24/02/2026
အခုရက်ပိုင်း Zodiac sign တွေအကြောင်း ဝေဖန်တဲ့ ပို့စ်တွေစာတွေ တော်တော်များများမြင်ရတယ်။ "ဒီSign ဆိုရင် မရွေးသင့်ဘူး၊ Toxic ဖြစ်တယ်" စသဖြင့် တင်ကြတာတွေ များလာတော့ ဗေဒင်ယုံကြည်သူတွေကြားမှာ အစွဲတွေဖြစ်လာသလို၊ တစ်ဖက်မှာလည်း "ဒါတွေက အပိုတွေပါ" ဆိုပြီး အငြင်းပွားစရာတွေ ဖြစ်လာပါတယ်။
အပေါ်ကအချက်တွေမှာဆိုရင် ကျွန်တော်ကတော့ နှစ်ဖက်လုံးကို ငြင်းချင်ပါတယ်။ ပထမဆုံးအနေနဲ့ ကျွန်တော်တို့ သိကြတဲ့ ကျွန်တော်တို့ မွေးနေ့နဲ့ မွေးလကိုကြည့ပြီးခွဲကြတဲ့ Zodiac sign တွေဆိုတာ တကယ်တော့ အခေါ်အဝေါ်တခု သာသာပါပဲ။ ဥပမာ - ကျွန်တော်ဆို Libra မို့လို့ Balance ဖြစ်ပါတယ် ဘာညာ ဆိုပြီး တန်းပြောလို့မရပါဘူး။ Libra တွေက ချိန်ခွင်တွေ ညီညီမျှမျှတွေးတတ်တယ်… ဘက်မလိုက်ဘူး စသဖြင့် Libra အကြောင်းကို ကောင်းကျိုးဆိုးကျိုးတွေ ပြောလိုက်မယ်ဆိုရင် အဲ့ဒါ Libra တိုင်းအတွက် မှန်မနေပါဘူး။ ၆၀-၇၀ ရာခိုင်နှုန်းလောက်ကတော့ မှန်နိုင်ပေမယ့် အတိအကျမဟုတ်ပါဘူး။
Zodiac အကြောင်းကိုပဲ သီးသန့်ပြောမယ်ဆိုရင် Natal Chart or Birth Chart အကြောင်းပါထည့်ပြောရပါလိမ့်မယ်။ လူတစ်ယောက်ရဲ့ အတွေးအခေါ်၊ စရိုက်နဲ့ ကံကြမ္မာကို သိဖို့ဆိုရင် မွေးသက္ကရာဇ်အပြင် မွေးချိန်နဲ့ မွေးဖွားရာဒေသ (Birth Chart) အတိအကျ လိုပါတယ်။ ရာသီခွင်ချင်း တူနေရင်တောင် Moon, Sun, Rising, Venus နဲ့ တခြားသော Planet တွေ တည်ရှိပုံချင်း မတူရင် စရိုက်က ကွာခြားသွားမှာပါ။ ဒါတောင် ကျွန်တော်က မြန်မာဗေဒင်နဲ့ တားရော့ကို အဓိက ဟောပြောတဲ့ဆရာ ဖြစ်တာကြောင့် Zodiac , Birth chart တွေနဲ့ ပတ်သက်ပြီး အကျယ်တဝင့် မရှင်းပြတတ်ပါဘူး။ အခု Page မှာဆို အရင်ထည့်ထားတဲ့ Birth Chart တောင် ပြန်ဖြုတ်လိုက်ပါပြီ။ ဟောပေးရတာ နည်းနည်းပင်ပန်းပြီး Fee အများကြီးလည်း မယူချင်လို့ပါ။
အဲ့တော့ လွဲမှားတဲ့ အယူအဆဖြစ်မနေဖို့က အဓိက ပါပဲ။ ဗေဒင်မယုံတဲ့သူတွေအနေနဲ့လည်း အကုန်လုံးကို ဝါးလုံးရှည်နဲ့ သိမ်းမရမ်းသင့်သလို ဗေဒင် Zodiac စသဖြင့် အယုံအကြည်ရှိသူတွေအနေနဲ့လည်း ဒီSign မှ ဒီSign ဆိုပြီး အစွဲထားထားစရာတော့ မလိုဘူးလို့ ပြောချင်ပါတယ်ခင်ဗျာ။
ကျွန်တော်လည်း အရင်က Zodiac Signs တွေ အကြောင်း ဟာသပို့စ်လေးတွေတော့တင်ဖူးပါတယ်။ ဒါပေမယ့် အရမ်း Serious မဖြစ်ချင်တာမို့လို့ ပေါ့ပေါ့ပါးပါး ရယ်စရာအနေနဲ့ပဲ တင်ဖြစ်တာများတာပါ။
Zodiac Signs တိုင်းမှာ သူ့ဟာနဲ့သူ ကောင်းကွက်ဆိုးကွက်ဆိုတာရှိပါတယ်။ လူကောင်းဖြစ်နေရင် ဘာ Sign ဖြစ်နေဖြစ်နေ သူ့အကျင့်က ကောင်းနေမှာပဲဖြစ်သလို၊ လူယုတ်မာဖြစ်နေရင်လည်း ဘာ Signပဲဖြစ်နေပါစေ သူ့အကျင့်က သူ့Signနဲ့ ဆိုင်မနေတာကို တွေ့ရပါလိမ့်မယ်။ဒါကြောင့် အပျော်သဘော၊ ဟာသသဘောထက်ကျော်လွန်ပြီး တစ်ဖက်သားကို Label ကပ် ဝေဖန်တာမျိုးတွေ မလုပ်ဘဲ အမှန်တရားကို မျှမျှတတ မြင်နိုင်ကြပါစေခင်ဗျာ။
~ Future Advisor Charm ~
