Чингэлтэй Нэгдсэн эмнэлэг

22/05/2026

Цусны донорын тухай хууль эцэслэн батлагдлаа.
Шинэ хуулиар:
✔️ Цусны донорын үйл ажиллагааг сайн дурын, авлагагүй, хүний эрхэд суурилсан зарчмаар зохицуулна
✔️ Донорын нэгдсэн мэдээллийн сан бүрдүүлж, бүртгэл, нөөцийн удирдлагыг шуурхай болгоно
✔️ Цус цуглуулах, шинжлэх, хадгалах, тээвэрлэх үйл ажиллагааг олон улсын стандарттай уялдуулна
✔️ Донорын эрх, эрүүл мэндийн хамгаалалт, урамшуулал, дэмжлэгийг илүү тодорхой хуульчилна
✔️ Гамшиг, онцгой нөхцөлд цусны нөөцийг богино хугацаанд бүрдүүлэх эрх зүйн боломж бүрдэнэ

ЦУСНЫ ДОНОРЫН ТУХАЙ ХУУЛЬ ЭЦЭСЛЭН БАТЛАГДЛАА 🩸

Хүний амь насыг аврах, цусны аюулгүй нөөцийг бүрдүүлэх, донорын эрх, нийгмийн хамгааллыг шинэ шатанд гаргах эрх зүйн шинэ орчин бүрдэж байна.

Шинэ хуулиар:
✔️ Цусны донорын үйл ажиллагааг сайн дурын, авлагагүй, хүний эрхэд суурилсан зарчмаар зохицуулна
✔️ Донорын нэгдсэн мэдээллийн сан бүрдүүлж, бүртгэл, нөөцийн удирдлагыг шуурхай болгоно
✔️ Цус цуглуулах, шинжлэх, хадгалах, тээвэрлэх үйл ажиллагааг олон улсын стандарттай уялдуулна
✔️ Донорын эрх, эрүүл мэндийн хамгаалалт, урамшуулал, дэмжлэгийг илүү тодорхой хуульчилна
✔️ Гамшиг, онцгой нөхцөлд цусны нөөцийг богино хугацаанд бүрдүүлэх эрх зүйн боломж бүрдэнэ

Энэхүү хуулийн төслийг хамтран санаачилж, боловсруулах, хэлэлцүүлэх үйл явцад хамтран ажилласан УИХ-ын гишүүн Жигжидсүрэнгийн Чинбүрэн, Аюушийн Ариунзаяа, Ж.Алдаржавхлан болон хамтран ажилласан нийт Улсын Их Хурлын гишүүд, ажлын хэсэг, эмч, эрүүл мэндийн салбарын мэргэжилтнүүд, иргэний нийгмийн байгууллагууддаа чин сэтгэлийн талархал илэрхийлье 🤝🏻

22/05/2026

Чингэлтэй Нэгдсэн эмнэлэг баасан гараг бүрийн 13:00 цагаас 17:00 цагт “Ахмад настны урьдчилан сэргийлэх үзлэг, шинжилгээ”-г хуваарийн дагуу зохион байгуулж байгаа билээ.
Өнөөдөр буюу 2026 оны 05 сарын 22-ны 13:00 цагаас
- ЧД-ийн 6, 9-р хорооны ахмад настнууд ЧНЭ-ийн 1-р амбулаори-д,
- ЧД-ийн 22-р хорооны ахмад настнууд ЧНЭ-ийн Эрт илрүүлэг, оношилгооны төв-д урьдчилан сэргийлэх үзлэгт хамрагдана уу.

Байршил:
ЧНЭ-ийн 1-р амбулатори ЧД-ийн 4-р хороо, Сангийн Яамны зүүн талд байрладаг.
ЧНЭ-ийн Эрт илрүүлэг, оношилгооны төв ЧД-ийн 14-р хороо, 5 буудал, 14-р хорооны байрны баруун талд байрладаг.
Лавлах утас: 7703-7700

22/05/2026

Чингэлтэй Нэгдсэн эмнэлэг нь хавдрын өвчнөөр оношлогдсон үйлчлүүлэгч болон тэдний асран хамгаалагч нарт хавдрын хяналтын үзлэг, зөвлөгөө мэдээллийг хүн амд хамгийн ойр эрүүл мэндийн байгууллага болох ӨЭМТ-үүдийг түшиглэн зохион байгуулж байна.
Өнөөдөр Хавдрын эмч Б.Даш ЧД-ийн 16-р хорооны “Тэгш Өлзий” ӨЭМТ-д ажиллаж байна.

22/05/2026

Чингэлтэй Нэгдсэн эмнэлгийн Эх барих эмэгтэйчүүдийн эмч Б.Батмөнхийн Tsahiur.mn сайтад өгсөн ярилцлагыг хүргэе.
Эх хүндрэлтэй төрөх үед "Энэ хүн байхгүй бол ар гэр, үр хүүхэд нь яах билээ" гэж хамгийн түрүүнд бодогддог. Хүн дуртай ажлаа хийхдээ түүртэж, ядраад байдаггүй” хэмээн 20 жил эх барих, эмэгтэйчүүдийн эмчээр ажиллаж буй Б.Батмөнх ярилаа.

21/05/2026

Хайр, талархал, баясал гурваар хамаг өвчин эдгэнэ, жаргал ирнэ
☀️ Өглөөний мэнд ээ!

21/05/2026

Чингэлтэй Нэгдсэн эмнэлэг хавдрын өвчнөөр оношлогдсон үйлчлүүлэгч болон тэдний асран хамгаалагч нарт хавдрын хяналтын үзлэг, зөвлөгөө мэдээллийг хүн амд хамгийн ойр эрүүл мэндийн байгууллага болох ӨЭМТ-үүдийг түшиглэн зохион байгуулж байгаа юм.
Өнөөдөр Хавдрын эмч Б.Даш ЧД-ийн 17-р хорооны харъяалалтай хавдрын хяналтад байдаг 46 хүнд үзлэг, зөвлөгөө өгч ажиллалаа.
Маргааш буюу 2026 оны 05 сарын 22-нд ЧД-ийн 16-р хорооны “Тэгш Өлзий” ӨЭМТ-д ажиллана.

21/05/2026

Өнөөдөр АТГ-ын ажилтан, комиссар Д.Балдандорж ЧНЭ-ийн 1-р амбулаторийн сургалтын танхимд Чингэлтэй Нэгдсэн эмнэлгийн тасаг, нэгж албадын дарга нар болон ЧД-ийн харъяа ӨЭМТ-үүдийн удирдлагуудад “Авлигын гэмт хэрэг, зөрчил, хор хөнөөлийн тухай, эрүүл мэндийн салбарт түгээмэл тохиолддог эм эмнэлгийн хэрэгслийг худалдан авах үедээ төлөвлөх, худалдан авах, хүлээж авахдаа анхаарах зүйл, авлигын мэдээллийн ил тод байдлыг сайжруулах, хууль эрх зүйн мэдлэгээ нэмэгдүүлэх, зөрчлийн харилцаа үүсэхээс урьдчилан сэргийлэх, ёс зүйн хэсгийн хороог чадавхжуулах зэрэг сэдвийн дор сургалт зохион байгуулж, мэдээлэл хийлээ.

21/05/2026

Өнөөдөр Чингэлтэй Нэгдсэн эмнэлгийн захирал Х.Ганцэцэг ЧД-ийн харъяа ӨЭМТ-үүдийн удирдлагуудтай ээлжит шуурхай хурлаа зохион байгууллаа. Цаг үеийн тулгамдсан асуудлуудыг танилцуулж хэлэлцэн, хамтран ажиллах чиглэл өгсөн юм.
Мөн энэ хурлын үеэр Чингэлтэй Нэгдсэн эмнэлгийн захирал Х.Ганцэцэг "Умайн хүзүүний хорт хавдрын 90-70-90 хөтөлбөрийн хүрээнд хүний папиллома вирусын (HPV) эсрэг дархлаажуулалт"-д зорилтот насны хүүхдүүдийн хамрагдалтыг 80-аас дээш хувьд хүргэж, урьдчилан сэргийлэх ажлыг амжилттай зохион байгуулан ажилласан ӨЭМТ-үүдийн үйл ажиллагааг дэмжин,
- 1-3-р хорооны “Мэндцолмон” ӨЭМТ-ийн дарга Ц.Цэдэвсүрэн,
- 11-р хорооны “Цэнгэлжаргалан хайрхан” ӨЭМТ-ийн дарга Э.Анхгэрэл нарт иж бүрэн компьютер,
- 13-р хорооны “Мэнд-Арвижих” ӨЭМТ-ийн дарга Г.Нинад вакцины хөргөгчийг тус тус гардуулан өгч ажлын амжилт хүслээ.

21/05/2026

МОНГОЛ УЛСЫН ТӨЛӨӨЛӨГЧИД ДЭЛХИЙН ЭРҮҮЛ МЭНДИЙН AССАМБЛЕЙН 79 ДҮГЭЭР ЧУУЛГАНД ОРОЛЦОЖ БАЙНА
✅“Дэлхийн эрүүл мэндийг шинэчлэн тодорхойлох нь: Хамтын хариуцлага” сэдвийн дор Женев хотноо 2026 оны 5 дугаар сарын 18-23-ны өдрүүдэд болж буй Дэлхийн эрүүл мэндийн ассамблейн 79 дүгээр чуулганд Монгол Улсаас НҮБ-ын Женев дэх төв болон олон улсын бусад байгууллагын дэргэд суугаа Байнгын төлөөлөгч, Элчин сайд Д.Гэрэлмаа тэргүүтэй төлөөлөгчид оролцож байна.
✅Байнгын төлөөлөгч, Элчин сайд Д.Гэрэлмаа чуулганы Ерөнхий хэлэлцүүлэгт Монгол Улсын Засгийн газраас эрүүл мэндийн салбарт хэрэгжүүлж буй бодлого, цаашдын үйл ажиллагааны талаар танилцуулав.
✅Тэрээр хэлсэн үгэндээ Монгол Улс анхан шатны эрүүл мэндийн тусламж үйлчилгээг бэхжүүлэх, дижитал эрүүл мэнд, телемедицины үйлчилгээг хөгжүүлэх, ялангуяа хөдөө орон нутаг болон эмзэг бүлгийн хүн амын эрүүл мэндийн тусламж үйлчилгээний тэгш хүртээмжийг нэмэгдүүлэх хүрээнд тууштай ажиллаж буйгаа онцлон тэмдэглэв.
Эрүүл Мэндийн Яам

21/05/2026

Чингэлтэй Нэгдсэн эмнэлгийн Хавдрын эмч Б.Даш өчигдөр буюу 2026 оны 05 сарын 20-ны өдөр ЧД-ийн 18-р хорооны хавдрын хяналтад байгаа 32 хүнд үзлэг хийж, эрсдэлийг үнэлж, эмчилгээ зөвлөгөө өгсөн байна.
Өнөөдөр буюу 05 сарын 21-нд Зүрх Уул зусланд байрлалтай ЧД-ийн 17-р хорооны “Мөнх-Үйлстэн” ӨЭМТ-д тус хорооны хавдрын хяналтад байдаг иргэдэд үзлэг, зөвлөгөө өгч ажиллаж байна.
Хавдар өвчнөөр оношлогдсон үйлчлүүлэгч болон тэдний асран хамгаалагч нарт хавдрын хяналтын үзлэг, зөвлөгөө мэдээллийг хүн амд хамгийн ойр эрүүл мэндийн байгууллага болох ӨЭМТ-үүдийг түшиглэн зохион байгуулж байгаа юм.

21/05/2026

Чингэлтэй Нэгдсэн эмнэлгийн Эрт илрүүлэг, оношилгооны төвийн /ЧД-ийн 14-р хороо, 5 буудлын хажууд 14-р хорооны байрны баруун талд байрлалтай/ Дурангийн эмч, Клиникийн профессор, Тэргүүлэх зэрэгтэй Д.Эрдэнэбаатар зөвлөж байна.