Smart Clinic

05/05/2026

နို့နဲ့ နို့ထွက်ပစ္စည်းတွေအကြောင်း စိတ်ဝင်စားသူတွေအတွက် UHT နည်းပညာရဲ့ လျှို့ဝှက်ချက်တွေ၊ ကျန်းမာရေးဗဟုသုတတွေနဲ့ နို့သောက်သုံးခြင်းရဲ့ ကောင်းကျိုးတွေကို တစ်နေရာတည်းမှာ စုံစုံလင်လင် တင်ဆက်ပေးသွားမယ့် စာမျက်နှာဖြစ်ပါတယ်။

လတ်ဆတ်ဘေးကင်းပြီး အာဟာရပြည့်ဝတဲ့ လူနေမှုပုံစံကို ကျွန်ုပ်တို့နဲ့အတူ တည်ဆောက်လိုက်ပါ။

𝖶𝗂𝗍𝗁 𝗅𝗈𝗏𝖾 🩵
𝓓𝓻 𝓞𝓴𝓴𝓪 𝓜𝓲𝓷𝓷
𝗡𝘂𝘁𝗿𝗶𝘁𝗶𝗼𝗻 𝗦𝗽𝗲𝗰𝗶𝗮𝗹𝗶𝘀𝘁
𝗪𝗲𝗹𝗹𝗻𝗲𝘀𝘀 𝗖𝗼𝗮𝗰𝗵 & 𝗖𝗼𝗻𝘀𝘂𝗹𝘁𝗮𝗻𝘁
𝗡𝗟𝗣 𝗣𝗿𝗮𝗰𝘁𝗶𝘁𝗶𝗼𝗻𝗲𝗿 (ABNLP USA)
PBCA Certified Coach
MBBS(YGN)
MSc Nutrition and Dietetics (UK)

04/05/2026

Diabetasol သည် ဆီးချိုရှိသူများအတွက် အထူးပြုထုတ်လုပ်ထားသော အာဟာရအစားအစာဖြစ်ပြီး

* Isomaltulose formula ကြောင့် အစာခံတတ်ပြီး ဗိုက်ခနခနမဆာစေပါသည်
* သွေးတွင်း သကြားဓာတ် မြင့်တက်မှုကို ထိန်းချုပ်ရန် ကူညီပေးသည်
* Fiber ပါဝင်မှုကြောင့် အူလမ်းကြောင်းကျန်းမာရေးကို အထောက်အကူပြုသည်
* Calcium ပါဝင်မှုကြောင့် အရိုးများကို သန်မာစေသည်

နေ့စဉ်အသုံးပြုရန် သင့်တော်သော Balanced Nutrition Supplement တစ်ခုဖြစ်ပါသည်။

𝓓𝓻 𝓞𝓴𝓴𝓪 𝓜𝓲𝓷𝓷
𝗡𝘂𝘁𝗿𝗶𝘁𝗶𝗼𝗻 𝗦𝗽𝗲𝗰𝗶𝗮𝗹𝗶𝘀𝘁
𝗪𝗲𝗹𝗹𝗻𝗲𝘀𝘀 𝗖𝗼𝗮𝗰𝗵 & 𝗖𝗼𝗻𝘀𝘂𝗹𝘁𝗮𝗻𝘁
𝗡𝗟𝗣 𝗣𝗿𝗮𝗰𝘁𝗶𝘁𝗶𝗼𝗻𝗲𝗿 (ABNLP USA)
PBCA Certified Coach
MBBS(YGN)
MSc Nutrition and Dietetics (UK)

#ဆီးချို

03/05/2026

ဆီးချိုဝေဒနာရှင်များအတွက် အလုပ်ရှုပ်သက်သာစေပြီး လိုအပ်သော အာဟာရ များကိုစုံလင်စွာရရှိစေပြီး
အစာခံ ကာ ဆီးချိုမတက်စေတဲ့ ဖြည့်စွက် အာဟာရမှုန့် 👇အပြည့်အစုံကို Video ထဲမှာ အသေးစိတ်ပြောထားပါတယ်။

12/08/2025

🌟 **လူငယ်များနေ့ -** 🌟

အနာဂတ်ကို ဖန်တီးဖို့လူငယ်တွေ ရဲံအစွမ်းကို အသုံးချစို့!

📅 **သြဂုတ်လ ၁၂ ရက်** ဟာ **နိုင်ငံတကာလူငယ်များနေ့ (International Youth Day)** ဖြစ်ပါတယ်!

ဒီနေ့ဟာ ကမ္ဘာတစ်ဝှမ်းက လူငယ်တွေရဲ့ “အစွမ်းအစ၊ ဖန်တီးနိုင်စွမ်းနဲ့ လူမှုအဖွဲ့အစည်းအတွက် အရေးပါတဲ့ ပံ့ပိုးမှုတွေ””ကို ဂုဏ်ပြုဖို့၊ သူတို့ရင်ဆိုင်နေရတဲ့

**စိန်ခေါ်မှုတွေ** ကို မီးမောင်းထိုးပြဖို့ နဲ့ အနာဂတ်ကို ပုံဖော်ဖို့ လူငယ်တွေရဲ့ **အခန်းကဏ္ဍ** အပေါ် အာရုံစိုက်ဖို့ ရည်ရွယ်ပါတယ်။

🎯 **၂၀၂၅ ခုနှစ်ရဲ့ ဆောင်ပုဒ်ကတော့ -**
**"Green Skills for Youth: Towards a Sustainable World"**
**(လူငယ်များအတွက် စိမ်းလန်း သော ကျွမ်းကျင်မှုများ: ရေရှည်တည်တံ့သော ကမ္ဘာတစ်ခုဆီသို့")**

ဒီနှစ်မှာ လူငယ်တွေကို **ရာသီဥတုပြောင်းလဲမှုနဲ့ ပတ်ဝန်းကျင်ဆိုင်ရာ စိန်ခေါ်မှုတွေကို ရင်ဆိုင်ဖြေရှင်းနိုင်ဖို့** လိုအပ်တဲ့ အသိပညာ၊ ကျွမ်းကျင်မှုတွေ (Green Skills) ပေးဖို့ အလေးထားထားပါတယ်။

**ဘာကြောင့် လူငယ်တွေက အရေးပါတာလဲ?**

* **ပြောင်းလဲမှုရဲ့ မောင်းနှင်အား:** လူငယ်တွေဟာ ဆန်းသစ်တီထွင်မှု၊ နည်းပညာ၊ လူမှုရေးတိုးတက်မှုတွေရဲ့ အဓိကအင်ဂျင်နီယာတွေပါ။
* **အနာဂတ်ရဲ့ ခေါင်းဆောင်များ:** ဒီနေ့ လူငယ်တွေဟာ နက်ဖြန်ရဲ့ ဆုံးဖြတ်ချက်ချမှတ်သူတွေ၊ မိသားစုထူထောင်သူတွေ၊ လုပ်ငန်းရှင်တွေဖြစ်လာမှာပါ။
စိတ်အားထက်သန်မှုနဲ့ စိတ်ကူးစိတ်သန်း:သူတို့မှာ ကမ္ဘာကြီးကို ပိုကောင်းအောင် ပြောင်းလဲချင်စိတ် ပြင်းပြင်းထန်ထန်ရှိကြပါတယ်!

**ဘယ်လိုဂုဏ်ပြုမလဲ?**

* **လူငယ်တွေရဲ့ အသံကို နားထောင်ပါ:** သူတို့ရဲ့ အတွေးအမြင်၊ စိုးရိမ်ပူပန်မှုတွေကို နားလည်ပေးပါ။
* **အခွင့်အလမ်းတွေ ဖန်တီးပေးပါ:** ပညာရေး၊ လေ့ကျင့်ရေး၊ စွန့်ဦးတီထွင်မှု၊ ခေါင်းဆောင်မှုနဲ့ ဆုံးဖြတ်ချက်ချမှတ်မှုဖြစ်စဉ်တွေမှာ ပါဝင်ခွင့်ရအောင် ဖန်တီးပေးပါ။
* **ပံ့ပိုးကူညီပါ:** လူငယ်တွေ စိတ်ပိုင်းဆိုင်ရာ၊ ရုပ်ပိုင်းဆိုင်ရာ ကျန်းမာစွာ ကြီးပြင်းလာဖို့ လိုအပ်တဲ့ ပတ်ဝန်းကျင်နဲ့ အရင်းအမြစ်တွေ ဖန်တီးပေးပါ။
* **Green Skills ကို မြှင့်တင်ပါ:** ရေရှည်တည်တံ့တဲ့ အနာဂတ်အတွက် လိုအပ်တဲ့ ပညာရပ်နဲ့ ကျွမ်းကျင်မှုတွေ (ဥပမာ - ပြန်လည်ပြည့်ဖြိုးမြဲစွမ်းအင်ဆိုင်ရာ ပညာ၊ စိုက်ပျိုးရေးဆိုင်ရာ နည်းပညာ၊ ဇီဝမျိုးစုံကွဲပြားမှု ထိန်းသိမ်းခြင်း) သင်ယူဖို့ အားပေးကူညီပါ။

**ဒီနေ့ဟာ ဂုဏ်ပြုဖို့သက်သက်မဟုတ်ဘဲ...**
**လူငယ်တိုင်း ပိုမိုကောင်းမွန်တဲ့ အနာဂတ်အတွက် သူတို့ရဲ့ စွမ်းရည်တွေကို အပြည့်အဝ ဖွံ့ဖြိုးဖို့နဲ့ အသုံးချနိုင်ဖို့ အတူတကွ ကတိပြုဖို့ နေ့ဖြစ်ပါတယ်။**

👉 လူငယ်ယောက်အနေနဲ့ ပိုကောင်းတဲ့ လောကတစ်ခုဖန်တီးဖို့ ဘာတွေလုပ်နေလဲ? (သို့) လူငယ်တွေကို ဘယ်လိုပံ့ပိုးပေးနေလဲ? 👇 မှတ်ချက်မှာ မျှဝေပေးပါ!

#လူငယ်များနေ့

31/07/2025

🌧️ မိုးရာသီ - ကျန်းမာရေးအတွက် ကောင်းကျိုး နဲ့ ဆိုးကျိုးများ**

မိုးရာသီရဲ့ အေးမြပြီး လန်းဆန်းတဲ့ လေတွေ၊ စိမ်းစိုလှပတဲ့ သဘာဝတရားနဲ့ မိုးစက်တွေရဲ့ သက်ရောက်မှုက စိတ်ကို ကြည်နူးစေပါတယ်။ ဒါပေမယ့် မိုးရာသီမှာ ကျန်းမာရေးနဲ့ပတ်သက်တဲ့ စိုးရိမ်စရာတွေလည်း ရှိနေပါသေးတယ်တယ်။

✅ မိုးရာသီရဲ့ ကောင်းကျိုးများ
✔ လေထု သန့်ရှင်းပြီး အေးမြတဲ့ ရာသီဥတု
✔ သဘာဝပတ်ဝန်းကျင် စိမ်းစိုလာခြင်း
✔ ဖုန်မှုန့်နဲ့ လေထုညစ်ညမ်းမှု လျော့ကျခြင်း
✔ အိမ်တွင်းမှာ နွေးနွေးထွေးထွေး နေရတဲ့ အချိန် (ပူပူနွေးနွေး ဟင်းချိုသောက်ဖို့ အကောင်းဆုံးအချိန်!) 🍲

⚠️ မိုးရာသီရဲ့ ဆိုးကျိုးများ
✔ စိုထိုင်းမှုများပြီး မှိုပိုးတွေ ပေါက်ဖွားလွယ်ခြင်း
✔ ဓာတ်မတည့်မှုတွေ ဖြစ်စေနိုင်ခြင်း
✔ ရေအိုင်တွေကြောင့် ခြင်ပေါက်ဖွားမှု များခြင်း
✔ အအေးမိ၊ တုပ်ကွေးနဲ့ အသက်ရှူလမ်းကြောင်း ပြဿနာတွေ ဖြစ်လာနိုင်ခြင်း

🤧 မိုးရာသီမှာ အဖြစ်များတဲ့ ကျန်းမာရေးပြဿနာများ**
၁။ အအေးမိ၊ တုပ်ကွေး
✔ ရုတ်တရက် အပူချိန်ကျဆင်းမှု၊ စိုစွတ်နေတဲ့ အဝတ်အစားတွေကြောင့် ကိုယ်ခံအား ကျဆင်းစေတယ်။
✔ **လက္ခဏာများ** - နှာစေးခြင်း၊ လည်ချောင်းနာခြင်း၊ ကိုယ်လက်ကိုက်ခဲခြင်း။

၂။ ဓာတ်မတည့်နှာခေါင်းရောင်ခြင်း (Allergic Rhinitis)
✔ မှိုပိုး၊ ဖုန်မှုန့်၊ ဝတ်မှုန်တွေကြောင့် ဖြစ်တတ်တယ်။
✔ **လက္ခဏာများ** - နှာချေခြင်း၊ နှာခေါင်းယားခြင်း၊ မျက်ရည်ယိုခြင်း။

၃။ မှိုဓာတ်မတည့်မှု (Mold Allergy)
✔ စိုထိုင်းတဲ့နေရာတွေမှာ မှိုတွေပိုးတွေ ကပ်ငြိနေတတ်ပါတယ်။ သတိမထားမိပဲ
ထိတွေ့မိမယ်ဆိုရင်တော့
✔ **လက္ခဏာများ** - အရေပြားယားယံခြင်း၊ အင်ပျဉ်ထခြင်း၊ ပန်းနာရင်ကြပ်ထခြင်းတို့ဖြစ်နိုင်ပါတယ်။

၄။ အရေပြားပြဿနာများ
✔ ခြေချောင်းကြား၊ အရေပြားခေါက်တွေမှာ မှိုပိုးဝင်ပြီး ယားယံခြင်း၊ အနီစက်ထွက်ခြင်း။

💡 မိုးရာသီမှာ ကျန်းမာစွာနေထိုင်ဖို့ အချက်များ**
✔ **မိုးရေမစိုအောင်** ထီး၊ မိုးကာအင်္ကျီ အမြဲဆောင်ထားပါ။ ☂️
✔ **စိုနေတဲ့ အဝတ်အစားတွေကို** ချက်ချင်းလဲပေးပါ။
✔ အိမ်ကို **ခြောက်သွေ့ပြီး လေဝင်လေထွက်ကောင်းအောင်** ထားပါ။
✔ မှိုမတက်အောင် **အိမ်သန့်ရှင်းရေး** ပုံမှန်လုပ်ပါ။
✔ **ဗီတာမင်စီ** ကြွယ်ဝတဲ့ အစားအစာတွေ စားပြီး ကိုယ်ခံအားကို မြှင့်တင်ပါ။ 🍊💪

🌱 မိုးရာသီရဲ့ အလှကို ခံစားပြီး ကျန်းမာစွာ ဖြတ်သန်းနိုင်ကြပါစေ!**

(မိုးရာသီမှာ ဘယ်လိုကျန်းမာရေးပြဿနာတွေ ကြုံဖူးလဲ? Commentမှာ မျှဝေပေးပါနော်!) 💬

#မိုးရာသီ #သတိပြုစရာ #ရောဂါများ #ရာသီတုပ်ကွေး

28/07/2025

**ကမ္ဘာ့အသည်းရောင်အသားဝါနေ့ (World Hepatitis Day)**

**ဇူလိုင် ၂၈ ရက်နေ့**ဟာ **ကမ္ဘာ့အသည်းရောင်အသားဝါနေ့ (World Hepatitis Day)** ဖြစ်ပါတယ်။ အသည်းရောင်အသားဝါရောဂါ (Hepatitis) ဟာ ကမ္ဘာတစ်ဝှမ်းမှာ လူသန်းပေါင်းများစွာကို ထိခိုက်စေတဲ့ ရောဂါတစ်မျိုးဖြစ်ပြီး စောစီးစွာ ကာကွယ်ကုသမှုမရှိရင် အသည်းခြောက်ခြင်း၊ အသည်းကင်ဆာစတဲ့ ပြင်းထန်နောက်ဆက်တွဲဆိုးကျိုးတွေ ဖြစ်စေနိုင်ပါတယ်။

**အသည်းရောင်အသားဝါ အမျိုးအစားများ:**
- **အေ (A) နှင့် အီး (E)** – အစားအသောက်နဲ့ ရေမှတစ်ဆင့် ကူးစက်တတ်ပါတယ်။
- **ဘီ (B), စီ (C) နှင့် ဒီ (D)** – သွေး၊ ကိုယ်ခန္ဓာအရည်များနဲ့ လိင်မှတစ်ဆင့် ကူးစက်နိုင်ပါတယ်။

**ကာကွယ်နည်းများ:**
✔ **ဘီ (B) ကာကွယ်ဆေး** ထိုးနှံခြင်း
✔ သန့်ရှင်းတဲ့ ရေနဲ့ အစားအစာများ စားသုံးခြင်း
✔ ဆေးထိုးအပ်မျှဝေသုံးစွဲခြင်း ရှောင်ကြဉ်ခြင်း
✔ လိင်မှုကိစ္စတွင် အကာအကွယ်သုံးခြင်း

**"အသည်းရောင်အသားဝါရောဂါကို သတိထားပါ၊ စောစီးစွာ စစ်ဆေးကုသမှု ခံယူပါ!"**

27/07/2025

"ကျန်းမာရေးကောင်းမွန်ဖို့ နေ့စဉ်လိုအပ်တဲ့ ဗီတာမင်နဲ့ သတ္တုဓာတ်​တွေကို လုံလောက်စွာစားသုံးဖြစ်ရဲ့လား ????🤔

အားဆေးတွေဝယ်သောက်ရင်လည်း ဒီစာရင်းလေးကိုကြည့်ပြီး အလွန်အကျွံမဖြစ်ဖို့ သတိပြု
နိုင်ပါတယ်။

**🧡 Fat-Soluble Vitamins **
(ခန္ဓာကိုယ်တွင်းသိုလှောင်နိုင်သော ဗီတာမင်များ)

ဤဗီတာမင်များသည် ခန္ဓာကိုယ်ထဲတွင် ကြညရှည်စွာသိုလှောင်နိုင်သဖြင့် မလိုအပ်ပါက အများကြီး မသောက်သုံးသင့်ပါ။

* **Vitamin A** – 5000 IU
* **Vitamin D** – 400 IU
* **Vitamin E** – 30 IU
* **Vitamin K** – 3200 IU

**💛 Water-Soluble Vitamins (ရေဖြင့်ပျော်ဝင်သည့် ဗီတာမင်များ)**

* **Vitamin C** – 60 mg
* **Vitamin B Complex (B1, B2, B3, B5, B6, B7, B9, B12)**

* Thiamin (B1) – 1.5 mg
* Riboflavin (B2) – 1.7 mg
* Niacin (B3) – 20 mg
* Pantothenic Acid (B5) – 10 mg
* Pyridoxine (B6) – 2 mg
* Biotin (B7) – 30 μg
* Folate (B9) – 400 μg
* Vitamin B12 – 6 μg

**🌿 Minerals **

ခန္ဓာကိုယ်အင်အားသစ်များ တည်ဆောက်ရန် အဓိကလိုအပ်သောဓာတ်များဖြစ်သည်။

* **Potassium** – 3500 mg
* **Sodium** – 2400 mg
* **Chlorine** – 3400 mg
* **Calcium** – 1000 mg
* **Phosphorous** – 1000 mg
* **Magnesium** – 400 mg
* **Iron** – 18 mg
* **Zinc** – 15 mg
* **Copper** – 2 mg
* **Manganese** – 5 mg
* **Iodine** – 150 μg
* **Chromium** – 120 μg
* **Selenium** – 35 μg
* **Molybdenum** – 75 μg

---

# # # **💡 Smart Clinic အကြံပြုချက်များ**

1. **သဘာဝဟင်းသီးဟင်းရွက်များ၊ အသီးများ၊ ငါးနှင့် နို့ထွက်ပစ္စည်းများ** ဖြင့် ဗီတာမင်နှင့် သတ္တုဓာတ်များ ပါဝင်အောင်စားသုံးပါ။
2. **Supplement** သုံးစွဲချင်ပါက **မတိုင်မီ ကျန်းမာရေးအကြံဉာဏ်ယူပါ**။

𝖶𝗂𝗍𝗁 𝗅𝗈𝗏𝖾 🩵
𝓓𝓻 𝓞𝓴𝓴𝓪 𝓜𝓲𝓷𝓷
𝗪𝗲𝗹𝗹𝗻𝗲𝘀𝘀 𝗖𝗼𝗮𝗰𝗵 & 𝗖𝗼𝗻𝘀𝘂𝗹𝘁𝗮𝗻𝘁
𝗡𝘂𝘁𝗿𝗶𝘁𝗶𝗼𝗻 𝗦𝗽𝗲𝗰𝗶𝗮𝗹𝗶𝘀𝘁
𝗡𝗟𝗣 𝗣𝗿𝗮𝗰𝘁𝗶𝘁𝗶𝗼𝗻𝗲𝗿 (ABNLP USA)
PBCA Certified Coach
MBBS(YGN)
MSc Nutrition and Dietetics (UK)

18/02/2025

ကိုယ်ဝန်ဆောင်မိခင်များအတွက်

ငွေကြေးကုန်ကျစရာမလိုပဲ

ပူပင်သောကကင်းစွာဖြင့်

ကလေးမွေးဖွားပေးမည့်

နေ့သစ်ကျန်းမာဆေးခန်းများ၏

ဝန်ဆောင်မှု…

#နေ့သစ်ကျန်းမာ
#ကိုယ်ဝန်ဆောင်မိခင်


#စားရိတ်သက်သာဆေးကုပါ

https://www.facebook.com/share/p/12DZasYekc8/?mibextid=wwXIfr

ဗိုက်အပ်ဖို့အခက်အခဲရှိသူများအတွက် သတင်းကောင်း

အမျိုးသမီးတစ်ဦးကိုယ်ဝန်ရှိပြီဆိုတာနဲ့လုပ်ဆောင်ရမယ့် ကိုယ်ဝန်အပ်ခြင်းကို အခမဲ့ပြုလုပ်ပေးနေတဲ့အကြောင်းလေး သတင်းမျှဝေပေးချင်ပါတယ်။

ကျွန်မတို့ပတ်ဝန်းကျင်မှာတော့ 'ဗိုက်အပ်တယ်'လို့ခေါ်ကြပါတယ်။ ဆေးပညာအသုံးအရတော့ Antenatal Care (AN Care) လို့ခေါ်ပါတယ်။

AN Care ဆိုတာ ကိုယ်ဝန်ဆောင်ကာလမှာ မိခင်နဲ့သန္ဓေသားရဲ့ကျန်းမာရေးကို ဆေးပညာနဲ့စောင့်ရှောက်မှုပေးတာဖြစ်ပါတယ်။ ရည်ရွယ်ချက်ကတော့ ကလေးမွေးဖွားစဉ်မှာ မိခင်နဲ့ကလေးရဲ့ အကောင်းဆုံးအခြေအနေကိုရရှိဖို့ဖြစ်ပါတယ်။

ကိုယ်ဝန်မအပ်ထားဘဲ ကိုယ်ဝန်ဆောင်ကာလတစ်လျှောက် Folic Acid ကဲ့သို့သော ဆေးတွေမသောက်ထားရင်၊ အာဟာရ ချို့တဲ့နေရင်၊ လိုအပ်တဲ့ စစ်ဆေးမှုနဲ့လမ်းညွှန်မှုတွေကို မသိရင် မိခင်ရော မွေးဖွားလာမယ့်ကလေးမှာပါ ဆိုးကျိုးရှိတတ်ပါတယ်။ ဒါကြောင့် မိခင်လောင်းတိုင်းဟာ AN Care လိုအပ်ပါတယ်။

ဒါပေမယ့် အခုခေတ်မှာ ကြပ်တည်းမှုတွေ၊ စီးပွားရေးအခက်အခဲတွေကြောင့် ဗိုက်မအပ်နိုင်တဲ့ မိခင်လောင်းတွေရှိခဲ့ရင် ဒီသတင်းလေးပေးဖို့ မေတ္တာရပ်ခံပါတယ်။

💠ဘယ်သူတွေကကိုယ်ဝန်ဆောင်စောင့်ရှောက်မှုပေးနိုင်သလဲ?

▪️သားဖွားမီးယပ်အထူးကုဆရာဝန်များ
▪️ဆေးရုံများရဲ့အထွေထွေရောဂါကုဆရာဝန်များ
▪️ဒေသန္တရကျန်းမာရေးဌာန
▪️သားဖွားဆရာမများစသဖြင့် ဒေသအလိုက်ကျန်းမာရေးစောင့်ရှောက်မှုပေးတဲ့ဌာနတွေမှာ ကိုယ်ဝန်အပ်နိုင်ပါတယ်။

💠ဘယ်အချိန်မှာကိုယ်ဝန်စအပ်ရမလဲ

▪️ပထမဆုံးအနေနဲ့ ကိုယ်ဝန်ရှိတာကိုသိလျှင်သိချင်း စောနိုင်သမျှစောစော ကိုယ်ဝန်အပ်ရပါမယ်။
နောက်ပိုင်းမှာတော့ ကိုယ်ဝန် ၁၂ ပတ်မှာ ၁ကြိမ်၊ အပတ်ရေ ၂၀,၂၆,၃၀,၃၄,၃၆,၃၈,၄၀ တို့မှာတစ်ကြိမ်စီပြသသင့်ပါတယ်။
ယခင် guideline အရကတော့ ကိုယ်ဝန် ၂၈ပတ်အထိ ၄ပတ်လျှင်တစ်ကြိမ် ၊ကိုယ်ဝန်၂၈ပတ်မှ ၃၆ကြားမှာ ၂ပတ်လျှင်တစ်ကြိမ်၊ ကိုယ်ဝန်၃၆ပတ်နောက်ပိုင်းကနေ မမွေးခင်ထိ တစ်ပတ်တစ်ကြိမ် သွားရောက်ပြသရပါတယ်။ 📌ဒါကပျမ်းမျှဖြစ်ပြီးတော့ သားဖွားမီးယပ်ဆရာဝန်ရဲ့ ညွှန်ကြားမှုအောက်မှာ လိုအပ်သလိုပြောင်းလဲနိုင်ပါတယ်။
(WHO အရ ANCare ကို အနည်းဆုံး ၈ကြိမ်ပြသသင့်ပါတယ်)

💠ကိုယ်ဝန်ဆောင်စောင့်ရှောက်မှုခံယူတဲ့အခါ ဆရာဝန်/ဆရာမတွေက

▪️မိခင်လောင်းရဲ့ကိုယ်ရေးအကျဉ်းကိုမှတ်သားပါတယ်။
▪️ရာသီစက်ဝန်းရဲ့ရာဇဝင်ကိုမေးမြန်းပြီး ကိုယ်ဝန်ရဲ့ကာလကိုတွက်ချက်ပေးပါတယ်။
▪️အရင်ကဘာရောဂါအခံတွေရှိသလဲ?
▪️ကိုယ်ဝန်ဆောင်ဖူးသလား?
▪️သားဖွားမီးယပ်ဆိုင်ရာပြဿနာတွေရှိဖူးသလား...စသဖြင့်မေးမြန်းစစ်ဆေးပါတယ်။

💠ကိုယ်ဝန်ဆောင်စောင့်ရှောက်မှုခံယူတဲ့ကိုယ်ဝန်ဆောင်အမျိုးသမီးဟာ

▪️သွေးအုပ်စုစစ်ဆေးခြင်း
▪️ဆီးစစ်ခြင်း
​▪️ကူးစက်ရောဂါများရှိမရှိစစ်ဆေးခြင်း
▪️Ultrasound ရိုက်ခြင်း (လိုအပ်ပါက)
▪️မေးခိုင်ကာကွယ်ဆေးထိုးခြင်း
▪️Folic Acid ပုံမှန်သောက်ခြင်း

စတဲ့လိုအပ်တဲ့စစ်ဆေးမှုနဲ့ကုသမှုများ ခံယူရပါတယ်။

💠သတိထားရမယ့်ကိုယ်ဝန်ဆောင်အုပ်စုလည်းရှိပါသေးတယ်။

🔺သားဦးကိုယ်ဝန်ဆောင်များ
🔺အသက် ၃၅နှစ်အထက် သားဦးကိုယ်ဝန်ဆောင်များ
🔺ကလေး၅ဦးအထက်မွေးထားသူများ
🔺အမြွာကိုယ်ဝန်ဆောင်များ
🔺ကိုယ်ဝန်ဆောင်စဉ်သွေးတိုးရောဂါ၊ဆီးချိုရောဂါဝင်လာသူများ
🔺ကိုယ်ဝန်အစောပိုင်းကာလမှာသွေးဆင်းသူများ
🔺ကလေးအနေအထားမမှန်သူများ
🔺သွေးတိုး၊နှလုံးရောဂါနဲ့ဆီးချိုရောဂါအခံရှိသူများ
🔺ယခင်ကိုယ်ဝန်တုန်းက ကလေးမွေးခဲ့စဉ်မှာ လေစုပ်၊ညှပ်ဆွဲ၊ ခွဲမွေးခဲ့ရသူများ
🔺မွေးပြီးအချင်းကပ်ဖူးသူများ
🔺အရပ်၅ပေအောက်ရှိသူကိုယ်ဝန်ဆောင်များ
🔺အဝလွန်သူများ
🔺သားဖွားမီးယပ်ဆိုင်ရာရောဂါအခံရှိသူများဟာ
ကလေးမွေးဖွားတဲ့အခါ ဆေးရုံမှာသာမွေးဖွားသင့်ပါတယ်။ High Risk Pregnancy လို့ယူဆရလို့ဖြစ်ပါတယ်။

💠AN Care ယူခြင်းရဲ့ကောင်းကျိုးများ

AN careဟာ မိခင်ရော ကလေးရော ၂ဦးလုံးအတွက် ကောင်းကျိုးရပါတယ်။

🔺ကိုယ်ဝန်မအပ်ထားခဲ့ရင် မွေးဖွားခါနီးမှ အရေးပေါ်အခြေအနေတစ်ခုခုဖြစ်တဲ့အခါ အချိန်မီကုသဖို့ခက်ခဲပါတယ်။

🔺သွေးသွန်ပြီးရောက်လာတဲ့အခါ သွေးသွင်းရမယ်ဆိုမှ သွေးအုပ်စုမသိတာမျိုး

🔺ကလေးအနေအထားမမှန်တာကိုမသိဘဲ အိမ်မှာမွေးမိတဲ့အခါ မွေးဖွားစဉ်ကလေးကမထွက်နိုင်ဘဲ မွန်းကုန်တာမျိုး

🔺ကိုယ်ဝန်ဆောင်စဉ်မှာသွေးတိုးဝင်လာတာကိုမသိတဲ့အတွက် ကိုယ်ဝန်ဆိပ်တက်တဲ့အထိဖြစ်ပြီး အချိန်မီကုသမှုမခံယူနိုင်တော့ဘဲ မိခင်ရော၊ကလေးပါ အသက်ဆုံးရှုံးတာမျိုး

🔺ကိုယ်ဝန်ဆောင်စဉ်မှာ သောက်ရမယ့် Folic acid ချို့တဲ့တဲ့အတွက် ကိုယ်အင်္ဂါမစုံလင်တဲ့ကလေးမွေးတာမျိုးတွေ မဖြစ်အောင် AN Care ယူခြင်းကကာကွယ်ပေးနိုင်ပါတယ်။

ဒါကြောင့် ကျွန်မတို့အမျိုးသမီးတိုင်းဟာ ကိုယ်ဝန်ရှိပြီဆိုတာသိတာနဲ့ မိခင်ရောကလေးအတွက်ပါ အရေးကြီးလှတဲ့ ကိုယ်ဝန်ဆောင်စောင့်ရှောက်မှုခံယူခြင်းကို မဖြစ်မနေပြုလုပ်ရမှာပါ။ ပတ်ဝန်းကျင်မှာလည်း ကိုယ်ဝန်မအပ်ရသေးတဲ့ မိခင်လောင်းတွေရှိရင် ကိုယ်ဝန်အပ်ဖို့တိုက်တွန်းပေးကြရပါမယ်။

ယခု အောက်ဖော်ပြပါ ဆေးခန်း ၃ခုမှာ ကိုယ်ဝန်အပ်ဖို့ အခက်အခဲရှိနေတဲ့ ဘယ်မိခင်လောင်းမဆို ကိုယ်ဝန်ဆောင်စောင့်ရှောက်မှုရယူနိုင်ပါတယ်။ ယခုနှစ် ဇန်နဝါရီလကနေ ဇွန်လအထိ ကိုယ်ဝန်ဆောင်စောင့်ရှောက်မှု အခမဲ့အစီအစဉ်ပြုလုပ်ပေးနေပါတယ်။ ဇွန်လနောက်ပိုင်းမှာလည်း ဆက်လက်ပြီးပြုလုပ်ပေးဦးမယ်လို့သိရပါတယ်။

▪️ကိုယ်ဝန်ဆောင်စောင့်ရှောက်မှုအခမဲ့
▪️မိခင်လောင်းအတွက်လိုအပ်သောအခြေခံဆေးဝါးအခမဲ့
▪️အခြေခံသွေးစစ်ဆေးခြင်းအခမဲ့
▪️ကျန်းမာရေးအရလိုအပ်ပါက သားဖွားမီးယပ်အထူးကုဆရာဝန်ကြည့်ပေးခြင်း အခမဲ့စတဲ့အရာတွေပြုလုပ်ပေးနေတာမို့ မိမိပတ်ဝန်းကျင်မှာ ဗိုက်အပ်ဖို့အခက်အခဲရှိနေတဲ့ မိခင်လောင်းတွေရှိရင် အောက်ဖော်ပြပါ ဆေးခန်းတွေကိုသွားရောက်နိုင်ကြောင်း သိစေလိုပါတယ်ရှင်။

မိခင်နှင့်ရင်သွေးများကျန်းမာစွာမွေးဖွားနိုင်ဖို့အတွက် ယခုအစီအစဉ်လေးရဲ့ သတင်းလေးကို ပြန်လည်မျှဝေပေးလိုက်ပါတယ်။

🔷ဆေးခန်းလိပ်စာများ

🏥 နေ့သစ်ကျန်းမာဆေးခန်းနှင့်ဆေးဆိုင် (၁)
________________________________________
အမှတ်-၉၆(ခ)၊ ငွေဇင်ယော်လမ်း၊ ၈၈ ရပ်ကွက်၊ ဒဂုံဆိပ်ကမ်းမြို့နယ်။
📞 09 771 876 343

🏥 နေ့သစ်ကျန်းမာဆေးခန်းနှင့်ဆေးဆိုင် (၂)
________________________________________
အမှတ်-၆၆၁၊ အင်းဝ ၁၉ လမ်း(က)၊ ၆ ရပ်ကွက်၊ တောင်ဥက္ကလာပမြို့နယ်။
📞 09 771 876 404

🏥 နေ့သစ်ကျန်းမာဆေးခန်းနှင့်ဆေးဆိုင် (၃)
________________________________________
အမှတ်-၄၄၆၊ မင်းခေါင်လမ်း၊ ၇၀ ရပ်ကွက်၊ တောင်ဒဂုံမြို့နယ်။
📞 09 792 226 984

⚠️အပါတ်စဉ် စနေနေ့တိုင်း ဆေးခန်းများပိတ်ပါသည်။

22/12/2024

မြောက်ဒဂုံမြို့နယ်တွင် သူနာပြုအကူသင်တန်းကျောင်း၊ ဆေးဆိုင် ဆေးခန်း လုပ်ငန်း တိုး ချဲ့လိုသူများအားဖိတ်ခေါ်ခြင်း။

အထက်ပါ လုပ်ငန်း ၂ ခုနှင့်ပတ်သတ်၍

သင့်တော်သောနေရာ၊ လိုအပ်သောလုပ်ငန်းအရင်းအမြစ်၊ ကျွမ်းကျင်သောစီမံခန့်ခွဲမှု နှင့် ထိရောက်မှုရှိသော
လုပ်ငန်းပိုင်းဆိုင်ရာ အဆက်အသွယ်များရှိထားပြီးဖြစ်သည်။

လတ်ရှိအခြေအနေတွင်အထက်ဖော်ပြပါလုပ်ငန်းလုပ်ကိုင်လိုသူများ (သို့) တိုးချဲ့လိုသူများ
အနေဖြင့်အကျိုးတူပူးပေါင်းလိုပါက ကျွန်တော်ရဲ့
Viber ဖုန်းနံပတ် 095242933 အားဆက်သွယ်နိုင်ပါသည်။

မှတ်ချက်
စီးပွါးရေးလုပ်ကိုင်လိုသူများသာ

12/10/2024

https://youtu.be/ZefYcsJmmSA?si=ZQ81Vl5cfB_GG_9_

အဝလွန်ခြင်းဆိုတာတကယ်တော့ အလွန်ကျယ်ပြန့်ပြီးရှုပ်ထွေးလှတဲ့ဖြစ်စဥ်တစ်ခုဖြစ်တယ်။ သူရဲ့ နောက်ဆက်တွဲပြဿနာတွ...

05/07/2024

https://youtu.be/fHrYLxOmqtQ?si=3D0tZBj-5z5FJHNz

ရောဂါဆိုတာဘာလဲ…၁။လူတွေဘာကြောင့်ရောဂါတွေဖြစ်ရလဲ ၂။ ဘယ်လိုကျန်းမာအောင်နေမလဲ ....