14/08/2025
အိမ်ကလူတွေကို တိုက်ဖို့ အိပ်ဆေးတော့ ရပြီ 😀
မိခင်အိုကြီးသည် ညဘက် အိပ်မပျော်သည့်အတွက် အိပ်ဆေးကို အမြဲတမ်း မှီခိုအားထားနေရသည်။
သားဖြစ်သူသည် မကြာသေးခင်ကမှ ဆရာဝန်တယောက်နှင့် လက်ထပ်ခဲ့သည်။
ယောက္ခမ အိပ်ဆေးစွဲနေသည်ကို ချွေးမဖြစ်သူ ဆရာဝန်က သဘောမကျ။
အိပ်ဆေး၏ ဆိုးကျိုးများနှင့် ပတ်သက်ပြီး သူမက ယောက္ခမဖြစ်သူကို ရှင်းပြခဲ့သည်။
ထို့နောက် မိခင်ကြီးအား ညဘက် အိပ်ဆေးတိုက်ခြင်းကို ပြတ်ပြတ်သားသား ဆန့်ကျင်ခဲ့သည်။
ညရောက်သည့်အခါ မိခင်ကြီးသည် ပုံမှန်အတိုင်း အိပ်ဆေးမသောက်ရ၍ အိပ်မပျော် ဖြစ်နေသည်။ အိပ်မရသည့်အခါ သားဖြစ်သူကို နပူနဆာ လုပ်သည်။
ဇနီးသည် ကန့်ကွက်နေသည့်ကြားက သားဖြစ်သူသည်...
"အမေ... ပါးစပ်ဟ...” ဟု ပြောပြီး မိခင်ကြီး ပါးစပ်ထဲသို့ ဆေးပြားတပြား ထည့်ကာ ရေတိုက်လိုက်သည်။
ဆေးသောက်ပြီး အခိုက်အတန့်မှာပင် မိခင်ကြီး အေးချမ်းစွာ အိပ်ပျော်သွားသည်။
"ရှင် ဘာဖြစ်လို့ အမေ့ကို အိပ်ဆေးသွားတိုက်ရတာလဲ..." ဟု ဇနီးသည် ဆရာဝန်က ခင်ပွန်းဖြစ်သူကို ညင်သာသော လေသံဖြင့် မေးလိုက်သည်။
ခင်ပွန်းသည်က ဘာမျှမပြောဘဲ သူမကို ဆေးပြားတပြား ထုတ်ပေးလိုက်သည်။
မိခင်ကြီးကို တိုက်လိုက်သော ဆေးသည် အိပ်ဆေးမဟုတ်ဘဲ ဗီတာမင်ဆေးပြား ဖြစ်နေသည်ကို သိလိုက်ရသည််။ ထိုအခါ ဇနီးသည်က ပြုံးပြီး...
"ရှင် အမေ့ကို ဆေးလိမ်တိုက်တယ်ပေါ့... ဟုတ်လား..."
ခင်ပွန်းသည်က ပြုံးပြီး ပြန်ဖြေသည်။
“ကိုယ် ငယ်ငယ်တုန်းကလည်း ကိုယ်မသောက်ချင်တဲ့ ဆေးတွေဆို အမေက ဒီလိုပဲ လိမ်ပြီး တိုက်ခဲ့တာပဲလေ..."
"အခုတော့ ကိုယ်က ကျေးဇူးပြန်ဆပ်ရမယ့်အလှည့်ပေါ့... မဟုတ်ဘူးလား...”
လွမ်းမပြေ သုတရပ်ဝန်း
#လွမ်းမပြေသုတရပ်ဝန်း #ဘဝစာပေ #သုတရသ #မှတ်သားစရာ #ဘဝသင်ခန်းစာ
