Physiotherapy Home Services

18/10/2025

Physiotherapy Treatment အတွက်.. Home Serviceလည်း ရသလို.. MOMENTUM Physiotherapy & Movement Studio ကို လာလို့လည်း ရပါတယ်။

095024827

📣 MOMENTUM ဆိုတာဘာလဲ?

MOMENTUM ဆိုတာက လှုပ်ရှားမှု၊ အင်အားနဲ့ တိုးတက်မှု ကို ဆိုလိုပါတယ်။

ဘဝတစ်လျှောက်မှာ ခန္ဓာကိုယ်နာကျင်မှုတွေကြောင့် movement ရပ်တန့်သွားရတာရှိနိုင်ပါတယ်။

MOMENTUM Physiotherapy & Movement Studio မှာတော့ " Pain Free, Move Well" ဆောင်ပုဒ်နှင့် အညီ
သင့်ခန္ဓာကိုယ်ကို နာကျင်မှုကင်းစွာ ပြန်လည်လှုပ်ရှားဖို့အတွက် အရှိန်အဟုန်အသစ်တစ်ခု ပေးနေပါတယ်။

---

🩺 ခေတ်မှီနည်းပညာနဲ့ ကုသခြင်း

MOMENTUM မှာ ကျွန်တော်တို့အသုံးပြုနေတဲ့ BTL Physiotherapy Machines တွေ အကူအညီနဲ့
နာကျင်နေတဲ့ အရိုးအဆစ်၊ ကြွက်သားတွေကို သက်သာစေပါတယ်။

💪 လေ့ကျင့်ခန်းသင်ကြားမှု (Movement Re-Education)

နာကျင်မှုသက်သာသွားတာနဲ့ မပြီးသေးပါ။
MOMENTUM မှာ physiotherapists တွေက သက်ဆိုင်ရာ လေ့ကျင့်ခန်းတွေကို
မိမိခန္ဓာကိုယ်အပေါ်အခြေခံပြီး တိကျသေချာစွာ သင်ကြားပေးပါတယ်။

> 🧘 Posture ပြင်ဆင်ခြင်း
🏋️ Strength & Stability လေ့ကျင့်ခန်းများ
🚶 Functional movement training
🔄 Balance & coordination practice

ဒါကြောင့် နာကျင်မှုမရှိတော့တာနဲ့အတူ
သင့်ခန္ဓာကိုယ်က ပြန်လည်သန်မာလာပြီး အနာတရ မဖြစ်အောင်ကာကွယ်နိုင်ပါတယ်။

---

❤️ MOMENTUM ရဲ့အဓိက ယုံကြည်ချက်

> “သက်သာမှုဟာ လှုပ်ရှားမှုနဲ့ စတင်တယ်။
လှုပ်ရှားမှုက သန်မာမှုဖြစ်တယ်။
သန်မာမှုက ကိုယ်အပေါ်ယုံကြည်မှု ပြန်ပေးတယ်။”

MOMENTUM ဟာ Physiotherapy Clinic တစ်ခုပဲမဟုတ်ပါ။ သက်သာမှုနဲ့ လှုပ်ရှားမှု ပြန်လည်တွေ့ဖို့ အရှိန်အဟုန် (Momentum) ပေးတဲ့နေရာပါ။

---

✨ သင့်အတွက် မျှော်မှန်းချက်

နာကျင်မှုသက်သာချင်သူများ

Surgery နောက် ပြန်လည်သန်မာချင်သူများ

လေဖြတ်ပြီး ပြန်လည်သန်စွမ်းလိုသူများ

Posture ပြဿနာ / Office syndrome နဲ့ကြုံနေရသူများ

အသက်ကြီးပေမယ့် ပေါ့ပါးသွက်လက်လိုသူများ

အားလုံးအတွက် MOMENTUM က တစ်နေရာထဲမှာ
နည်းပညာ၊ လေ့ကျင့်မှုနဲ့ ဗဟုသုတကို ပေါင်းစပ်ပေးတဲ့ Holistic Physiotherapy Studio ဖြစ်ပါတယ်။

---

📍 လိပ်စာ: No. (6/8-မြေညီ) ဗျိုင်းရေအိုးစင်လမ်း၊ တာမွေ၊ ရန်ကုန်
📞 Appointment ရယူရန်: 095024827
✨ Momentum Physiotherapy & Movement Studio

06/10/2025

မင်္ဂလာရှိသော သီတင်းကျွတ် အခါသမယမှာ ရောဂါကင်းဝေး.. စိတ်ချမ်းသာ.. ကိုယ်ကျန်းမာသော ဘဝကို ပိုင်ဆိုင်ရပါစေလို့ Physiotherapy Home Services မိသားစုမှ ဆုတောင်းမေတ္တာပို့အပ်ပါသည်။

#သီတင်းကျွတ်လပြည့်နေ့
#အဘိဓမ္မာအခါတော်နေ့

23/09/2025

Physiotherapy Treatment တွေအတွက်ဆို.. ဆေးခန်းလာမလား ? Home Visits လား ?

စိတ်ကြိုက်ရွေးချယ်လို့ရပါပြီ 🥰

08/09/2025

Sep 8 မှာ ကျရောက်တဲ့ World Physiotherapy Day ကို ဂုဏ်ပြုသောအားဖြင့် ဘိုးဘိုး ဘွားဘွားတို့ လုပ်သင့်သော လွယ်လွယ်ကူကူ လေ့ကျင့်ခန်းများကို အသက် ၉၁နှစ် အရွယ် ဘွားဘွားမှ မော်ဒယ်လုပ်၍ တင်ဆက်ပြသထားပါသည် 💖💖💖တက်ကြွပျော်ရွှင်သော သက်ကြီးဘဝကို ပိုင်ဆိုင်ဖို့ လေ့ကျင့်ခနိးလုပ်ကြပ

21/08/2025

Cervical Spondylosis ကို ရန်ကုန်မြို့ရဲ့ နာမည်ကြီး M.B.B.S ဘွဲ့ရ တရုတ်ဆေးခန်းမှာ အုန်းလွဲလို့ဆိုပြီး ဇက်ချိုးပေးလိုက်တာ

* Large Right paracentral PID at C6-7 causing severe right C7 nerve root compression * ရသွားတာ..

နောက်ထပ် 3 ရက်လောက် နောက်ကျမှ ရောက်သွားရင်တောင် အသက်အန္တရာယ်ရှိတဲ့အထိဖြစ်သွားတဲာ..

ကိုယ်နဲ့ ခင်မင်ပြီး လွန်ခဲ့တဲ့ ၄နှစ်ခွဲက CS ကို Physio ဝင်ပေးခဲ့ဖူးတယ်။ အခုတခေါက်လည်း Severe Pain ကြောင့် MRI ရိုက်လို့ မရခင် နာမည်ကြီးဆေးရုံမှာ Manual Cervical Traction ဆွဲတာ.. အဲ့ဆေးရုံက Physio နဲ့ အဆင်မပြေလို့.. ကိုယ်သွားလုပ်ပေးခဲ့ရတဲ့လူနာပါ။

🫥🫥🫥🫥🫥

အဲ့နာမည်ကြီးတရုတ်ဆေးခန်းကပဲ.. ပြီးခဲ့တဲ့လက ကိုယ့်လူနာတယောက်ကို.. ဒူးနာတာကို ဓာတ်မှန်မရိုက်၊ ဆေးမစစ်ပဲ.. စတီးရွိုက်ထိုးပေးလို့ အံ့ဩရသေး ..

🫥🫥🫥🫥🫥

ကိုယ့်အသိတယောက် ခြေခေါက်လဲတုန်းကလည်း.. ခြေကျင်းဝတ်ကို.. သူတို့ အရိုးပြန်တည့်ပေးလိုက်တာ.. အရိုးနဲနဲ အက်သွားသေးတယ်။

🫥🫥🫥🫥🫥

ကိုယ်လူနာ သူဌေးတော်တော်များများ.. Physio လည်းလုပ်.. အဲ့ဆေးခန်းလည်းပြ.. အရမ်းကိုမှ နာမည်ကြီးတာ.. ကောင်းတဲ့သူတွေလည်း ကောင်းသွားကြသလို.. ခုလို ကံဆိုးသွားသူတွေလည်း ရှိတာပေါ့လေ

🫥🫥🫥🫥🫥

16/06/2025

18.6.2025(ဗုဒ္ဓဟူးနေ့) အတွက် ကြည့်မြင်တိုင်မှ ဘိုကင်ယူထားတဲ့လူနာ ဖုန်းနံပါတ်ပျက်သွားလို့.. ပြန်ဆက်သွယ်ပေးပါရှင့်။

ကျေးဇူးပါ။

30/04/2025

Myanmar National Airline (MNA) ရဲ့ Inflight Magazine … Wellness Corner မှာ ထည့်သွင်းဖော်ပြထားတဲ့ MOMENTUM Physiotherapy & Movement Studio ရဲ့ “Scoliosis & Physiotherapy “ ဆောင်းပါးလေးဖြစ်ပါတယ်။

💕MOMENTUM Physiotherapy & Movement Studio သည် Physiotherapy Home Services ၏ ပဲ့ကိုင်ရှင် Physiotherapist Pyone Ei ၏ ဆေးခန်းဖြစ်ပါသည် 💕 ကြော်ငြာတာ 😅

28/04/2025

ငလျင်နောက်ဆက်တွဲ ဒဏ်ရာများအတွက် လေ့ကျင့်ခန်း ဗဟုသုတများ

Be Strong
FIGHTING

ငလျင်ဒဏ်ရာတွေကနေ ပြန်နာလန်ထူဖို့ လွယ်ကူတဲ့ Physio နည်းလမ်းများ"**

ငလျင်ကြီးလှုပ်ပြီးနောက်ပိုင်း ခြေလက်တွေ၊ ခါးတွေ နာကျင်ကိုက်ခဲနေတာ၊ လှုပ်ရှားရခက်နေတာ ကြုံနေရလား?

ဒီဆောင်းပါးလေးမှာ အိမ်မှာ သက်သာအောင် လုပ်လို့ရတဲ့ **Physiotherapy နည်းလမ်းတွေ** ကို ရှင်းပြပေးမယ်နော်!

**🫨ပေါင်၊ ခြေသလုံး၊ လက်မောင်း ကျိုးထား၍ကျောက်ပတ်တီးစီးထားသူများ၊ခွဲစိတ်၍စတီးရိုးထည့်ထားသူများအတွက်

✔ ရေခဲကပ်ပါ

✔ **အိပ်ရာထဲမှာတင်လုပ်နိုင်‌ေသာလေ့ကျင့်ခန်းများ
: (လေကျင့်ခန်းတစ်ခုခြင်းကို အနည်းဆုံး၁၀ကြိမ်နဲ့ တစ်နေ့ကိုအနည်ဆုံး၂ကြိမ်လုပ်ဆောင်ပေးပါ)

1. တင်ပါးကြွက်သားကိုကျုံ့ထားပြီး5 secထိန်းထားပါ

2. ဒူးခါင်းကို ကုတင်ကိုဖိချ၍ ခြေချင်းဝတ်‌ကော့ပြီး 5secထိန်းထားပါ

3. ခြေချင်းဝတ်ကို နာရီလက်တံအတိုင်း၁၀ကြိမ်၊နာရီလက်တံပြောင်းပြန်အတိုင်း၁၀ကြိမ်လှည့်ပေးပါ

4. ကုတင်ကို ခါးနဲ့ ဖိချပြီး 5sec ထိန်းထား ပြီးပြန်‌ေလျှာ့ပါ

5. ဒူးကွေးပါ။ ခြေထောက်ကို တင်ပါးဆီသို့ဆွဲလာပြီးမူလနေရာကိုပြန်သွားပါ

6. ခြေခြင်းဝတ်ကိုကော့ပြီး‌ခြထာက်ကို ဆန့်ထားပြီးပေါင်ကို မြှောက်နိုင်သည်အထိမြှောက်ပါ။

7. ခြေထောက်တချောင်းစီဘေးကားပါ။

(ကျိုးထားလို့ ခွဲထားတဲ့ဘက်ကို ဘေးလူအကူအညီဖြင့် လေ့ကျင့်ခန်းလုပ်ပါ)

အထက်ပါလေ့ကျင့်ခန်းများက သွေးလည်ပတ်မှု‌ေကာင်းမွန် စေပြီး အနာကျက်မှုကိုမြန်ဆန် စေသလို ကြွက်သားအားနည်းခြင်း(Muscle wasting) ကိုကာကွယ်‌ေပးပါတယ်

‼️အရိုးကျိုးရင် မလှုပ်ရှားပဲနေရမယ်ဆိုတာအယူအဆအမှားပါနော်။ ဖြစ်နေတဲ့နေရာကိုသာ ချန်ပြီး ကျန်နေတဲ့လှုပ်ရှားလို့ ရသမျှ နေရာတွအကုန်လုံးက လှုပ်ရှားပေးရပါမယ်။မလှုပ်ရှားပဲနေရင်တော့ နောက်ဆက်တွဲ အနေနဲ့ ကြွက်သားအားနည်းခြင်းတွေ၊သွေးလည်ပတ်မှုအားနည်းခြင်းတွေ၊အရိုးအဆစ်တွေတောင့်တင်းခြင်းတွေ၊‌ေသွး‌ေကြာအတွင်းသွေးခဲခြင်း(DVT) စတဲ့ နောက်ဆက်တွဲပြဿနာတွဖြစ်ပွားနိုင်ပါတယ်‼️

---

# # # **🫨ခါးနာသူများ အတွက်**

✓ရေနွေးအိပ်ကပ်ပေးပါ(မိနစ်၂၀အထိကပ်နိုင်ပါသည်)

✔အိိမ်မှာပြုလုပ်နိုင်တဲ့လေ့ကျင့်ခန်းတွေကတော့

1. ပက်လက်လှန်အနေအထားနဲ့ ဒူးနှစ်ဖက်ကို ကွေးပြီး ခြေဖဝါးတွေကို ကြမ်းပြင်မှာ ချထားပါ။ တဖက်ခြေထောက်ကို ဖြေးဖြေးချင်း မြှောက်ပြီး ဒူးကို ရင်ဘတ်နားကပ်အောင် ကွေးပါ။ 5-10sec ထိန်းထားပြီး။ဖြေးဖြေးချင်း ပြန်ချပါ။

2. ပက်လက်လှန်လှဲပြီး ဒူးနှစ်ဖက်ကွေး၊ ခြေဖဝါးများ ကြမ်းပြင်မှာ ပြားပြားချထားပါ။ ခါးကို ကြမ်းပြင်နဲ့ ဖိထားပြီး 5sec ကြာ တင်းထားပါ။ ပြီးရင် ဖြေလျော့ပါ။ ၅-၁၀ ကြိမ်လုပ်ပေးပါ။

3. ပက်လက်လှန်လှဲပြီး ဒူးနှစ်ဖက်ကို ကွေးကာ ညာနဲ့ဘယ်ကိုတစ်ဖက်စီစောင်းပေးပါ

✔ **ခါးကိုက်လျှင်** : ခြေထောက်နှစ်ဖက်ကြား ခေါင်းအုံးညှပ်အိပ်ပါ
ခုတင်ပေါ်တွင် ဘေး တစောင်းလှည့်ချင်တဲ့အခါမှာလဲ ‌‌‌‌‌‌‌‌‌‌‌‌‌‌ဒူးထောင်၍ ဒူးခါင်းနှစ်ခုကြား‌ေခါင်းအုံးညှပ်၍ လှည့်ပေးပါ။

🫨 Stressများလို့အသက်ရှူရခက်ခဲတာ‌ေတွ၊ငလျင်အတွင်းဖုန်နှင့်သဲများအသက်ရှူလမ်းကြောင်းအတွင်းဝင်ရောက်တဲ့အတွက် အလျင်လို့ အသက်ရှူလို့သိပ်မ‌ေကာင်းတဲ့သူတွေအတွက် သက်သာစေဖို့ လုပ်လို့ရတဲ့** အသက်ရှူ‌ေလ့ကျင့်ခန်း ကတော့

-ထိုင်ခံု (ဒါမှမဟုတ်)ကုတင်‌ေပါ်မှာ ထိုင်လျက်အနေထားနဲ့ ခန္ဓာကိုယ်ကိုရှေ့သို့အနည်းငယ်ကိုင်းပါ

-လက်ကိုသက်တောင့်သက်သာအ‌ေနအထားထားပြီး အသက်ကို 2sec‌ေလာက်အထိပြင်းပြင်းရှူရှူသွင်းပါ

-ရှူထုတ်တဲ့အခါ ပါးစပ်ကို‌ေလချွန်သလိုဟရုံဟ၍ဖြေးဖြေးခြင်းရှူထုတ်ပါ

ဒီလို အသက်ရှူသွင်းရှူထုတ် cycle‌ေလးကို အသက်ရှူရတာအဆင်ပြေလာတဲ့အထိ ဆက်တိုက် လုပ်‌ေဆာင်ပေးပါ

⚠ ဒီလိုအခြေအနေဆို ဆရာဝန်ပြပါ!**
❌ ညဘက်နာကျင်မှု အရမ်းဆိုးလာလျှင်
❌ ထုံကျင်ပြီး အားမရှိသလိုခံစားလာရလျှင်
❌ ၃ ရက်ကျော်သည်အထိ မသက်သာလျှင်

**"ငလျင်ဒဏ်ရာက သင့်ဘဝကို ရပ်တန့်မသွားပါစေနဲ့"**
ဒီနည်းလမ်းလေးတွေနဲ့ တဖြည်းဖြည်း ပြန်လည်သန်စွမ်းလာပါစေနော်။

17/04/2025

💕 မြန်မာနှစ်သစ်ဆုတောင်း 💕

မြန်မာသက္ကရာဇ် ၁၃၈၇ ခုနှစ်

နှစ်သစ်မှစ၍

မိမိတို့၏ ကိုယ်စီကိုယ်စီ

ဘဝရည်မှန်းချက် ပန်းတိုင်များသို့

ကျန်းမာသန်စွမ်းသော ကိုယ်

အေးချမ်းတည်ငြိမ်သော စိတ် ဖြင့်

စဥ်ဆက်မပြတ်

လျောက်လှမ်းနိုင်ပါစေလို့

Physiotherapy Home Services မိသားစုမှ
ဆုမွန်ကောင်းတောင်းလိုက်ပါ၏......

03/04/2025

Rehabilitation in Earthquake

28.3.2025 😢

ငလျင်ကြောင့် ဘဝပေါင်းများစွာ ပျက်စီးရတယ်။ မိသားစုလိုက် သေကွဲ၊ ရှင်ကွဲ ကွဲကြရတယ်။

သေတဲ့သူတွေသေပြီး ရှင်တဲ့သူတွေလည်း ဒဏ်ရာပေါင်းများစွာမှာ ဘဝတွေကို ရုန်းကန်ရဦးမယ်။

😢😢😢😢😢

အသက်ရှင်တယ်ဆိုပြီး ပွေ့ချီ မချီသွားတဲ့ Video တွေ တွေ့ရင်.. တချို့တွေက ခေါင်းဒဏ်ရာ၊ တချို့တွေက ခြေထောက်တွဲလောင်း ပျော့ခွေ (maybe SCI or Nerve injury)၊ တချို့တွေက တင်ပါး၊ပခုံးရွဲ့စောင်း (maybe fracture) ၊ ခြေဖြတ်ရ လက်ဖြတ်ရနဲ့.. လူ့ဘဝရဲ့ ကျန်ရှိချိန်မှာ အသက်မသေသော်လည်း ဘဝမှာနာကျင်မှုတွေနဲ့ ဖြတ်သန်းရမှာကို စိတ်မကောင်းဖြစ်မိတယ်။

😢😢😢😢😢

Health Care Professional ဖြစ်တဲ့ Physiotherapist တွေလည်း ငလျင်ကြောင့် ဒဏ်ရရာသူတွေကို *Active Lifestyle* ပြန်ရအောင် အတူလက်တွဲကူကြရအောင်.. 💕

⛲️⛲️⛲️⛲️⛲️

World Physiotherapy နဲ့ Myanmar Physiotherapy Association မှ သင်တန်းပေးပို့ချပေးတဲ့ Clinical Webinar Programs ကို မြန်မာပြည်မှ Physiotherapistsများ တက်ရောက်ကြပါ။

နေ့ရက်၊ သင်ခန်းစာနှင့် အချိန်၊ link ကို ပထမပုံတွင်ကြည့်ပါ။

ပုံများသည် ယနေ့ 3.4.25 သင်တန်းမှ မှတ်တမ်းများဖြစ်ပါသည်။

01/01/2025

Happy New Year 2025 🩷🩷🩷

Admin Physiotherapist တရားစခန်းဝင်နေလို့ စာ ၂ပတ် မပြန်ဖြစ်တာပါ။

နှစ်သစ်မှစ Home Visits များ ပြန်စနေပါပြီ

27/05/2024

Vacancy for Physiotherapists

တာမွေမှာရှိတဲ့ Rehabilitation Clinic တစ်ခုအတွက်
Physiotherapist - 2 posts
Full time or Part time
Salary - negotiable

CV တင်ချင်တယ်ဆို 095024827 ကို ဆက်သွယ်ပေးပါ