16/12/2023
Гадаа -30 градустай, жинхэнэ жавар тачигнаж байна. Одоо л градус жаал зөөлрөх шинжтэй.
Зам бол жинхэнэ мөсөн гулгуур болсон шүү. Шөнө болгон нимгэн цас нэмж ороод хялмаатай байгаа.
Давс, цас арилгана гэдгийг нийслэлчүүд бүр мартсан шдээ. Хаа нэг газар цацаж л байгаа байх гэж итгэхээс..
Таны машин дугуй муутай, шатахуун багатай, онцын ажилгүй бол гараад хэрэггүй шүү.
Үнэхээр гарахаа хүрвэл гулгаанд хэрэг болж магадгүй хэдэн зөвлөгөө:
1. Дугуйнуудынхаа хийг жаахан суллавал гулгах нь багасна.
2. Машиндаа хүнд зүйл ачвал гулгах нь багасна. Жинг үржих нь үрэлтийн хүч тэгээд зогсох зай гээд физикийн томъёо 10 жилдээ үздэг байсан даа. Тэр чинь..
3. Машиндаа гар өргөсөн хүмүүс суулгавал жинг нэмэх бас сайн арга.
4. Хаазаа зөөлхөн өгч, тоормосоо ч зөөлхөн өгнө. Хүчтэй хаазалвал дугуй хий эргэж, замыг улам гөлгөр болгохын л нэмэр.
5. Зуны юмуу бүх улирлын дугуйтай хүмүүс ерөөсөө гарах хэрэггүй.
6. Үнэхээр гулгахаа хүрвэл замын бордюр мөргөхийг хичээ. Тэгээд бүр болохгүй бол машины гупер мөргөөрэй. Засах, олдоц нь ч элбэг байдаг. Хаалга, кирло мөргөх дэмий. Машины их бие мөргөж бүр болохгүй. Кузов засвар хийхэд маш хэцүү болдог.
7. Үнэтэй машинуудаас хол яв. Яг урд чинь гялтгар Mercedes Benz явж байвал урдуураа 2-3 машин оруулчих. Төвөг зүгээр. Болдог бол Prius 10, 20-уудтай л зэрэгцээд яв. Тэдний бүх эд анги хямдхан олдоно. Бүр болохгүй бол мөргөсөн машинаа худалдаж аваад, засаад буцаагаад зарчихсан ч болно.
8. Ямар ч тохиолдолд явган хүн мөргөж болохгүй. Энэ бол хууль. Үүний оронд байшин мөргөөрэй.
9. За тэгээд ийм гулгаатай үед 30 км/цаг дотор явсан нь л өлзийтэй дөө. Юм мөргөсөн ч хохирол багатай байдаг. 40 км/цагаас дээшлээд ирэхээр л байдал өөр болно.
10. Машинд хэд хэдэн жолоо барьдаг хүн байвал арай туршлагатай нь бариад яваарай.
11. Даатгал, бичиг баримтаа нэг шалгачихаарай. Хугацаа нь дууссан энээ тэрээ байх вий. Юм мөргөсөн ч эрсдэлээ тооцож байхад гэмгүй.
12. Хэрвээ танд машины камер байдаг бол заавал ажиллуулаад яваарай.
13. Гар утсаа дүүрэн цэнэгтэй байлгаж, гар дороо бэлэн байлгана. Мөргөлдсөний дараа бичлэг хийж, үйл явцыг баримтжуулах нь ихэнх тохиолдолд хэрэг болдог.
14. Энэ айхтар хүйтэнд ослын хэрэгслүүд бүгд хэрэг болж магадгүй. Дулаан хувцас, дулаан бүтээлэг, дулаан бээлий, халуун устай сав, ослын гурвалжин, гар чийдэн, аккумулятор холбогч, дугуй хийлэгч компрессор, эмийн сан гээд юм хум байдаг бол заавал аваад гараарай.
;-)