19/04/2023
Далд ухамсрын хүч:
1. Далд ухамсар цэцэрлэгтэй адил юм. Тэнд эерэг, сөрөг юу ч тарьсан ургана. Тиймээс өөрийн далд ухамсарт оруулах бодол санаа, итгэл үнэмшилд болгоомжтой ханд.
2. Далд ухамсар таны биеийн үйл ажиллагааг удирддаг. Энэ нь таны зүрхний цохилт, хоол боловсруулах систем болон цаанаасаа өөрийн мэдэлгүй хийдэг бусад үйл ажиллагааг зохицуулдаг. Өөрийн далд ухамсрыг удирдаж сурснаар биеийнхээ ерөнхий эрүүл мэнд, сайн сайхан байдлаа сайжруулж чадна.
3. Далд ухамсарт таны сэтгэл хөдлөл нөлөөлдөг. Айдас, уур хилэн гэх мэт хүчтэй сэтгэл хөдлөлүүд мэдрэгдэх үед далд ухамсар зохих байдлаар хариу үйлдэл үзүүлдэг. Тиймээс сэтгэл хөдлөлөө удирдаж сурах нь чухал бөгөөд эерэг сэтгэл хөдлөлөө сонгоорой.
4. Далд ухамсар сөрөг командыг ойлгохгүй. Хэрэв та "Би сэтгэл түгшмээргүй байна" гэж хэлбэл далд ухамсар "сэтгэл түгших" гэж сонсоод түүн дээр төвлөрдөг. Үүний оронд "Би амгалан, тайван байна" гэх мэт эерэг батламжийг ашиглах хэрэгтэй.
5. Далд ухамсар давтан хийхэд хариу үйлдэл үзүүлдэг. Хэрэв та эерэг батламж үг юмуу төсөөллийг байнга давтан хийвэл далд ухамсар үүнийг эцэстээ үнэн гэдгээр хүлээн авч, амьдралд тань бодитоор илрэл болгож эхэлнэ.
6. Далд ухамсар таны ухамсарт оюун ухаанаас ч хүчтэй. Таны ухамсарт оюун ухаан логик болон учир шалтгаанаар хязгаарлагддаг бол таны далд ухамсар хязгааргүй нөөц боломжуудтай. Өөрийн далд ухамсарт нэвтэрснээр та өөрийн ил ухамсарт боломжгүй мэт санагдах зүйлст хүрч чадна.
7. Далд ухамсар орчлон ертөнцийн оюун ухаантай холбоотой. Доктор Мерфигийнхээр далд ухамсар нь хязгааргүй билэг ухаан, мэдлэгт нэвтрэх боломжтой илүү том сансрын оюун ухааны хэсэг гэдэг. Энэхүү ертөнцийн оюун ухаанд нэвтрэн орсноор та маш их амжилт, биелэлтэд хүрч чадна.
8. Далд ухамсрыг амжилтын төлөө хөтөлбөрчлөх боломжтой. Зорилго, хүсэл мөрөөдлөө төсөөлж, баталгаажуулснаар далд ухамсраа тэдэнд хүрэхэд туслах хүмүүс, нөхцөл байдал, боломжуудыг татахын тулд та дахин хөтөлбөрчилж чадна.
9. Далд ухамсар таны биеийг эдгээж чадна. Далд ухамсрын хүчээ ашиглан биеийн өвчин эмгэгээ анагааж, эрүүл, энх тунх байдлаа бүхэлд нь сайжруулах боломжтой.
10. Далд ухамсар үргэлж ажилладаг. Та үүнийг мэддэг, үгүй ч бай, таны далд ухамсар үргэлж хөшигний ард ажиллаж, таны бодол санаа, мэдрэмж, үйлдэлд нөлөө үзүүлж байдаг. Тиймээс далд ухамсартаа оруулах бодол санаа, итгэл үнэмшилд няхуур хандаж, зорилго, хүсэлдээ хүрэхийн тулд эерэг батламж, зураг төсөөллийг ашиглах нь зүйтэй.
11. Далд ухамсар бол дурсамжуудын агуулах юм. Таны далд ухамсар эерэг, сөрөг бүх дурсамжуудыг хадгалдаг. Эерэг дурсамжууддаа анхаарлаа төвлөрүүлж, сөрөг дурсамжуудаа орхисноор далд ухамсраа та амжилт, аз жаргалын төлөө хөтөлбөрчилж болно.
12. Далд ухамсарт өөртэйгөө хийх яриа нөлөөлдөг. Өөртэйгөө ярилцдаг арга барил /хэв маяг далд ухамсарт хүчтэй нөлөө үзүүлдэг. Амжилт, аз жаргалын төлөө батламж үг хэлэх юмуу өөртэйгээ яриа өрнүүлснээр далд ухамсраа дахин хөтөлбөрчлөх боломжтой.
13. Далд ухамсар айдсаа даван туулахад тань тусалдаг. Айдас нь ихэвчлэн далд ухамсар дахь сөрөг хөтөлбөрчлөлөөс эхтэй байдаг. Айдсаа даван туулж, зорилгодоо хүрэхийн тулд эерэг батламж, төсөөллийг ашиглан далд ухамсраа хөтөлбөрчлөх боломжтой.
14. Далд ухамсар хүслээ бодит илрэл болгоход тусална. Хүслээ төсөөлж, эерэг үр дүнд анхаарал төвлөрүүлснээр зорилгодоо хүрэхэд тань туслах хүмүүс, нөхцөл байдал, боломжуудыг татахад далд ухамсраа хөтөлбөрчилж болно.
15. Далд ухамсарт хүрээлэн буй орчин нөлөөлнө. Таны далд ухамсар таны эргэн тойрны хүмүүс, газар орон, эд юмсын нөлөөнд автдаг. Өөрийгөө эерэг хүмүүс, орчиноор хүрээлүүлснээр амжилт, аз жаргалын төлөө түүнийг хөтөлбөрчлөх боломжтой.
16. Далд ухамсар санхүүгийн амжилтанд хүрэхэд тусална. Элбэг дэлбэг, хангалуун байдалд анхаарал төвлөрүүлснээр санхүүгийн амжилт, эд баялагийг татахад далд ухамсраа та дахин хөтөлбөрчилж чадна.
17. Далд ухамсар муу зуршлаас ангижрахад тусалдаг. Муу зуршлууд нь ихэвчлэн далд ухамсарт суусан сөрөг хөтөлбөрүүдээс улбаатай байдаг. Муу зуршлуудыг даван туулж, шинэ эрүүл зуршлуудийг бий болгохын тулд эерэг батламж үгс, төсөөллийг ашиглан далд ухамсраа дахин хөтөлбөрчилөөрэй.
18. Далд ухамсарт таны итгэл үнэмшил нөлөөлдөг. Таны итгэл үнэмшил таны бодит байдлыг бүрдүүлж, далд ухамсарт ихээхэн нөлөө үзүүлдэг. Итгэл үнэмшлээ шалгаж, сөрөг итгэл үнэмшлээ сорьсноор далд ухамсраа амжилт, аз жаргалын төлөө хөтөлбөрчлөх боломжтой.
19. Далд ухамсар нь харилцаагаа сайжруулахад тусална. Эерэг харилцаанд анхаарлаа хандуулж, бусдын төлөө хайр, талархлаа бататгаснаар эрүүл бөгөөд сэтгэл хангалуун харилцааг татаж, хадгалахад далд ухамсраа хөтөлбөрчилж болно.
20. Далд ухамсар үргэлж сонсож байдаг. Далд ухамсар таны бодол санаа, итгэл үнэмшлийг эерэг сөрөг байсан ч ялгаагүй үргэлж сонсож байдаг. Далд ухамсартаа оруулах бодол санаа болон итгэл үнэмшилд анхааралтай хандаж, түүнийг амжилт, аз жаргалынхаа төлөө дахин/шинээр хөтөлбөрчлөх боломжтой.
21. Далд ухамсар таныг бүтээлч/уран сэтгэмжийн байдалд ороход тусалдаг. Бүтээлч байдалд орж, шинэ санаа, шийдэлтэй гарч ирэхийн тулд түүнийг дахин хөтөлбөрчлөх боломжтой.
22. Далд ухамсар өөрийн гэсэн дүр төрхөө сайжруулахад тусалдаг. Таны төрх байдал далд ухамсарт их нөлөөтэй. Эерэг үгс болон төсөөлийг ашиглан өөрийгөө эерэг гэрэлтэйгээр харах, өөртөө итгэлтэй байдал, өөрийн үнэлэмжээ дээшлүүлэхэд далд ухамсраа хөтөлбөрчлөөрэй.
23. Далд ухамсар таныг сүнслэг хөгжилд хүрэхэд тусалж чадна. Далд ухамсартаа нэвтэрч, дотоод билэг ухаантай холбоо тогтоосноор та сүнслэг хөгжилд болон амьдралынхаа зорилгын гүн ойлголтод хүрэх боломжтой.
Орчуулсан Д.Энхжаргал
 группд нэгдээрэй. Бидний...](https://img4.findhealthclinics.com/724/006/390789657240069.jpg)
