Бодио Мод

Бодио Мод Contact information, map and directions, contact form, opening hours, services, ratings, photos, videos and announcements from Бодио Мод, Psychotherapist, Ulaanbaatar.

Эмэгтэй хүнийг буруу ойлгодог, эмэгтэй хүний хэрэгцээг мэддэггүй мэдрэмжгүй эрчүүд олон байдаг. Эмэгтэй хүнийг тэжээчихв...
19/10/2021

Эмэгтэй хүнийг буруу ойлгодог, эмэгтэй хүний хэрэгцээг мэддэггүй мэдрэмжгүй эрчүүд олон байдаг. Эмэгтэй хүнийг тэжээчихвэл л болно гэдэг ойлголттой эрчүүд олон байдаг. Тэд алдар нэр, мөнгөний төлөө л санаагаа чилээдэг ба эмэгтэйгээ хэр байгааг асууж ойлгож ярилцаж дэмжихийг мэддэггүй. Учир нь мэдрэмжгүй эрчүүд зүрхний талбай маш багатай. Багаасаа муу байх вий гологдохвий ялагдах вии гэсэн айдастай, дээрээс нь хэн ч эелдэг хайрыг мэдрүүлээгүй хахир хатууг сургасантай холбоотой. Гэтэл эмэгтэй хүн эд мөнгөнөөс илүү тэднийг ойлгож хайрлах хэрэцээ нь 1 дүгээрт тавигддаг. Эмэгтэй хүнийг сонсож хайрлахад мөнгө орохгүй, эмэгтэй хүнд сайхан үг хэлэхэд мөнгө орохгүй, эмэгтэй хүнд цаг гаргахад мөнгө орохгүй. Яг үнэндээ нэр хүндтэй мөнгө төгрөгтэй эрчүүд эмэгтэйгээ ойлгож хайрлах нь ховор бөгөөд эргүүлээд хайр халамж хүндлэлийг нь сэтгэлээс нь олж мэдэрч чаддаггүй. Бидэнд мөнгө хэрэгтэй ч мөнгө дуусдаг. Мөнгө биднийг түр зуур л жаргалтай болгож чаддаг. Эргээгээд мөнгө биднээс авах юмаа аваад оддог. Хорвоо дээр хамгийн сайхан зүйлс үнэгүй байдаг нь талархууштай.

Хүн өөртөө сэтгэл хангалуун болохын тулд элдэв мэс засалд орох бус өөрийгөө байгаагаар нь хайрлаж хүлээн авах ёстой юм. ...
18/10/2021

Хүн өөртөө сэтгэл хангалуун болохын тулд элдэв мэс засалд орох бус өөрийгөө байгаагаар нь хайрлаж хүлээн авах ёстой юм. Харин эсэргээрээ байвал өөртөө бус өрөөлд сэтгэл ханамж өгөх үйлдэл болж таарна шүү дээ.

Зүрхний талбай багатай хүмүүс гэж ямар хүмүүс байдаг вэ?Хүүхэд болон насанд хүрсэн хүмүүс хоорондоо асар их ялгаатай бай...
07/10/2021

Зүрхний талбай багатай хүмүүс гэж ямар хүмүүс байдаг вэ?
Хүүхэд болон насанд хүрсэн хүмүүс хоорондоо асар их ялгаатай байдагийн нэг учир бол зүрхний енергийн талбайн хэмжээ байдаг. Нялх хүүхдэд муу санаа муу бодол үзэн ядалт аль нь ч байдаггүйн дээр харсан хүн болгоныхоо хайрыг татаж байдаг. Бага насны хүүхдүүд ч гэнэн цайлган, аливаа зүйлийг хүлээж авахдаа сэтгэл хөдлөлөөрөө голдуу ханддаг үнэхээрийн цагаан цаас шиг байдаг билээ. Гэвч хүүхдийг бухимдуу, муу санаатай, хашир, хардамтгай, өөртөө итгэлгүй, дотоод айдастай, уур хилэнтэй, ааш муутай болгох тусам зүрхний энергийн талбай багасч жинхэнэ өнөөгийн насанд хүрсэн хүн болгодог. Өөрөөр хэлбэл хүүхдийг хэвлийд нь байх цагаас авахуулж шүүмжилж, муу үгээр харааж, загнаж, айлгаж, өөртөө итгэх итгэлийг нь үгүй хийж, хүчирхийлэх тусам тэр чинээгээр зүрхний энергийн талбай багасч нөгөө нэг гэнэн цайлган, цэвэр ариун сэтгэл, хайрын эрчим, өгөөмөр тусч зан, бусдыг ойлгож хайрладаг зан байдлынх нь оронд уур уцаартай, хүчирхийлэгч, хүйтэн харьцаа, айлган сүрдүүлдэг, хүний сэтгэлийг юман чинээ бододгүй, далд айдастай, аз жаргалгүй, бухимдуу, согтууруулах бодисонд дуртай нэгэн болдог гэсэн үг. Бид үр хүүхдээ байнга загнаж, айлгаж, хүчирхийлэл үзүүлж, шүүмжилж байдагийн үр дүнд өнөөгийн аймшигтай дүр зураг бүхий нийгэм бий болжээ. Хүн өөрийгөө ууртай, хүчирхийлэгч гэж боддоггүй. Гэвч таны дотор уур хилэн хэзээд гарахад бэлэн, дотоод айдастай, өөрөөсөө бага дүү дорой хүмүүст уурлах загнаж зандрах байдал гаргаж л байвал зүрхний эрчимийн талбай яалтачгүй багассан байна гэсэн үг. Уур уцаарын цаад шалтгаан болсон далдаас удирддаг зүйл нь айдас байдаг. Хэдий чинээ дотоод айдас, хар бараан дурсамж ихтэй байна төдий чинээ хүн бие ээ хамгаалах гэж уур уцаарыг гаргана. Бид төрсөн цагаасаа хойш дандаа аз жаргалтай үлгэрт гардаг шиг амьдралаар амьдардаггүй тул бага ахуйгаасаа л хар дурсамжууд, үйл явдлуудтай нүүр тулдаг. Эцэг эхийн муу муухай үгс, зодуур нүдүүр, эгч ахын хөндий харилцаа, найз нөхөд багшийн үл ойлголцол гээд тоочоод бичвэл баршгүй байх. Энэ л бидний энергийг, бодол санааг, зүрх сэтгэлийг бохирдуулж бүр үгүй ч хийдэг сэдлүүд юм. Тиймээс нийгмийн масс бүтээгдэхүүн болсон зүрхний энерги багатай хүмүүс нь уур уцаартай, бухимдуу, стресстэй, айдастай, тайван бус, ямар нэгэн зүйлээр үргэлж дутагдаж гачигдаж явдаг, өрөвч өгөөмөр сайхан сэтгэлээ гээсэн хүн дүрстүүд байдаг юм. Хаа ч очоод гаднаа хуурамч найрсаг зантай, худлаа инээмсэглэлтэй, цаанаа бол хүйтэн хэрцгий өрөвдөлтэй хүмүүс олж болох ба шууд харьцаж үзээд мэдэх боломжгүй байдаг юм.

Хүн жаргалтай, сайхан байх үедээ дотоод би тэйгээ тэр болгон ярилцахыг завдаггүй юм шигээ. Амарсан шигээ дуртай зүйлээ х...
02/10/2021

Хүн жаргалтай, сайхан байх үедээ дотоод би тэйгээ тэр болгон ярилцахыг завдаггүй юм шигээ. Амарсан шигээ дуртай зүйлээ хийсэн шигээ л нээх их зүйл бодож толгойгоо өвтгөх шаардлага байхгүй. Харин амьдралд нь саад бэрхшээл гарч ирэхэд хэр их саад байна төдий чинээ өөртэйгээ ярилцаж гарах гарц, боломж, өөрөө өөртөө урам өгөх, өөрийгөө шүүмжлэх, харамсах, итгэл өгөх, аргадах зэргээр янз бүрийн байдлаар дотоод би тэйгээ харилцаа тогтоохыг оролдоно. Хэдий чинээ чи зөв, сэтгэл цайлган, амгалан, амжилттай байхыг хичээнэ, байна төдий чинээ чамайг гомдоох шантраах, бүтэлгүйтүүлэх элдэв хар бодлууд гаднаас ч дотроос ч орж ирсээр байдаг. Хамгийн их итгэдэг хүн чинь хүртэл чамайг шантраахыг, зовоохыг, хугалахыг хичээх мөч ч ирнэ. Амьдрал тийм дардан биш ажээ. Ухаалаг, хүчтэй, сайхан сэтгэлтэй, өөдрөг амжилттай явахад олон нүдэнд үзэгдэхгүй саад бэрхшээл гарч ирдэг. Тэрийг нь зааж өгдөг, хэрхэн давах туулах арга техникийг нь харуулчихдаг ном, гарын авлага байсан бол хичнээн сайхан. Гэвч одоогоор хаана ч тийм зүйл үгүй. Сэтгэлзүйчид л ариа дөхөм зөвөлгөө өгөх байх. Гэвч тэд хаанаас энэхүү саад бэрхшээлүүд гарч ирдэгийг нарийн зааж чадахгүй. Бүх амжилтын түүхүүд шантрашгүй, бууж өгөшгүй байхыг харуулдаг ч энэ нь яг ямар арга хэлбэрээр таны амьдралд орж ирэхийг таашгүй ба та үүнийг нь бүр таамаглаж олох ч үгүй байж мэднэ. Учир нь бид нэг л хэвэнд цутгасан аятай нэг л хэлбэр хэвэндээ баригдсан үзэл санаатай болжээ. Хэвэнд баригдах тусам таны хөгжилд саад бэрхшээлүүд учирна. Таныг хөгжүүлэхгүй, араас чинь чангаах асар олон санаанд оромгүй зүйлс, хүчнүүд байдаг. Энэ бүхэн л дэлхийн амьдрал тэр чигтээ сургууль гэдгийг батлах юм. Хэн, юу надад саад болоод бүх зүйлээс минь хойш чангаагаад байна вэ гэдгийг мэдэхийн тулд дотоод хүнтэйгээ сайн харилцдаг байх хэрэгтэй. Тэгээд ихэнх зүйлс дотроос, далдаас гаралтай явдагийг бие сэтгэлээ ажиглаж олох хэрэгтэй. Учир нь ихэнх зүйлс таны дотоод сэтгэлзүй, бодол санаанаас улбаатай болоод танд илүү хүчтэй нөлөөлдөг. Хүнд уг нь асар хүчтэй өгөгдлүүд бий. Бид бүх зүйл ийм л байдаг, би ийм л хүн гэсэн хайрцаглагдсан бодол мэдрэмжээсээ болоод хүчээ алдаж байдаг. Таныг ийм зүйл бодуулахад хүргэсэн зүйлс гаднаас ч дотроос ч бий. Учир нь хэн нэгэнд таны энгийн мал шиг явах нь асар их ашигтай байдаг юм. Тиймээс л маш цөөхөн хүмүүс өөрийгөө буюу гаднаас дотроос ирэх дайралтуудтай хүчтэй тэмцэлдэн ялж гарч амжилтанд хүрсэн байдаг билээ. Өөрийгөө ялан дийлэх нь чухал гэдэг нь үндсэндээ таны дотоодод дайралт илгээх гадны зүйлстэй тэмцэлдэх тулалдах гэсэн далд санаатай. Түүнээс биш та өөрөө жинхэнэ гайхамшигт бүтээл юм.
Чиний эргэн тойронд өөртөө итгэх итгэлийг чинь үгүй хийх, айлгах, ажилдаа урам зориггүй болгох, ядраах, шантраах, гомдоох, уурлуулах, бухимдуулах, бүтэлгүйтүүлэх олон зүйлс гарч ирнэ, ялангуяа чи хэдий чинээ хүчтэй байна төдий чинээ өрсөлдөгчид том бас хүчтэй байх болно. Өрсөлдөгчид чинь харин бодит хүн бус, сөрөг бодол, сөрөг мэдрэмж, буруу зүйл рүү уруу татсан атгаг санаа, хүлцэн дорой байдал зэргүүд байх болно. Танд зөвхөн өөрийн бодлоос гадна гаднаас шал өөр ертөнцөөс түм буман бодол санаанууд нөлөөлж байдаг гэдгийг хэзээ ч битгий март.

31/12/2020

Арга болон Билэгийн боловсролын ялгаа, Аль нь таны ажлыг илүү амжилтанд хүргэж чадах вэ?

Шинэ зүйл та нараас биш, чанадаас ирдэг. Та нар хуучнаа л мэднэ. Шинэ зүйл үүдийг чинь тогшиход хуучин ертөнц сандарч та...
26/12/2020

Шинэ зүйл та нараас биш, чанадаас ирдэг. Та нар хуучнаа л мэднэ. Шинэ зүйл үүдийг чинь тогшиход хуучин ертөнц сандарч таараа. Үүдээ нээх юм бол чи хуучин хэвээрээ үлдэхгүй. Энэ бол эрсдэл. Хуучинтайгаа чи ижил дасал боловч хэдийн уйдаж гансарсан байдаг. Тэгсэн мөртлөө шинээс айж, дасал болсон харанхуй нүхэндээ шургадаг. Шинийг хүлээн авахад зүрх зориг хэрэгтэй. Зүгээр нэг зориг биш, эгэлгүй чин зориг хэрэгтэй. Дэлхий аймхай хулчгараар дүүрсэн тул хүмүүс өсч хөгжихгүй байна. Хулчгар хүн яаж хөгжих вэ. Хөгжих боломж бүрээс айж ухардаг хүн дүр эсгэхээс биш жинхэнэ утгаараа хөгжихгүй. Жинхэнэ хөгжлийг орлон тоглогчоор нөхөхөд хүрнэ. Чи өөрөө өсөхгүй, хадгаламжаа өсгөж чадна. Үүнд зориг хэрэггүй. Харин ч аймхай занд чинь бүрэн нийцнэ.

Банкны хадгаламж өсөх хэрээр өөрийгөө өсч байгаа шигээр бодно. Нэр хүнд нэмэгдэх тусам “Би томорч байна” гэж зүүдэлнэ. Энэ бол өөрийгөө хуурч байгаа хэрэг. Нэр төр, бэл бэнчин аль нь ч чи биш шүү дээ. Банкны хадгаламж чиний буй чанар биш. Үнэхээр өсч хөгжихийг хүсч байвал хулчгар, үхээнц байдлаа орхих хэрэгтэй. Яаж бид шинэ болох вэ? Шинэ зүйл оршихуйн чанадаас ирдэг юм. Чи чанадыг мартсан байж болно. Чанад чамайг мартаагүй. Хүүхэд ээжийгээ мартсан байж магадгүй. Ээж нь хүүгээ мартаагүй. Хувь хэсэг өөрийгөө тусдаа арал шиг бодож байгаа ч бүхэл түүнийг тэвэрсэн хэвээрээ. Тийм учраас шинэ юмс урихгүй байсан ч чам руу нэвтэрдэг. Өдөр, шөнө тутам мянга нэгэн жимээр ирж буй. Харах нүдтэй бол цаг үргэлжийн урсгалыг толилох учиртай.

Бурханы адислал хур мэт шаагивч өнгөрсөн цагийн бүрхүүл дотор бүгсэн болохоороо чи түүнийг анзаарахгүй байна. Үхээнц, аймхай зангаасаа болж сэрэл мэдрэхүй чинь мохжээ. Сэргэг байх юм бол шинийг мэдэрнэ. Энэ сэрэхүй аз сорьсон нууцлаг аялалд урам зоригий чинь хөглөнө. Бурхан үргэлж шинэ, үргэлж одоогоороо байдаг. Тийм учраас л ариун дагшин. Түүнийг өнгөрсөн, ирээдүй цаг дээр ярих аргагүй. Амьдралд нэвтэрч буй шинэ бүхнийг Бурханы илгээлт гэж хүлээж ав. Хүлээж авдаг хүнийг шашинлаг хүн гэнэ. Хүлээн эс авагчийг шашинлаг бус гэнэ. Бурханд өөр рүүгээ нэвтрэх боломж олгох хэрэгтэй. Залбирал, бясалгалын утга учир нь энэ – Нээлттэй байх, уриалгахан байх. Шинэ алхам чамайг төвөг бэрхшээл рүү оруулавч талархалтай ханд. Алдаагаар дамжин суралцаж, бэрхшээлээр дамжин хөгждөг. Гүн гүнзгий, бүрэн дүүрэн хүлээн авсан цагт шинэ зүйл чамайг заавал хувиргана. Үхмэл, хаагдмал чулуу хэвээр үлдэх үү, амьдарч, нээгдэж, цэцэглэх үү, чиний л сонголт.

Гэхдээ хувирал бол идэвхийлэл биш шүү. Шинэ зүйлийг хүчээр бүтээх боломжгүй. Хүчилсэн үйлдэл бүр чинь өнгөрсөн цагийн хуулбар байх болно. Тийм учир хүчлэлгүй, ая зөнгөөрөө, бясалгагч ухамсраар үйлд. Хүүхэд шиг агшин хоромдоо уусч, өөрийгөө бүрмөсөн мартаж бай. Тэгэх юм бол чи өдөр бүр шинэ нээлт, шинэ хараагаар баяжиж явсаар нэг л өдөр гэв гэнэт агшин бүрийн шинийг харах болно. Дахиж хуучин бүрхүүлд орохгүй, өнгөрсөн цагийн үйл түйтгэрт автахгүй үргэлж шижир залуу, шүүдэр мэт ариун байна.

Будда агшнаас агшинд амьдардгийг сана. Далайд үлэмж сүрлэг давалгаан босох шиг. Агуу их баяр баясгалан, оргилсон их тэмүүллээр оддыг шүүрэн аваад замхарна. Дараачийн агшинд бүжиг наадам дахиад л эхэлнэ. Энэ бол Бурханы оршихуй. Бодь сэтгэл, будда ухамсрын төлөв. Агшин бүрийд шинээр ирж, зохирон үйлдээд буцах. Хоёр агшны дунд чөлөө бий. Тэрхүү чөлөөнд Будда арилсан байдаг. Энэ бол атомлог үзэгдэл. Би чамд нэг үг хэлээд арилна. Дараа нь өөр үг хэлээд бас арилна. Зохиролт үйлийн хооронд би эс оршино. Эдгээр завсар чөлөө бол үнэмлэхүй хоосон. Үнэмлэхүй амьдралыг гагцхүү үхэл агуулж чаддаг юм.

Жирийн хүмүүс дал орчим жилийн дараа л ганц удаа үхдэг. Далан жил хог хаягдал хуримтлуулдаг гэсэн үг. Харин Будда агшин тутам нөгчдөг учраас ямар ч хог хаягдал хураадаггүй. Амьсгал дээр бодоод үз. Чи агшин тутам амьсгалдаг шүү дээ. Амьсгал авах бүр чинь амьдрал. Амьсгал гаргах бүр чинь үхэл. Үхлийн дараа чи шинээр амьсгалж, шинээр төрдөг. Энэ бол байгалилаг зөнгийн үйлдэл. Өнгөрснөөс зууралгүй, шинийг хүлээж авахад идэвх чармайлт шаардлагагүй. Амьдралыг байгаагаар нь хар –Яатха бхутам. Нөхцөл болзолгүй, хүсэл тачаалгүй тунгалаг нүдээр хар. Тэгвэл чи үргэлж шинэчлэгдэнэ. Энэ бол дахин амилалтын утга санаа. Уг утгыг ухаарах юм бол ой санамжийн хүлээснээс гэтэлнэ. Ой санамж бол хий үзэгдлийн ертөнц. Энэ бол бидний шорон. Чухамдаа бидний эго юм. Ой санамж “би” гэгдэх холбоо сүлжээг бүтээдэг. Эл хуурмаг цогц үхлээс айдаг нь жам ёс. Үхлээс айдаг учраас шинэ бүхнээс дөлдөг.

Өөрийгөө эго биш гэдгийг ойлгохоос нааш чи шинийг хүлээн авч чадахгүй. Эго бол өнгөрсөн цагийн ой санамж төдий. Ой санамж бол машин механизм, биокомпьютер. Чиний мөн чанар ухамсар болохоос ой санамж биш. Жишээ нь, чи замаар алхаж яваад хэн нэгнийг харжээ. Царайг нь санах мөртлөө нэрийг нь санахгүй байна. Тэгээд ой санамжаа уудалж, эндээс ч нэг, тэндээс ч нэг сөхөж байтал нэр нь гарч ирэхэд, “Өө, тэр л байна шүү дээ” гэнэ. Ой санамж бол чиний тэмдэглэл. Тэмдэглэлийг хэн үзэж байгаа юм бэ? Тэр бол чи.

Ой санамж мэдээж хуучин зүйл. Гэхдээ эгогийн амьдрах эрчим хүч. Шинэ байхын тулд эготой ижилсэхгүй байх хэрэгтэй. Эготой ижилсэхгүй бол түүний үхэл сэхэлд санаа зовохоо болино. Ямар ч дүр үзүүлсэн тэр угаасаа амьгүй механизм шүү дээ. Түүнийг ашиглаж болно, харин түүнд ашиглуулж болохгүй. Үхлийн айдас эгогоос л төрдөг. Оршихуйд айдас үгүй. Оршихуй өөрөө амьдрал учраас тэр. Амьдрал айдсыг мэдэхгүй, үхлийг мэдэхгүй. Хуурмаг юмст л сарних айдас бий. Эго сарних нь Бурханы агаарт мэндлэхийн нэр. Шинэ бүхэн Бурханаас ирдэг учраас айж эмээлгүй тосч бай. Амьдрал чинь улам бүр баяжсаар хүлээс бүхнээс гэтэлсэн хутагт болох өдөр ирнэ
Agnista.mn

Чамд ямар ч цаг зав алга гэж үү? Бясалгалд зориулах ганц цаг шүү дээ! Сэтгэлээсээ ахин дахин лавла. Хүмүүс бясалгал хийх...
25/12/2020

Чамд ямар ч цаг зав алга гэж үү? Бясалгалд зориулах ганц цаг шүү дээ! Сэтгэлээсээ ахин дахин лавла. Хүмүүс бясалгал хийх завгүй амьдардаг гэж би үзэхгүй байна. Өчнөөн цагаар дэлгэц ширтээд л, хөзөрдөөд л, уншсан сониноо ахин дахин эргүүлээд л, улиг болсон хов жив, дэвэн дэлхийн шалдар булдрыг эргүүлдэж насыг элээх мөртлөө “Бидэнд бясалгал хийх цаг зав алга” гэцгээдэг. Дэмий балай юмст болохоор хангалттай их цаг завтай болчихдог. Яагаад вэ?
Дэмий юмсын хувьд дадал болсон сэтгэл аюулгүй тайван байдаг. Бясалгал руу орох юм бол хий үзэгдэл гарцаагүй замхрах учраас түгшүүр зарлаж, чамайг хорьж саатуулах арга хэмжээ авна. “Юун бясалгал вэ? Тэгж суух зав хаа байна? Цаг зав байгаа бол илүү чухал зүйлд зориул. Бясалгал энэ тэрээ дараа болно биз. Эхлээд мөнгө хэрэгтэй. Мөнгөгүй бол яаж тайван бясалгах юм бэ” гэнэ. Бясалгалыг хойшлуулахад амархан. Чиний хувьд амьд үлдэх, эсэхийн асуудал биш санагдана. Харин идэх талхыг хойшлуулж болшгүй. Тэгвэл чи үхнэ. Мөнгийг хойшлуулж болшгүй. Амьдрал мөнгөн дээр тогтдог. Энэ хорвоод бүх юм түүгээр хэмжигдэнэ. Тиймээс л бясалгалыг хамгийн сүүл рүү чихэж орхидог. Бясалгалд умбах агшинд хүн энэ хорвоогоос хальдаг. Бясалгал үхэл шиг учраас сэтгэл чинь айж сандарч, булзааруулах арга бүхнийг сүвэгчилнэ.
Agnista.mn

Хэдэн ч дипломтой бай, хичнээн ч ном уншсан бай таны ажил, бизнес амжилттай явагдана гэсэн баталгаа байхгүй. Таны гадаад...
24/12/2020

Хэдэн ч дипломтой бай, хичнээн ч ном уншсан бай таны ажил, бизнес амжилттай явагдана гэсэн баталгаа байхгүй. Таны гадаад мэдлэг бус таны дотор орших хүн бэлэн болоогүй л бол яаж ч хичээгээд хүссэн амжилтандаа хүрэхгүй л болов уу. Өөрөө өөртэйгөө ажиллаж эхэлснээр сая доллараас ч илүү үнэ цэнэтэй хөрөнгө оруулалтыг та өөрийн бизнестээ оруулах болно. Хэрхэн яаж мөн хаанаас эхлэх талаар хайхалтай видео хичээл тун удахгүй орох болно.

23/12/2020

❤️Сэтгэлзүй болон зүрхний өвчин❤️
Зүрх сэтгэл гэдэг үгс хоорондоо холбоотой бичигдэж яригддагийн учир нь зүрх нь сэтгэл санаанаас, эргээдээд сэтгэл санаа нь хүний зүрхнээс шалтгаалж эрүүл эсвэл өвчлөлтэй байх нь хамаардаг. Бидний зүрх зүгээр ч нэг судсаар цусыг бие эдүүдэд дамжуулах үүрэгтэй эрхтэн биш юм. Зүрхэнд ч бас өөрийн гэсэн хэм, эрчим, цохилох хүсэл буй. Цус нь судсаар дамжигдан эрдэс бодисийг хүний биеийн бүхий л хэсэгт хүргэх үйл явцыг зүрх хариуцаж ажиллагдаг. Ингэхдээ эрчим, енерги, мэдрэмжийг ч дамжуулж байдаг юм.
Бидний биеийн нэгж эс ч маш ухаалаг тул эд эрхтнүүдэд ямар нэгэн асуудал, доголдол гарахад тархинд мэдээллийг дамжуулж, хэрэгцээ шаардлага, нөхцөл байдлаа мэдүүлж ухамсарлуулах үйлдэл хийдэг. Дохио авсан тархи маань эргээдээд бие эрхтнүүдээ хоорондын харилцан үйлчлэлээр дамнуулан удирдаж асуудалыг шийддэг. Ингээд бодохоор бие маань бараг өвдөх шалтгаангүй мэт... Гэвч бид бие эрхтэнээ өөрсдөө өвчлүүлдэг. Нэг ёсондоо өөрт буй хайхамшигт эрүүлжүүлэх тогтолцоонд бид өөрсдөө саад болдог. Бие маань өвдлөө гэхэд хэт их мэдээллийг бусдаас хайж, сайн гэж хэлсэн болгоныг хэрэглэж, болох болохгүй зүйлсийг олноор нь хийж туршдаг. Нэг ёсондоо гаднаас хэт их мэдээлэл авснаар таны тархи дарангуйлагдаж биеийнхээ өвчинд шаардлагатай арга хэмжээг авч чадахаа больдог. Таны тархи энэ их мэдээлэл, тулгамдалтанд зөв ажиллаж чадахаа байна гэсэн үг юм.
Тиймийн учир та эхлээд тархитайгаа ажиллах хэрэгтэй. Та баярлаж бахдаж байвал таны тархи тэр их баяр хөөрийн мэдрэмжээр зүрхний эрчимийг тэтгэж, зүрх цаашаагаа шимт эрдэс бодисыг баяр хөөртэй мэдрэмж, амьдрах их хүслийн хамтаар цусаар дамжуулан эд эрхтэнд аваачдаг. Ингэснээр эд эсийг эдгэх чадамж нэмэгдэнэ. Мэдрэмж бол мэдлэгээс хавь илүү чухал зүйл. Та сайн сайхан зүйлсийг мэдлээ гээд мэдэрч хэрвээ чадахгүй бол энэ зөвхөн мэдээллээс цаашгүй зүйл болно. Дээр дурдсанчилан хэт их мэдээлэл нь тархийг дарангуйлж өөрийн биеийг ухамсарлах чадвараа алддаг.
Цус нь мэдрэмж, дохио, шимт бодис, мэдээллүүдийг зөөвөрлөгч тул та цусыг бүхий л эд эсэндээ хүргэх боломжоор ханган судсыг арчлан тэтгэж байх хэрэгтэй. Хоол хүнс, орчны нөлөө, хөдөлгөөн зэргээс шалтгаалж ялангуяа хялгасан судсууд хатингарших, бөглөрөх аюултай ойр байдаг. Тиймээс судсаа гамнан тэтгэхийн тулд та хийн урсгалаа зөв байлгах буюу зөв амьсгалж уушигаа зүй зохистой ажиллуулах хэрэгтэй. Бүтэн амьсгалах, жигд амьсгалах, хүчилтөрөгчөөр баялаг агаараар амьсгалах гээд хэрхэн зөв амьсгалах талаар хичээлүүд үзээрэй. Зөв амьсгалах аргыг хэзээ ч дорд үнэлэж болохгүй. Таны амьсгалах байдлаас хамаарч сэтгэл санаа тэр ч бүү хэл биеийн өвдөлт шалтгаалж байдаг.
Зүрхний үйл ажиллагааны сэтгэл санаатай холбогдох гол зүйл нь цахилуур эс байдаг. Цахилуур эсийн тусламжтайгаар зүрх нь хэвийн ажиллах нөхцөл бүрддэг. Энэхүү эс нь харин бидний сэтгэлзүйгээс хамаарч ихэсч эсвэл буурч байна. Амьдрах хүсэл эрмэлзэлтэй, амар тайван, аз жаргалтай үед энэхүү эс нь төлжиж байдаг. Мөн та муу үг хэлж, муухай зүйл ярьж, хараах аваас энэ эсийн тоог бууруулчихлаг. Хэрвээ та муухай мэдрэмжтэй, гутарсан байдалтайгаар удаан явбал сөрөг цэнэгийг хураасаар энэ нь цахилуур эсийг устгадаг. Ингэснээр зүрхний шигдээс, тархины цус харвалт гэх мэт үхэлд хүргэх аюул нүүрлэдэг. Хүн сэтгэл гутралаар үхэж болдогийн тодорхой жишээ бол энэ юм.
Иймээс сэтгэл санааны тогтворгүй байдал, гутаагдсан мэдрэмж, стресс нь таны амь наснаас хумсалж байдагийг анхаарч үүнийг удаан хугацаанд тоохгүй амьдарч болохгүй.
Зүрхний өвчин сэтгэлийн заслыг хурдан авдаг. Сэтгэл заслын дасгал гэж байдаг. Энэ нь бясалгалын нэг төрөл юм. Энэхүү бясалгалыг хийх аргыг та бүхэнд ойлгомжтой бөгөөд товч дурдья. Та олбог дээр нуруу тэгш завилан суух шаардлагатай. Ингэхдээ биеээ чангалах хэрэггүй. Булчингуудаа ерөнхийдөө сул байлгана. Дараа нь та нүдээ аниад 90н удаа тайван амьсгал. Энэ нь таныг тайвшруулж өөртөө бүрэн төвлөрч элдэв бодлоосоо түр холдоход тусална. 90 тоолж дууссан бол хөлийн хуруунаас авахуулаад толгойн орой хүртэл бүх эд, эдхтэн, булчингаа яаралгүй мэдрэх хэрэгтэй. Ингэхдээ элдэв хөдөлгөөн хийлгүй харин мэдрэхийг хичээж буй бие эрхтнийхээ булчинг бага зэрэг чангалж суллаж болно. Та ингэж суухдаа бүх зүйлээ мэдрэхийг хичээгээрэй. Жишээ нь хөлийн эрхий хуруу долоовор хуруу ул, шагай мэтчилэн нэг нэгээр нь ажилган суухдаа булчин, цусны эргэлт, халуун хүйтэн байх зэргээр нарийвчлалтай, яаралгүй мэдрэхийг хичээгээрэй. Тэгсээр толгойн оройд ирэхэд таны тархи эд эстэйгээ бүрэн холбогдсон байх болно. Дараагаар нь цээж дүүрэн амьсгаа авч эхэл. Ийнхүү амьсгалах зуураа энэ агаар таны биеэр хэрхэн тархахыг мөн мэдрэх хэрэгтэй. Бас өөртөө хүч чадал, амьдрах хүсэл төрүүлэх үгнүүдийг дотроо хэл. Жишээлбэл:
Би булчингийн эдэндээ хүч чадал өгөгч
Би дотоод эрхтнээ энхрийлэн захирагч эрх мэдэлтэн
Дорой бодол амьсгалах зуур сэтгэгдэвч
Үлээх зуур сарнина
Арвин өвчин арвин хоромд
Бага өвчин бага хором илаарших боловч
Хормыг би хүлцэн тэвчиж чадна
Өвчлөлийг би дарж диилнэ
Би амьдармаар байна
Та өөртөөгэй ийнхүү харилцаж байхдаа итгэл үнэмшлээр дүүрэн байх хэрэгтэй. Өөртөө огтхон ч эргэлзэх хэрэггүй. Хэрвээ та ямар нэг өвчиндөө санаа зовьнож байгаа бол үүний дараагаар уг өвчинөө бодож энэхүү өвчинөө ялан дийлж эдгээж чадна гэж өөртөө итгэл дүүрэн хэлээд байх хэрэгтэй. Жишээлбэл
Зүрхийг минь илааршуулагч хүч чадал надад буй
Миний энэхүү хүч чадал зүрхний минь өвчлөлийг ниргэ
Би зүрхнийхээ өвчинг яллаа
Энэхүү бясалгалыг өдөр бүр тасралтгүй 1 сар хийхэд л таньд хайхамшигтай өөрчлөлтүүд гарах болно. Мөн таны зөн совин сэргэж өвчинөө хэрхэн илээршуулах арга аяндаа тархинд урсан орж ирнэ.
Мөн хүний бие унтаж байхдаа засардаг тул унтахдаа та унтаж байх хооронд бие тань илааршаж эдгэнэ, эдгээд аз жаргалтай байна гэж төсөөлж байгаарай. Ингэснээр таныг унтаж буй хооронд таны цагаан эсүүд өвчнийг анагаах захирамж авсанаар эдгэлт үтэр явагдана.
Та эрүүл байяа гэвэл өөрийгөө хайрлах хэрэгтэй. Өөрийгөө хайрлахын тулд эхлээд өөртэйгээ танилцаж, дотоод дуу хоолойгоо сонсдог болох хэрэгтэй. Танд өөрийгөө эмгүйгээр эмчлэх хайхамшигт чадвар бий. Өөрт тохирох эсэхийг судлахгүйгээр сайн гэсэн эм тариа, элдэв витамын бүү хэрэглээрэй.

22/12/2020

Зүрхний асуудалтай хүмүүст зориулж маргааш маш сонирхолтой бас хэрэгцээтэй мэдээлэл бүхий видеог оруулах болно.

22/12/2020

Бусдыг шүүвэл өөрсдөө шүүгдэнэ, бусдыг хоривол өөрсдөө хоригдоно. Алдаа гаргадаггүй хүнд энэ дэлхийд буух шалтгаан байхгүй. Хүн алдаж байж суралцдаг. Бусын оронд өөрийгөө тавиад үз. Алдаж явсан үеээ санаж ачлалт сэтгэлээр өршөөж байгаарай.

20/12/2020

Өөрийгөө хайрладаггүй хүн бусдын үгэнд "сайн" ордог...

Address

Ulaanbaatar

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00
Sunday 09:00 - 17:00

Website

Alerts

Be the first to know and let us send you an email when Бодио Мод posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Бодио Мод:

Shortcuts

Share

Category