အေရျပားေရာဂါ သိေကာင္းစရာ

29/07/2024

ရေကြီးရေလျှံချိန်ဘာ‌တွေ ဂရုစိုက်ရမလဲ

👍ရေကြီးရေလျှံ မိုးများချိန် သဘာဝဘေးအန္တရာယ်ကိုဂရုစိုက်ပြီး ရေလွတ်ရာ မြေပြိုတဲ့ဘေးလွတ်ရာ ရွှေ့ပြောင်း‌ေနကြရမှာဖြစ်သလို
👍ရေစီးထဲမျောပါလာတဲ့ သံချွန်သစ်စဝါးစတွေထိုးမိတဲ့ အန္တရာယ်
👍ရေထဲပါလာတဲ့ အဆိပ်ရှိသတ္တဝါအန္တရာယ်တွေကိုလည်းသတိပြုကြရပါမယ်

💊🌡️ကျန်းမာရေးရှုထောင့်အနေနဲ့ တတ်နိုင်သမျှ နွေးနွေးထွေးထွေးဝတ်ပါ

🙏🙏တစ်ဦးကိုတစ်ဦးဖေးမ ကူညီပါ

🥛🥃ရေသန့်မရနိုင်တဲ့နေရာတွေမှာ ရေကိုကြိုချက်သောက်ပါ။ သို့မဟုတ် chlorine ရေသန့်ဆေးခတ်ထားသောရေကိုသာ သောက်ပါ။

🍟🍔🥟အစားအစာများကို ယင်ကောင်စသော ပိုးမွှားအန္တရာယ်မှ ကင်းဝေးအောင်ဖုံးအုပ် သိမ်းဆည်းပါ။ ဖြစ်နိုင်လျင်ပူပူနွေးနွေးချက်ပြုတ်စားသောက်ပါ။

💊💊💊မိမိသောက်လက်စ ဆေးဝါးများကို ရေလုံအိတ်များဖြင့် စနစ်တကျ ထုတ်ပိုးထားပါ

ရေကြီးရေလျှံပြီး ဘာရောဂါတွေအဖြစ်များတတ်သလဲ။

ရေမှတဆင့် ကူးစက်တတ်သော
❇️ဝမ်းပျက်ဝမ်းလျှောရောဂါ
❇️တိုက်ဖွိုက်
❇️အသည်းရောင်အသားဝါရောဂါတွေ ဖြစ်တတ်ပါတယ်
❇️Vector born diseases တွေဖြစ်တဲ့ ငှက်ဖျား တုပ်ကွေးနဲ့ သွေးလွန်တုပ်ကွေးရောဂါများ
❇️အရေပြားရောဂါများ
ပွေး ။ အရေပြားမှိုစွဲရောဂါ
ဝဲနှင့် ဓာတ်မတဲ့ နှင်းခူများ
❇️ထိခိုက်မိသောဒဏ်ရာများမှ ဘက်တီးရီးယားနှင့် မေးခိုင်ပိုးဝင်ခြင်း
❇️လူမှုရေး စီးပွားရေး ဆုံးရှုံးမှုကြောင့်စိတ်ဓာတ်ကျခြင်းတွေ ဖြစ်လာနိုင်ပါတယ်

👍ရေကြီးရေလျှံခြင်းနောက်ဆက်တွဲ ရောဂါတွေမဖြစ်အောင်ဘယ်လို ကာကွယ်နေထိုင်ရမလဲ။
1. တကိုယ်ရေသန့်ရှင်းရေးဂရုစိုက်ပါ
လက် မကြာခဏဆေးပါ
2.သန့်ရှင်းသော သောက်သုံးရေကို သောက်ပါ
ရေသန့်မရနိုင်ပါက ရေကို ကြိုချက်သောက်ပါ
ရေကြိုသောက်ဖို့ အဆင်မပြေပါက chlorine ရေသန့်ဆေးခပ်သောက်ပါ။
မည်သည့်ရေကိုမဆို အမှုန်အမွှားစစ်ပြီး တညခန့် အနည်ထိုင်စေပါ။ တညထားဖို့မဖြစ်နိုင်ရင်လဲ စစ်ပြီး တခါတည်း chlorine ခပ်နိုင်ပါတယ်။ ရေတလီတာကို chlorine မှုန့် 1-10mg ( လက်ဘက်စားဇွန်းတဇွန်း) ထိ ခပ်ပြီး မိနစ် 20‌ထိထားပါ။
မိနစ်၂၀ထားပြီးနောက်သောက်သုံးနိုင်ပါတယ်။
သဘာဝဘေးအန္တရာယ် ကျရောက်တဲ့ဒေသတွေကို ရေသန့်ဘူးတွေ ထောက်ပံ့ကူညီတာထက် ရေသန့်ဆေးထောက်ပံ့ကူညီတာက ပိုပြီး အကူအညီ ဖြစ်စေပါတယ်။

3.ဒဏ်ရာ အနာတရတခုခုရပြီ ဆိုတာနဲ့ ချက်ချင်း သန့်စင်အောင်ဆေးကြောပြီး သွေးထွက်နေပါက သွေးတိတ်စေရန် သန့်ရှင်းသော ပတ်တီး သို့ အဝတ်စဖြင့် စည်းနှောင်ပါ။ ဒဏ်ရာ အနည်းအများ ပေါ်မူတည်ပြီး လိုအပ်ပါက အနီးဆုံးကျန်းမာရေးဌာနသို့သွားပါ။
ဆက်ရန်

Dr.အိဇာနည်ထွန်း
M.B;B.S(Ygn)
M.Med,SC(Dermatology)

💕💕💕💕💕💕💕💕

လေးစားရပါသော အရေပြားလူနာနှင့် လူနာရှင်များရှင်

ဟိန်းအရေပြား အထူးကုဆေးခန်း ၁ လေးကို
⬛N3/02
လေးထောင့်ကန်လမ်းမကြီး
တာမွေမြို့နယ်မှာ ဖွင့်လှစ်ထားပါတယ်။

⏰နေ့စဥ် ညနေ ၃ နာရီမှ ၅နာရီထိ
စနေနေ့ မနက်၉း၃၀မှ ၁၁နာရီထိဖွင့်ပါတယ်ရှင်။

🚐ရောက်တဲ့ ဘတ်စ်အမှတ်တွေက
🚗 3 ' 🚕7 ' 🚙13' 🚌 62'
🚎111' 🏎112' 🚓 113'
တာမွေသံလမ်းမှတ်တိုင်မှာ ဆင်းရပါမယ်နော်
ကျိုက်က္ကစံ superone အနီး
တာမွေ ILBC အရှေ့မျက်စောင်းထိုးနားမှာရှိပါတယ်ရှင်

☎09960792942 ကိုဆက်သွယ်bookingယူနိုင်ပါတယ်။

ဟိန်းအရေပြားအထူးကုဆေးခန်း(၂)
၁၁၂၊ နတ်မော်လမ်း
ပန်းဘဲတန်းရပ်ကွက်
ဟင်္သာတမြို့
Mo Mo food box ဘေး
မှာ ဖွင့်လှစ်ထားပါတယ်။
☎09797196435ကို ဆက်သွယ်နိုင်ပါတယ်ရှင်။

😁လူအများကြီးစောင့်စရာ မလို
လူအများကြီးနဲ့ ထိတွေ့စရာ မလိုအောင် စီစဥ်ထားတာမို့ ဖုန်းလေးဆက်ပြီး အချိန်လေးညှိပြီးလာရင် မင်မင်တို့က ကျေးဇူးအများကြီးတင်မှာပါရှင်🙏🙏🙏
တတ်နိုင်သမျှ ချိန်းထားတဲ့ အချိန်လေး အရောက်လာဖို့ မေတ္တာရပ်ခံပါတယ်နော်

မြန်မာတပြည်လုံး သဘာဝဘေးအန္တရာယ်မှ ကင်းဝေးကြပါစေ။ ကပ်ကြီး၃ပါး ကျော်လွှားနိုင်ကြပါစေ။

28/03/2024

ကုတ်ရ ဖဲ့ရ မအိပ်ရတဲ့ အရေပြား ဝဲရောဂါ ( Scabies ) 🕷️🦠

ဝဲရောဂါ ဘာကြောင့်ဖြစ်တာလဲ ? 🙇

Sarcoptes scabiei var. homini ဆိုတဲ့ အရေပြားပေါ်မှာသာ မျိုးပွါးနေထိုင် တတ်တဲ့ ကပ်ပါးမွှားတစ်မျိုး ကြောင့် ဖြစ်ပွါးရခြင်း ဖြစ်ပါတယ်။ ထို မွှားကောင်ဟာ သာမန်မျက်စိနဲ့ မမြင်ရလောက်အောင် သေးငယ်ပြီး အရေပြားအောက်သို့ burrows လို့ခေါ်တဲ့ တူးမြောင်းများ ဖောက်ပြီး ဥများဥရင်း ရက်ပေါင်းများစွာ နေထိုင်ပါတယ်။

ရောဂါကူးစက်ပုံ 🤯🤯🤯

ရောဂါရှိသူနဲ့အနီးကပ်နေထိုင်ခြင်း ၊ အရေပြား ချင်း တိုက်ရိုက်ထိတွေ့ခြင်း ၊ ရောဂါဖြစ်နေသူရဲ့ အသုံးအဆောင်များ ဝေမျှ ရောနှော သုံးစွဲခြင်း ၊ လိင်ဆက်ဆံခြင်း တို့ဖြင့် ကူးစက်နိုင်ပါတယ်။ စတင်ကူးစက်ပြီး ၁လခန့်အကြာမှာ စတင်ယားယံတတ်ပါတယ်။ တိရစ္ဆာန်များမှတစ်ဆင့် မကူးစက်နိုင်ပါ။

ဘယ်သူတွေမှာဖြစ်ပွားရေးနိုင်ပါသလဲ?,🫅🧙🫄🧑‍🍼

ဝဲရောဂါသည် အသက်အရွယ်မရွေး၊ ကျားမ မရွေး၊ လူမျိုးမရွေး ဖြစ်ပွား နိုင်ပါတယ်။ အထိအတွေ့ ကနေအဓိက ကူးစက်တာဖြစ်လို့ လူနေထူထပ် သိပ်သည်းတဲ့နေရာတွေမှာ နေထိုင်ကြရင် (ဥပမာ ကလေးထိန်းကျောင်း၊ အဆောင်၊ အကျဉ်းထောင်၊ ဘုန်းကြီးကျောင်း ) ပို၍ကူးစက်နိုင်ပါတယ်။ ခန္ဓာကိုယ် ခုခံအားနည်းနေသည့်အချိန်မျိုးတွင်လည်း ပို၍ကူးစက်နိုင်ပါတယ်။ နေအိမ်အတွင်း မိသားစုဝင် တစ်ဦး ဝဲရောဂါဖြစ်လျှင် ကျန်တဲ့ သူများ အလွယ်တကူ ကူးစက်နိုင်ပါတယ်။

Norwegian scabies (ချပ်ပြားဝဲ)💥💥💥

ပိုကူးစက်မြန်/ ပိုပြင်းထန်တဲ့ ချပ်ပြားဝဲ မှာဆိုရင်တော့ ထူထူခဲခဲ ချပ်ပြားများ ဖြစ်တတ်ပါတယ်။ အထူးသဖြင့် ကိုယ်ခံအား ကျဆင်းနေသောသူများ တွင်တွေ့ရတတ်ပါတယ်။

ရောဂါလက္ခဏာများ⁉️⁉️⁉️

အရေပြားပေါ်မှာ အနီဖုလေးများ၊ အရည်ကြည်ဖုလေးများကို တွေ့ရတတ်ပါတယ်။အထူးသဖြင့်ကြိုကြိုကြားကြား နေရာများဖြစ်တဲ့ လက်ကြား၊ချိုင်းကြား၊ နို့အောက် နို့ကြား၊ တင်ပါးကြား၊ လိင်အင်္ဂါကြား၊ လက်ကောက်ဝတ်၊ တံ‌တောင်ကွေး၊ ချက်တဝိုက်တွင် အဖြစ်များပါတယ်။ ညဖက်မှာမကုတ်ရမနေနိုင် အင်မတန်ယားယံတတ်ပါတယ်။ ကလေးငယ်များနှင့် ကိုယ်ခံအား ကျဆင်းနေသူများတွင် အနာမှတစ်ဆင့် ဘတ်တီးရီးယား ပိုး ထပ်ဆင့်ဝင်ပြီး ကျောက်ကပ်‌ ယောင်ရောဂါထိ ဖြစ်‌‌ေပါ်တတ်ပါတယ်။

ဝဲကိုဘယ်လိုကုသနိုင်ပါသလဲ?🌞🌞🌞

ဝဲပိုးသေဆေး (Scabicides) တွင် လိမ်းဆေးနဲ့ သောက်ဆေးဆိုပြီး ရှိပါတယ်။
5% permethrin , 10% crotamiton , benzyl benzoate cream စတဲ့ လိမ်းဆေးများနှင့် ivermectin သောက်ဆေးများကို ဆရာဝန် ညွှန်ကြားတဲ့အတိုင်း ဆေးပမာဏ ၊နည်းလမ်းမှန်ကန်စွာ လိုက်နာခြင်းဖြင့် ပျောက်ကင်းအောင် ကုသနိုင်ပါတယ်။ မိမိတဦးတည်းကုသ၍ဖြင့် မရ၊ အတူနေမိသားစုဝင်အားလုံး တစ်ပြိုင်တည်း ဆေးကုသမှသာ ဝဲ သံသရာမှ အမြစ်ပြတ်နိုင်ပါမယ်။

ဘယ်လိုကာကွယ်နိုင်သလဲ? 🍑🍉🍗🚧

ဝဲရှိနေသူနှင့် နီးကပ်စွာနေထိုင်ခြင်းကို ရှောင်ရှားရမယ်။ အသုံးဆောင်များ မျှဝေသုံးစွဲခြင်းရှောင်ရှားရမယ်။ ဆေးကုသပြီးပါကလည်း အိပ်ယာခင်းများ ၊ခေါင်းစွပ်များ၊ စောင်၊ ခြင်ထောင်၊ အဝတ်အစား စတာတွေကို ရေနွေးနဲ့ပြုတ်လျှော်၊ နေပူလှမ်း၊ မီးပူထိုးပေးရပါမယ်။

ဝဲရောဂါ အမြစ်ပြတ်အောင် သေချာ စနစ်တကျ ကုသခြင်းဖြင့် ယားယံခြင်းကင်းဝေး ပြီး နေ့ရက်တိုင်း ပျော်ရွှင်နေကြရအောင် နော် ။

Dr ဇာဖြူကြည်
M.B;B.S(Ygn)
M.Med,SC(Dermatology)

💕💕💕💕💕💕💕💕

လေးစားရပါသော အရေပြားလူနာနှင့် လူနာရှင်များရှင်

ဟိန်းအရေပြား အထူးကုဆေးခန်း ၁ လေးကို
⬛N3/02
လေးထောင့်ကန်လမ်းမကြီး
တာမွေမြို့နယ်မှာ ဖွင့်လှစ်ထားပါတယ်။

⏰နေ့စဥ် ညနေ ၃ နာရီမှ ၅နာရီထိ
စနေနေ့ မနက်၉း၃၀မှ ၁၁နာရီထိဖွင့်ပါတယ်ရှင်။

🚐ရောက်တဲ့ ဘတ်စ်အမှတ်တွေက
🚗 3 ' 🚕7 ' 🚙13' 🚌 62'
🚎111' 🏎112' 🚓 113'
တာမွေသံလမ်းမှတ်တိုင်မှာ ဆင်းရပါမယ်နော်
ကျိုက်က္ကစံ superone အနီး
တာမွေ ILBC အရှေ့မျက်စောင်းထိုးနားမှာရှိပါတယ်ရှင်

☎09960792942 ကိုဆက်သွယ်bookingယူနိုင်ပါတယ်။
ကုသမှုပေးနေတဲ့ အရေပြားအထူးကု ဆရာဝန်တွေကတော့

Dr.စန္ဒာတင်
M.B,B.S (ygn), M.Med.Sc (dermatology)
Consultant dermatologist
အင်္ဂါနေ့ ညနေ၃နာရီမှ ၅နာရီအထိ။

Dr.အိဇာနည်ထွန်း
M.B,B.S (ygn), M.Med.Sc (dermatology)
Consultant dermatologist
စနေနှင့်တနင်္ဂနွေနေ့ ညနေ၃နာရီမှ ၅နာရီအထိ။

Dr.ဇာဖြူကြည်
M.B,B.S (ygn), M.Med.Sc (dermatology)
Dermatologist
သောကြာနေ့ ညနေ၃နာရီမှ ၅နာရီအထိ
စနေနေ့မနက် ၉း၃၀မှ ၁၁နာရီအထိ။

Dr.လဲ့ရည်ကို
M.B,B.S (ygn), M.Med.Sc (dermatology)
Dermatologist
တနင်္လာ၊ ဗုဒ္ဓဟူး နဲ့ ကြာသပတေးနေ့ ညနေ၃နာရီမှ ၅နာရီအထိ
ဆေးခန်းချိန်အတွင်း ပြသလိုတဲ့ ဆရာဝန်တွေနဲ့ရွေးချယ်ပြသလို့ရပါပြီ။

ဟိန်းအရေပြားအထူးကုဆေးခန်း(၂)
၁၁၂၊ နတ်မော်လမ်း
ပန်းဘဲတန်းရပ်ကွက်
ဟင်္သာတမြို့
Mo Mo food box ဘေး
မှာ ဖွင့်လှစ်ထားပါတယ်။
☎09797196435ကို ဆက်သွယ်နိုင်ပါတယ်ရှင်။

😁လူအများကြီးစောင့်စရာ မလို
လူအများကြီးနဲ့ ထိတွေ့စရာ မလိုအောင် စီစဥ်ထားတာမို့ ဖုန်းလေးဆက်ပြီး အချိန်လေးညှိပြီးလာရင် မင်မင်တို့က ကျေးဇူးအများကြီးတင်မှာပါရှင်🙏🙏🙏
တတ်နိုင်သမျှ ချိန်းထားတဲ့ အချိန်လေး အရောက်လာဖို့ မေတ္တာရပ်ခံပါတယ်နော်

💊💊💊ဘာတွေကုသမှုပေးနိုင်လဲဆိုတော့

📴၁ ကြွက်နို့ ငါးမျက်စိ နှင်းခူစို နှင်းခူခြောက် ရေယုန် ပွေး ဝဲ ညှင်း ယားနာအမျိုးမျိုး

📴 ၂ ခရုသင်း သမင်ဖြူ

📴၃ ဝက်ခြံ တင်းတိပ် မှဲ့ခြောက် နေလောင်ကွက်များ

📴၄ ဆံပင်ကျွတ်ခြင်း ထိပ်ပြောင်ခြင်း ဘောက်ထခြင်း ဦးရေပြားမှိုစွဲခြင်းနဲ့ ဆံပင်အားဖြည့်ဆေးထိုးခြင်းများ

📴 ၅ အဆီကျိတ်အပါအဝင် အရေပြားအကျိတ်အဖုများ

📴၆ လက်သည်း ခြေသည်းရောဂါအမျိုးမျိုး

📴၇ keloid နဲ့ အနာရွတ်အမျိူးမျိုး

📴၈ မွေးကျွတ်နာ အနာစက် ပြည်တည်နာအမျိုးမျိုးနဲ့ အင်ပြင်များ

📴၉ အရေပြားလေးဘက်နာ အပါအဝင် ကိုယ်ခံအားကြောင့်ဖြစ်သော အရေပြားရောဂါအမျိုးမျိုး

📴၁၀ အသားအရေနုပျိုလှပစေရန် ဝက်ခြံ တင်းတိပ် မှဲ့ခြောက်နဲ့ အသားအရောင်မညီခြင်းတို့အတွက် မျက်နှာဆေးခြင်း chemical peeling

📴၁၁ ဝက်ခြံချိုင့် အနာရွတ်များ မျက်နှာပြင်အရေးအကြောင်းများကို ဖယ်ရှားနူးညံ့အောင် dermabrasion နှင့် မျက်နှာ​လေး glow စေရန် သွေးရေကြည်ကုထုံး

📴၁၂ ဘယ်လိုချချ မကျသော အဆီများကို ခွဲစိတ်စရာမလိုဘဲ ဆေးထိုးပြီး အဆီချခြင်း၊
HIFU စက်ဖြင့်အသားအရေတင်းရင်းစေခြင်း ၊
သောက်ဆေးဖြင့်အဆီချခြင်းများ

📴၁၃ နောက်ဆုံးပေါ် Pico Second Laser ဖြင့် တက်တူးဖျက်ခြင်း မှဲ့ခြောက်နဲ့ အနာရွတ်များ အမည်းကွက်များဖျောက်ခြင်း

📴၁၄ အသားပို နေလောင်မှဲ့ခြောက်နဲ့ ကင်ဆာဖြစ်နိုင်တဲ့ အရေပြားအဖုအကျိတ်များကို စက်နဲ့ ဖယ်ရှားကုသပေးခြင်း
တို့ကိုလာရောက်ပြသ ကုသမှုခံယူနိုင်ပါပြီရှင်။

07/03/2024

အရေပြားလူနာနှင့် လူနာရှင်များခဗျား
ဟင်္သာတမြို့ရှိ ဟိန်းအရေပြားဆေးခန်းကို အမှတ်၁၁၂၊
နတ်မော်လမ်း၊
ပန်းဘဲတန်းရပ်ကွက်
ဟင်္သာတမြို့သို့ ပြောင်းရွှေ့ ဖွင့်လှစ်ထားပါကြောင်း အသိပေးအပ်ပါသည်။
Mo Mo food house ဘေး၊ ဟင်္သာညီနောင် ကားပစ္စည်းဆိုင်အရှေ့ဘက်နားဖြစ်ပါတယ်။
ရှာမတွေ့လျင်
Ph 09797196435ကိုဆက်သွယ်မေးမြန်းနိုင်ပါတယ် ခဗျား။

30/04/2023

Dermatology Diseases and Problem solution.

30/04/2023

ရာသီဥတုပူလာလို့ ချွေးထွက်များလာကြပါပြီ။ ချွေးအလွန်ထွက်ရာမှ ပေါင်ခြံ ဂျိုင်းကြား ရင်ကြား တွေမှာ မှိုတွေရောက် ပွေးတွေပေါက်လာကြပါပြီ။ လူကြားထဲလဲ ကုတ်ရ လူလစ်ရင်လဲကုတ်ရ ပူလာတာနဲ့ တဆစ်ဆစ်ယား ချွေးလေးထွက်တာနဲ့ မနေနိုင်အောင်ယားတဲ့ ပွေး။ ဘယ်လို ကာကွယ်ကုသကြမလဲဆိုတာ စုစည်းတင်ပြထားပါပြီ။

​ ပွေး သို့မဟုတ် အရေပြားမှိုစွဲနာ အကြောင်း
ဒေါက်တာအိဇာနည်ထွန်း (အရေပြားအထူးကုဆရာဝန်)..
"ဆရာမရယ် ယားလိုက်တာ ညည မအိပ်ရဘူး" ဆိုသူတွေက တစ်မျိုး"

"ကုတ်ရတာ တဗျင်းဗျင်းနဲ့" ဆိုတာ တစ်ဖုံ

"ဟိုဆေးလူးလည်း ခဏပဲ သက်သာတယ်။ ဒီဆေးလူးလည်း သက်သာသလိုနဲ့ အမြစ်မပြတ်ပါဘူးဗျာ"

"အနီစက်လေးက စတာလေ ကုတ်လေ ကြီးလေ ကျယ်လာလေနဲ့ အခု အကွင်းအကွင်းကြီးတွေ တစ်ကိုယ်လုံးပါပဲ " ဆိုသူတွေကလည်း မရှား ဆေးခန်းမှာရော ဆေးရုံမှာပါ ပေါများလှပါသည်။

မှိုက ခန္ဓာကိုယ်တစ်ကိုယ်လုံးမှာ ဖြစ်နိုင်ပါတယ်။

😣ခေါင်းမှာဖြစ်တော့ ဒက်။
😣 ချိုင်းကြား ပေါင်ကြား လက်ကြားမှာ ဖြစ်တော့ ရိနာ။
😣 လက်သည်းခြေသည်းမှာဖြစ်တော့ လက်သည်းမှို ခြေသည်းမှို
😣 ကိုယ်ခန္ဓာမှာဖြစ်တော့ပွေး ဘယ်လိုပင်ခေါ်ခေါ် မှိုစွဲနာက မှိုစွဲနာပါပဲ။

မှိုစွဲနာဘယ်လိုကာကွယ်မလဲ🔅🛡🛡🛡 ။

မကြာခဏမှိုစွဲနာရှိတဲ့ လူနာတွေကိုမှာလေ့ရှိတဲ့ စကားလေးတစ်ခွန်းရှိပါတယ်

" အရေပြားကို သန့်ရှင်းခြောက်သွေ့အောင် ထားပါ"
1️⃣
အရေပြားကို သန့်ရှင်းအောင် နေ့စဉ်ရေချိုးပါ။
ရေချိုးတိုင်း ဆပ်ပြာတိုက်ပါ။
ရေချိုးပြီး ခန္ဓာကိုယ်ကို ခြောက်အောင်သုတ်ပါ
2️⃣
ညစ်ပေသောပစ္စည်းများကိုင်တွယ်ပြီးပါက လက်ကိုစင်ကြယ်အောင်ဆေးပါ။
ရေ အညှီ အကြာကြီးကိုင်တွယ်ရပါက လက်အိတ်သုံးပြီး ကိုင်တွယ်ပါ။
ရေချိုးတိုင်း၊ လက်ဆေးတိုင်း ဆပ်ပြာသေသေချာချာတိုက်ပါ။
ဆပ်ပြာတိုက်ဖို့ ဘာလို့မှာရလဲဆိုတော့ အရေပြားမှာ ယားတာ နာတာ တစ်ခုခုဖြစ်တာနဲ့ ဆပ်ပြာတိုက်လို့ဖြစ်သလား၊ ဆပ်ပြာတိုက်လို့ ပိုဆိုးတာလား ဆိုပြီး ရေချိုးရင် ဆပ်ပြာမတိုက်ကြတော့ပါဘူး။ ဆပ်ပြာကြောင့် allergic ဖြစ်တဲ့ အရေပြားအနာတွေကလည်း များလှတော့ ကြောက်ကြတာ မထူးဆန်းပါဘူး။ ဒါပေမဲ့ အရေပြားမှိုစွဲနာကတော့ ဆပ်ပြာတိုက်ကို တိုက်ရပါမယ်။

မှိုသတ်ဆပ်ပြာတွေရှိပါတယ်။ မှိုသတ်ဆပ်ပြာတွေသုံးနိုင်ရင် ကောင်းပေမဲ့ မသုံးနိုင်ဘဲ ရိုးရိုးကိုယ်တိုက်ဆပ်ပြာတွေ သုံးရင်လည်း စနစ်တကျသုံးရင် အကျိုးကျေးဇူးများလှပါတယ်။

ဘယ်လို စနစ်တကျ ဆပ်ပြာတိုက်မလဲ။
ခန္ဓာကိုယ်ကို ရေအရင်လောင်းပါ။
ရေစိုပြီးမှ ဆပ်ပြာကို ခန္ဓာကိုယ်အနှံ့ပွတ်တိုက်ပါ။
လက်ကြား ခြေကြား ချိုင်းကြား ချက်ကြား ဘာကြား ညာကြားမကျန်တိုက်ရပါမယ်။
အမြှုပ်ထွက်အောင် သေသေချာချာ တမိနစ်လောက်ပွတ်တိုက်ပြီးမှ ရေလောင်း ရေဆေးချပါ။ ဆပ်ပြာတိုက်ရေချိုးတာ လွယ်လွယ်လေးပေမယ့် အကျိုးများလွန်းပါတယ်။
3️⃣
အရေပြားလေးခြောက်သွေ့အောင် ဘယ်လိုလုပ်မလဲ။
မှိုက ပူအိုက်စိုစွတ်မှုကို ကြိုက်တာမို့ ခန္ဓာကိုယ်ခြောက်သွေ့အောင် ဝတ်တဲ့ အဝတ်အစားတွေ ခြောက်သွေ့အောင်ဂရုစိုက်ရပါမယ်။ ချွေးစိုရင် မကြာခဏ သုတ်ပေးပါ။ချွေးစိုအင်္ကျီတွေကို မကြာခဏ လဲပေးပါ။
ချိုင်းကြား ပေါင်ကြားတွေ လက်ချောင်းခြေချောင်းကြားတွေ သေချာခြောက်အောင်သုတ်ပေးပါ။
အဝတ်အစားတွေကို နေပူပူမှာ ခြောက်အောင် လှန်းပါ။ နေရောင်မထိဘဲ ခြောက်တဲ့ အဝတ်တွေဆို မီးပူတိုက်ပြီးမှဝတ်ပါ။4️⃣
တစ်ဦးအဝတ်ကို ဦးထုပ်ကို နောက်တစ်ဦးယူဝတ်ခြင်း၊ ယူဆောင်းခြင်းမှ ရှောင်ကြဉ်ပါ။ မျက်နှာသုတ်ပဝါ ဘီးစသော တကိုယ်ရည်သုံးပစ္စည်းများကို ကိုယ်ပိုင်သီးသန့်ထားသုံးပါ ။ ခေါင်းအုံးစွပ် အိပ်ရာခင်း မျက်နှာသုတ်ပဝါ တစ်ပတ်တစ်ခါလျှော်ပါ။
5️⃣
ခွေးကြောင် စတဲ့အိမ်မွေးတိရစ္ဆာန်လေးများ၊ မြေကြီးများ ကိုကိုင်တွယ်ခြင်းမှရှောင်ကြဥ်ပါ။ မဖြစ်မနေကိုင်တွယ်ရမယ်ဆိုရင်တော့ လက်အိတ်အကာအကွယ်နဲ့ကိုင်ပါ။ ကိုင်တွယ်ပြီးတာနဲ့ လက်ကိုဆပ်ပြာနဲ့စင်ကြယ်အောင်ဆေးပါ။

ဘယ်လိုကုသမလဲ☺☺☺...
ခဏတာ သက်သာဖို့လွယ်ပေမဲ့ အမြစ်ပြတ်ဖို့ ခက်ပါတယ်။ လူးဆေးစားဆေး ဆိုပြီး မှိုသတ်ဆေး ၂မျိုးရှိပေမဲ့ သူ့နေရာနဲ့ သူ လူးရ စားရတာပါ။
မိမိဘာသာ ဆေးလူးပြီးကုလို့ရတာ ကိုယ်ခန္ဓာမှာဖြစ်တဲ့ ပွေးပဲ ရှိတယ်။ ကိုယ်မှာဖြစ်တဲ့ ပွေးတောင် မှိုစွဲနာအဆင့်ရောက်သွားရင် မိမိဘာသာကုလို့မရတော့ဘဲ မှိုသတ်ဆေးသောက်ဖို့ လိုလာပါပြီ။ မှိုသတ်ဆေးက ဆရာဝန်ညွှန်ကြားမှုနှင့်ပဲ သောက်သင့်တာပါ။ ဘေးထွက်ဆိုးကျိုးတွေထဲမှာ အဖြစ်အများဆုံးက အသည်းထိခိုက်တာမို့ပါ။ ပွေးတော့ ကောင်းသွားပါရဲ့ အသည်းပျက်စီးသွားတယ်ဆိုတာ မဖြစ်သင့်ပါဘူး။
နောက်ပြီး G6PD Deficiency သွေးရောဂါဝေဒနါရှင် မသောက်သင့်တဲ့ဆေး၊
တင်းတိပ်ကဲ့သို့ အသားမဲသွားစေတဲ့ဆေး စသဖြင့် ဘေးထွက်ဆိုးကျိုးတွေရှိလို့ပါ။
စနစ်တကျ ကုသမှသာ အန္တရာယ်ကင်းကင်းနဲ့ ကျန်းမာပျောက်ကင်းမှာပါ။
မိမိဘာသာ ကုသလို့ရတဲ့ပွေးအကြောင်းဆက်ပါရစေ

ကာကွယ်နည်းပြောပြီးပြီဆိုတော့ ကုသနည်းလေး​ဆက် ပါရစေ။

မိမိဘာသာ အိမ်မှာကုလို့ရတာရှိသလို ဆေးရုံ ဆေးခန်းမှာမှ ကုသရမယ့်ရောဂါတွေလည်းရှိပါတယ်
ခန္ဓာကိုယ် မှာ နည်းနည်းဘဲဖြစ်တဲ့ ပွေးကတော့ အိမ်မှာ မိမိဘာသာကုလို့ရပါတယ်။လိမ်းဆေးလေးလူး အယားပြေဆေးလေးသောက် ပြန်မဖြစ်အောင် အပေါ် အကြံပေးချက်တွေ တသက်တာလိုက်နာကျင့်သုံးရပါမယ်။

ဆေးဆိုင်တွေကစပ်ရောင်းတဲ့ သွေးသန့်ဆေးဆိုတာတွေက မှိုသတ်ဆေးတွေပါ။

မှိုသတ်ဆေးသောက်ဆေး​တွေ က ဘေးထွက်ဆိုးကျိုးများတာမို့ မိမိဘာသာ မသောက်သင့်ပါဘူး
အရေပြားဆရာဝန်တွေနဲ့ တိုင်ပင်ပြီးမှ သောက်သင့်ပါတယ်။
လိုအပ်ရင် သွေးစစ် ဆီးစစ်ပြီးမှသောက်ရပါတယ်။

အိမ်မှာဘယ်လိုမှိုစွဲနာတွေကုလို့ရသလဲ

အိမ်မှာတော့
ကိုယ်ခန္ဓာမှာဖြစ်တဲ့ ပွေး
ပေါင်ခြံကြား ဂျိုင်းကြားမှာဖြစ်တဲ့ ရိနာ
တွေ ကုလို့ရပါတယ်
clotrimazole cream သို့
fluconazole cream သို့
ketoconazole cream သို့
terbinifine cream သို့
lulinazole cream သို့
butanifine cream တခုခု
ကို ရေခြောက်အောင်သုတ်ပြီး တနေ့ ၂ကြိမ် ၃ကြိမ်လူးပေးလို့ရပါတယ်
clotri denk, neosten, flusum., ketoz, zarin. fitneal. Luzo. ytacan, နာမည်တွေနဲ့ ဝယ်လို့ရပါတယ်။

အနာပေါ်မထူမပါးလူးယုံမကဘူး အနာပတ်ပတ်လည် ၁လက်မလောက်ထိ အသားကောင်းပေါ်ပါ လူးရပါမယ်
အနည်းဆုံး၃ပတ်လောက်အထိ မလျော့သော လုံ့လီဝီိရိယနဲ့ လိမ်းမှ အမြစ်ပြတ်မှာပါ
၃ပတ်ပြည့်ပြီးတာတောင် အနာရွတ် မည်းမည်းကျန်နေသေးတယ်ဆိုရင်လည်း အမြစ်မပြတ်သေးတာမို့ တပတ်လောက်ဆက်လူးရပါမယ်
ဒါတောင်မပျောက်ဘူးဆိုရင်တော့ အရေပြားအထူးကု တယောက်ယောက်နဲ့ ဆွေးနွေးဖို့ လိုအပ်နေပါပြီ။

လူးဆေးဝယ်ရာမှာ သတိထားရမှာကတော့ steroid မပါဖို့ပါပဲ
၁။ အပေါ်မှာပြောတဲ့ clotrimazole
fluconazole
ketoconazoleအပြင်
၂။ ဆေးအာနိသင်ကို ထိန်းသိမ်းဖို့ presavative ပါရပါမယ်။
၃။ စက္ကူဘူးခွံပေါ်က ပါဝင်ပစ္စည်းမှာ ဒီနှစ်မျိုးအပြင်
betametasone , clobetasol , dexametasone စသဖြင့် ၃ခုမြောက်စာတန်းလေးပါလာရင်တော့ ရေ ရှည် မလူးသင့် တဲ့ဆေးပါ

အဲလို ပါဝင်ပစ္စည်း၃မျိုးပါတဲ့ဆေးက ပွေးကို ခဏတာ သိသိသာသာ သက်သာစေပေမယ့် လုံးဝအရှင်းမပျောက်ပါဘူး။ အရေပြားပါးလာတာ
ခရုသင်းလို ဖြူလာတာ
သွေးကြောမျှင်တွေ ပေါ်လာတာအပြင် အကြောပြတ်တာတွေအထိဖြစ်နိုင်တာမို့ ကျွမ်းကျင်ဆရာဝန်ရဲ့ ညွှန်ကြားမှု မပါဘဲ လုံးဝ မသုံးသင့်ပါဘူး။ ဖြစ်လာတဲ့ ဘေးထွက်ဆိုးကျိုးတွေကလည်း ပြန်ကုလို့ မရတဲ့ permanent damage တွေပါ ဝင်နေလို့ပါ ပဲ။

အနှစ်ချုပ်တော့
ကိုယ်ခန္ဓာမှာဖြစ်တဲ့ပွေး
ဂျိုင်းကြားပေါင်ကြားမှာဖြစ်တဲ့ ရိနာ
လက်ချောင်းကြား ခြေချောင်းကြားမှာဖြစ်တဲ့ ရေဝဲတို့ကို ၃ပတ်အထိ မိမိဘာသာ steroid မပါတဲ့ လူးဆေးနဲ့ အိမ်မှာ ကုလို့ ရပါတယ်
အယားပြေဖို့
cetrine 10mg ကို မနက်၁လုံး ည၁လုံးသော်လည်းကောင်း
burmeton သော်လည်းကောင်း
အခြား allerday.. ebastineစတဲ့ အယားပြေဆေးတွေကိုပါ ပူးတွဲသောက်ပြီး
ပွေးရန်ကို တွန်းလှန်ကြရမှာပါ။
ကိုယ်ရောစိတ်ပါ ကျန်းမာကြပါစေ🙏🙏🙏

ပွေးရန်တွန်းလှန် အမြစ်ပြတ်နိုင်ကြပါစေ။

💘💘💘💘💘💘💘💘💘💘💘💘💘💘

အရေပြားအထူးကုဆရာဝန်တွေနဲ့ ပြသကုသမှု ခံယူချင်ရင် ဟိန်းအရေပြားအထူးကုဆေးခန်းကို ကြွခဲ့ဖို့ ဖိတ်ခေါ်ပါတယ်။

🎄ဟိန်း🎄
အရေပြားဆေးခန်း(1)
N3၊ အခန်း၀၀၂
လေးထောင့်ကန်လမ်းမကြီး
တာမွေမြို့နယ်
ကျိုက်က္ကစံ superone အနီး
တာမွေ ILBC အရှေ့
📲09960792942
⏰နေ့စဥ် ညနေ ၃ နာရီစဖွင့်ပါတယ်
စနေနေ့ မနက်ပိုင်း မနက်၉း၀၀မှ ၁၁း၀၀နါရီထိ
🚐ရောက်တဲ့ ဘတ်စ်အမှတ်တွေက 3 ' 7 '13' 62တို့ပါရှင်
တာမွေသံလမ်းမှတ်တိုင်မှာ ဆင်းရပါမယ်နော်

🎄ဟိန်း🎄
အရေပြားဆေးခန်း(2)
ထက်ထက်ဓာတ်ခွဲခန်း
474
ဆေးရုံသစ်လမ်း
ပန်းဘဲတန်းမြို့နယ်
ဟသာ်တမြို့
📲09797196435
တနလာ်မှ စနေထိ မနက်၈မှ ၁၀ထိ
ညနေ ၄ နာရီ မှ ၆ နာရီ အထိပါ

Dermatology Diseases and Problem solution.