What are the opening hours?

Monday 10:00 - 17:00 Tuesday 10:00 - 17:00 Wednesday 10:00 - 17:00 Thursday 10:00 - 17:00 Friday 10:00 - 17:00

https://www.facebook.com/113777301225558/

PPC Clinic / Пи Пи Си Сэтгэл заслын эмнэлэг, Bayanmongol Khoroolol, Ulaanbaatar (2026)

20/06/2023

📌Уй гашуу📌
Ойр дотны хайртай хүнээсээ хагацах юмуу үнэт зүйлсээ алдсан үед уйтгарлан гашуудах сэтгэл зүйн хариу урвалыг уй гашуу гэнэ. Хүн бүр өөр хоорондоо ялгаатай байдаг тул уй гашууг даван туулах нь ч мөн адил өөр хоорондоо харилцан адилгүй байдаг. Уйтгарлах, гашуудах зэрэг нь богино хугацаанд үргэлжлээд амьдралын хэвийн байдалдаа эргэн орохгүй удаан хугацаагаар үргэлжилж эрүүл мэнд болон өдөр тутмын амьдралд сөрөг нөлөөлөл үзүүлэхийг уй гашуу тохиолдох үеийн сэтгэл зүйн эмгэг гэнэ.
📌Шалтгаан📌
📍Хувь хүний үнэт зүйл хөндөгдөх
📍Хувь хүн үнэт зүйлээ алдах
📍Бие хүний онцлог шинж чанар
📍Үхэл хагацал олон удаа тохиолдох
📍Ойр дотны хүмүүс ойр ойрхон нас барах
📍Олон жил ханилсан ханиа алдах
📍Үр хүүхдээ алдах
📍Ойр дотны хүмүүс гэнэт золгүй байдлаар нас барах
📌Илрэх шинж тэмдэг📌
📍Хамгийн хайртай дотны хүнээ, үнэт зүйлээ алдсанаа сэтгэлээрээ маш хүчтэй мэдрэх
📍Гашуудах
📍Тухайн хүний тухай байнга бодох
📍Уйтгарлан гуниглах
📍Нойр хулжих
📍Хар дарж зүүдлэх
📍Сэтгэл түгших
📍Сэтгэл тогтворгүйтэх
📍Амархан уйлах
📍Тухайн хүний үхэлд өөрийгөө буруутгах
📍Анхаарал төвлөрөлт буурах
📍Мартамхай болох
📍Хоолны дуршил буурах
📍Үг яриа цөөрөх, бодлогоширох
📍Сэтгэл санаа гутранги байх
📍Юм хийх идэвх сонирхол буурах
📍Өөрийгөө зэмлэх, буруутгах, шүүмжлэх
📍Хөдөлмөрийн бүтээмж буурах
📍Ирээдүйдээ итгэх итгэлгүй болох
📍Нийгмийн харилцаанаас зайлсхийх
✅Даван туулах арга✅
-Уй гашуу тохиолдсон хүнд найз нөхөд болон ойр дотны хүмүүстэй сэтгэл санаагаа хуваалцаж ярилцах боломжыг олгох
-Тухайн уй гашуу болсон талаар ямар мэдрэмж төрж байгааг өөрөөр нь яриулж сөрөг мэдрэмжийг гадагшлуулах
-Уй гашуу тохиолдсон хүнийг тухайн үйл явдал тохиолдсон хэд хоногт ганцааранг нь үлдээхгүй байх
-Гэр бүл ойр дотны хүмүүс нь шаардлагатай зүйлээр нь туслах

17/05/2023

📌Архаг ядаргаа📌
Ядаргаа нь янз бүрийн шинж тэмдгээр илэрдэг. Тухайлбал:
📍Бүхий л өдрийн турш ядарна
📍Өдөр тутмын үйл ажиллагаагаа хийх үед амархан ядарна
📍Унтаад сэрэхэд алжаал тайлагдсан мэдрэмж төрөхгүй байх
Хүн бүр ядардаг гэхдээ ихэнх хүмүүсийн хувьд энэ байдал нь богино хугацаагаар илэрдэг бөгөөд шалтгааныг тодорхойлоход хялбар байдаг.
Ядаргаа нь:
📍Хэт удаан хугацааны турш үргэлжилсэн үед
📍Та өөрөө шалтгаанаа олж чадаагүй үед
📍Таны өдөр тутмын үйл ажиллагаанд сөргөөр нөлөөлөх хэмжээнд хүрсэн бол тулгамдсан асуудал үүсгэнэ.
📌Архаг ядаргаа үүсэх шалтгаанууд📌
📍Огт унтахгүй байх
📍Удаан хугацаагаар хангалттай унтаж чадахгүй болон унтсан ч сайн амарч чадахгүй байх
📍Мөн бие махбодын эмгэгүүд цусны даралт ихсэх, чихрийн шижин, цус багадалт гэх мэт
📍Сэтгэл хөдлөлийн эмгэгүүд болох сэтгэл гутрал, стресс, сэтгэл түгшилт гэх мэт
✅Архаг ядаргааг даван туулах арга замууд✅
-Хэрэв та сайн унтаж чадахгүй байгаа бол мэргэжлийн хүнээс зөвлөгөө авах хэрэгтэй
- Хэрэв ядаргаа бие махбодын эмгэгээс үүсэлтэй бол энэ асуудлаа хэрхэн эмчлэх талаар эмчээс зөвлөгөө авах нь зүйтэй.
-Хэрэв ядаргаа сэтгэл хөдлөлийн шалтгаанаас үүдэлтэй бол сэтгэл хөдлөлөө зөв таньж мэдэх ба стресс, сэтгэл түгшилтийг даван туулах арга замуудыг эзэмших хэрэгтэй.
-Хэрэв ядаргаа амьдралын хэв маягын өөрчлөлтөөс үүдэлтэй гэдгээ тодорхойлсон бол амьдралын хэв маягаа өөрчлөөд үзээрэй.

19/10/2022

📌 Уур бухимдал 📌

📍Хэн нэгний хүсэл эрмэлзэл, эрх ашигт нийцээгүй үйл явдал, нөхцөл байдлын улмаас үүсэх сэтгэл санааны хүчтэй, таагүй хариу үйлдэл мэдрэмжийг уур гэнэ.

📍Энэ нь сөрөг сэтгэл хөдлөлийн нэг хэлбэр юм. Уурлахад дааврууд идэвхжиж, ингэснээр сэтгэл хөдлөл, бодлууд өдөөгдөж стресст ордог. Мөн уурлах нь хувь хүний онцлогтой холбоотой байж болдог. Амархан уурладаг хүмүүс сэтгэл хөдлөл өндөртэй, хүчтэй, хяналтаа амархан алддаг. Зарим хүүхдүүд гэр бүлийнхнийхээ хоорондоо муудалцаж байгаагаас уураа илэрхийлэхийг суралцдаг байна. Иймд хүүхэд наснаасаа уураа зохицуулж сурах нь чухал байдаг.

📍 Мөн зарим хүмүүс маш амархан уурладаг нь амьдралынхаа зарим асуудлыг зохистой шийдэх өөр арга мэддэгүйтэй холбоотой байж болох юм. Ийм хүмүүс гэнэт уурлахаараа маш их эрсдэлд ордог ба асуудлаа эерэгээр шийдвэрлэх нь ховор байдаг.
Ихэнхдээ бид юунаас болж, юу бодож уурлаж байгаагаа мэддэггүй. Жишээлбэл, Хэн нэгэн чамайг сонсохгүй, түүнтэй хамт байж чадахгүй байгаад, эсвэл чиний эрх чөлөөтэй, баяр хөөртэй байх зэрэг хэрэгцээнүүд хангагдахгүйгээс болж уурладаг.

➡️ Уур бухимдал нь аливаа зүйлийг эрүүл биш аргаар, хэн нэгэнд хор хохирол учруулах байдлаар шийдэхэд хүргэдэг.

➡️ Уур бухимдалаа таньж мэдсэнээр эргэн тойрондоо ямар хариу үйлдэл үзүүлж байгаагаа ойлгодог.

➡️ Уур бухимдалаа барьж сурвал өөртөө болон бусдад анхаарал халамж үзүүлэх талаар бодох болдог.

🎈Уурлахад дараах шинж тэмдэгүүд илэрдэг. Үүнд:

- Амьсгал өнгөц болох
- Зүрхний цохилт түргэсэх
- Гар хөлийн булчингууд өвдөх
- Нүүр улайх
- Эрүү чангарах
- Биеийн температур өөрчлөгдөх
- Хөлрөх
- Чичрэх
- Нүдний харц ширүүсэж зовхи өргөгдөх
- Шүд зуух
- Гар зангидах
- Дуу хоолойны өнгө өөрчлөгдөж чангарах
- Уруул жимийх
- Амьсгал багтрах
- Бие салгалах
- Нэг байранд сууж чадахгүй ийш тийм хурдан алхах
- Гар хуруугаараа зааж зангах гэх мэт

✅ Уур бухимдалаа эерэгээр даван туулах аргууд

- Бусдыг гэмтээхгүй гэж өөртөө хэлэх
- 3 удаа уртаар амьсгал авах юм уу эсвэл 10 хүртэл тоо тоолох
- Мэдэрч, хүсэж байгаа зүйлээ илэрхийлэх
- Бусдаас тусламж гуйх
- Тайвшрахын тулд өөртөө хугацаа өгөх
- Өөрт таалагддаг сонирхолтой зүйлээ хийх
- Уурыг тань хүргэж байгаа сөрөг бодлуудаа илрүүлж, түүнийг хэрхэн шийдвэрлэж болох талаар хэн нэгэнтэй ярилцах
- Стрессийг зохицуулж сурах

09/10/2022

📍10 сарын 10 📍

Дэлхийн сэтгэцийн эрүүл мэндийн өдөр

06/10/2022

📍Мөрийтэй тоглоомонд донтох 📍

📌 Мөрийтэй тоглоом тоглох нь өөрийн хувьд үнэ цэнэтэй гэж боддог үнэт зүйлээ золиослохыг хэлдэг.

📌Шалтгаан:

➡️ Ямар нэгэн сэтгэцийн тулгамдсан асуудал, зарим эмгэгтэй холбоотой. Тухайлбал, архи, тамхи, мансууруулах бодист донтох, бие хүний эмгэг, сэтгэл гутрал, сэтгэл түгшилт гэх мэт
➡️ Насны хүчин зүйл. Залуу болон дунд эргэм насны хүмүүс илүү донтох магадлалтай байдаг. Хүүхэд, өсвөр насандаа мөрийтэй тоглодог байсан бол насанд хүрэхдээ донтох эмгэгээр өвдөх эрсдэлтэй. Харин сүүлийн жилүүдэд ахмад насныханд энэхүү эмгэг илэрч байна.
➡️ Хүйс. Эмэгтэйчүүдээс илүү эрэгтэйчүүдэд донтолтын асуудал түгээмэл байдаг.
➡️ Гэр бүл, найз нөхдийн нөлөө. Хэрвээ гэр бүл, найз, эргэн тойрны хүмүүс мөрийтэй тоглоомын асуудалтай бол тухайн хүн тоглох эрсдэл өндөртэй байдаг.
➡️ Бие хүний онцлог. Маш өрсөлдөгч, ажилсаг, ойворгон, тайван бус, амархан уйддаг зан төлөвийн онцлог нь мөрийтэй тоглоомонд донтох магадлалыг нэмэгдүүлдэг.
➡️ Харилцааны зөрчил
➡️ Санхүүгийн бэрхшээл
➡️ Хууль эрхзүйн асуудлууд, гэмт хэрэгт холбогдох
➡️ Ажлаас

📌 Илрэх шинж тэмдэг:

- Мөрийтэй тоглоомын талаар санаашрах, түгших, байнга бодох
- Урьд нь мэдэрч байсан сэтгэлийн хөдөлгөөнийг мэдрэхийн тулд ихээхэн хэмжээний мөнгөөр тоглох хэрэгцээ үүсэх
- Мөрийтэй тоглохоо зогсоох гэж оролдоход тайван бус болж, ууртай мэдрэмж төрөх
- Удаа дараа тоглохоо зогсоох гэж оролдсон ч амжилт олохгүй байх
- Арга барагдах, гэм буруутай мэдрэмж төрөх, сэтгээр унах, сандарч, сэтгэл түгших үед эдгээр мэдрэмжээс зугатааж мөрийтэй тоглох
- Алдсан мөнгөө олохын тулд илүү их тоглох
- Мөрийтэй тоглодогоо нуухын тулд гэр бүлийн гишүүд болон бусдад удаа дараа худал хэлэх
- Тоглодогоосоо болж чухал харилцаа, ажил, сургууль, ямар нэгэн боломжоо эрсдэлд оруулж, алдах
- Тоглоомын мөнгөө олохын тулд залилан, хулгай хийх
- Санхүүгийн хүндрэлээс гарахын тулд бусдаас тусламж хүсэх
- Мөнгөө алдсаны дараа болих гэж оролдох ба тодорхой хэмжээний мөнгө алдана гэж өөртөө хязгаар тавьдаг. Гэхдээ үе үе мөрийтэй тоглодог хүмүүсийг бодвол тоглоомонд донтогчид алдсан мөнгөө олохын тулд дахин дахин тоглосоор байдаг. Зарим мөрийтэй тоглоомонд донтогчид хэсэг хугацаанд тоглохгүй байх үе бий. Гэхдээ ямар нэгэн тусламж үйлчилгээ, эмчилгээгүйгээр энэ үе удаан хугацаанд үргэлжлэхгүй.

📌 Мэдээлэл, зөвлөгөө:

Гэр бүлийн гишүүд, найз нөхөд, дотны хүмүүс чинь мөрийтэй тоглоом тоглож байгаад чинь санаа зовж байгаагаа хэлж байсан уу? Хэрвээ тийм бол тэднийг сонсох хэрэгтэй. Учир нь үгүйсгэл бол үргэлж донтох зан үйлийн шинж тэмдэг байдаг юм шүү. Өөрийгөө асуудалтай гэдгийг хүлээн зөвшөөрөх бол тийм ч амархан бишвв.

- Өөрийгөө мөрийтэй тоглоом тоглодог гэдгээ хүлээн зөвшөөрөх. Үүний тулд хамгийн сүүлд 7 хоногт хэзээ, хаана, хэнтэй, хэр хэмжээтэй мөнгөөр тоглосон талаараа тэмдэглэл хөтлөх. Энэ нь өөрийнхөө асуудлыг бодитоор харахад маш хэрэгтэй байдаг.
- Тоглоомоо орхих талаар өөртэйгөө гэрээ хийх. Жишээлбэл, Би … сарын …нээс мөрийтэй тоглохоо зогсооно. … сарын….гэхэд гаргасан амжилтаа дүгнэнэ.
- Тоглоом тоглодог газар, хүмүүсээс зай барих, холдох
- Тоглоом тоглохоо болих зорилго тавьсан бол хойшлуулахгүй байж, бусдад тоглохоо болих гэж байгаагаа зарлах
- Хойшлуулах. Тоглох хүсэл төрөх үед 1 цагийн дараа эсвэл дараа гэж хойшлуулах
- Өөрийгөө сатааруулах. Хүсэл төрөнгүүт ямар нэгэн зүйл хийж эхлэх. Хэн нэгэнтэй утсаар ярих, гэрээ цэвэрлэх гэх мэт.
- Өөрөө өөртэйгөө ярих. Тоглоом тоглосноор сэтгэл санааны болон эдийн засгийн ямар их хор хохирол амссан, энэ дур хүсэл өдрөөс өдөрт багасах болно, дахин тогловол юунд хүрэх талаараа ярих
- Спортоор хичээллэх, ном унших, хөгжим сонсох, бясалгал хийх гэх мэт шинэ дадал өөртөө бий болгох
- Өөрийгөө завгүй байлгах
- Шинэ найз нөхөдтэй болох
- “Үгүй” гэж хэлж сурах
- Өөрийг чинь сайн зүйлд хөтөлдөг, дэмждэг хүнтэй уулзаж, ярилцах
- Өөрөө өөрийгөө урамшуулж сурах

06/09/2022

📌 Дэлгэцийн донтолт 📌

✅ Сүүлийн 10-15 жилийн хугацаанд хүний амьдралд компьютер, гар утас, таблетын хэрэглээ асар хурдан нэмэгдэж, эдгээрийг ажил дээрээ, гэртээ хаа ч байсан идэвхтэй ашиглаж байна.

✅ Компьютер, гар утас, таблетаар ажлаа хийх, хичээлээ судлах, чөлөөт цагаа зугаатай өнгөрөөх, мэдээлэл олох, харилцаа холбоо тогтоох, бүтээлч байх зэрэг олон давуу талуудыг бий болгож байгаа ч эдгээрийн хэт хэрэглээ нь донтолтыг үүсгэж байна.

✅ Цахим хэрэгслийг хэтрүүлэн хэрэглэх нь сэтгэцийн эмгэг гэж олон улсад хүлээн зөвшөөрсөн бөгөөд АНУ-ийн сэтгэцийн эмгэгийн оношилгоо, дүн бүртгэлийн гарын авлагын 5-р ангилалд “Дэлгэцийн дон” гэж оруулсан. Судлаачид цахим хэрэгслийн хэт хэрэглээ нь хар тамхи шиг хүүхдийн тархийг хордуулдаг гэж үздэг.

🖍 Шалтгаан:

➡️ Сонирхож, кино үзэх, дуу сонсох, тоглоом тоглох, гэрийн даалгавараа хийх зэрэг сэдлээр анх хэрэглэх
➡️ Стресс, сэтгэл түгшилт, айдас, ганцаардал зэрэг сэтгэцийн тулгамдсан асуудлаасаа зугатаах, тэрхүү таагүй мэдрэмжээсээ салах зорилгоор хэрэглэх
➡️ Сургууль, найз нөхдийн дарамт шахалт, дээрэлхэлт
➡️ Гэр бүлийн хэрүүл маргаан
➡️ Гэр бүл салалт
➡️ Шилжин нүүх

🖍 Илрэх шинж тэмдэг:

➡️ Дуу дуулах, зураг зурах, спортоор хичээллэх зэрэг хуучин сонирхдог байсан зүйлээ сонирхохоо больж, компьютер, гар утас, таблетыг олон цагаар хэрэглэх
➡️ Хичээлдээ анхаарал хандуулахаа больж, сурлагын амжилт муудах
➡️ Найз нөхөд, гэр бүлийнхэнтэйгээ харилцах харилцаа багасах
➡️ Нойр, хоолондоо муудах
➡️ Сэтгэл санаа тогтворгүй, тайван биш, ууртай, бухимдуу болох
➡️ Компьютер, гар утас, таблетаас холдуулахад уурлах, байнга нэхэх
➡️ Анхаарал төвлөрөлт муудах
➡️ Хичээлээ таслах
➡️ Идэвх сонирхол, тэмүүлэлгүй болох
➡️ Тоглоомын мөнгөө олох зорилгоор хулгай хийх
➡️ Нүдний хараа муудах, биеийн жин нэмэгдэх, хүзүү хөших, хөдөлгөөний дутагдалд орох, нуруу мурийх зэрэг биемахбодын талаас зовиур илрэх
➡️ Компьютер, гар утас, таблетыг хэрэглээгүй үедээ тэдгээрийн тухай байнга бодох
➡️ Компьютер, гар утас, зурагтыг илүү удаан хугацаагаар үзэх дур хүсэлд автах
➡️ Компьютер, гар утас, зурагт үзэхгүй гэж бодож, олон удаа амлалт өгсөн ч чадахгүй байх

📍Мэдээлэл, зөвлөгөө:

✅ Тайван биш, сэтгэл санааг зовоож байгаа асуудлаа хэн нэгэн, итгэдэг хүндээ ярих
✅ Компьютер, гар утас, таблет хэрэглэдэг цагаа өдөр, долоо хоногоор нь тодорхойлох
✅ Компьютер, гар утас, таблет хэрэглэдэг цагаа багасгах оролдлого хийх
✅ Өөрөө үүнийг даван туулж чадахгүй бол найз нөхөд, эцэг эх, бусдаас тусламж гуйх
✅ Унтлагын өрөөндөө компьютер, гар утас, таблетыг байлгахгүй байх
✅ Хуучин сонирхдог зүйлээ дахин оролдох, эсвэл шинэ хоббитой болох
✅ Компьютер, гар утас, таблетын хэрэглээг багасгах талаар эцэг эхтэйгээ илэн далангуй, нээлттэй ярилцах
✅ Тоглох цаг, үргэлжлэх хугацааг хатуу тогтоон, түүнийгээ тууштай дагаж мөрдөх
✅ Өөртөө “тоглохгүй гэж” амлалт өгөх
✅ Тоглох дур хүсэл төрөх агшинд анхаарлаа өөр зүйлд хандуулах

25/08/2022

📍Хооллох дурын эмгэгүүд 📍

📌Anorexia Nervosa-Мэдрэлийн гаралтай хоолноос татгалзах эмгэг📌

✅ Мэдрэлийн гаралтай хоолноос татгалзах эмгэг нь голдуу өсвөр насны охидуудад тохиолддог хэдий ч сүүлийн жилүүдэд уг эмгэгээр оношлогдох хөвгүүдийн тоо өссөөр байна. Жин хасагдах, зан ааш өөрчлөгдөх, найз нөхдөөсөө холбоогоо таслах шинжээр илэрдэг. Биеийн жингээ хэвийн байх ёстой хэмжээнээс нь 15%-аас доош болтол бууруулдаг.

➡️ Мэдрэлийн гаралтай хоолноос татгалзах эмгэгтэй охидууд өөрийгөө “Махлаг тарган муухай галбир ”-тай гэсэн улигт бодлоосоо болж турах хүсэл эрмэлзэлд бүрэн автаж, хоолоо сойж, тураах янз бүрийн аргуудыг хэрэглэснээр биеийн жингээ хэт хасаж, тураалд хүрснээр бодисын солилцооны гүнзгий алдагдалд ордог.

🖍Нийтлэг шинжүүд

➡️ Биеийн жингээ доод хэмжээнд нь барьдаггүй.
➡️ Биеийн жин, галбиртаа хэт их анхаарах
➡️ Жингээ алдаж байгаагаа хүлээн зөвшөөрдөггүй
➡️ Арьс хуурайших
➡️ Биеийн дулаан алдагдах
➡️ Цусны даралт ихсэх
➡️ Зүрхний хэм удааширах
➡️ Хаван үүсэх
➡️ Цус багадах
➡️ Сэтгэлээр унах
➡️ Айдаст автах
➡️ Улигт бодолд автах

📌Bulima Nervosa-Мэдрэлийн хомхой📌

✅ Мэдрэлийн хомхой өвчтэй хүн их хэмжээний хоол хүнс хэрэглэдэг бөгөөд хэт их биеийн хүчний ажил хийх, бургуй тавих, шээх, туулгах эм хэрэглэх, бөөлжих зэрэг үед биеийн илүүдэл калори нь гадагш ялгардаг. Ихэнх өвчтөнүүдэд энэ өвчин нь олон жил далд хэлбэрээр хадгалагдаж байдаг. Хоолноос татгалзах эмгэг болон мэдрэлийн хомхой нь өсвөр насныханд тохиолдох нь элбэг.

🖍Хоол хүнсээ хэтрүүлэн хэрэглэснээс илрэх шинж тэмдэгүүд:

➡️ Ижил нөхцөл ижил хугацаанд бусад хүмүүсийг бодвол илүү их хэмжээгээр хоол иддэг болох
➡️ Хоол идэх мэдрэмжээ хянаж чадахгүй болох
➡️ Хэт хурдан идэх
➡️ Хэт их идсэнийхээ дараа өөрийгөө албаар бөөлжүүлэх гэж оролдох
➡️ Хэт их дасгал сургуулилалт хийх
➡️ Туулгах болон бусад эмийн тунг хэтрүүлэх

🖍Эмчилгээ🖍

1️⃣ Сэтгэл засал эмчилгээ эмчилгээ:

Эмчилгээний хүндрэлийн талаарх сургалт, сэтгэл засал, хоол тэжээлийн зөвөлгөө өгөх.

2️⃣ Эмнэлэгт хэвтэн эмчлүүлэх:

Биеийн жингээ 50%-аас дээш алдсан, сэтгэл гутрал хавсран илэрсэн тохиолдолд яаралтай албадан эмчилгээнд хамруулна.

19/08/2022

🖍 Хүүхдийн төрх үйлийн асуудал 🖍

Аливаа хүн амьдралынхаа турш нийгэм, хамт олон, гэр бүлийнхээ хүрээнд баримталж буй ёс зүй, зан заншил, хүмүүс хоорондын харилцаа, хуулийн хэм хэмжээг даган мөрдөж биеэ зөв авч явах ёстой байдаг.

📌Нийтээр хүлээн зөвшөөрөгдсөн хууль, дүрэм, ёс зүй, зан заншил, эрх зүйг гажуудуулан зөрчихийг төрх үйлийн асуудал гэнэ.

📍Төрх үйлийн асуудал үүсэх шалтгаан нь:

➡️ Нийгмийн хүчин зүйлс:
• Шинжлэх ухаан, техникийн өндөр хөгжил, мэдээллийн хэт ачаалал
• Амьдралын хэв загвар өөрчлөгдөх /хотжих процесс түргэсэх, хүн амын нягтрал ихсэх/
• Нийгмийн сөрөг үзэгдэл /Архидалт, мансуурал, дээрэлхэлт г.м/

➡️ Гэр бүлийн хүчин зүйлс:
• Гэр бүлийн бүтэц өөрчлөгдөх
• Хүмүүжлийн буруу хэв шинж /хэт эрхлүүлэх, хараа хяналтгүй байх, шоовдорлох, хэт хатуу шаардлага тавих, гэр бүлийн гишүүдийн зөрчил

➡️ Сэтгэл зүйн сөрөг хүчин зүйлс:
• Ойр дотныхоо хүнийг алдах
• Бэлгийн хүчирхийлэлд өртөх
• Осол гэмтэлд орох
• Байгалийн гамшигт өртөх
• Гэр бүлийн байнгын хэрүүл маргаан, архидалт, гэр бүл салалт, өрхийн орлого хомс байх
• Найз нөхдийн дарамт шахалт, бие биеэ доромжлох, гадуурхах, ад үзэх, нэр хоч зүүлгэх
• Багш, удирдлагын зүгээс дарамт үзүүлэх, хүсэл, сонирхлыг нь хаах, боогдуулах

✅ Илрэх шинж тэмдэг
• Ихэвчлэн хүүхэд ууртай, хэрцгий догшин шазруун харилцаа байнга гаргана.
• Орон гэрээсээ дайжих
• Гадуур ямарч зорилгогүй дэмий тэнэх
• Бусад хүмүүс ба амьтадтай хэрцгий харьцах
• Эд зүйлсийг шалтгаангүй эвдлэн сүйтгэх, галдан шатаах
• Худал хэлэх
• Хичээлээ олон цагаар таслах
• Хулгай хийх
• Нийгмийн сөрөг үзэгдэлийг даган дуурайх /архидах, тамхи татах
• Өөртөө гэмтэл учруулах
• Өөртэйгээ адил хүүхдүүдтэй эвсэлдэн нэгдэж ёс зүйн болон нийгмийн хэв журам зөрчих улмаар гэмт хэрэгт холбогдох
• Том хүний үг сонсохгүй эсэргүүцэх
• Биеэ хянах чадваргүй
• Уурласан үед нүүр улайх, гар хөл салгалах, зүрх хүчтэй дэлсэх зэрэг шинжүүд илэрнэ.

✅ Хүүхэд түүний гэр бүлд өгөх зөвөлгөө

• Эхлээд төрх үйлийн эмгэг үүссэн шалтгааныг асууж тодруулах
• Хүүхдэд нөлөөлсөн нөхцөл байдлуудад аль болох анхаарлаа хандуулах
• Эцэг эхчүүд хүүхдийнхээ зан үйлийн сайн чанаруудыг илрүүлж, эерэг талыг нь дэмжиж байх
• Эцэг эхчүүд өөрсдөө сахилга батыг тогтвортой баримтлах
• Хүүхэдтэйгээ болох, болохгүй дүрэм журмын талаар ярилцах
• Багш нартай нь сахилга батын талаар ярилцах
• Хүүхдэд үүссэн будлианыг эерэгээр шийдвэрлэх
• Хэрвээ амиа хорлох оролдлого хийхийг завдвал яаралтай эмчид хандах
• Биеийн шийтгэлээс зайлсхийх
• Хүүхдээ ямар хүүхдүүдтэй нөхөрлөж байгааг мэдэж байх
• Чөлөөт цагийг үр бүтээлтэй өнгөрүүлж сургах
• Гэр бүлийн эерэг нөхөрсөг харилцааг бий болгох

10/08/2022

🖍 Эцэг эхчүүдэд өгөх зөвлөгөө🖍

✅ Хүүхдийг гэртээ байхад нь анхаарал халамж тавих
✅ Ямар нэгэн шийтгэл үзүүлэхээс зайлсхийх
✅ Хэрвээ хүүхэд зөв зүйл хийвэл магтан урамшуулж байх
✅ Нэг зэрэг олон үүрэг даалгавар бүү өгөөрэй. Яагаад гэвэл түүнээс хүсч байгаа зүйлийг тэр биелүүлж чадахгүй. Хэт олон тоглоом өгөх хэрэггүй.
✅ Хүүхдийн илүүдэл энергийг спорт, биеийн хүчний хөнгөн хялбар ажил хийхэд зарцуулах
✅ Анхаарал төвлөрүүлэх сонирхолтой дасгал хийлгэх
✅ Хүүхдэд зориулсан тогтмол цагийн хуваарийг гаргаж, нэг өдөрт хийж гүйцэтгэх ажлыг нь төлөвлөх
✅ Хүүхдийн санаа бодлыг сайн сонсох
✅ Хүүхдийг гадуур дагуулан явахдаа хараа хяналт сайн тавих

🖍 Багш нарт өгөх зөвлөгөө🖍

✅ Хүүхдэд анхаарал тавьж байхын тулд багшийн ширээний ойролцоо суулгах
✅ Хүүхдийг хариуцлагатай сурлага сайтай сурагчдаар хүрээлүүлэх
✅ Хичээлийн үеэр тухайн сурагч руу хандсан хандлагыг бий болгох. Ойлгосон эсэхийг баталгаажуулан өөрөөр нь давтан хэлүүлэх
✅ Аливаа даалгавар зааврыг ойлгомжтой хялбарчилж өгөх
✅ Олон даалгавар нэг дор бүү өг
✅ Хүүхдэд шаардлагатай үедээ бусад хүүхдүүдээс тусламж гуйж болохыг сайн ойлгуулах
✅ Хэрвээ хүүхэд зөв зүйл хийж, үүрэг даалгаврыг нь өөрийн хэмжээндээ сайн гүйцэтгэсэн бол магтан урамшуулж байх
✅ Шалгалт сорилын үеэр хийсэн материалыг нь хамгийн сүүлд хураан авах
✅ Ямар нэгэн шийтгэлээс зайлсхийх хэрэгтэй
✅ Хичээл давтах болон хичээллэх цагийг богино болгох
✅ Анхаарал төвлөрүүлэх сонирхолтой дасгал хийлгэх

03/08/2022

📌Анхаарал дутмагшил, хэт хөдөлгөөнтөх эмгэг📌

✅ Анхаарлаа нэг, хоёр минутаас илүүгээр төвлөрүүлэх чадваргүй, хэт хөдөлгөөнтэй, тогтвортой сууж, ямарваа нэгэн зүйлийг дуустал хийж чадахгүй, эцэг, эх, томчуудаас байнга “Томоотой бай”, “Анхааралтай бай, чимээгүй ! ”, “Чи ямар их хөдөлдөг юм бэ?” гэсэн сануулгыг байнга сонсч байдаг эмгэгийг анхаарал дутмагшил, хэт хөдөлгөөнтөх эмгэг гэнэ.

❓Хэт хөдөлгөөнтөх эмгэг нь яагаад чухал асуудал вэ?

✅ Анхаарал дутмагшил хэт хөдөлгөөнтөх эмгэгтэй хүүхдүүдийг өвчний улмаас ингэж байна гэж хүмүүс мэддэгггүй. Иймээс тэднийг сахилгагүй, хүмүүжилгүй гэсэн нэр хоч үргэлж дагалдаж байдаг. Зохистой эмчилгээг хийгээгүйгээс асуудал улам хүндэрч зарим хүүхдүүд амьдралаа зохицуулах бүрт асуудалтай тулгарсаар насанд хүрсэн хойно нь хэвээр үргэлжлэх магадлалтай.

📍Илрэх шинж тэмдэг

➡️ АДХХ эмгэгийн шинж тэмдэг нь хүүхдийн амьдралын үр дүнд сөргөөр нөлөөлдөг. Жнь: Сургуульд амжилттай сурч чадахгүй, дасан зохицолт муу, нийгмийн харилцаа, ёс зүй, эрүүл мэнд, нойрны асуудалтай байх нь элбэг байдаг.
➡️ Байнга хөдөлгөөнтэй, тогтворгүй
➡️ Хичээлийн турш сандалдаа сууж чадахгүй
➡️ Чалчаа. Янз бүрийн зүйл ярьж хүмүүст саад болох
➡️ Гэнэт ухасхийн хөдлөнө
➡️ Бодлогогүй үйлдэл хийнэ
➡️ Өөрийн эргэн тойронд байгаа эд юмсаар оролдоно, тэдгээрийг хөдөлгөнө
➡️ Анхаарлаа төвлөрүүлэх чадваргүй
➡️ Анхаарал шаардсан ажлыг гүйцэтгэж чадахгүй
➡️ Нэг ажлыг дуусгалгүй нөгөө ажлыг хийдэг
➡️ Гэрийн даалгавраа дуусгадаггүй
➡️ Ажил хийхдээ тууштай биш ➡️ Үймүүлдэг, үгэнд орохгүй, хүүхдүүд шоглодог
➡️ Өөрийгөө хянах чадваргүй
➡️ Хөдөлгөөнтэй учраас найз нөхөдгүй
➡️ Ажлаа зохион байгуулж чаддаггүй
➡️ Багаар ажиллаж чадахгүй
➡️ Түргэн зантай, бодож төлөвлөхгүй юмыг шууд гэнэт хийдэг
➡️ Эмх цэгцтэй биш
➡️ Сурлагандаа тааруу
➡️ Хүлээцтэй биш
➡️ Сэтгэл хангалуун бус

📍Юу хийх хэрэгтэй вэ?

✅ Гэр бүлийнхэнд нь / хүүхдэд юу тохиолдоод байгааг тайлбарлана.
✅ Хэт хөдөлгөөнтөх эмгэг нь хүүхдийн анхаарал төвлөрөх чадвар муу хөгжсөнтэй холбоотойг тайлбарлан өгөх
✅ Эцэг эхчүүдэд хүүхэдтэйгээ хэрхэн харьцах талаар зөвлөгөө өгөх
✅ Хэт хөдөлгөөнтөх эмгэг нь хүүхдийн сахилга батын зөрчил биш гэдгийг анхаарах
✅ Ангийн багшид нь хүүхдийн талаарх мэдээллийг тайлбарлаж өгөх
✅ Тайвшруулах эмүүд хэрэглэж болохгүйг анхаарах
✅ Ийм асуудалтай хүүхэдтэй гэр бүл, эмч, сэтгэл засалч, нийгмийн ажилтан, сургуулийн хамт олон хамтран ажиллах ёстой.

27/06/2022

Цуврал 3️⃣

📌 Сэтгэцийн эмгэгийн талаарх үнэн зөв ойлголтууд 📌

🖍 Насанд хүрэгчид өсвөр насныхнаас илүү сэтгэцийн эмгэгээр өвддөг.

Зарим өвчнүүд хүүхэд насандаа анх оношлогддог бол ихэнх нь өсвөр насны сүүл юм уу залуу насанд илэрдэг.

🖍 Чи хүмүүсийг хараад сэтгэцийн эмгэгтэй гэдгийг нь хэлж чадна.

Хүмүүс сэтгэцийн эмгэгийн үед илэрдэг зарим шинж тэмдгүүдийн талаар нилээн ойлголттой байдаг бөгөөд энэхүү эмгэгийн үед тухайн хүний бодол, мэдрэмж, үйлдэл нь эрүүл хүнийхээс өөр болсон байдгийг мэддэг. Гэхдээ энэ нь тухайн хүнийг хараад шууд сэтгэцийн эмгэгтэй гэдгийг хэлэх ямар ч боломжгүй юм.

🖍 Сэтгэцийн эмгэгтэй хүмүүс ерөнхийдөө дуугүй, ичимхий байдаг.

Хувь хүний зан араншингийн онцлог нь сэтгэцийн эмгэгээр өвдөхөд тийм ч хүчтэй шалтгаан болдоггүй. Харин сэтгэл гутрал, шизофрени, сэтгэл түгших эмгэгтэй хүмүүс өвчний онцлогоосоо болоод бусдаас зай барьж, нийгмээс тусгаарлагддаг.

🖍 Сэтгэцийн эмгэгээр тодорхой төрлийн хүмүүс л өвчилдөг.

Энэ бол маш буруу ойлголт. Сэтгэцийн эмгэгээр хэн ч өвдөж болно.

🖍 Ихэнх хүмүүс сэтгэцийн эмгэгээр өвддөггүй.

Судалгааны дүнгээс харахад таван хүн тутмын нэг нь амьдралынхаа аль нэгэн үе шатанд сэтгэцийн эмгэгээр өвддөг болохыг баталсан байдаг. Энэ нь хүн бүрт сэтгэцийн эмгэг шууд болон шууд бусаар нөлөөлөх боломжтойг харуулж байна

21/06/2022

Цуврал 2️⃣

📌 Сэтгэцийн эмгэгийн талаарх үнэн зөв ойлголтууд 📌

🖍 Эрэгтэйчүүдээс илүү эмэгтэйчүүд сэтгэцийн эмгэгээр илүү өвддөг.

Ерөнхийдөө сэтгэцийн эмгэгээр өвдөхөд эрэгтэй, эмэгтэй хүйсийн хувьд онцын ялгаа ажиглагддаггүй ч сэтгэл гутрал, хооллох дурын эмгэгээр эмэгтэйчүүд зонхилон өвддөг бол архинд донтох, анхаарал дутмагшил хэт хөдөлгөнтөх эмгэгээр эрэгтэйчүүд өвдөх нь элбэг байдаг. Харин хоёр туйлт гэх мэт эмгэгээр аль ч хүйсийн хүмүүс ижил өвддөг.

Зарим тохиолдолд эмэгтэйчүүд эрэгтэйчүүдээс илүү сэтгэцийн эмгэгээр өвддөг мэт харагддаг боловч нөгөө талаараа эрэгтэйчүүдээс илүү сэтгэлийн зовинолоо найз нөхөддөө хуваалцаж, сэтгэцийн эрүүл мэндийн тусламж үйлчилгээг хайж, авч чаддаг байна.

🖍 Эм бол сэтгэцийн эмгэгийг эмчлэх хамгийн чухал эмчилгээ юм.

Эм бол сэтгэцийн эмгэгийг эмчилж, эдгээдэг үр дүнтэй аргуудын нэг боловч хүмүүсийг бүрэн эдгээж, эмчилдэг цорын ганц эмчилгээний төрөл биш юм.

Хамгийн тохиромжтой эмчилгээний төрөл бол цогцоор нь эмчлэх явдал билээ. Үүнд: Эмийн эмчилгээ, сэтгэл засал, нөхөн сэргээх эмчилгээ, өөртөө туслах бүлэг, эмнэлэгт хэвтэн эмчлүүлэх, шашин шүтэх, дасгал хөдөлгөөн хийх, хоол эмчилгээ зэрэг аргууд багтдаг.

Хамгийн сайн арга бол үр дүнтэй болох нь батлагдсан стратегуудыг хослуулах явдал юм.

🖍 Сэтгэцийн эмгэгтэй хүмүүс ихэнхдээ аюултай, хүчирхийлэгч нар байдаг.

Сэтгэцийн эмгэгтэй хүмүүс бусад хүмүүсээс илүү хүчирхийлэгч байна гэж байхгүй. Одоо нийгэмд үйлдэгдэж байгаа хүчирхийлэлтэй холбоотой гэмт хэргүүдийн ихэнхийг сэтгэцийн эмгэгтэй хүмүүс үйлддэггүй харин тэд хүчирхийлэл үйлдэхээс илүү хохирогч байх нь түгээмэл байдаг. Энэхүү буруу ойлголт ихэнхдээ хэвлэл мэдээллийн хэрэгслээр нийгэмд дамждаг билээ.

PPC Clinic / Пи Пи Си Сэтгэл заслын эмнэлэг

20/06/2023

17/05/2023

19/10/2022

09/10/2022

06/10/2022

06/09/2022

25/08/2022

19/08/2022

10/08/2022

03/08/2022

27/06/2022

21/06/2022

Address

Opening Hours

Telephone

Website

Alerts

Contact The Practice

Shortcuts

Share

Category

Monday	10:00 - 17:00
Tuesday	10:00 - 17:00
Wednesday	10:00 - 17:00
Thursday	10:00 - 17:00
Friday	10:00 - 17:00