Эм Судлалын Хүрээлэн Drug Research Institute

25/01/2026

💚Этилен оксидоор ариутгах технологийг нэвтрүүллээ💚

Эм судлалын хүрээлэн лабораторийн ариун байдал, судалгааны найдвартай байдлыг хангах зорилгоор EO gas sterilization (этилен оксидоор ариутгах технологи)-ийг судалгаа, туршилтын үйл ажиллагаандаа нэвтрүүлэн ашиглаж эхэллээ.

🔬 Үйлчлэх механизм

EO (этилен оксид) хий нь бактер, вирус, мөөг, спорын ДНХ 🧬болон уурагт алкилжих урвал🧪 үүсгэнэ. Үүний үр дүнд эсийн үржих чадварыг бүрэн зогсоож, бичил биетийг амьдрах боломжгүй болгодог бага температурт (30–55 °C) ариутгадаг шинжлэх ухааны үндэслэлтэй, баталгаажсан арга юм.

✅ Давуу тал

🔹Дулаанд мэдрэмтгий багаж (пластик, резин, электрон эд анги)-д тохиромжтой
🔹Нэвчилт сайтай → савлагаатай, олон хөндийтэй багажийг үр дүнтэй ариутгана
🔹Олон улсын ариутгалын стандарт SAL ≤ 10⁻⁶-д нийцдэг (1 саяд 1-ээс бага амьд бичил биет үлдэх түвшин)

🍀Уламжлалт болон ургамлын гаралтай эмийн судалгаанд ач холбогдолтой

🔸Ургамлын түүхий эд, экстракттай харьцах туршилтын орчны бохирдлыг бууруулна
🔸In vitro, in vivo фармакологийн судалгааны давтагдах чадварыг сайжруулна
🔸Судалгааны өгөгдлийг олон улсын түвшинд хүлээн зөвшөөрөгдөх нөхцөлийг бүрдүүлнэ

Энэхүү технологийг нэвтрүүлснээр уламжлалт анагаах ухаан болон орчин үеийн эм судлалын судалгааг шинжлэх ухаанд суурилсан, стандартчилагдсан, аюулгүй орчинд гүйцэтгэх боломж нэмэгдэж байна.


Khurelbaatar Luvsan
Lkhaasuren Ryenchindorj


#ЭмСудлалынХүрээлэн
#Фармакологи
#УламжлалтАнагаахУхаан
#ЭмийнСудалгаа

19/01/2026

🔬 ЭМ СУДЛАЛЫН ХҮРЭЭЛЭН СУДАЛГААНД ШИНЭ ТЕХНОЛОГИ НЭВТРҮҮЛЛЭЭ

Эм судлалын хүрээлэн нь Olympus IX73 Phase Contrast Fluorescence Microscope-ийг судалгаа шинжилгээний үйл ажиллагаандаа амжилттай нэвтрүүлэн ашиглаж эхэллээ.

🔹 Olympus IX73 нь UIS2 линзтэй оптик систем, өндөр нарийвчлал бүхий суурилагдсан гэрэлтүүлэг, 3 төрлийн флюоресценцийн горим, U-FWGS, U-FF зэрэг 8 төрлийн флюоресценцийн шүүлтүүр, өндөр хүчин чадалтай флюоресцент LED гэрэлтүүлэг бүхий орчин үеийн дэвшилтэт микроскоп юм.

📷 Тус микроскоп нь DP28 камер болон cellSens программ-ын тусламжтайгаар өндөр нарийвчлалтай зураг, tile болон z-stack горимд автоматаар дүрс авч, үр дүнгийн нарийвчилсан боловсруулалт хийх боломжийг олгож байна.

🔬 Судалгаанд ашиглах үндсэн чиглэлүүд:

▪️ Амьд эсийн судалгаа (Live-cell imaging)
Эсийн морфологи, хөдөлгөөн, хуваагдал, апоптоз зэрэг динамик үйл явцыг бодит цагийн горимд ажиглах
Температур, CO₂ хяналттай инкубатортой хослуулан урт хугацааны time-lapse туршилт хийх

▪️ Фазын контраст хэрэглээ
Будаггүй амьд эс, эдийн бүтэц, органеллуудыг тодруулж харах
Эсийн өсөлт, хэлбэрийн өөрчлөлтийг нарийвчлан судлах

▪️ Флюоресценцийн судалгаа
ДНХ, уураг, липид зэрэг молекулыг флюоресцент тэмдэглэгээгээр илрүүлэх
Олон өнгийн шүүлтүүр ашиглан олон маркер бүхий эсийн дотоод үйл явцыг судлах

▪️ Эмийн нөлөөллийн туршилт
Эмийн эсийн түвшинд үзүүлэх нөлөөг бодит цагт ажиглах
Тун-хариу урвалын динамикийг шинжлэх

▪️ Эсийн физиологи ба молекул биологи
Кальцийн урсгал, мембраны потенциал зэрэг физиологийн үзүүлэлтийг хэмжих
Флюоресцент репортер ашиглан генийн экспрессийн өөрчлөлтийг судлах

▪️ Эд эсийн инженерчлэл, биотехнологи
3D эсийн өсгөвөр, органоидын бүтэц, хөгжлийг ажиглах
Биоматериалын эсийн нийцтэй байдлыг үнэлэх

✨ Энэхүү дэвшилтэт тоног төхөөрөмжийг нэвтрүүлснээр манай хүрээлэнгийн эсийн болон молекул түвшний судалгааны чанар, нарийвчлал, олон улсын түвшинд нийцэх боломж бодитоор нэмэгдэж байна.


fans
Khurelbaatar Luvsan
Lkhaasuren Ryenchindorj

#эмсудлалынхүрээлэн



#судалгаашинжилгээ
#ШинэТехнологи.

16/01/2026

💖😎Herbz Cola - ургамлын хандтай эрүүл мэндийн колаг Монос эмийн сангаас...

Хүссэнээрээ таашааж уух, антиоксидантаар баялаг функциональ ундаагаа сонгоорой!
🎋Баширцэцэг - Хоолны шингэц сайжруулах, амны хөндийн эрүүл мэндэд тустай
🫘Монгол хунчир - Дархлаа дэмжиж, оюуны ядаргаа, стресс бууруулах
🪾Чихэр өвс - Эрч хүч нэмж, ханиалга намдаах, амтыг тэнцвэржүүлэх
🫚Цагаан гаа - Бүдүүн гэдэсний үрэвслээс сэргийлэх

💚Монос эмийн сан бүх салбаруудаар Уламжлалаас ургав💚
#МоносЭмийнСан

16/01/2026

🇲🇳 Монголын уламжлалт анагаах ухааны хөгжлийг төрийн бодлогоор дэмжинэ🇲🇳

Монгол Улсын Ерөнхийлөгч У.Хүрэлсүх Монголын уламжлалт анагаах ухааныг хөгжүүлэх тухай зарлиг гаргалаа.

Энэхүү зарлиг нь:
• Монголын уламжлалт анагаах ухааны эрдэм шинжилгээ, судалгаа, инновацийг дэмжих
• Эмчилгээ, эмийн чанар, аюулгүй байдал, стандартчлалыг олон улсын түвшинд хүргэх
• Үндэсний өв соёлыг орчин үеийн шинжлэх ухаантай уялдуулан хөгжүүлэх
• Дотоодын болон экспортын өрсөлдөх чадварыг нэмэгдүүлэх чухал алхам боллоо.

Энэ нь Монголын уламжлалт анагаах ухааныг зөвхөн өв соёл төдийгүй шинжлэх ухаанд суурилсан, нийгэмд үнэ цэнтэй, тогтвортой хөгжлийн салбар болгох төрийн бодлогын тод илэрхийлэл юм.

Манай хүрээлэнгийн хамт олны төлөөл зарлиг тосон авах үйл ажиллагаанд оролцож байна.

#МонголынУламжлалтАнагаахУхаан
#ТөрийнБодлого
#ШинжлэхУхаандСуурилсанХөгжил
#ҮндэснийӨв

16/01/2026

🇲🇳🇲🇳🇲🇳Монгол Улсын Ерөнхийлөгч У.Хүрэлсүх Монголын уламжлалт анагаах ухааныг хөгжүүлэх тухай зарлиг гаргалаа.


Khurelbaatar Luvsan
Lkhaasuren Ryenchindorj

15/01/2026

Эм Судлалын Хүрээлэн Drug Research Institute-ийн зөвлөх профессор, Шинжлэх ухааны доктор, профессор, академич Ш.Болд: Монголын уламжлалт анагаах ухааныг дэлхийд таниулах цаг болсон.

Улаанбаатар, 2025 оны нэгдүгээр сарын 15 /МОНЦАМЭ/. Монгол Улсын Ерөнхийлөгч У.Хүрэлсүх “Монголын уламжлалт анагаах ухааныг хөгжүүлэх арга хэмжээний төлөвлөгөө”-г б....

14/01/2026

Эм Судлалын Хүрээлэн Drug Research Institute-ийн зөвлөх профессор, Шинжлэх ухааны доктор, профессор, академич Ш.Болд “Монгол анагаах ухаан”-ы талаар сонирхолтой ярилцлага өгсөнийг та бүхэнд хүргэж байна. Та бүхнийг сонирхон үзэхийг урьж байна.

Монголын уламжлалт анагаах ухааныг дотооддоо төдийгүй олон улсад шинжлэх ухааны түвшинд үнэлүүлэх зорилгоор Эм Судлалын Хүрээлэнгийн хамт олон нотолгоонд суурилсан судалгаа, стандартчиллыг тууштай хэрэгжүүлж байна.

Монголын уламжлалт анагаах ухаан нь Монголын ард түмэн олон зуун жилийн турш байгаль, амьдралын хэв маягтайгаа уялдуулан хөгжүүлсэн оношлогоо, эмчилгээ, урьдчилан сэргийлэх иж бүрэн цогц тогтолцоо юм.

Монголын уламжлалт анагаах ухаан нь хүнийг байгаль орчны салшгүй нэг хэсэг гэж үзэж, бие махбод, сэтгэл зүй, амьдралын хэв маягийг бүхэлд нь авч үздгээрээ онцлог.

Түүхэн хөгжлийн хувьд Монголын уламжлалт анагаах ухаан нь Төв Азийн нүүдэлчдийн эмчилгээний уламжлалт мэдлэг (яс барих, шарх анагаах, төөнүүр, бариа, хоол засал)-д тулгуурлан хөгжиж, XIII–XVII зууны үеэс Төвд–Энэтхэгийн анагаах ухааны онолын тогтолцоо (хий–шар–бадган, таван махбод, судас барих, шээс шинжих)-той нэгдэн боловсронгуй болсон.

Монголын уламжлалт анагаах ухааны онолын гол цөм нь хий, шар, бадган хэмээх гурван махбодын тэнцвэрт байдалд оршдог. Эдгээр нь хүний биеийн физиологи, сэтгэл зүй, бодисын солилцоог зохицуулдаг бөгөөд амьдралын дэглэм, хоол хүнс, улирал, насжилт, сэтгэл хөдлөлөөс шалтгаалан тэнцвэр алдагдвал өвчин үүснэ гэж үздэг. Иймээс Монголын уламжлалт анагаах ухаан нь зөвхөн өвчний шинж тэмдгийг дарах бус, өвчний язгуур шалтгааныг арилгах, дахин сэдрэхээс урьдчилан сэргийлэхэд чиглэдэг.

Орчин үед Монголын уламжлалт анагаах ухаан нь уламжлалт мэдлэгийн хүрээг давж, орчин үеийн шинжлэх ухааны судалгаатай уялдан хөгжиж байна. Эмийн түүхий эдийн химийн найрлага, фармакологийн үйлдэл, аюулгүй байдал, клиник үр нөлөөг судлах, стандартчилал болон үйлдвэрлэлд нэвтрүүлэх ажлууд эрчимжиж буй нь үүний тод жишээ юм.

Ингэснээр Монголын уламжлалт анагаах ухаан нь өнгөрсөн үеийн өв соёлыг хадгалахын зэрэгцээ, орчин үеийн анагаах ухааны ололт дэвшилтэй уялдан хөгжиж, үндэсний болон олон улсын түвшинд үнэлэгдэх чадавхтай анагаах ухааны тогтолцоо болон төлөвшиж байна.


Khurelbaatar Luvsan
Lkhaasuren Ryenchindorj

Монгол анагаах ухаан сэдвээр ШУА-ын жинхэнэ гишүүн, Академич, ШУ-ны доктор, Профессор Ш.Болд-той ярилцлаа.

02/01/2026

💚Функциональ ундааны инновац – cola худалдаанд гарлаа 🥤

💡Эм Судлалын Хүрээлэн болон Inno Hub Accelerator Center-ийн хамтран хөгжүүлсэн cola нь уламжлалт анагаах ухаанд өргөн хэрэглэгддэг ургамлуудын харилцан дэмжих (синерж) үйлдэлд тулгуурласан, бага газтай кола төрлийн функциональ ундаа юм.

Энэхүү бүтээгдэхүүн нь:
☘️ Дархлаа дэмжих (монгол хунчир)
☘️ Үрэвслийн эсрэг, антиоксидант нөлөө (хадаасан цэцэг / голт бор)
☘️ Хоол боловсруулах замын салстыг хамгаалж, амтыг тэнцвэржүүлэх (чихэр өвс)
☘️ Цусны эргэлт, хоол шингээлтийг дэмжих (цагаан гаа)
зэрэг биологийн идэвхийг нэг ундаанд уялдуулснаар, уламжлалт мэдлэгийг орчин үеийн функциональ ундааны хэлбэрт шилжүүлсэн, шинжлэх ухаанд суурилсан инновацын бүтээгдэхүүн гэдгээрээ онцлогтой.

💚 Бага газтай, бага сахартай найрлага нь ходоод гэдсэнд ээлтэй, өдөр тутмын хэрэглээнд тохиромжтой давуу талыг бүрдүүлсэн.

👏👏👏Тус ундааны орц найрлага, технологи, стандартчилал дээр нь ажилласан эрхэм судлаачдадаа халуун баяр хүргэе! Илүү олон инновац бүтээхийг ерөөе!

-Driven Innovation in Functional Beverages







Khurelbaatar Luvsan
Anand Kh
Solongo Khurelbaatar

01/01/2026

ЭРХЭМ ТАНД ШИНЭ ОНЫ МЭНД ХҮРГЭЕ!

Эм Судлалын Хүрээлэнгийн хамт олон эм, эрүүл мэндийг дэмжих бүтээгдэхүүн зохион бүтээх, эрдэм шинжилгээний бүтээл туурвих үндсэн чиглэлийн хүрээнд 2025 онд багагүй амжилт бүтээлтэй ажилласан ба товч дурьдвал.

💚Эртнээс Монголчуудын анагаах ухаанд хэрэглэж ирсэн өндөр эмчилгээний чадвартай Монгол хунчир болон Мана ургамлаас боловсруулсан, ашиг шим өндөр орц бүхий “Иммунос” шахмал бэлдмэлийн технологийг шинэчлэн, Монос эмийн үйлдвэрт технологи дамжуулалт хийж, эмийн санд худалдаалж эхлээд байна.

💚Манай хүрээлэнгийн судлаачдын технологийг хөгжүүлсэн “Herbz Cola” ургамлын гаралтай КОЛА бүтээгдэхүүн Monos Group - Монос Групп, Hub Accelerator Center-ийн дэмжлэгтэйгээр шинэ оны босгон дээр хэрэглэгчдэд хүрлээ.

💚Хүний амьдралын чанарыг сайжруулах, эрүүл мэндийг дэмжих чиглэлээр манай хүрээлэн 30 гаруй эм, бэлдмэлийн судалгаа, хөгжүүлэлт дээр энэ онд ажилласан бөгөөд үүнээс 4 уламжлалт эм, 1 ерөнхий нэршлийн эмийг Монгол Улсын эмийн бүртгэлд бүртгүүлж, үйлдвэрлэгчид технологи дамжуулалт хийхэд бэлэн болоод байна.

💚Эм, эрүүл мэндийн бүтээгдэхүүний “Үр хөврөлд нөлөөлөх хорон чанар” (embryotoxicity) болон мутац үүсгэх хорон чанар (mutation toxicity)-ыг тодорхойлдог судалгааны аргачлалуудыг бүрэн нэвтрүүлж, одоогоор Монгол Улсад энэ чиглэлийн судалгааг манай хүрээлэн хийж байна.

💚Монгол Улсад анх удаа туршилтын амьтныг бүрэн унтуулах зориулалттай E-Z Anesthesia системийг судалгаанд амжилттай нэвтрүүлснээр эм бэлдмэлийн судалгаа, хөгжүүлэлтийг илүү баталгаатай, аюулгүй бөгөөд ёс зүйн шаардлагад нийцсэн судалгааны орчин нөхцөлд гүйцэтгэх чухал алхам боллоо.

💚Монос Групп үүсгэн байгуулагдсаны 35 жилийн ойн хүрээнд зохион байгуулагдсан “Research Innovation 2025: International Conference on the Current Situation and Future Trends of Drug Research and Development from Natural Sources” олон улсын эрдэм шинжилгээний хурлыг амжилттай зохион байгууллаа. Тус хуралд Япон, БНСУ, ОХУ, Индонез, Монгол зэрэг 6 улсын эрдэмтэн судлаачид оролцов.

💚Анагаах Ухааны Хүрээлэн -ээс зохион байгуулсан Австрали, Сингапур, Тайвань, БНСУ, БНХАУ, ОХУ, Монголын эрдэмтэд оролцсон "Translational and Clinical Research in Mongolia-2025" (TACRIM-2025) олон улсын хурал гурав дахь жилдээ зохион байгуулагдаж, манай хүрээлэнгийн Фармакологийн секторын эрдэм шинжилгээний дэд ажилтан Р.Мөнх-Эрдэнэ “Шилдэг аман илтгэл”-ээр шалгарлаа.

💚 Ясны сийрэгжилтээс урьдчилан сэргийлэх, нано кальци, микроэнкапсулэйшн Д3, алтангагнуурын ханд агуулсан “NanoCa+” төсөл маань БНХАУ-ын Шанхайн Хамтын ажиллагааны төвөөс зохион байгуулсан “Залуучуудын Инновац ба Энтрэпренершип” олон улсын тэмцээнээс ТУСГАЙ БАЙР эзэлж тусгай байр эзэлж, инновацын амжилт үзүүллээ. Энэхүү үйл ажиллагаанд Inno Hub Accelerator Center-ийн хамт олонтойгоо хамтран оролцсон юм.

💚Эдийн засаг, xөгжлийн яам Ministry of Economy and Development, Үндэсний Шинжлэх Ухаан, Технологийн Сан, Анагаахын Залуу Судлаачдын Монголын Холбоо, Монгол Улсын Шинжлэх Ухааны Академи, Mongolian Academy of Sciences зэрэг байгууллагууд хамтран зохион байгуулсан “ХҮРЭЛТОГООТ 2025” эрдэм шинжилгээний хурлын Анагаах ухааны салбарын хуралд манай судлаач Р.Мөнх-Эрдэнэ “Evaluation of the Pharmacological Activity of the GURGEM Injectable Derived from Carthamus tinctorius L. on Cardiac Arrhythmia” сэдвээр илтгэл хэлэлцүүлж, ШУА-ын Ерөнхийлөгчийн нэрэмжит тэтгэлэг болон 5 сая төгрөгийн шагнал хүртлээ.

💚Судлаачдыг эрдмийн зэрэг цолоо ахиулахад дэмжиж ажилласны үр дүнд Ц.Халиунсарнай (БНСУ, Dankook University ) докторын зэрэг хамгаалсан, Ү.Бат-Оюун, А.Маралгоо (Эм Зүйн Шинжлэх Ухааны Их Сургууль), Б.Мөнхзаяа, Б.Маралгуа, Л.Марал (АШУҮИС), Ж.Номин ( Монгол Улсын Их Сургууль /The National University of Mongolia/) магистрийн зэрэг амжилттай хамгаалсан. Ингэснээр тус хүрээлэнгийн үндсэн судлаачид 88% нь магистраас дээш эрдмийн зэрэгтэй болж байгаа юм.

💚2025 онд гадаад, дотоодын сэтгүүлд 7 өгүүлэл нийтлүүлж, олон улсын эрдэм шинжилгээний хуралд 18, дотоодын эрдэм шинжилгээний хуралд 11 илтгэл хэлэлцүүлсэн амжилт үзүүллээ.

💚Монос Групп, ЭЗШУИС-иас хэрэгжүүлсэн Ажлын байранд суурилсан сургалтын хөтөлбөрийн хүрээнд тус их сургуулийн 2 оюутанг цалинтай ажиллуулахын зэрэгцээ нийт 7 төгсөн курсын оюутны дипломын судалгааны судалгааны ажлыг санхүүжүүлж, судалгааны орчин нөхцөлөөр хангаж диплом хамгаалуулан төгсгөсөн. Мөн МУИС-ийн оюутнуудыг дадлагажуулахын зэрэгцээ 2 оюутны дипломын судалгааны ажлыг санхүүжүүлж, судалгааны орчин нөхцөлөөр хангаж ажиллалаа.

💚Түүнчлэн манай хүрээлэн нь өсөх ирээдүйтэй залуу эрдэмтэн судлаачдадаа дэмжиж ажилладаг бөгөөд одоогоор ЭЗШУИС, АШУҮИС, ХААИС-ийн нийт 7 докторант, 11 магистрантын судалгааны зардал, сургалтын орчин нөхцөл, төлбөрт дэмжлэг үзүүлж ажиллаж байна.

✨✨✨Хүний амьдралын чанарыг сайжруулахын тулд хамтдаа ухаалаг шийдэл, инновац, үнэ цэнийг бүтээн ажилладаг эрхэм судлаачид, хамтран ажилладаг бүхий л хүмүүс, харилцагчид, төр болон хувийн хэвшлийн байгууллага, гадаад дотоодын бүх түншүүддээ талархал дэвшүүлэхийн ялдамд ирж буй шинэ оны эрдэм судлалын их ажилд өндөр амжилт хүсэн ерөөе.✨✨✨



Khurelbaatar Luvsan
Lkhaasuren Ryenchindorj

29/12/2025

💚 АЮУЛГҮЙ БАЙДАЛ БОЛ БАГИЙН ХҮЧ! 💚

Эм Судлалын Хүрээлэн болон Монос Эмийн Үйлдвэр
-ийн нийт хамт олон ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ АХУЙ (ХАБЭА)-н мэргэжлийн сургалтад хамрагдаж байна.

Энэхүү сургалт нь ажлын байрны онцлогт нийцсэн, практикт суурилсан ХАБЭА-ны нэгдсэн хөтөлбөрийн дагуу зохион байгуулагдаж, дараах үндсэн чиглэлүүдийг хамарч байна. Үүнд:

🔹 Хөдөлмөрийн аюулгүй байдал, ХАБЭА-ны хууль тогтоомж
🔹 Үйлдвэрлэлийн осол, хурц хордлого, МШӨ-өөс урьдчилан сэргийлэх
🔹 Ажлын байрны эрсдэлийн үнэлгээ, эрүүл ахуйн шаардлага
🔹 Хөдөлмөрийн нөхцлийн сөрөг хүчин зүйлсийн нөлөөлөл
🔹 Аюулгүй ажиллагааны дадлага, кейс, практик сургалт
🔹 Мэдлэг шалгах тест, үнэлгээ

Сургалтаар дамжуулан эрүүл мэндийн байгууллагын мэргэжилтнүүдийн
ёс зүй, харилцаа хандлага, үнэ цэнэ, сэтгэл зүйн төлөвшлийг дээшлүүлж,
аюулгүй, эрүүл ажлын орчныг бүрдүүлэхэд чиглэсэн бодит мэдлэг, ур чадварыг олгож байна.

#Аюулгүй ажлын орчин
#Чадварлаг хамт олон
#Тогтвортой хөгжил


Lkhaasuren Ryenchindorj

25/12/2025

ЛУВСАННЯМЫН ЛХАГВА
(1949-2025)
Монгол Улсын Төрийн шагналт, Хүний гавьяат эмч, Шинжлэх Ухааны Академийн жинхэнэ гишүүн, Академич, доктор, профессор Лувсаннямын Лхагва нь 2025 оны 12 дугаар сарын 22-ны өдөр өвчний улмаас таалал төгссөнд гэр бүл, үр хүүхэд, төрөл төрөгсөд, хамтран зүтгэгчдэд нь гүн эмгэнэл илэрхийлье.

Л.Лхагва нь 1949 онд Завхан аймгийн Дөрвөлжин суманд төрж, 1957 онд сумын бага сургуульд элсэн 1967 онд аймгийн төвийн Б.Элдэв-Очирын нэрэмжит 10 жилийн сургуулийг төгсөж, 1967-1972 онд Анагаах Ухааны Дээд сургуульд Хүний их эмч мэргэжил эзэмшиж, улмаар 1981 онд Зөвлөлт Холбоот Улсын Москва хотын Эмнэлэг-Биологийн асуудлын хүрээлэнд анагаах ухааны дэд эрдэмтэн, 1994 онд Анагаах Ухааны Их сургуульд Анагаахын Шинжлэх Ухааны докторын зэрэг тус тус хамгаалж, 1996 онд дэд профессор, 1998 онд профессор, 2002 онд Академич цол хүртжээ.

Тэрээр 1972-1973 онд мэдээ алдуулаг, сэхээн амьдруулаг судлалын эмч, 1973-1977 онд Анагаах Ухааны Дээд сургуульд багш, 1977-1981 онд ШУА-ийн Физик-Техникийн хүрээлэнгийн Сансар судлалын секторт эрдэм шинжилгээний ажилтан, 1983-1990 онд Эрүүлийг хамгаалах яамны мэргэжилтэн, 1990-1995 онд ШУА-ын Анагаах ухааны бага чуулганы эрдэмтэн, нарийн бичгийн дарга, 1991-1995 онд Хүн судлалын үндэсний төвийн дэд захирал, 1995-2001 онд Анагаах Ухааны Их сургуулийн Эрдэм шинжилгээ эрхэлсэн проректор, 2001-2009 онд Монгол Улсын Ерөнхийлөгчийн зөвлөх, 2010-2018 онд Монос группийн дэргэдэх Эм Судлалын Хүрээлэнгийн гүйцэтгэх захирал, зөвлөх, 2010-2024 онд Эм Зүйн Шинжлэх Ухааны Их сургуулийн Эрдмийн зөвлөлийн дарга, 2006-2025 онд Монголын анагаах ухааны академийн дэд ерөнхийлөгч зэрэг албыг нэр төртэй хашиж байв.

Монос группийн дэргэдэх Эм Судлалын Хүрээлэнгийн гүйцэтгэх захирлаар ажиллаж байх хугацаандаа тэрээр тус хүрээлэнгийн бүтцийг шинэчлэн Эм зүйн сектор, Эмийн химийн сектор, Биологийн идэвхт бүтээгдэхүүн судлалын сектор, Фармакологийн сектор, Эмт ургамлын ботаник цэцэрлэг гэсэн таван нэгжтэйгээр зохион байгуулж, эрдэм шинжилгээний ажилтнуудыг магистр болон түүнээс дээш эрдмийн зэрэг хамгаалахад бодитой дэмжлэг үзүүлэн ажилласан юм. Түүнчлэн үйлдвэрлэгчийн фармакопейн өгүүлэл 38, патент 20, стандарт 10-ыг удирдан батлуулж, улсын захиалгат инновацын болон шинжлэх ухаан, технологийн таван төслийг амжилттай хэрэгжүүлэн, Монос группийн 30 жилийн ойд зориулсан “Байгалийн гаралтай шинэ эмийн судалгаа” хэмээх 10 боть бүтээлийг туурвин хэвлүүлсэн байна. Түүний удирдлагын үед Эм Судлалын Хүрээлэн нь МХАҮТ-ын “Entrepreneur” 2013, 2017 оны онцлох инновац нэвтрүүлэгч байгууллагын шагналыг хүртсэн билээ.

Академич Л.Лхагва нь Эм Зүйн Шинжлэх Ухааны Их Сургуулийн Эрдмийн зөвлөлийн даргаар ажиллах хугацаандаа эрдмийн зөвлөлийн гишүүдэд өөрийн шинжлэх ухаанд оруулсан арвин их мэдлэг, туршлагаа харамгүй хуваалцаж, зөвлөн чиглүүлэхийн зэрэгцээ залуу судлаач багш, оюутнуудад судалгаа, шинжилгээ, эрдэм судлалын талаар үнэтэй сургамж, зөвлөгөө өгч, удирдан манлайлж, үнэлж баршгүй цаг хугацаа, сургаалиа зориулсан бидний хайрт сурган хүмүүжүүлэгч, нэрт эрдэмтэн багш байлаа.

Академич Л.Лхагва нь Монгол-Зөвлөлтийн сансрын хамтарсан нислэгийн эмнэлэг-биологийн эрдэм шинжилгээний туршилт, судалгаануудад идэвхийлэн оролцож, Академич Б.Чадраатай хамтран гүйцэтгэсэн Сансрын цогцолбор судалгаа нь бүх ард түмний санал асуулгаар зууны манлай буюу шилдэг нээлт гэж үнэлэгдсэн төдийгүй сансрын тойрог замын “Салют” станцад судалсан “Биоритм” туршилт, судалгаа зэрэг гадаад, дотоодын эрдэмтэн, судлаачдад өндрөөр үнэлэгдсэн 650 гаруй эрдэм шинжилгээний бүтээл туурвисан манай улсын тэргүүлэх эрдэмтдийн нэг байлаа. Тэрээр Монгол Улсын Ерөнхийлөгчийн Нийгмийн бодлогын зөвлөхөөр ажиллах хугацаандаа шинжлэх ухаан, боловсролын салбарын шилдэг сурах бичиг, шилдэг залуу эрдэмтэн, монгол судлаач гадаадын шилдэг залуу эрдэмтэн зэрэг Монгол Улсын Ерөнхийлөгчийн нэрэмжит шагналыг анхлан санаачилжээ.

Төр, засгаас түүний хөдөлмөр зүтгэлийг өндрөөр үнэлж Монгол Улсын Төрийн шагнал, Хүний гавьяат эмч цол, Алтан гадас одонгоор тус тус шагнасан юм.

Лувсаннямын Лхагва таны эрүүл мэнд, шинжлэх ухааны салбарт оруулсан үнэтэй хувь нэмэр, нөр их хөдөлмөр, чин шударга, төлөв даруу зан чанар бидний зүрх сэтгэлд мөнхөд дурсагдах болно.

УМ САЙН АМГАЛАН БОЛТУГАЙ

МОНОС ГРУПП
ЭМ СУДЛАЛЫН ХҮРЭЭЛЭН
ЭМ ЗҮЙН ШИНЖЛЭХ УХААНЫ ИХ СУРГУУЛЬ

25/12/2025

Эм Судлалын Хүрээлэн Drug Research Institute-ийн 2025 оны сүүлийн Эрдэм шинжилгээний хэлэлцүүлэг амжилттай болж өндөрлөлөө.

Эм Зүйн Шинжлэх Ухааны Их Сургууль-ийн багш,
Анагаах ухааны доктор, профессор Б.Батхуяг,
АШУҮИС-Монгол Анагаах Ухааны Олон Улсын Сургууль-ийн багш, АШУҮИС-ийн Монгол Анагаах Ухааны Төв Эмнэлэг-ийн Анагаах ухааны доктор, дэд профессор Э.Энхсүрэн нар урилгаар оролцож, судалгааны ажлуудад мэргэжлийн үнэтэй санал, зөвлөмж өгсөнд гүн талархал илэрхийлье.

Тус хэлэлцүүлэгт:
🍀Эрдэм шинжилгээний дэд ажилтан А.Маралгоо /MSc/ “Сэтгэл гутралын эсрэг хэрэглэдэг уламжлалт жор эмийн технологийн асуудал”,
🍀Эрдэм шинжилгээний дадлагажигч ажилтан Э.Жавзандулам “Мутаген чанар тодорхойлох арга зүй”,
🍀Эрдэм шинжилгээний дадлагажигч ажилтан Э.Жавзандулам “Шимшинмон эмийн үйлдэл тогтоох судалгааны арга”,
🍀Эрдэм шинжилгээний дэд ажилтан Р.Мөнх-Эрдэнэ /MSc/ “Туршилтын амьтдад бөөрний гэмтлийн эмгэг загвар үүсгэх аргачлал”,
🍀Эрдэм шинжилгээний дэд ажилтан Б.Одончимэг “Тураах эмийн найрлага” сэдвээр тус тус илтгэл танилцуулж, өргөн хүрээнд хэлэлцүүлэг өрнүүллээ.

Хэлэлцүүлэгт идэвхтэй оролцож, санал бодлоо хуваалцан, судалгааны ажлын чанар, үр өгөөжийг нэмэгдүүлэхэд хувь нэмэр оруулсан нийт оролцогч, судлаач та бүхэнд баяр хүргэж, цаашдын эрдэм шинжилгээний ажилд өндөр амжилт хүсье.


Khurelbaatar Luvsan
Lkhaasuren Ryenchindorj