Shwe La Min Hospital ေရႊလမင္းေဆးရံု

20/09/2025

ဘုရင်မကြီး ရှင်စောပု ကိုးကွယ်ခဲ့သော “အောင်သိဒ္ဓိစင်္ကြာရှင်၊အောင်သိဒ္ဓိသစ္စာရှင်၊အောင်သိဒ္ဓိမေတ္တာရှင်၊အောင်တော်မူ အောင်စင်္ကြာမုနိ နေလဘုရား” ဆုတောင်းပြည့် ရှေးဟောင်းရုပ်ပွါးတော်မြတ်များကို ရွှေလမင်းဆေးရုံ (လမ်းမတော်)တွင် (၁၈.၀၉.၂၀၂၅)ရက်နေ့ မှ (၂၀.၀၉.၂၀၂၅)နေ့အထိ ပူဇော်ခံ ထားရှိပြီး (၂၀.၀၉.၂၀၂၅)ရက်နေ့တွင် သံဃာတော်အရှင်သူမြတ်များကို နေ့ဆွမ်းဆပ်ကပ်လှူဒါန်းခြင်းကုသိုလ်၊ ဘုရားဖူးကြွရောက်လာကြသော ဆရာကြီး၊ဆရာမကြီးများနှင့် ဧည့်ပရိတ်သတ်များကို (ကြာဇံကြော်၊ကြာဇံချက်၊ကောက်ညှင်းပေါင်း၊ကော်ဖီ၊လက်ဖက်ရည်၊အအေး) စသည်တို့ဖြင့် စတုဒီသာ ကျွေးမွေးလှူဒါန်းခြင်းကြောင့် ရရှိသော ကောင်းမှု့ကုသိုလ်၊စေတနာများကို ခုနှစ်ရက်သားသမီးများ ထပ်တူထပ်မျှရရှိနိုင်ကြပါစေရန် ရွှေလမင်းမိသားစုမှ ဆန္ဒပြု ဆုမွန်ကောင်းတောင်းလိုက်ပါသည်။🙏✨✨

20/09/2025

ဘုရင်မကြီး ရှင်စောပု ကိုးကွယ်တော်မူခဲ့သော “အောင်သိဒ္ဓိစင်္ကြာရှင်၊အောင်သိဒ္ဓိသစ္စာရှင်၊အောင်သိဒ္ဓိမေတ္တာရှင်၊အောင်တော်မူ အောင်စင်္ကြာမုနိ နေလဘုရား” ဆုတောင်းပြည့် ရှေးဟောင်း ရုပ်ပွါးတော်မြတ်များကို ရွှေလမင်းဆေးရုံ (လမ်းမတော်) အဆောင်B (၉လွှာ) တွင် အပူဇော်ခံမည်ဖြစ်ပါသဖြင့် ဓမ္မမိတ်ဆွေများ အနေဖြင့်ကြွရောက် ကြည်ညို ဖူးမြော်နိုင်ကြပါစေရန် ရွှေလမင်းမိသားစုမှ အသိပေးဖိတ်ကြားအပ်ပါသည်။ဘုရားဖူးလာရောက်ကြသော ဓမ္မမိတ်ဆွေများအတွက် ရွှေလမင်းမိသားစုမှ စတုဒီသာများဖြင့် တည်ခင်း ဧည့်ခံပေးနေကြောင်း နိဗ္ဗာန်အကျိုးမျှော်၍ နှိုးဆော်လိုက်ရပါသည်။🙏🙏🙏

11/09/2025

👩🏻‍⚕️ရွှေလမင်းဆေးရုံ(လမ်းမတော်)တွင်
ကလေးအထူးကုဆရာဝန်ကြီး ပါမောက္ခ ဒေါက်တာမေလွင်နှင့်
ပြသနိုင်ပြီ ဖြစ်ကြောင်း သတင်းကောင်းပါးအပ်ပါသည်ရှင်။

🗓ပြသနိုင်သည့်ရက်များ
အင်္ဂါနေ့၊ကြာသပတေးနေ့-မနက်၇နာရီခွဲ
ဗုဒ္ဓဟူးနေ့-မနက်၈နာရီခွဲ

✨အထူးကုဆရာဝန်ကြီးနှင့် ဆွေးနွေးတိုင်ပင်ပြသလိုပါက
Hotline ဖုန်းနံပါတ်များသို့ (၂၄)နာရီ ပိတ်ရက်မရှိ ✅တစ်ရက်ကြိုတင် Booking တင်၍ ပြသနိုင်ပါပြီရှင်💖

🏥Address
ရွှေလမင်းဆေးရုံ(လမ်းမတော်)
အမှတ် (၁၅/၁၉)၊ ဇော်ဂျီလမ်း၊ လမ်းမတော်မြို့နယ်၊ ရန်ကုန်မြို့။

Hotline ☎️012301949, 012301948, 012301950, 012314825, 012314826, 012314892, 012314809
📞09899400011

31/08/2025

🚨🚨ရွှေလမင်းဆေးရုံ(လမ်းမတော်)တွင်လတ်တလော တယ်လီဖုန်းလိုင်းအချို့ ယာယီပြတ်တောက်မှုများဖြစ်ပေါ်လျက်ရှိပါသည်။ထို့ကြောင့် ရွှေလမင်းဆေးရုံမှ လူနာများဆီသို့ ဆရာဝန်ကြီးများနှင့် ရက်ချိန်း ချိန်းဆိုမှုများအတွက် ဖုန်းအဝင်၊အထွက်ခေါ်ဆိုခြင်းများ အဆင်ပြေမှု့ရှိစေရေးအတွက် အောက်ဖော်ပြပါ ဖုန်းနံပါတ်များသို့ သည်းခံခေါ်ဆိုပေးကြပါရန် လူကြီးမင်းများအား အနူးအညွတ်တောင်းပန်အပ်ပါသည်ရှင်။🙏 🙏🙏

☎️ 012301949,012301948,012301950
012314825,012314826,012314809,013414750
012314892

29/08/2025

ယနေ့မှာတော့လူများကြားတွင်ပျံ့နှံ့နေသည့်ကာကွယ်ဆေးထိုးခြင်းနှင့်ပက်သတ်သည့်အယူအဆမှားများကိုရှင်းလင်းဖော်ပြပေးသွားပါမည်။
❓ကာကွယ်ဆေးထိုးခြင်းကရသည်ထက် သဘာဝအလျောက်ရရှိသည့်ကာကွယ်မှုသည်ပိုမိုကောင်းမွန်သည်။
အမှန်မှာမူသဘာဝအလျောက်ရောဂါပိုးမွှားများဝင်ရောက်လာပါကပိုမိုပြင်းထန်လေ့ရှိပြီးနောက်ဆက်တွဲဆိုးကျိုးများနှင့်သေဆုံးခြင်းကိုပိုမိုဖြစ်စေနိုင်ပါသည်။
❓ကာကွယ်ဆေးများတွင်အန္တရာယ်ဖြစ်စေသောအရာများပါရှိသည်။
အမှန်မှာမူကာကွယ်ဆေးထုတ်ဖော်ရာတွင်အဆင့်ဆင့်သေချာစမ်းသပ်စစ်ဆေးမှုများပြုလုပ်ထားသဖြင့်ကျန်းမာရေးအတွက်စိတ်ချရပြီးအကျိုးအာနိသင်ရှိပါသည်။သက်ဆိုင်ရာကျန်းမာရေးဌာနများမှလူ့ကျန်းမာရေးအတွက်စိတ်ချရမှုအာမခံချက်ရှိမှသာလူသားများတွင်စတင်အသုံးပြုကြခြင်းဖြစ်သည်။
❓ကာကွယ်ဆေးထိုးပြီးလျှင်ရောဂါများဖြစ်တတ်သည်။
အမှန်မှာမူကာကွယ်ဆေးထိုးရန်နောက်ကျခြင်းကြောင့်ရောဂါလက္ခဏာများပြင်းထန်လာခြင်းနှင့်ကြုံကြိုက်သွားခြင်းသာဖြစ်ပါသည်။

🏥
📍 -hospital

25/08/2025

ယနေ့မှာတော့ကာကွယ်ဆေးအမျိုးအစားများနှင့်ကိုယ်ခံအားစနစ်အမျိုးအစားများကိုဗဟုသုတရဖွယ်ဝေမျှလိုက်ပါသည်။
ကာကွယ်ဆေးအမျိုးအစားများ
🌐Inactivated vaccine (killed vaccine)
✔️ရောဂါဖြစ်စေသောပိုးမွှားအသေကိုအသုံးပြုသည်။
✔️Live vaccine ကဲ့သို့ထိရောက်သည့်ကာကွယ်မှုကိုမပေးနိုင်ပါ။
✔️ကာကွယ်မှုလုံလောက်စွာရရှိစေရန်အချိန်အလ်ိုက်ကာကွယ်ဆေးများထပ်မံထိုးနှံရန်လိုအပ်ပါသည်။
✔️အမြင့်မားဆုံးကာကွယ်မှုရနိုင်ရန်အနည်းဆုံး(၃)ကြိမ်ခန့်ထိုးရန်လိုအပ်တတ်ပါသည်။
✔️ခုခံအားနည်းသူများတွင်ပိုမိုစိတ်ချစွာသုံးစွဲနိုင်သည်။
ဥပမာ-အသည်းရောင်အသားဝါအေပိုး၊တုပ်ကွေး၊ပိုလီယိုနှင့်ခွေးရူးရောဂါကာကွယ်ဆေးများ။
🌐Live attenuated vaccine
✔️ရောဂါဖြစ်စေသောပိုးမွှား၏အားပျော့သည့်သက်ရှိအစိတ်အပိုင်းကိုသုံးထားသည်။
✔️သဘာဝအတိုင်းရောဂါဖြစ်ခြင်းနှင့်များစွာဆင်တူ၍ကာကွယ်နိုင်စွမ်းအားကောင်းမွန်သည်။
✔️အချိန်ကြာမြင့်စွာကာကွယ်မှုပေးနိုင်စွမ်းရှိပါသည်။
✔️(၁)ကြိမ်-(၂)ကြိမ်ထိုးခြင်းမျှပင်တစ်သက်တာကာကွယ်မှုကိုပေးနိုင်သည်။
✔️သက်ရှိပိုးမွှားမှထုတ်ထားသည်ဖြစ်၍နာတာရှည်ရောဂါရှိသူများ၊ခုခံမှုအားနည်းသူများနှင့်ကိုယ်တွင်းအစိတ်အပိုင်းအစားထိုးသူများသည်ကျန်းမာရေးပညာရှင်များနှင့်မထိုးမီတိုင်ပင်ဆွေးနွေးသင့်ပါသည်။
ဥပမာ-ဝက်သတ်၊ပါးချိတ်နာ၊ဂျိုက်သိုးရောဂါများ၊rotaဟုခေါ်သောဝမ်းပျက်ခြင်းကိုဖြစ်စေသည့်ဗိုင်းရပ်(စ်)၊ကျောက်ကြီးရောဂါ၊ရေကျောက်ရောဂါကာကွယ်ဆေးများ။
🌐mRNA vaccine
✔️ခုခံအားစနစ်ကိုလှုံ့ဆော်ပေးသောပရိုတင်းကိုပြုလုပ်ပေးသည်။
✔️အခြားကာကွယ်ဆေးများနှင့်ယှဉ်လျှင်ကောင်းမွန်သောအကျိုးကျေးဇူးများစွာရှိသည်။✔️ထုတ်လုပ်ရန်အချိန်သက်သာခြင်း၊သက်ရှိပိုးမွှားမပါ၍လူတွင်ရောဂါဖြစ်နိုင်ခြေမရှိခြင်းစသည့်ကောင်းကျိုးများရှိပါသည်။
ဥပမာ-covid 19ရောဂါကာကွယ်‌ဆေး။
🌐Subunit, recombinant, polysaccharide and conjugate vaccine
✔️ရောဂါဖြစ်စေသည့်ပိုးမွှား၏အစိတ်အပိုင်းတစ်ချို့က်ိုယူ၍ထုတ်လုပ်ခြင်းဖြစ်သည်။
✔️ကာကွယ်နိုင်စွမ်းအားကောင်းမွန်သည်။
✔️လူတိုင်းနီးပါးတွင်သုံးနိုင်ပြီးနာတာရှည်ရောဂါရှိသူများ၊ခုခံမှုအားနည်းသူများတွင်ပါအသုံးပြုနိုင်သည်။
✔️ကာကွယ်မှုလုံလောက်စွာရရှိစေရန်အချိန်အလ်ိုက်ကာကွယ်ဆေးများထပ်မံထိုးနှံရန်လိုအပ်ပါသည်။
ဥပမာ-အသည်းရောင်အသားဝါBပိုး၊ကြက်ညာချောင်းဆိုး၊အချို့သောအဆုတ်ရောဂါပိုး၊အချို့သောဦးနှောက်အမြှေးရောဂါ၊ရေယုန်ရောဂါကာကွယ်‌ဆေးများ။
🌐Toxoid vaccine
✔️ရောဂါဖြစ်စေသောပိုးမွှား၏အစိတ်ရှိသောအပိုင်းမှထုတ်ယူထားသည်။
✔️ခုခံအားစနစ်သည်ရောဂါပိုးတစ်ခုလုံးထက်အဆိပ်ရှိသောအပိုင်းကိုအဓိကထားတိုက်ခိုက်သည်။
✔️ကာကွယ်မှုလုံလောက်စွာရရှိစေရန်အချိန်အလ်ိုက်ကာကွယ်ဆေးများထပ်မံထိုးနှံရန်လိုအပ်ပါသည်။
ဥပမာ-ဆုံဆို့နာနှင့်မေးခိုင်ပိုးရောဂါကာကွယ်‌ဆေးများ
🌐Viral vector vaccine
✔️နှစ်ပေါင်းများစွာသိပ္ပံပညာရှင်များသည်လေ့လာနေကြသည်။
✔️ဤနည်းပညာကိုသုံး၍covid ကာကွယ်ဆေးထိုးရန်လည်းကြိုးပမ်းခဲ့ကြသည်။
✔️အခြားရောဂါပိုးတစ်ခု၏အဆင့်မြင့်ပုံစံကိုရောဂါပိုးသယ်ဆောင်သည့်ပိုးအဖြစ်သုံးပြီးကာကွယ်မှုရအောင်ပြုလုပ်ခြင်းဖြစ်သည်။
✔️အသုံးပြုသည့်ပိုးမွှားများမှာမူအမျိုးအစားစုံလင်လှသည်။
ဥပမာ-covid 19
ကိုယ်ခံအားစနစ်အမျိုးအစားများ
🌐Active immunity
✔️ရောဂါဖြစ်ပွားစေသောပိုးမွှားများကိုတိုက်ရိုက်ထိတွေ့ခြင်းမှရရှိသည်။
✔️သဘာဝအတိုင်းရောဂါဖြစ်ခြင်းမှသော်လည်းကောင်း၊ကာကွယ်ဆေးထိုးခြင်းမှသော်လည်းကောင်းရရှိနိုင်ပါသည်။
✔️ကာကွယ်အားစနစ်ကောင်းမွန်ရန်အချိန်ယူရသည့်နည်းတူကာကွယ်မှုပေးနိုင်စွမ်းမှာလည်းကြာမြင့်ပါသည်။
🌐Passive immunity
✔️အခြားလူသော်လည်းကောင်း၊တိရစ္ဆာန်သော်လည်းကောင်းမှထုတ်လွှတ်သောပဋိဇီဝပစ္စည်းများ(Antibodies)မှရရှိသည်။
✔️ဥပမာအားဖြင့်လစေ့နေစေ့မွေးသောကလေးသည်အမေ၏ကိုယ်ဝန်ဆောင်‌နှောင်းပိုင်းချိန်များတွင်ထိုးထားသောကာကွယ်ဆေးများမှရရှိသည်။
✔️အခြားလူသော်လည်းကောင်း၊တိရစ္ဆာန်သော်လည်းကောင်းမှရရှိသွေးနှင့်ဆက်စပ်ပစ္စည်းများကိုသွင်းပေးခြင်းဖြင့်လည်းရရှိသည်။
✔️ကာကွယ်မှုကိုချက်ချင်းပေးစွမ်းသော်လည်းအချိန်ကြာလျှင်လျော့ပါးသွားတတ်ပါသည်။

🏥
📍 -hospital

21/08/2025

👩🏻‍⚕️🩺👨‍⚕️Chemotherapy Day-Care Center (ကင်ဆာဆေးသွင်းဌာန)

🏥ရွှေလမင်းဆေးရုံ (လမ်းမတော်) တွင် Chemotherapy Day Care Center (ကင်ဆာဆေးသွင်းဌာန) ကို နေ့စဉ် နံနက် (၇:၃၀) နာရီ မှ ညနေ (၅း၃၀) နာရီထိ ပိတ်ရက်မရှိ ဖွင့်လှစ်ထားရှိပြီး ဈေးနှုန်းသက်သာစွာဖြင့် ကျန်းမာရေးစောင့်ရှောက်မှုပေးနေကြောင်း သတင်းကောင်းပါးအပ်ပါသည်။

💁🏻‍♀️ဝန်ဆောင်မှုများအနေဖြင့်
🔷 သန့်ရှင်းကျယ်ဝန်း၍ ဈေးနှုန်းသင့်တင့်သော သီးသန့်ခန်းများနှင့် ကုတင်များထားရှိခြင်း
🔷 သက်တောင့်သက်သာအနားယူပြီး ဆေးသွင်းနိုင်သော Chemo Chair များထားရှိခြင်း
🔷 Biosafety Cabinetကိုသာ အသုံးပြု၍စနစ်တကျ ဆေးဖျော်ခြင်း
🔷 Infusion pump များဖြင့် ဆေးသွင်းနှုန်းကို လိုအပ်သည့်ပမာဏအလိုက် တိကျစွာထိန်းညှိဆေးသွင်းပေးခြင်း
🔷 ကျွမ်းကျင်သော ကင်ဆာရောဂါအထူးကုဆရာဝန်ကြီးများမှ ဂရုတစိုက်ကုသပေးခြင်း
🔷 အတွေ့အကြုံရှိ ဆရာဝန်များနှင့် ကျန်းမာရေးဝန်ထမ်းများမှ အချိန်ပြည့် အနီးကပ်စောင့်ရှောက်ပေးခြင်း
🔷 ဆရာဝန်များနှင့် အသေးစိတ် ဆွေးနွေးတိုင်ပင်နိုင်ခြင်း စသည်ဖြင့် ဝန်ဆောင်မှုကောင်းများပေးလျက်ရှိပါသည်။

👨‍⚕️ရွှေလမင်းဆေးရုံ(လမ်းမတော်) တွင် အောက်ဖော်ပြပါ အထူးကုဆရာဝန်ကြီးများနှင့်လည်း လာရောက်ဆွေးန္ဂေးတိုင်ပင်ကုသနိုင်ပါသည်။

Opening Hours ⏰ နေ့စဉ် နံနက် ၇:၃၀ နာရီမှ ညနေ၅:၃၀ နာရီထိ (ပိတ်ရက်မရှိ)

🏨Shwe La Min Hospital (Lanmadaw)
Building-A, Level-6, No.15/19, Zaw Gyi Street, Lanmadaw Tsp, Yangon.
Building A(3rd Floor).

☎️ 012301948, 012314825, 012314826, 012314809
📞09899400011

🏥
🩺
📍 -hospital

18/08/2025

🖍️ယနေ့မှာတော့ပြင်းထန်ဓာတ်မတည့်ရောဂါတစ်မျိုးဖြစ်သည့် Steven Johnson Syndrome အ‌ကြောင်းဗဟုသုတရဖွယ်ဝေမျှလိုက်ပါမည်။
🖍️ပြင်းထန်သည့်အမျိုးအစား(၄)ဓာတ်မတည့်မှုဖြစ်သည်။ဆေးရုံတက်ရန်လိုအပ်သည်အထိဖြစ်နိုင်သည့်အရေးပေါ်အခြေအနေတစ်ရပ်ဖြစ်ပါသည်။
အသက်အရွယ်မရွေးဖြစ်နိုင်၍အမျိုးသမီးများသည်အမျိုးသားများထက်ပိုဖြစ်သည်။
🖍️ဖြစ်ရသည့်အကြောင်းများမှာ
◾ဆေးဝါးများနှင့်ဓာတ်မတည့်ခြင်း(အကိုက်အခဲပျောက်ဆေးများ၊ပိုးသတ်ဆေးများ၊ဆာလဖာပါသောဆေးများ၊ဂေါက်ရောဂါတွင်အသုံးပြုသောဆေးများ၊အတက်ကျဆေးများ၊စိတ်ကျန်းမာရေးအတွက်အသုံးပြုသည့်ဆေးများ)
◾ပိုးမွှားများ
◾ကိုယ်တွင်းအင်္ဂါအစားထိုးရာတွင်ဖြစ်သောတုံ့ပြန်မှု
◾ကာကွယ်ဆေးထိုးခြင်းတို့ဖြစ်ပါသည်။
🖍️ဆေးကြောင့်ဖြစ်သည့်အခြေအနေများတွင်ထိုဆေးကိုရာသက်ပန်ရှောင်ကြဉ်ရပါမည်။ဆေးကိုအသုံးပြုနေစဉ်တွင်လည်းကောင်း၊ဆေးဖြတ်ပြီး(၂)ပတ်ကြာသည်အထိလည်းကောင်းဖြစ်နိုင်ပါသည်။
🖍️လက္ခဏာများမှာ-
◾အဖျားရှိခြင်း
◾ပါးစပ်နှင့်လည်ချောင်းနာခြင်း
◾အရေပြားတွင်အနီကွက်များပေါ်၍ကိုယ်ခန္ဓာတွင်ပျံ့နှံ့လာခြင်း
◾အရေပြား၊မျက်လုံး၊နှာခေါင်း၊ပါးစပ်၊လည်ချောင်း၊နှင့်လိင်အင်္ဂါများတွင်အရည်ကြည်ဖုများဖြစ်ခြင်း
◾အရေပြားနာခြင်း၊ခြောက်ခြင်း၊ယားခြင်း၊ကွာကျခြင်း၊အရောင်ပြောင်ခြင်း၊အမာရွတ်များဖြစ်ခြင်း
◾မျက်စိနာခြင်း၊ရောင်ခြင်း၊ခြောက်ခြင်း၊အလင်းဒဏ်မခံနိုင်ခြင်း၊အမြင်အာရုံထိခိုက်ခြင်း
◾မောပန်းလွယ်ခြင်း၊ချောင်းဆိုးခြင်း၊အဆုတ်ရောင်ခြင်း၊နာတာရှည်အဆုတ်ရောဂါများ
◾လက်သည်းခွံကွာခြင်း၊လက်သည်းပုံပျက်ခြင်း
◾ချွေးအလွန်ထွက်ခြင်း
◾ဆံပင်ကျွတ်ခြင်း
◾အရသာခံရန်ခက်ခြင်း
🖍️နောက်ဆက်တွဲဆိုးကျိုးများမှာ
◾အရေပြားပျက်စီးမှုနှင့်ပါးစပ်တွင်အနာများဖြစ်၍ကောင်းစွာမသောက်နိုင်‌၍ရေဓာတ်ဆုံးရှုံးမှုခြင်း
◾သွေးဆိပ်တက်ခြင်း၊သွေးလန့်ခြင်း၊ကိုယ်တွင်းအင်္ဂါများပျက်စီးခြင်း
◾ပါးစပ်မပိတ်နိုင်သည့်အတွက်သားရေကျခြင်း
◾အရည်ကြည်ဖုနှင့်ရောင်ရမ်းခြင်းများ‌ကြောင့်
မျက်လုံးများဖွင့်မရအောင်ပိတ်နေခြင်း၊အစာစားရန်ခက်ခြင်း၊ဆီးသွားလျှင်နာကျင်ခြင်း၊ဝမ်းလျှောခြင်း
🖍️ဖြစ်နိုင်ခြေများသူများမှာ
◾ကိုယ်တွင်းအင်္ဂါအစားထိုးကုသမှုခံယူထားသူများ
◾ကင်ဆာရောဂါရှိသူများ
◾အရေပြားသွေးလေးဖက်နာရှိသူများ
◾အဆစ်နှင့်ပက်သတ်သောနာတာရှည်ရောဂါရှိသူများ
◾HIVပိုးရှိသူများ(ဖြစ်နိုင်ခြေမှာအဆ၁၀၀ပိုများပါသည်)
◾ကိုယ်ခန္ဓာခုခံအားစနစ်အားနည်းသူများ
◾မိမိ၏ခုခံအားစနစ်ကမိမိကိုပြန်လည်တိုက်ခိုက်သည့်ရောဂါရှိသူများ
◾မိသားစုတွင်မျိုးရိုးရှိသူများတို့ဖြစ်သည်။
🖍️ရောဂါရှာဖွေရန်
◾ရောဂါရာဇဝင်သေချာစွာမေးခြင်း၊စမ်းသပ်ခြင်း
◾အရေပြားအသားစယူစစ်‌ဆေးခြင်း
◾အရေပြားအသားစယူ၍ပိုးမွေးခြင်း
◾လိုအပ်သည့်သွေးစစ်ဆေးမှုများပြုခြင်း
🖍️ကုသမှုနည်းလမ်းများမှာ
◾ဖြစ်ရသည့်အကြောင်းရင်းကိုရှောင်ရှားခြင်း
◾အနာကိုကုသမှုပေးခြင်း
◾ပျက်စီးသောအရေပြားဆဲလ်များကိုငြင်သာစွာဖယ်ရှားခြင်း
◾အနာပေါ်တွင်စိုစွတ်အေးမြသောအဝတ်စကပ်ခြင်း
◾နာကျင်မှုသက်သာအောင်ပြုလုပ်ပေးခြင်း
◾ပိုးသတ်ဆေးများသုံးခြင်း
◾ရောင်ရမ်းမှုသက်သာစေရန်စတီးရွိက်ပါသောလိမ်းဆေးများလိမ်းခြင်း
◾ရေဓာတ်ပြန်လည်ဖြည့်ခြင်း
◾အစာအာဟာရဂရုစိုက်ခြင်း
◾မျက်စိဆရာဝန်နှင့်ကုသမှုခံယူခြင်း
◾နောက်ဆက်တွဲဆိုးကျိုးများလျော့နည်းစေရန်ပြုလုပ်ခြင်းတို့ပါဝင်ပါသည်။
🖍️Toxic Epidermal Necrosis(TEN)
ပိုပြင်းထန်သည့်အခြေအနေတစ်မျိုးဖြစ်သည်။TENသည်SJ$ထက်ပိုဆိုးပါသည်။ထိခိုက်မှုမှာကိုယ်ခန္ဓာတစ်ခုလုံးရှိအရေပြား၏၃၀%နှင့်အထက်ဖြစ်သည်။SJ$သည်၁၀%သာထိသည်။၁၀-၃၀%ထိလျှင်၂ခုရော၍ဖြစ်နေခြင်းမျိုးဖြစ်သည်။

🏥
🔹
📍

13/08/2025

🚩ဩဂုတ်လ(၁၃)ရက်နေ့သည်World Organ Donation Dayဖြစ်ပါသည်။ကိုယ်တွင်းအင်္ဂါလှူဒါန်းခြင်းဖြင့်လူအများ၏အသက်ကိုကယ်တင်နိုင်ပုံကိုလူအများသိရှိစေရန်ရည်ရွယ်ကျင်းပခြင်းဖြစ်ပါသည်။
🚩ကိုယ်တွင်းအင်္ဂါလှူဒါန်းခြင်းဖြင့်လူတစ်ယောက်သည်လူ(၈)ယောက်၏အသက်ကိုကယ်တင်နိုင်ပါသည်။လှူဒါန်းနိုင်သည့်ကိုယ်အအင်္ဂါအစိတ်အပိုင်းများမှာနှလုံး၊နှလုံးအဆို့ရှင်၊အဆုတ်၊အသည်း၊မုန့်ချိုအိတ်၊အူ၊ကျောက်ကပ်၊မျက်ကြည်လွှာ၊အရေပြား၊အရိုး၊ရိုးတွင်းခြင်ဆီ၊တို့ဖြစ်ပါသည်။
🚩ကိုယ်တွင်းအင်္ဂါလှူဒါန်းခြင်းကိုအမျိုးအစားအားဖြင့်(၄)မျိုးခွဲခြားနိုင်သည်။
🎀Autograft
လူတစ်ဦးတည်းမှမိမိကိုယ်ကိုပြန်လည်လှူဒါန်းခြင်းဖြစ်သည်။ဥပမာ-အရေပြားအစားထိုးကုသမှု
🎀Allograft
မျိုးစိတ်တူသူအချင်းချင်းတွင်မျိုးရိုးဗီဇမတူသူအားလှူဒါန်းခြင်းမျိုးဖြစ်သည်။လူတစ်ဦးမှအခြားလူတစ်ဦးအားလှူဒါန်းခြင်းမျိုးဖြစ်သည်။
🎀Isograft
မျိုးစိတ်တူသူအချင်းချင်းတွင်မျိုးရိုးဗီဇတူသူအားလှူဒါန်းခြင်းမျိုးဖြစ်သည်။အမြွှာတစ်ဦးမှအခြားအမြွှာတစ်ဦးအားလှူဒါန်းခြင်းမျိုးဖြစ်သည်။
🎀Xenograft
မျိုးစိတ်မတူသူများကြားတွင်လှူဒါန်းခြင်းဖြစ်သည်။ဥပမာ-နှလုံးအဆို့ရှင်အစားထိုးကုသမှု
🚩ကိုယ်တွင်းအင်္ဂါလှူဒါန်းသူများကိုလှူဒါန်းချိန်‌ပေါ်မူတည်၍
◾Living donor-အသက်ရှင်သန်နေစဉ်လှူဒါန်းသူ
◾Cadaver Donor-သေဆုံးပြီးမှလှူဒါန်းသူဟူ၍ခွဲခြားနိုင်သည်။
🚩Living donor သည်လှူဒါန်းပြီးကျန်သောကိုယ်အင်္ဂါများသည်အလိုအလျောက်ပြန်ပွားနိုင်သောဆဲလ်များ၊တစ်ရှူးများ၊အရည်များကိုလှူဒါန်းခြင်းဖြစ်သည်။အဆုတ်တစ်ခြမ်း၊အသည်းတစ်စိတ်တစ်ပိုင်း၊မုန့်ချိုအိတ်တစ်စိတ်တစ်ပိုင်း၊အူလမ်းကြောင်းအစိတ်အပိုင်း၊ကျောက်ကပ်တစ်လုံးတို့လှူဒါန်းနိုင်ပါသည်။
🚩သဘာဝအလျောက်သေဆုံးသူများတွင်မျက်ကြည်လွှာ၊နှလုံးအဆို့ရှင်၊အရိုးနှင့်အရေပြားများကိုလှူဒါန်းနိုင်ပါသည်။
🚩ဦးနှောက်သေဆုံး‌ကြောင်း‌ကြေငြာပြီးမှလှူဒါန်းခြင်းမျိုးတွင်ကိုယ်တွင်းအင်္ဂါများကိုရှင်သန်အောင်အသက်ရှူစက်ဖြင့်လည်း‌ကောင်း၊အခြား‌နည်းလမ်းများဖြင့်‌လည်း‌ကောင်းလှူဒါန်းရန်ထုတ်ယူနိုင်သည်အထိသိမ်းဆည်းထားသည်။နှလုံး၊အ‌ဆုတ်နှစ်ဖက်၊အသည်း၊မုန့်ချိုအိတ်၊အူ၊ကျောက်ကပ်နှစ်လုံးတို့လှူဒါန်းနိုင်ပါသည်
🚩ကိုယ်တွင်းအင်္ဂါလှူဒါန်းမှုအတွက်အရေးကြီးဆုံးမှာလှူဒါန်းသူသည်ကျန်းမာသန်စွမ်းသူဖြစ်ဖို့လိုအပ်ပါသည်။အသက်ကန့်သတ်ချက်မရှိပါ။လှူဒါန်းသူသည်အသက်(၁၈)နှစ်‌အောက်ဖြစ်လျှင်အုပ်ထိန်းသူ၏သဘောတူခွင့်ပြုချက်ပါရပါမည်။

🏥
🎀
📍

12/08/2025

👩🏻‍⚕️ရွှေလမင်းဆေးရုံ(လမ်းမတော်)တွင်
ဦးနှောက်နှင့် အာရုံကြော အထူးကုဆရာဝန်ကြီး
ပါမောက္ခ ဒေါက်တာမိုးမိုးဇော်နှင့်
နေ့စဉ်ပြသနိုင်ပြီ ဖြစ်ကြောင်း သတင်းကောင်းပါးအပ်ပါသည်ရှင်။

🗓ပြသနိုင်သည့်ရက်များ
အင်္ဂါ၊ကြာသပတေး၊စနေ။

✨အထူးကုဆရာဝန်ကြီးနှင့် ဆွေးနွေးတိုင်ပင်ပြသလိုပါက
Hotline ဖုန်းနံပါတ်များသို့ (၂၄)နာရီ ပိတ်ရက်မရှိ ✅တစ်ရက်ကြိုတင် Booking တင်၍ ပြသနိုင်ပါပြီရှင်💖

🏥Address
ရွှေလမင်းဆေးရုံ(လမ်းမတော်)
အမှတ် (၁၅/၁၉)၊ ဇော်ဂျီလမ်း၊ လမ်းမတော်မြို့နယ်၊ ရန်ကုန်မြို့။

Hotline ☎️012301949, 012301948, 012301950, 012314825, 012314826, 012314892, 012314809
📞09899400011

08/08/2025

🤱ယနေ့မှာတော့မိခင်နို့တိုက်ကျွေးခြင်းဆိုင်ရာဗဟုသုတရဖွယ်အချက်အလက်တစ်ချို့ကိုဝေမျှလိုက်ပါသည်။
🤱မိခင်နို့သည်အာဟာရအမျိုးအစားစုံလင်စွာပါဝင်၍သဘာဝမှလိုအပ်ချက်နှင့်ကိုက်ညီအောင်စီမံပြုလုပ်ထားသောအထူးလက်ဆောင်မွန်တစ်ခုဖြစ်ပါသည်။
🤱မွေးပြီးပြီးချင်းတစ်ရက်နှစ်ရက်အတွင်းထွက်သည်ကိုနို့ဦးရည်ဟုခေါ်သည်။အဝါရောင်ရှိ၍ပြစ်သည်။ပရိုတင်းဓာတ်နှင့်ပဋိဇီဝများများစွာပါသည်။ရောဂါပိုးမွှားများကိုတိုက်ထုတ်ရာတွင်လွန်စွာအရေးပါသည်။၁၀ရက်မှ၁၅ရက်အတွင်းတွင်စုံလင်ပြည့်စုံသောmature milkကိုရသည်။နို့ဦးရည်ကဲ့သို့မပြစ်ပါ။ကြားတွင်transitional milk ဟုခေါ်သည်။
🤱မိခင်နို့တိုက်ကျွေးရာတွင်မွေးပြီးပြီးချင်းနာရီပိုင်းအတွင်းတိုက်ကျွေးရမည်။မိခင်နှင့်ကလေး၏အရေပြားကိုထိကပ်ထားရမည်။စောစီးစွာနို့တိုက်ကျွေးခြင်းသည်နို့ထွက်မှုကိုအားပေးသည်။
🤱ကလေးအသက်(၆)လအထိမိခင်နို့တစ်မျိုးတည်းကိုသာလျှင်တိုက်ကျွေးရမည်။ရေတိုက်၍လည်းမရပါ။
🤱အသက်(၆)လအောက်တွင်မိခင်နို့အပြင်အခြားအစားအသောက်များကျွေးပါကမိခင်နို့ထွက်နှုန်းနည်းခြင်း၊ကလေးအတွက်လုံလောက်သည့်အာဟာရမရရှိခြင်း၊ကိုယ်ခံအားစနစ်မကောင်း၍ရောဂါပိုးမွှားများအလွယ်တကူဝင်ရောက်နိုင်ခြင်းတို့ဖြစ်တတ်ပါသည်။
🤱(၆)လနှင့်အထက်ဖြစ်ပါကမိခင်နို့နှင့်အတူဖြည့်စွက်စာများကိုစတင်ကျွေးနိုင်ပါသည်။မိခင်နို့ကိုလုံးဝဖြတ်ပစ်ရန်မလိုအပ်ပါ။အနည်းဆုံးအသက်(၂)နှစ်အထိမိခင်နို့တိုက်ကျွေးသင့်သည်။
🤱မိခင်သည်အာဟာရလုံလောက်မှသာကလေးသည်လည်းမိခင်နို့မှတစ်ဆင့်လုံလောက်သောအာဟာရကိုရှိနိုင်မည်ဖြစ်သည်။သို့ပါ၍မိခင်အနေနှင့်အစာရှောင်ရန်မလိုပါ။အမျိုးအစားစုံလင်စွာစားသောက်ရမည်။မိခင်နို့သည်ပိုအစာကြေလွယ်သည်။
🤱တိရစ္ဆာန်များမှရသောနို့တွင်ပါဝင်သောပရိုတင်းဓာတ်မှာများလွန်းသဖြင့်ကလေး၏နုနယ်သောကျောက်ကပ်ကိုပျက်စီးစေနိုင်ပါသည်။
🤱ကလေးတစ်ဦးနှင့်တစ်ဦးနို့စို့မှုပုံစံမှာမတူညီတတ်ပါ။ကလေးနို့စို့လိုစိတ်ရှိတိုင်းတိုက်ကျွေးရန်အရေးကြီးသည်။ပုံမှန်အားဖြင့်ကလေးတစ်ဦးသည်တစ်နေ့လျှင်(၈)ကြိမ်မှ(၁၂)ကြိမ်အထိနို့စို့နိုင်သည်။အကြိမ်များစွာနို့စို့ခြင်းသည်နို့ထွက်မှုကိုသန်စေပါသည်။
🤱နေ့ရောညပါတိုက်နိုင်ပါသည်။အန္တရာယ်မရှိပါ။ကလေးသောက်ချင်သည့်အချိန်တိုင်းတိုက်နိုင်ပါသည်။ညတွင်ထွက်သောမိခင်နို့ကိုထွက်စေသည့်prolactinဟုခေါ်သောဟော်မုန်းကြောင့်ညဘက်တွင်ပို၍ကြာကြာသောက်တတ်ပါသည်။
🤱ကလေးအားနို့တိုက်ရာတွင်သူ့အလိုလိုလွှတ်သည်အထိတိုက်သင့်သည်။တစ်ဖက်ပြီးမှနောက်တစ်ဖက်အားသောက်လိုပါမှဆက်တိုက်ရပါမည်။ကလေးနို့လွှတ်ချိန်သို့မဟုတ်အိပ်သွားပါကနို့တိုက်ခြင်းကိုရပ်နိုင်ပါသည်။
🤱ကလေးလုံလောက်စွာနို့စို့သည်ကိုဆီးနှင့်ဝမ်း၏အရောင်၊အကြိမ်ရေနှင့်အနေအထားကိုကြည့်၍သိနိုင်ပါသည်။တစ်နေ့လျှင်ဆီးဖျော့ဖျော့(၆)ကြိမ်နှင့်အထက်သွားခြင်း၊ကိုယ်အလေးချိန်တိုးခြင်းတို့သည်နို့ကောင်းစွာစို့ခြင်းကိုပြပါသည်။အခြားသိနိုင်သည်များမှာနို့စို့ပြီးပါကကလေးစိတ်ကျေနပ်တင်းတိမ်မှုရှိခြင်း၊မိခင်၏ရင်သားများပျော့ပျောင်းလာခြင်းတို့ဖြစ်သည်။
🤱ကလေးနို့ဆာသည်ကိုအောက်ပါအခြေအနေများနှင့်သိနိုင်ပါသည်။
◽လက်သီးအားစို့ခြင်း၊
◽နှုတ်ခမ်းအားလျှက်ခြင်း၊
◽ပါးစပ်ဟ၍မိခင်နို့အားရှာဖွေသည့်ပုံစံပြုလုပ်ခြင်း၊
◽မိခင်နို့ဆီသို့ချဉ်းကပ်လာခြင်းတို့ဖြစ်သည်။
🤱မိခင်နို့တိုက်ကျွေးနေချိန်တွင်အောက်ပါအစားအသောက်များကိုရှောင်ကြဉ်သင့်ပါသည်။
◾ကဖင်းဓာတ်သည်ကလေးအားမငြိမ်မသက်ဖြစ်စေနိုင်သည်။
◾ဆေးလိပ်သည်လည်းအခိုးငွေ့များမှတစ်ဆင့်ကလေး၏နုနယ်သောကျန်းမာရေးကိုထိခိုက်စေနိုင်သည်။
◾အရက်မသောက်သုံးပါကပိုမိုကောင်းမွန်သည်။အနည်းငယ်မျှသာသောက်သုံးခွင့်ရှိသည်။
သောက်သုံးပါကလည်းကလေးအားနို့တိုက်ချိန်နှင့်အနည်းဆုံး(၂)နာရီခြားရမည်။သို့မှသာကလေး‌
သောက်မည့်နို့တွင်ပါဝင်လာနိုင်မည်မဟုတ်ပါ။သို့မဟုတ်ပါကမိခင်နို့ကိုအရင်ကြိုတင်ညှစ်၍သိမ်းဆည်းထားရမည်။
အရက်သောက်ထားစဉ်ကလေးနှင့်အတူအိပ်စက်ခြင်းသည်ကလေးရုတ်တရက်သေဆုံးခြင်း(Sudden Infant Death Syndrome)ကိုဖြစ်နိုင်ခြေများပါသည်။
🤱မိခင်နို့တိုက်ကျွေးရာတွင်လိုအပ်ပါကတတ်ကျွမ်းသည့်ကျန်းမာရေးပညာရှင်များ၏အကြံကိုရယူသင့်သည်။အရေးကြီးသည်မှာမိခင်နှင့်ကလေးကောင်းစွာထိကပ်၍နှစ်ဦးလုံးအတွက်သက်တောင့်သက်သာဖြစ်သောပုံစံတွင်တိုက်ကျွေးရမည်။သို့မှသာရေရှည်တွင်အခက်အခဲမရှိတိုက်ကျွေးနိုင်မည်ဖြစ်ပါသည်။

🏥
🤱
📌

04/08/2025