Ид шидийн орон Хөвсгөл

01/12/2025

Зохиолч А.Наранболдын ээлжит шинэ бүтээлүүд болох "Махчин-3 буюу Ороолон", "Элсэн говийн эрлэг" номууд Ид шидийн орон Хөвсгөл төвд маань хандивлагдан ирлээ.

Шинэхэн номныхоо дээжис бүрээс хандивлаж, үйл ажиллагааг маань дэмждэг Naranbold Altansukh танд маш их баярлалаа😊

Адал явдалт туужуудад дуртай хэн бүхний унших ном мөн буй за.

29/11/2025

Хөвсгөл аймгийн Мөрөн хотод "Арьяа" кафег үүсгэн байгуулагч, Хатгал тосгоны уугуул охин Арьяа маань өөрийнхөө амьдралын түүх, үзэл санаа, мөрөөдлөө шингээсэн "Далайн эргийн охин" хүүхдийн номын төслийг санаачлан, хэрэгжүүлжээ.

Номынхоо дээжээс Ид шидийн орондоо бэлэглээд, ирэх 7 хоногт хамтарсан өдөрлөг зохион байгуулахаар ярилцлаа.

Тус номоо 4+ насны хүүхдүүдэд зориулсан бөгөөд мөрөөдөлтэй байж, түүндээ үнэнч байхын сайхныг номоор дамжуулан уншигч хүүхдүүддээ ойлгуулахыг зорьжээ.

Орон нутагтаа номын соёл түгээж, төсөл санаачилсан Арьяадаа маш их баярлалаа.

Хавтас, зураг, өнгө дизайн үнэхээр төгс, яг л гадаад ном л ийм байдаг даа.
Монгол, тэр дундаа Хөвсгөлд ийм хөөрхөн ном мэндэлсэнд тун чиг баяртай байнаа.

Номоо Arya Cafe кафедаа борлуулж байгаа гэсэн, худалдаж авах бол тус пэйж рүү чат бичээд авч болно. Хүүхдүүд лав дуртайяа уншина даа.

29/11/2025

Зургийн дугуйлангийн бяцхан уран бүтээлчид 🎨

Тоёотагийн 19 дэх уралдаанд оролцож буй хүүхдүүд маань бүтээлүүдээ илгээхэд бэлэн боллоо.🥰
Эхнээсээ дууссан хөөрхнүүд маань цонхоо чимэглээд, зарим нь өрөөгөө цэгцлэн амралтын өдрөө бүтээлч, дурсамж дүүрэн гоёхон өнгөрүүлж байна даа.
Хөөрхөн хүүхдүүддээ баярлалаа.🥹💜

#Хүүхэдбүхэнинээнэ
#Идшидийгбүтээнэ

28/11/2025

Дэлгэрмөрөн сургуулийн багш нар ангийнхантайгаа хобби ижилсээд удаж байна. Шавь нартаа хайртай сайн багш л ийм хөөрхөн хоббигоор шавь нартайгаа ижилсэх бх даа 🥰🥰

Б. Хоролгарав багштай 7в ангийн 42 сурагч Ц. Гончиг "Цул мөнгөн гүүр", Ч. Ганжавхлан "Хол биш", номуудыг анги нийтээрээ 10 хоногийн хугацаанд 100% уншиж, тэмдэглэл хөтөлж, уулзалтаа хийлээ. Багш нь хамтарч уншив.

Хүүхдүүд номын дараа дараагийн хөтөлбөрт хамрагдаж ном унших их сонирхолтой байгаагаа илэрхийллээ.

Сурагчдын сэтгэгдлээс дурдвал: Хүн бүрд гэрэл бий. Харин зарим нь түүнийгээ олж харахад илүү их цаг хэрэгтэй байдаг. Гэхдээ тэр гэрэл хэзээ ч унтардаггүй. Энэ хэсэг нь номын гол санааг хамгийн тод илэрхийлж байна. Цул мөнгөн гүүр номд хүн өөрийгөө таньж мэдэх амьдралын үнэ цэнийг ойлгох, бусадтайгаа итгэл, хайр, уучлалаар холбогддог. Заримдаа амьдрал хэцүү. Үүнээс болоод хүмүүс хоорондоо холддог. Гэхдээ тэр бүхнийг холбодог зүйл бол хүний сэтгэл, хайрын хүч юм.

Дандаа сонирхолтой номууд байсан учир уншиж эхлээд л цаашаагаа амархан явчихсан. Зохион найруулж бичихэд ном унших нь их сайнаар нөлөөлдөг болохыг мэдэрлээ. Илүү олон ном унштж оюун ухаанаа тэлэхийг хүсэж байна гэжээ.

Манай хүүхдүүд номоо хүлээж авах үеийнхээ зургийг дарахаа мартжээ😀

Мөн манай номын клубт Хөвсгөл аймгийн тав болон сумдын сурагчид ангиараа хамрагдах бүрэн боломжтой билээ.

28/11/2025

Ид шидийн орон төвийн IELTS-н хөтөлбөрийн анхан шатны ангийн нэг хөөрхөн охин бий. Манай хөтөлбөрт орох гэж Хатгал тосгоноос сургуулиа шилжүүлж Мөрөнд орж ирсэн.
Хэд хоногийн өмнө "Манай Хатгалд байдаг гадаад хүнтэй Номинд таарлаа. Би өмнө нь тэр хүнтэй ярихаараа ойлголцдоггүй, ойр зуурын хэдхэн үг сольдог байлаа. Сая таараад бид 2 зөндөө удаан ярьж зогссон. Англиар ярьсаар байгаад гарч ирлээ. Намайг гайхаад, ямар сайн ярьдаг болчихсон юм бэ гэсэн" гээд нүд нь гялалзаад л бөөн хөөр ирсэн. Анхан шатны хүүхдүүд маань хүртэл гадаад хүнтэй өөртөө итгэлтэй, ийм сайн ярьдаг болсныг сонсох ямар сайхан гэж санана.
Манай хөтөлбөрт сумдаас сургуулиа шилжүүлж ирсэн хүүхдүүд нэлээд бий. 180 км-ийн цаанаас, Жаргал сумаас хүртэл зорьж ирсэн ч байна.

Саяхан л тал бүрээс цуглаж байсан тэд маань хэдийнээ 2 сар хичээллэжээ. Анх орж ирэхдээ чадах болов уу гэсэн ялимгүй эргэлзээ, чадах байхаа гэсэн сулхан итгэлтэй байсан бол 2 сарын дараа чөлөөтэй ярьдаг, чадна гэсэн бат итгэлтэй, нэг ангийн найзууд болж нөхөрлөөд, ирээдүйнхээ том зорилгын төлөө шаргуу хичээж байна.

Харах тусам хайр хүрэм, ямар хөөрхөн гэж санана. Тэд маань ирээдүйд эх орноо, нутаг усаа хөгжүүлэх эрдэм мэдлэгтэй, сайн хүмүүс болж төлөвшинө.

Энэ бидний ирээдүйдээ хийж байгаа маш том хөрөнгө оруулалт. Ирээдүйд энэ бүхэн хэдэн 1000 дахин үржигдэж үр шимээ өгнө. Бид одоо төсөөлөө ч үгүй байгаа тийм өгөөж хүртэнэ гэдэгт итгэлтэй байдаг аа.

Боловсролд хайртай хүмүүсийн ачаар хамтдаа ийм хөөрхөн түүх бүтээж байгаадаа үргэлжид талархдаг аа.

Жич: Дунд шатны нэмэлт хөтөлбөрийн ярилцлагад орох бол өнөө орой /11.28нд/ 18 цагт Ид шидийн орон дээр ирээрэй. 10-12 дугаар анги.

#ХүүхэдБүхэнИнээнэ
#ИдШидийгБүтээнэ

25/11/2025

📢Ид шидийн орон Хөвсгөл төвийн IELTS хөтөлбөрийн ДУНД ШАТ-ОРОЙ ангид нэмэлт элсэлт зарлалаа.

АНХААРАХ: Энэ хөтөлбөр нь одоо хичээллэж байгаа үндсэн хөтөлбөрийн хажуугаар явах тул Мягмар, Пүрэв, Бямба гарагт 17:00-19:00 цагийн хооронд сургалтдаа суух боломжтой, сонгон дугуйлан давхцахгүй хүүхдүүд бүртгэлээ илгээж, шалгаруулалтад оролцоорой.

Анги: 10-12р анги

Шалгаруулалт:
1. Эхлээд доорх холбоосоор орж бүртгэлээ илгээнэ.
Бүртгэлээ илгээх хугацаа: 2025.11.25-27-ы хооронд
https://docs.google.com/forms/d/e/1FAIpQLScz6Q1GIH97PdkW57ba82lL0OoD4toD6TR1HH_iwKm8AqNRww/viewform?usp=header
2. Бүртгэлээ илгээсэн хүүхдүүд 2025.11.28нд 18:00 цагаас Ид шидийн орон Хөвсгөл төвд ирж, ярилцлагад оролцоно.

📞80808505

24/11/2025

Манай төвийн байнгын дэмжигч, Batsuren эгч маань алс холын Япон улсаас бэлэг илгээжээ.

Өмнө нь бас ажлынхаа хамт олонд Ид шидийн орноо танилцуулаад зөндөө их хичээлийн хэрэгсэл, тоглоом цуглуулаад илгээж бсан.

https://m.facebook.com/story.php?story_fbid=951376710481039&id=100068261550189

Энэ удаад мөн л хичээлийн хэрэгсэл, чихмэл тоглоом гээд хүүхдүүдэд маань зөндөө шоё зүйлс илгээснийг хүлээж авлаа.

Ранчаа эгч маань Хатгал тосгоны уугуул хүн бөгөөд Япон улсын Хирошима хотод ажиллаж амьдардаг, ажилладаг компанийхаа цорын ганц гадаад хүн гэсэн.

Удахгүй "ИД ШИДИЙН УУТ" 2025 аян эхэлнэ. Аяны анхны бэлгээ хүлээж авлаа. Баярлалаа танд. 🥰

20/11/2025

📢Маргааш буюу 11.21нд бүх нийтээр амрах өдөр тул Ид шидийн орон Хөвсгөл төв нь ажиллахгүй шүү✌️

20/11/2025

Өчигдөр Ид шидийн орон Хөвсгөл төвийн кафед Тангадын Туяа маань хайртай аавынхаа тэнгэрт хальсны 1 жилийн буяны өдрөөр 100ш ханын сүүний мөнгө авчирч өгөв.

Ид шидийн орон Хөвсгөл төвийнхөө сургалтын хүүхдүүдэд шидэт сүүгээ бэлэглэж, баярлуулнаа.

Буян хурах болтугай. Баярлалаа та бүхэндээ. 🥰

17/11/2025

📢Ид шидийн орон Хөвсгөл төвийн IELTS хөтөлбөрийн АХИСАН АНХАН ШАТ-ӨГЛӨӨ ангид нэмэлт элсэлт авахаар боллоо.

Хичээллэх хуваарь:
-Даваа гарагт: 08:30-10:30
-Лхагва гарагт: 08:00-10:00
-Бямба гарагт: 14:00-16:00
Дээрх хуваариар суралцах боломжтой, сонгон дугуйлан давхцахгүй хүүхдүүд бүртгэлээ илгээж, шалгаруулалтад оролцоорой.

Анги: 10-12р анги

Шалгаруулалт:
1. Эхлээд доорх холбоосоор орж бүртгэлээ илгээнэ.
Бүртгэлээ илгээх хугацаа: 2025.11.17-18-ы хооронд
https://docs.google.com/forms/d/e/1FAIpQLSeCx4BiKWilEDXuCXNX7TObm12pDM_-bfLL8B3TO88_-1pJrA/viewform?usp=dialog
2. Бүртгэлээ илгээсэн хүүхдүүд 2025.11.19нд 10:00 цагаас Ид шидийн орон Хөвсгөл төвд ирж, ярилцлагад оролцоно.

📞80808505

16/11/2025

📢 IELTS-н сургалтын ярилцлагад хоцорсон хүүхдүүд өнөөдөр 15 цагт хүрэлцэн ирнэ үү!!