08/08/2025
Солонгост өдөр тутмын унааны зардлаа хэмнэх хэмнэх вэ?
✨Унааны зардлаа хэмнэх шилдэг зөвлөгөө! ✨
Гадаад иргэдэд зориулсан тээврийн карт харьцуулсан гарын авлага!
👋Сайн уу, Солонгос нийтлэгч Юни байна! Солонгост метро, автобус гээд нэг мэдэхэд унааны зардал нэлээн их гардаг шүү дээ?
Ялангуяа Солонгост бол суурь тарифаас гадна зайнаас хамаараад үнэ нэмэгддэг болохоор хол газар явбал бүр илүү их мөнгө гарч байгаа мэт санагддаг.
Гэхдээ! Тээврийн хэрэгсэл ашиглах тусам хөнгөлөлт авч, замын зардлаа хэмнэх боломжтой тусгай карт байдаг гэдгийг мэдэж байсан уу?
Гадаад иргэд ч ашиглаж болох тээврийн картуудыг одоо хамтдаа мэдэж авцгаая!
1️⃣ K-Pass: Улс даяар ашиглах боломжтой нийтийн тээврийн буцаан олголтын систем
Энэ систем нь Сөүл хотыг хамарсан маш олон бүс нутагт ашигласан тээврийн зардлын тодорхой хувийг хуримтлалын мөнгө болгон буцааж өгдөг бөгөөд буцааж авсан мөнгөө дараа сарын тээврийн зардалд ашиглах боломжтой.
Гадаад иргэдийн хувьд тээврийн зардлаас хамгийн ихдээ 20% хүртэлхийг буцааж авах боломжтой.
Жишээ нь, нэг сард замын зардалд 100,000 вон зарцуулсан бол хамгийн ихдээ 20,000 воныг буцааж авах боломжтой гэсэн үг!
Метро, автобус, дүүргийн автобус (마을버스), хот хоорондын галт тэрэг (광역철도) зэрэг ихэнх тээврийн хэрэгсэлд ашиглах боломжтой бөгөөд Сөүл, Инчеон, Сувон, Пусан, Тэжон гэх мэт улсын томоохон хотууд даяар ашиглаж болно.
Жишээлбэл энэ картыг хэрэглэж байгаа манай нийтлэгч Манду-гийн хувьд Сөүлд ч гэлтгүй бараг бүх хотод ашиглах боломжтой учраас энэ картыг ашиглаж байгаа гэж ярьж байсан.
Мөн хэзээ, хэр их нийтийн тээврээр зорчихоо яг мэдэхгүй байгаа тохиолдолд сарын эрхтэй 65,000 вон төлөхөөс илүүтэйгээр нийтийн тээврийн хэрэгслээр зорчсонхэмжээгээрээ буцааж авдаг энэ карт нь илүү ашигтай юм шиг санагдсан гэсэн. Бас нэг хараад авахад зүгээр шүү!
K-Pass-ийн вэбсайт K-Pass 사이트 эсвэл холбогдсон картын компанийн албан ёсны вэбсайтаар дамжуулж хүсэлт гаргах боломжтой бөгөөд гадаадын иргэний бүртгэлийн дугаар байвал хэн ч хүсэлт гаргаж болно!
Гэхдээ оршин суух хугацаа 90 хоногоос доош жуулчид ихэвчлэн гадаадын иргэний бүртгэлийн үнэмлэх авдаггүй болохоор ихэнхдээ өргөдөл гаргах эрхгүй байдаг.
Тиймээс Солонгост 3 сараас дээш хугацаагаар амьдрах, Сөүлээс гадна өөр хотуудаар ч зорчих төлөвлөгөөтэй, дамжин суух эсвэл ажил, хичээл зэргээс болж урт зайнд их зорчих хүмүүс бол K-Pass-г ашиглахыг санал болгож байна!
2️⃣ Хязгааргүй зорчих эрхийн карт (기후동행카드): Сөүлд зориулсан сарын эрхтэй үнэгүй зорчих карт
Хязгааргүй зорчих эрхийн карт гэдэг нь сарын эрхтэй тээврийн үнэгүй зорчих карт юм. Нэг удаа цэнэглээд тодорхой хугацаанд метро, автобусыг хязгааргүй ашиглах боломжтой.
Анхандаа зөвхөн Сөүл хотод л ашиглана гэсэн сул талтай байсан чсүүлийн үед Кёнги мужийн Соннам хотын зарим бүсэд ч ашиглах боломжтой болсон.
1. 1 өдрийн эрх: 5,000 вон төлөөд Сөүл хотын метро, автобусыг бүтэн өдрийн турш хязгааргүй ашиглаж болно.
2. 7 хоногийн эрх: 20,000 вон төлөөд нэг долоо хоногийн турш хязгааргүй зорчих боломжтой.
3. 30 хоногийн сарын эрх: 65,000 вон төлөөд бүтэн сарын турш хязгааргүй зорчих боломжтой. Нэг сарын дотор 42 удаа автобус эсвэл метро ашиглавал төлсөн мөнгөө нөхөж, түүнээс олон удаа нийтийн тээврээр зорчвол илүү их хэмнэлттэй байдаг!
1 өдрийн болон 7 хоногийн эрх нь Метроны тасалбарын автомат машин эсвэл ТиМони апп дээрээс шууд худалдаж авах боломжтой.
Энэ нь гадаадын иргэний бүртгэлийн дугааргүй байсан ч ашиглах боломжтой тул богино хугацааны жуулчдад яг тохиромжтой байдаг.
Нөгөө талдаа 30 хоногийн эрхийн хувьд сарын эрхийн карт бүртгүүлэх шаардлагатай ба Сөүл хотод оршин суудаг гадаадын иргэний үнэмлэхтэй хүн л хүсэлт гаргаж болно.
Сарын эрхтэй картыг ‘Хязгааргүй зорчих эрхийн карт’ апп эсвэл ТиМони (Tmoney) апп-аар дамжуулан онлайнаар бүртгүүлэх боломжтой. Хэрэв Сөүл болон Кёнги мужийн Соннам хотод богино хугацаагаар аялж байгаа бол 1 өдрийн эрх эсвэл 7 хоногийн эрхийг санал болгож байна.
Харин Сөүл болон Соннам хотод амьдарч, өдөр бүр нийтийн тээврээр зорчдог хүн бол 30 хоногийн эрхтэй үнэгүй зорчих картыг ашиглавал илүү хэмнэлттэй байх болно.
Би ч бас 1 жил өнгрүү хугацаанд Хязгааргүй зорчих эрхийн картыг ашиглаж байгаа бөгөөд сард дунджаар 30,000 воноос илүүг хэмнэж чадаж байгаа!
Ялангуяа миний хувьд ажилдаа явах, тарахад дамжин суух тохиолдол ч их,дээрээс нь зуны халуун, өвлийн хүйтэнд 1~2 буудал алхах хэцүү байдаг байсан.
Харин энэ картын ачаар богино зайд ч санаа зоволгүйгээр нийтийн тээврээр зорчих боломжтой болсондоо сэтгэл хангалуун байна!
3️⃣ Аль карт надад илүү тохирох вэ?
Би ер нь хэр зэрэг олон удаа, ийш тийшээ явдгаас шалтгаалаад сонголтоо хийхэд хангалттай. Доорх жишээг хараад өөрийн амьдралд хамгийн ойрхон сонголтыг сонгоорой.
• Хэрэв та Сөүл хот дотор өдөрт 2 удаа буюу түүнээс олон удаа зорчдог бол?
→ Сард 60 удаа зорчиход ойролцоогоор 87,000 вон зарцуулагдана. Тэгэхээр үнэгүй зорчих картын сарын эрхтэйг нь ашиглавал ойролцоогоор 22,000 вон хэмнэх боломжтой.
• Хэрэв та Сөүлд богино хугацаагаар оршин сууж байгаа эсвэл аялж байгаа бол?
→ Өдөрт дунджаар 4 удаа л унаанд суувал төлсөн мөнгөө нөхөж чадах үнэгүй хөнгөлөлттэй 1 өдрийн эрхтэй карт (5,000 вон) эсвэл 7 өдрийн эрхтэй карт (20,000 вон)-ийг санал болгож байна.
• Хэрэв та Сөүл болон бүс нутаг хооронд урт зайнд ажил сургуульдаа явдаг бол?
→ Сард 90,000 воноос дээш зарцуулбал хамгийн ихдээ 18,000 вон буцаан олголт авах боломжтой K-Pass-ийг санал болгож байна.
Дашрамд дурдахад, хоёр картыг зэрэг ашиглах боломжгүй тул аль нэгийг нь л сонгох шаардлагатай.
• Зорчих тоо их, зай богино бол сарын эрхтэй карт нь илүү ашигтай.
• Зорчих зай урт бол буцаан олголтын K-Pass илүү ашигтай.
Хэрэв та тээврийн зардлын талаар санаа зовж байсан бол өнөөдрийн мэдээлэл нэлээн тус болно гэж найдаж байна~
Хэрэв эдгээр картыг хэрхэн захиалах талаар дэлгэрэнгүй мэдэхийг хүсэж байна уу? 🤓
Тэгвэл лайк дарж үлдээгээрэй! 👍
~Апп-д бүртгүүлэх, мөн буцаан олголт авах зөвлөгөө зэргийг дэлгэрэнгүй хүргэх болно~
#солонгос #тээвэр #автобус #метро #карт
