25/01/2025
🧘БЯСАЛГАЛ ТАРХИНД ҮЗҮҮЛЭХ НӨЛӨӨ🧠
🇫🇷 Маттью Рикард нь Францын молекулын биологич, Буддын лам бөгөөд тархи судлалын эрдэмтэдтэй хамтран бясалгал нь хүний тархинд үзүүлэх нөлөөллийн талаар судалгаа хийжээ. Үүний өмнө тэрээр Нобелийн шагналт Франсуа Жейкобын удирдлага дор молекулын генетикийн чиглэлээр ажиллаж байсан эрдэм шинжилгээний ажлаа орхиж, Гималайн ууланд Түвдийн Буддизмыг судалсны дараа лам болсон юм.
🧠Нейро шинжлэх ухаан ба бясалгалын судалгаа
Рикард тархинд бясалгалын үзүүлэх нөлөө, ялангуяа энэрэнгүй сэтгэл, анхаарал төвлөрөл, сайн сайхан байдалд хэрхэн нөлөөлдөг талаар судлах чиглэлд ихээхэн хувь нэмэр оруулсан.
🧘Рикар Висконсин-Мэдисоны их сургуулийн доктор Ричард Дэвидсон зэрэг шинжээчидтэй хамтран ажиллаж, бясалгалын үеэр хүний тархины үйл ажиллагааг судлахын тулд функциональ соронзон резонансын дүрслэл (fMRI), цахилгаан тархины бичлэг (EEG) ашигласан.
🧠Тархины үйл ажиллагаа ба гамма долгион
Судалгаагаар Рикардын тархины гамма долгион маш өндөр түвшинд байгааг харуулсан бөгөөд энэ нь суралцах, ой тогтоолт, аз жаргалтай холбоотой байдаг.
Мөн түүний энэрэнгүй сэтгэлтэй холбоотой тархины хэсгийн идэвхжил эрс өндөр байгааг тогтоож, зарим хүмүүс түүнийг "дэлхийн хамгийн аз жаргалтай хүн" гэхэд тэрээр үүнийг даруухнаар няцаадаг.
😇 Энэрэнгүй сэтгэл бясалгалын нөлөө
Судалгаагаар энэрэнгүй сэтгэлийн бясалгал нь тархины уян хатан чанарыг нэмэгдүүлж, сэтгэл хөдлөлийг илүү сайн зохицуулж, сайн сайхан байдлыг дээшлүүлдэг болохыг тогтоосон. Мөн стрессийг бууруулж, өгөөмөр зан чанарыг төлөвшүүлэхэд ач тустай.
⚛️Нейро шинжлэх ухаанд үзүүлсэн нөлөө
Рикардын хийсэн ажлууд эртний бясалгалын уламжлалыг орчин үеийн шинжлэх ухаантай холбож, сэтгэлзүйн сургалтаар тархи, сэтгэцийн эрүүл мэндийг хэрхэн сайжруулах талаар үнэтэй мэдээлэл өгч байна. Түүний ажлууд бясалгалыг сэтгэцийн эмчилгээ болон боловсролын салбарт ашиглах судалгаанд ихээхэн нөлөө үзүүлсэн
