Өвөрхангай аймаг Зоонозын Өвчин Судлалын Төв

16/10/2025

📢МЭДЭЭЛЭЛ
ЗООНОЗЫН ШАЛТГААНТ ХАЛДВАРТ ӨВЧНИЙ ЭРСДЭЛИЙН МЭДЭЭЛЭЛ ХАРИЛЦААНЫ БЭЛЭН БАЙДЛЫН СУРГАЛТАД ХАМРАГДЛАА.
📌 Халдварт болон зоонозын өвчний дэгдэлтийг тогтвортой хянахад дэмжлэг үзүүлэх EPIC төсөл Хангайн бүсийн Архангай, Өвөрхангай, Баянхонгор аймгуудад хэрэгжиж байна.
📌 Төслийн хүрээнд Нийгмийн эрүүл мэндийн ноцтой байдлын үеийн эрсдэлийн харилцаа холбооны багийг бүрдүүлэн 60 гаруй мэргэжилтэн, алба хаагчийг чадавхжуулах сургалт зохион байгуулагдлаа.

📌 "Халдварт болон зоонозын өвчний дэгдэлтийн үеийн эрсдэлийн харилцаа холбоо ба орон нутгийн оролцоог хангах дадлага сургуулилт"-д Өвөрхангай аймгийн Зоонозын өвчин судлалын төвийн Тархвар судлалын тасгийн эрхлэгч, биологич Л.Мэнд-Амар хамрагдлаа.

03/10/2025

📢ЦАГ ҮЕИЙН МЭДЭЭ
#ТАРВАГАН ТАХАЛ ӨВЧНӨӨС УРЬДЧИЛАН СЭРГИЙЛЬЕ ❗️ ❗️ ❗️
📌Эрүүл мэндийн сайдын 2025 оны “Тарваган тахал өвчны тандалт, хяналтын арга хэмжээг эрчимжүүлэх тухай” A/04 албан даалгавар, Өвөрхангай аймгийн Засаг даргын 2025 оны “Хүн мал гоц халдварт болон тарваган тахал өвчнөөс урьдчилан сэргийлэх талаар авч хэрэгжүүлэх зарим арга хэмжээний тухай” А/547 дугаар захирамжийн дагуу хууль бус ан агнуур, мах, арьс, түүхий эдийн худалдах, худалдан авах хадгалах, тээвэрлэхээс урьдчилан сэргийлэх хяналт шалгалт, шинжилгээ, мэдээ, мэдээлэл сургалт сурталчилгааг Зоонозын өвчин судлалын төв, Байгаль орчны газар, Цагдаагийн газар, Онцгой байдлын газар, Автотээврийн төв хамтран зохион байгуулж байна.
📌 ТАРВАГАН ТАХАЛ ӨВЧНӨӨС УРЬДЧИЛАН СЭРГИЙЛЭХ
✅Тарвага агнахгүй байх
✅Тарваганы мах идэхгүй байх
✅Түүхий эд, эрхтэнг хэрэглэхгүй байх
✅Тарвагыг нохойгоор бариулахгүй байх, урхи, хавхаар агнахгүй байх
✅Тарваганы түүхий мах эд, эрхтэнг хот суурин газарт оруулахгүй байх
✅Хүүхдийг тарваганы дошон дээр тоглуулахгүй, унтуулахгүй байх
✅Шимэгчид хазуулахаас сэргийлж дайжуулагч хэрэглэх
✅Тарваган тахлын эсрэг вакцин тариулах
✅Гэр орондоо агнасан тарвага, арьс хадгалахгүй байх
✅Үхсэн тарвага, мэрэгч амьтдын тухай мэргэжлийн байгууллагад яаралтай мэдээлэх (
👩‍⚕️👨‍⚕️Тарваган тахлын эрсдэлд өртсөн, эмнэлзүйн шинж тэмдэг илэрсэн тохиолдолд харьяа эрүүл мэндийн байгууллагад яаралтай мэдээлж дуудлага өгөх.
#ТАРВАГАН ТАХАЛ ӨВЧНӨӨС УРЬДЧИЛАН СЭРГИЙЛЬЕ ❗️ ❗️ ❗️
Өвөрхангай аймгийн Байгаль орчны газар
Өвөрхангай аймгийн Онцгой байдлын газар
Өвөрхангай аймгийн Авто тээврийн төв

01/10/2025

Ахмадын баярын өдрийг тохиолдуулан Зоонозын Өвчин Судлалын Төвийн хөгжил дэвшилд оруулсан хувь нэмэр, гавьяа зүтгэлээрээ үлгэр дуурайл болсон ахмад эмч, мэргэжилтнүүд, эмнэлгийн ажилчдадаа баярын мэнд дэвшүүлье.
Бид та бүхнийхээ залгамж халаа, хойч үе гэдгээрээ байнга бахархаж, үлгэр дуурайлал авч байдаг билээ. Хүн ардын эрүүл мэндийн төлөө хүлээсэн үүргээ нэр төртэй биелүүлэхийг ямагт эрхэмлэх болно.

30/09/2025

#Тарваган тахал өвчнөөс сэргийлье!
ЭРСДЭЛТ ҮЙЛДЛЭЭС ТАТГАЛЗЪЯ ‼️

29/09/2025

Зоонозын өвчнөөс урьдчилан сэргийлэх мэдлэгээ шалгая!

25/09/2025

#Тарваган тахал өвчний тухай иргэн бүр мэдэх ёстой анхан шатны мэдлэг.

18/09/2025

#БООМ ӨВЧНӨӨС УРЬДЧИЛАН СЭРГИЙЛЬЕ❗️
🔎Боом өвчин гэж юу вэ❓️
📌Боом нь өвчтэй мал амьтнаас хүнд халдварладаг байгалийн голомтот, хурц халдварт өвчин юм.
📌Хүний тунгалгийн зангилаа, тунгалгийн судлыг гэмтээж хүчтэй хордлого үүсгэх замаар өвчлүүлдэг.
📌Боом өвчнөөр хүн, бүх төрлийн мал амьтад, буга өвчлөхөөс гадна цус сорогч хөх түрүү, ялаа, шумуул нь хүнд халдвар тараана.
📌Өвчний үүсгэгч нь гадуураа бүрхүүл үүсгэж, газрын хөрсөнд 30 жил хүртэл амьдрах чадвартай тул газар, шорооны ажил хийх, мөн өвчтэй малыг өвчих, хуулах, нядлах, ноослох, үхсэн малын сэг зэмтэй ажиллах үед гэмтсэн арьс салстаар халдвар дамждаг учир малын түүхий эд боловсруулах, ноос ноолуур, арьс ширтэй харьцах, мал нядлах үед малчид халдвар авах өндөр эрсдэлтэй байдаг тул малчид, ард иргэдэд дараах зөвлөмжийг хүргэж байна:
✅️Голомтот нутгийн хүн ам, мал сүргийг жил бүр боомын эсрэг дархлаажуулалтад хамруулах
✅️Шалтгаан тодорхойгүйгээр мал үхсэн тохиолдолд мал эмнэлгийн байгууллагад яаралтай хандах
✅️Зайлшгүй шаардлагаар үхсэн, өвчилсөн мал амьтантай харьцах тохиолдолд бээлий, хамгаалалтын хувцас өмсөх
✅️Мал сүргийн дотор боом өвчний сэжиг илэрвэл сүргээс нь яаралтай тусгаарлаж мал эмнэлэгт хандах
✅️Үхсэн малын мах, арьс ширийг ашиглахгүй байх
✅️Мал болон мах, махан бүтээгдэхүүн худалдан авахдаа малын гарал үүслийн гэрчилгээг үзэж хэвших
✅️Мал, малын гаралтай түүхий мах, махан бүтээгдэхүүн, сүү сүүн бүтээгдэхүүнийг сайтар боловсруулж хэрэглэх

18/09/2025

🚫ТАРВАГАН ТАХАЛ ӨВЧНӨӨС СЭРГИЙЛЬЕ‼️
😷 Халдвар дамжих зам:
🦠Шууд хавьтлын зам:
Өвчтэй тарвага агнах, арьс өвчих, мах эвдэх явцад арьс, салстын бүрэн бүтэн байдал алдагдсан болон өвчтөнийг асрах, сувилах, халдвартай эд зүйлстэй хамгаалах өмсгөлгүй харьцсанаас халдвар авч болно.
🦠Дам халдварын зам:
Мэрэгч амьтдын бөөс, бүүрэг, хачигт хазуулах тохиолдолд халдварлана.
🦠Агаар дуслын зам:
Тарваган тахлын уушгины хэлбэрээр өвчилсөн хүнээс хүнд халдвар дамжина.
🦠Хоол хүнсний зам:
Тарваган тахлаар өвчилсөн тарваганы түүхий эд болон дутуу боловсруулсан мах, махан бүтээгдэхүүнийг хоол хүнсэндээ хэрэглэх явцад халдварлана.
⚠️Өртөмхий бие:
Тарваган тахлын байгалийн голомттой бүс нутагт оршин суугчид, анчид, тарваганы түүхий эдтэй харьцагчид халдварт өртөх магадлал өндөр.

17/09/2025

Олон улсын 200 гаруй эрдэмтэн судлаач ололт амжилтаа дүгнэж, дараагийн хамтын ажиллагааны бодлогоо тодорхойллоо

💬 “Зоонозын халдварын тулгамдсан асуудал” олон улсын эрдэм шинжилгээний бага хурал болж, өнгөрсөн хугацааны ололт амжилтаа дүгнэж, цаашид хамтран хийж хэрэгжүүлэх ажил, арга хэмжээ, гарц шийдлийн талаар зөвлөлдлөө. Энэхүү хуралд Эрүүл мэндийн сайд Ж.Чинбүрэн, Зоонозын өвчин судлалын үндэсний төвийн захирал Б.Амгаланбаяр, ДЭМБ-ын Монгол дахь суурин төлөөлөгч Сокорро Эскаланте тэргүүтэй гадаад, дотоодын 200 гаруй эрдэмтэн судлаач, төлөөлөгч оролцлоо.

📍 Тус хурлыг Зоонозын өвчин судлалын үндэсний төв, Эрүүл мэндийн яам хамтран хоёр жил тутам зохион байгуулдаг уламжлалтай бөгөөд энэ удаагийн хуралд 10 гаруй улс орны төлөөлөгч оролцож, хачгаар дамжих халдвар, боом, зоонозын анзаарагддаггүй халдварууд зэрэг сэдвийн хүрээнд илтгэл хэлэлцүүллээ. Хэлэлцүүлгээр өнгөрсөн хоёр жилийн хугацаанд хийж хэрэгжүүлсэн ажил, арга хэмжээ, судалгааны үр дүнг танилцуулахын зэрэгцээ цаашдын хамтын ажиллагааны тухай санал солилцон тодорхойлов. Тухайлбал, хил орчимд зоонозын халдварууд нэлээд бүртгэгдэг тул эхний ээлжид хамтарсан судалгаа хийж, судалгааны дүнд үдэслэн дараагийн шатны арга хэмжээгээ төлөвлөж ажиллах шийдэл хүрлээ.

Монгол Улсын хувьд, зоонозын олон талын халдварыг илрүүлэх оношилгооны чадавхийн асуудалтай тулгардаг байна. Тиймээс хуралд оролцогч улс орнууд энэ төрлийн лабораторийн оношилгооны чадавхийг сайжруулах, хээрийн нөхцөлд ажиллахад шаардлагатай тоног төхөөрөмж, оношлуураар хангах зэрэг дэмжлэг үзүүлдэг бөгөөд энэ удаад ч мөн адил дэмжин ажиллахаа илэрхийлэв.

✅ Мөн хөрш зэргэлдээ улс орнуудтай хамтран хэрэгжүүлж буй судалгаа шинжилгээний ажлыг эрчимжүүлэн өргөжүүлэхээр тохиролцлоо. Тодруулбал, өнгөрсөн хуагцаанд Монгол Улс, ОХУ хамтран хөтөлбөр хэрэгжүүлж, үүний хүрээнд хил орчмын тарваган тахлын байгалийн голомтын идэвхжлийг нарийвчлан тогтоож, улмаар зөвлөмж боловсруулан холбогдох төрийн байгууллагуудад хүргүүлжээ. Хуралд оролцогчид энэхүү ажлын үр дүнг өндрөөр үнэлсэн тул талууд тухайн хөтөлбөрийг цаашид үргэлжлүүлэх шийдэлд хүрсэн зэрэг олон талын өндөр ач холбогдолтой хурал болсон гэдгийг “Зоонозын халдварын тулгамдсан асуудал” олон улсын эрдэм шинжилгээний бага хуралд оролцогч эрдэмтэн судлаач, төлөөлөгчид онцлон тодотгож байлаа.

13/09/2025

📌МЭДЭЭЛЭЛ: “ХАЛДВАРТ ӨВЧНИЙ ДЭГДЭЛТИЙГ ТОГТВОРТОЙ ХЯНАХАД ДЭМЖЛЭГ ҮЗҮҮЛЭХ – ЕРІС” ТӨСЛИЙН СУРГАЛТАД ЭМЧ, МЭРГЭЖИЛТНҮҮД ХАМРАГДЛАА.
Сургалтыг Дэлхийн Зөн Монгол ОУБ-ын FHI360 байгууллагын зөвлөх Доктор Ш.Энхтүвшин, EPIC төслийн зөвлөх Доктор Б.Сувдмаа, ДЗМОУБ-ын төслийн зохицуулагч Г.Жаргалбат нар удирдан явуулж, Өвөрхангай аймгийн ЗДТГ, Эрүүл мэндийн газар, Мал эмнэлэг, Онцгой байдлын газар, Зоонозын Өвчин Судлалын Төв, сэтгүүлч, иргэдийг хамруулан зохион байгуулагдлаа.
Сургалтаар болзошгүй цар тахлын төрлийг тодорхойлон, Зоонозын шалтгаант халдварт өвчинд дүн шинжилгээ хийж, эрсдэлийн үеийн харилцаа, холбооны бэлэн байдлын үнэлгээгээр хүний болоод санхүүгийн нөөц, мэдээллийн нөөц, хамтран ажиллах байгууллага, мэргэжилтнүүдээ оновчтой томилон, Цар тахлын үед зорилтот бүлэгт хэрхэн мэдээлэл хүргэх талаар онол, дадлага хослуулан мэргэжилтнүүдийг чадавхжуулж байгаа юм.

12/09/2025

#ТАРВАГАН ТАХАЛ ӨВЧНӨӨС УРЬДЧИЛАН СЭРГИЙЛЬЕ❗️

✅УРЬДЧИЛАН СЭРГИЙЛЭХ:
‼️Тарвага агнахгүй байх
‼️Тарваганы мах идэхгүй байх
‼️Түүхий эд, эрхтэнг хэрэглэхгүй байх
‼️Тарвагыг нохойгоор бариулахгүй байх, урхи, хавхаар агнахгүй байх
‼️Тарваганы түүхий мах эд, эрхтэнг хот суурин газарт оруулахгүй байх
‼️Хүүхдийг тарваганы дошон дээр тоглуулахгүй, унтуулахгүй байх
‼️Шимэгчид хазуулахаас сэргийлж дайжуулагч хэрэглэх
‼️Тарваган тахлын эсрэг вакцин тариулах
‼️Гэр орондоо агнасан тарвага, арьс хадгалахгүй байх
‼️Гэр орондоо мэрэгч амьтан орохоос сэргийлэх
‼️Нохойг байнга уяатай байлгах
‼️Үхсэн, хөдөлгөөн удааширсан тарваганд хүрэхгүй байх
‼️Үхсэн тарвага, мэрэгч амьтдын тухай мэдээллийг Зоонозын өвчин судлалын төвд яаралтай мэдээлэх (70323379)
‼️Тарваган тахлын эрсдэлд өртсөн, эмнэлзүйн шинж тэмдэг илэрсэн тохиолдолд харьяа эрүүл мэндийн байгууллагад яаралтай мэдээлж дуудлага өгөх.

Ховд аймгийн Булган суманд тарваган тахал өвчний сэжигтэй тохиолдол бүртгэгдлээ.

Ховд аймгийн Зоонозын өвчин судлалын төвд 2025 оны 09 -р сарын 11-ний өдөр 17:00 цагт Булган сумын нэгдсэн эмнэлгээс тарваган тахал өвчний сэжигтэй дуудлага өгсний дагуу байгууллагын албан хаагчид шуурхай цугларан Булган сум руу халдвар судлагч эмч С.Буянтаар ахлуулсан 5 хүний бүрэлдэхүүнтэй багийг томилон ажиллуулахаар явууллаа. Эрсдэлийн түвшинг нэмэгдүүлэхгүй байх зорилгоор сумын Онцгой комисст заавар зөвлөгөө өгч "Түр хугацаанд хязгаарлалтын дэглэм тогтоох тухай" сумын Засаг даргын захирамж гаргуулан ажиллаж байна.

11/09/2025

Тарваганы мах, арьс, түүхий эдийн худалдаа, тээвэрлэлт, хадгалалт, байгалийн гоц халдварт тарваган тахал өвчнөөс урьдчилан сэргийлэх хяналт шалгалтыг аймгийн БОГ, ЦГ сумдын байгаль орчны хяналтын улсын байцаагч, байгаль хамгаалагч нартай хамтран зохион байгуулж байна.