Ягаан цээнэ өрхийн эрүүл мэндийн төв

29/04/2026

27/04/2026

Замын хөдөлгөөний аюулгүй байдал

25/04/2026

🌍Дэлхийн дархлаажуулалтын 7 хоног 04 дүгээр сарын 24-30 ний өдрүүдэд тохиож байна.
👼🏻Дархлаажуулалтын үед хүүхэд дэмжих зөвлөмж 1 👇🏻
✅Вакцин хийлгэх үед та хүүхэдтэйгээ нүдээрээ харилцаж, инээмсэглэн, зоригтой байгааг нь магтаарай.
✅Хэрэв хүүхэд уйлбал тэвэрч тайтгаруулан, аюулгүйг мэдрэхэд нь туслаарай.

23/04/2026

Улаанбурхан бол маш хурдан тархдаг, аюултай халдварт өвчин.

Харамсалтай нь улаанбурханаар нас барж буй хүүхдүүдийн 90 орчим хувь нь 1 хүртэлх насны, вакцин хийлгэх насанд хүрээгүй нярай хүүхдүүд байдаг.

Эдгээр хүүхдүүд өөрсдөө вакцин хийлгэх боломжгүй. Тэгвэл тэднийг хэн хамгаалах вэ?

👉 Бид. Дархлаатай хүн ам.

Дархлаажуулалтад хамрагдаагүй хүмүүс халдвар авч, цааш дамжуулснаар хамгийн эмзэг бүлэг болох нярай хүүхдүүд өвчилж, хүндрэх, амь насанд хүрэх эрсдэл үүсдэг. Өөрөөр хэлбэл, вакцин хийлгэхгүй байх нь зөвхөн өөртөө биш, бусдад—ялангуяа хамгаалах боломжгүй хүүхдүүдэд эрсдэл бий болгож байна.

Иймээс:
✔️ Улаанбурханы вакциндаа бүрэн хамрагдах
✔️ Хүүхдийнхээ товлолт вакциныг хоцроолгүй хийлгэх
✔️ Дутуу бол нөхөн дархлаажуулалтад хамруулах

гэсэн энгийн алхмууд нь нярай хүүхдийн амь насыг хамгаалж буй хамгийн том хамгаалалт юм.

21/04/2026

Таны хүүхдэд дараах шинж илэрч байвал заавал эмчид үзүүлээрэй‼️
👉👉Нүдээ ойр ойрхон анивчих
👉👉Толгой нь үргэлж өвдөх
👉👉Уур бухимдалтай болох
👉👉Хичээлээ шалтгаангүй таслах
👉👉Аливаа зүйлд сонирхолгүй болох
👉👉Нойргүйдэх (уйлагнах, ойр ойрхон сэрэх)
👉👉Зүүдэндээ тоглоомныхоо тухай ярих
Эрүүл Мэндийн Яам

21/04/2026

Хөвгүүдийн бэлгийн бойжилт🙋‍♂️
ДЭМБ-аас 10-19 насыг өсвөр үе гэж тодорхойлдог ч хөвгүүдийн хувьд охидоос арай хожуу эхлэх буюу голчлон 12-14 насанд шилжилтийн насны гол өөрчлөлтүүд ажиглагддаг. Үүнд👇
👉Хөвгүүдийн төвөнх томорч, дуу хоолой өөрчлөгдөнө.
👉Умдаг, суганд үс, сахал ургана.
👉Нөхөн үржихүйн эрхтнүүд хөгжиж томрох (Төмсөг, шодой томрох)
👉Өндөр болж жин нэмэгдэнэ.
👉Хөвгүүдийн төмсөгөнд эр бэлгийн эсүүд, боловсорч эхэлнэ
👉Нойтон зүүд зүүдлэх
🤷‍♂️Энэ үед тэд өөрийгөө том хүн болсон мэтээр санаж эцэг эхээсээ хараат бус байхыг эрмэлзэн асуудалд бие даан шийдвэр гаргахыг хүснэ. Биеийн гадна төрхдөө их анхаарна. Эсвэл бүр эсрэгээрээ хэт эмх замбараагүй болж зан байдал нь өөрчлөгддөг. Заримдаа тэд өөрөө өөрийгөө ч ойлгохоо болчихдог.

👉Эцэг эхчүүд аль болох тэдэнтэй тулгамдаж буй асуудлыг чөлөөтэй харилцан ярилцах
👉Хувийн үзэл бодлыг хүндэтгэн үзэх
👉Бэлгийн бойжилт, нөхөн үржихүйн асуудлаар дэлгэрэнгүй мэдээлэл авах
👉Өсвөр үеийн кабинетаар үзүүлж зөвлөгөө авч байх
👉Залуучууд хөгжлийн төвүүдээр үйлчлүүлэх /Амьдрах ухааны сургалтад хамрагдах, нийгмийн ажилтан, сэтгэл зүйчээс ганцаарчилсан зөвлөгөө авах/
👉Эрүүл мэндийн боловсрол олгодог төрийн бус байгууллагуудаар үйлчлүүлэх тэдний оролцоог нэмэгдүүлэх
Эрүүл Мэндийн Яам

21/04/2026

👩Охидын бэлгийн бойжилт 10-19 насанд үргэлжилдэг ба энэ хугацаанд нөхөн
үржихүйн эрхтэн тогтолцоо бүрэн боловсорч гүйцнэ. Тухайлбал:
👉Хөх товойж эхлэх буюу хөх ургах
👉Умдаг, суганд үс ургах
👉Сарын тэмдэг үзэгдэх
👉Огцом өндөр болох
👉Жин нэмэгдэх
👉Батга гарах
👉Хөлрөх
👉Биеийн хэлбэр галбир, дуу хоолой өөрчлөгдөх
👉Сэтгэл санааны хувьд огцом өөрчлөлт гарах

🧐Сэтгэл зүйн хувьд энэ насны охидууд тогтворгүй, эмзэг, айж эмээсэн сэтгэл зовоосон асуудлууд их тулгардаг учир ээж нар илүү охидодоо цаг гарган ярилцаж, асуудлыг ярилцаж хамтдаа шийдвэрлэх нь хамгийн зөв сонголт юм.
Эрүүл Мэндийн Яам

08/04/2026

🌎🌎🌎ДЭЛХИЙН ЭРҮҮЛ МЭНДИЙН ӨДӨР.
"Шинжлэх ухаанчаар нэг эрүүл мэндийг дэмжье” өдөрлөг 2 дах өдрөө үргэлжилж байна.

07/04/2026