Өвөрхангай аймаг Зоонозын Өвчин Судлалын Төв

  • Home
  • Mongolia
  • Arvayheer
  • Өвөрхангай аймаг Зоонозын Өвчин Судлалын Төв

Өвөрхангай аймаг Зоонозын Өвчин Судлалын Төв Зоонозын халдварт өвчин гэдэг нь зэрлэг болон гаршуулсан амьтан, мал, бусад цус сорогч шавжаас хүнд халдварладаг халдварт өвчнийг хэлдэг.

ХАЧГААР ДАМЖИХ ХАЛДВАРЫН ҮҮСГЭГЧИЙН ТАРХАЛТЫГ ТОГТООХ ТАНДАЛТ СУДАЛГААНЫ АЖИЛ ХИЙГДЛЭЭ. 🔸Зоонозын Өвчин Судлалын Үндэсни...
01/05/2026

ХАЧГААР ДАМЖИХ ХАЛДВАРЫН ҮҮСГЭГЧИЙН ТАРХАЛТЫГ ТОГТООХ ТАНДАЛТ СУДАЛГААНЫ АЖИЛ ХИЙГДЛЭЭ.
🔸Зоонозын Өвчин Судлалын Үндэсний Төв нь Флоридагийн Их Сургууль-тай хамтран хэрэгжүүлж буй “Монгол орны эктопаразит болон эктопаразитаар дамжих халдварын үүсгэгчийн тархалтыг тогтоох судалгаа”-ны хүрээнд хээрийн тандалт, судалгааны ажлыг Зоонозын өвчин судлалын үндэсний төв, Өвөрхангай аймгийн Зоонозын өвчин судлалын төв, Баянхонгор аймгийн Зоонозын өвчин судлалын төвүүд хамтран амжилттай зохион байгууллаа.
🔸Тус судалгааны ажлыг 2026 оны 04 дүгээр сарын 13-наас 04 дүгээр сарын 26-ны өдрүүдэд Өвөрхангай аймгийн Тарагт, Хайрхандулаан, Нарийнтээл, Баянхонгор аймгийн Эрдэнэцогт, Өлзийт сумдын сонгогдсон цэгүүдэд гүйцэтгэж 4000 гаруй хачиг цуглуулсан.
🔸Судалгааны хүрээнд хачиг цуглуулах, зүйлийн бүрдлийг тодорхойлох, тархалтыг тогтоох, мөн хачиг болон хачгаар дамжих халдварын үүсгэгчийг илрүүлэх зорилготой судалгааны ажил хийгдлээ.
🔸Өвөрхангай аймгийн хэмжээнд хийгдсэн тандалт судалгаагаар 3 сумын 5 секторын 15 цэгт газраас нийт 262 хачиг цуглуулсан бөгөөд үүнээс бэлчээрийн орчноос Dermacentor nuttalli 251, хад асганы орчноос Haemaphysalis төрлийн 11 хачиг тус тус байна.
🔸Цуглуулсан сорьцод хачгийн популяцийн судалгааг хийж, цаашид хачгаар дамжих халдварын үүсгэгчийг илрүүлэх молекул биологийн шинжилгээнд хамруулахаар лабораторид хүлээлгэн өгөөд байна.
🔸Энэхүү судалгаа нь Монгол орны хачгийн тархалт, зүйлийн бүрдэл, тэдгээрээр дамжих халдварт өвчний эрсдэлийг үнэлэхэд чухал ач холбогдолтой юм.

“ПРО БОНО - 2026” НЭЭЛТТЭЙ ХААЛГАНЫ ӨДӨРЛӨГТ ОРОЛЦЛОО.📌Өвөрхангай аймгийн Зоонозын өвчин судлалын төвийн үйл ажиллагааг ...
30/04/2026

“ПРО БОНО - 2026” НЭЭЛТТЭЙ ХААЛГАНЫ ӨДӨРЛӨГТ ОРОЛЦЛОО.
📌Өвөрхангай аймгийн Зоонозын өвчин судлалын төвийн үйл ажиллагааг олон нийтэд танилцуулж, сурталчлах ажлыг зохион байгууллаа.
📌Тус өдөрлөгийн хүрээнд мал амьтнаас хүнд дамжин халдварладаг өвчний талаарх ерөнхий ойлголт, халдвараас урьдчилан сэргийлэх аргуудын талаар иргэдэд мэдээлэл хүргэж, гарын авлага, зөвлөмж материал тарааж ажиллалаа.
📌Хачигт халдварын улирал эхэлсэнтэй холбогдуулан хүн амын дунд хачигт халдварын тандалт судалгааг зохион байгуулж ажиллав.

🧪 Лабораторийн мэргэжилтний долоо хоног – 4 дэх өдөр📅 2026.04.30 | Пүрэв гарагЭнэ өдрийн хүрээнд лабораторийн үйл ажилла...
30/04/2026

🧪 Лабораторийн мэргэжилтний долоо хоног – 4 дэх өдөр

📅 2026.04.30 | Пүрэв гараг

Энэ өдрийн хүрээнд лабораторийн үйл ажиллагаа, мэдлэг туршлага, ирээдүй хойч үеийг хамарсан олон талт арга хэмжээнүүд зохион байгуулагдана:

🔹 “Лабораторийн үйл ажиллагаатай холбоотой” гар зургийн уралдаан
📍 Баян-Өлгий ЗӨСТ
– Мэргэжлийн онцлог, ач холбогдлыг бүтээлч байдлаар илэрхийлэх уралдаан

🔹 “Зоонозын лабораторийн нээлттэй өдөр”
📍 Завхан ЗӨСТ
– Ахлах ангийн сурагчдад лабораторийн үйл ажиллагааг танилцуулж, мэргэжлийн чиг баримжаа олгох

🔹 “Сонирхолтой лаборатори – 2026” өдөрлөг
📍 Өвөрхангай ЗӨСТ
– “Лабораторийн өнөөгийн байдал ба тулгамдсан асуудал” сэдэвт хэлэлцүүлэг
– Аймгийн лабораториудын хамтын оролцоотойгоор туршлага солилцох, шийдэл хэлэлцэх

✨ Энэ өдрийн арга хэмжээнүүдээр:
✔ Мэргэжлийн ойлголтыг олон нийтэд түгээх
✔ Ирээдүйн боловсон хүчнийг бэлтгэхэд дэмжлэг үзүүлэх
✔ Салбарын хөгжил, тулгамдсан асуудлыг хамтран хэлэлцэх боломжийг бүрдүүлж байна

Хөгжиж буй лаборатори – Эрүүл нийгмийн баталгаа 💙

📢 2026 оны 4 дүгээр сарын 28-ны өдөр “Молекул биологийн шинжилгээ, оношилгоог сайжруулах” сэдэвт ажлын байрны сургалт ам...
28/04/2026

📢 2026 оны 4 дүгээр сарын 28-ны өдөр “Молекул биологийн шинжилгээ, оношилгоог сайжруулах” сэдэвт ажлын байрны сургалт амжилттай зохион байгуулагдлаа.

Сургалтад лабораторийн эмч, лаборантууд идэвхтэй хамрагдан мэдлэг, ур чадвараа нэмэгдүүлж, орчин үеийн шинжилгээ, оношилгооны арга зүйгээр туршлага солилцлоо.

Цаашид чанартай, шуурхай лабораторийн тусламж үйлчилгээг үзүүлэхэд энэхүү сургалт чухал хувь нэмэр оруулна гэдэгт итгэлтэй байна. 👩‍🔬🧪🔬

#АжлынБайрныСургалт #МолекулБиологи #Лаборатори #ЭрүүлМэнд

"ПРО БОНО-2026" НЭЭЛТТЭЙ ХААЛГАНЫ ӨДӨРЛӨГТ ХҮРЭЛЦЭН ИРЭХИЙГ УРЬЖ БАЙНАӨдөрлөгийн үйл ажиллагааг 2026 оны 04 дүгээр сарын...
28/04/2026

"ПРО БОНО-2026" НЭЭЛТТЭЙ ХААЛГАНЫ ӨДӨРЛӨГТ ХҮРЭЛЦЭН ИРЭХИЙГ УРЬЖ БАЙНА
Өдөрлөгийн үйл ажиллагааг 2026 оны 04 дүгээр сарын 29-ний өдөр Аюуш баатарын талбайд 10:00-17:00 цагийн хооронд зохион байгуулана. Иргэд та бүхэн идэвхитэй оролцоно уу.

🕷️ ХАЧГААР ДАМЖИХ ХАЛДВАРААС СЭРГИЙЛЬЕ!Дулааны улирал эхэлж, ой мод, өвс ихтэй газраар зорчих нь нэмэгдэхтэй зэрэгцэн ха...
24/04/2026

🕷️ ХАЧГААР ДАМЖИХ ХАЛДВАРААС СЭРГИЙЛЬЕ!
Дулааны улирал эхэлж, ой мод, өвс ихтэй газраар зорчих нь нэмэгдэхтэй зэрэгцэн хачигт хазуулах эрсдэл өсдөг.
Хачиг нь цус сорох үедээ нян, вирус, паразит зэргийг дамжуулж, хүн болон мал амьтанд халдварт өвчин үүсгэдэг ⚠️
👉 Та дараах энгийн зөвлөмжийг хэрэгжүүлснээр өөрийгөө болон гэр бүлээ хамгаалах боломжтой:
• Ой, өвстэй газар явахдаа битүү, цайвар хувцас өмсөх
• 2–3 цаг тутамд биеэ шалгах
• Хачиг үргээгч, хамгаалах бүтээгдэхүүн хэрэглэх
• Хачигт энцефалитын эсрэг вакцинд хамрагдах
• Хачиг хазсан тохиолдолд зөв аргаар яаралтай салгах
• Ноос, ноолуур зэрэг түүхий эдийг гэртээ хадгалахгүй байх
📌 Урьдчилан сэргийлэх нь хамгийн найдвартай хамгаалалт!

Өвөрхангай аймгийн Стандарт хэмжил зүйн хэлтэсээс “Дэлхийн лабораторийн өдөр”-ийг тохиолдуулан орон нутгийн итгэмжлэгдс...
23/04/2026

Өвөрхангай аймгийн Стандарт хэмжил зүйн хэлтэсээс “Дэлхийн лабораторийн өдөр”-ийг тохиолдуулан орон нутгийн итгэмжлэгдсэн болон хувийн хэвшлийн лабораторийн мэргэжилтнүүдийн дунд зохион байгуулсан “Лаборатори өнөөгийн байдал ба тулгамдаж буй асуудал” сэдэвт уулзалт, хэлэлцүүлэгт Өвөрхангай аймгийн зоонозын өвчин судлалын төвийн лабораторийн тасгийн эмч, мэргэжилтэнүүд оролцсон.
Хэлэлцүүлэгийн үеэр тус төвийн лабораторийн үйл ажиллагааг танилцуулан бусад лабораторийн мэргэжилтнүүдээс туршлага солилцсон үр дүнтэй арга хэмжээ зохион байгуулагдлаа.

#хачигт халдвараас урьдчилан сэргийлье!
23/04/2026

#хачигт халдвараас урьдчилан сэргийлье!

#ХАЧИГТ ХАЗУУЛСАН ТОХИОЛДОЛД ХЭРХЭН ЗӨВ САЛГАЖ АВАХ ВЭ?
22/04/2026

#ХАЧИГТ ХАЗУУЛСАН ТОХИОЛДОЛД ХЭРХЭН ЗӨВ САЛГАЖ АВАХ ВЭ?

#ХАЧИГТ ХАЗУУЛАХААС СЭРГИЙЛЬЕ !!!
21/04/2026

#ХАЧИГТ ХАЗУУЛАХААС СЭРГИЙЛЬЕ !!!

#хачигт хазуулахаас хэрхэн сэргийлэх вэ?📍Хөдөө явахдаа хачгийг илрүүлэхийн тулд тод өнгийн хувцас өмсөж явах, хачиг илэ...
20/04/2026

#хачигт хазуулахаас хэрхэн сэргийлэх вэ?
📍Хөдөө явахдаа хачгийг илрүүлэхийн тулд тод өнгийн хувцас өмсөж явах, хачиг илэрсэн тохиолдолд яаралтай авч хаях;
📍Хөдөө болон ойд явахдаа урт ханцуйтай хувцас, урт түрийтэй гутал, зузаан өмд өмсөж, хачиг нэвтрүүлэхгүйн тулд өмдний шуумгийг гутлын түрийний дотуур хийх, боломжтой бол хачиг үргээгч бодисыг хувцасны ханцуй, өмд рүү цацаж хэрэглэх;
📍Хачигт хазуулснаас хойш 3-14 хоногийн дотор халуурах, толгой өвдөх, хачиг хазсан газарт цагариг хэлбэрийн улайлт үүсэх, үрэвсэж шархлах, арьсан дээр гүвдрүүт тууралт гарах, огиулах, бөөлжих, нуруу, хүзүүний булчин хүчтэй өвдөх, ирвэгнэх, чичрэх, татах зэрэг шинж тэмдэг илэрвэл яаралтай эмнэлэгт хандах шаардлагатай.
📍Хачигт халдварын байгалийн голомтот ойн бүсэд ажиллаж, амьдарч байгаа иргэд хачигт энцефалит өвчнөөс сэргийлэх вакцин тариулах

18/04/2026

#Хачигт халдварын идэвхжлийн үе эхэлсэн тул анхаарал болгоомжтой байхыг зөвлөж байна.
✅Иргэд хачгийн идэвхжлийн үед буюу 4-10 дугаар сард биедээ, ялангуяа толгойн үстэй хэсэгт хачиг орсон эсэхийг өдөр тутамд шалгаж байх
✅Хөдөө явахдаа хачгийг илрүүлэхийн тулд тод өнгийн хувцас өмсөж явах, хачиг илэрсэн тохиолдолд яаралтай авч хаях;
✅Хөдөө болон ойд явахдаа урт ханцуйтай хувцас, урт түрийтэй гутал, зузаан өмд өмсөж, хачиг нэвтрүүлэхгүйн тулд өмдний шуумгийг гутлын түрийний дотуур хийх
✅Хэрвээ эмнэлэгт хандах боломжгүй газарт хачигт хазуулсан бол хазсан хачиг дээр эмнэлгийн цэнхэр спиртээр 2-3 удаа арчилт хийж, 1-2 минут хүлээгээд хавчаараар 45 градусын налуу өнцгөөр зөөлөн татаж авна. Хачиг хазсан хэсэгт 1%-ийн повидон иодын уусмал (Тамедины уусмал)-ыг хөвөнд шингээж, цэвэр боолт хийнэ.
✅Хачигт хазуулснаас хойш 3-14 хоногийн дотор халуурах, толгой өвдөх, хачиг хазсан газарт цагариг хэлбэрийн улайлт үүсэх, үрэвсэж шархлах, арьсан дээр гүвдрүүт тууралт гарах, огиулах, бөөлжих, нуруу, хүзүүний булчин хүчтэй өвдөх, ирвэгнэх, чичрэх, татах зэрэг шинж тэмдэг илэрвэл яаралтай эмнэлэгт хандах шаардлагатай.
✅Хачигт халдварын байгалийн голомтот ойн бүсэд ажиллаж, амьдарч байгаа иргэд хачигт энцефалит өвчнөөс сэргийлэх вакцин тариулах;
✅Ямаа, үхрийн түүхий сүү, цус зэргийг уухгүй байх, эдгээр амьтдын махыг сайтар болгож хэрэглэх нь халдвараас сэргийлнэ.

Address

Arvayheer
976

Telephone

+97677414141

Website

Alerts

Be the first to know and let us send you an email when Өвөрхангай аймаг Зоонозын Өвчин Судлалын Төв posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Өвөрхангай аймаг Зоонозын Өвчин Судлалын Төв:

Shortcuts

Share

Category