Manbi Jalbo ulamjlalt emneleg

27/09/2025

АЛТАН ТУН

Уламжлалт Анагаах Ухааны Өдөрлөг

Өдөрлөгийн хоёрдугаар хэсэг буюу иргэд олон нийтэд зориулсан хөтөлбөрийг танилцуулж байна.

Бид “Алтан тун” өдөрлөгөөр иргэдэд Уламжлалт анагаах ухааны талаар зөв ойлголт өгөхийн тулд чадалтай сайхан эмч нарыг урьж энгийн сайхан үг хэллэгээр уламжлалт анагаах ухааны онол, эрүүл амьдрах ухааныг тайлбарлаж өгөхийг хүссэн байгаа.
Та манай өдөрлөгт ирснээр Монгол түмний эртнээс улбаат биеийг тэтгэн тэжээх, эрүүл орших ёс заншилтай танилцаж, уламжлалт анагаах ухааны үнэт өвөөс шанага шанагаар хутган авах болно.
Өдөрлөгөөс сурч мэдсэн зүйлээ амьдрал ахуйдаа хэрэглэж ач тусыг нь мэдэрвэл “Алтан тун” өдөрлөгийн зорилго биелэх болно.
Мөн манай өдөрлөг уламжлалтын салбарт амжилтай яваа эмнэлгүүд оролцох болноо.

Төлбөр: 30.000₮ (үүдэнд ирээд таксаа аваад орох боломжтой)

ТАКСИЙН ТӨЛБӨРТ УЛАМЖЛАЛТ ЭМЧИЙН ҮЗЛЭГ ЗӨВЛӨГӨӨНД ҮНЭГҮЙ ХАМРАГДАЖ, МӨН ОЛОН ГОЁ ИЛТГЭЛИЙГ СОНСОХ БОЛНОО.

МӨН УЛАМЖЛАЛТЫН ЭРҮҮЛ МЭНДИЙН БҮТЭЭГДЭХҮҮН, ЦАЙ, ЭМ ТАН ХУДАЛДАН АВАХ БОЛОМЖТОЙ ЮМ.

Та уламжлалтын эмчид үзүүлж амждаггүй бол заавал ирээрэй.

Өдөрлөгийн хугацаа: 2025.10.4 БЯМБА гараг, 09:00-18:00

Байршил: Наробанчин гэгээний хийдийн дэргэдэх Нароба институт
УБ, ХУД Хүүшийн ам

Хүндэтгэсэн, Тэжээхүй Ухаан ТББ

Холбогдох утас: 99149133, 89980947

27/09/2025

Тэжээхүй ухаан ТББ-ын #алтантун2025 өдөрлөгийн оролцогч байгууллагууд нэмэгдсээр л байна.
Та бүхэн пейжийн чатаар холбогдон Оролцогч байгууллагууддаа санал болгож буй зөндөө олон урамшуулал боломжуудтай танилцаарай. CALL to 99149133
Дэмжигч байгууллагуудаа оруулах гэсэн багтсангүй тусад нь пост тавина аа.

27/09/2025

13/09/2025

Манай эмнэлэг 2014 онд анх Дархан хотод ерөнхий эмч Г. Уранцэцэгийн санаачлагаар үүсгэн байгуулагдсан ба өдгөө 12 жилийн турш тасралгүй үйл ажиллагаа явуулж, уламжлалт анагаах ухааны бүхий л оношлогоо, эмчилгээ үйлчилгээг Монгол улсын эрүүл мэндийн хууль эрхзүйн хүрээнд, чанарын стандартын дагуу иргэдэд мэргэжлийн түвшинд хүргэсээр байна.
Уламжлалт анагаах ухаан бол буддын их таван ухааны нэг учир буддын гол зарчим болох бусдыг энэрч хайрлах нигүүлсэнгүй сэтгэлийг чухалчилдаг анагаах ухаан юм. Тэр ч утгаар манай эмнэлэг байгуулагдсан цагаасаа эхлэн иргэдэд аль болох уян хатан үнийн бодлогоор чанартай мэргэжлийн тусламж үйлчилгээг үзүүлэхийг зорьж ирсэн. Жишээ нь бид үүсгэн байгуулагдсан цагаасаа 0-8 болон 65-аас дээш насны иргэдийг үнэ төлбөргүй үзэж ирсэн ба бусад насны үйлчлүүлэгчид 15 хоног дотор эргэн үзүүлэхэд үнэ төлбөргүй байдаг. Мөн бусад эмчилгээ үйлчилгээн дээрээ ч хөдөө орон нутагт тохирсон үнийн бодлогыг баримталхыг зорьж ажилладаг.
2026 онд бид үйлчилгээгээ улам сайжруулж, илүү тав тухтай тохилог, дорнын хэв шинжээ хадгалсан орчин үеийн уламжлалт эмнэлгийг бий болгож шинэ эмнэлгийн байрандаа үйл ажиллагаа явуулж эхлэх бөгөөд цаашдаа ч одоогийн үнийн уян хатан бодлогоо хадгалж, иргэдэд ээлтэй чанартай үйлчилгээг боломжийн үнээр хүргэхийн тулд дараах хандивын аяныг зарлаж байна.

12/09/2025

Халуун амттай, хурц тослог чанарын хуурч шарсан хуурай хоол голчлон иддэг, ам нь гашуун оргидог, байнга халууцаж хөлөрч явдаг, халуун үздэггүй, наранд явах болон халсан машинд суухад толгой нь ихэд өвддөг, зулай нь хөөж хавагнадаг, цусны даралт нь ихэсдэг, хүзүү мөр нь хөшиж хөөрдөг, хөл гар нь халуу шатдаг, нүдний үүл нь шарласан эсвэл их улайдаг, ааг омог уур уцаар ихтэй, цөсний өтгөрөлтэй, элэгний архаг үрэвсэлтэй (B, C, D вирустэй, цирроз, хавдартай) мөн элдэв янзын идээт үрэвсэл хатигшилд өртөмтгий, цусан дахь сахар болон холестрин, төмөр ихдэлттэй хүмүүс намрын улиралд (эхний 72 хоногт) хануур, шивүүр, самнуур болон цөсний туулгыг мэргэжлийн эмчийн хяналтанд онолын дагуу зөв хийлгэх нь өвчний урхагийг биеэс бодьтой гадагшлуулдаг хосгүй арга юм. Мөн олон өвчнөөс урьдчилан сэргийлдэг төдийгүй тэдгээр өвчний явцыг удаашруулж, насыг уртасгадаг уламжлалт анагаах ухааны гайхамшигт эмчилгээнүүд юм.

11/09/2025

། སྐྱེ་བ་ཀུན་ཏུ་ཡང་དག་བླ་མ་དང་། ། འབྲལ་མེད་ཆོས་ཀྱི་དཔལ་ལ་ལོངས་སྤྱོད་ཅིང་། ། ས་དང་ལམ་གྱི་ཡོན་ཏན་རབ་རྫོགས་ནས། །རྡོ་རྗེ་འཆང་གི་གོ་འཕང་མྱུར་ཐོབ་ཞོག། 🙏🙏🙏
Ачит багш нарын минь өлмий нь бат оршиж, мэлмий нь тунгалаг байх болтугай 🙏🙏🙏

10/09/2025

Манби жалбо уламжлалт эмнэлгээс санаачлан улсын эмнэлгүүдэд сахиурын ор бэлэглэх үйлсийг өнөөдрийн дашнямтай билэгт сайн өдөр эхлүүлж, Дарханыхаа нэгдсэн эмнэлэгт 10 ширхэг сахиурын орыг 2 ширхэг тэргэнцэртэй бэлэглэлээ.
Дараагийн 30 орыг бид Улсын Гэмтэл Согог Судлалын Үндэсний төвийн мэс заслын тасаг болон хуучнаар Түлэнхийн төвийн хүүхдийн тасагт тус тус хандивлах юм.
Бидний санаачилсан сайн үйлсийг дэмжиж, хамтарч ажиллаж байгаа Харзтай шүдний эмнэлгийн менежер Ц. МӨНХНАРАН ах, Дархан- Уул аймгийн Татварын газрын татварын улсын байцаагч Б.МӨНХНАЙРАМДАЛ эгч болон дүү Э. БАТТӨР нартаа талархал илэрхийлье.
Сайн үйлс дэлгэрэх болтугай. 🥰🙏🙏🙏

09/09/2025

09/09/2025

06/12/2023

Хувилгаан хааны сургаал -
Санаж сэрнэ үү, та минь...
Гадна талын дайсантай байлдаж, дотор муу сэтгэлдээ эзлэгдэж явсаар тамын оронд бүү од. Эд мөнгөнд улайрч, хармын зангилааг бөхөлж явсаар бирдийн оронд бүү од. Өнгөтэй сайн хувцсаар биеэ чимэх гэж мачийсаар үхэхийн цагт нүцгэн сүнс бүү од. Бусдын өтөлсөн биеийг сонживч өөрийн өтлөхийг мартаж явсаар номгүй зөнөг бүү бол. Бусдын өвчин зовлонг хэрэгсэвч өөрийн доторх нисванисын ужиг өвчинг хайхрахгүй явсаар засаршгүй эмгэг бүү бол. Бусдын үхэлд энэлэн гашуудавч өөрийн үхлийг санахгүй явсаар хожимдсон харуусалд бүү авт.

Арьяабалын адистид
- Агнистын гэгээ

07/08/2023

Та бүхэндээ Манби жалбо уламжлалт анагаах ухааны эмнэлгийг товч танилцуулж байна.
Манай эмнэлэг 2014 онд Дархан хотод байгуулагдсанаас хойш өнөөг хүртэл тасралтгүй үйл ажиллагаагаа явуулж байгаа бөгөөд уламжлалтын их эмч нар та бүхэнд дараах уламжлалтын тусламж үйлчилгээг мэргэжлийн өндөр түвшинд хүргэх болно.

- Судас оношлогоо
- Уламжлалт эм тан (жорын дагуу нарийн хийгдсэн, тусгайлан равнайлсан чанартай эм тан)
- Бариа засал / бүх биеийн болон, нуруу, хүзүү толгой бусад хэсэгчилсэн бариа/
- тархи доргилт
- Цөсний туулга /ходоод гэдэс, цөс угаах эмчилгээ/
- Зүү эмчилгээ
- Хануур, самнуур шивүүр
-Төөнүүр
- Зөгийн балтай татлага
- Хүүхдийн дархлаа сэргээх, хоолны дуршил сэргээх цогц эмчилгээ
- ханиад томуу, халдварын дараах дархлаа сэргээх, уушиг цэвэрлэх эмчилгээ

Хаяг: Хээтэй хороолол Харзтай шүдний эмнэлгийн 3 давхарт 302 тоот

Утас:88996005

Ажиллах цагийн хуваарь Даваа- Баасан: 9:00-17:30 Бямбад 9:00-16:00