25/07/2025
#Маммографын аппарат сонгох зөвлөмж:
Эмэгтэйчүүдийн хөхний хавдрыг эрт үед оношлох дүрс оношилгооны шилдэг аргуудыг нэг болох МАММОГРАФЫН АППАРАТ- г сонгох зөвлөмжийг хүргэе!
МАММОГРАФИЙН аппарат нь рентген туяа ашиглан оношилгоо хийдэг гэдгээрээ рентген аппараттай төстэй боловч уламжлалт рентгентэй харьцуулахад дараах хэдэн онцлогуудтай.
Маммографийн аппаратын үндсэн бүрэлдэхүүн хэсгүүд:
1️⃣Рентген генератор, Рентген хоолой
2️⃣Гантри
3️⃣Детектор
4️⃣Дүрс боловсруулах програм /workstation
5️⃣Дэлгэц
1️⃣ #Генератор HFG generator
Рентген туяаг үүсгэх үндсэн үүрэгтэй бөгөөд зураг авах хүний хөхний хэмжээ, өндөр тун гаргах, ачаалал даах байдал дүрс боловсруулах хэсгийн мэдрэг байдал зэргээс хамаарч 3,5кВ болон 5кВ гэсэн 2 төрөл байдаг.
Ажиллах хүчдэл энгийн 220 вольт ажилладаг тул цахилгаан зарцуулалт бага бөгөөд заавал 380 шаардлагагүй давуу талтай.
АНУ, EUROPE -д үйлчлүүлэгчид нь бие томтой, жин ихтэй зэргээс шалтгаалж хүчин чадал өндөр буюу 5кВ загвар илүү ашигладаг
Азийн орнуудад болон Монгол улсад 3,5кВ чадалтай загвар ашиглагдах нь элбэг байдаг үнийн хувьд 3,5 кВ загвар илүү хямд байдаг.
Xray TUBE 20-40кВ , 1-800мА хэр их рентген доз гаргах хүчин чадлыг илэрхийлнэ.
Халалт даах чадамж 150- 300kHU хэр их ачаалал даах чадамжтайг илэрхийлэх үзүүлэлт
2️⃣ #Гантри Gantry
Гантри нь маммографын аппаратын их биеийг хэлэх бөгөөд рентген хоолой болон хүлээн авагчийг холбосон бүтэцтэй, зураг авах байрлалыг тохируулах зорилгоор +180 –145 градусын өнцгөөр хөдөлдөг, хөдөлгөөнт эд ангиудыг удирдан зохион байгуулах үүрэгтэй бүтэц юм.
Мөн хөхийг шахаж нягтруулах зураг авахад бэлтгэх зориулалт бүхий gone гэх эд анги мөн байдаг . Тухайн аппаратын үйлдвэрлэгчээс хамаарч хөхний шахалтыг мэдэрч автомат болон гар ажиллаагаар шахах функцүүд байдаг. Энэ нь үйлчлүүлэгчийн хөхийг хэт шахахаас сэргийлдэг.
Мөн үйлчлүүлэгчид өгөх туяаны ачааллыг тухайн хүний бие физиологид тохирсон байхаар AEC функцийг мөн үйлдвэрлэгчид санал болгодог энэ нь хөхний зузааныг автоматаар тооцоолон хэдэн кВ , mA өгөхийг автоматаар шийддэг функц юм.
Сүүлийн үеийн аппаратууд гантри хэмжээ болон жинг аль болох компакт авсаархан хөнгөн байхыг зорьж доороо дугуйтай хөдөлгөөнт байдлаар ашиглах боломжийг нэмэгдүүлэхийг зорьж байна.
Нийт жин нь ~200кг энэ нь рентген аппаратын өрөөнд зөөж оруулахад хялбар байх, нэг өрөөнд 2 аппаратыг зэрэг суурилуулахад зай талбай бага эзэлдэг, урьдчилан сэргийлэх үйлчилгээний үед эмнэлгээс гадуур зөөвөрлөн ашиглах боломжийг нэмэгдүүлдэг.
3️⃣ #Дүрс хүлээн авагч Detector/DR
Уламжлалт Маммографын аппаратууд нь аналог буюу кассет ашиглах хөрвүүлж зураг авдаг байсан бол одоо FPD Flat panel detector буюу зургийг шууд хүлээн авч агшин зуур дэлгэцэнд харуулдаг болсон бөгөөд энэ нь дүрсний чанар сайжрах, механик гэмтэл үүсэх эрсдэлийг бууруулах, үзлэгийг цагийг хурдан бага доз өгөх, рентген хоолойн насжилтыг уртасгах зэрэг олон давуу талуудыг бий болгосон тул одоо үйлдвэрлэгчид АНАЛОГ загварыг үйлдвэрлэх нь маш ховор болсон.
Зургийн чанарыг тодорхойлох хамгийн чухал үзүүлэлт нь детекторын техникийн хүчин чадлаас хамаардаг
1. Pixel pitch буюу дүрс мэдрэх хамгийн бага нэгж юм.
Mammography DR 50-100 µm
Рентген аппарат DR: pixel pitch 100-200 µm
Computer tomography DR 100-500µm
Дүрс оношилгооны бусад аппаратуудтай харьцуулахад хамгийн бага pixel pitch шаарддаг, учир нь зөөлөн эдийг үнэлэх учраас pixel pitch бага байх тусам зургийг чанар сайжирдаг.
Зарим улсын тендерүүдэд энэ үзүүлэлтийг өндөр байвал сайн гэж алдаатай шалгуур гаргасан тохиолдол байсан тул худалдан авалт хийхээр төлөвлөж буй хүмүүсийн хувьд энэ хэсгийг маш сайн анхаарах хэрэгтэй.
Маммографийн аппаратын үнэ өндөр байдаг үндсэн шалтгаан нь DR үнэтэй /~ 50%/ байдагтай холбоотой.
2. Active pixel : 3584 x 2792 энэ үзүүлэлт нь нийт хэдэн идэвхтэй pixel хүлээн авч зураг үүсгэх чадамжтайг илэрхийлнэ, их байх тусам сайн үзүүлэлт
3. A/D conversion bit : 16 bit энэ нь дүрсийг дижитал болгох хувиргахад ашигладаг үзүүлэлт өндөр байх тусам сайн
4. Детектор температур : 20-25 градусын орчинд ашиглах, хадгалах нь хамгийн тохиромжтой орчин болдог.
Detector ажиллах температурын хүрээг анхаарах , детектор нь маш мэдрэг байдаг тул үүнийгээ дагаад маш температурт маш мэдрэмтгий байдаг.
Зарим тохиолдолд эдийн засгийн хувьд хэмнэлттэй байдаг тул USED буюу ашиглаж байсан МАММОГРАФЫН аппаратыг харилцагчид сонгодог бөгөөд тухайн аппарат өмнө ашиглагдаж хадгалагдаж байх үед зөв зориулалтын агуулахад хадгалагдсан эсэхээс хамаарч детекторын зургийн чанар болон аппаратын амьдралын насжилтад маш их нөлөөлдөг тул тухайн аппаратыг хаана хэзээ ямар орчинд хадгалж байсан зэргийг судалж үзсэний үндсэн дээр сонгоно.
4️⃣Дүрс боловсруулах програм WORKSTATION
Детектороос ирэх Raw data буюу дүрс үүсгэх анхны өгөгдлийг дүрс боловсруулах програм хангамжаар боловсруулж дэлгэцэнд харуулах дүрсний чанарыг тодорхойлох бас чухал хэсэг болдог.
Зураг боловсруулах параметр, функцүүд болон компьютерын CPU, HDD, RAM зэрэг үндсэн үзүүлэлтүүдийг мөн анхаарна.
Мөн сүүлийн үед дижитал МАММОГРАФЫН аппаратууд дээр нэмэлтээр Хөхний хавдрыг эрт үед нь оношлох A.I програмуудыг суулгах боломжтой бөгөөд энэ нь оношилгооны чанарыг сайжруулахад ач холбогдолтой
🤖 A.I хөгжүүлэгч компаниудаас дурдвал:
• iCAD – ProFound AI®
• Whiterabbit.ai
• Aiforia® Breast Cancer Suite
• Neura Health – NeuraDetect
• NeoLab AI
• Lunit
• Therapixel – MammoScreen®
• Niramai (India)
• Yizhun Medical AI (China)
5️⃣Дэлгэц
Маммографын аппаратын дэлгэц мөн маш өндөр нягтралтай зориулалтын медикал дэлгэцийг ашиглах шаардлагатай, энэ нь дүрсийг ямар нэг алдагдалгүйгээр эмчид харуулахад өндөр ач холбогдолтой энгийн дэлгэцийг бодвол 4-5 дахин үнэтэй , байдаг., 3MP, 5MP, 7MP тоогоор дэлгэцийн үзүүлэлтийг гаргасан байдаг.
Мөн оношилгооны цар хүрээ, ажилбар хийх нэр төрлөөс хамаарч 2D/3D Stereotactic biopsy manual/automatic төхөөрөмжүүд нэмэлтээр ашиглагддаг бөгөөд нэдгээрийг сонирхвол бидэнтэй холбогдож дэлгэрэнгүй мэдээлэл авах боломжтой. Холбоо барих утас : 95093011 Magicmed
