏥 အမှတ် ၂ ( A) ၊ ၁၆၆လမ်း၊ တာမွေကြီး (ခ) ရပ်ကွက်၊ တာမွေမြို့နယ်။
☎ 09795389583, 095063031
⏱နံနက် ၉နာရီ မှ ည၇နာရီ ထိ ( ပိတ်ရက်မရှိ)
(ကြိုတင်စာရင်းပေးရန်လိုသည်)

08/06/2025

ကိုယ်ဝန်လရင့်လေ အိပ်ရတာပိုခက်ခဲလာလေမို့ ဘဝတူမေမေဗိုက်တွေအားလုံး ဖိုက်တင်းပါ အားတင်းထားပါလို့ 💪💪💪
#ကိုယ်ဝန်ဆောင်အိပ်စက်ပုံ

03/06/2025

ဆရာမ အခုဆိုရင် ကိုယ်ဝန် ၃၂ပတ်ထဲကိုရောက်လာပြီဖြစ်လို့ ဆေးခန်းထိုင်ချိန်လေး ရက်လျှော့ထားပါတယ်။

ဇွန်လအလယ်လောက်ထိတော့
တနင်္လာ၊ အင်္ဂါ နှင့် သောကြာ မနက်၉နာရီ မှ ည၇နာရီ အတွင်း တစ်ပတ်၃ရက် ထိုင်ပါတယ်။

တစ်ချို့ရက်လေးတွေမထိုင်ဖြစ်တာမျိုးလည်းရှိလို့ အောက်ပါဖုန်းတွေကို ဖုန်းကြိုဆက်ပြီးမှ ဆေးခန်းလာပြပေးဖို့ မေတ္တာရပ်ခံအပ်ပါတယ်ရှင် ။

Online မှ ဆွေးနွေးမှုတွေကို ဆက်လက်လုပ်ဆောင်ပေးနေပါတယ်။ Reply ပြန်တာနောက်ကျတာမျိုး ရှိရင်နားလည်ပေးဖို့ လည်းတောင်းဆိုချင်ပါတယ်ရှင်။

နေ့သစ် မိသားစုဆေးခန်း
🏥 အမှတ် ၂ ( A) ၊ ၁၆၆လမ်း၊ တာမွေကြီး (ခ) ရပ်ကွက်၊ တာမွေမြို့နယ်။
☎ 09795389583, 095063031

လေးစားစွာဖြင့်
Dr. Mon Myat Htun - GP
M.B.,B.S(YGN)
MRCGP [ International]
အ ထွေထွေရောဂါကု ဆရာဝန်

29/05/2025

လရင့်လာတဲ့ မေမေဗိုက်လေးတွေ ဘာ ဝေဒနာ တွေခံစားရလဲ? ဘာတွေကအခက်ခဲဆုံးဖြစ်လဲ ပြောပြသွားပါဦး 😊

#ကိုယ်ဝန်ဆောင်ကျန်းမာရေး

05/03/2025

🤰 ကိုယ်ဝန်ဆောင်မိခင် ကိုယ်အလေးချိန်ဘယ်လောက်တက်သင့်သလဲ?

💡ရင်သွေးလေးလွယ်ရတဲ့အခါ မေမေတို့လည်း ပုံမှန်ထပ်ကိုယ်အလေးချိန်တွေတက်လာတာကို သိထားကြပါတယ်။

🤔ဘယ်ကနေ ဘာတွေကြောင့် ဝိတ်တက်နေရတာလဲ?
👉 ကလေးလေးရဲ့ဝိတ် ( 7ပေါင် 8ပေါင် လောက်)
👉 ရေမြွှာအလေးချိန် ( 2ပေါင် ခန့်)
👉 နို့ရည်ထုတ်ဖို့အတွက်ရင်သားကြီးလာခြင်း အလေးချိန် ( 1ပေါင်မှ ၃ပေါင်)
👉ကြီးထွားလာတဲ့သားအိမ်ဝိတ် ( 2ပေါင်)
👉အချင်းအလေးချိန် ( ၁ပေါင်ခွဲ)
👉 သွေးပမာဏများလာခြင်း ( ၃ပေါင်၄ပေါင်)
👉ရေပမာဏများခြင်း ( 2ပေါင်မှ၃ပေါင်)
👉အဆီများလာခြင်း ( ၆ပေါင်မှ၈ပေါင်)
စတာတွေကြောင့် ကိုယ်အလေးချိန်က တက်လေ့ရှိပါတယ်။

🤔 အဲ့တော့ ပုံမှန်ကိုယ်ဝန်ဆောင်တစ်ယောက်က ဘယ်လောက်အထိတတ်လေ့ရှိလဲပေါ့
👉 ကိုယ်ဝန်ဆောင်ကာလတစ်လျှောက်လုံးကြည့်မယ်ဆိုရင် အပတ်၄၀ထိကို နဂိုကိုယ်ဝန်မရှိခင်ကထပ် (12kg) ၂၆ပေါင်ထိ တက်လေ့ရှိပါတယ်။ အနောက်နိုင်ငံကသူတွေမှာတော့ ပေါင် ၄၄ပေါင် (20kg) အထိတက်တတ်တာကိုတွေ့ရှိထားပါတယ်။

🤰 မေမေတွေအများစု အစောပိုင်းကာလမှာ ကိုယ်အလေးချိန်မတက်တဲ့အခါ ကလေးများသေးလို့လား တစ်ခုခုဖြစ်လို့လားနဲ့စိတ်ပူတတ်ကြတယ်ပေါ့နော်။ အဲ့တော့ တစ်ဝက်ဝက်ကြည့်မယ်ဆိုရင် ကိုယ်ဝန်အပတ်၂၀ (၅လ) အထိကို 3kg ( 6ပေါင်ခွဲ)လောက် ပဲ နဂိုရှိတဲ့ဝိတ်ထပ်တက်တာဖြစ်ပါတယ်။ ဒါကြောင့်အစောပိုင်းကာလမှာ ကိုယ်အလေးချိန်သိပ်မတက်သေးရင်စိတ်မပူပါနဲ့နော်။

အပတ်၂၀ ကျော်ပြီဆိုတာနဲ့ ကိုယ်ဝန်၃၆ပတ်အထိကို တစ်ပတ်ကို 0.5kg ( 1ပေါင်) နှုန်းနဲ့ တက်ပါတယ်။

၃၆ပတ်နောက်ပိုင်းမှာတော့ ဝိတ်ထပ်တက်လေ့မရှိတော့ပါ

အမြွှာကိုယ်ဝန်တွေမှာတော့ ဒီထပ်ပိုတက်နိုင်ပါတယ်။

အလွန်အကျွံ အလေးချိန်တက်လာခြင်းကလည်း မေမေတို့ကျန်းမာရေးအတွက်မကောင်းပါ။
👉 ကိုယ်ဝန်ဆောင်ဆီးချို
👉 သွေးတိုး နဲ့ ကိုယ်ဝန်ဆိပ်တက်ခြင်း တို့ဖြစ်စေနိုင်တဲ့အတွက် အပေါ်မှာပြောထားတဲ့ ပုံမှန်တက်သင့်တဲ့ ကိုယ်အလေးချိန်ထပ် ပိုများပိုတက်နေပါက ဆရာဝန်နဲ့သေချာတိုင်ပင်ပြသရန်လိုအပ်ပါမယ်။

ဒါ့အပြင် ထိုတက်သင့်တဲ့ပမာဏလောက်မတက်ရင်လည်း
👉ကလေးစောမွေး/လမစေ့မွေးတတ်တာ
👉 ကလေးပေါင်မပြည့်ဘဲသေးတာ
စတာတွေဖြစ်တတ်ပါတယ်။
🛑အစာအာဟာရ သေချာမျှတအောင်စားပေးဖို့ အရေးကြီးပါတယ်။ ကိုယ်ဝန်ဆောင်တွေမှာပုံမှန်ထပ် ကယ်လိုရီ ၃၀၀ ခန့်ပိုလိုတတ်ပါတယ်။ ပိုစားပေးပါ။
🛑တစ်နေ့လျှင် မိနစ်၃၀ခန့် ကိုယ်လက်လှုပ်ရှားမှု လေ့ကျင့်ခန်းအပျော့စားမျိုးပြုလုပ်ပေးပါ

စာရေးသူဆရာမလည်း ဒီနေ့ကိုယ်ဝန်အပတ်၂၀ပြည့်ပါပြီ နဂို ကိုယ်ဝန်မရှိခင်က ၁၀၂ပေါင် ခု ၁၀၉ပေါင်ရှိပါပြီ။ စာဖတ်သူထဲကမေမေတို့လည်း ကိုယ်ဝန်ဘယ်နပတ်ရှိနေပြီလဲ ဝိတ်နဂိုထပ်ဘယ်လောက်တက်နေပြီလဲဆိုတာ အပန်းမကြီးရင် comment မှာပြောသွားပေးကြပါဦးရှင့်။

ဆောင်းပါးလေးက အကျိုးရှိစေမယ်လို့လည်းမျှော်လင့်ပါတယ်။ မေမေတို့အားလုံး သင့်တင့်တဲ့ကိုယ်အလေးချိန်ရှိပြီး ရင်သွေးလေးကို ချောမောစွာမွေးဖွားနိုင်ကြပါစေဆုတောင်းရင်း နိဂုံးချုပ်လိုက်ပါတယ်။

အခြားမေမေတို့ သိအောင်လည်း ဆောင်းပါးလေးကို sharing လုပ်ပေးခြင်းဖြင့် ကူညီပေးကြပါဦးနော်။

ရေးသားသူ ✍
Dr. Mon Myat Htun - GP
M.B.,B.S(YGN)
MRCGP [ International]
အ ထွေထွေရောဂါကု ဆရာဝန်

( စာများကို တစ်ဆင့်ပြန်လည်ကူးယူဖော်ပြခြင်း ခွင့်မပြုပါ) ❌❌❌
~~~~~~~~~~~~~~~~~~~~~~~~~
အမျိုးသမီး ကျန်းမာရေး ဆောင်းပါးများ video များကို ရေးသားဖန်တီးသွားမှာ ဖြစ်လို့ ကျန်းမာရေး ဗဟုသုတ တိုးပွားချင်ပါက Dr. Mon Myat Htun GP Page လေးကို Like and Follow လုပ်ထားဖို့ ဖိတ်ခေါ်လိုက်ရပါတယ်နော် 😉 👍🤗

အထွေထွေ နှင့်အမျိုးသမီးရောဂါများကို ယုံကြည်စိတ်ချစွာ ပွင့်ပွင့်လင်းလင်းတိုင်ပင်ဆွေးနွေးနိင်ပါသည်။
Online မှ ဆွေးနွေးလိုလျှင် page Messenger မှတစ်ဆင့် ချိန်းဆိုနိင်ပါတယ်။

ဆေးခန်းသို့လာရောက်ပြသမည်ဆိုပါက
နေ့သစ် မိသားစုဆေးခန်း
🏥 အမှတ် ၂ ( A) ၊ ၁၆၆လမ်း၊ တာမွေကြီး (ခ) ရပ်ကွက်၊ တာမွေမြို့နယ်။
☎ 09795389583, 095063031
⏱နံနက် ၉နာရီ မှ ည၇နာရီ ထိ ( ပိတ်ရက်မရှိ)

Dr. Mon Myat Htun GP

03/07/2025

01/07/2025

30/06/2025

29/06/2025

27/06/2025

26/06/2025

17/06/2025

08/06/2025

03/06/2025

29/05/2025

05/03/2025

Address

Telephone

Website

Alerts

Contact The Practice

Shortcuts

Share

Category