06/03/2025
Таны мэдлэгт
‼️ Хэдийгээр шүдний өвчин нь шууд амь насанд аюултай мэт санагддаггүй ч хүндэрсэн тохиолдолд ноцтой хүндрэлүүд үүсгэж, амь насанд хүргэх аюултай.
Шүдний өвчнөөс болж нас барах боломжтой хүндрэлүүд:
1. Шүдний буглаа, халдвар тархах
Шүдний хүндэрсэн цоорол, буйлны үрэвсэл нь буглаа үүсгэж болно. Хэрэв буглаа хүзүү рүү тархвал аюултай өвчин үүсэх бөгөөд энэ нь амьсгалын замыг хааж, хүчилтөрөгчийн дутагдалд оруулж, үхэлд хүргэж болзошгүй.
2. Цусны халдвар
Шүдний буглаа болон буйлны гүн үрэвсэл нь цусаар дамжин бүх биед тархах аюултай.
Ц халдвар авсан тохиолдолд олон эрхтний дутагдалд орж, нас барах магадлал өндөр байдаг.
Хүнд хэлбэрийн үед нас баралт 30-50% хүрдэг.
3. Тархины буглаа
Шүдний гаралтай халдвар тархины эд рүү тархах боломжтой.
Тархины буглаа нь мэдрэлийн гэмтэл үүсгэхээс гадна ухаан алдах, таталт өгөх, улмаар амь насанд аюул учруулж болзошгүй. Ийм тохиолдолд эмнэлгийн яаралтай тусламж шаардлагатай.
4. Амьсгалын замын халдвар
Шүдний буглаа болон буйлны үрэвсэл нь уушги руу тархаж, хатгалгаа үүсгэж болно.
Ялангуяа ахмад настнууд, дархлаа султай хүмүүст уушгины халдвар нь амь насанд аюултай.Тиймээс өдөр тутамдаа шүдээ арчлах нь маш чухал.
Шүдээ хэрхэн зөв арчлах вэ? 🦷✨
✔ Өдөрт 2 удаа (өглөө, орой) шүдээ угаах
✔ 2 минутын турш шүдээ угаах
✔ Зөөлөн үстэй сойз хэрэглэх
✔ Сойзыг 3 сар тутам солих
✔ Шүдний утас хэрэглэх
✔ Ам зайлагч шингэн хэрэглэх
✔ Хэлээ цэвэрлэх
✔ Сахар, хийжүүлсэн ундаа, чихэр, амттан багасгах
✔ Шүдэнд тустай хүнс хэрэглэх:
🥛 Кальци ихтэй хүнс (сүү, тараг, бяслаг) – Шүдний пааланг бэхжүүлнэ.
🥕 Ширхэглэг ихтэй хүнс (алим, лууван, өргөст хэмх) – Шүдийг механикаар цэвэрлэдэг.
🥜 Самар, загас, өндөг – Шүдний эрдэсжилтэд хэрэгтэй.
❌ Тамхи, архи хэрэглэхгүй байх
❌ Хатуу зүйл мэрэхгүй байх
❌ Амттай, исгэлэн ундаа хэт их хэрэглэхгүй байх
✔ 6 сар тутамд нэг удаа эмчид үзүүлж байх
✔ Мэргэжлийн шүд цэвэрлэгээ хийлгэх /Чулуу түүлгэх/
✔ Шүдний цоорлыг эрт оношлуулж эмчлүүлэх – Өвдсөний дараа биш, эхний шатанд эмчлүүлэх нь чухал.
Шүд эрүүл бол бие эрүүл.😁
