What are the opening hours?

Monday 08:30 - 17:30 Tuesday 05:30 - 08:30 Wednesday 08:30 - 17:30 Thursday 08:30 - 17:30 Friday 08:30 - 17:30

Эм Судлалын Хүрээлэн Drug Research Institute, Баянгол дүүрэг 20-р хороо Сонсголонгийн зам 32б гудамж, Ulaanbaatar (2025)

09/09/2025

🇲🇳 Монгол Улсад 🇰🇷 Солонгос Улсаас 🎓100 оюутан зочиллоо.✨

🇲🇳Monos Group - Монос Групп
🇰🇷Daegu Haany University
🇲🇳Эм Судлалын Хүрээлэн – Drug Research Institute,
🇲🇳Эм Зүйн Шинжлэх Ухааны Их Сургууль болон бусад оролцогч талуудын хамтран хэрэгжүүлж буй “K-MEDI SILK ROAD International Cooperation” төслийн хүрээнд БНСУ-ын Daegu Haany University-ийн 100 оюутан, багш, төслийн багийн хамт манай улсад хүрэлцэн ирж Монос Групп болон харьяа компанийн үйл ажиллагаатай танилцаж байна.

🌏 Энэхүү төслийн хүрээнд бид хамтдаа:
🌱 Шинэ үеийн судлаач, доктор бэлтгэх
🌱 Эмийн ургамлыг ухаалаг хүлэмжинд тарималжуулах
🌱 Инновацын бүтээгдэхүүн хөгжүүлэх
🌱 Хамтарсан сургалт зохион байгуулах
🌱 Оюутан солилцох
зэрэг өргөн хүрээний ажлуудыг эхлүүлээд байна. 🌿

👉 Та бүхэн хийж түгээгээрэй. Баярлалаа 💚💚💚

2025.09.07-09.

Khurelbaatar Luvsan
Lkhaasuren Ryenchindorj

#Монос35

09/09/2025

📌 ЭЗШУИС-ийн Уламжлалт Анагаах Ухааны их эмчийн оюутнууд манай хүрээлэнд зочиллоо.

🎓 Өнөөдөр ЭЗШУИС-ийн Уламжлалт Анагаах Ухааны чиглэлээр суралцаж буй оюутнуудын төлөөлөл манай хүрээлэнд зочлон, үйл ажиллагаатай танилцлаа.

💡 Энэ үеэр оюутнууд уламжлалт анагаах ухааны судалгаа, инновацын чиглэлээр хэрэгжүүлж буй төсөл, лабораторийн үйл ажиллагаа болон бүтээгдэхүүн хөгжүүлэлтийн талаар мэдээлэл авч, мэдлэгийн хүрээгээ тэллээ.

🌿 Ирээдүйн судлаач, эмч нарыг дэмжихийн зэрэгцээ Уламжлалт Анагаах Ухааны үнэ цэнэ, хөгжил дэвшлийг хүн бүрт түгээн дэлгэрүүлэхийн төлөө бид сэтгэл зүрхээ зориулан ажиллаж байна.

👉 Та бүхэн хийж түгээгээрэй. Баярлалаа 💚💚💚

2025.09.09

Уламжлалт Анагаах Ухааны Тэнхим-ЭЗШУИС
Lkhaasuren Ryenchindorj
Эм Зүйн Шинжлэх Ухааны Их Сургууль

#Монос35

05/09/2025

✨ Эм Судлалын Хүрээлэн (Drug Research Institute)-ийн Эрдэм шинжилгээний дэд ажилтан, Магистр Үнэнбат овогтой Бат-Оюун ✨

Бид эрч хүчтэй, мэдлэг боловсролтой, шаргуу хөдөлмөрлөж, тасралтгүй хөгжиж буй өөдрөг залуу судлаачдаараа бахархаж, дэмжин ажилладаг. Тэд бол шинжлэх ухааны ирээдүйг тодорхойлох их эрдэмтдийн залгамж халаа юм.

👉 Та бүхэн хийж түгээгээрэй. Баярлалаа 🙏

Khurelbaatar Luvsan
Lkhaasuren Ryenchindorj

fans

#Монос35
#Монос

05/09/2025

Эм Судлалын Хүрээлэн Drug Research Institute-ийн Фармакологийн секторын Эрдэм шинжилгээний дэд ажилтан Р.Мөнх-Эрдэнэ TACRIM-2025 Олон улсын эрдэм шинжилгээний хурал “Шилдэг аман илтгэл”-ээр шалгарсанд хамт олны зүгээс халуун баяр хүргэе👏👏👏

Мөн тус хуралд Фармакологийн секторын эрхлэгч, доктор Б.Оюунчимэг аман илтгэл хэлэлцүүлж амжилттай оролцлоо.

Translational and clinical research in Mongolia-2025 (TACRIM-2025) олон улсын хурал гурав дах жилдээ зохион байгуулагдсан билээ.

Монгол улсын Эдийн засаг, хөгжлийн яам, Эрүүл мэндийн яамны дэмжлэгээр Академич Т.Шагдарсүрэнгийн нэрэмжит Анагаах ухааны хүрээлэнгийн хамт олон 2025 оны 06 дугаар сарын 27-28-ний өдөр “Translational and clinical research in Mongolia-2025” (TACRIM-2025) олон улсын хурлыг “Cardovascular and metabolic diseases” сэдвийн дор амжилттай зохион байгууллаа. Манай хамт олны санаачилсан “дамжин нэвтрүүлэх судалгаа” (translational research)-ны зүрх, судас, бодисын солилцооны салбарын эрдэмтдийн сүүлийн үеийн судалгааны үр дүнгээс хэлэлцүүлдэг ээлжит хуралд Австрали, Сингапур, Тайвань, Өмнөд Солонгос, БНХАУ, ОХУ, Монголын тэргүүлэх эрдэмтэд хүрэлцэн ирж оролцлоо.

Хурлын эхний өдөр 2025.06.27-нд хепатитын вирусийн шалтгаант элэгний үрэвслийн чиглэлээр Монгол-Тайваний хамтарсан симпозиум, “Collaboration Meeting” сэдэвт уулзалт, хоёрдахь өдөр 2025.06.28-нд олон улсын эрдэм шинжилгээний хурал ЭМЯ-ны Б хурлын зааланд зохион байгуулагдаж, орчин үеийн анагаах ухааны тулгамдсан асуудал, тэдгээрийн шийдэл, ололтын талаар 7 улсын 14 зочин профессорууд лекц уншин, бид бүгдэд шинэ мэдлэг, шинэ санаа төрүүлж, хамтын ажиллагааны боломжуудыг хэлэлцлээ.

Мөн эрдэм шинжилгээний хурлын “Шилдэг аман илтгэл”: С.Энхтунгалаг, Ж.Буяндэлгэр, Р.Мөнх-Эрдэнэ нар шалгарч 700,000 төгрөгөөр тус тус, “Шилдэг ханын илтгэл”: Б.Бат-Эрдэнэ, Ө.Уранбилэг, Х.Баярмаа нар шалгарч 300,000 төгрөгөөр тус тус шагнагдлаа.

Шинжлэх ухааны академийн хүрээлэнгүүд, Анагаахын шинжлэх ухааны их сургуулиуд, эмнэлэг, эрүүл мэндийн төвүүдийн нийт 100 гаруй судлаач, эмч эмнэлгийн мэргэжилтнүүд оролцож, шилдэг 10 аман илтгэл, 18 ханын илтгэл хэлэлцэгдсэн. Хурлын хүрээнд "Клиникийн лекц" сэтгүүлийн тусгай дугаар хэвлэгдсэн бөгөөд илтгэлийн хураангуй гарч, эмч мэргэжилтнүүдэд 1 кредит багц цаг, 2 илтгэгч азтан болж Cherokee брендийн халад, хослолын эзэн боллоо.

Хурлыг хамтран зохион байгуулсан ЭЗХЯ, ЭМЯ болон ивээн тэтгэгч Мед Монгол ХХК, БНСУ-ын Mediver компани, Нинжин хүүхэд, дотрын эмнэлэг, Гарааны дерма лаб компани нарт гүн талархал илэрхийлье.

Түүнчлэн мэргэжлийн симпозиум, сургалт, эрдэм шинжилгээний хуралд оролцогч нар, илтгэл хэлэлцүүлсэн зочин илтгэгч, судлаач, хурлын дарга нар, шүүгч болон оролцогч нартаа талархал илэрхийлье. Та бүхэнд эрдмийн өндөр амжилтыг хүсэн ерөөе!

Lkhaasuren Ryenchindorj
@Мөнх-Эрдэнэ’Р

04/09/2025

💚Моносчуудын бахархалт бүтээн байгуулалт💚

ЭМТ УРГАМЛЫН БОТАНИК ЦЭЦЭРЛЭГ

Эмт Ургамлын Ботаник Цэцэрлэг (ЭУБЦ) нь Монос Группийн үүсгэн байгуулагч, Эм зүйн ухааны доктор, профессор, академич Лувсангийн Хүрэлбаатарын санаачилгаар 2001 онд байгуулагдсан.

***Зорилго, үйл ажиллагааны чиглэл***

📌Монгол орны ховор, ховордсон, байгалиас шууд ашиглах боломжгүй ургамлыг тарималжуулж, генофондыг хадгалан хамгаалах
📌Гол төлөв үндэс болон үндэслэг ишийг эмийн түүхий эдэнд ашигладаг ургамлын нөөцийг сан бүрдүүлэх
📌Эмчилгээний ач холбогдол бүхий гадаадын гаралтай ургамлыг нутагшуулах судалгаа хийх
📌Эмийн үйлдвэрлэлд зориулалттай түүхий эдийн тариалалт хийх

***Хийгдэж буй туршилт судалгаа***

✅Эмт ургамлын тариалах аргачлал боловсруулах
✅Эмт ургамлын цуглуулга, үрийн сан бүрдүүлэх
✅Байгалийн эмт ургамлыг тарималжуулах судалгаа
✅Гадаадын гаралтай эмт ургамлыг нутагшуулах
✅Үйлдвэрлэлийн зориулалтаар эмт ургамал тариалах

ЭУБЦ-тээ тарималжуулсан Монгол хунчир ургамлын үрээр бичив😊

2025.09.04

#Монос #Монос35

Khurelbaatar Luvsan
Lkhaasuren Ryenchindorj
Monos Group - Монос Групп
Эм Судлалын Хүрээлэн Drug Research Institute
Monos Food - Монос Хүнс
Монос Эмийн Үйлдвэр
Монос Косметик
Эм Зүйн Шинжлэх Ухааны Их Сургууль
Монос Эмийн Сан - Monos Pharmacy
emonos.mn
Green Gate International
Inno Hub Accelerator Center
CoreMind LLC
Тимус Фарма - Timus Pharma
Монос Эмийн Үйлдвэр

30/08/2025

2024 оны МОНОС ЦЭЦЭГЛҮҮЛЭГЧ Давжидын Батдорж

💚💚💚Монос Групп Монос Группийн шилдэгийн шилдэг МОНОС ЦЭЦЭГЛҮҮЛЭГЧээр шалгарсан Давжид овогтой БАТДОРЖдоо халуун баяр хүргэе!

💚💚💚Моносыг үрлүүлж, үндэслүүлж, нахиалуулж, цэцэглүүлж, цэнгүүлж явахыг хүсье Батдорж Доржоо 🤗🤗🤗

Давжид овогтой Батдорж нь 2015-2019 онд МУИС-ийн Хэрэглээний шинжлэх ухаан, инженерчлэлийн сургуулийг "Наношинжлэх ухаан инженерчлэл" мэргэжлээр төгссөн, 2019-2021 онд МУИС-д “Байгалийн гаралтай кальцийн нэгдлийг ясны сийрэгжилтийн эсрэг эмийн түүхий эдээр ашиглах боломжийн судалгаа” сэдвээр магистрын зэрэг хамгаалсан.

2019-2021 онд Эм Судлалын Хүрээлэн Drug Research Institute Эм Судлалын Хүрээлэнд Эмийн химийн секторын эрдэм шинжилгээний дадлагажигч ажилтан, 2021 оноос тус хүрээлэнгийн Эмийн химийн секторт эрдэм шинжилгээний дэд ажилтнаар эрдмийн зэрэг цол, мэргэжлийн ур чадвараа дээшлүүлэн өнөөг хүртэл ажиллаж байгаа бөгөөд хамт олондоо нэр хүндтэй, багийн нэг гишүүн байж чаддаг манай туршлагатай, тэргүүний эрдэм шинжилгээний ажилтан юм.

Д.Батдорж нь ажиллах хугацаандаа дотоодын мэргэжлийн сэтгүүлд 8 эрдэм шинжилгээний өгүүлэл хэвлүүлж, олон улсын хуралд 11, дотоодын эрдэм шинжилгээний хуралд 8 илтгэл хэлэлцүүлж, нэг сэдэвт бүтээл 1 хэвлүүлсэн, эмийн Үйлдвэрлэгчийн фармакопейн өгүүлэл 2 батлуулсан, шинэ бүтээлийн 1 оюуны өмчийн патентын хамтран зохиогч, чихрийн шижингийн эсрэг БИБ, түлэнхий болон шархны тос, тайвшруулах үйлдэлтэй эмийн хими, стандартчилал, тогтвортой чанарын судалгааг гүйцэтгэсэн, ерөнхий нэршлийн эм болон биологийн идэвхт бүтээгдэхүүнийг Дэлхийн Эрүүл Мэндийн Байгууллагын удирдамжийн дагуу үйлдвэрлэлд хамтран нэвтрүүлсэн манай хүрээлэнгийн түлхүүр ажилтан, судлаач юм.

Д.Батдорж нь 2024 онд ажлын бүтээмж өндөр, гүйцэтгэл чанартай, цаг ашиглалт сайн, сар бүрийн төлөвлөгөөний гүйцэтгэл 100% байсан бөгөөд тухайн онд хийж бүтээсэн амжилтаас дурьдвал:

√ “Эрүүл Мэндийн Шинжлэх Ухааны Сэтгүүл”; Монголын эм зүй, эм судлал сэтгүүл болон Эм зүй сэтгүүлд “Мана-4 мөхлөг эмийн чанарыг үнэлсэн стандартчиллын судалгааны үр дүн”; “Мана-4 мөхлөг эмэнд инулиний хэмжээг тодорхойлох спектрофотометрийн арга"; "Тарималжуулсан өндөр зоосон цэцэг ургамлын хуурай ханданд агуулагдах зарим биологийн идэвхт бодисын судалгаа"; "Булцуут наранцэцэг ургамлын хатаасан булцууны стандартчилал" болон "Нийлмэл найрлагатай шахмал эм гарган авах технологи боловсруулах, чанарыг үнэлэх асуудалд" зэрэг 5 эрдэм шинжилгээний өгүүллийг нийтлүүлэхэд нэгдүгээр болон хамтарсан зохиогчоор онцгой үүрэгтэй оролцсон

√ ХИМИ 2024 Үндэсний эрдэм шинжилгээний хоёрдугаар хурал》-ын ТЭРГҮҮН байранд "Ургамлын гаралтай тайвшруулах үйлдэлтэй бэлдмэлийн технологи, үйлчлэгч бодисуудын агууламж" сэдэвт хамтарсан илтгэл нь шалгарсан.

√ 《Nano tech ICMSN-2024》 Олон улсын материал судлал, нанотехнологийн эрдэм шинжилгээний хуралд “Double hits with bioactive nanozyme based on cobalt-doped nanoglass for acute and diabetic wound therapies through anti-inflammatory and pro-angiogenic functions” ханан илтгэлээр шалгарч хэлэлцүүлсэн.

√ 《Research Innovation-2024》Олон улсын эрдэм шинжилгээний хуралд 3 эрдэм шинжилгээний илтгэлийг ханан болон хэвлэмэл байдлаар нэгдүгээр зохиогч болон хамтарсан зохиогчоор хэлэлцүүлсэн.

√《Эрдмийн түлхүүр 2024》 эрдэм шинжилгээний хуралд “Дөрвөлсөн мүгэз ургамлын хуурай ханданд салидрозидын агууламж тодорхойлсон дүнгээс” аман илтгэл хэлэлцүүлсэн.

√ 《Шимшин 6》, 《Диабес》 , 《Төмөрийн талх 7》, 《Рашаан 5》 зэрэг эмийн болон эдгээр эмэнд орж байгаа ургамал, эрдсийн түүхий эдийн стандартчиллын судалгаа болон зарим эм, түүхий эдийн шинжилгээний аргыг баталгаажилт хийсэн.

Түүнчлэн 3 үйлчлэгч нэгдэлтэй шахмал, мөхлөг эмийн хэлбэртэй 2 женерик эмийн стандартчиллын судалгааг хийж туршилт судалгааны шатыг үр дүнтэй ахиулж ажилласан зэрэг олон олон амжилтыг гаргасан.

Эрдэм судлалын нь ажилд өндрөөс өндөр амжилт хүсэн ерөөе!
👏👏👏

29/08/2025

Бид лабораторидоо 𝟰 дэх 𝗛𝗣𝗟𝗖-ээрээ АНУ-ын 𝗪𝗮𝘁𝗲𝗿𝘀 𝗖𝗼𝗿𝗽𝗼𝗿𝗮𝘁𝗶𝗼𝗻-ий хамгийн сүүлийн үеийн 𝗨𝗛𝗣𝗟𝗖 (𝘂𝗹𝘁𝗿𝗮 𝗵𝗶𝗴𝗵 𝗽𝗲𝗿𝗳𝗼𝗿𝗺𝗮𝗻𝗰𝗲 𝗹𝗶𝗾𝘂𝗶𝗱 𝗰𝗵𝗿𝗼𝗺𝗮𝘁𝗼𝗴𝗿𝗮𝗽𝗵𝘆)-г сонгон суурилууллаа.

Waters-н HPLC нь дэлхийн зах зээлийн 40 хувийг эзэлдэг бөгөөд HPLC багажийн хувьд дэлхийд нэгдүгээрт эрэмбэлэгддэг.
UHPLC нь уламжлалт HPLC-с хурдан, нарийвчлалтай, хэмнэлттэй, өндөр даралт даах чадвартай тул эмийн шинжилгээнд илүү үр ашигтай шийдэл болдог. Мөн маш жижиг хэсэг бүхий бөөмтэй багана ашигласнаар төстэй бүтэцтэй бодисуудыг маш сайн ялгаж харуулдаг. Задралын бүтээгдэхүүн болон хольцыг илүү мэдрэмтгий илрүүлэх боломжтой.
Уг багажийг эмийн шинжилгээнд нэвтрүүлснээр маш олон давуу талтай
1. Өндөр нарийвчлал, мэдрэмж
Эмийн идэвхтэй бодис (API), задралын бүтээгдэхүүн, хольцын маш бага агууламжийг илрүүлэх боломжтой.
2. Найдвартай чанарын хяналт
Бэлдмэлийн найрлага тогтвортой байгаа эсэхийг баталгаажуулж, олон улсын GMP болон FDA стандартын шаардлагыг хангадаг.
3. Хурдтай ба үр ашигтай ялгалт
Хоорондоо төстэй бүтэцтэй бодисуудыг богино хугацаанд нарийн ялгаж чаддаг.
4. Олон талт хэрэглээ
Түүхий эдийн чанарын хяналт, завсрын бүтээгдэхүүн, эцсийн эмийн бэлдмэл, задралын судалгаа, тогтворжилтын шинжилгээнд өргөн ашиглагдана.
5. Тоон ба чанарын нарийн үнэлгээ
Найрлага дахь бодисын хэмжээг тоон хэлбэрээр үнэн зөв тодорхойлох боломжтой. 6. Программ хангамжийн давуу тал
Waters-ийн Empower программ нь өгөгдөл боловсруулах, хадгалах, тайлагнах процессыг автоматжуулж, хүний алдаа гарах эрсдэлийг багасгадаг.
Тоног төхөөрөмжийг нийлүүлсэн ХАСТӨР САЙНТИФИК ХХК-ийн хамт олонд баярлалаа

Монос Эмийн Үйлдвэр

01/07/2025

"ЭМ ЗҮЙ” БАКАЛАВР–МАГИСТРЫН НЭГДМЭЛ АГУУЛГАТАЙ ХӨТӨЛБӨРИЙН АНХНЫ ТӨГСӨГЧИЙН СЭТГЭГДЭЛ

ЭЗШУИС-ийн 2024–2025 оны хичээлийн жилийн төгсөх дамжааны 220 оюутнаас сургалт, судалгааны амжилтаараа манлайлсан шилдэг 18 оюутан “Бакалавр–Магистрын нэгдмэл агуулгатай хөтөлбөр”-өөр амжилттай суралцаж, төгсөлтийн шатанд хүрээд байна.

Тус хөтөлбөр нь “Дээд боловсролын тухай” хуулийн шинэчлэлийн хүрээнд хэрэгжиж буй бөгөөд ЭЗШУИС энэ шинэчлэлийг эм зүйн боловсролын салбартаа анхлан хэрэгжүүлсэн онцлогтой. Ингэснээр олон улсад өрсөлдөхүйц, судалгааны чадамжтай, мэргэшсэн эм зүйчдийг ахисан түвшинд тасралтгүй бэлтгэх нэгдмэл тогтолцоог бүрдүүлж, хэрэгжүүлж буй юм.

Шилдэг оюутнууд энэхүү хөтөлбөрөөр дамжуулан судалгааны арга зүй, лабораторийн дадлага, эмийн зохистой хэрэглээ болон шинэ эмийн хөгжүүлэлт зэрэг олон чиглэлээр гүнзгий мэдлэг, ур чадвар эзэмшсэн нь тэдний цаашдын мэргэжлийн карьер, судалгааны ажлын бат бөх үндэс суурь болж байна.

Төгсөгчдөдөө цаашдын эрдмийн замнал, мэргэжлийн амжилтад нь өндрөөс өндөр амжилт хүсье.

Lkhaasuren Ryenchindorj

Эм Судлалын Хүрээлэн Drug Research Institute

09/09/2025

09/09/2025

05/09/2025

05/09/2025

04/09/2025

30/08/2025

29/08/2025

01/07/2025

Address

Opening Hours

Telephone

Website

Alerts

Contact The Practice

Shortcuts

Share

Category

Monday	08:30 - 17:30
Tuesday	05:30 - 08:30
Wednesday	08:30 - 17:30
Thursday	08:30 - 17:30
Friday	08:30 - 17:30