29/03/2025
Наддээр их олон сайхан бүсгүйчүүд хүнтэй суух юм сан яах уу гэж ирдэг
Үүний шалтгаан маш олон:
1. Өөрийгөө ойлгохгүй, танихгүй, хайрлахгүй, өөрөө эхнэр-ээж болох болоогүй
2. Өмнөх харилцааны травманууд, гомдол, харамсал айдсууд
3. Аавтайгаа асуудалтай: хаягдсан, дарамтлуулдаг байсан, гомддог, голдог г.м
4. Удмын асуудлууд
5. Гадны нөлөөллүүд: хараал, ховс, дэв сэв, бузар г.м.
Та хүнтэй гэрлэж чадахгүй л яваад байна уу?
Хамгийн түрүүнд хүн хоорондоо гэрлэдэг биш харин эго гэрлэдэг гэдгийг ойлгох хэрэгтэй. Хүн хоорондоо харилцаа үүсгэдэг биш, харин эго үүсгэдэг. Хүн аз жаргалтай амьдрал хүсдэг биш, харин эго хүсдэг. Тийм учраас хүмүүс бие биеэсээ салдаг биш, зөвхөн эго салдаг.
Та хань болох хүнтэй таарахгүй байна гэдэг нь таны эго хэт их том байгаагийн шинж. Тийм болохоор түүнийг багасгах тал дээр ажиллах хэрэгтэй. Хэрэв юу ч хийхгүй, өөрийгөө зөвтгөөд эсвэл өмөөрөөд суугаад байвал таны эго цаашид улам ихсээд хань болох хүн олдоход улам хэцүү болно.
Хэрэв та эрэгтэй бол эгог зөв хөгжүүлэх, хүүхэд насны зан аашийг орхин, сэтгэлийн тогтвортой байдалд хүрэх хэрэгтэй. Үүнд хатуужлын замаар хүрч болно. Өглөө эрт босоод гүйж эсвэл алхаж хэвшээд, бясалгал хийж эсвэл мантр уншиж сурах их тус нэмэртэй.
Мөн биеийн хүчний ажил цалин багатай ч ядаж хэдэн сар хийж хөлсөө гаргадаг болох маш чухал.
Энэ бүхэн таны эгог хүүхдийн биш харин жинхэнэ эрэгтэйлэг болгож, сэтгэл санааг тогтвортой, илүү дутуу гомддог, хямардаг, сэтгэлээр унадаг, өөртөө итгэдэггүй байдал, эмоцоос салгана. Мөн өөрийн амьдралын хариуцлагыг өөрөө авч сурна.
Хэрэв та эмэгтэй бол таны эго эмэгтэйлэг болж сурах хэрэгтэй. Эмэгтэйлэг эго нь өндөр байх ёсгүй, өндөр эго хэдий хор хөнөөлтэй ч эрэгтэйд илүү зохино. Эрэгтэй эго манлайлах, удирдах, хүндлүүлэх дуртай. Мөн хамгаалах, халамжлах, хайртай хүний бүх хэрэгцээг хангах дуртай.
Харин эмэгтэй эго өндөр биш, төлөв даруу байхад зохино. Эрэгтэй эгог дагаад, хэлсэн үгэнд ороод, тодорхой хэмжээний хүндлэл үзүүлээд явахад хангалттай байдаг. Энэ амар биш, эмэгтэй эго бага наснаас эхлээд бүх юмыг өөрийн хүссэнээр байлгах дуртай. Хүссэндээ хүрэхгүй бол элдэв ааш араншин гаргаж бусдыг буруутгах дуртай.
Үүнийг давахад хатан ухаан мөн хатуужил хэрэгтэй. Өглөө бүр эрт босоод алхах, эсвэл бясалгал хийх, ертөнцөд талархах, экс нөхөртөө гомддог бол зайлшгүй уучлах хэрэгтэй. Энэ маш чухал.
Мөн сүүлийн үед их янз бүрийн сургалт их болж, эмэгтэйчүүдийг эрхээ эдлэхийг зааж, мэдлэг ихтэй болгож байгаа. Энэ хэдий хэрэгтэй боловч их мэдлэг таны эгог өндөрсгөж эрэгтэйлэг болгож байгааг санах хэрэгтэй. Мэдлэг ихтэй, толгой том, эго өндөртэй хүчирхэг эмэгтэйд жинхэнэ эрэгтэй ойртохгүй, эрэгтэй хүн эмэгтэйлэг жижиг эготой эмэгтэйд ойртож харилцаа үүсгэдэг. Хүчирхэг эмэгтэйд зөвхөн гүйцэд хөгжөөгүй, хүүхдийн эготой эрчүүд л татагдана.
Тийм болохоор танд юу илүү чухал вэ гэдгийг бодоорой. Гэр бүл, хань ижил хэрэгтэй бол та эмэгтэйчүүдийн эрхийн төлөө тэмцлийн мөн 50/50 харьцааны тухай мартсан нь дээр, харин хэрэв таны эго өндөр хөгжсөн, та өөрийгөө их ухаантай, их мэдлэгтэй, их соёлтой, их хөөрхөн гэж боддог бол таны шалгуурыг давах эрэгтэй олдохгүй л байх да.
