ХАНУД Dental Clinic

23/02/2026

Хүүхдийн шүдийг тогтмол угаалгаж хэвшүүлэх хамгийн чухал. Эцэг, эх, асран хамгаалагч нарт 🦷🪥

🎵 1. Дууны арга
• 2 минутын хугацаатай хүүхдийн дуу тавьж, дуу дуусах хүртэл угаана.
• “Шүдний баатар” гэж нэрлээд, бактериудыг “муу мангас” гэж төсөөлүүлж болно.

⏳ 2. Элсэн цаг / таймер
• Жижиг 2 минутын элсэн цаг хэрэглэ.
• “Элс дуусах хүртэл мангасуудыг хөөе!” гэж тоглоом болго.

🦷 3. Сонголт өгөх
• “Улаан сойз уу, цэнхэр сойз уу?”
• “Өөрөө эхлэх үү, аав/ээж эхлүүлэх үү?”
(Сонголт өгвөл хүүхэд өөрийгөө шийдвэр гаргаж байна гэж мэдэрдэг.)

🧸 4. Тоглоомон дээр туршуулах
• Эхлээд хүүхэлдэй, тоглоомон баавгайн шүдийг “угаалга”.
• Дараа нь “одоо чиний ээлж” гэж шилжүүл.

⭐ 5. Шагналын хүснэгт
• Өдөр бүр угаавал наалт наах.
• 7 хоног тасралтгүй бол жижиг шагнал (ном, зурагт наалт гэх мэт).

👨‍👩‍👧 Хамт угаах

Хүүхдүүд дуурайх дуртай. Та хамт угаавал илүү үр дүнтэй.

31/12/2025

МЭДЭЭЛЭЛ
Манай эмнэлэг 2025 оны 12 дугаар сарын 29-оос 2026 оны 1 дүгээр сарын 10-ны өдрүүдэд, эмнэлгийн тоног төхөөрөмжүүдэд шаардлагатай засвар үйлчилгээг хийх тул түр ажиллахгүй.
🎄2026 оны 1 дүгээр 12-ноос хэвийн үйл ажиллагаагаа явуулна.
Та бүхэндээ шинэ жил, шинэ оны мэнд хүргье. 🎄🎅

25/12/2025

16/09/2025

“Манай эмнэлэг хамгийн сүүлийн үеийн Япон цайруулагч аппаратаар үйлчилж эхэллээ! 🇯🇵✨
Өвдөлтгүй, богино хугацаанд, таны шүдийг эрүүлээр гялалзсан цагаан болгоно.”
“Инээмсэглэлд тань шинэ өнгө нэмье!
✅ Япон технологи
✅ Аюулгүй, өвдөлтгүй
✅ Түргэн үйлчилгээ
Эрүүл, цэвэрхэн, гялалзсан инээмсэглэлээ бидэнд даатгаарай.”
• “Япон технологи – Төгс инээмсэглэл”
• “Инээмсэглэлээ сэргээе!”
• “Япон аппаратаар түргэн, өвдөлтгүй цайруулалт”

10/07/2025

Та бүхэн минь сайхан наадаарай 🏇🏹🤼‍♂️

🏥 Манай эмнэлэг 07.10-аас 07.15 хүртэл амарна.
07.16 өдрөөс хэвийн цагийн хуваарийн дагуу ажиллана.

☎️ 80062078

30/04/2025

ЗӨВӨЛГӨӨ

Шүдний утас (floss) гэдэг нь шүдний хоорондох жижиг завсрыг цэвэрлэх зориулалттай нимгэн, бат бөх утас юм. Шүдний сойзоор цэвэрлэж чадахгүй хэсгийг арилгах гол хэрэгсэл гэж үздэг.

Шүдний утас хэрэглэх шалтгаанууд:
• Шүдний завсар дахь хоолны үлдэгдэл, товруу (plaque)-г арилгана
• Буйлны үрэвсэл, өвчнөөс сэргийлнэ
• Амны эвгүй үнэрийг багасгана
• Шүд цоорохоос хамгаална

Яаж зөв хэрэглэх вэ:
1. Ойролцоогоор 30–40 см орчим утас тасалж авна.
2. Утсаа хоёр хуруундаа ороогоод дунд нь 2–3 см сул орхино.
3. Шүд бүрийн завсар руу зөөлөн шургуулж, “С” хэлбэр үүсгэн шүдийг тойруулж цэвэрлэнэ.
4. Доош, дээш чиглэлд болгоомжтой хөдөлгөж шүдний хоёр талыг цэвэрлэнэ.
5. Бүх шүдний завсраар ингэж цэвэрлэнэ, утсыг бохирдох бүрт шинэ хэсэг ашиглана.

Анхаарах зүйлс:
• Хэт хүчтэй утас оруулахгүй, ингэснээр буйл гэмтэж болзошгүй
• Өдөрт ядаж нэг удаа шүдний утас хэрэглэхийг зөвлөдөг (ихэвчлэн орой унтахын өмнө)

26/04/2025

ЗӨВӨЛГӨӨ

Амны эвгүй

Амны эвгүй үнэр (галофоби) нь олон шалтгаантай байж болно. Үүнийг арилгах болон урьдчилан сэргийлэхийн тулд дараах зөвлөгөөг дагаарай:

1. Амны хөндийг сайн цэвэрлэх
• Өдөрт 2 удаа шүдээ фтортой оогоор сойдоорой.
• Хэлний өнгөрийг арилгахад тусгай хэлний сойз эсвэл сойзны нурууг ашиглаарай.
• Шүдний утас хэрэглэж завсар хоорондох үлдэгдлийг цэвэрлэ.

2. Амаа чийгтэй байлга
• Хангалттай ус ууж, амаа хуурайшихаас сэргийл.
• Хэрэв ам хатаж байвал чихэргүй бохь зажилж шүлс ялгаруулалтыг нэмэгдүүлээрэй.

3. Хоол хүнсэндээ анхаарах
• Сонгино, сармис, халуун ногоотой хүнс ихээр хэрэглэвэл эвгүй үнэр үүсгэж болно.
• Чихэрлэг болон өөх тос ихтэй хүнсийг хязгаарла.

4. Шүдний эмчид тогтмол хандах
• Шүдний чулуу болон буйлны үрэвсэл амны эвгүй үнэрийн нийтлэг шалтгаан болдог тул мэргэжлийн цэвэрлэгээ хийлгээрэй.

5. Өөр эрүүл мэндийн асуудлыг шалгах
• Ходоод гэдэсний өвчин, хамар залгиурын үрэвсэл, эсвэл бусад өвчин эвгүй үнэр үүсгэж болох тул эмчид үзүүлж, шалтгааныг тодорхойлж эмчилгээ хийлгээрэй.
https://www.facebook.com/Medical.dental.office?mibextid=wwXIfr&mibextid=wwXIfr

20/04/2025

ЗӨВӨЛГӨӨ

Шүдний сойзыг зөв сонгох нь амны хөндийн эрүүл мэндэд маш чухал. Дараах зөвлөмжүүдийг анхаараарай:

1. Үс нь зөөлөн байх
• Зөөлөн үстэй (soft) сойз сонгох нь буйл гэмтээхгүй, шүдний пааланг зурахгүй.
• Дунд зэрэг (medium) эсвэл хатуу (hard) үстэй сойз нь буйл цус алдуулах, шүдний гадаргууг гэмтээх эрсдэлтэй.

2. Сойзны толгойн хэмжээ
• Бага толгойтой сойз нь амны хөндийн арын шүд хүрэхэд амар байдаг.
• Насанд хүрсэн хүнд толгойн урт нь ойролцоогоор 2–2.5 см байвал тохиромжтой.

3. Бариул (иш) нь тухтай байх
• Таны гарт эвтэйхэн, гулсдаггүй бариултай байх нь зөв өнцгөөр, хянаж угаахад тусалдаг.

4. Цахилгаан эсвэл гараар угаадаг сойз
• Цахилгаан сойз нь гар угаалтаас илүү үр дүнтэй гэж судалгаагаар батлагдсан, ялангуяа гарын хөдөлгөөн сул хүмүүст тохиромжтой.

5. Нас, хэрэгцээнд тохируулах
• Хүүхдэд зориулсан сойз жижиг, зөөлөн үстэй, өнгөлөг байх нь илүү тохиромжтой.
• Шүдний аппараттай бол тусгай зориулалтын сойз хэрэгтэй.

6. Сойзыг 3 сар тутам солих
• Үс нь элэгдэж муудах эсвэл сойзны хэлбэр алдагдвал шүдийг бүрэн цэвэрлэж чадахгүй болдог.

Хэрвээ та шүд мэдрэмтгий, буйл үрэвсэлтэй бол эсвэл аль сойз тохирохоо мэдэхгүй байвал шүдний эмчээс зөвлөгөө авах хамгийн зөв арга шүү.

18/04/2025

Шүдний оо сонгохдоо дараах хэдэн чухал зүйлд анхаарах хэрэгтэй:

1. Фтор агуулсан эсэх
• Фтор нь шүд цоорлоос сэргийлэх, бэхжүүлэх үйлчилгээтэй. Насанд хүрэгчдэд 1000–1500 ppm фтор агуулсан оо тохиромжтой.

2. Шүд болон буйлыг тань харгалзан
• Мэдрэмтгий шүдтэй бол: Potassium nitrate, strontium chloride зэрэг орцтой мэдрэмжийг багасгадаг оо сонгоно.
• Буйл үрэвсдэг бол: Антисептик найрлагатай (жишээ нь: chlorhexidine, triclosan) оо тохиромжтой.
• Цайруулах хүсэлтэй бол: Хөнгөн абразивтай буюу peroxide агуулсан оо сонгох. Гэхдээ байнга хэрэглэхгүй байх нь зүйтэй.

3. Хүүхдийн оо бол
• Хүүхдийн насанд тохирсон, бага фтортой (0-6 настай бол 500 ppm орчим) оо хэрэглэх хэрэгтэй. Амтлагч багатай, залгисан ч аюулгүй найрлагатай байх ёстой.

4. Шүдний эмчийн зөвлөмж
• Шүдний асуудалтай бол (шүд цооролт, өнгөр их үүсдэг гэх мэт) эмчийн зөвлөсөн тусгай зориулалтын оо хэрэглэх нь дээр.

12/04/2025

ЗӨВӨЛГӨӨ

Бага насны хүүхдийн шүдийг хэдэн нас хүртэл нь угааж өгөх, зөв дадалд сургах вэ?

Хүүхдийн шүдийг эцэг эхчүүд эсвэл асран хамгаалагчид нь ойролцоогоор 7–8 нас хүртэл угааж өгөх, эсвэл дор хаяж хамт угаах шаардлагатай байдаг. Учир нь энэ нас хүрэх хүртэл хүүхдүүд гарын хөдөлгөөний нарийвчлал, анхаарал төвлөрөл гүйцэд хөгжөөгүй байдаг тул шүдийг бүрэн цэвэрлэж чаддаггүй.

Зөвлөгөө:
• 2 хүртэлх насанд: фторгүй оо эсвэл маш бага хэмжээтэй фтортой оогоор, өдөрт 2 удаа шүдийг нь зөөлөн угааж өгөх.
• 2–6 насанд: вандуйны хэмжээтэй фтортой оо ашиглан, шүдийг нь хамт угааж, зааж сургах.
• 7-с дээш наснаас: хүүхдийг өөрөө хариуцлагатайгаар угаах чадвартай эсэхийг хянаж, шаардлагатай тохиолдолд тусалж зааварлах.

Хүүхдийн шүд эрүүл байх нь насанд хүрэх үеийн шүдний эрүүл мэндэд шууд нөлөөлдөг тул багаас нь зөв дадал суулгах нь чухал.
☎️ 80062078
Бусад мэдээллийг: https://www.facebook.com/Medical.dental.office?mibextid=wwXIfr&mibextid=wwXIfr

11/04/2025

ЭМЯ, БШУЯ-ны хамтарсан “ЭРҮҮЛ ШҮД” хөтөлбөрийн хүрээнд Налайх дүүргийн 1-р ангийн хүүхдүүдийн амны хөндийн үзлэг, эмчилгээ хийгдэж байна. 🦷
1-р шат. Хүүхдүүдийн үзлэг, фторт түрхлэг хийгдсэн.
2-р шат. Эмчилгээ шаардлагатай хүүхдүүдийн үзлэг явагдах гэж байгаа тул эцэг, эх, багш, сургуулийн эмч та бүхэн хамтран ажиллана уу.

Утас: 80062078 ☎️

Хаяг: Налайх эрүүл мэндийн төвийн баруун талд (10 шард) 📍
🏥 Хан-Уд шүдний эмнэлэг
Link: https://www.facebook.com/Medical.dental.office?mibextid=wwXIfr&mibextid=wwXIfr

Шүдний эмнэлэг

08/04/2025

Шүдний цайруулалт өмнө ба дараа
☎️ 80062078
Холбоос: https://www.facebook.com/Medical.dental.office?mibextid=wwXIfr&mibextid=wwXIfr