08/05/2025
Монголын сэтгэл зүйчдийн нийгэмлэг Туркийн хамтын ажиллагаа, зохицуулах агентлаг (ТИКА)-ийн дэмжлэгтэйгээр Отгонтэнгэр их сургуулийн Сэтгэл судлал, нийгмийн ажлын тэнхимийг түшиглэн олон нийтэд сэтгэл зүйн ганцаарчилсан болон бүлгийн зөвлөгөө өгөх, сэтгэл зүйн сургалт зохион байгуулах, сэтгэл судлалаар суралцаж буй оюутнууд дадлага хийх, бусад их дээд сургуулиудад жишиг болгох зорилгоор "Сэтгэл зүйн ганцаарчилсан болон бүлгийн зөвлөгөө"-ний өрөө тохижуулсан бөгөөд олон нийтийн сэтгэл зүйн эрүүл мэндийг дэмжих хэд хэдэн үйл ажиллагаануудыг төлөвлөн зохион байгуулж байна.
🧒👦 Энэхүү ажлын хүрээнд “СУРАГЧ БОЛОХ БЭЛТГЭЛ” сэдвээр 6 настануудад зориулсан бүлгийн тренингийг 5-р сарын 10-ны өдөр зохион байгуулах гэж байна.
🏫 Сургуульд орох нь 6 настнуудад амьдралын шинэ үе шат эхлэж буй том өөрчлөлт байдаг. Энэ үед хүүхэд шинэ орчин, багш, найз нөхөд, дүрэм журам гээд олон зүйлстэй нүүр тулгардаг учраас сэтгэл зүйн хувьд бэлтгэлгүй байх нь айдас, түгшүүр, дасан зохицох бэрхшээл зэргийг үүсгэж болзошгүй. Харин сэтгэл зүйн бэлтгэл нь хүүхдэд өөртөө итгэх итгэл, урам зориг, сургуульд хандах эерэг хандлагыг төлөвшүүлдэг. Ингэснээр хүүхэд шинэ орчинд тайван, идэвхтэйгээр суралцаж чадах юм. Энэхүү бүлгийн тренингэд хамрагдсанаар сургуулийн талаарх эерэг, бодитой төсөөлөл, сургуульд суралцах болон дүрэм биелүүлэх зэрэг ойлголтыг “Түүх өгүүлэх” аргачлалаар дамжуулан ойлгож, суралцах юм.
📆 ХЭЗЭЭ: 2025.05.10-ны өдөр (Бямба гариг)
⏰ ЦАГ: 14:30-16:00 цагийн хооронд
📍ХААНА: Отгонтэнгэр их сургуулийн B байрны 501 тоот
👥СУУДЛЫН ХЯЗГААР: 15 хүүхэд
🔗 Бүртгэлийн холбоос: https://forms.gle/KRj6rT6BU8hCCJsv6
