24/03/2025
--𝐖𝐨𝐫𝐥𝐝 𝐓𝐮𝐛𝐞𝐫𝐜𝐮𝐥𝐨𝐬𝐢𝐬 𝐃𝐚𝐲--
"𝐘𝐞𝐬! 𝐖𝐞 𝐂𝐚𝐧 𝐄𝐧𝐝 𝐓𝐁: 𝐂𝐨𝐦𝐦𝐢𝐭, 𝐈𝐧𝐯𝐞𝐬𝐭, 𝐃𝐞𝐥𝐢𝐯𝐞𝐫"
🌍🫁ကမ္ဘာ့တီဘီရောဂါတိုက်ဖျက်ရေးနေ့ကို “တီဘီရောဂါကြောင့်ခံစားရသော ကျန်းမာရေးပြဿနာများအကြောင်း အများပြည်သူများအကြား အသိပညာမျှဝေရန်နှင့် ကမ္ဘာလုံးဆိုင်ရာ တီဘီရောဂါတိုက်ဖျက်ရေးအတွက် ကြိုးပမ်းအားထုတ်မှုများကို မြှင့်တင်ရန်" ဟူသော ရည်ရွယ်ချက်ဖြင့် နှစ်စဉ် မတ်လ (၂၄) ရက်နေ့တွင် ဂုဏ်ပြုကျင်းပကြပါသည်။
တီဘီရောဂါ (TB) သည် Mycobacterium tuberculosis ဟုခေါ်သော ဘက်တီးရီးယားပိုးကြောင့် ဖြစ်ပေါ်လာသော ရောဂါဖြစ်ပြီး အဆုတ်တွင် အဓိက ဖြစ်ပွားပြီး ဦးနှောက်နှင့် ကျောရိုးကဲ့သို့သော ကိုယ်အင်္ဂါအစိတ်အပိုင်းများသို့ ပျံ့နှံ့သွားနိုင်သည်။ လေမှတဆင့် လူတစ်ဦးမှတစ်ဦးသို့ကူးစက်နိုင်သောရောဂါဖြစ်ပြီး တီဘီရောဂါရှိသူတစ်ဦးမှ ချောင်းဆိုး၊ နှာချေခြင်းဖြင့် ထွက်လာသော အမှုန်အမွှားများကို အခြားသူတစ်ဦးမှ ရှူရှိုက်မိသည့်အခါ ကူးစက်နိုင်ပါသည်။
✅TB ရောဂါလက္ခဏာများမှာ-
🔹3 ပတ်ထက် ပိုကြာပြီး ဆက်တိုက် ချောင်းဆိုးခြင်း။
🔹သလိပ်များ ထွက်လာပြီး သွေးထွက် တတ်ခြင်း။
🔹ကိုယ်အလေးချိန်ကျခြင်း။
🔹ညဘက် ချွေးများထွက်ခြင်း။
🔹ဖျားခြင်း။
🔹ပင်ပန်းနွမ်းနယ်ခြင်း။
🔹အစာစားချင်စိတ်ပျောက်ဆုံးခြင်း။
🔹လည်ပင်းရောင်ရမ်းခြင်းတို့ဖြစ်ပါသည်။
အများပြည်သူများအနေဖြင့် TB ရောဂါလက္ခဏာများကို ကြိုတင်သိရှိပြီး သတိပြုဆင်ခြင်နိုင်ကြစေဖို့ ပင်လုံဆေးရုံများအုပ်စုမှ အသိပညာမျှဝေအပ်ပါတယ်ရှင်။
--------------------------------
