05/05/2022
ဇော ခုနစ်ချက် အကျိုးကြီးမားပုံ
=======================
တစ်နေ့မှာ တစ်နာရီလေးပဲ တရားအားထုတ်ပါ။
ဝိပဿနာ တရား ကို အားမထုတ်ဖူးသေးသော
သူများ အတွက် အထူးသိစေချင်လွန်းလို့ရေး
လိုက်ရတာဖြစ်ပါသည်။
တစ်ကယ်ချမ်းသာခြင်သလားမေးရင် အားလုံးကဖြေကြမှာပါ ဘယ်နဲ့ပြောပါလိမ့် ချမ်းသာခြင်တာပေါ့လို့ပြောကြမှာပါ။
ဟုတ်ပြီ တစ်ကယ်ချမ်းသာခြင်ကြသူများ
ဝိပဿနာ တရားကို အားထုတ်ပါ။
တရားပဲအားထုတ်ပါ။
အာရုံပြုစိတ်သည် ဇောခုနစ်ချက် ဖြစ်ရပါသည်။
အကုသိုလ်ပြုလဲပဲ ဇောက ခုနစ်ကြိမ် ခံစားပါတယ်။
ကုသိုလ်ပြုလဲ ဇောက ခုနစ်ကြိမ် ခံစားပါတယ်။
တရား ရှုသူလဲ ဇောဟာ ခုနစ်ကြိမ် ခံစားပါတယ်။
ဒီတော့ အကုသိုလ်ဇောတော့ အားလုံး
အထိုက်လျောက်သိနေကြပါမယ်။
ဝိပဿနာ ဇောခုနစ်ချက် ဖြစ်တဲ့ အကျိုးကို
ရှင်းပြပါမယ်။
ဇော ဆိုတာ မြန်မာလိုပြောရင် အာရုံကိုစွဲယူ
ခံစားသည့်အားကြီးသော အရှိန်အဟုန်ပါ။
အဲဒီဇော ခုနစ်ချက်ထဲက ပထမ ဖြစ်သောဇောသည်
ခုနစ်ရက်အတွင်းအကျိုးပေးရင်ပေးမယ်။
ခုနစ်ရက်အတွင်းအကျိုးမပေးသေရင် ခုနစ်လအတွင်းမှာအကျိုးပေးမယ်။
ခုနစ်လမပေးသေးရင် ခုနစ်နစ်အတွင်းအကျိုးကို
ပေးမယ်တဲ့ ဒါဖြင့် ဒီပထမဇောက ယခုဘဝမှာ
အကျိုးပေးမှာ ဘယ်လိုများအကျိုးပေးမလဲမေးစရာရှိတယ်။
တရားအားထုတ်တော့ စိတ်ထားတွေနူးညံ့သိမ်မွေ့
လာတယ်။
အကုသိုလ်တွေနည်းပါးပြီး သောကတွေကင်း
လာတယ်။
စိတ်ထားတွေ ဖြူစင်လာတယ် မတရားမှုတွေ
ပါးလာတယ်။
အဲဒါကြောင့် ချက်ခြင်းပဲ စိတ်အေးချမ်းလာသလို
မကောင်းမှုတွေ မပြုကျင့်လို့ မိမိစီးပွားဟာ
မဆုပ်ယုတ်တော့ဘူး သမာအာဇီဝဖြစ်လာလို့
စီးပွားဟာတိုးတက်လာစေတယ်။
မကောင်းမှုတွေရှောင်လာလို့ မိမိပတ်ဝန်းကျင်
ကပါ ကြည်ညိုရိုသေလေးစားလာမယ်။
ပတ်ဝန်းကျင်ကပါ သူတော်ကောင်းအရိပ်ကို
ခိုလှုံရလာတာ ဒါပထမဇော လက်ငင်းခံစားရသည့်ကောင်းကျိုးပါပဲ။
နောက်ဆုံးဖြစ်တဲ့ သတ္တမမြောက် ဇောက
ဒုတိယဘဝက စပြီးအကျိုးကိုပေးမယ်။
မစွန့်မအ မကျိုး မကန်း မနူ မဝဲ အမျိုးမြတ်မှာ
သာဖြစ်ရမယ်။ ဒါ သတ္တမမြောက် ဇောအကျိုး
အဲတော့ အားလုံးဟာ ဒီဘဝကသေရင် ဒုတိယ
ဘဝဆိုတာလာမှာပဲ ရကြမှာ အဲတော့ ဝိပဿနာ
အားထုတ်ထားသူမှာဒုတိယဘဝ ဒီအကျိုးထူးတွေ
ရရှိမယ်။
ဒုတိယ တတိယ စတုတ္တ ပဉ္စမ ဆဋ္ဌမ ဒီအလယ်ဇောငါးချက်ကတော့
တတိယဘဝကနေ နိဗ္ဗာန်အထိ အကျိုးပေးမည်
ဆိုတော့
တရားလေမှ အားမထုတ်ဖြစ်ဖူးဆိုရင် နောက်ဘဝ ဘာမှစိတ်မချရဘူး။
ဒါကြောင့် တရားကို အားထုတ်ဖြစ်အောင်
အားထုတ်ကြပါ။
အလုပ်မအားတာ အကြောင်းပြပြီး
မလုပ်အားတာနဲ့
အိုသွား နာသွား သေသွားမည်ဆိုရင်ဖြင့်
ဘုရားပွင့်တော်မူတာ ကိုယ်နှင့်လားလားမှ
မဆိုင်ဖြစ်တော့မယ်။
သေမင်းကတော့ မအားလဲ မထားဘူးနော်
မအားတဲ့ ကြားက ကို သေနေတာပဲ။
ဒါကြောင့် ယခုလဲချမ်းသာ နောင်လဲချမ်းသာ
ချင်သူများကြိုးစားပြီး မအားသည့်ကြားက
တရားအားထုတ်ကြပါ။
ငါတို့ဖြစ်ရ ဤလောက ခဏအသက်ရှည်
မည်သူကြိုက်ကြိုက် မကြိုက်ကြိက်
ဘုရားအကြိုက်နေ
ဘုရားကြိုက်မှ လူဘဝ မုချအရတော်ပေ
နေကောင်း သေကောင်း နောင်လဲကောင်း
အကောင်းဆင့်ကာဝေ။
ဘုရားရှင်လေးသင်္ချေ ကမ္ဘာတစ်သိန်း
ပါရမီဖြည့်ကျင့်တော်မူခဲ့ခြင်းသည်
သစ္စာလေးပါးကို သိဖို့အတွက်သာ
ဖြစ်ပါသည်။
*သစ္စာလေးပါးကို သိအောင် အားထုတ်ပါ။
Credit
ပြန်လည်မျှဝေပူဇော်ပါသည်…Tin Aung Win{တင်အောင်ဝင်း}
🙏🙏🙏
