Нянгийн тэсвэржилт орчин үеийн анагаах ухаан, нийгмийн эрүүл мэндийн агуу ололтуудад аюул занал учруулсаар байна. Дэлхийн түвшинд эмнэлгээс шалтгаалсан болон хамт олны дунд тархсан ихэнх халдвар эмэнд тэсвэртэй байх явдал харанга дэлдэх түвшинд байгааг мэдээлсээр байна. Нян мэтийн жижиг биетүүд хоёр, гурав дахь үеийн антибиотикуудад илүү мэдрэг бус болж байна. Зарим нян тодорхой антибиотикуудад аль хэдийн бүрэн тэсвэртэй болжээ.
Дэлхий ертөнц энгийн мэс заслын үйлдлээс үүдэлтэй халдварыг үр дүн өгөхуйц эмгүйгээс эмчилж чадахгүй, амь насанд учрах аюулыг давж чадахааргүй антибиотикийн дараах эрин үед тулж ирлээ.
Бүсийн орнууд ДЭМБ-ын Номхон далайн баруун эргийн бүсийн нянгийн тэсвэржилтийг чхязгаарлах хүчин чармайлтыг бэхжүүлэх зорилгоор ДЭМБ-ын Номхон далайн баруун эргийн бүсийн зөвлөлийн 65 дахь хуралдаанаар нянгийн тэсвэржилтийн асуудлаар тогтоол гаргасан. Энэ тогтоолоор ДЭМБ-ын Номхон далайн баруун эргийн бүсийн нянгийн тэсвэржилтийн эсрэг арга хэмжээний төлөвлөгөөг баталсан. Төлөвлөгөө нь бүсийн орнууднянгийн тэсвэржилтийг хязгаарлах арга хэмжээг явуулахдааашиглах дэлхийн төлөвлөгөөтэй уялдсан үйл ажиллагаанд суурилсан удирдамжаар хангасан болно.
Төлөвлөгөө нянгийн тэсвэржилтийн тухай ойлголтыг бүх салбарт бий болгох, тандалтыг сайжруулах, нянгийн тэсвэржилтийг хязгаарлах эрүүл мэндийн салбарын чадавхийг бэхжүүлэх зорилго бүхий үндэсний төлөвлөгөөг бэхжүүлэх бүсийн өвөрмөц арга хэмжээнд гол анхаарлаа хандуулаад байна.
Бүсийн хамтын ажиллагаа эмэнд тэсвэртэй халдварууд, нянгийн эсрэг эмийн хэрэглээний чиг хандлагын нотолгоог хуваалцах, хооронд нь жишиж харьцуулахад нэн шаардлагатай юм. Мөн үр дүнтэй зохицуулалт, аюулгүй, чанартай нянгийн эсрэг эмийн хүртээмжийг нэмэгдүүлэх, халдварын сэргийлэлт, хяналт, удирдлагын хөтөлбөрүүдийг сайжруурах, антибиотикийн зохистой хэрэглээг эрчимжүүлэх ёстой.
Хамтран ажилласнаар бид бүсдээ нянгийн тэсвэржилтийнтархалтыг удаашруулж чадна. Бид орчин үеийн анагаах ухааны гайхамшгуудыг хойч үедээ хадгалж үлдэхийн тулд хэт оройтоогүй дээрээ арга хэмжээ авах хэрэгтэй байна.
