Аминтус ӨЭМТ

07/01/2026

07/01/2026

Умайн хүзүүний эсийн шинжилгээ (Пап тест / Pap smear) нь эмэгтэйчүүдийн умайн хүзүүний хавдрыг эрт үед илрүүлэх зорилготой чухал шинжилгээ юм. Энэ нь маш энгийн, хурдан бөгөөд эмэгтэйчүүдийн амийг аврах өндөр үр дүнтэй скрининг арга юм.
🧫👩‍⚕️Умайн хүзүүний эсийн шинжилгээ гэж юу вэ?
📌 Тодорхойлолт:
Умайн хүзүүний эсийн шинжилгээ буюу Пап тест нь умайн хүзүүний гадаргуу дээрх эсүүдийг авч, хавдрын урьдал өөрчлөлт, эсвэл хавдрын эс байгаа эсэхийг тодорхойлдог шинжилгээ юм.
🔬 Ямар зорилготой вэ?
Хүний хөхөнцөр вирус (HPV)-ын халдвараас үүдэлтэй умайн хүзүүний хорт хавдрыг эрт илрүүлэх
Эсийн өвөрмөц өөрчлөлт (дисплази), урьдчилсан шатны эсүүдийг илрүүлэх
Хавдар үүсэхээс өмнө урьдчилан сэргийлэх
🧬 Хэрхэн хийдэг вэ?
1. Эмэгтэй хүн эмэгтэйчүүдийн үзлэгт орно.
2. Эмч умайн хүзүүнээс жижиг сойзоор эсийн дээж авна.
3. Тухайн эсийг лабораторид микроскопоор шинжилж, өөрчлөлт байгаа эсэхийг тогтооно.
📍 Шинжилгээний хугацаа: 5–10 минут
📍 Шинжилгээнд өвдөлтгүй, амархан
👩 Хэзээ, хэн өгөх вэ?
27–65 насны бүх эмэгтэйчүүд жирэмсний хяналтанд орохдоо заавал хамрагдаж байх. Өөрөө өгөхыг хүссэн, зовиур илэрсэн шаардлагатай тохиолдолд нас харгалзахгүйгээр өгч байх хэрэгтэй
Ялангуяа:
Бэлгийн амьдралтай болсон бол
HPV вирусийн халдвартай бол
Удамд умайн хүзүүний хавдрын түүхтэй бол
🕐 Цаг алдалгүй яг одоо өгөөрэй
⚠️ Шинжилгээнд бэлдэх зөвлөмж:
Сарын тэмдэгтэй үед шинжилгээ өгөхгүй
Шинжилгээний өмнөх 24–48 цагт:
Бэлгийн харьцаанд орохгүй
Эмийн лаа хийхгүй
🧪 Шинжилгээний үр дүн:
Үр дүн Утга
Хэвийн Эсийн өөрчлөлтгүй
ASC-US Тодорхойгүй өөрчлөлттэй эсүүд
LSIL / HSIL Эсийн хөнгөн / хүнд өөрчлөлт – хавдрын урьдал байж болзошгүй
Carcinoma Хорт хавдрын эс олдсон (ховор)
> Хэрвээ сэжигтэй үр дүн гарвал, дэлгэрэнгүй шинжилгээ (HPV test, colposcopy, biopsy) хийх шаардлагатай болдог.
💡 Яагаад заавал өгөх ёстой вэ?
Умайн хүзүүний хавдар нь урьдчилан сэргийлэх бүрэн боломжтой хорт хавдар юм.
Эрт үе шатанд ямар ч шинж тэмдэг илэрдэггүй, зөвхөн энэ шинжилгээгээр илэрдэг.
Монгол эмэгтэйчүүдийн дунд энэ хавдар эхний 3 хавдрын нэг байдаг!
🎗️ "Шинжилгээнд хамрагдсанаар өөрийгөө хамгаалж чадна."
🎀 Умайн хүзүүний хавдар бол оношлогдож, сэргийлж, бүрэн эмчлэгддэг хорт хавдар юм.

02/12/2025

🔎Томуу, томуу төст өвчний ялгаа
❗️❗️❗️Дараах шинж тэмдэг та болон таны гэр бүлд илэрвэл яаралтай эмнэлэгт 🏘️ хандаарай.

02/12/2025

Томуу, томуу төст өвчний дэгдэлт их байгаатай холдбоотой олон нийтийн газраар явахгүй байх, Өөрийгөө болон хайртай хүмүүсээ хамгаалж МАСКАА зүүе😷😷😷

28/11/2025

‼️МЭДЭГДЭЛ‼
👶👧🧒БАГА НАСНЫ ХҮҮХДИЙН АМЬСГАЛЫН ЗАМЫН ӨВЧЛӨЛ, ТОМУУ, ТОМУУ ТӨСТ ӨВЧНИЙ ДЭГДЭЛТ УЛСЫН ХЭМЖЭЭНД ИХЭССЭНТЭЙ ХОЛБООТОЙГООР 2025 ОНЫ 11 ДҮГЭЭР САРЫН 27-НИЙ ӨДРӨӨС ЭХЛЭН ӨРХИЙН ЭРҮҮЛ МЭНДИЙН ТӨВҮҮД УРТАСГАСАН ЦАГААР АЖИЛЛАН ҮЗЛЭГ ХИЙЖ БАЙНА.
⏰⏱️ЦАГИЙН ХУВААРЬ:
✅АЖЛЫН ӨДРҮҮДЭЭР 17:00-20:00 ЦАГ ХҮРТЭЛ
✅АМРАЛТЫН ӨДРҮҮДЭЭР 11:00-17:00 ЦАГИЙН ХООРОНД
✅НИЙТЭЭР АМРАХ БАЯРЫН ӨДӨР 11:00-16:00 ЦАГИЙН ХООРОНД АЖИЛЛАНА.
ИРГЭН ТА ӨӨРИЙГӨӨ ХАМГААЛЖ АМНЫ ХААЛТЫГ ТОГТМОЛ ЗҮҮЖ ХЭВШИНЭ ҮҮ!
ХАЯГ: худ 10 хороо 65 дугаар байрны баруун талд
“Амин тус” ӨЭМТ
☎☎☎ 88252658, 94595005

18/11/2025

Анхаараарай‼️

17/11/2025

Сэтгэлээ чагна
Сэтгэл өвдвөл 1800-2000 дугаарлуу залгаарай.

05/11/2025

Ханиад, томуу гэж юу вэ?
📌 Ханиад, томуу нь амьсгалын замын халдварт өвчин юм. Томуу нь хамар, хоолой, заримдаа уушгийг халдварладаг томуугийн вирусийн улмаас үүсдэг. Энэ нь чихний үрэвсэл, уушгины үрэвсэл гэх мэт хүндрэлд хүргэж болзошгүй юм. Мөн астма, чихрийн шижин, хорт хавдар болон бусад архаг өвчнийг улам хүндрүүлж болзошгүй. 😷👩‍⚕️
☝️ Ханиад уу? Томуу юу?
📌 Ханиад, томууны шинж тэмдэг хоорондоо төстэй боловч, ялган оношлох нь эмчилгээний чухал ач холбогдолтой. Ханиад нь томуутай харьцуулахад амьсгалын замын хөнгөн өвчин юм. Ханиадны шинж тэмдэг хөнгөн явцтайгаар цөөн хоног үргэлжилдэг бол томуугийн шинж тэмдэг хүнд явцтайгаас гадна удаан хугацаагаар үргэлжилнэ. Томуугийн хүндрэл богино хугацаанд уушгины хатгаа болон хүндэрч, эмнэлэгт хэвтэн эмчлүүлэх шаардлага тулгарах эрсдэлтэй байдаг. 😷👩‍⚕️

03/11/2025

Мэдээлэл‼️

👶👧👦6 сараас 5 нас хүртэлх хүүхэд жилд 2 удаа 6 сарын зайтай витамин А амин дэмийг урьдчилан сэргийлэх тунгаар уудаг.
👩‍⚕️🧑‍⚕️Таний хүүхэд А амин дэмээ уугаад 6 сар болон түүнээс дээш болсон эсвэл уугаагүй бол өрхийн эрүүл мэндийн төвдөө ирж А Витаминаа уугаарай👀🧠

ХУД 10 хороо "Амин тус" Өрхийн эрүүл мэндийн төв

25/08/2025

Үерийн усны дараах халдваргүйжүүлэлтийн зөвлөмж

13/08/2025

05/08/2025

🤰🤱ЭХИЙН СҮҮГЭЭР ХООЛЛОЛТЫГ ДЭМЖИХ ДЭЛХИЙН ДОЛОО ХОНОГ

“Хүүхдийг эхийн сүүгээр хооллолтыг дэмжих дэлхийн долоо хоног” наймдугаар сарын 1-7-ны өдрүүдэд тохиодог билээ.

🍼Эхийн сүү нь найрлагадаа хүүхдийн биед амин чухал хэрэгцээтэй, амархан шингэдэг уураг, өөх тос, дархлааны фактор, даавар болон ферментүүдийг агуулсан байдаг бөгөөд хүүхдийг харшил, зарим халдварт өвчнөөс урьдчилан сэргийлдэг юугаар ч орлуулшгүй төгс хүнс гэдэг нь шинжлэх ухаанаар хэдийн нотлогдсон байдаг.

🤱Хүүхдийг төрснөөс нь хойш 6 сарын турш эхийн сүүгээр дагнан хооллосноор уушгины хатгаагаар өвчлөх эрсдэлийг 23 хувиар, суулгалтаас шалтгаалах эндэгдлийг 10.5 хувиар, хатгаанаас шалтгаалах эндэгдлийг 15.1 хувиар тус тус бууруулж чаддаг байна.

🤱Эхийн сүүгээр хооллох нь хүүхдийн оюун ухааны хөгжлийг дэмжиж, IQ чансааг 3-4 оноогоор дээшлүүлдэг тул суралцах чадвар, хожмын ажил, амьдрал, амжилтад нь чухал нөлөөтэй гэж үздэг .

🤱Хүүхдээ хөхүүлснээр ээжүүдийн эрүүл мэндэд ч тустай. Тодруулж хэлбэл эмэгтэйчүүдийн дунд чихрийн шижин, хөхний хорт хавдар, өндгөвчний хорт хавдрын өвчлөлийг бууруулахын зэрэгцээ жирэмслэлт хоорондын зайг уртасгана.
Хүүхдийг эхийн сүүгээр хооллох нөхцөл боломжийг бүрдүүлэхийн төлөө төр, хувийн хэвшил, гэр бүл, олон нийт хамтын хүчин чармайлт гарган ажиллаж, ирээдүйн тогтвортой хөгжлийг бүрдүүлэх эрүүл саруул хойч үеийнхээ төлөө хамтран ажиллахыг уриалж байна.