Гэмтэл үе мөчний эмчийн зөвлөгөө

18/09/2025

Зөвлөгөө мэдээлэл аваарай

30/04/2025

16/08/2024

27/03/2022

ӨВДГӨНД ЯС УРГАХ БУЮУ ОСТЕОАРТРОЗ нь өвдөгний үе тэжээлийн дутагдалд орж, мөгөөрсний эрүүл бүтэц алдагдаж, яс, мөгөөрсний гадаргуу хэлбэрээ алдан барзайж, эвдэрч, зах ирмэгээр нь ясан ургацгууд ургахыг хэлж байгаа юм.
Энэ үед үе хоорондын зай нарийсан, үений хөдөлгөөн хязгаарлагдаж, үе, үений хүүдийн архаг үрэвсэл хүндрэн, шар ус хурж, ясны өнгөц, гүн давхарга сийрэгжин хөндий үүсдэг.
Өвдгөнд яс ургахад нөлөөлөх хүчин зүйлс:
- Таргалалт, хөдөлгөөний дутагдал, насжилт, гэмтэл, бичил хугарал, ажлын онцлог, хэт их ачаалал, цэвэршилт

Өвдөгний яс ургалт болон зөөлөн эдийн хатуурал, нимгэрэл нь ихэвчлэн хавсран илрэх ба дараах шинж тэмдэг илэрдэг:
- Өвдөлт: шатаар өгсөж уруудах болон бусад хөдөлгөөн хийх, явах үед ихэвчлэн илэрнэ. Амарч байгаа тохиолдолд өвдөлт багасана.
- Хөшиж өвдөх: хөлөө амраасны дараа илрэх ба бага зэрэг хөдөлгөөн хийсний дараа зовиур багасна.
- Шажигнаж дуугарах: Хөдөлгөөн хийх үед өвдөгний үеэр шажигнаж дуу гарна.
- Хавирах: Хөдөлгөөн хийх үед үе дотор хавирах мэт мэдрэгдэж өвдөнө.
- Хавагнах: Өвдөгний үеэр хатуу болон зөөлөн байдлаар хавагнана.