Манай эмнэлэг нь “Эрдэнэт Үйлдвэр” ХХК-ийн “Хаалт-Хөгжилийн менежментийн бодлогын хүрээнд Орхон аймгийн ирээдүй хэтийг тодорхойлох, эдийн засгийн хөшүүрэг, орлогын эх үүсвэрийг бий болгох зорилгоор тус үйлдвэрийн 100%-ийн хөрөнгө оруулалтаар байгуулагдсан.
Япон улсын эрүүл мэндийн тусламж үйлчилгээний технологи, туршлага, эмнэлгийн тоног төхөөрөмж, Япон улсын эмнэлгийн менежментийн арга барилыг н
эвтрүүлж, үйлчлүүлэгчдэд оношилгоо, эмчилгээний тусламж үйлчилгээг хүргэхээс гадна аливаа өвчнөөс урьдчилан сэргийлэх тал дээр онцгойлон анхаарал хандуулан ажиллаж байна.
Орон нутагт анх удаа хамгийн орчин үеийн, өндөр хүчин чадалтай тоног төхөөрөмжийг суурилуулж, дэвшилтэт технологиор хүн амд эрүүл мэндийн чанартай тусламж үзүүлэх боломжийг бүрдүүлсэн нь эрүүл мэндийн салбар, орон нутгийн хөгжилд оруулж буй томоохон бүтээн байгуулалт юм.
Бид үйл ажиллагаагаа улам өргөжүүлж, иргэдэд илүү хүртээмжтэй байх зорилго тавин ажилладаг бөгөөд Эрүүл мэндийн даатгалаар өндөр өртөгт шинжилгээ, мэс засал, хэвтэн эмчлүүлэх тусламж үйлчилгээ, MRI, CT, ходоод улаан хоолойн дурангийн шинжилгээ болон эрт илрүүлгийн багц шинжилгээ зэргийг хийж байна.
