МУБИС-Эрүүл мэндийн төв

13/02/2026

12/02/2026

👩‍🎓🧑‍🎓 Оюутан, залуус аа ЭМД-ын шимтгэлээ төлсөн эсэхээ шалгасан уу?
👉 https://emd.gov.mn/rd/search сайтаас өөрийн болон найзуудынхаа шимтгэл төлөлтийг шалгах.
👉 Мөн Edaatgal, E-Mongolia, Ebarimt гар утасны аппликэйш, вэбсайтаар өөрийн болон бусдын шимтгэл төлөлтийн дутуу саруудаа хялбархан шалгах боломжтой шүү.
#ШимтгэлШалгах #ЭМД #ОюутанДаатгуулагч

11/02/2026

"МУБИС-ийн эмч мэдээлж байна"

🟣ОЛОН УЛСЫН ЭПИЛЕПСИЙН ӨДӨР
Дэлхий даяар нийт 60 сая гаруй эпилепситэй хүн амьдарч байна.
Монгол улсад эпилепси оноштой 1933 насанд хүрсэн иргэн, 0-18 насны 1140 хүүхэд байна гэсэн судалгаа бий.

Эпилепси өвчин гэдэг нь хүний тархины эсүүдэд гэнэтийн хүчтэй эмгэг цахилгаан идэвхижил үүссэний улмаас ухаан алдалт, уналт таталтын үечилсэн хөдлөлөөр илрэх эмгэг юм. Эпилепси нь аль ч хүйс, насны хүмүүст тохиолдож болно. Эпилепси өвчний 40-50 хувьд тодорхой шалтгаан тогтоогдоогүй бөгөөд үлдсэн хувьд генетикийн бүтцийн, бодисын солилцооны, дархлааны, халдварын шалтгааны улмаас үүсдэг байна.

Зарим эпилепси хүүхэд насанд эхэлж, тодорхой нас өнгөрөхөд арилдаг, зарим нь нэг эмэнд үр дүнтэй уналт таталтгүй болдог бол зарим нь олон эмэнд тэсвэртэй хүнд хэлбэрийн эпилепси зэрэг янз бүрийн үр дүн, шинж тэмдэгтэй байдаг.

2026 онд Олон улсын эпилепсийн өдрийг “Жил бүр алхам алхмаар хамтдаа өөрчилье” уриан дор олон нийтэд мэдээ мэдээлэл өгөх, ойлголт, хандлагыг нэмэгдүүлэхэд чиглэн тэмдэглэж байна.

🏥Энэ жил эпилепсийн өдрөөр Хөгжлийн бэрхшээлтэй хүүхдийн сэргээн засах хөгжлийн төв тархины цахилгаан бичлэгийн кабинет нээлтээ хийлээ. Тус кабинет нээгдсэнээр уналт таталттай, хүүхдэд эпилепсийн оношилгоо, эмчилгээ, эрүүл мэндийн тусламж үйлчилгээг үзүүлэхэд ахиц гарч байгаа юм. Тус төвд эпилепсийн мэргэшсэн эмчийн үзлэг, тархины цахилгаан бичлэг, лабораторийн шинжилгээ, мэдрэл сэтгэцийн үнэлгээ, төрөлжсөн нарийн мэргэшлийн эмч нарын хамтарсан үзлэг, тусламж үйлчилгээг үзүүлэн ажиллаж байна.

09/02/2026

"МУБИС-ийн эмч мэдээлж байна"

Стресс нь дараах зовиуруудыг үүсгэж болдог:
- Толгой өвдөх
- Хүзүү, мөр өвдөх
- Нурууны өвдөлт
- Булчин чангарах
- Гэдэс хямрах
- Цээж хүнд оргих
- Хоолойд юм тээглэх
- Хоолны дуршил буурах
Та стрессдсэн үедээ түр завсарлага авч, амьсгалаа удаанаар авч, тайван гаргаж эргэцүүлэх нь стрессийг багасгахад тусална.

28/01/2026

"МУБИС-ийн эмч мэдээлж байна"

ТА ЯМАР ТЕМПЕРАМЕНТИЙН ХЭВ ШИНЖТЭЙ ВЭ? өөрийгөө сэдээд аваарай🤗

27/01/2026

"МУБИС-ийн эмч мэдээлж байна"

САРЫН ТЭМДЭГ ӨВДӨЛТТЭЙ ИРЭХ ҮЕД ЯАХ ВЭ?
Сарын тэмдэг буюу биений юм гэдэг нь бэлгийн дааврын нөлөөгөөр тодорхой хугацааны мөчлөгтэйгөөр умайн салст давхарга ховхрон үтрээгээр гадагшлах үзэгдлийг хэлнэ. Сарын тэмдгийн мөчлөг гэдэг нь үтрээгээр цус гарсан эхний өдрөөс дараагийн сарын тэмдэг ирэх эхний өдөр хүртэлх хугацааг хэлнэ. Хэвийн сарын тэмдэг 3-5-7 хоног үргэлжлэх ба мөчлөг нь 28 (-,+ 7 хоног), гарах цусны хэмжээ 1 удаа 10-80 мл орчим байдаг.
Дэлхийн улс орнуудын газар зүйн байрлал, цаг уурын онцлогоос хамаарч охидын сарын тэмдэг анх ирэх нас дунджаар 12.9-13.9 байна. Зарим тохиолдолд 10-11 насанд ирэх ба энэ нь хэвийн. Дэлхий дээр өсвөр насны охидын 90%-д сарын тэмдэг өвдөлттэй ирдэг гэсэн судалгаа байна. Сарын тэмдэг өвдөлттэй ирэх биений юмны хямралын нэг хэлбэр бөгөөд сар бүрийн биений юм ирэх үеэр хэвлийн доогуур өвдөлт илэрч сэтгэлзүй, амьдралын хэв маягт сөргөөр нөлөөлөх эмгэг юм.
Биений юм өвдөлттэй ирэх хам шинжийг анхдагч, хоёрдогч гэж ангилна.
1️⃣ Анхдагч гэдэг нь залуу охидод биений юм үзэгдэж эхлэх үеэс илэрдэг.
2️⃣ Хоёрдогч гэдэг нь бага аарцгийн эрхтний эмгэг өөрчлөлттэй холбоотой илэрдэг.
🧬 Шинж тэмдэг: Хэвлийн доод хэсгээр хүчтэй базалж өвдөх нуруугаар өвдөх, толгой өвдөх дотор муухайрах бөөлжих, суулгах
🧬 Өвдөлтийн шалтгаан: биений юм ирэх үед ялгарах простагландин даавар өндөр байх нь умайн гөлгөр булчинг хүчтэй агшаан, цусан хангамж муудсанаас өвдөлт үүсдэг.
Гэрийн нөхцөлд өвдөлт намдаах аргууд:
1. Өвчин намдаах эм уух
2. Иог, бясалгал, дасгал зэргийг тогтмол хийх
3. Хангалттай унтаж амрах
4. Бүлээн ус бага багаар уух, тэжээллэг хоол хүнс хэрэглэх
5. Хорт зуршлуудаас татгалзах (архи, тамхи)
6. Бүлээн жин тавих, бүлээн шүршүүрт орох
7. Хэвлийд иллэг хийх

Send a message to learn more

21/01/2026

"МУБИС-ийн эмч мэдээлж байна"

🦠БНХАУ-д риновирусийн халдвар дэгдэж, олон хүн өвчилж байгаа тухай мэдээлэл байна. Риновирус нь шинэ халдвар биш бөгөөд томуу төст, түгээмэл вирус юм. 🌏Дэлхий дахинд төдийгүй 🇲🇳манай улсын хүн амын дунд жил бүр өвчлөл үүсгэдэг.

🛡 Риновирус болон бусад амьсгалын замын халдварт өвчнөөс сэргийлэх хамгийн энгийн бөгөөд үр дүнтэй арга бол:

😷 Амны хаалт зүүх
🧼 Гараа савандаж угаах юм.

Өөрийгөө болон бусдыг хамгаалаарай😷😷😷

#халдвартөвчинсудлалынүндэснийтөв.

20/01/2026

✅Нэгдүгээр сар✅ : Умайн хүзүүний хорт хавдраас сэргийлэх мэдээллийн сар
☎️ Лавлах: 119

19/01/2026

"МУБИС-ийн эмч мэдээлж байна"

🎗️🎗️🎗️ДЭМБ, АНУ-ын Хорт Хавдрын Судалгааны Холбоо, Хорт Хавдрын Судалгааны Олон Улсын Агентлаг хамтран Умайн хүзүүний хорт хавдрын талаарх мэдлэг олгох сарыг нэгдүгээр сард тогтоосон. Энэ нь умайн хүзүүний хорт хавдраас урьдчилан сэргийлэх, эрт илрүүлэх талаар хүмүүст мэдлэг олгоход чиглэсэн дэлхийн эрүүл мэндийн санаачилга бөгөөд энэ нь голчлон Хүний папилломавирус (HPV)-тай холбоотой урьдчилан сэргийлэх боломжтой хорт хавдар тул голчлон HPV вакцинжуулалт болон тогтмол Пап/HPV шинжилгээнд хамрагдах замаар хийгддэг.

15/01/2026

"МУБИС-ийн эмч мэдээлж байна"

🌀Цаг агаар эрс хүйтэрч осголт хөлдөлт их байгаа тул хөлдөлтөөс урьдчилан сэргийлээрэй‼️
Хөлдөлтийн үе шат
1.Арьс цайж хатуурах боловч, гэссэний дараа судас өргөссөнөөс, улайж хавагнана.
2.Жижиг үений хөдөлгөөн хязгаарлагдаж, хөдөлгөхөд өвдөлттэй, арьс хатуурч цайран цэврүү үүснэ.
3.Хөлдсөн хэсэг хүйтэн, эрс хатуурсан байна. Том, том цэврүүнүүд үүснэ. Арьс үхэжнэ .Өөх булчин хүртэл гүнзгий шархлаа үүснэ.
4.Яс, үендээ хүртэл гүн хөлдөлт үүснэ.Гэссэний дараа арьс харлана, хатна, үхэжнэ.
Хөлдөлтийн үед үзүүлэх анхны тусламж
✅Аажим дотроос нь гэсгээх – хөлдсөн мөчийг дулаан хучиж, гялгар уут углаад 5–6 цагийн турш бүлээн жин тавих
✅Хөлдсөн мөчийг уламжлалт аргаар гэсгээх–хүйтэн усанд дүрээд аажим усны температурыг нэмж, иллэг хийх
✅Идэвхитэй аргаар бүлээн усанд гэсгээх–халуун устай ваннанд 30–45 минутын турш дүрнэ. Усны температур 38-40 орчим хэм байна.