12/04/2026
Өөрт заяасан нүүр царайгаа өөрөөр нь арчилж тордох хүсэлтэй хүсдэг бүсгүйчүүддээ зориулж арьсандаа зориулж уураг хэрэглэж байгаа өөрийн мэдрэмжээ бичье.
Би ер нь олон зүйлд сэтгэлээ цацаж чаддаггүй нэг судалж итгэсэн юмандаа үнэнч тэрнийхээ хэргийг гаргаж эцсийг нь үздэг нэг тийм зуунги гэхүү залхуу гэх үү зантай.
Анх өөртөө зориулж бүр хятад явж арьсандаа уураг цацуулж байлаа. Үрчлээгүй ч цаанаасаа ядруу туниа муутай сул арьсаа гуашагаар, нүүрний йогагаар аваад явдаг байсан надад яаг ийм арьсийг минь тэжээх ямар нэг зүйл дутагддаг байсан болохоор шууд л хэрэглэсэн, хэдхэн хоногт арьс минь чангарсан, өргөгдсөн, тэжээл аваад улам өнгө зүс орж байгааг мэдэрсэн… таалагдсан.
2024-оноос алдаг оног хэрэглээд л байсан… Харин сүүлийн 3 сар яг курсээр нь буюу 15-20 хоногийн зайтайгаар уургаар арьсаа тэжээж байна. Алдаг оног хэрэглэснээс өөр байна шүү!
Саяхан йогийн дараах шавасана дээрээ, дээшээ хараад хэвтэхэд хойшоо чихрүү нүүж орж ирдэг том хацраа алга болсныг мэдлээ… Даанч нодлингоос хойш 7 кг нэмчихээд байхад л хүмүүс турчихсан байна гээд байсан юм аа😍. Хацар ч хэвээрээ л дээ😜, арьс нь чангарсан юм байна гэж дүгнэсэн.
Хүмүүс ч гэсэн санаанд багтамгүй гоё болцгоож байна ээ.
Би ч угаасаа азтай хүн л дээ. Надад хэрэгтэй үед бүр хэрэг болоод байгааг нь ч анзаарч мэдээгүй байх үед сайхан хүмүүс, сайн сайхан зүйлс/учралууд өөрсдөө л хүрээд ирдэг юм. Гоё байх дуртай, тэгснээ өвдөлтийг тэвчдэггүй надад (над шиг бүсгүйчүүдэд бас) зориулаад л нүүрний йог, гуаша одоо арьс тэжээж уургийн алдагдлыг зүүгүйгээр өвдөлтгүйгээр нөхдөг уураг бий болсон гэж боддог болсон доо.
Одоо уургаа дахиад 1, 2 сар яг хугацаагаар нь хэрэглээд цаашид барих маягаар хэрэгтэй шаардлагатай үедээ хэрэглээд арьсныхаа уян хатан залуу байдлыг хадгалаад явах бодолтой байна. Яг л нүүрний йог болон гуашагаа шаардлагатай үедээ хийдэг шиг!
#уураг
#гуашамассаж
#нүүрниййог
#удаангооүзэсгэлэн
#маргаашөнөөдрөөсзалуу
