Onno Yoga

28/08/2024

Өглөөний мэнд

Өөрөө хэрэгжүүлж, бусадтай хуваалцаарай.

25/08/2024

Уур, цухлын “хар бөмбөг” нэгээс нөгөөд ийнхүү дамждаг. Энэхүү тойргийг өөр дээрээ таслан зогсоох хүч танд бий. Бясалгал, йог хийснээр та өөрийгөө сайхан болгоод зогсохгүй бусдын амар амгаланг ч бас бий болгож буй хэрэг юм.

Судалгаагаар нэгэн сонирхолтой зүйлийг олж илрүүлсэн аж. Хэн нэгэн өөр нэг хүнд бүдүүлэг авир гаргахыг хөндлөнгөөс харсан хүн өөрийн мэдэлгүй тэрхүү “хар бөмбөг”-т өртөж, өдрийн турш тааралдсан хүмүүстээ өнөөх хүний адилаар бүдүүлэг зан авир гаргах давтамж, магадлал маш өндөр болдог ажээ.

-Онно багш нь /Э.Онон/

24/08/2024

Өнөөдрийн уншдаг бясалгал.

(Сургалт тун удахгүй.)

30/07/2024

Өөрийгөө сэтгэл гутралтай гэж оношлохоос өмнө ямар хүмүүсээр хүрээлүүлсэн байгаагаа нэг сайн анзаараарай. Танд сайнаар нөлөөлдөггүй хүмүүсээс түр, эсхүл бүрмөсөн зайгаа барихад таны асуудал ч бас тал нь арилна. Тэгээд өөр дээрээ сайн ажиллах хэрэгтэй дээ. Ялангуяа ээжүүд өөрийгөө төрсний дараах сэтгэл гутралтай гэж яаран оношлох хэрэггүй. Бусад хүмүүс ч бас тэгж тулгах хэрэггүй. Зүй ёсны сэтгэл хөдлөл, зүй ёсны зүйлсийг шаардах, мэдрэх нь сэтгэл гутрал биш, харин ч эрүүл сэтгэл зүйтэй байгаагийн шинж юм. Гол нь сэтгэл хөдлөлөө таньж, түүнд хэт автаж, хөтлөгдөхгүйгээр түүнтэйгээ ажиллаж сурах хэрэгтэй. Эрүүл сэтгэл зүйтэй хүний дэргэд л эрүүл үрс бойжно.

19/07/2024

Йогоор эмчилж болдоггүй сэтгэл, эдгээж болдоггүй өвчин гэж байдаггүй. Үүнийг та өөр дээрээ л хэрэгжүүлж үзэж байж мэдэх боломжтой. Түүнээс биш гоё хэлбэр дүрсэнд орж хэцүү дасгал хийх нь тийм ч чухал биш шүү дээ.

Өдгөө бид өдөр тутамдаа өөрийгөө сонсохоос илүүтэй ажил амьдралын шаардлагаар анхаарлаа ямагт гадагш чиглүүлдэг болсон. Гэтэл бүх асуултын хариулт, бүх асуудлын шийдэл таны дотоод цөмд байдаг. Түүнээс холдох тусам эмх цэгц алдагдаж, зөв гольдролоосоо гарч, асуудал ундарна, сүүлдээ өөрийгөө ч ойлгохоо болино.

"Gut feeling" буюу “Гэдсэн дэхь мэдрэмж” гэж бий, түүнийгээ сонс гэсэн хэллэг англи хэлнээ байдаг. Даоизм болон Хятадын уламжлалт анагаах ухаанд хүний бие дэхь 3 гол энергийн төвийн нэг нь хэвлийн хэсэгт байрладаг гэж үздэг.

Өөртөө цаг гаргах, энергийн төвтэйгөө холбогдох, түүнийгээ цэнэглэж сурахыг хүсвэл хичээлд маань ирээрэй. Хүн өөрийгөө эмнээд сурчихвал нэг насны баялаг тэр юм.

-Онно багш нь

05/07/2024

Надаас унасан цэцгийн дэлбээ
Нарнаас ч үзэсгэлэнтэй байх гэж...

Дэргэдэх хүндээ ч харууламгүй
Дэндүү сайхан үр минь өдөр өдрөөр өссөөр...

Өөрөөсөө ч харамламаар
Өөдөсхөн жаахан үр минь... ❤️

01/07/2024

Хүүхэд төрөөд эхний 6 сар идээд л унтаад байдаг гэсэн мунхаглалыг их олон хүнээс сонсож байлаа. Ганц энэ өгүүлбэрээр л бүтэн цагаар хүүхдээ харж өсгөж буй бүхэл бүтэн хүний хөдөлмөрийг үгүйсгэчихэж байгаа юм. Хүүхэд гардаж өсгөж үзээгүй хүмүүс л тийм төсөөлөл, фантазтай байдаг. Бодит амьдрал дээр хүн болох эхний 6 сар хамгийн чухал, хамгийн анхаарал шаардсан, хамгийн их ажиллагаатай 6 сар байдаг. Хөөрхөн өлгийдүүлээд л унтаад л, ээж нь хажууд нь жаргаад л, унтаад л... Ийм төсөөлөл үлгэрт л байдаг шүү. Ээжүүд минь сорилт, бэрхшээлээ сайн тоочиж байгаарай. Тэгэхгүй бол хэн ч мэдэхгүй ээ.

21/06/2024

Төрөлт бол дээд түвшний бясалгал юм. Төвлөрөх, мэдрэх, удирдах, тавьж явуулах... Эгэл энэ оршихуй эх байгалийн эрчимтэй эргэн нэгдэж, энгүй хайрын орчилд умбана. Эндээс бас нэгэн хайр ургана.

Төрөх процесс бол өвдөлт биш, лугшилт, их хайрын долгисол, энергийн соронзон үйлчлэл, тэлэлт ба тэсрэлт. Нэгдэл ба хуваагдал. Гэгээрлийн хэрчим. Гэрлийн үүд.

Төрөх үед хүн өөрийгөө алддаг, тэгээд олж авдаг. Өөр нэгэн мөчир салаалж, цоо шинэ амьдрал эхэлдэг. Төрөлтийн энэхүү гайхамшгаа мартахгүйн тулд тухайн үеийн мэдрэмжээ тэмдэглэн үлдээгээрэй. Савны амсар нээгдэх, нээгдэхгүйн тухай механик ойлголтоор төрөх процессийн талаарх бодлоо бүү хязгаарла. Түүнээс хальсан гайхамшигт үзэгдэл тэнд болж байна шүү дээ. Түүнийг сэрж, мэдэрч, санаж чадаж байна уу?

-Оннo

20/06/2024

Хар өглөөгүүр хар усан борооноор надтай таардаг азтай муур байна. Муурны хоол аваад өгчихлөө.

20/06/2024

За, энэ яагаад өвдөж байж ийм баяртай байна вэ гэхээр, намайг тэр устай ваннанд төрүүлдэг юманд нь төрүүлнэ гэж оруулаад, хударсан байдаг юм аа... 🤣😅😂 Энд төрөх нь гэж бодоод баярлачихсан сууж байгаа юм. Тэгсэн өрөө сольсон...

Яг цагаа тулсан чинь бид нар сургалтанд нь суугаагүй гээд... Уг нь тоноглогдоод зөндөө удаж байгаа. Үзмэр биш шүү дээ. Жаахан илүү ажил гарах юман дээр манайхан хөдлөхдөө дурамжхан л даа. Бас өнгөтэй өөдтэй юмыг өөрөөс нь юм гарах гэж байгаа юм шиг харамлах гээд байдаг тал бий... Яагаав, нөгөө боловсролын сайд нэг сургууль ч бил үү, цэцэрлэгийн агуулахын өрөө рүү нь орсон чинь хамаг гоё шинэ тоглоомыг нь тэнд тоосонд дарагдуулаад хэрэглүүлэхгүй хураачихсан байсан..

Ингээд миний, тэдний хэлснээр, устай ваннанд төрөх Монголын анхны төрөлт байх хөг өнгөрч, хуурай газартаа төрсөөн🤣 Дараахан нь, мэдээгээр энэ өрөөгөө үзүүлээд л, 5-р сараас ашиглана гээд байсан, ашигласан уу? Та хэд минь хэлж байгаад төрөөрэй, энд нь. Усанд төрөхийн давуу тал олон юм билээ.

Уг нь бүх шалгуурыг нь хангаад, өөрсдөө болно, эндээ төрүүлнэ л гэсэн юм. Жаахан гэнэтийн байсан л даа... Гэнэтхэн ванн маань хуурай газраар солигдчихоор 😆 Гэхдээ сайхан төрсөөн 🥰

Дахин захья, хүсч байвал, бас шалгуурыг нь хангаж байвал энд нь хэлж байгаад төрөөрэй, хэрэглэх гэж л тоноглосон биз дээ. 🤔

20/06/2024

Төрөх дөхөхөөр үүрээ засаад зүгээр сууж чадахаа больчихдог юм байна лээ... Хэдэн ч хоног өдөржин шөнөжин бүх юмаа эмхэлж, угаалгын өрөөний трубаг өнгөлж, таазныхаа тоосыг ч л арчив... Бэлдэх зэхэх юмаа бэлдэж, eр нь нойргүй шахуу... Нүд харвал мэдэгдэнэ. Тийм нэгэн өдөр гэнэт ус маань хагарч, төрөхөөр ирсэн байдаг юм. Бас ч гайгүй цоглог байна аа... 😎

Төрөх гээд ирсэн хүнтэй үүднээсээ авахуулаад л байцааж байгаа юм шиг хэг ёг харилцаад байдаг нь сонин санагдсан шүү... Гуйж төрөөгүй 😀 Бидний татварын мөнгө 😀 Хүчээр ажиллуулаагүй 😀 Хүн бүхэн л тус тусын ажилдаа зүдэрч байгаа 😀 Хүн өлгийдөн авах бол хамгийн том баяр байх ёстой 😀 Хурдан түргэн өвдөлтгүй төрьe, төрүүлүүльe гэвэл окситоциныг өөрөөр нь ялгаруулуулах хэрэгтэй. Сайхан хандахад хэнээс ч юу ч унахгүй 😀 Тиймээс эмч, сувилагчгүй бүгд эeлдэг байж сурах хэрэгтэй 😀 Ялархаж ямба заах, гуйлгаж гувшуулах, хамраа сөхөх, гар харах орон, цаг, газар биш 😀

19/06/2024

Хар хүүхэн маань ингээд л хүлээдэг байсан даа 😋 Нээрэн, огтоо язраагүй шүү. Дараа нууцаа хуваалцана аа.