“Асралт мед” эмнэлэг нь Баянгол дүүргийн 4-р хорооны нутаг дэвсгэрт Алтай хотхоны баруун талд байрладаг. 24 цагийн харуул хамгаалалттай мөн гаднаа 50 машины зогсоолтой.
Үйлчлүүлэгчийн тав дух, эрүүл ахуйн шаардлагад бүрэн нийцсэн өрөөнүүд, төвийн дулаан болон усан хангамж, галын автомат дохиолол, агааржуулалт, хяналтын камер, сувилагчийн дуудлагын систем зэрэг дэд бүтцийг бүрэн шийдсэн цахим эмнэлгийн системтэй.
“On Time” эмнэлгийн программыг үйл ажиллагаандаа ашиглах ба олон улсын стандартад нийцсэн орчин үеийн дэвшилтэт технологи, оношилгоо, эмчилгээний өндөр хүчин чадал бүхий тоног төхөөрөмжөөр бүрэн тоноглогдсон, нарийн мэргэжлийн мэргэшсэн эмч нарын баг бүрдүүлсэн.
Манай эмнэлэг нь үндсэн 3 чиглэлээр үйл ажиллагаа явуулна. Үүнд:
1. Чих хамар хоолойн /ЧХХ/ эмгэгийн оношилгоо эмчилгээгээрээ гуравдугаар шатлалын төрөлжсөн нарийн мэргэжлийн тусламж үйлчилгээ үзүүлэхээр бэлтгэгдсэн эмнэлэг юм.
2. Хоол боловсруулах эрхтэн судлал /ХБЭС/-ын эмгэгийн дурангийн оношилгоо эмчилгээний төвтэй. Энэ төв нь дэлхийн жишигт хүрсэн дурангийн ариутгал халдваргүйтгэлийг Монголд анх нэвтрүүлж байгаагаараа онцлог давуу талтай бөгөөд бусад эмнэлэгт хийгддэггүй оношилгоо эмчилгээг олон улсын стандартын дагуу хийнэ.
3. Гадаад улсад оношлуулах, эмчлүүлэх иргэдийн гарах урсгалыг багасгаж эх орондоо эмчлүүлэх боломж нөхцөлийг бүрдүүлнэ.
Энэ зорилгоор, өндөр хөгжилтэй орны чадварлаг эмч мэргэжилтнүүдтэй телемедицинээр холбогдон эмчилгээ оношилогооны талаар зөвлөлдөж хамтран ажиллана.
Телемедицини оношилгоо эмчилгээний төвтэй. Орчин үеийн мэдээлэл технологийн дэвшлийг ашиглан дэлхийн аль ч улс орны ур чадвартай мэргэшсэн доктор, профессоруудтай холбогдон эмнэлгийн яаралтай тусламж болон нарийн мэргэжлийн оношилгоо, эмчилгээний зөвлөгөө авахаар холбогдоно.
Дүрс оношилгооны тасаг нь сүүлийн үеийн тоног төхөөрөмж болох Philips брэндийн 64 зүслэгтэй компьютер томограф аппарат, дижитал суурин болон зөөврийн рентгентэй. Мөн Samsung брэндийн хэвлийн эхо, зүрхний эхо, эмэгтэйчүүдийн болон ургийн 4D эхоны аппараттай.
Клиник лабораторийн тасаг нь олон улсын стандартыг хангасан “SYSMEX” үйлдвэрийн бүрэн автомат тоног төхөөрөмжөөр дэлхийн стандартад зөвшөөрөгдсөн үзүүлэлтээр бүх төрлийн шинжилгээг чанарын өндөр түвшинд хийнэ. Манай лаборатор нь клиник биохими, гематологи, иммунологи, бактериологи гэсэн чиглэлээр үйл ажиллагаа явуулна.
Ариутгал халдваргүйтгэлийн хэсэг нь олон улсын стандартыг хангасан плазмаа ариутгалын төхөөрөмж суурилуулсан.
Эмнэлгийн хоолны тасаг нь мэргэжлийн хоол зүйчтэй хамтран сүүлийн үеийн тоног төхөөрөмжөөр хангагдсан гал тогоотой. 100 хүний багтаамж бүхий хооллох хэсэгтэй.
“Асралт мед” эмнэлэг нь амбулатори болон 100 ортой хэвтэн эмчлүүлэх тасагтай.
Хэвтэн эмчлүүлэх хэсэгт:
1. Мэс заслын тасаг
2. Дотрын тасаг
3. Чих, хамар, хоолойн мэс заслын тасаг.
Хэвтэн эмчлүүлэх тасгийн өрөө тус бүр нь 00 өрөө душтэй, өндөр хурдны интернетэд холбогдсон. Мөн олон улсын стандартад нийцсэн бүрэн тоноглогдсон хагалгааны 2 вакуум өрөөтэй. Мэс заслын дараах сэрээх өрөө, яаралтай тусламжийн хэсэгтэй.
Амбулаторын хэсэгт:
I.Дотрын кабинетууд
1. Зүрх,судас судлал, зүрхний цахилгаан бичлэг, зүрхний эхо
2. Хоол боловсруулах, эрхтний эмгэг судлал
3. Уушгины эмгэг судлал
4. Мэдрэлийн эмгэг судлал
5. Хүүхдийн эмчийн үзлэг оношилгоо
6. Хэвлийн эхо
7. Хоол боловсруулах замын дуран
II.Мэс заслын кабинетууд
1. Ерөнхий мэс засал
2. Чих хамар хоолой, толгой хүзүүний мэс засал
3. Эмэгтэйчүүдийн мэс засал
4. Мэдрэлийн мэс засал /тархи,нуруу нугасны мэс засал/
5. Гэмтлийн бүх төрлийн мэс засал /хугарал,мултарал,/
6. Бөөр шээсний замын мэс засал
7. Бүдүүн шулуун гэдэсний мэс засал
8. Эрүү нүүрний мэс засал
9. Мэдээгүйжүүлэг, эрчимт эмчилгээ
