МБТ Хүүхдийн эмч нар

11/02/2026

🧠 ХҮҮХЭД 3 НАСНААС ӨМНӨХӨӨ САНАДАГГҮЙ…ГЭХДЭЭ МАРТДАГГҮЙ🧐🧐

Нярай болон бага насны хүүхдийн тархинд эргэн дурсагдах ой санамжийг хариуцдаг хэсгүүд 3 орчим насанд бүрэн хөгжиж эхэлдэг. Тиймээс бид ихэнхдээ 3 наснаас өмнөх үйл явдлаа үгээр санаж чаддаггүй.

Гэхдээ энэ нь тэр үеийн зүйлс ор мөргүй алга болдог гэсэн үг огтхон ч биш.

3 наснаас өмнө хүүхдийн ой санамж ухамсаргүй (implicit memory) хэлбэрээр хадгалагддаг. Өөрөөр хэлбэл хүүхэд таны хэлж буй үгийг ойлгохгүй байж болох ч,
• Таны дууны өнгө
• Тайван эсвэл айдастай байдал
• Халамж, уур амьсгал
• Хүрэлцэх мэдрэмж
зэргийг маш нарийн мэдэрч, бие махбод болон мэдрэхүйн ой санамжиндаа хадгалж байдаг.

Тиймээс хүүхэд 3 наснаас өмнөхөө үгээр санахгүй ч, бие махбодоороо “санаж” үлддэг. Энэ санамж нь хожим аюулгүй мэдрэмж, өөртөө итгэх итгэл, харилцааны хэв маягт хүртэл нөлөөлдөг.

📣📣📣Хүүхэд таны юу хэлснийг бус, яаж хэлснийг хамгийн сайн санаж үлддэг. 🤍❤️❤️

Энэ удаагийн Хүүхдийн эмч нарын журнал клубт Франц улсын Нэнси хотын төв сэтгэцийн эмнэлгийн сэтгэлзүйч, “Монголын нялхасын сэтгэл зүйн эрүүл мэндийн Алунгоо үндэсний нийгэмлэг”-ийн тэргүүн

Ч.Ядамжав эмч маань хүрэлцэн ирж, сонирхолтой сэдвээр ярилцах боллоо.

Жич: Та бүртгэлээ баталгаажуулсан байх шаардлагатай.

Утас: 88079249, 99047790

03/02/2026

UpToDate What’s new in pediatrics?

АНУ-аас буцаж ирмэгц Эх Хүүхдийн эрүүл мэндийн сургалтуудаа Tungalag Mbt Bolor-Erdene Sarankhuu найзуудтайгаа хамтран эхлүүлж байв.

🧑‍🧑‍🧒‍🧒 Сүүлийн нэг жил Эцэг эхчүүдэд зориулсан сургалтандаа цаг гаргаж чадсангүй.

Гэхдээ заваараа бичиж л байя.

🥕🥗🥦 Хүүхдэд хоол танилцуулах

BABY-LED WEANING аргачлал гэдэг нь:

-Нухаш зутан бантан болгож нялбайлгахгүй
-Бүхэл хоолыг гарт нь баригдахаар жижиглэж бэлтгээд
-Хүүхэд өөрөө хоолоо барьж идэхэд туслах, сургахыг хэлнэ.

🥰 Энэхүү арга нь маш олон чухал ач тустай.

Үүнд:

-Өөрөө идэвхтэйгээр өөрийн хэрэгцээгээр зөв зохистой хооллох дадалд суралцана.

-Сонголт хийх чадвартай болно. Сонголтыг мэдээж тархиараа хийж байгаа болохоор уураг тархины хөгжилд маш сайн.

-Гарын жижиг булчингууд хөгжинө.

-Хэл яриа, харилцааны чадварт эерэг нөлөөтэй.

🥣 Уламжлалт халбагадах аргаар дан нухаш, зутан, бантан, миксердсэн хоол өгөх нь олон сөрөг үр дагавартай

Үүнд:

-Өөрөө идэвхтэйгээр зохистой хооллох дадалд суралцаагүй тул хоолонд дургүй болох хандлагатай.

-Хоол голж шилэх нь түгээмэл

-Хэт хүчилж хооллосноос хоолонд дургүй болох хандлагатай

-Ходоод сунасны улмаас хэт их идэж, илчлэгийн илүүдлээс улбаалан таргалалт ба таргалалттай холбоотой эмгэгүүд үүсэх

-Бүхэл хатуу хоол идэж чадахгүй болох, зөвхөн зөөлөн хоол иддэг тул хоол тэжээлийн нэр төрөл цөөрч, улмаар шим тэжээлийн бодисын дутагдал үүснэ.

✅ Шим тэжээлийн дутагдал нь ба төмөр дутлын цус багадалт, цайрын дутал, халдварт өртөмхий болохын зэрэгцээ биеийн ба уураг тархины өсөлт хөгжилд сөргөөр нөлөөлдөг болох нь батлагдсан.

👆🏻 Зохисгүй, буруу хооллолт нь зөвхөн хоол танилцуулах үеийн төдийгүй, бага балчир нас, өсвөр нас улмаар насанд хүрсэн үед ч олон эрүүл мэндийн асуудлын эх үндэс болдог.

👧👶🏻👦 Хэрэв хүүхдэд тань хооллолттой холбоотой ямар нэгэн асуудал, бэрхшээл илэрч байвал эртхэн хүүхдийн эмчид хандаарай!!!

Хуяг-Очирын Мөнгөнцэцэг Munguntsetseg Khuyag-Ochir MD, MPH, MSc, IBCLC

Хүүхдийн эмч, нярайн эмч, эх хүүхдийн эрүүл мэндийн мэргэжилтэн,
Олон улсын батламжит хөхөөр хооллолтын зөвлөх

05/01/2026

💕 Ховдын хязгаараас хичээл сургуулийнхаа амралтаар зориод ирэх нь хайр юм аа.

Энэ зун л Ховд нутагт очиж үзсэн. Үнэхээр үзэсгэлэнтэй сайхан нутаг байна лээ.

👩🏻‍⚕️🧑🏻‍⚕️👨🏻‍⚕️ Заавал өвдсөн үед биш өвдөхөөс урьдчилан сэргийлж, хүүхдийн өсөлт хөгжил, хоол тэжээлийн үнэлгээ; биеийн ба сэтгэцийн эрүүл мэндийг хянуулж хэвшээрэй.

✅ Нярай нялх үед нь сар бүр;
✅ Хоёр нас хүртэл нь улиралд 1 удаа;
✅ Цэцэрлэгийн насанд жилд 2 удаа;
✅ Сургуулийн бага ангид жилд 2 удаа;
✅ Дунд, ахлах ангид жилд 1 удаа заавал хүүхдийн эмчид үзүүлээрэй!!!

24/12/2025

✅✅✅ ТӨРӨЛХИЙН ХЭЛНИЙ ХӨВЧ БОГИНО

👆🏻👆🏻👆🏻ХЭРЭВ ТАНЫ ХҮҮХДЭД ДАРААХ ШИНЖҮҮД ИЛЭРЧ БАЙВАЛ АЛЬ БОЛОХ ЭРТ ХӨХӨӨР ХООЛЛОЛТЫН МЭРГЭЖЛИЙН ЭМЧИД ХАНДААРАЙ.

1️⃣ Хөхөө хөхөхдөө мултарч дуугарах, тагнайгаа ташиж хөхөх

2️⃣ Хөхөө хөхөхдөө хахаж цацах, амьсгалаа түгжих

3️⃣ Гэдэс цардайж дүүрч, байнгын зовиуртай янцаглах, дүлэх, гэдэс өвдөж тайван бус уйлагнах

4️⃣ Хөхөө хөхөх дургүй болох, сүүн тэжээлээ угжаар идэх дургүй болох

5️⃣ Хөхсөн бүрийн дараа гулигах,бөөлжих (бор хоолонд орсон ч гэсэн гулигах, бөөлжих)

6️⃣ Дунд чихний үрэвслийн шинжүүд буюу тайван бус болох, уйлагнах, чихээ маажих, чихэндээ зовиурлах гэх мэт олон шинжүүд (Хөхүүл нярай, нялхаст хахалтын улмаас дунд чихний хөндийд шингэн, идээ үүсэх нь түгээмэл)

7️⃣ Шүд зайтай ургах
-Зарим үсэг хэлэхэд саадтай буюу дультрах (хар гэхийг хал, гол гэхийг гох гэх мэтээр дультрах)
-Шүд зайтай, буруу ургах, зуултын гажиг үүсэх, улмаар эрүү ба хоншоор ясны гажиг үүсэх

Munguntsetseg Khuyag-Ochir MD, MPH, MSc, IBCLC






Grandmed Hospital эмнэлэг дээр Даваа-Бямба гарагт өдөр бүр үзлэг хийж байна.

Танай гэр бүлд аз жаргал хүсье!

24/12/2025

🤱🏻🤱🏻🤱🏻

#ХөхүүлЭхТандДараахШинжүүдИлэрвэлХөхөөрХооллолтынМэргэжлийнЭмчидЗаавалХандаарай!!!

1️⃣ ХҮҮХДЭЭ ХӨХҮҮЛЖ, АМЛУУЛЖ ЧАДАХГҮЙ БАЙХ

2️⃣ ХАЛУУРАХ

Биеийн халуун 37.5 хэмээс дээш

3️⃣ ХӨХНИЙ АРЬС УЛАЙХ

Хөхний арьс биеийн арьстай адил өнгөтөй байх ёстой.

4️⃣ ХӨХ ЗАНГИРЧ ХАТУУРАХ

Хөхүүлэхийн өмнө хөх чинэрч болно. Хөхүүлсний дараа хөх сулрахгүй, хөх байнга чинэрэх үед заавал мэргэжлийн тусламж авах хэрэгтэй!

5️⃣ ХӨХНИЙ ТОЛГОЙ ХАГАРАХ

Хөхөө буруу, дутуу амлуулсны улмаас хөхний толгой хагардаг. Ямар нэгэн тос хөхний толгой хагарахаас сэргийлэхгүй!
Мэргэжлийн эмчид үзүүлж зөв хөхүүлж, амлуулахыг заалгах шаардлагатай!!!

6️⃣ ХӨХӨӨР ХАТГУУЛЖ ӨВДӨХ

Хөх зангирах, хөхний үрэвслийн эхэн үед илэрдэг шинж тэмдэг!!!

7️⃣ ХӨХҮҮЛЭХ ҮЕД БОЛОН ХӨХҮҮЛСНИЙ ДАРАА ХӨХНИЙ ТОВЧ ХОРСОЖ ӨВДӨХ

Буруу дутуу амлалт, зарим нэг халдварын үед

8️⃣ ХӨХНИЙ ТОВЧ ЯГААРАХ

Таны хөхний товч бор, цайвар бор өнгөтөй байх ёстой

9️⃣ ХӨХНИЙ СҮҮНИЙ ГАРЦ БУУРАХ

Буруу, дутуу амлуулах; хөхний зангирал ба үрэвслийн үед хөхний сүүний нийлэгжилт буурдаг.


🔟 СЭТГЭЛ САНАА ТААГҮЙ, ТОГТВОРГҮЙ, ТҮГШҮҮРТЭЙ БОЛЖ ХҮҮХДЭЭ ТАЙВАН САЙХАН ХӨХҮҮЛЖ ЧАДАХГҮЙ БАЙХ

👩🏻‍⚕️👩🏻‍⚕️👩🏻‍⚕️ Эдгээр шинжүүд хөхүүл ээж таньд болон таны дотны хэн нэгэнд илэрсэн бол заавал ХӨХӨӨР ХООЛЛОЛТЫН МЭРГЭЖЛИЙН ЭМЧИД үзүүлээрэй!!!!!

✅✅✅ ДЭЭРХ ХҮНДРЭЛҮҮДИЙГ ТУУЛААД БИШ ТОЙРООД ГАРАХ БҮРЭН БОЛОМЖТОЙ.

Grandmed Hospital дээр Даваа-Бямба өдөр бүр ажиллаж байна.

Танай гэр бүлд аз жаргал хүсье!

24/11/2025

✅✅✅ ТОМУУ, ТОМУУ ТӨСТ ӨВЧНИЙ ДЭГДЭЛТИЙН ҮЕД
Д АМИНДЭМЭЭ ӨДӨР БҮР ГЭР БҮЛЭЭРЭЭ ЗӨВ ТУНГААР УУЖ ДАРХЛААГАА ДЭМЖЭЭРЭЙ!!!

Д аминдэмийн дутагдлын эмчилгээг UpToDate платформоос орчуулсан удирдамжаа дахин нийтэлье.

Түгээмэл асуудаг асуулт тул цааш түгээгээрэй.

🇺🇸 Зарим мэргэжил нэгт нөхөд маань АНУ-ын Хүүхдийн Эмч Нарын Академийн удирдамжин дээрх тунгаар Монгол хүүхдүүддээ зөвлөсөн харагддаг.

🇲🇳 Газарзүйн байрлал, дулааны улирал нь удаан үргэлжилдэг, Д аминдэм агуулсан хүнс түлхүү хэрэглэдэг, хүнсээ Д аминдэмээр баяжуулсан, Д аминдэмээр баяжуулсан сүүн холимогоор хооллодог, жирэмсэн эхчүүд нь Д аминдэмийн дутагдалгүй гэх мэт ялгаатай зүйл олон болохыг харгалзан үзэх нь зүйтэй.

🙋‍♀️🙋🙋‍♂️ Ээж, аав нарын асуудаг түгээмэл асуултанд хариулав.

✅ Д аминдэмийг төрсөн цагаас эхлэн насан туршид өдөр бүр хэрэглэх нь зүйтэй.

✅ Хоёр нас хүрэхэд нь хүүхэддээ Д аминдэм өгөхөө зогсоох нь маш буруу.
18 нас хүртэл нь хүүхдийн хоногийн хэрэгцээний тунгаар үргэлжлүүлэн өгөх хэрэгтэй.

✅ Д аминдэмийг эмчийн заавраар эмчилгээний тунгаар ууж дууссаны дараа хоногийн хэрэгцээний тунгаар үргэлжлүүлэн өдөр бүр уулгаарай.

✅ Зуны буюу дулааны улиралд ч гэсэн Д аминдэмийг хоногийн хэрэгцээний тунгаар үргэлжлүүлэн уух нь зүйтэй.

✅ Өдрийн 10.00-15.00 цагийн хооронд наранд нүүр, гар, хөлөө ил гаргаж 15 минутаас дээш байсан тохиолдолд Д аминдэм арьсанд нийлэгжиж эхэлдэг.

✅ Д аминдэм дутагдсан үед яс, булчинд өөрчлөлт орж хүүхдэд сульдаа өвчин үүсэхийн зэрэгцээ дархлаа суларч бүх төрлийн халдварт өртөмтгий болдог.

💕 Аз жаргал хүсье!

Хуяг-Очирын Мөнгөнцэцэг Munguntsetseg Khuyag-Ochir MD, MPH, MSc, IBCLC

15/11/2025

Цастай тайван сайхан өглөөний мэндээ!

“Эмчээ таньд юу хэрэгтэй байна? Яаж туслах уу? Энэ яаж байна? Энэ болохоор байна уу?” гээд халамжилж, бүх чадлаараа тусалж, дэмжиж байгаа Грандмед эмнэлгийн хамт олондоо талархаж байна.

Даваа-Бямба өдөр бүр:

✅ 0-18 насны хүүхдийн өсөлт хөгжлийн үнэлгээ;
✅ Урьдчилан сэргийлэх хяналтын үзлэг;
✅ Хүүхдийн эмчийн үзлэг, зөвлөгөө;
✅ 0-6 сартай нярай нялхас ба хөхүүл эхийн хооллолтын үнэлгээ, оношилгоо, зөвлөгөө;
✅ Хэл ярианы хөгжлийн үнэлгээ, зөвлөгөө;
✅ Өсвөр насныхны үзлэг, зөвлөгөө хийгдэж байна.

7700-0066 утсаар үзлэгийн цагаа товлоорой.

Амралтын өдөр өөрийгөө сонсож, анзаарч, мэдэрч, хайрлаарай!

Аз жаргал хүсье!

14/11/2025

📣 Хүүхдийн эмч нар, хүүхдийн эмч болохоор суралцаж буй резидент эмч нар минь ээ

“ХҮҮХДИЙН ЭМЧ НАРЫН ЖУРНАЛ КЛУБ”-тээ оролцож тархиа сэргээж, мэдлэгээ сайжруулж, бодлоо хэлэлцэж, хамтдаа хөгжицгөөе!!!

🥰 Үнэхээр арааны шүлс асгарам гэдэг шиг тэсэн ядан хүлээж байсан журнал клубын уулзалтууд маань эхлэх гэж байгаад их догдолж байна.

🇮🇹Итали улсын Хүүхдийн зүрхний мэс заслын эмнэлэгт 6 сарын эмнэлзүйн дадлага хийж их эрдэм өвөртлөөд ирсэн хүүхдийн эрчимт эмчилгээний эмч Б.Мягмарсүрэн эмчийнхээ лекцийг сонсохыг тэсэн ядан хүлээж байна. Мийгаагаараа энэ намар-өвлийн журнал клубээ эхлүүлж байгаадаа тун баяртай байна.

💕 Анхаарал дутмагшил, хэт хөдөлгөөнтөх эмгэгийг аль болох эрт оношилж, эрт арга хэмжээ авах нь зөвхөн хүүхэд насны төдийгүй насан туршийн олон асуудал бэрхшээлээс сэргийлнэ.
Курсын найз, хүүхдийн сэтгэцийн эмч Л.Цэрэндолгор эмчийнхээ хичээлийг сонсох гэж байгаадаа тун баяртай байна. Цээгийгээрээ маш их бахархдаг шүү. Бидний урилгыг хүлээн авсанд дахин талархал илэрхийлье!

👭 Журнал клубын хамтрагч, Анагаахын англи хэлний сургалтын шавь, мэргэжил нэгт курсын найз Д.Солонго эмчийн “Хүүхдийн эрэмбэлэн ангилалт, үнэлгээ” лекцийг олон эмч нар сонсоосой гэж хүсч байна.
Олон нийтийн ажил, мэргэжлийн хөгжил, өөрийгөө хөгжүүлэх гээд олон ажлыг зэрэг амжуулдаг супер бүсгүй шүү! Олонд тустай олон журнал клубыг хамтдаа зохион байгуулна.

✅ “Хүүхдийн хоол боловсруулах эрхтний эмгэгүүд” журнал клуб дээр танилцаж, ярилцаж; хүүхдийн хоол боловсруулах эмгэгийн оношилгоон дээр хамтран ажиллаж байгаа АШУҮИС-ийн багш Т.Хосбаяр багшийн лекцийг сонсож, суралцах боломж гарч байгаад маш их баяртай байна. Үг өгүүлбэр бүр нь нотолгоотой үнэхээр оюунлаг эрдэмтэн хүн байна лээ.

За ийм гоё боломж бүрдүүлж байхад алдаж болохгүй шүү дээ манайхаан!

Удахгүй журнал клуб дээрээ аз жаргалтайгаар уулзацгаая!!!

Сануулахад суудлын тоо хязгаартай тул эртхэн бүртгэлээ баталгаажуулаарай!

10/11/2025

Бурхан багшийн дүйчин билигт сайн өдрөөс эхлэн Grandmed Hospital эмнэлэг дээр

ХҮҮХЭД, НЯРАЙ, ХӨХӨӨР ХООЛЛОЛТЫН үзлэгээ хийж эхлэх гэж байгаадаа талархаж билигшээж байна.

Грандмед эмнэлгийн хамт олонтойгоо хамтран Хүүхдийн тусламжийг эхлүүлж байгаадаа баяртай байна.

“Үзлэгээ хэзээ хийж эхлэх вэ?” гэж асууж байсан ээж аав нар 7700-0066 утсаар цаг товлоод үзүүлээрэй!

Аз жаргал хүсье!

29/10/2025

Баярлах, бахархах, инээх, инээмсэглэх боломжийг бүү алд!

-“Момми та ажлаасаа гарсан биз дээ? Яагаад гэртээ байхгүй номын сан, кофе шопт суугаад байгаа юм вэ? Бид нарыг ирэхэд гэртээ бай л даа.”

-“Найзаа чи минь ажлаасаа гараад ямар завгүй болчихов оо. Уулзъя. Уулзах завгүй бол боломжтой үед нь яръя л даа.”

9 сард өдөр шөнөгүй нэг зүйлийн төлөө хичээлээ.
Хичээсний эцэст хүрч чадсан баярт мэдээгээ хуваалцъя.

ХӨХӨӨР ХООЛЛОЛТЫН ЗӨВЛӨХ мэргэжлээрээ (lactation consultant)
ОЛОН УЛСАД АЖИЛЛАХ ЭРХЭЭ дахин 5 жилээр сунгаж чадлаа (international board certified).

Эрхээ 5 жилээр авахад нэлээн олон процесс, олон шалгуур, олон шалгалтыг давж; багагүй доллар зарцуулдаг юм.

Эерэгээр бол залуу насны ааг, өөртөө итгэх итгэл, эерэг зөв бодол, багагүй хичээл зүтгэлээрээ;

Жоохон дутагдалтай талаас нь харвал цагийг нь тулгаж өөрийгөө 1000% дайчилдаг монгол зан, болно доо бүтнэ дээ гэсэн төлөвлөлтгүй хайнга зангийнхаа горыг багагүй амсаж бие, тархи, сэтгэлээ үнэн гамгүй гэнэт ачааллаа.

Үргэлж найдвартай ар тал хайртай гэр бүл, найзууд; санамсрын иогынхоо ачаар л давлаа.

Бас л чанга байлаа.
Өдөр бүр хичээснийхээ үр шимийг хүртсэндээ баяртай байна.

12/09/2025

Томуугийн вакцин жилд 1 удаа томуугийн улирал эхлэхээс 1 сарын өмнө хийлгээрэй!
Өвдөх, хүндрэхээс сэргийлсэн вакцин байхад өвдөх хэрэг юун. Томуу тоглоом биш шүү!
Өөрийгөө, хайртай хүмүүсээ хамгаалаарай!

13/08/2025

ЭЭЖ ТАНЫ ХӨХНИЙ СҮҮ

ТАНЫ амьдралынхаа туршид учирсан бүх халдварын эсрэг үүссэн ДАРХЛААНЫ АМЬД УУРГУУД-ыг агуулсан шидэт шингэн шүү дээ!!!

Дархлаанд чухал үүрэгтэй эсрэг биеийн төрлүүд.