https://www.facebook.com/101192938249738/

Sunder yoga studio, Жуулчны гудамж, Ulaanbaatar (2025)

04/06/2022

Монгол хүүхэд:
Идэш ууш сайтай гэрт сөөм өсдөг
Инээд баясал дунд төө өсдөг
Итгэл хайр дунд тохой өсдөг
Эрдэм ажил дунд алд өсдөг
АРДЫН УРАН ЗОХИОЛЧ Тангадын ГАЛСАН

27/05/2022

Оролдлоол байвал оройд нь Орхиол байвал ёроолд нь... гэж Ариусахуйн түлхүүр иогийн төвийн ахмад багш Янжин дандаа хэлдэг шүү...сайн багшийн пост шэйр хийчлээ🙂

13/05/2022

Эрхэм хүндэт багш минээ.Намастэ❤🧡💛💚💙💜

22/04/2022

Хаврын мэндээ.Байгалаасаа элэг цөс цэвэрлэгддэг улирал тул холбоотой мэдээлэл олсныгоо орууллаа.Хэрвээ хүмүүс элэгний чухлыг, үнэ цэнийг нь мэддэг байсан бол хүүхдүүд дөнгөж А,Б,В эсвэл тоогоо заалгахтайгаа цуг элэгний ерөнхий ойлголтыг сурах байлаа. Эсвэл их сургуулиудад элэгний тухай хичээл зөвхөн анагаахын оюутнуудад биш хүн бүрт зайлшгүй шаардлагатай хичээл байх болно.
Элэг өдөрт 370 орчим литр цус шүүдэг ба хэрвээ элэг цусанд байгаа бодисын солилцооны хаягдал, хорт бодисуудыг цэвэрлэж чадахгүй бол та хэдхэн цагийн дотор үхнэ.
Ядаргаа, жин нэмэгдэх, хямрал, даралт ихсэх, цусан дахь холестерины хэмжээ ихсэх, түгшүүр, батга, гэдэс дүүрэх, өтгөн хатах, тархи толгой манарах зэрэг нь маш энгийн үзэгдэл тул та эдгээрийг ямар нэгэн өвчний шинж тэмдэг гэж бодохгүй байж магадгүй гэтэл элэгний тусламж дуудаж, аврал эрж байгаагийн шинж тэмдэг байж болох юм.
Юуны өмнө дэлхий дээр хүнийх ч бай амьтных ч бай цэвэр, эрүүл элэг олох боломж бараг байхгүй. Биеийн хэвийн үйл ажиллагааг хангахын тулд элэг хорт бодисуудыг шүүдэг, хадгалдаг. Тиймээс амьтны элгийг шүүрэмхий болон түүхийгээр нь идэж болохгүй ялангуяа зэрлэг амьтдын элгийг. Алслагдсан ойд өвс, ногоо, ургамлаар өссөн зэрлэг амьтад цэвэрхэн элэгтэй байх гэж таамаглаж магадгүй. Харин эсрэгээрээ эдгээр амьтад байнга айж зугтаж явдаг нь айдас дээр суурилсан адрелин ялгаруулж эдгээр стрессийн дааврыг элэг шингээдэг.

Элэг таны хамгийн сайн найз бөгөөд биед олон зуун шаардлагатай үүргийг гүйцэтгэдэг.
Хэрэв та даарвал элэг таныг дулаацуулах дулааныг бий болгоно, хэрэв халууцвал халууныг тань буулгаж хөргөнө. Хэрэв та марафонд гүйвэл элэг хуримтлагдсан глюкозыг ялгаруулж барианы шугамыг давахад тань тусална. Хэрэв та хэт их ус ууж цусны найрлагаа шингэлвэл элэг хөвөн шиг илүүдэл усыг шингээх болно. Хэрэв та тамхины утаагаар амьсгалвал элэг цусан дахь утааны химийн бодисыг шүүнэ. Хэрэв та шарсан төмс, шоколадтай бялуутай аварга стейк идвэл элэг таныг хамгаалахын тулд тэдгээр омега-6 болон транс тосны хүчлүүдийг задалж боловсруулна. Хэрэв та далайд сэлэх үед далайн давалгаа таныг доош нь татаж, явуулахгүй бол элэг адреналины нөөцөө гадагшлуулж, танд ер бусын хүч чадал өгч өөрийгөө аврах боломжийг олгоно. Тиймээс элгээ нандигнах хэрэгтэй байгааз.

"liver rescue" номноос Saruul орчуулга. Элэг хайрлая бүгдээрээ🙂

18/11/2021

Өвлийн эхэн сарын мэндээ.Өвлийг давах биeийн бэлтгэл хангагдсан бол сэтгэлийн бэлтгэлээ базаахад нэмэр больюу хэмээв. Хүн бүхэн уурлаж бухимдах дургүй ч бүгд маш их уурлаж бухимддаг болжээ.Энэ уур хаанаас үүсч байна вэ? гэдгийг танихад туслах гээд оролдоцгооё. *Уур бол элэг цөсний орчим баруун талд байх, галын мөн чанартай зүйл, хүн уурлахаар нүүр улайж, цөс бадрана *Шунал бол зүрхэн талд байх усан мөн чанартай, байнга хийсвэр зүйлс бодогдож мөрөөдүүлж байдаг *Мунхаг бол ус, гал хоёр холилдсон мэт чанартай, аливааг байнга муу талаас нь харж боддог зөвийг буруу гэдэг, бурууг зөв гэдэг үзэл юм *Омог бол уурын дүү. Доошоо хүндээ омогдоно, дээшээ хүндээ атаархана *Атаархал бол шуналаас үүдэлтэй
Энэ тавыг хүмүүний сэтгэлийн таван хор гэж үзэх ба эдгээрээс 10 хар нүгэл үүддэг байна. Хэрэв бид эдгээрийг тэвчиж чадвал бурхан мэт амар амгалан оршвой. Бүх ном судар, шашин шүтлэг энэ тавыг тал бүрээс нь тайлбарладаг байна. Хүн энэ яваа насандаа зөв сайхан сэтгэлтэй явбал үр хойчдоо мөн тийм eрөөл үлдээдэг аж. Хүн өөрөө өөртөө л аврал болохоос өөр юунаас ч үл хамаарна.Таван хорыг эмчлэх шинжлэх ухаан, багаж техник, эм тариа, эмчилгээ гэж байхгүй. Хүн өөрөө сэтгэлээ зөв танин барьж байж өөрийгөө эмчлэнэ. Өөрөөр хэлбэл хүн өөрөө л бодож, бясалгаж, мэрийх хэрэгтэй. Эмийн сударт хамаг өвчин энэ тавын эхний гурваас гаралтай гэж үздэг. Хүний мөн чанар бол бие, сэтгэл хоёрын нийлбэр юм.Үүнийг иог бясалгалаар нэгтгэдэг билээ. Бие нь гадаад үзэмж юм. Хүнийг сайхан аз жаргалтай байлгадаг нь гол хүч сэтгэл аж. Сэтгэл хүнийг ариун уужуу болгодог. Сэтгэлээ хяна. Сэтгэл давчуу бол бүх юм давчуу байна. Тэгэхээр сэтгэлээ уужуу байлгах нэн чухал ба бясалгал хийж хэвшээрэй. Сэтгэлийг судлах нь нэг хоёр өдрийн төдий юм биш юм. Би өнөөдөр хүнд ямар сэтгэл төрүүлчихэв, тэр хүн надад ямар сэтгэл төрүүлэв гэдгийг байнга бодох нь зөв. Хүнд сайхан сэтгэл төрүүлсэн бол насан туршдаа сайнаар дурсагдаж, муу сэтгэл төрүүлсэн бол муугаар бодогдоно.Хүнд муу сэтгэл төрүүлчихээд уулзаж цайруулж чадахгүй өнгөрчихвөл их нүгэл хураана. Хүн бие, хэл, сэтгэл гурваараа буян хураана. Биеэрээ зөв юм хийх, сэтгэлээрээ зөв юм бодох, хэлээрээ зөв юм хэлэх нь буян гэсэн үг. Сайхан юм хэлж явдаг хүний ажил өөдрөг, бараан юм ярьж явдаг хүний ажил уруугаа байдаг.Сэтгэл чинь сүнс юм. Сүнсэнд ямар юм хэлнэм, тийм л энерги хуримтлагдана. Зөв энерги хуримтлуулах уу, буруу энерги хуримтлуулах уу гэдгийг та өөрөө л шийднэ. Өнөөдөр хэн нэгэнд гомдчихоод битгий уурлаарай. Уургүй хүн амжилтад хүрнэ, өвчин тусавч амархан эдгэрнэ. Хүн ер нь нас, эд хөрөнгө, эрдэм гурвын төлөө амьдардаг гэдэг. Эрдмийг эхэлж сурвал нас, алдар нэр, эд хөрөнгө аяндаа хүнийг дагана. Таны бие эрүүл, оюун саруул, сэтгэл нигүүлсэнгүй байх болтугай.Мөн бүх зүйлийн тунг тааруулах нь хамгийн зөв сонголт байдаг гэдээг.Намастэ🙏

30/10/2021

Амралтын өдрийн мэндээ.Иог бясалгалаас олж авах хамгийн том дадал бол өөрийгөө сонсох юм шүү дээ. Өөрийгөө хэт удаан огт сонсохгүй бол бидний биe махбод өвчнөөр дамжуулан дохио өгдөг гэнэм. Хэрэв та: ☹Сэтгэл дундуур буйгаа толгойг нь өвтгөж 😡Уураа сонсохгүй бол ухамсар гээгдүүлж 🥶Айдсаа сонсохгүй бол өтгөн хаталттаар 😶 “Үгүй” гэж хэлэх хүслээ сонсохгүй бол ходоодны хямралаар 🤫Хүсэл тэмүүллээ сонсохгүй бол энэ нь танд халдвараар 🥱Бүтээлч байдал, авьяас чадвараа сонсохгүй бол жин нэмж 😖Мэдрэмжээ сонсохгүй бол арьсны үрэвсэлээр гэх мэт илэрч дотоод дуу хоолойгоо сонсохгүй бол өвчтэй бие махбодтой тань ярьдаг байх нь...
Бид өөрсдийгөө сонсохоо хэзээ ч мартаж болохгүй ба үл хайхарсан сэтгэл хөдлөл бүр биед ямар нэгэн ул мөр үлдээдэг. Бие бол бидний сэтгэлийн толь юм. Амьдралынхаа хамгийн чухал хүнд буюу ӨӨРтөө санаа тавьж, өөрийгөө дандаа анхаараарай🙏🙏🙏

27/09/2021

Шинэ долоо хоногийн мэндээ.Энэ өвчин хүн төрөлхтөнтэй хамт байхаар шийдэв бололтой. Миний хувьд өөртөө, гэр бүлдээ Himalay брэндийн эрүүл ахуй, гоо сайхан, эм бэлдмэлийг тогтмол хэрэглэдэг юм л даа.Ургамлын гаралтай, хор багатай, үнэ ч боломжийн хирнээ үйлчилгээ сайн. Иог аюурвэд үндэс судлаж эхлээд зөнгөөрөө юу эсвэл мэдрэмжээрээ юу зөв сонголт хийж байсандаа өөртөө талархсан шүү. Эмч Даваацэрэнгийн зөвлөгөөг та нартаа хэрэгтэй болов уу гээд сийрүүллээ. Иогийнхон хэдийн зөв амьсгалдаг, цус өтгөрөлгүй болхоор өвдөхгүй эсвэл хөнгөн тусч хурдан эдгэрч тэнхэрч байгаа гэдэгт итгэж байгаа шүү🙏🙏🙏 Коронавирусийн гол бай бол УУШГИ. Энэ вирус нь хамар, залгиураар дамжин уушгинд хүрч үрэвсэл үүсгэж, хатгалгаа болсон үед цэртэй ханиалгах, халуурах, хий ханиалгах, бие сулрах, ядрах , хоолонд дургүй болох зэрэг шинж илэрдэг. Эмнэлгийн нөхцөлд тус вирусийн эсрэг эм, нянгийн үржлийг дарангуйлах антибиотик , дархлаа дэмжих эмийн эмчилгээг хийлгэж, цочмог үрэвслийг дарах боловч, уушгины эдийг нөхөн сэргээх уушгиа бүрэн эрүүлжүүлэх нь хувь хүний хүчин чармайлт билээ.Та бүхэндээ тус болох 10 арга санал болгоё.

1. Амьсгалын дасгал хийнэ. Хамгийн гол уушги дахь үлдэгдэл агаарыг бүрэн гаргаж,уушгийг цэвэр агаараар хангаж, уушги дахь хий солилцоог сайжруулах зорилготой байдаг тул зөв амьсгалын дасгал хийх нь хамгийн чухал юм.Гэртээ 10-15 удаа хийгээрэй. Иогаар хичээллэдэг бол хэдийнэ сурсан байгаа.

2. Өдөрт 8 аяга буцалсан ус уугаарай. Уушги луу орох агаар нь эхлээд хамар, залгиураар дамжих үедээ чийгшиж, бүлээсэж, цэвэршин уушги луу ордог. Иймээс агаарыг чийгшүүлэхэд шаардлагатай усыг ойр ойрхон уугаарай. Мөн гэрийн нөхцөлд хар цайны уураар утах, агаар чийгшүүлэгч ашиглах, чийгтэй цэвэрлэгээ өдөрт 2 удаа хийж өрөөгөө чийгшүүлээрэй.

3. Хэт хүйтэн, хэт халуун орчинд байхаас зайлсхийгээрэй. Вирусийн улмаас үүссэн үрэвсэл нь ихэвчлэн уушгины доод дэлбэнд байрладаг тул хэт хүйтэн, хэт халуун агаар нь үрэвслийг сэдрээх хүчин тул аль болох тасалгааны хэмтэй орчинд байхыг хичээгээрэй.

4. Шингэц сайтай шөлтэй хоолыг өдөрт 3-4 удаа хийж иднэ. Хоолондоо цагаан гаа, сармис, хар перецийг амтлагч байдлаар нэмэлтээр хэрэглээрэй. Эдгээр амтлагч нь халуун чанартай , үрэвсэл дарах үйлчилгээ өндөртэй байдаг тул таны уушгины үрэвслийг дарж эрүүл болохыг дэмжинэ.
5.Уушги дахь үлдэц үрэвслийг бүрэн арилгах арга хэмжээ авна.Цочмог үрэвслийг хүчтэй эм тариагаар дарчихсан тул аль болох байгалийн эмийн ургамлаар эмчилж , нөхөн сэргээж эдгээх нь тохиромжтой.Ийм үйлчилгээтэй эмийн ургамалд чихэр өвс, лидэр, гурван үрийн тан зэрэг орно. Гэвч шууд эмийн ургамлуудыг ууж болохгүй шүү дээ. Зөв тунгаар харилцан үйлдлийг нь зохицуулсан эмийн ургамлын бэлдмэл хэрэглэхийг санал болгодог. Үүнд хималай брэндийн дараах эмүүд тохиромжтой. КОФЛEТ нь энэтхэгийн уламжлалт анагаахын жорон дээр үндэслэгдсэн хийгдсэн, найрлагын 25% зөгийн бал, чихэр өвс, гурван үрийн тан, цагаан гаа, хар перец , урт перец зэргийг агуулсан уушги дахь цэрийг шингэлж, цэрийг ховхолж уушги цэвэрлэх үйлдэл үзүүлдэг

Харин ДИАКОФ нь чихэр өвс, гурван үрийн тан, лидэр, хар перец, цагаан гаа зэргийг агуулдаг харьцангуй зөөлөн тул халдварын дараа хүүхэд, өндөр настан, жирэмсэн, хөхүүл хүмүүсийн уушгийг хамгаалах, үрэвслийг дарах, уушги цэвэрлэх зорилгоор өглөө, өдөр 10мл ууж хэрэглэхийг зөвлөдөг.

БРЕЗОЛ бол турмерик, ар үр, бар үр, базилик, жүр үр, лидэр эмийн ургамлын найрлагатай тул халдварын дараа тохиромжтой. Ялангуяа турмерик нь гуурсан хоолойн цочролыг багасгаж, гуурсан хоолойг тэлж, уушгины агааржилтыг сайжруулж, амьсгаадах зовиурыг арилгана.

6. Маш олон төрлийн эм тариаг нэг дор хэрэглэж байгаа учраас элэг, бөөр , ходоод зэрэг эрхтнүүд хямарч, бие ерөнхий хордлогонд орсон байдаг. ИЙМЭЭС ХОРДЛОГО ТАЙЛАХ АРГА ХЭМЖЭЭ авна.

Биеийн ерөнхий хордлогыг тайлах хамгийн шилдэг эмчилгээ бол шингэн зүйл сайн уух юм.Гэвч шингэн зүйл муу уудаг бол өрхийн эмнэлэгт хандан хордлого тайлах шингэн сэлбэх эмчилгээг хийлгэж болно.Мөн хөлсөөрөө хордлогыг гадагшлуулах арга бол дасгал хөдөлгөөн хийх ба арьсаараа гадагшлуулах арга бол хар цайнд орох, гангатай эсвэл далайн давстай усанд орох, саунд суух зэрэг юм.Биеийн ерөнхий хордлого тайлах ПУРИМ эмийг 2ш өдөрт 3 удаа 1-3 сар ууж болно. Пурим нь 10 гаруйн төрлийн эмийн ургамлын хандтай.

7. Уушгины үйл ажиллагааг маш сайнаар дэмждэг зүйл бол ЧИЙГЛЭГ АГААР юм. Халдварын дараа уушги луу орох агаарыг аль болох чийглэг, цэвэр байлгах тал дээр анхаарна. Ийм агаар байдаг газар бол голын эрэг газар, эсвэл ойн агаар байдаг. ИЙМЭЭС голын эрэг газар эсвэл ойнд хоногт багадаа 2 цаг байж, цэвэр агаараар уушгиа тэтгээрэй. Мөн гэртээ өдөрт 1 удаа чийгтэй цэвэрлэгээ хийж байгаарай.

8. Жирэмсэн, настай хүмүүс , архаг уушгины өвчтэй хүмүүс эдгэрсэний дараа сувилалын газарт 10-14 хоног уламжлалт анагаах ухааны эмчилгээ хийлгэх, физик эмчилгээ, шавар эмчилгээ , бариа засал эмчилгээг заавал хийлгэнэ. Учир нь эдгээр хүмүүсийн уушгины үйл ажиллагаа сэргэхэд илүү их арчилгаа шаардлагатай байдаг. Хэрэв тийм боломж байхгүй бол гэртээ уушгины үйл ажиллагааг сайжруулах амьсгалын дасгалыг заавал хийж, гэрийн нөхцөлд хийх боломжтой иллэг массажийг 2-3 удаа 7-14 хоног хийлгээрэй.

9. Зүрх судасны өвчин, бөөрний өвчин, элэгний өвчин сэдрэх хандлага өндөртэй байдаг. Ялангуяа уушги зүрх хоёр нягт уялдаа холбоотой эрхтнүүд учир цусыг шингэн байлгах, артерын даралтыг тогтвортой байлгах, зүрхний хэмийг хэвийн байлгах, хүчилтөрөгчийн хэмжээг 98% байлгах зэрэг арга хэмжээг заавал авна. Харин бөөрний эмгэгтэй хүний хувьд шээсний өнгө , үнэрийг сайтар ажиглаж байх шаардлагатай. Бөөрний өвчин сэдэрсэн үед заавал эмчид хандан зөвлөгөөг авч эмчилгээ хийгээрэй. Мөн бөөр хамгаалах ЦИСТОН эмийг хэрэглэж болно.

10. Судас гэмтээх хандлагатай тул судас хаана байна тэнд үрэвсэл үүсгэх учраас л судас хамгаалах, судасны ханыг бэхжүүлэх үйлдэлтэй Витамин С г доорх тунгаар уухыг эмч нар зөвлөж байна. +6 наснаас дээш бол 250мг +12 наснаас дээш бол витамин 500мг +18 наснаас дээш хүмүүс 1000мг Ходоодны шарх, элэг, бөөрний өвчин, тулай , үе мөчний өвчтэй хүмүүс 500мг -аас хэтрүүлэлгүй хоолны дараа хэрэглээрэй. Халдвар дарагдсан гэсэн ч витамин Д г өдөр бүр 1000 ОУН нэгжээр ууна уу. Мөн цайр ихээр агуулсан нэмэлт бүтээгдэхүүнийг хэрэглэж үнэр амт болон уушгины цэвэрлэх үүрэгтэй хучуур эс, хундганцар эс, сормуус эсийг нөхөн төлжүүлээрэй. Бүх хүнд эрүүл энхийг хүсэe.Намастэ🙏

12/09/2021

Бүтэн сайн өдрийн мэндээ.Хөлийн хуруу хүний тун чухал эрхтэн гэдгийг та мэдэх үү эрүүл мэндийг тодорхойлогч толь юм. Иогийн үндэслэгчдийн удам болох Аяангeр тэдний дэлгэрүүлсэн иогийн зөөлөн урсгалд хөлийн хуруугаа салгаж удирдаж болохгүй бол та юу ч чадаад нэмэргүй гэж үздэг байна. Хөл нүцгэн ИОГ хийх ба хөлийн зөв тавилтанд үндэслэн биeийн бүх булчинг зөв эрүүл байлгах ба хөгжүүлдэг админых нь баримтладаг урсгал билээ. Хөлийн бүх хуруугаа салгаж чадаж байна уу оролдоод үзээрэй.Мөн хөлийн хуруу таны бодож байгаагаас илүү их мэдээлэл өгдөг гэнээ хамтдаа сонирхоцгооё. 👳‍♀️Египет хөл Эрхий хуруунаасаа чигчий хуруу хүртэл яг нэг шугамын дагуу байрлалтай хөлийг хэлнэ. Ийм хөлтэй хүмүүс ихэвчлэн нууцлагдмал, тийм ч нээлттэй бус сэтгэл хөдлөл ихтэй хүмүүс байдаг. 🧝‍♀️Ром хөл Хамгийн түгээмэл хөлийн хэлбэр. Ийм хөлтэй хүмүүс нөхөрсөг, найрсаг 🧙‍♂️Тариачин хөл Бүх хуруунууд ижил урттай. Ийм төрлийн хөлтэй хүмүүс тайван, аливаа зүйлд ул суурьтай, үндэслэлтэй ханддаг. Тэд амласан л бол заавал хийдэг хүмүүс 👰Грек хөл Долоовор хуруу бусдаасаа урт байна. Ийм хөлтэй хүмүүс голдуу жүжигчид, сэтгэлийн хөдөлгөөн ихтэй, удирдагч хүмүүс байдаг. Мөн тамирчид ийм хөлтэй байх нь элбэг 🤙Хөдөлдөггүй чигчий хуруут Ийм төрлийн хөлтэй хүмүүс тайван, урьдчилан таамаглаж зөгнөх чадвартай хүмүүс байдаг. Хуучинсаг үзэлтэй хэдий ч ажилд махруу. Заан шиг дөлгөөхөн 🤟Хөдөлдөг чигчий хуруут Өмнөх хүний эсрэг төрлийн хүмүүс юм. Гэхдээ өөрийнхөөрөө амьдарч чаддаг аж. Адал явдал хайгч, амар хялбараар амьдрахыг хүсдэг мөн байнга өөрчлөгдөж байдаг хүмүүс. Энэ нь тэдний амьдралыг замбараагүй болгодог. Сэтгэл санаагаа өргөхийн тулд тэд хамгийн тэнэг зүйлийг ч хийж чадна. 🦶Хэт богино чигчий хуруу Ийм төрлийн хүмүүс аливааг өөрийнхөөрөө хийж чаддаг бөгөөд олон нийтийн хандлага түүнд саад болдоггүй 🖖Дунд хуруу гадагш налсан байрлал Эдгээр хүмүүс аливаа зүйлийг маш нарийн төлөвлөхийг илүүд үздэг. Маш нарийн зохион байгуулалттай бөгөөд ямар ч нөхцөл байдалд хяналтаа алддаггүй ✌Дунд болон ядам хуруу хоорондоо зайтай байрлал Эдгээр хүмүүс аливаа зүйлсийн учир шалтгааныг маш сайн тооцоолж олдог, аливаад нухацтай ханддаг. Тэд маш сайн дипломатч, худалдаачин, шинжээч болж чаддаг гэжээ бас мэдэхэд илүүдэхгүй аж.Хөөрхөн хөлтэй хүн хөөрхөн сэтгэлтэй эрүүл урт насалдаг гэдэг ам дамжсан яриа ч ортой байх нь. Хөлийн хуруугаа таньж мэдэж удирдаж салгаж хайрлаж сурахад иог хамгаас тустай🙏🙏🙏 өвчин вирус цаашилвал удахгүй уулзахын eрөөл дэвшүүлэe

13/08/2021

Өдрийн мэндээ.108 сунаж мөргөхийн ашиг тус далай мэт ба budda.mn тоймлон хүргэснийг хуулан товчлон сийрүүлэв ээ.
108 сунаж мөргөх мөргөл хийх ёстой гэж?
Энэ бол хүмүүсийн хамгийн олон, бас анхны асуулт. Мөргөлийг хийх үндсэн 2 шалтгаан бий гэж бодож байна. I Хамгийн хямд, хамгийн үр дүнтэй, эм уухгүйгээр, тариа тариулахгүйгээр, хамгийн амархан эрүүл болох боломжтой дасгал юм. Нэгэн зэрэг үе мөч, булчин, тархи мэдрэл гэхчилэн бүхий л эд эрхтэнд эерэг нөлөөлж ядаргаа, сульдаа, хурсан хий, илүүдсэн өөх, алдагдсан даавар тэнцвэрждэг. Жишээ нь цэвэршилтийн насны эмэгтэйчүүд өдөр бүр хийснээр элдэв эмгэг зовиурь арилна, жин ихтэй бол гуалиг болно, хэвлийн өөх маш үр дүнтэй шатна, булчин хөгжинө, булчин ачаалал авна, шөрмөс сунана, үе мөч өвддөг бол аажим бүрэн арилна, нойргүйдэлийг мартана. Нэн ялангуяа тархи мэдрэлд онцгой нөлөөтэй. II. Ухамсарын хөгжил сайжирдаг ач холбогдол бий. Ухамсарын төвшин дээшлэх нь та амьдралын аливаа асуудалд дур хүсэл, бие махбодын хэрэгцээнээс хальж, үүнээс илүү нарийн төвшинд үйлийн үр, нүгэл буяны хүрээнд ухамсартайгаар ханддаг болно гэсэн үг юм. Энэ бол туйлын чухал хандлага билээ. Яагаад гэвэл аливаа хүн амжилттай сайн явах эсэх нь түүний хандлагаас хамаардаг.
108 мөргөлийг үйлдэх хамгийн сайн цаг?
Сунаж мөргөх мөргөлийг өглөө эрхтэн цайнаасаа өмнө эсвэл цайныхаа дараа хийхэд тааламжтай байдаг.
108 мөргөлийг орой үйлдэж болох уу?
Болно. Энэ нь ядарч сульдсан биемахбодод эрч хүч өгөх болно. Харин та яг унтахын өмнө бүү үйлдээрэй. Унтахаас 2-3 цагийн өмнө хийхэд тохиромжтой. Ер нь нар ургах агшинд, эсвэл сар гарсан үест хийвэл илүү өгөөжтэй гэж үздэг.
Хаана үйлдэж болох вэ?
Үүнийг хийхэд ямар нэгэн газар, орон хувцас хэрэгсэл, нөхцөл огт шаардахгүй. Ердөө нэг дэвсгэр худалдаад авчих. Миний хувьд иогийн дэвсгэр хэрэглэдэг.
Өөрийн биеийг хүндэл, хэт хүчлэх хэрэггүй анхлан мөргөл үйлдэгчид. Хүний бие махбод бүр харилцан адилгүй уян хатан болон хүчний чадамжтай. Иймээс өөрийн чадах хэмжээнд чармайлт мэрийлт сайтай, тууштай хийхийг эрхэмлэх хэрэгтэй. Эхлээд 20, 30 хий, дараа нь аажим нэм, 50,60 болго ингэсээр 108 хүргэсэн ч болно.
Мөргөлийг ямар хурдтайгаар үйлдэх нь зохимжтой вэ?
108 сунах мөргөлийг удаан, дунд, хурдан гэсэн хурдтайгээр хийж болно. Хэрэв та аливаа зүйлд төвлөрч, тарниа уншиж, амьсгалаа бүрэн мэдэрч бясалгах маягаар хийхийг хүсвэл танд удаавтар аажуу хийх нь зохино. Нэг мөргөхдөө дунджаар 15 орчим секунд зарцуулна гэсэн үг. Нийт 108 мөргөхөд дунджаар 25 минут зарцуулагдана. Ингэснээр булчингийн хүч массанд ч нөлөөлдөг. Харин хурдтай хийхэд бодисын солилцоо эрчимжин хөлөрч өөх шатаалт явагдана. Энгийн хурдтай хийхэд дасгалын өмнөх, сайхан бие халаалт болно.
108 мөргөлийг үйлдэхэд дунджаар нэг мөргөхөд 1 орчим ккал шатаах ба 100-120 ккалыг нийт 108 мөргөлд шатаадаг гэсэн тооцоо бий. Гэхдээ хэрэв жин ихтэй байх тусмаа шатаах илчлэг илүү байдаг. 56 кг жинтэй хүн 120-ыг шатаах бол 70 кг жинтэй хүн 149 ккал шатаадаг болохыг Harvard Health Publications сэтгүүлд дурдсан байна.
108 мөргөлийн бусад ашиг тус:
· Арьсыг гоо сайхан болгодог.
Арьсаар дамжин хангалттай их хэмжээний хорт бодис гадагшилдаг. 108 удаа сунаж мөргөх явцад арьсны нүх сүв нээгдэж, хөлс ялгарах ба бодисын солилцооны үлдэгдлийг гадагшлуулна. Иймээс мөргөл нь цэвэрлэгээний хүчирхэг хэрэгсэл аж
· Үс унахаас сэргийлж, үс цайлтыг сааруулна.Мөргөх явцад тонгойх, бөхийх, духыг газарт хүргэх үйлдлүүд нь тархи толгой орчмын цусан хангамжийг нэмэгдүүлдэг
· Стресс, түгшүүр зовнил арилна. Дотоод сэтгэлийн дарамт шаналал арилж дархлаа сайжирна.
· Анхаарал төвлөрөл, ой санамж, сэтгэн бодолт, хараа сайжирна.
· Нойргүйдэл болон нойрны хямралууд арилж нам унтдаг болно.... г.м
108 мөргөлийн ашиг тус, ач холбогдол энэ мэт дурьдвал хязгааргүй ба буддын сударт 21 дарь эх лугаа гоолиг болно хэмээжээ.
“Сэтгэл үүсгэ, Бага сэтгэл чинь их сэтгэл болно. Их сэтгэл чинь илүү амжилт олгоно” гэж үг бий.Та бүхэнд амжилт хүсье🙏🙏🙏

08/08/2021

Нуль сэтгэл байдаг юм шүү дээ иога студи ажиллуулах чинь🙏🙏🙏ашиг нь иог бясалгалд чин сэтгэлээсээ дурлан дагах ариун сайхан eрөөл юм даа

13/07/2021

Сайхан аялаж наадаж аюулгүй байна уу🙏 Хятадын уламжлалт эрүүл амьдрах энгийн зүйлсийг өглөө бүхэн хэвшил болговол та үс зүсээ ой санамжаа алдахгүй урт наслах нь ээ...
1.Үсээ илэх-Өглөө бүр 10 хуруугаар урдаас арагш, ардаас урагш зугуухнаар хэдэн арван удаа самна. Ингэснээр толгойд буй биологийн идэвхит цэгүүд хурууны өндгөнд цочирч тархи оюун сэргэх , даралт буурах , урам зориг дээшлэхийн сацуу толгой загатнах , эргэх, өвдөх , үс унах , зүрх хурдан цохилох , мэдрэлийн ядаргаа зэрэг өвчнөөс сэргийлдэг 2. Нүүрээ илэх- 2 алгаа хооронд нь халуун оргитол үрсний дараа алгаараа дух , хацар , хамрын самсааг оролцуулан нүүрээ дээш доош нь хэдэн арван удаа зугуухан илнэ. Өдөрт 2 с доошгүй удаа ингэж илснээр нүүрний цусны эргэлтийн хэмжээ сайжран , арьс нь зөөлөрч , өнгөлөг , овор багатай харагдахаас гадна , үрчлээтэхээс сэргийлж , нэгэнт тогтсон үрчлээг багасгадаг. Мөн ханиад , томуу тусах , салхинд явахад нүднээс нулимс гоожих , толгой , шүд өвдөх , хамар битүүрэхээс сэргийлнэ.Батгатай үeд хийхгүй 3. Нүдээ эргэлдүүлэх- Санаа сэтглээ тайван болгосны дараа нүдээ хагас аниад нар зөв , баруун зүүн , дээш доош аажуухан эргэлдүүлнэ. Дараа нь нүдээ огцом нээж дээрх хөдөлгөөнийг давтан хийнэ. Тус бүрийг 10 орчим удаа хийнэ. Нүдний ядаргаа арилах , хараа сайжирахаас гадна толгой эргэх , нүд эрээлжлэх болон нүдний элдэв өвчнөөс сэргийлж чадна 4. Дагз няслах- Алгаараа хоёр чихээ таглан долоовор хуруугаа дунд хуруун дээр тавьж чихний ар хэсэг рүү няслахад бөмбөр дэлдэх мэт чимээ гарна. Ийнхүү 36 удаа няслаад , чихээ тагласан алгаа огцом авч , огцом таглах үйлдлийг 16 удаа хийнэ. Ингэснээр тархи оюуныг сэргээж , санах ой болон сонсголыг сайжруулж , толгой эргэх , өвдөх , чих шуугих болон чихний элдэв өвчин эмгэгээс сэргийлнэ 5. Хэлээ түүшинд хүргэх- Хэлний үзүүрийг өргөж , тагнайн төмбөгөр хэсэгт хүргэж , дээш доош , баруун зүүн тийш арван удаа эргэлдүүлэхэд шүлс ялгаран гарч ирдэг. Гол үүрэг нь хоол идэх дур хүслийг оргилуулж , шингэцийг сайжруулан , шүд бэхжүүлэхийн зэрэгцээ ам аргаж хатах , залгиур хоолой болон буйлны үрэвслээс сэргийлнэ 6. Шүд товших- Анхаарлаа төвлөрүүлэн , элдэв юм бодохоо орхиж хоёр уруулаа зөөлөн хамхина. Эхлээд араануудаа, нь дээд доод үүдэн шүдээ , эцэст нь соёонуудаа хооронд нь товших хэрэгтэй . Өдөрт боломжтой үедээ энэ дасгалыг 100 орчим удаа хийх ёстой. Ингэснээр шүд бөхжин шүлс ялгарч , шүдний өвчнөөс сэргийлж чадна 7. Шүлс залгих- Хятадын эртний сударт шүлсийг “ Хагас шүүдэр “ “ Ариун ус “ гэх мэтээр нэрлэсэн байдаг нь санамсаргүй хэрэг биш юм. Завьжаар шүлсийг сорж ам дүүрэхийн алдад 10 хувааж залгина. Энэ нь хоолны дуршил / шингэц / -ыг сайжруулж , залгиурын ажиллагааг идэвхижүүлэн , биеийн эсэргүүцлийг сайжруулахын зэрэгцээ шүд ам цэвэрлэн , залгиур хоолойн үрэвсэл , буйл үрэвсэх , шарх сэдрэхээс сэргийлнэ 8.Эвшээлгэх-Өглөө босоод цэнгэг агаартай газар очиж биеэ султган , анхаарлаа төвлөрүүлж , хамраараа агаар сорон хэвлийн хэсгээ агаараар дүүртэл амьсгална. Хэвлийг агаараар дүүргэсний дараа толгойгоо өргөн амаа ангайж , эвшээж байгаа маягтайгаар амьсгалаа гаргана. Энэ үйлдлийг өдөр бүр 12 удаа хийснээр уушгины үйл ажиллагаа сайжран уушиг , зүрхний цусан хангамж нэмэгдэж цээж багтрах , бөгшүүлж ханиалгах зэргээс сэргийлж чадна 9. Нуруугаа тогтмол дулаал -Цаг агаарын байдалд зохицуулан дулаан байлгах хэрэгтэй. Түүнчлэн өдөр бүр алгаа үрж бүлээцүүлсний эцэст нурууг хэдэн арван удаа илснээр нуруу хөшиж өвдөх , хэвлийн хөндийн янз бүрийн өвчин болон үе мөчний архаг хууч зэрэг урьдчилан сэргийлнэ 10. Цээжээ арчлах- Хүн цээжиндээ байнга иллэг хийж , зөөлөн алгадах үйлдлийг өдөрт хэдэн арван удаа хийх хэрэгтэй. Ингэснээр зүрхний үйл ажиллагааг сайжруулж , цээж багтрах , зүрх оволзон хатгах , хавиргаар хатгах , зүрхний титэм судас өвчлөхөөс урьдчилан сэргийлнэ 11.Хэвлийд иллэг хийх- Гарын алгаа хооронд нь үрж бүлээцүүлсний эцэст хүйсийг тойруулж нар зөв иллэг хийнэ. Дараа нь мөн нар буруу зөөлөн дарж базна. Аль алийг нь арван хэдэн хийх нь ашигтай. Энэ дасгал хоолны шингэц сайжруулах , хоол боловсруулах эрхтэний цусан хангамж болон агшилт суналтыг нэмэгдүүлэн ходоод гэдэсний өвчин , өтгөн хатах , гүйлгэх , бүдүүн нарийн гэдэсний архаг үрэвсэл , шээс тасалдах зэрэг өвчнөөс урьдчилан сэргийлнэ. Хятадын хуучны ярианд “ Хоол идсэний дараа 10 алх , хоёр гараараа хэвлийгээ ил , тэгвэл зуу наслана “ гэсэн үг байдаг.
12. Хэвлийг агшааж татах -Биеэ суллан оюун санаагаа төвлөрүүлээд хамраараа амьсгал аван бага хэвлий буюу давсгаа зугуухан агшааж татна. Тэр байдлаа хэсэг хадгалан байсны хойно амьсгаагаа гарган биеэ суллана. Энэ дасгалыг өдөрт арван удаа хийснээр давсаг бөөрний үйл ажиллагаа сайжирна
13. Үе мөчний дасгал Гараа мөрний хэсгээрээ хойш урагш эргүүлж савчих , хөлөө урагш , хойш савчиж зөөлөн өшиглөх , ташаагаа тулаад бүсэлхийгээр урагш хойш , баруун зүүн тийш хазайх нь хуян шар усыг тарааж , үе мөчний үрэвсэл зэрэг өвчнөөс сэргийлнэ 14. Хөлийн уланд иллэг хийх Хөлийн тавхайг өлмий талаас нь гурав хуваасны нэгтэй тэнцэх газарт хүний эрүүл мэндийг хангах амьдрал тэтгэх маш чухал цэг байдаг. Гарын алгаа хооронд нь үрж бүлээцүүлсний дараа дээрх цэг дээр өдөрт 10 орчим удаа илж дарах нь хөлийг дулаацуулж , сэтгэл санааг тайвшруулан элэг бөөрний үйл ажилллагааг сайжруулж , толгой эргэх , чих шуугих , нойр алдах , зүрх цохилох , цусны даралт ихсэх болон хөл өвдөх зэргээс урьдчилан сэргийлнэ 15.Арьсанд хуурай иллэг хийх Гарын алгаа хооронд нь үрж бүлээцүүлээд толгой , мөр , гар , хөл , цээж , хэвлий зэргийн арьсыг 10 удаа зөөлөн илнэ. Ингэснээр арьсны сүвүүд тэлж ядаргаа арилж , нойронд сайн болохын дээр цусны даралт буурч арьс уян зөөлөн өнгө зүстэй болдог 16. Бие засахдаа бүү ярь- Бие засах үедээ амаа хамхин шүдээ зууж хэлний үзүүрийг тагнайн төмбөгөрт хүргэн хоёр нүдээ дээш ширтэхийн сацуу тамхи татаж үг хэлэхийг хориглоно. Ингэснээр шүд бэхжин шүдний элдэв өвчнөөс сэргийлж чадна. Энэ дасгалыг хийх үедээ амьсгал жигд чөлөөтэй байхын зэрэгцээ анхаарлаа төвлөрүүлж өгвөл сайн. Дээрх дасгалуудыг өдөр бүр тогтмол хийж байх нь онцын хүндрэлгүй бөгөөд эрүүл чийрэг аж төрөх , зарим төрлийн өвчнийг илааршуулж , эмгүй засал болохоос гадна урт наслахын чухал хүчин зүйл болдог байна.Аяны замын уртад эсвэл гэртээ байхдаа хийгээрэй.Намастэ🙏🙏🙏

20/06/2021

Зуны халуун өдрийн мэндээ.Эртний санскрит бичвэрийн англи хэл дээрх хөрвүүлэлтээс ХҮН байх 9 дүрмийг Д.Энхжаргал орчуулсаныг хэллэг нь жаахан хүнд ч машид их таалагдсан тул та бүхэнтэйгээ хуваалцая🙏 Дор бүрнээ тунгаана бизээ. Үүнд:

🤗Та өөрт ногдсон биеийг зүгээр л хүлээж авна. Танд таалагдах эсвэл үгүй ч бай энэ хугацаанд энэ бие таных л байна.

🤔 Та суралцах болно. Амьдрал гэж нэрлэгдэх танин мэдэхүйн eртөнцөд элсэж орно. Өдөр бүр суралцах боломжтой. Танд энэ таалагдаж болно эсвэл огт хамааралгүй, тэнэг ч юм шиг бодогдоно тэгсэн ч зогсоох аргагүй.

🤥 Алдаа гэж зүйл байхгүй зөвхөн түүнээс авах сургамж ухаарал л байна. Хөгжил дэвшил бол алдаа болон түүнийг хир болохыг танин мэдэх явц юм. Үр дүнгүй туршилтууд нь үргэлж үр дүнтэй байдаг туршилтын үйл явцын нэгээхэн хэсэг.

☝Аливааг бүрэн таньж мэдэж ойлгох хүртэл давтагдах болно. Таныг ойлгох хүртэл янз бүрийн хэлбэрээр тохиолдсоор л байх ба бүрэн дүүрэн ойлговол та дараагийн үe рүү шилжинэ.

✍Таньж мэдэхэд төгсгөл гэж байхгүй. Туршлага ухаарал агуулаагүй амьдралын хэсэг гэж байхгүй. Та амьд байгаа л бол суралцах ёстой зүйлс оршсоор л

🤐"Тэнд" " энд"- ээс дээргүй. Таны "тэнд" "энд" болоод ирэхэд "энд"-ээс дээр харагдах дараагийн "тэнд"-ийг олж харах.
🤲 Бусад бол зөвхөн таны тусгал юм. Та хэн нэг хүний талаар ямар нэг зүйлийг үзэн ядах юмуу таалж чадахгүй. Эс бөгөөс энэ нь өөрийн талаар ямар нэг зүйлийг үзэн ядах юмуу хайрлах гэдгийг тунгаана

💪Өөрийн амьдралаар юу хийх нь танаас хамаарна. Танд бүх эх үүсвэр, багаж хэрэгсэл байх болно. Тэднээр юу хийх нь таны хэрэг юм. Сонголт таных.

🤗Бүх хэрэгтэй хариултууд таны дотор байдаг. Амьдралын талаарх бүх асуултын хариу харин таны хийх хэрэгтэй зүйл бол харах, сонсох, итгэх юм.

Эцэст нь бид эдгээр боломжуудтай төрдөг хэдий ч төрөх үед бүгдийг мартдаг. Бидний эхэн үеийн туршлагууд сүнслэг байдлаас холдуулах физик ертөнц рүү чиглүүлдэг учраас бид эргэлзсэн, итгэл үнэмшил сул, өөртөө итгэх итгэлээр дутмаг болдог. Эдгээр дүрмүүд заавал мөрдөх ёстой биш ч бүгдэд хамаарах ертөнцийн үнэн юм. Замаас төөрсөн үедээ тэднийг санаж яваарай. Өөрийн сүнсний хүч чадалд итгэлтэй байхтун гэжээ.Толинд туссан дүрээ ажих мэт өөрийгөө таньж сурахад иог бясалгал хамгийн сайн хөтөч билээ. Та бүхэндээ дэлхийн иогийн өдрийн мэнд хүргэe.Иог бясалгалд дагасан зам мөр бүхэн гэгээн байгээ.Намастэ🙏🙏🙏
English link - Эх бичвэр:
https://www.enlightened-consciousness.com/the-9-rules-for-being-human-according-to-ancient-sanskrit/

Sunder yoga studio

04/06/2022

27/05/2022

13/05/2022

22/04/2022

18/11/2021

30/10/2021

27/09/2021

12/09/2021

13/08/2021

08/08/2021

13/07/2021

20/06/2021

Address

Telephone

Website

Alerts

Shortcuts

Share

Category