Монголын Сумын эмч, мэргэжилтнүүдийн холбоо

07/07/2025

УИХ-ЫН ГИШҮҮН, ЭРҮҮЛ МЭНДИЙН САЙД
Ж.ЧИНБҮРЭНТЭЙ УУЛЗАВ.
УИХ-ын гишүүн, Эрүүл мэндийн сайд Ж.Чинбүрэн Монголын Сумын эмч, мэргэжилтнүүдийн холбооны Ерөнхийлөгч Ц.Ганхүү, гүйцэтгэх захирал Д.Тунгалаг нарыг хүлээн авч уулзлаа. МСЭМХ-ны ерөнхийлөгч Ц.Ганхүү эрүүл мэндийн анхан шатны тусламж үйлчилгээ, ялангуяа сумын эрүүл мэндийн төвийн үйл ажиллагаа, санхүүжилтийн байдал, эрүүл мэндийн ажилтнуудын нийгмийн баталгааны асуудал, цаашид зарим тусламж үйлчилгээг төлбөртэй болгох чиглэлээр ярилцаж, саналаа танилцууллаа.
УИХ-ын гишүүн, Эрүүл мэндийн сайд Ж.Чинбүрэн эрүүл мэндийн салбарын өнөөгийн байдал, авч хэрэгжүүлж буй арга хэмжээ, Нийгмийн эрүүл мэндийн тусламж, үйлчилгээний тухай хууль батлагдсантай холбоотой эрүүл мэндийн байгууллагын санхүүжилтийн асуудлыг хөндөн, эргэж харах асуудал байгааг дурдаад, хамтын төлбөрийн зарчмын бодлого, чиглэлийг баримтлах, 2027 онд анхан шатны эрүүл мэндийн байгууллагын санхүүжилтийг 50 хувь нэмэгдүүлэх боломжийг бүрдүүлж ажиллана гэв.
Түүнчлэн Сумын Эрүүл мэндийн төвд тогтвор суурьшилтай ажиллаж байгаа эмч, эмнэлгийн мэргэжилтэнд олгодог мөнгөн тэтгэмжид, жолоочийг хамруулах асуудлыг судалж шийдүүлэхээр ажиллана гээд сумын эрүүл мэндийн төвд үзүүлэх тусламж үйлчилгээний чанар, хүртээмжийг сайжруулах, санхүүжилтийг нэмэгдүүлэх, сумын эрүүл мэндийн төвийг хөгжүүлэх чиглэлээр тус холбоотой хамтран ажиллахаа илэрхийлэв.

11/05/2025

11/05/2025

✅Улаанбурхан өвчний нөхцөл байдлын мэдээ

11/05/2025

25/04/2025

Монголын сумын эмч, мэргэжилтнүүдийн холбооны Ерөнхийлөгч Ц.Ганхүү, мэргэжилтэн Н.Болормаа нарыг хүлээн авч уулзлаа.

Байнгын хорооны хуралдаанд Улсын Их Хурлын гишүүн миний сумын эрүүл мэндийн төвийн үйл ажиллагааны талаар хэлсэн шүүмжлэл нь зөвхөн нэг аймгийн, нэг сумын эрүүл мэндийн төвтэй холбоотой бөгөөд нийт сумдын эрүүл мэндийн төвийн үйл ажиллагаа, эмч, мэргэжилтнүүдтэй холбоогүй болохыг тус холбооны удирдлагуудад хэлээд, цаашдаа хариуцлагагүй ажилласан тухайн эмч, ажилтан ажилдаа зөв дүгнэлт хийж, алдаагаа засаад явах нь зүйтэй гэдгийг илэрхийлсэн.

Бид алдаагаа ил тод яриад, засаад, сайжруулаад явах бүрэн бололцоотой гэдэг дээр уулзалтад оролцогсод бүрэн санал нэгдсэн болно.

Тухайн нэр бүхий сумын асуудлийг шийдэж цэгцэлсэн гэдгээ холбооныхон мэдээллээ.

Уулзалтаар сумын эрүүл мэндийн төвийг цаашид хэрхэн хөгжүүлэх, сум, тосгоны эрүүл мэндийн төвийн стандартын шинэчлэл, гүйцэтгэлийн санхүүжилтийн талаар санал солилцож, ярилцсан бөгөөд цаашид Монголын сумын эмч, мэргэжилтнүүдийн холбоог дэмжиж ажиллана гэдгээ Улсын Их Хурлын гишүүний хувьд онцлон хэллээ.