30/04/2024
Доржпалам-Очир-Эрдэнэ-АЛМАЗ-Diamond
Алмаз нь хамгийн сүүлийн үеийн техник технологийн түүхий эд болж байгаа ч ямар ч цаг үед тансаг гоёл чимэглэлийн топ 1-т орсон хэвээр байна.
Байгалийн цэвэр тунгалаг алмазыг хамгийн үнэтэй чулуу гэдгийг хүн бүхэн мэдэх ч, ач тус, сөрөг үр нөлөөг нь тэр бүр сайн мэдэхгүй байх талтай.
Очир-Эрдэнийн чулуу нь зүүсэн хүндээ хайр, аз, амжилтыг татах чадвартай, шийдвэр гаргалт, бүтээлч байдал, эерэг мэдрэмжийг нэмэгдүүлж, мэдрэлийн ядаргаа тайлдаг ба тэсвэр тэвчээр хүч чадлыг танд авчрах болно.
Эзнийхээ хайр, романтик харилцааг гүнзгийрүүлж, мэдрэмж таашаалыг нэмэгдүүлнэ, арьс, зүрх, тархи, бөөрний үйл ажиллагааг сайжруулна. Хэрэв та ер бусын зүйл, сөрөг энергиэс айдаг бол сэтгэлийг тань тайвшруулж, дотоод амар амгаланг авчирахад туслана.
Аура, бие системийг цэвэрлэж, нэгдсэн бүхэл цул болгоход туслах ба сүнслэгийн мэдлэг-аз жаргалыг мэдрэх, урам зоригийг өгөх болно.
Энэ эрдэнийг олон хүнтэй харьцдаг хүмүүс зүүхэд тохиромжтой байдаг гэнэ: хаадууд, төрийн түшээд, генерал офицерууд, улс төрчид гэх мэт.
Гэхдээ бүх хүмүүст тохиромжтой гэсэн үг биш зүүсэн хүн Та эгогоо маш сайн дарах ёстой.
Учир нь доржпалам нь дэндүү хүчтэй, хатуу чулуу учраас хэр баргийн хүнд “хүнддэг” байна.
Ямар ч байсан энэ эрдэнийг өөрөө өөртөө худалдаж авах, хулгайлах зэргийг цээрлэх хэрэгтэй. Учир нь ийм доржпалам бүх сайн чанараа гээхээс гадна зүүсэн эзнийхээ амь насанд ч цөвтэй гэнэ.
Бэлгэнд, эсвэл өв залгамжилж авбал аюул багатай. Хэрэв чулуунд толбо, цав мэтийн ямар нэгэн сэв суусан бол ийм чулуу танд зөвхөн муу зүйлсийг л авчирах болно.
Алмаз нь хамгийн их гэрэлтэгч чанараараа нар сарны дараа 3-т ордог Сугар гарагийн захирдаг чулуу бөгөөд аз жаргал, хөгжил цэцэглэлт, чинээлэг, тансаг бүхнийг хариуцдаг, үзэсгэлэнтэй эрдэнийн чулуу юм юм.
Өрнийн улс орнуудад алмазыг тансаг гоёл, сүйн болон хуримын бөгж болгон байнга зүүж хэрэглэдэг байхад Дорнын ард түмэн очир алмазыг их хатуу чулуунд тооцож, өргөн дэлгэр хэрэглэхээс татгалзаж иржээ.
Иймээс өрнө дорнын ард түмний уламжлал, хэрэглээнд зарим нэг ялгаатай талууд байдаг.
Эрдэнийн чулууны мэргэжилтэнгүүд болон ведийн зурхайд алмаз нь хүн бүрт тохирдоггүй, сайн эсвэл муу нөлөөг үзүүлж байдаг гэж үздэг.
Иймээс алмаз зүүхээсээ өмнө түүний талаар зарим зүйлийг мэдэх нь маш чухал юм. ҮҮнд:
- Сугар гарагийн захирдаг алмаз чулууг зөв эдлэж хэрглэвэл асар их баялаг, боломжийг танд олгодог. Харин таарамжгүй нэгэнд нь амьдралыг нь доройтуулагч, “бурхад”-ын уур хилэнгийн дуудлага байх болно.
Алмазын тунгалагшил, хатуулаг, өнгө, хэмжээнээс хамаарч үйлчлэл нөлөө нь янз бүр байх ба ордуудын хувьд, хүн бүрт өөр өөрөөр нөлөөлнө.
Жн нь: ***хонины ордын хувьд: Өрнийн зурхайгаар энэ ордны ээлтэй чулуу алмаз гэдэг боловч Ведийн зурхайд гал цогтой оргилуун, урам зориг, хүсэл тэмүүлэл дүүрэн хүчирхэг хониныхны “догшин сүр хүчтэй” дотоод хүчийг сулруулж даруу, ноомой болгох магадлалтай тул зүүхээс татгалзах хэрэгтэй гэжээ.
Хэрэв тухайн хүн эдлэж хэрэглэхийг ихэд хүсэж байвал Сугарын Махадаша үеүүдийн ээлтэй өдрүүдэд зүүж болох юм байна.
***ХИЛЭНЦ: Хилэнцийн ордны эзэн нь Ангараг гараг юм. Ангараг, Сугар гараг туйлын дайсагналтай. Тиймээс энэ ордны хүмүүс алмаз зүүхээс татгалзах хэрэгтэй.
*** ХУМХ: Сугар бол Хумхын ордоны хувь заяанд маш сайн нөлөөтэй гариг гэж тооцогддог тул ажил бизнес, амьдралд нь амжилт, хөгжил цэцэглэлтэд хурдасгуурын үүрэг гүйцэтгэдэг.
Хумхийн хүмүүс очир алмааз эдэлж хэрэглэдэг бол дэлхийн бүхий л хөгжил дэвшлийг олох боломжийг хүртэх азтай.
За ингээд цааш нь бичвэл зурхай судлаач болох гээд байна ккк.
Энгийнээр АЛМАЗ зүүж эхэлсний дараа танд дараах өөрчлөлтүүд танд гарч байвал тохирохгүй байна гэсэн үг юм.
-Хайртай дотны хүмүүстэйгээ болон гэр бүлийн асуудалтай болох
-Тайван бус байдал, стресс, нойртой холбоотой асуудлууд
-Ганцаардах, зожигрох
-Азгүйтэл, бүтэлгүйтэл
-Их хэмжээний өр, саад бэрхшээл
-Эд хөрөнгөө алдах, уналтанд орох
-Ядарч сульдах, эрүүл мэндтэй холбоотой асуудлууд үүсэх,
-Царай цонхийх, дааврын тэнцвэргүй байдал
-Чихрийн шижинтэй хүмүүсийн сахарын хэмжээ нэмэгдэх
- Маш их хүч хөдөлмөр зарцуулж үр дүнд хүрэх
АЛМАЗЫН СОНГОЛТ:
Алмаз тохиромжгүй болон худалдаж авах боломжгүй хүмүүс синтетик аргаар гаргаж авсан алмаз зүүж болно. Тэд Очир-Эрдэнээс үнэ бага ч мөн үр нөлөөлөл ч сул гэсэн үг.
Эсвэл цагаан молор, циркон эсвэл цагаан трумалин, цагаан болорыг цалин цагаан мөнгөн дээр шигтгэж зүүж болно.
