22/07/2025
Solongo Ganbold ☘️Одооноос нэг жарангийн өмнө😆(2013), ээжийнхээ Хулан Цэрэннадмид Анагаах ухааны докторын судалгаанд нь туслах үүрэг авч, гадаадын эрдэм шинжилгээний материалуудыг орчуулан, ишлэл бэлдэж эхэлсэн тэр цагаас хойш би 🐝зөгийн хорны анагаах чадварыг сонирхож эхэлсэн юм.🔬
✨Цаашлаад энэ сонирхлоо лавшруулан, эх орныхоо зөгийн аж ахуйн түүхий эдийг судалж, түүн дээр тулгуурласан бүтээгдэхүүн гаргаж Олон улсад таниулахыг мөрөөдөж эхэлсэн билээ. Тэр мөрөөдөл минь намайг Мэжик Би Фүүдс компаниа үүсгэн байгуулахад хүргэсэн. Ингээд, сонирхолтой ч, сорилттой үйлдвэрлэгчийн аялал маань одоо долоо дахь жилтэйгээ золгож байна.
🧉Анхны жилүүдэд эх орны зэрлэг жимстэй зөгийн балны төрлүүдийг гарган, бүтээгдэхүүнээ хүмүүст таниулах гэж янз бүрийн аргыг туршсан. Цагаан сарын бэлгийн багц гаргахдаа аав Ganbold Jalbuu маань өдөржин шөнөжин өөрийн гараар даавуун уут оёж, нөхөр бид хоёр захиалга хуваан аваад хүргэлт хийдэг байж ээ. Нэг өдөр би бүр улайраад хүргэлтээ гүйцээе гээд жирэмсэн том гэдэстэй байж шөнийн 1 цагт захиалгаа өгөх гээд явж байсансан🌃…. Ядаж байхад тэр айлын орцны кодыг мэдэхгүй хүн гарч ирэхийг хүлээж өвлийн хүйтэн шөнө 🌬🥶гадаа удаан зогсож байснаа одоо ч тод санаж байна.
Олон гоё түүхүүд бий.....☺️
🥰Энэ хугацаанд амьдралын минь хамгийн том түшиг тулгуур бол миний гэр бүл, найз нөхөд, үнэнч хамт олон, ментор - зөвлөхүүд, хөтөлбөрүүдээр дамжуулан танилцсан олон сайхан хүмүүс, бүр Олон улсын байгууллага ч хүртэл байлаа.
😍Миний эргэн тойронд байсан хүмүүсийн итгэл, сэтгэл, дэмжлэг анхны экспортоо хийж буй өнөөдрийн энэ цэгт хүргэсэн.🥳
🐝Бидний үйлдвэрлэж байгаа бүтээгдэхүүнүүд хүний эрүүл мэндийг дэмжих, амьдралыг нь чанартай байлгахад хувь нэмрээ оруулах гэсэн нэгэн ЗҮТГЭЛ юм. 🤗Бид эх орныхоо байгалийн зөгийн аж ахуйн баялагт тулгуурлан хүн бүрт ээлтэй бүтээгдэхүүн бүтээж, зөвхөн Монголдоо бус дэлхийн олон улс оронд хүргэхээр зорин ажиллаж байна.🚀
Өнөөдрийг хүртэл биднийг тусалж дэмжсэн, итгэж, урам хайрласан бүх хүнд чин сэтгэлийн талархлаа илэрхийлье. 🙇♀️🥰
🚩Талархаж байна. Хичээж байна. Урагшилж байна.🇲🇳
