Бүтээлч Тархи Сэтгэл Судлалын Хүрээлэн

25/05/2026

Байгууллагын мэргэжилтнүүдийг чадавхжуулах сургалтын захиалга тогтмол авч байна. Сургалтын талаарх дэлгэрэнгүй мэдээллийг 90198999 дугаараас лавлана уу.

25/05/2026

“Хүүхэд хүмүүжлийн эерэг аргууд” сэдвээр Цахилгаан дамжуулах үндэсний сүлжээ ТӨХК-ны ажилчдад зориулсан сургалтыг танхим болон цахим хосолсон хэлбэрээр амжилттай зохион байгууллаа. Тус сургалтад нийт 326 ажилтан хамрагдаж, хүүхдийн сэтгэл зүй, эерэг хүмүүжлийн арга барил, гэр бүлийн харилцааны талаарх мэдлэг ойлголтоо нэмэгдүүлсэн үр дүнтэй арга хэмжээ боллоо.

Сургалтын үеэр оролцогчид өдөр тутмын хүмүүжлийн түгээмэл алдаа, хүүхэдтэй зөв харилцах арга, эерэг орчны ач холбогдлын талаар практикт суурилсан мэдээлэл авч, идэвхтэй оролцлоо. Хамтран ажилласан байгууллага болон нийт оролцогчдодоо баярлалаа.

📞 90198999

22/05/2026

Хувь хүний тест: Та аль сандал дээр суух вэ?
Энэхүү зураг нь таны харилцааны хэв маяг болон өөртөө итгэх итгэлийг тодорхойлох зорилготой.

Асуулт: Хэрэв та энэ өрөөнд орж ирвэл аль сандал дээр суух вэ?
Сонголт: Зурагт 1-ээс 9 хүртэлх дугаартай сандлууд байна.
Тайлбар: Сонгосон сандал бүр таныг хэн болохыг илчилнэ.

22/05/2026

🧠✨ Сэтгэлзүйн зөвлөгөө үйлчилгээний хүртээмж ба чанар олон нийтийн судалгаа

Таны санал бодол Монголчуудын маань сэтгэлзүйн сайн сайхан байдал (psychological-wellbeing) дээшлүүлэхэд үнэлж баршгүй хувь нэмэр оруулна.

Таны үнэтэй санал, туршлага бидэнд маш чухал. Доорх холбоосоор орж богино асуулгад оролцоно уу. 🙏

📌 Судалгааны линк:
https://forms.gle/nhAR4y9rSWyBPieg6

⏱ 5-7 минут л зарцуулна.
💬 Таны хувийн мэдээллийг чандлан хадгалах болно

Баярлалаа! 🤍

Монголын Сэтгэл Судлалын Шинжлэх Ухааны Холбоо
🌐: www.maps.org.mn
📧: info@maps.org.mn
📱Утас: 80199896

🧠✨ Сэтгэлзүйн зөвлөгөө үйлчилгээний хүртээмж ба чанар олон нийтийн судалгаа

Таны санал бодол Монголчуудын маань сэтгэлзүйн сайн сайхан байдал (psychological-wellbeing) дээшлүүлэхэд үнэлж баршгүй хувь нэмэр оруулна.

Таны үнэтэй санал, туршлага бидэнд маш чухал. Доорх холбоосоор орж богино асуулгад оролцоно уу. 🙏
Тус судалгаанд сэтгэлзүйн зөвлөгөө тусламж авч байсан, болон авч байгаагүй 14 наснаас дээш насны бүх хүн оролцох боломжтой.

📌 Судалгааны линк:
https://forms.gle/nhAR4y9rSWyBPieg6

⏱ 5-7 минут л зарцуулна.
💬 Таны хувийн мэдээллийг чандлан хадгалах болно

Баярлалаа! 🤍

Монголын Сэтгэл Судлалын Шинжлэх Ухааны Холбоо
🌐: www.maps.org.mn
📧: info@maps.org.mn
📱Утас: 80199896

21/05/2026

Өмнөговь аймгийн Хүүхэд гэр бүлийн хөгжил хамгааллын газрын сэтгэл зүйч, нийгмийн ажилтан мэргэжилтэнүүдийн практик ур чадварыг нэмэгдүүлэх арга зүйн сургалт амжилттай зохион байгууллаа.
Хамтран ажилласанд баярлалаа❤️

Манай байгууллагын зохион явуулдаг бүх сургалтууд онол практик хослуулан ажиллах арга зүйг олон жилийн туршлагаар хэрэгжүүлсэн үр дүнгээсээ алдаа оноог зөвлөж, сэтгэлзүйн зөвлөгөө, анхан шатны сэтгэл засалд сургалтын явцад практик харах, оролцох үр дүнг мэдрэх боломжийг олгодог.
🔱 Мэргэжлээрээ ажиллах хүсэлтэй, чин сэтгэлээсээ сурах хөгжих эрэл хайгуул хийж байгаа мэргэжил нэгтнүүддээ мэргэжлийн ёс зүйг баримтлан, мэргэжлийн зөвлөгөөн супервишиний багт орох, мэргэжлийн ур чадварыг богино хугацаанд сайжруулах, зөвлөн туслах зорилгоор сургалтаа явуулдаг онцлогтой.

❤️Сургалтын оролцогч мэргэжил нэгтнүүдийнхээ ажилд улам их амжилт хүсье ! баярлалаа

🔔 Байгууллагын захиалгат сургалтын дэлгэрэнгүй мэдээлэл авахыг хүсвэл 90198999 утсаар болон 1 гэж үлдээнэ үү

20/05/2026

“Love bombing” буюу хэт их анхаарал, хайр халамжаар булж эхлэх үзэгдэл нь маш бодитой байж болно. Гэхдээ харилцааны эхлэл хүчтэй, сэтгэл хөдлөл ихтэй байна гэдэг нь заавал манипуляци гэсэн үг биш юм.

Бид ихэвчлэн тухайн хүний үйлдлийн цаад шалтгааныг ойлгохоосоо илүүтэй, зөвхөн гаднах илэрхийллийг нь дүгнэх хандлагатай байдаг. Харилцааны эхэнд их хэмжээний халамж, анхаарал үзүүлж байгаа хүн бүр таныг манипуляци хийх гэсэн муу санаатай гэсэн үг биш.

Зарим тохиолдолд энэ хүчтэй ойртолт нь:
• attachment буюу ээнэгшил түүний хэв маяг,
• өмнөх харилцааны туршлага,
• сэтгэл хөдлөлийн тогтворгүй байдал,
• эсвэл хайрлаж, холбоо тогтоож сурсан арга барилаас үүдэлтэй байж болно.

Харин харилцааны жинхэнэ чанар нь эхлэлээрээ биш, цааш хэрхэн үргэлжилж байгаагаар тодорхойлогддог.

Тэнд:
• тууштай байдал,
• хүндлэл,
• хариуцлага,
• сэтгэлзүйн аюулгүй мэдрэмж байна уу гэдэг нь илүү чухал юм.

Эх сурвалж:
“Attachment styles may influence intense early romantic behaviors, though not all intense affection should be pathologized as manipulation.” (Strutzenberg et al., 2017)

“Anxious attachment and emotional dysregulation were significant predictors of problematic romantic attachment behaviors.” (European Journal of Psychiatry, 2024)

18/05/2026

Жил бүр уламжлал болгон зохион байгуулдаг сэтгэл зүйч мэргэжилтнүүдийн ажлын байрны чиглүүлэх, дэмжих, туршлага хуваалцах цахим вэбинарт урьж байна😇.
Шинэ төгсөгч, мэргэжлээрээ ажиллах хүсэлтэй сэтгэл судлаач, цаашид мэргэших хүсэлтэй сэтгэл судлалын оюутнууд оролцох боломжтой.
- Цэргийн анги, Хилийн цэрэг, Сургууль, Цэцэрлэг, Шүүхийн шийдвэр гүйцэтгэх газар, Байгууллага, Сэтгэл зүйн төвд ажиллах онцлог, давуу тал, цаашид хөгжих боломж
🤩Сэдэв : Сэтгэл зүйчдийн туршлага хуваалцах вэбинар
💚Зорилго: Нийгмийн олон салбарт сэтгэл зүйч мэргэжлээр ажиллаж байгаа мэргэжилтнүүдийн ажлын байрны онцлог, мэргэжлийн ур чадвар, бусад хэрэгтэй мэдээллийг хуваалцаж хүссэн асуултад хариулж шинэ ажилд орох хүсэл сонирхлыг чиглүүлэх цаашид оролцогчдын гаргах санал хүсэлтийг дэмжин туслах зорилготой.
🖇️Бүртгүүлэх линк:
https://forms.gle/sQJ9Mt6UyKf9KwGq5

15/05/2026

15/05/2026

“Марафонд хүнийг барианд хүргэдэг зүйл нь зөвхөн булчингийн хүч биш, сэтгэл зүйн тэсвэр байдаг” хэмээн спортын сэтгэл судлалын судалгаанууд онцолдог.

Тамирчид ядарч эхлэх үед хамгийн түрүүнд бууж өгдөг зүйл нь бие биш, тархи байдаг бөгөөд өөртэйгөө хэрхэн ярьж байгаа нь тэсвэр, гүйцэтгэлд шууд нөлөөлдөг байна.

Эх сурвалж: McCormick, A., Meijen, C., & Marcora, S. (2015). Psychological determinants of whole-body endurance performance. Sports Medicine, 45(7), 997–1015. https://doi.org/10.1007/s40279-015-0319-6

14/05/2026

Заримдаа биднийг хамгийн их ядраадаг зүйл нь амьдрал өөрөө биш, харин тэр бүхнийг тайлбарлаж буй бидний дотоод бодол байдаг. Нэг жижиг алдаа гармагц “Би юу ч хийж чадахгүй” гэж бодох, хэн нэгэн хүйтэн хандвал “Надад дургүй юм байх даа” гэж дотроо дүгнэх, нэг асуудал тохиолдоход “Миний амьдрал сүйрчихлээ” хэмээн сүйрлээр төсөөлөх үе байдаг. Хачирхалтай нь тухайн мөчид энэ бүх бодол үнэхээр үнэн мэт санагддаг.

Гэтэл Aaron Beck-ийн тайлбарласнаар хүний тархи стресс, айдас, сэтгэлийн шархаа хамгаалахын тулд бодит байдлыг гажуудуулан харах хандлагатай байдаг байна. Үүнийг “бодлын гажуудал” гэж нэрлэдэг бөгөөд APA-д нийтлэгдсэн судалгаануудад сөрөг автомат бодол ихтэй хүмүүс түгшүүр, сэтгэл гутрал, өөрийгөө голох мэдрэмжийг илүү их мэдэрдэг нь дурдагдсан байна.

Хамгийн сонирхолтой нь бид ихэнхдээ өөрийн бодлыг “баримт” гэж хүлээж авдаг. Гэтэл бодол болгон үнэн байдаггүй. Зарим бодол бол зүгээр л өмнөх шарх, айдас, татгалзлаас үүссэн тархины хамгаалах механизм ажиллаж байдаг. Тийм болохоор “Би хангалтгүй”, “Намайг хэн ч ойлгодоггүй”, “Би дандаа л буруу зүйл хийдэг” гэх гомдлууддаа итгэхээсээ өмнө түр азнаад, “Би яг бодит байдлыг харж байна уу, эсвэл айдсаараа дүгнээд байна уу?” гэж өөрөөсөө нэг асуугаад үзээрэй.

Заримдаа бидний хамгийн их итгээд байдаг бодол хүртэл үнэндээ сэтгэл шархалсан тархины тайлбар байдаг❤️.